#انتقام_وقسوة_محب_ج2
زينب العبودي
#تكملة٢٨و٢٩
اعتذر تأخرت لان ردت ادمجهم حتى تصير اكثر متعه
بارت طويل
كعدت عل جربايه عيوني تصب وامسح بيهن والوم بنفسي احترك كلبي وفرحانه لان هو مو من نصيبي لان محبني لو حبني جان وكف وياي
وراهه سمعت صوت الهلاهل عبت البيت
واني ابجي اجتني هديه كبل فتحت الباب
وكعدت جوه بالكاع يم رجلي
كلبي يمج والله لتبجين يا روحي انت والله ميستاهل دموعج
عوفيني هديه مكاعد اكدر ماابجي
لتبجين قوي نفسج
مااكدر ماابجي من اول ماشبيت وبديت اعرف الانسان يحب حبيته
وهو حقير انت تنطي حب وهو بنفس الوقت يعتبرج ساقطه كالهه اكثر من مره هو مريض نفسي وشكاك الله خلصج منه
اعرف بس مو بيدي
كله من وره هاي عمتج الله ياخذهه ان شاء الله جابتج هنا
روحي نزلي —انفتحت الباب ريام وكعدت يمي وخلت ايدهه على جتفي
ريام/ماادري شكلج والله بس الله لا يوفقهم ولو هيه شعليهه الله لايوفقه لتبجين ميستاهل ولج
حبي ليث ولج
باوعت عليهه واني ابجي
مو هو ساعدج وصدكج حبي
هديه/مو هيه دكمه وتدوسهن وبعدين حتى اذا تحبه شلون تتزوجه ميصير يالفهيمه لان اخو داخل عليهه وممتزوجهه لازم يتزوجهه ويطلكهه يالله
ريام/لا ماكو هيج حجي هو اعتده عليهه
هديه/حرام بابا
ريام/مو حرام عادي
بقيت اباوع عليهن —وهنه يتعاركن منو الصح بيهن
كلتلهن يمعودات هوووو مثل اخويه
وهو يكولي اختي كل ميحجي وياي اني بيا حال وانتن بيا حال
هديه/هو يحجي وياج
اي
ريام/شنو المناسبه
حنين/ابن عمي غير
ريام/صلاح يحجي وياج
هديه/لا والله بس من تتعاركون يدك عليه ويكلي انطيني ريام
ريام/هههههااااا يعني شنو
حنين/واني ابجي ريام اسكتي لا اموتج
هديه/مالج علاقه بحجي ريام لتروح تفكر بي عوفيهه انت حرررام بابا حرام ليث من المحرمين الج فهمتي
حنين/فهممممت اني وين وانتن وين شوكت يخلص العرس واولي شلت موبايلي وريام بصفي اتصلت على مينا كالت عمه تكول نص ساعه ونروح
بقن كاعدات يمي البنات جان ليث يدز رساله صورته كامله ووراهه صوره ثانيه بغير لبس ووراهه رساله
💬عدنه حفلة تخرج باجر شنو رأيج كاعد اشتري بدله ياهيه منهن احلى جاوبي بسرعه لان بالمحل اني
ريام/احم احم احم وتكول يكلي اختي وهيه تكله اخويه هو في ايه على كولة لبنى
هديه/كامت من يم رجلي وكعدت بصفي صرت بنصهن مثل المتهم حاصراتني
اي نعم هو حليوه
واي نعم هو عنده غيره
واي نعم هوسخصيه وبالسين هم
بس محرم ____محررررم
ريام/ياااا واني عبالي رمضان
عوفج من هديه حبي وتوكلي على الله
شتكولين هديه يا هيه احلى اني مااحب النيلي القاط احب الاسود
كليله الاسود الصوره الاولى طالع شخصيه بس كليله ليبتسم هواي لان من يبتسم تروح الهيبه
💬وينج هاي عود كتلج بسرعه محتار وماكو غيرج اخذ رأيه
هديه/ولج ريام نزلي عيب عيالج هوسه وعرس
ريام/وانت بيت عمج نزلي ساعديهم اريد اساعد حنون بالاختيار اني
دزيتله💬اثنينهن حلوات
💬عبالي طكت عليج عبوه
💬ههه لا بس جنت اشوفهن
💬ياهيه
ريام/كتبيله الاسود
💬الاسيود
دزلي 💬🙄
ريام/يا يابه متتت متتتت الاسيود
هديه/عابت حنين
💬اسفه والله قصدي الاسود ماادري منين اجه هذا الياء
💬بس الياء بالقاموس بعيده عن الواو🤔
حنين/رجعت للقاموس
صدك بعيدات من وراجن والله
وكمت من يمهن
ريام/ديلله عيني تره هو مو مهند مملون هو طحين اسمر
هديه/عادي ليش انضغط ماعنده ثقه بنفسه
وانت لج حنين ابعدي عن ليث حرام عليج وانت لج ريام كومي عيب من عيالج
وهديه هم عيب من بيت عمج يلله كومن كل وحده تاخذ اختصاصهه
حنين/نزلن وبقيت احجي ويه ليث شويه وراح
باوعت اني ماعندي شي اتجاهه مجرد اعتبره اخ بس هو ليش يحجيلي عن كلشي يصير بي
قررت بعد مااجاوبه خاف هم طمعان بيه اذا هو قاسم الي يعرفني يعتبرني ساقطه شحال هو الي يعرف اني مو بنيه
شويه ورمشتلي مينه انزل غسلت وجهي ومكيجت خفيف من هديه حتى ميبين ابجي جنت من انزل
نزلت صارت بوجهي العروسه — وويه حظي المصخم دخلو قاسم علمود يزفوهم كامو يهوسوله بره كلش عكست وياي بيومهه
جانت بنيه جمالهه بسيط وهادى كلش حلو وناعمه كل ملامحهه وهيه هم مبينه صغيره
وهيه كوموهه يصعدوهه قبله
اني واكفه واباوع حسيت بهاي اللحظه دخت والدنيا تفتر بيه واني اباوع عليهه بقيت اباوع عليهه وهيه تصعد بايه بايه وراهه هلهلو درت وجهي دخل قاسم
انقبض كلبي حيل باوعت علي وهو باوع عليه باسته امه والنسوان يهلهلن ويكولن كولات اله وهو يبتسم ويباوع عليه بس فجأه حسيت بعيونه حزن
اول مره اللاحظه فجأه تبدل جان طبيعي وتقرب من يمي علمود يصعد الدرج صعد واني اباوع علي من يصعد بايه بايه واكول راح يتقربلهه هسه
حبيبي صار الغيري
بعده ديصعد دار وجهه الي بسرعه خطف باوعلي وكمل صعد جان اصعب شي مر عليه
اختنكت مااحس اكو اوكسجين بعد
اجتي خالتي ام قاسم جرتني كالت تعالي اريدج بشغله اني شنو جنت بس جثه واكفه دخلتني للغرفه وشبكتني وضمتني بصدرهه بجيت بحركه
لتبجين مالج نصيب بي
بجيت بنحيب وهيه تمسح على ظهري
جنت احلم اللبس البدله اله
ام قاسم/يولي ابو خشم اليابس خسر ورده هسه بعدين يعض اصبع الندم مسحت دموعي بيدهه وكالت حنين متبجي ينبجي عليهه
فدوه الكلبج خاله والله احبج اني -يعني انت مزعلانه مني
اني زعلت علمودج مو عليج لان انت بنتي مو بس بت اختي
اجتي مينا كالت يلله عمه تكول
حنين بوست البنات وطلعنه عمه كدامنه واحنه بالطرمه صار صلاح بوجهنه سلم عليه وكال ال مينا
شخبارج مينا
مينا/جاوبته بدون متباوع عليه
الحمدلله يلله حنين امشي شبيج
كاعد اللبس حذائي اوكفي شبيج
لبسته بسرعه وطلعت
ريام/جنت واكفه كبال الباب وشفت صلاح من وكف يمهن احس شبت نار بكلبي كبل رحت عليهم بس ملحكت البنات طلعن ودخل صلاح للكلدور باوعت علي
ريام حبي اكو محبس الشذره مالته سوده جيبي بسرعه
باوعت علي ردت ابجي يمكن
الووو متحجين حبي مااكدر ادخل عيب من النسوان واريد هذا صديق قاسم يعرف بالمحابس يشوفه
شحجيت وياهه شفتك
ويه منو
ويه مينا
سلمت بس
اي صحيح وعفته ورحت اجيبله المحبس شفته بعيني وينكر بسيطه يا صلاح بسيطه رحت جبت المحبس هو واكف يم الكلدور
هاك
شبيج بابا مخبله انت
مااحجي —مااحجي هسه ابد
لتلغين لغوه زايده بس سلمت على حنين وهيه موجوده هم عيب مااسلم عليهه سلمت
وشعندك بقيت واكف اذا بس سلام
استغفرررررك يا الله وطلع وعافني
انقهرت حيل شفته حجه مو بس مال سلام عليكم
دخلت للمطبخ لان ديجهزون للعشا
العشا مسوي ببيت جيرانه همه عل زلم بس دنحظر جاي والخضره والفاكهه
هديه/شبيج
ريام/مابيه شي
هديه/عليج الله
ريام/شفته واكف يم مينا مدري شحجه وياهه
هديه/صلاح
ريام /لعد منوو
بقيت ضايجه طول الوقت وروحي الخشمي واصله شويه ونزل قاسم لابس دشداشه بيضه واشتغلت الهلاهل همزين راحت حنين من يمي متت قهر
وكرهته شلون بجاهه وغدر بيهه اعرف هذا الشعور مع العلم مجنت احب صلاح هلكد وممتأكده من نفسي احبه بس متت من خطب مينا
خلصت الهوسه وصعدت للغرفه بدلت ال ايمن ونومته وبدلت وخابرت على حنين
حنين /ها حبي
ريام/شخبارج هسه
زينه كلش
اكلج راح اسأل وجاوبي بصراحه
شنو حبي
صلاح شكال المينا شنو الحديث الي دار بينهم
ماكو اي حديث بس سلم
عليج الله احجي الصدك
وروح ماما شبيج
مممم خوش وابتسمت
خبال اي والله الله يعينه عليج
واني احجي وياهه دخل صلاح كتلهه يلله حبيبتي بعدين اخابرج
منو هاي
حنين
اممم قهرتني اليوم مبين عليهه متأثره وكعد يمي عل جربايه
اي خطيه من وره قاسم شكد حقدت علي
تره حقه قاسم
صدك تحجي يعني لو يصير ويايه هسه هيج موقف تعوفني صلاح
شنو هذا الحجي لتحجي ابد بيش مفاولتنه
يعني تعوفني مو
لا طبعاً
لعد ليش تكول حقه
انت زوجتي وهمه بس علاقه بينهم ويعدين عوفج من كل هذا طبع قاسم شكاك يعني اذا نفترض تزوج حنين وعلى هاي السالفه يدمرهه دمار يكرهه باليوم الي تتزوجه بي
هو ليش هيج شكاك
شمدريني عقليته هيج ودار عليه تعالي انت اليوم شنو تكليلي شفتك هاااا شفتيني وبالباب لازمتني ومدري شلون تحجين وياي
باوعت علي كلت شو حامي ويرزل كلت خل اكلبهه علي لان هسه من يعرف تأكدت يكلبهه عليه
اي صح ذكرتني شجنت تحجي وياهه شفتك
بابا سلمت عليهه بس السلام لله تره وبعدين سلمت على حنين عيب مااسلم عليهه
يعني بس سلمت
اي لعد شسويت مثلاً شفتيني بستهه
لا هم هاي العايزه حتى اخنكك والله وخنكته بيدي من ركبته وهو يضحك علي ولزمني من جتفي ووكعني عل جربايه وصار جسمه فوكايه
تخنكيني
واموتك هم اذا اشم ريحة خايني
تحبيني
اي
شكد
هواي
يعني شكد
بكد السما
مدري ليش بهاي اللحظه حسيتج طفله هههه
لا والله
صلاح/بكد السما
وخر يلله
شنو اوخر لج اليوم مو بس قاسم عريس حتى اني عريس
لا والله
شنو لا والله وباسني
هديه/خلصت هوسة العرس وكلهه طشت جنت هلكانه تعب صعدت الغرفة دلال
وطلعت موبايلي من الجنطه باوعت محب ولا مكالمه داك عليه واني توقعت راح الكه عشرين مكالمه
مو وحده حتى وتالي الكا مداك عليه
دكيت علي مغلق شنو هاي وينه محب
دلال
ها هديه
كاعد تحجين ويه نجم
لا
اهووو كل مره تره ندري بيكم والقرآن سألي بلله على محب شوكت شافه اخر شي
هو نجم يمه بالشقه
كيفت كتلهه صدك لعد سألي على محب وكليله ليش غالق موبايله
نايم يكول
نايم شعجب وليش مغلق لعد اتصلت على نجم
ها خاله
ها نجم وين اخوك
نايم غير
شنو ممتأكد نايم لعد ليش مغلق
شمدريني
بلله روح كعده
نايم
اي كعده لان مو من عادته ينام وممتصل بيه من العصر اخر شي
مو هو منايم بالبيت
شنوووو لعد وين
ماادري
متدري وتوك تكول نايم نجم تريد اكسر راسك وووين اخوك
والله ماادري
لعد ليش تكول نايم
لان اذا اكلج طالع تبقين تسأليني الف سؤال عبالك اني اعرف وين وشسوه واكل وششرب
ايا حقير وتجذب عليه
شسويلج لعد
شوكت طلع
بال١١ونص
والله
اي والله يعني شكو بيهه اكيد ويه جماعته سهران
سده نجم سده لا ابتلي بيك
احس جني ركبني تخبلت وتنرفزت وكمت اتعارك حتى ويه نفسي وكل شويه اخذ موبايل دلال واشوف اخر طهور ال محب جان ب١١وربع قبل طلعته يعني بالواتساب الجريمه
صارت الاربعه واني اراقب وكل شويه دلال شوفي متصل وتكلي لا
حتى اكعدهه من النوم وهيه متقبل تنطيني الرمز اكيد عدهه بلاوي واكولهه تحملي لعد
اخر شي بالخمسه ونص ابد مغفيت واني افكر وين راح وليش الحد الان مغلق خطه
مدكيت كبل كعدت دلال شوفي اتصل
نومتي لعبيتي بيهه لعب
انجبي وشوفي وسكتي
باوعت علي
متصل قبل ٥دقائق
يعني فتح خطه شو شوفيني باوعت صدك متصل قبل خمس دقايق كبل اتصلت علي دك
محب/الوو
بعد وكت استاذ محب
شبيج بابا شدتلغين
شلغي وين جنت محب
انت شلون كااااعد تحجين وياي هيج
وووووين جنت محب
انت مو صوجج صوجي اني وسده بوجهي
نرفزني وكمت ابجي من كلبي وبحركه
حنين/رجعت للبيت واني مختنكه واكول هسه نامو هيه هيه بحضنه هسه هيج الف فكر بعقلي وكل افكاري هيه شي طبيعي تصير لان زوج وزوجه
كعدت ثاني يوم اسمع صوت ولد شاب جوه معقوله اجه احمد نزلت جان كاعد هو ومخلي راسه بالجنطه ويبتسم
انطه الامه علبه مال دوه
كلت السلام عليكم
دار وجهه اهلااً حنين انت لو مينا
باوعت ايسر نفس شكله بس صاير على جبير ممتغير هواي
هلو ايسر
عرفتيني واني معرفت يا فشلة الفشله
حنين اني
هلو خنين كبرانه ولج وصايره حلوه ولا عرفتج وكام مد ايده عليه عبالي يسلم شو هذا باسني ورجع باسني من راسي
كبرانه والله وصايره حلوه معرفتج
شخبارك
الحمدلله انت شلونج ودنك بجنطته
وهاي تره حسبت حسابج بالهديه انت ومينا لان ادري بيجن هنا
جايبلي جنطه مال ايد ولفاف كلش حلوات
شكراً
العفوو يابه بس بالنسبه للطول انت ليش هيج طويله
ههههه تره طولي عادي بس يمكن انت كصير
خله ايده على عينه ومثل يبجي ويحرك بشفته
شفتي بت عمي شسوي اني مو طويل ليش هيج
ووخر ايده يكولون على خالي لا بارك الله في لان كصير واني طلعت علي
هههه تره زين طولك
فدوه رحتلج بت عمي الورده انت ذهب
اله انطيج عطر على هاي الحجايه
وانطاني عطر
هذا ماركه عود جبته الوحده من حبيباتي بس على هاي الكلمه ممال طويل انت لازم اكافئج واشكرج
لعد انت والله طويل
هاااا صاحبك حلو لتاكله كله
ضحكت هههه والله عليك سوالف
بعد شوكت مااشوفك ارفع معنوياتك علمود احصل هدايا
اهريج هدايا
اخوك شلونه
ليث ماادري ابنج خانس عل تلفون بس يكتب شكو ماادري
يالله بلكت انفكت عقدته
مااتوقع تنفك عقدة ابنج
وهذا السافل وباوع عليه هم تتصلين علي
اي لعد ليش مااتصل علي
هو منو لاعب باخلاقه غيرج مو كلج ابويه لتتصلين علي
انجبو ولا واحد منكم لا انت ولا ليث الحقير عنده محنه
سدي الموضوع يمه سدددي فدوه رحتلج
هديه/كوه كدرت انام لان جنت تعبانه وبسبب محب الف فكر ببالي ومتت قهر تعبني حيل محب باسلوبه وتصرفاته الي ابد مو طبيعيه
فزيت على صوت الموبايل يدك باوعت محب
مجاوبته بال٨مرات اتصل ومجاوبته
الحد مافتحت الباب ريام بعدهي نايمه لان طلعت الساعه توهه بال٧ونص الصبح يعني مصار هواي من نمت
محب يريد يحجي وياج
مااريد كليله متحجي
باوعت ريام بصدمه وبيدهه الموبايل واحتارت بيني وبين محب
كليلهه خل تلغي لا اجي هسه العب بيهه لعب
يريدج هديه
كليله مااحجي وخل تفيده الي جان يمهه
هاي هيه تحجي هيج بسيطه يا هديه كليلهه شيخلصج
يكول شيخلصج
لا يخلصني ولا اخلصه بعد مااشوفه جهرتي اصلاً
هو جان يسمعهه واني اختذه اعيد وراهه حتى بلكي مسامع
كليلهه خل تجاوب عل موبايل لا اجي احرك الدنيا فوك راسهه
كتله ماشي كعدت ورا وسديته
شكو هديه
كلشي ماكو بس اخوج راح يخبلني والله تعبني لج ممرتاحه ولا يوم ويا بسوالفه وغموضه وكلشي وجذبه هسه شوف شصفطله جذبه
جاوبي يمعوده واحجي ويا هذا الحجي هسه يجي هنا يشهرج ويفضحج ماعنده مانع
مااجاوبه والله
مااصدك بعد ولا كلمه منه مبين محب عنده شي
تعبت من الشك ودائرة الشك هو الي مخليني بيهه
دزلي رساله عل خط
💬هديه جاوبي حبيبتي لتكبرين السالفه
جاوبي واحجيلج الي صار جنت ضايج من اتصلتي
غلقت موبايلي ونمت كلت ابد مااجاوبه
نمت كلش مغثوثه منه بس حلمت بي حلم يخوف
تحلمت هو كاعد وظهره ينكسم بالنص ماادري شلون
ويصير بي شي —بحيث كعدت من الحلم تعبانه وابجي
وشيرين هم جانت تبجي بالحلم كلش مقهوره منهه ومااكدر اسامحهه بس هواي مشتاقتلهه حتى العرس مكدرت تجي اله علمود ايهاب بقيت افكر بمحب
كلبي وجعني علي فتحت موبايلي
باوعت ب١١ودلال كاعده بس اني نايمه واصوات هواي جوه
كمت بكآبه وغسلت وتوني اريد انزل دك محب
جاوبته بس بدون مااكول اي شي
شلعتي كلبي
وينج ليش متحجين
هداوي حبيبتي جنت ضايج اعتذر منج
الو راح تبقين متجاوبين
تعبت منك حيل مكاعد اعرف شديصير من ورايه
وانت بنفسك تدخلني بدائرة الشك
تعرف شنو اني بكل يوم اندم لان رجعتلك بي
تتندمين
اي اتندم لان مااشوف اي تغيير بيك
صدكتك ورجعتلك وكل يوم اني احس باهانة نفسي لان رجعتلك
هاي كاعد تحجين صدك لو لان ضايجه
لا كاعد احجي الحقيقه ااانت تعبتني
شمسوويلج ااااني شمسويلج
انت تشكين اني شنو ذنبي
سدي الموضوع هديه ولتحجين بعد كمتي تجفصين هواي بالكلام لان ضايجه واني طبعي اذا تحجين راح اخلي الف معنى الكلامج
اما اختفائي البارحه اكو سبب
سيد علي خطفو اخته من العصر وبليل شامريهه بباب بيتهم لذلك رحت ولل٨ الصبح يالله رجعت للشقه
ومن خابرتيني جنت تعبان كلش ورديت هيج
اعتذر منج لان انت متعرفين واني تعاملت وياج وكانما تعرفين
محب
هديه كافي سدي للموضوع
اانت شنو هو شنو سدي الموضوع وبعدين ليش
ليش شكو تحجي لازم اصدك وليش من تريد تنهي موضوع لازم ينسد
شوكت اجيج
لتجيني
بالوحده اطلع منا جهزي نفسج
محب
يلله باي
وسده
نرفزني بالزايد ووترني حيل رجعت اتصلت علي مجاوبني
دزيتله رساله
💬لتجي لان ماارجع وياك محب اني بعد ماارجع تعبت حيل من قلة احترامك الي صح تعتذر بس شنو فائدة الاعتذار بعد متقلل من قيمتي
مجاوبني نزلت يمهم جنت ضايجه حيل
ومالي واهس كلشي اسوي
اخر شي اعتكفت بغرفة ريام وكمت اكلب بموبايلهه
راح شكك فلوسي ولا اشترالي ولا خلاني اشتري بيهن
لل٦العصر اتصل عليه
جاوبته
ها حبيبتي جهزتي نفسج تره مبقه شي واوصل
مقريت الرساله
انجبي تعرفين شكد احبج اني وتعرفين اتندم من اضوجج لتكبرين السالفه
محب
هديه والله تعبان لتسوين هيج وتعبيني اكثر
لا والله خوب حجتك دوم تعبان واني شنو
انت كلشي بهاي الدنيا الي
تعبت منك محب
اعرف وحقج واني غلطان لتسوين هيج هسه من نرجع البيتنا نسولف ونحل كلشي ولو احنه مابيناتنه مشاكل بس نكعد ونتفق على حياتنا
محب
هددددديه كافي وبعدين راح اسافر الاسبوع اليجي
وتريدين تزعلين يلله حبيبتي جهزي نفسج
مااعرف
ههه شنو الي متعرفي لتعبيني ورصيدي خلص
اجاني بيومهه واخذني رجعت ويا وكعدنه حجينه وكال راح اغير من نفسي ومااتجاوز عليج ولا راح اخلي امور تصير تخليج تشكين بيه
حجز اله وال ايهاب جهزتله جنطته
متجيب ايهاب هنا قبل لتروح اريد اشوفه
صعب اتأخر
شلون بيه راح يروح وكلبي مطكك علي
جان جيتي وياي اليوم من رحتله
مااريد ادخل البيت شيرين
اخابرلج كامرا اله
خابرلي على ايهاب اول مشافني ابتسم
حبيب خالتووو
ايهاب/مشتاقلج هواي والله
اني هم كومه مشتاقتلك
ليش بطلتي تجيني
امتحانات
جذابه
انجب لك راح اشتاقلك فرحانه حيل الك ان شاء الله تجينه تمشي على رجليك
ابتسم/ان شاء الله ادعيلي هديه
ولك شو بطلت تكلي خاله
هو انت بكد اصبع ايدي
الله يالطويل
والله اني لو اوكف جان شوفتج طولي يلله هسه من ارجع اوكف بصفج واشوفج منو الي مو طويل
فدوه رحتلك اني يلله حتى نزوجك هم يالطويل
بوساتي الك
اخذه مني محب
ها حبيبي
ها محب
جاهز
ابتسم —اي اصلاً لو بيدي اطير
لتستعجل هانت بس ها احنه متفقين اول منرجع نلعب طوبه ونشوف منو يغلب
ايهاب/اني اكيدد
اول فقره اسويهه من ارجع اسوي فريق شعبي اني وجماعتي والعب ضدكم انتو الشياب
اني شايب يالزعطوط
هههه
ديله اني بس ابدل اجي
سده من ايهاب والابتسامه ماليه شفته مثل ابتسامة ايهاب اخخخ ادعي هديه ادعي تنجح عمليته
ان شاء الله حبيبي
وصيتلج نجم راح يجيج هنا
مو اتفقنه اروح البيت عمووو
لا ابقي هنا شعندج
ليش محب
ابقي هنا حبيبتي احسن ماارتاح وهاي نجم يمج وها
وصيته على موبايل الج
صار ٣يوم وكال باجر يجيبه لان صديقه ممتسوك
ماشي حبيبي
شبكني راح اشتاقلج والله
حضنته قوي واني هم
باسني من راسي ورجع رفع راسي وباوع عليه
اموت عليج واتنفس هواج انت كل الدنيا لج
بدونج مااكدر اوكف ولا الي واهس بالحياة
انت اكبر نعمه صارت الي
رغم عائلتج اكرهه بس انت بالنسبه الي الحياة
والله
ابتسمت باسني بشفتي
واحلى مره بالكون بنظري
انت جنتي بالبدايه غلطه
وهسه تعنيلي الدنيا كلهه
انت احلى غلطات حياتي
ابتسمت
احبك والله
ضمني بحضنه قوي
تعودت انام بحضنج راح افتقد هذا الشي هاي الايام
واني هم
عضني من خشمي وكلي يلله حبيبتي راح اتأخر
دخل للحمام سبح وبدل واخذ جنطته وطلع وكل شويه يبوسني
اخر شي كاعد اسد الباب ورا لزمه
راح اشتاقلج ولج
ههههه
ووجعه احبج هواي
اني هم احبك
تقرب عل باب بعد بوسه سريعه
بسته
اعشقج خبله
يعني انت لازم تغلط
للعلم انت متعرفين هاي المعلومه هيج غزل نابع من الكلب كلش
موبايلج يمج مو بعيد عليج حتى ماارزل خلي مو بايلج يمج
فهمت
قفلي الباب زين وهسه يجيج نجم
ماشي حبيبي
اول مطلع حسيت بوحشة البيت
اجه يمي نجم وثاني يوم جابلي الموبايل وتونست بالموبايل واخيراً ممصدكه روحي اخر شخص بالعالم اني وصلني الموبايل الحديث بقيت طول هاي الايام
اتراسل ويه محب ونفتح كامرا
وويه ريام وحنين كلش تونست عل موبايل
لهاني لان جان روتيني ممل
خابرت محب والتوتر مبين علي والخوف عكس ما من راح
ها حبيبي
ها يروحي
شبيك احسك ضايج
متوتر حيل باجر العمليه هديه مااعرف ليش خفت
لا ان شاء الله تنجح
مااعرف ايهاب توتره هم كاعد يوترني لو تشوفي قبل شويه يحجي وعيونه مدمعه يكلي بلله منجحت العمليه وهذا اخر امل الي
تدرين شكد صعبه عليه اقوي بي واني احس بروحي ضعيف
لا حبيبي انت قوي وهو هم قوي وان شاء الله راح يوكف على حيله ربك ميعوفه
تعرفين شنو القاهرني
شنو حبيبي
الحقد والكره والانتقام والقذاره الي صارت رب العالمين ديحاسبنه عليهه ب ايهاب وهو المشكله ماله ذنب
تعرفين ايهاب اغلى واحد عندي باخواني حاله حال علاء
واكثر حتى احبه حيل هالولد
فدوه الروحك الطيبه
شتكولين هديه شنو احساسج تنجح لو لا
تنجح ان شاء الله
الله يسمع منج والله لو تنجح عمليته الي تتمني اجيبه الج والله
بقينه نحجي رغم ما جان متوتر بس حبيت توتره على ايهاب
اجه ثاني يوم وكل شويه اتصل عليه من دخل ايهاب للعمليات اخر شي ماكو مغلق
توترت حيل وياهو الي يتصل علي مغلق اخر شي اندكت الباب شيرين فتحته تبجي
شبيج شيرين صارر شي
ابني —ابني شصار بي فهميني
ليش سمعتي شي
ليش محب اختفه وميجاوب
هو اني هم اسأل
عليج الله متدرين
لا والله
نجم هم خابر سيد علي وكال ميدري ادري محب ليش يقلقنه صدك يحجي
لليل كلش يالله اتصل عليه بعد ما راحت شيرين
جاوبته بسرعه وبلهفه
محب حبيبي وين رحت
فشلت العمليه هديه وبچه
اني رأساً بجيت ويا اول مره اسمع بجيته وجانت بحركه
محب لتبجي
مااكدر —تعبان حيل مقهور مختنك الدنيا كارهه
سوده عليه حبيبي بلكت الله عمليه ثانيه وبعدين شمدريهم يجوز ثاني يوم يصير زين
شتحجين انت هديه هيه جانت الامل الوحيد هاي العمليه انتهى الامل
ليش غلقت خطك
لان مالي مزاج احجي ويه احد لو شايفه حالة ايهاب مااحجيهه مااكدر اوصفهه ابد
بجاني وقهرني حيل محب شحال لو اشوف ايهاب لو اسمعه يحجي
كال اسبوع ويرجعون سوده عليه راحو مبتسمين ومتأملين وراح يرجعون بخيبة امل
أزم نفسيتنا هذا الموضوع بشكل جبير الحزن عم بكل بيوتنا احس نفسي مالي واهس كلشي اسوي وخاصه من اتصل بمحب وصوته ونفسيته تعبانه
شكد تعب واشتغل ومبقه شي مسوا علمود يجمع الفلوس مال عمليه وبالتالي مجابت نتيجه
من بعد هذا الموضوع رجعت علاقتي ب شيرين وكمت اروح يمهه يوميه لان انهارت من سمعت بايهاب منجحت عمليته بس هم بداخلي شي جبير عليهه جانت شيرين بالنسبه الي رغم حركة كلبهه الي اشوفهه بس مثال للام السيئه
بس عواطفي تجاهه مخلتني اعوفهه بهاي المحنه
جهزت نفسي لان محب اليوم يوصل اشتاقيتله حيل
احس نفسي ضايعه بدونه وشتاقيت العركاتنه خاصه من سافر لليوم حزين وكأيب وماله واهس الكلشي
بهاي الفتره حسيت حتى مشاكلنه اني ويا بيهه نكهه خاصه جهزت نفسي اله صادف اليوم تاريخ زواجنا اني ويا بالاجبار
مااكدر استثني هذا اليوم مع العلم بيه ذكرى سيئه الي بس بنفس الوقت هو اليوم الي ملكت بي هذا الانسان
جان بشع وميشوف بعينه بس الانتقام بس بنفس الوقت داخله داخل طفل موجوع ميعرف شلون يتصرف
وهو يأذيني جان يحضني ويبجي ممزوجه عنده الطيبه والحقد
فتره طويله وهو يتصنع البشاعه بس جنت اشوف جوهره وجوهره هو الي خلاني احبه
طلعت للسوك اشتريت فستان بسيط لونه اسود
ومكيجت جان فستان جريء كلش ورفعت شعري ذيل حصان وخليت حمره طوخ — اتصل بيه قبل ليدخل للبيت وكلي راح اوصل تحتاجين شي
لا
هديه متأكده
اي بس محتاجه شغله
شنيه ها شكلنه
انت محتاجتك انت
اموت عليج
منو وياك
بس اني
ماشي حبيبي
وكعدت انتظر
ويه دكة الباب دك كلبي من اشتياقي اله
فتحت الباب صرنا اني ويا متحدين بالالوان
اللون الاسود الي ميستغني عنه ويمكن اني هم بعد مستحيل اتقبله بغير هذا اللون
رفع حاجبه وياهه ابتسامة استغراب
الاول مره يشوفني بهاي الجرأه من تزوجنه لليوم
مكياجي مجرد حمره ورديه خفيفه وحمار خدود واذا كل قوتي اخلي باودر واكحل عيني هالمره لا اشتريت مكياج جديد وكعدت اتعلم بالنت المكياج ونجحت وحتى خلقتي تغيرت
دخل للبيت وعيونه عليه ابد مشالهه
ورجع فتح الباب اني مخربط بالعنوان لو شنو الموضوع وابتسم
لا بيتك هذا استاذ
احلفي يمعوده
ابتسمت طبك الباب ونزل جنطته وتقرب عليه
شمسويه بروحج يلعن بليسج
هااا
ووجعاااا شهالجمال هذا وكبل سحبني علي
جانت ليله كلش حلوه مليانه جرئه الاول مره من تزوجنه لليوم
كلش فرح بيومهه مع العلم جان ضايج وحتى من خابرني مبين من صوته لكن الاجواء شويه طلعته من حزنه شويه
ريام/مرت خمس شهور من رجعت الصلاح
حياتنا حلوه ساعه عركه ساعه حضنه ساعه فرحه وساعه حزن عاديه مثل اي اثنين متزوجين
بس الحب بعيون صلاح والاهتمام جان كلش حلو
حياتنا مرتبه وصلاح مستقتل عل اطفال كل ما يتأخر الموعد وكال حامل واخذني يحللي
هالمره مكتله تاخر الموعد مغلسه لان يقلقني واخذتني ام قاسم اني ومرت قاسم نحلل واثنينه طلعنه حوامل
فرحت حيل رجعت للبيت هو عباله اروح للسوك اشتري اغراض من رجعت
ام قاسم كالت القاسم مبروك راح يجيك طفل لان هو من دخلت صار بوجهه
الله يبارك بيج
كبل باوعت ال صلاح حسيت بي ضاج وكال مبروك قاسم يتربى بعزك
ام قاسم/وانت عيني صلاح راح يجيك طفل
كبل ابتسم لا بشرفج
اي والله صارن عندي اثنين حبل بالبيت شيخلصني انوب
باوعت لعيونه شكد بين عليهه الفرح
اول مصعدنه شبكني
مبررروك ريمتي
الله يبارك بيك الي يسمعك صارلنه سنين
هذا الطفل بالنسبه الي ثمن صبري وسنين حبي الج ريام
احبك والله
راح بيومهه سوه ثواب عشا للبيت كله ومهتم بيه بشكل مو طبيعي
حنين/وضعي مثل مااني—سادس علمي وغاطه بالكتب صارن الكتب حياتي
ايسر رجع وجان هو الحس الفكاهي الي موجود بالبيت
واحمد لا حجه ولا خابر من فتحت الحظر لليوم مااعرف يمكن جان بيومهه حلمان حلم مو زين وراد يكفر عن ذنبه ورجعت حليت الحياة بعينه
جنت متمدده لان تعبت من الدراسه واصلاً الوقت جان متأخر ومبقه شي للدوام مجرد تجهيزات للسادس
والتفكير ياكل بعقلي
اجتني رساله
💬شعندج كاعده الحد هسه
💬جنت اقره وتعبت وكاعد اخذ ريست
💬جيد
💬شخبارك
💬الحمدلله كاعد اجهز نفسي راح اطلع
💬توصل بالسلامه العراق راح ينور اخي
💬بنورج اختي 🌹
جانت مينا رايحه بايته ببيت عمي الثاني يم جنات صديقتهه وهمه هم حبابين يعني ولد عمي وبنات عمي افضل من اهاليهم وهم عمي الثاني عنده جنات ووليد
وفهد بس علاقتي سطحيه بيهم الاقرب الي هسه هو ايسر احسه اخت مو اخ من وره سوالفه وضحكه
- [ ] الاول مره افتح كنتور ليث لان جانت اكو خانه مستعملناهه فتحتهه فوك كارتونه جبيره
كتلني الفضول قفلت الباب ونزلتهه
باوعت كلهن العاب مال اطفال سيارات صغيره كومه ودعابل خوب الدعابل علبتين كبار وصور هو واخوانه
عرفت اميزهم من هو وصغير مبين عقلاني من وكفته متشخص وعود هو شخصيه ولابس قاط ورباط
وايسر مبتسم ومسوي حركة تضحك مطلع اللسانه
واحمد حتى وهو طفل شفته طفل شيطان
اخذت اعز مااملك يا حقير
صلف من وانت صغير مع العلم جانت حركته مبين بيهه فقير بس شفته شيطان عكرلي مزاجي اندكت الباب عليه
رجعتهن بسرعه وصحت منو
اني ايسر يمعوده يعني منو
فتحت الباب نعم
جوعان كلش كلش
اكو احد كلك اني مطعم
عليج الله سويلي اكل
اني نايمه يمعود
لتجذبين شفتج متصله ودزيتلج رساله وكتلج انقذي اخوكي من الجوع وانت معبرتيني
مشفتهه والله
دسويلي بيض وطمامه حبابه
تعبانه اريد انام
ميخالف شبعي بطنج ونامي اني اعرف بطنج جوعانه
رحت نزلت سويتله بيض وطماطه وجاي وهو كاعد عل ميز ويراسل جنت جوعانه كعدت كباله
ليث راح يوصل اليوم دريتي
باوعت علي مااعرف ليش ارتبكت
كتله هااا صدك
اي بلكت يساعدج
باوعت علي بشنو
يمنع امي تدز فلوس ال احمد
باوعت امك تدزله
للأسف اي تره احنه علمودج مكاعد نحجي ويا
حنين انت اختنه ان جان اني او ليث كلش متأذين علمودج
شكراً لان متأذين علمودي
اكلي ليش وكفتي بس لا انسدت نفسيتج
تقريباً
يهيهيهيا الحمدلله من انسدت نفسيتج عرفت سيرة احمد تسد نفسيتج عل اكل لذلك جبتهه مسويه قليل وتريد تاكل كتلج جوعان
ضحكت صدك عود تحجي
اي لعد شنو شيلي ايدج من الطاوه يلله مو زين عل ينقهرون الاكل يتحول سم في بطونهم
لفه عل اقل
ولا نص لفه
تره اني سويتهه
اي جان طكيتي بيض هواي قحط بيض مقتصده
عفته وردت اكوم
جذب جذب يلله اخذي
والحجي الي حجيته صدك تره انت مثل اختنا هو انت اصلاً اختنه
شكراً انت وليث لان رغم ما احمد اخوكم وانتو واكفين وياي صح اني هم بت عمكم بس احمد الاقرب الكم
احمد سافل وان شاء الله علاج سفالته نعثر عليه
ضحكت هههه والله عليك سوالف
تدرين لو اعرف اخويه هيج سافل جان درست الطب مخصوص حتى اكتشفله علاج
هههههه
هههههه وعيب عليه شكد تضحكين الخاطر ربج
وكعد ياكل ويكلي اكلي يلله سمحتلج بس هاي اللكمه
رحت نمت بعد ماغسلت المواعين الي اكلنه بيهه لان عمه ليلى تحجي هو صعد وعافني واني هم صعدت ورحت نمت
كعدت ب١٢لان من وره ايسر تأخرت لكيت عمه كالبه وجهه وتبسمر اليه لان متأخره
نزل ايسر مبدل يريد يطلع
صباحووو
صباخ الخير
ليلى/اخوك نايم
ايسر/اي
ليلى/وين رايح متتريك
ايسر/البيض وطماطه الي سوتهن الي البارحه حنين الحد الان تاخماتني
ليش بيش الساعه
الفجر تخيلي اكلتهه ونمت وجانت لذيذه
باوعتلي عمه برفعة حاجب وعدم رضه
واول مطلع دارت عليه
اكلج اني بعد مااتحملج
ليش عمه
ليش متعوفين ولدي أيستي من احمد حولتي ال ايسر
وبعدين تكولين اعتده عليه وتتهمي مثل متهمتي احمد
عمه كافي رجاءا ً ابنج حقير وياي واعتده عليه وانت سمعتي الدليل اما ايسر وليث همه اخواني ووكفو وياي وكفة اخوه
اني يجي عمج اليوم ولازم احل هاي المسأله بعد مااتحمل ابد
عفتهه وصعدت — تعرف ابنهه حقير وتتهمني
حالهه حال قاسم تصدك الي يعجبهه
اخ ياقاسم جنت انت اكبر خيبات املي
بقيت بغرفتي للمغرب خابرت مينا تكلي خلي ايسر يجيبج
مااريد
دتعالي والله وتونس حتى بنات خال جنات جايات
مااريد والله مااي واهس
اسكتي حنين تجين وهو نرجع اني وياج حبابه والله ممرتاحه لان كاعد اتونس وانت هناك وحدج ضايجه
مينا
حنين بس هالمره ملتمين خوب ولد عمج ذولي سبورتيه يسوون نركيله ونكعد نأركل وياهم ونلعب ورق
والله ونسه
لج استغفر الله الله يبعدني
ووجع الي يسمعج كاعد نشرب
لا مااريد والله
بقت تلح وبسبب الحاحهه كتلهه ماشي كتلهه من يجي ايسر اكله
لكيت ليث دازلي رساله اثناء ماجنت اخابر
💬الحمدلله على سلامتج اختي رجعتي اليوم من السفر
💬😂الله يسلمك
💬وينج شو حابسه روحج فوك مشفناج
💬 جنت كاعده اقره
💬اخذيلج ريست ميصير هيج
💬اوكي راح انزل اخذ ريست واسلم على اخويه
💬فدوه رحت الاختي الحبوبه
فدوه ورحت ها سالمين كلتهه بكلبي ونزلت لكيت ايسر هم موجود وجسمه غاطس بالتخم ورجله عل طبله وبحذائه
السلام عليكم
ليث/اهلاً حنين
الحمدلله على سلامتك
الله يسلمج شلونج
الحمدلله
دوم
وباوعت ال ايسر
ايسر
مموجود ايسر
ههه لا صدك احجي عادي توصلني البيت عمو يم البنات
ميجي منج خير ابد بس سوالف مكسره
بعد احسن هسه اكلهم ايسر ميجيبني وافضهه اصلا مااريد بس مينا لحت
لا روحي تونسي شويه واوصلج
ليث/اصلاً اني راح اخذ السياره مال حجي متفق ويا
اني اوصلج بطريقي
ايسر/اي والله كفووو يالذيب اروح انام اني لان من وراك اليوم نومتي تعلعلت
وعافنه وصعد
ليث/بدلي بسرعه راح اروح
اوكي بس خل اروح اكول ال عمو
رحت اخذت الاذن من عمو قبل بدلت ووصلني ليث ابد محجينه طول الطريق ولا كانما نحجي بالرسائل احنه
دخل سلم وطلع
دخلت لكيت جنات وبنات خالهه صدك والولد فهد موجود بيهم
سلمت بخجل ممتعوده عليهم ومرت عمي تباوع عليه ابد مشالت عينهه مني
شويه جان فهد شقاوجي مثل ايسر ويسأل بيه
واجاوبه بس بحدود
مااحس اله صاحتني امه جانو كلهم فوك
رحتلهه نعم عمه
شنو تباتين اليوم
باوعت عليهه باستغراب -مفهمت
مو تزعلين مني بس احنه عرفنه شذبيتي تهمه على احمد واني هم عندي ولد اخاف عليهم
اااانت شدتحجين فقدت بهاي اللحظه
الدرجة اتجاوزت حدودي هواي ومن كثر ماعصبت يمكن اخذو الي موجودين عني فكره اني بلا اخلاق
اني متررربايه غصب عنكم
مينا/عمه شنو تحجين ويه اختي هيج
اني استقبلتج الج بس حنين مااكدر استقبلهه ببيتي بلله ذبت تهمه على ولدي اني منو يفيدددني
انهاريت كلش عفت البيت وطلعت وفهد ورايه
شصاير حنين شنو الي امي كاعد تحجي وعلى منو ذبيتي تهمه
جنت امشي وابجي وهو ويايه بدون مااحجي طلعة السوده عليه
اوووكفي يمعوده فهمينه
روح افهم من اي احد ولتسألني
منو يعرف
ولد عمك يعرفون الي صار
دتعالي اوووكفي شارع منا وين رايحه
شلت موبايلي واتصلت على ايسر محاوب اله من رادت تخلص الدكه
الو
جان صوته مبين نايم
حنين
ايسر تعال اخذني عليك الله
شكوووو
وجره مني فهد وكلي اووكفي راح اموتج
اني هسه اوديج
وحجه ويه ايسر ومااتوقع حجاله لان كله اني راح اجيبهه واجي
اخذلنه تكسي واول ما وصلت لكيت ايسر كاعد ينتظر
اول مدخلت كلي شكووو شصار
حنين/اسأل امك وانت تعرف
شلون مفهمت
كبل طلعت من المطبخ
شكووو شنو اسأل امك
اي انت انت متخافين الله فهميني
لج احترمي نفسج تره صبري خلص عديمه الاخلاق
ايسر/حنين سكتي وجاوبيني بدون مااسأل امي شصار
مرت عمي ام فهد تكلي خوما تريدين تباتين ببيتي اخاف على ولدي منج لان انت ذابه تهمه على احمد
ايسر/يمه صدك هذا الحجي
جذابه اني مكايله الاحد
منوووو غيرج ياعمه يحجي
اانجبي لج والله بعد لو اني لو انت بالبيت كااافي الهنا وبس وشالت الموبايل واتصلت على عمو وايسر جر الموبايل منهه عفتهم وصعدت سمعت صياح صار وشويه واجه ليث هم وكبت العيطه
اخر شي صعدلي ليث للغرفه جنت مختنكه حيل
وابجي متحملت تعبت حيل وكرهت الساعه الرحت بيهه
دك الباب صحت منوووو
اني ليث
فتحت الباب ابجي وهو يباوع عليه
دخل للغرفه وكلي هسه اتفقنه.......
يتبع