#انتقام_وقسوة_محب
#بقلمي زينب العبودي
#ج/٢الحادي عشر
الكتَمان : أشبَه بـَ النزيف الدَاخلي
لايلاحظهُ أحَد ، وَ لكن ألمَه داخلي
يُرهق صَاحبه حد الهلَاك ..
شمر عليه الغطه وكال
انت خليتينه نوصل الهاي المرحله
من وره غبائج وسوالفج عدديمة عقل مااعرف ويمكن اني انطيتج مجال هواي
لان خليته بهيج موقف سخيف
غطاني وطلع ركع الباب حيل حتى موبايله عافه
عبالي راح للحمام مرت ساعه وهو ماكو بقيت اني بالغرفه ابجي ماادري شلون اباوع بوجهه بعد
وشلون اتأقلم ويه هذا الوضع الجديد
مااحس اله سمعت صوت ايمن غاص من البجي
كمت بسرعه ركضت طلعت رحت الغرفة دلال
ها شبي
كاعد يلعب وانركع راسه
اخذتهه منهه ورحت للغرفه شبكته وابجي
احس روحي رايحه وتعبانه حيل ماادري بهاي اللحظه
تمنيت احجي ويه محب واسمع صوته
باوعت علىً موبايله ردت اكلب بي طلع لازم اكتب رمز تندمت لان مكلبت بي اول مفتحه الي
""""""""""""""""""""
هديه/جنت متمدده بفراشي ابجي مااعرف شسوي اتذكر كلامه وارجع اتذكر الي سوا بيه مااكدر اسامحه
مسامحته ترخيص النفسي
اعتده عليه ضربني ذلني حرمني من ابني ومزاجه المتقلب وخيانته الي من يتصل ب رفل واخرهه
من عافني بوفاة امير وطلكني حتى بدون ميباوع على وجهي
احس حرگه بكلبي مو طبيعيه جنت ناسيتهن او متناسيتهن اليوم انفتحن كل جروحي
عبالي عنده سبب مقنع جنت بداخلي اكول خاف اكو شي مكايله الي تالي بدون سبب
هذا كله لان عباله اني بلاكرامه وحقه اني خليت هذا الشي ينطبع بعقله انو هديه بلا كرامه من قبلت تعيش ويا
دك موبايلي شلته باوعت هو
ابتسمت باستهزاء هسه صارت هديه مهمه
لو تموت يا محب مااجاوبك ولا ارجعلك
شغلته بقه يتصل واشغله الى ان غلقته
ثاني يوم كعدت الصبح رحت للمدرسه توقعت اشوفه ماكو مأجه قصص وروايات عراقية كرار صلاح
اول مدخلت للمدرسه تلاكيت ويه ريم
يا هلا بمرت اخويه وباستني
بعدني ولج
اليوم اليوم يا اختي
شنو اليوم
كامت تهز بحواجبهه
امي واني نجيكم امي تريد تشوفج وتتعرف عليكم
ولج
انجبي مو اتفقنه البارحه
شبسرعه
هسه الي يسمعج يكول جايبين نيشان هو بس اني وامي نجي شبيج زياره عاديه هيه الخطوبه هيج متعرفين تفاصيلهه
اي بس استحي
اوووي يربي تستحي امشي لج وين اكو بنيه تستحي بهذا الوكت
