#ﺍنتقام_وقسوة_محب
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#البارت١
كان يا مكان كان هنالك ذكريات محطمه تقف على حدود الماضي تحتاج الى ترميم ....لكن كيف لقلباً ذاق مرار الحياة ...يستطيع ترميم تلك الذكريات
رجعت مثل كل يوم من الشغل هلكان من التعب ... جنت اشتغل حمال ...اطلع من غبشة الله الحد الساعه بال٢ علمود اجيب لكمه ال علاء وريام اخواني
مع العلم احنه عدنه فلوس ابويه تاجر بس بخيل وعائلته الثانيه همه حياته
تركت المدرسه من يوم ما توفت امي اقصد من حركت روحهه
لان ابويه تزوج عليهه جانت انسانه ضعيفه مهزوزه كل همه ابويه ابد ما بيوم شفنه حنيه منهه
كل تفكيرهه خنتني ....راح تخوني
وين جنت ....وين رحت وكل شويه كابه العيطه
واخر شي ختمتهه بالانتحار من تزوج عليهه
حياتنا صارت اصعب بقاطات
ويه اب قاسي وزوجة اب ...بدون ضمير
مجنت اسكت الهه ...واتعارك وياهه وعلاء هم اخويه ابد مجان يسكت خاصه اذا أذت ريام
بس جان من يجي الوالد يلزمنه بالحزام اني وعلاء
وينبت قسوته بظهرنا لانه حجينا او تجاوزنه عل حسناء
واختهه الي جانتبكد ريام اختي
اني اكبرهم جان عمري ١٢سنه وعلاء ١٠سنوات وريام ٧سنوات مجنت اكدر اكون الهم بيت واخذهم بعيد مع العلم هاي جانت امنيتي
تركت المدرسه وبديت اشتغل حمال ....علمود اجمع واكدر أأجر بيت الي وال اخواني
كام يصير قحط بالاكل كامت تنطي ال علاء وال ريام فضلاتهه هيه واختهه بعد ميشبعون
حجيت ويه ابويه ....وكتله هيج وهيج ....ضربني واتهمني بالابتلاء عليهه
كمت اشتغل واجيبلهم اكل واني اكعد اسويلهم ....وهم صارت مشكله
جنت حتى اذا حمال بس مااكدر أأمن الهم بيت هو اني طفل والشارع مو امان الكاسر ظهري ريام بنيه واخاف مااكدر اوفرلهه بيت يحميهه ومااكدر اعوفهه واروح يم انسانه ماعدهه رحمه وشغلي يادوب يكفي للعيشه مو مال افتح بيت واني طفل
جنت اختنك من اشوف ريام وهيه طفله ...وتشتغل مثل الخدامه واصبر روحي المحتركه وكوه اسكت علاء...اكله اصبر.... واشجعه يدرس
مرت سنتين واني اشتغل حمال ..صار عمري ١٥سنه
جنت جاي تعبان تمددت كبل ....فوك بالغرفه ....جانت قبل بس غرفتي من جانت امي عايشه بس من اجتي مرت ابونا ....صرنه اني واخواني بيهه
ريام/محب بابا يصيحك
اجيت حبيبتي شبي وجهج باجيه
لا
عليج الله
والله لا
جانت تخاف تحجيلي ...شكد مااحاول اسحب منهه كلام بس تخاف ...لان تدري من تحجيلي راح احجي وانضرب وانطرد من البيت مثل كل مره وكوه ارجع للبيت
ورجعتي للبيت علمودهم
