بارت ثالث
الوفاء بزمن الرذيله
#انين_الرووح
عمار .ها نور شكالت الدكتوره
زيد .يمعوده احجي مو جمدت كلوبنه
ههههههه الحمدلله الغده سليمه مو سامه وما احتاج العمليه
حضني عمار كدام الناس وزيد باسني وتحمدلي عالسلامه
طلعنه اخذنه عمار المثلجات الفقمه وكانت كعده حلوه
بعدها رجعنه للبيت وكعدت حجيت الامي
ماما ...ولج هاي صدك تحجين وانتي كل هالوقت ضامه عليه ومتحجين شي
يوم اعرفج بس احجي راح اظلين تاكلين راسي ع روحي وحللي ومن هالسوالف ويصير عندي توتر وخوف من الموضوع
بي هسه الحمدلله مابيه شي طلعت حميده وراح اتروح بالعلاج ف ليظل بالج
يله عمار فدوه اربد ارجع للبيت لان تعبت حيل
يله كومي
اخذنه الجهال ورجعنه البيتنه كانت حدود الساعه ١١ باليل
نومتهم اثنينهم بأسرتهم
عمار ..نور بلكي فنجان كهوه
شنووو كهوه بهاليل هذا اشبي حاس ابشي
اي والله لازمتني دوخه ساطره راسي وعندي قضيه مدوختني يرادلها دراسه وتفكير
ان شالله حبيبي تعرف اتحلها انت محامي شاطر ميصعب عليك شي
كمت سويت كهوه العمار خليتها عالميز وتركته الوحده ابمكتبه
دخلت الغرفتي سبحت وطلعت حضرت نفسي ولبست ثوب مال نوم وتمددت عالسرير
اشويه كلبت بالتلفون
عالفاير لكيت رقم غريب دازلي رساله
وكاتب اني ريا
ريا مراسلتني اتفاجاءت 😒😒😒
هاي شذكرها بيه ومنين اخذت رقمي وشرايده مراسلتني هسه
ظليت افكر بيها بس مجاوبتها
النوب طارت نومه عيوني
باوعت عالساعه بالوحده اله ربع
كمت من افراشي لان بزعت بس اتكلب ابمكاني
طلعت ورحت العمار
فتحت الباب
😐😐😕هاي شنو بعدج منايمه اشعجب
ما اعرف طارت نومه عيوني وبعد مجالي نوم
اكيد عندج فد سالفه ادور في راسج
تعالي احجيلي اشبيج اكيد اكو شي مدوخج
لا والله بسسسسس
اي بس شنو ...؟
رحت عليه وفريت نفسي من مكتبه
وهو ابتعد اشويه عن المكتب
وجان اكعد بحضنه وخليت يدي ع ركبته
اللللللللللللله شنو هالعطر الخالته
وبحلكه سحب شريط الروب ونفتح
صار صدري كله بوجهه
وخله وجهه ابنص صدري ويده وحده لازم بيها خصري والثانيه لازم ايدي
هاي اسويت عمار
اشششششش حبيبي ...المايشم صدر حبيبه يموت مخنوك
ههههههههه مجنون انت
وبده يتحارش اكثر ويبوس ويشم بشعري وركبتي ونزل ع صدري
وجان يكوم وهو شايلني بحضنه
طبعا مكتلكم اني قصيره طولي ١٦٠ وهو طويل ومتروس طوله ١٨٠
من شالني خليت رجلي ع وركه ويدي لفيتها ع ركبته
وضل هو طامس راسه بصدري ويشم ويصيح
الللله ياريحه الاحبهم ويمشي
ماخذني ...؟
العشنه حبيبي
عمار انت فعلا اتحبني
اني مو بس احبج اني هايم بيج
صدك بغداد حلوة وأنت......بيها
وصرت للروح أمها وأنت...أبيها
الدنيا اشلون أملها وأنت...بيها
وأعيش بقهر لو تغيب عليه...
فدووووه الكلبك حبيبي
طبعا ما اخذني الغرفتنه رحنه للهول لان كلي خاف الجهال يحسون واني ذايب بيج وماريد احد يقاطعني
وجانت ليله ولا الف ليله وليله
اتفاعلت وياه بكل حب فعلا وهبتله كل حياتي وعمري وجسمي لان يستحقهن
من يوم الي ازوجنه لليوم ممضوجني ولا غاثني بحجايه وحده
حتى طلاكي من محمد وعذريتي ما سئلني عنها ابد
نواره اكو شي شو احسج دايخه اتفكرين
الصدك مح_________اااا عمار
اكلج شغله ومزعلين
اي كول
اني بديت اغار
🙄🙄🙄🙄 اتغار .....من شنو اتغار ...؟
من طليقج
اليوم هواي ذكرتي اسمه وكل اشويه تغلطين ابأسمي
ليش اغلط بسمك مو انت اسمك الحقيقي محمد
اي بس انتي اتفقتي ويايه من بدايت زواجنه متصيحيلي محمد حتى غيرتي اسمي وصرت
عمار حتى ماتذكرين طليقج لانه نفس اسمي
عمار حبيبي والله اعذرني
لانواره ع شنو اعذرج بس كتلج اني بديت اغار
لا حبيبي لتغار ابد اني ما ابدلك بكنوز الدنيا ولا بألف رجال
انت عندي تسوه العالم كله والف واحد ميغريني
عمار انت اصنعتلي حياه ثانيه اني قبلك جنت ميته وحياتي معدومه
نواره انتي ليش اليوم ذكرتي اسمه هواي
لان صار موقف اكبالي وذكرت حالي
من جنت اجي للمستشفى ودفع بيدي عربانته وهو كاعد
وشلون جنت اخاف عليه من الهوه
اليوم نفس الموقف انعاد هم ابنبه جاي تدفع عربانت ولد شاب كاعد وتشوفها هي صغيره كوه تدفع بيها وتمشي
اووووووف ياعمار شكد عانيت وحدي وشكد حملت ع اكتافي ثوب مجان ع مقاسي ابد
بس الحمدلله تاليها الله عوضني بيك وكان احلى عوض انت وجهالي
نور كملي قصتج ماطولنه كاعدين
ههههههه شعجب اتربد تعرف قصتي انت ابد مفد يوم سائلني عن حياتي السابقه
اعرف بس صار عندي فضول اعرف حياتج وطليقج
اتعرفين احنه الشرقيين وبالاخص الرجل الشرقي يحب يعرف كلشي عن حياه زوجته
واني جنت اريد اسئلج بس اجاهل مرات واكول خطيه ماريد اكلب عليج مواجع مرت عليج وصار اسنين يمكن اتحاولين تنسيها
زين وهسه شنو الي ذكرك وخلاك ترجع تفتح المواضيع الي انغلقت اشمعنه هسه
احجيلي بالاول انتي قصتج
واني اكلج سبب سؤالي عن حياتج
بس اني ماحب اذكر قصتي
نور الخاطري احجي ولاتسكتين كلشي كولي ابد لضمين شي عليه ابد
اوووووف امري لله راح احجي بس مو اضوج بعدين انت
لا ما اضوج بس كلشي
احجي اخر مره اذكر من كلتي هو اتحرش بيج بالغرفه
واخته بالحظه الاخيره فاتت وشافتكم
اي صح بعدها اني كتلك ردت اسوي حادث والله ستر
ظليت اليل كله ابجي ومقهوره وذكر الموقف ف كمت غلقت تلفوني وتقريبا اسبوع كامل مداومت بالكليه
وما اعرف اي خبر عن محمد.
كل الي اعرفه اريد انساه وطلعه من بالي
طبعا اهلي جانوا مستغربين ع وضعي لان ما اداوم واخوتي يسئلون ع تلفوني مغلق
جنت اتحجج بالامتحانات عود ماريد التهي واريد اطلع معدل حتى اكمل ماجستير
وبيوم كاعده مجطوله ابغرفتي ندكت الباب
ولج ادخللللللل
اني استغربت هاي صوت رياااا معقوله
كمت افتحت الباب وفعلا جانت رياااا بوجهي 😲😲😲😲
لا مستحيل ولج انتي مو عروسه شجابج
هسه ادخل لو اضل بالباب واكفه واحجي
نسيت من دهشتي حتى ما سلمت عليها
بعدها احذتها بالحضن وبوستها وباركتلها
دخلي دخلي مخبله
بله اكو هيج وحده مخبله انتي مو عروسه شلون تجيلي
دنجبي عاد خلي اححيلج شلون اجيت
تره للعلم زوجي جوه كاعد ويه امج
صدك تحجين خرب ..خل ننزل نسلم
معليج منه تعاي احجيلي انتي ليش ماكو شو لا تلفون ولا دوام
وانتي شمدريج
محمد كلي رايحلج لجامعه وسائل عليج والطلاب كايليله ممداومه
وانتي غالقه تلفونج
ف ظل باله عليج وهو اصلا دزني هسه عليج
صدك تحجين ليش هو هيج هامه امري يعني
ليش شكو ابينكم احجيلي نور
والله يا ريا اسئلي اخوج هو مو ميضم عنج شي وكلشي يحجيلج خلي يسولفلج الصار
اهووووو عاد انتي شكد تعقدين الامور انتي لو غيرج من كلتي ماحب العلاقات اليريدني يدك بابي
المهم خلي احجيلج اني جنت طالعه
اني ورضاوي اجيب دوه لان صايره عندي كحه قويه من رحت لربيل والحد الان
وجع هو انتي البارحه رجعتي مو ...؟
اي حبي اني حيل اشكرج ع هاي السفره الحلوه طبعا الشركه الحجزتي بيها اجنن
والله فرونه كل اربيل وخذونه مناطق صدك متنوصف من الجمال ويمكن اخذونه شقلاوه ومدري شنو
اي حبي هاي شركه اخويه سيف هو كتله عليج وحجزلي الج مقعدين
والله اني حيل اشكرج ماقصرتي لا انتي ولا اخوج
فعلا سفره من العمر ومتنسي
بس عوبه مكتيلي ليش غالقه تلفونج وغايبه صار اسبوع
كتلج اسئلي اخوج
يعني السبب اخويه اوك ع راحتج لتحجين شي اول وتالي اعرف منج منه راح اعرف
نزلنه سلمت ع رضا زوج ريا اشويه كعدو وراحوا
وبعدها راحت
ماما ان شالله باجر اداوم
هااا هاي لان جتي صديقتج راح اداومين
اي ماما ع واهسها حداوم
اتعشينه وكملنه لميت الماعين غسلتهم وضبيت المطبخ وبعدها صعدت غرفتي
حصرت ملابسي
وكعدت ع سريري طلعت تلفوني وفتحته
وفعلت النت
وجتلي رسائل كومه من صديقاتي ومن محمد حيل هوايه ومكالمات بالخمسين مكالمه
من بين الرسائل مال محمد وحده فعلا ضحكتني
كاتبلي
نور وعيونج اني مخبل وبدون عقل هسه اذا ما فتحتي تلفونج وجاوبتي ع اتصالي اجي احرك عشيرتج واحد واحد
ودازلي كلمه طويله عود هو معصب عليه
جاااااااااااااااااااااااااااااااوبي راح احرك عشيرتج
ورساله ثانيه جانت حلوه عجبتني كاتب بيها ومسوي حاله ميعرف شنو سبب زعلي منه شكد حلو هالاسلوب
اسلوب التجاهل والنسيان
دورلي عذر صدكني معذور
اخاف اقربلك اني وبتلي بيك
طول اليوم شاغل بالي وياك
حاير من اشوفك ابيش احاجيك
وذا اوكف اكبالك انسه حروفي
ويلف الخجل وجهي لمن الاكيك
وعض شفتي بليل حسره
مشتاك شوكت البيه يصير يعنيك
نهر انت وشحيح مغازلك ليش
شنو نفع النهر من ميرويك
وشنو نفعك وانه بيدك محتاج
وعليه بالعطايه تبخل ادريك
رحيق الورد راوة اطراف الاغصان
ووراقك ترف لمن تغطيك
ذبلت بيدك وصارلي الصار
ولا مره عليه انمدن يديك
ابتسمت ع كلامه شحيح نهري وياك
وانت الي خربت مجراه شكد العوب لعد انت
تلعب ابمشاعر اليحبوك وتكول شعليه بسيطه لشوفك منو نور
ثاني يوم داومت بس ريا ممداومه لان هي اصلا ماخذه اجازه مال عرسها
بس اني داومت كاعده بالقاعه وبنات زميلات جوي سلموا عليه عبالهم بيه شي وهيج غايبه
لظهر تقريبا ساعه ١٢ ماعندي شي
كلت بدون الخط
ابتكسي ارجع للبيت
طلعت عن الجامعه ومشيت لشارع العام وحدي
وصلت لكراج الجامعه الثاني وصدفه اثناء عبرتي الطريق سمعت واحد صاح اسمي
نور...... نور.........
التفتت ع الصوت وشفت سياره ابن عمي عمر
ركن سيارته ونزل عبر الشارع
شلونج نور
هلو عمر شلونك
شنو راجعه للبيت
اي والله شو ماعدنه محاضرات كلت ارجع شعندي باقيه بالجامعه
ترجعين بالخط
لا والله وين الخط بالثنتين يجي
راح ارجع تكسي
اوك لعد امشي ويايه اوصلج للبيت
محمد ..هاي شنو هذا منو وياها 😠😠😠😠
هيج نور اجازيني وبساع بعتيني نسيتي حبي وسنيني لا يا الله
اني هيج اجازه تاليها
بالشارع وكدام الناس واكفه ويه حبيبج وماخفتي مني
بسيطه اني اعلمج والله لكسر راسج وكدامه
نور ..اثناء وكفتنه اني وابن عمي عمر ماشفت غير اجه واحد بظهرنه وكبل فر عمر عليه ولكمه ابوكس ابوجهه
وصوت اعياط وغلط ومسبه
باوعت عالشاب وجان اصك حلكي بيدي 🤭🤭🤭 لا يا الله هذا محمد شجابه وصار مضارب ابين عمر ومحمد
طبعا محمد عبالك اسد وفترس فريسه
رغم عمر مقصر بالرد والضرب
التمت الطلاب والجامعه علينه وامن الجامعه
واني اسحب عمر واعيط
محسيت اله محمد لزم يدي و سحبني وبقوه اله بحيث نضرب حنجي ابكتفه ويعيط عليه
محمد ...شعندج وياه ومنو هذا الحقيرررر
احجي باوعت ع محمد واني متعصبه وعتيت ايدي منه وبقوه وبعيطه كتله
لك هذا ابن عمي انت شلون تضربه وبياه حق
ظليت احجي عليه واني معصبه ومنهاره لان صرت في موقف حيل صعب
كدام الطلبه واني الي بعمري ما مسلمه ع شاب ولا احد يعرفني من دخلت لجامعه هسه واليوم صرت معروفه من قبل الجميع
رد عمر ع محمد شوف لك مره الثانيه ان شفتك قريب ع نور اله رجلك احشه الك حش وراسك اسطره الك
ولزمني عمر ومشينه
طبعا محمد من سمع هالكلام راد يضرب عمر بس الشباب لزموه وكفوه
وكالوا لابن عمي
اخويه اخذ بنت عمك وروح لا تعلك اكثر وصير مراكز وشرطه وسمعه البنيه تضيع ابينكم
خلينه وعفنه محمد ورحنه لسياره صعدنه
ضلينه ساكتين بالطريق بس جانت سياقته سريعه ومعصب
ما ادري شلون اني باوعت ع عمر وهو باوعلي التقت اعيونه سوه
اني ادري عمر من زمان حابني ورايدني
بس اني مجنت انظرله غير نظره اخوتي سيف وزيد
لان هو اصلا عايش وياهم دوم يمنه حتى يبات وينام يم الولد
المهم
عمر حلكك طالع منه دم
سحب اكلنس ومسحه ....
رجع باوع عليه بس نظرته بيها سؤال
احجي عمر ليش ساكت
انتي احجيلي منو هذا
منوه...؟
الي اجه سلم علينه وضحك ابوجهنه غير
اشبيج نور لتغشمين حالج
منو هذا الشاب
ما اعرف ..يمكن طالب بالجامعه
ههههههههههههههه ضحكتيني حلوه هاي مال ما اعرف ويمكن شاب بالجامعه
لان خطيه بس هو شاب والكل بنات بحيث هو الوحده من شافني واكف وياج
حمت عنده الحميه وجالج مووووو حتى يحميج مني
وبعيطه منه بحيث جفلني
نووووووور كتلج منو هذا الشاب وشعنده وياج
عمر كتلك ما اعرفه ليش اتلح
اوك ع راحتج نور لتعرفي بس اني راح اعرفه منو هذا وشرايد منج
عمر عوفه معليك بي لسببلي مشكله بالجامعه عفيه
تره محد يعرفني بالجامعه وماريد احد هسه يعرفني
عوفه معليك بي
اشو اله اعرفه منو وكسر راسه اريد اعرف شرايد هو منج
اهووووو عمر وصار بحلكه موضوع شراح يخلصنه بعد
وانتي ليش خايفه
اني مخايفه بس كتلك ماريد مشاكل عفيه
لتخافين ماكو اي مشكله بس هذا اني خليته براسي ومراح اعوفه اله اعرفه منو هو وشرايد منج
كافي عمر سد الموضوع ويله اطبك خل انزل
طبك يم بابنه ونزلت
اشويه مشيت وصاحني
شنو مراح اتكوليلي ادخل جوه
التفتت عليه باوعتله ورجعت كملت طريقي بدون ما ارد عليه بكلمه لان شكله ادخل
وهو اصلا ميطلع من بيتنه غير بس باليل لو هي مجرد حجه والسلام
شلونج ماما
هلو حبيبتي شعجب من وكت اليوم منو جابج
اجيت ويه عمر صار ابطريقي
ماما ماريد اتغده حروح انام تعبانه ياريت متصحيني
عفتها وصعدت
واول مدخلت الغرفتي طلعت تلفوني طبعا اني مسويته صامت
لان عرفت محمد حيدك عليه
شفته حارك الدنيه حرك رسائل وتصالات
وجان يدك عليه خفت اشيله
بس لازم اجاوبه هذا مخبل وخاف يسوي شي يخليني اندم عليه
📞الووووو
📞سمعي هسه تجين اشوفج براس الفرع واكفلج
📞انت مخبل شكول الاهلي واني توني دخلت للبيت
📞سمعيني اني دا اشوف سياره هذا الحقير واكفه ابابكم قسما بذات الله هسه اذا مجيتي عشيرتج احركها افتهمتي
📞محمد اجل الموضوع
📞اني واكف وراح اعد للعشره وذا مجيتي متسمعين غير رنه جرص بابكم فاهمه ...وسديته
عزه بعينك محمد هسه شكول الامي شنو الحجه اطلعها وهذا التحفه يمنه كاعد
حتى اذا اكول اريد اروح لصيدليه هم هو راح ينط ويكلي اني اوصلج شلون ياربي دبرني فدوه رحتلك
ظليت افر براسي اريد ادبرها حتى اطلع حجه وطلع من البيت لان اعرف محمد مخبل ويسويها والنوب اتصيرلي مشكله بالبيت هماتين
بدلت ونزلت
صحت ماما للمطبخ
اكلج يوم راح اطلع هسه دقايق ورجع
واااا 👶واااا👶وااا👶
عمار يمكن صحت هبه خطيه خلي اكوم اشوفها
اوك حبي خلي انكوم انام ونرتاح بس اريد منج باجر انكمل سالفتنه
ميخالف حبي تدلل
يتبع