#ﺍنتقام_وقسوة_محب
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#بارت٢٢
ﺑﻜﻴﺖ ﻭﻫﻞ ﺑﻜﺎﺀ ﺍﻟﻘﻠﺐ ﻳﺠﺪﻱ؟
ﻓﺮﺍﻕ ﺃﺣﺒّﺘﻲ ﻭﺣﻨﻴﻦ ﻭﺟﺪﻱ !
ﻓﻤﺎ ﻣﻌﻨﻰ ﺍﻟﺤﻴﺎﻩ ﺇﺫﺍ ﻓﺘﺮﻗﻨﺎ؟
ﻭﻫﻞ ﻳﺠﺪﻱ ﺍﻟﻨﺤﻴﺐ ﻓﻠﺴﺖ ﺃﺩﺭﻱ
ﻓﻼ ﺍﻟﺘﺬﻛﺎﺭ ﻳﺮﺣﻤﻨﻲ ﻓﺄﻧﺴﻰ
ﻭﻻ ﺍﻷﺷﻮﺍﻕ ﺗﺘﺮﻛﻨﻲ ﻟﻨﻮﻣﻲ ﻓﺮﺍﻕ ﺃﺣﺒّﺘﻲ
ﻛﻢ ﻫﺰّ ﻭﺟﺪﻱ ﻭﺣﺘﻰ ﻟﻘﺎﺋﻬﻢ ﺳﺄﻇﻞ ﺃﺑﻜﻲ .
ﺷﺒﻲ ﺣﺴﺎﻡ ﻣﺤﺐ ﻛﻠﻲ
ﻣﺎﻛﻮ ﺷﻲ ﺑﺲ ﺣﺎﺩﺙ ﺑﺴﻴﻂ ﺻﺎﺭ
ﻟﺘﺨﺎﻓﻴﻦ
ﺑﺎﻭﻋﺖ ﻋﻠﻲ ..... ﺻﻔﻨﺖ ﺑﻮﺟﻬﻪ ﻣﻜﺪﺭﺕ ﻻ ﺍﺻﺮﺥ ﻭﻻ ﺍﺳﻮﻱ ﺍﻱ ﺷﻲ ﻛﻠﺒﻲ ﻳﻜﻠﻲ ﺻﺎﺭ ﺑﻲ ﺷﻲ ﻭﺍﺧﺎﻑ
ﺍﺧﺎﻑ ﺍﺻﺮﺥ .... ﺑﺼﺮﺧﺎﺗﻲ ﺍﻓﻘﺪ ﺍﻻﻣﻞ
ﻭﺩﻳﻨﻲ ﻣﺤﺐ ﻭﺩﻳﻨﻲ ﺍﻟﻪ ﺑﺴﺮﻋﻪ
ﻳﻠﻠﻪ ﻫﺴﻪ ﻧﺘﻮﻛﻞ
ﻣﺴﺤﺖ ﺩﻣﻌﺘﻲ ﺑﻴﺪﻱ
ﻭﺍﺣﺠﻲ ﻭﻳﻪ ﻛﻠﺒﻲ
ﻻ ﺩﻳﺮ ﺑﺎﻟﺞ ﺗﺼﺮﺧﻴﻦ ﺩﻳﺮ ﺑﺎﻟﺞ
ﺭﺭﺣﺖ ﻟﻤﻴﺖ ﺍﻏﺮﺍﺽ ﺍﻳﻤﻦ ﺣﻠﻴﺒﻪ ﻭﻣﻼﺑﺴﻪ
ﻣﺘﺤﻤﻠﺖ ..... ﻛﻌﺪﺕ ﺑﺎﻟﻜﺎﻉ ﻭﻛﻤﺖ ﺍﺻﺮﺭﺥ
ﻻﺍﺍﺍﺍﺍﺍﺍﺍﺍﺍﺍﺍﺍﺍﺍ ﻣﺎﺍﻛﺪﺭ ﻭﺍﻟﻠﻪ
...........
ﻫﺪﻳﻪ / ﻣﻦ ﺩﺧﻞ ﻣﺤﺐ ... ﺣﺴﻴﺖ ﻭﺟﻬﻪ ﻣﻮ ﻃﺒﻴﻌﻲ
ﻛﻠﻠﻬﻪ ﺣﺎﺩﺙ ﺧﻠﻴﺖ ﺍﻳﺪﻱ ﻋﻠﻰ ﻛﻠﺒﻲ ﺑﺎﻭﻋﺖ ﻋﻠﻴﻬﻪ
ﻭﻛﻤﺖ ﺍﺭﺍﻗﺐ ﺗﺼﺮﻓﻬﻪ ﻣﺴﻮﺕ ﺷﻲ
ﻭﻛﺎﻟﺘﻠﻪ ﻭﺩﻳﻨﻲ
ﺑﺲ ﺭﺍﺣﺖ ﻛﺘﻠﻪ
ﺷﻨﻮ ﻣﺤﺐ ﺷﺼﺎﺭ
ﺧﻮﻣﺎ ﺻﺎﺭ ﻋﻠﻲ ﺷﻲ ﻛﻮﻝ
ﻻ ﻣﺎﺑﻲ ﺷﻲ
ﻋﻠﻴﻚ ﺍﻟﻠﻪ
ﺍﻟﺤﻤﺪﻟﻠﻪ ﻣﺎﺑﻲ ﺷﻲ .... ﺍﻧﺖ ﻫﻢ ﺟﻬﺰﻱ ﻧﻔﺴﺞ
ﺯﺍﺩ ﻗﻠﻘﻲ ... ﻭﺧﻮﻓﻲ
ﻭﺍﻣﻴﺮ
ﻭﺍﻟﻠﻪ ﻣﺎﺍﺩﺭﻱ
ﻣﺎﺍﺣﺲ ﺍﻟﻪ ﻋﺎﻃﺖ ﺭﻳﺎﻡ
ﺣﺴﻴﺖ ﻛﻠﺒﻲ ﺍﻧﻤﻠﺦ
ﺭﺣﺖ ﻋﻠﻴﻬﻪ ﺍﺭﻛﺾ ﻛﺎﻋﺪﻩ ﻭﺗﺼﺮﺥ
ﻛﻌﺪﺕ ﻛﺒﺎﻟﻬﻪ
ﻟﻴﺶ ﻛﺎﻋﺪ ﺗﻔﺎﻭﻟﻴﻠﻪ
ﻣﺎﻛﻮ ﺷﻲ ﺩﻳﻄﻤﻨﻲ
ﺭﻭﺣﻲ ﻭﻛﻠﺒﻲ ﻳﻜﻠﻠﻲ ﺑﻌﺪ ﻣﺘﺸﻮﻭﻓﻲ
ﺍﺣﺠﻴﻠﻲ .... ﻛﻠﻲ ﻣﺤﺐ
ﻛﻠﻲ ﺍﻟﺤﻘﻴﻘﻪ
ﻟﺘﺨﻠﻴﻨﻲ ﺍﺗﺄﻣﻞ ﻭﺍﻟﻄﺮﻳﻖ ﻃﻮﻳﻞ
ﺍﻧﺖِ ﻟﻴﺶ ﻣﻔﺎﻭﻟﺘﻪ
ﺑﺪﻟﻲ ﺑﺴﺮﻋﻪ ﻳﻠﻠﻪ
ﻭﻋﺎﻓﻨﻪ ﻭﺭﺍﺡ
ﺷﺒﻜﺘﻬﻪ ﺍﻝ ﺭﻳﺎﻡ .... ﻭﻛﺎﻣﺖ ﺗﺒﺠﻲ ﺑﺤﻀﻨﻲ
ﺷﻨﻮ ﻗﺼﺘﺞ ﺭﻳﺎﻡ ﻛﻮﻣﻲ ﻳﻠﻠﻪ ﺣﺎﺩﺙ ﺍﻧﻲ ﻫﻢ ﺻﺎﺭ ﺳﺎﻋﻪ ﺍﻛﻠﻪ ﺧﺎﻑ ﺍﻛﻮ ﺷﻲ ﻭﻳﺄﻛﺪﻟﻲ ﻣﺎﻛﻮ ﺷﻲ
ﻋﻠﻴﺞ ﺍﻟﻠﻪ
ﺍﻱ ﻭﺍﻟﻠﻪ
ﻟﻴﺶ ﻣﻴﺠﺎﻭﺑﻨﻲ ﺍﺫﺍ ﺣﺎﺩﺙ ﺑﺴﻴﻂ
ﻛﻠﺒﻲ ﻭﺟﻌﻨﻲ ﻋﻔﺘﻬﻪ ﻭﺭﺣﺖ ﻋﻠﻰ ﻣﺤﺐ بيج قصص عراقيه حقيقيه من واقعنا.روعه الطائي
ﻣﺤﺐ ﻛﻠﻲ ﺍﻟﺤﻘﻴﻘﻪ
ﻳﺎ ﺣﻘﻴﻘﻪ ﺷﺒﻴﺞ
ﺣﺴﺎﻡ ﺑﻲ ﺷﻲ
ﻟﺤﻲ ﺑﻌﺪ ﻟﺤﻲ
ﺷﺒﻴﺞ ﺑﺎﺑﺎ ﻛﺘﻠﺞ ﻣﺎﺑﻲ ﺷﻲ
ﻫﺴﻪ ﺷﻠﻮﻥ ﺗﺒﻘﻴﻦ ﺍﻧﺖِ
ﻭﻟﻪ ﺍﻛﻠﺞ ﺍﺑﻘﻲ ﺧﻞ ﺍﺭﻭﺡ ﻫﺴﻪ ﺍﻧﻲ ﻭﺭﻳﺎﻡ
ﻭﺍﻟﻠﻪ ﻣﺤﺘﺎﺭ
ﻛﻮﻝ ﺣﺴﺎﻡ ﻣﺎﺕ ﻭﺍﺧﺘﺼﺮ ﺍﻟﻄﺮﻳﻖ
ﺑﺠﻴﺖ ﻣﺘﺤﻤﻠﺖ ﻣﻮ ﻋﻠﻴﻚ ﺍﻟﻠﻪ
ﺭﺍﺡ ﺍﻛﻠﺞ ﺑﺲ ﻣﻮ ﺗﺼﺮﺧﻴﻦ
ﺍﻟﻄﺮﻳﻖ ﻃﻮﻳﻞ ﺧﺎﻑ ﻳﺼﻴﺮ ﻋﻠﻴﻬﻪ ﺷﻲ
ﺍﻧﻲ ﻫﻮ ﻳﺤﺠﻲ ﻭﺩﻣﻮﻋﻲ ﻳﺼﺒﻦ ﻛﻞ ﻛﻼﻣﻪ ﻳﻜﻮﻝ ﺣﺴﺎﻡ ﻣﺎﺕ
ﺗﻘﺮﺏ ﻋﻠﻴﻪ ﻭﺟﺮ ﺭﺍﺳﻲ ﻭﺧﻼ ﻋﻠﻰ ﺻﺪﺭﻩ
ﻣﺎﺕ ﺣﺴﺎﻡ ﻳﺎ ﻫﺪﻳﻪ
ﺍﻟﺒﻘﻴﻪ ﺑﺤﻴﺎﺗﺞ
ﻛﺒﻞ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﻛﻮﻩ ﺗﻤﺎﻟﻜﺖ ﻧﻔﺴﻲ ﺍﺣﺲ ﻛﻠﺒﻲ ﻭﺭﻡ ﻭﺍﺭﻳﺪ ﺍﺻﺮﺥ ﻋﻘﻠﻲ ﻣﻜﺎﻋﺪ ﻳﺴﺘﻮﻋﺐ ﻫﺬﺍ ﺍﻟﺨﺒﺮ
ﺑﺠﻴﺖ ﻭﺑﺲ ﻭﻧﻴﻦ ﻳﻄﻠﻊ ﻣﻨﻲ
ﻭﻫﻮ ﻳﻤﺴﺢ ﻋﻠﻰ ﺭﺍﺳﻲ
ﻫﺬﺍ ﻳﻮﻣﻪ ﻭﻣﻨﻜﺪﺭ ﻧﻌﺘﺮﺽ ﻋﻠﻰ ﺣﻜﻢ ﺭﺏ ﺍﻟﻌﺎﻟﻤﻴﻦ
ﺍﻟﻠﻪ ﻳﺮﺣﻤﻪ ﻭﻳﺠﻌﻞ ﻣﺜﻮﺍﻩ ﺍﻟﺠﻨﻪ
ﺍﻧﻲ ﺍﻛﻮﻝ ﺍﺑﻘﻲ ﻫﻨﺎ ﻣﻮ ﻣﺎﻝ ﺍﺛﻨﻴﻨﻪ ﻧﻌﻮﻑ ﺍﻣﻴﺮ
ﻭﺷﻴﺼﻴﺮ ﺧﺎﺑﺮﻱ ﺳﻴﺪ ﻋﻠﻲ
ﺑﻌﺪﻧﻲ ﻋﻘﻠﻲ ﻣﻤﺴﺘﻮﻋﺐ ﻫﺬﺍ ﺍﻟﺨﺒﺮ
ﻋﺎﻓﻨﻲ ﻭﺟﻬﺰ ﻏﺮﺍﺿﻪ ﻫﻮ
ﻭﺍﻧﻲ ﺑﻴﻦ ﻧﺎﺭﻳﻦ ﻻ ﺍﻛﺪﺭ ﺍﺭﻭﺡ ﻭﻫﻨﺎﻙ ﺍﻣﻴﺮ ﻳﺘﺒﻬﺬﻝ ﻭﻫﻮ ﻣﺮﻳﺾ ﻭﻳﺮﺍﺩﻟﻪ ﻣﻜﺎﻥ ﺩﺍﻓﻲ
ﻭﻻ ﺍﻛﺪﺭ ﺍﺑﻘﻪ ﻣﻦ ﺟﻬﻪ ﺣﺴﺎﻡ ﻫﺬﺍ ﺍﺣﻦ ﻭﺍﺣﺪ
ﻭﺭﻳﺎﻡ ﻣﺎﺍﺩﺭﻱ ﺷﺮﺍﺡ ﻳﺼﻴﺮ ﺑﻴﻬﻪ
ﺯﻳﻦ ﺭﺍﺡ ﺗﺮﻭﺣﻮﻥ ﻟﻠﻨﺎﺻﺮﻳﻪ
ﻻ ﻟﻠﻨﺠﻒ ﺍﻧﺘﻈﺮﻫﻢ
ﺍﺧﺮ ﺷﻲ ﻣﻜﺪﺭﺕ ﺍﺭﻭﺡ ﺍﺧﺎﻑ ﻋﻠﻰ ﺍﻣﻴﺮ
ﻭﺑﻘﻪ ﺑﺎﻟﻲ ﻳﻢ ﺭﻳﺎﻡ ﻭﻣﺤﺐ ﻛﻠﻬﻪ ﺑﻘﻲ ﺍﻳﻤﻦ ﻫﻨﺎ
ﻫﻴﻪ ﺗﺒﺎﻭﻉ ﻭﺧﺎﻳﻔﻪ .... ﻭﺟﻬﻪ ﻣﺎﺑﻲ ﻧﻘﻄﺔ ﺩﻡ ﺟﺎﺏ ﺳﻴﺪ ﻋﻠﻲ ﺳﻴﺎﺭﺗﻪ ﻻﻥ ﻣﺤﺐ ﺑﺎﻉ ﺳﻴﺎﺭﺗﻪ
ﻃﻠﻌﻮ ﻭﻛﻌﺪﺕ ﺍﺑﺠﻲ ﺑﺠﻴﺖ ﺑﺼﻮﺕ ﻋﺎﻟﻲ
ﺟﻨﺖ ﻣﺤﺘﺎﺟﻪ ﻫﺬﺍ ﺍﻟﺸﻲ ....... ﺷﻲ ﻣﻤﺘﻮﻗﻊ ﺍﺑﺪ ﻭﻻ ﻛﺎﻋﺪ ﻋﻘﻠﻲ ﻳﺴﺘﻮﻋﺒﻪ
..............
ﺭﻳﺎﻡ / ﺟﻨﺖ ﺧﺎﻳﻔﻪ ﻣﻦ ﺍﻭﻝ ﻣﺪﻛﻴﺖ ﻭﻣﺠﺎﻭﺏ ﺧﻔﺖ
ﻭﻛﻠﺒﻲ ﻛﻠﻲ ﺭﺍﺡ ﻭﺧﺎﻳﻔﻪ ﺧﺎﻳﻔﻪ ﺍﺑﺠﻲ ﺧﺎﻳﻔﻪ ﺍﺻﺮﺥ ﻭﻳﺼﻴﺮ ﻫﺬﺍ ﺍﻟﺸﻲ
ﻃﻠﻌﺖ ﻭﻳﻪ ﻣﺤﺐ ﻋﻔﺖ ﺍﺑﻨﻲ ﻳﻢ ﻫﺪﻳﻪ
ﻛﻠﺸﻲ ﻳﺪﻝ ﺍﻧﻮ ﺣﺴﺎﻡ ﺭﺍﺡ
ﺑﻘﻴﺖ ﺍﻟﻄﺮﻳﻖ ﻛﻠﻪ ﺟﺴﻤﻲ ﻳﺮﺟﻒ ﻭﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺟﺴﺪﻱ ﻫﻮ ﺭﻭﺣﻲ ﺷﻠﻮﻥ ﺍﻋﻴﺶ ﺑﺪﻭﻧﻪ
ﻫﻮ ﻛﻠﺸﻲ ﺑﺎﻟﻨﺴﺒﻪ ﺍﻟﻲ
ﺧﺎﻳﻔﻪ ﻭﺍﻟﻄﺮﻳﻖ ﻃﻮﻳﻞ ﻭﻣﺎﺍﻋﺮﻑ ﻭﻳﻦ ﺍﻟﻰ ﺍﻥ ﻗﺮﻳﺖ ﻣﺪﺧﻞ ﺍﻟﻨﺠﻒ
ﺩﺭﺕ ﻋﻠﻰ ﻣﺤﺐ
ﺍﻟﻨﺠﻒ ﻫﺎﺍﺍﺍﺍﻱ ﺍﻟﻨﺠﻒ
ﻣﺎﺍﺍﺍﺍﺍﺕ ﻣﻮﻭﻭﻭﻭﻭﻭ
ﻣﺎﺍﺍﺕ ﺣﺴﺎﺍﺍﺍﻡ ﻣﺎﺕ ﻭﺍﻟﻠﻪ
ﺑﺎﻭﻉ ﻋﻠﻴﻪ ﻣﺤﺐ ﻣﻴﺠﺎﻭﺏ ﺑﺲ ﻭﺟﻬﻪ ﻭﻧﻈﺮﺍﺗﻪ ﺍﻟﻲ ﺗﻜﻠﻲ ﺍﻱ
ﻛﻤﺖ ﺍﻣﻠﺦ ﺑﺮﻭﺣﻲ ﻛﻄﻌﺖ ﺷﻌﺮﻱ
ﺣﻴﻠﻢ ﻳﻤﻪ ﺣﺴﺎﺍﺍﺍﻡ ﻭﻟﻚ ﺣﺒﻴﺒﻲ ﻻﻻﺍﺍﺍﺍ ﻭﺍﻟﻠﻪ ﻣﺎﺍﺗﺤﻤﻞ
ﻭﻛﻒ ﺍﻟﺴﻴﺎﺭﻩ ﻣﺤﺐ ﻭﻟﺰﻡ ﺍﻳﺪﻱ
ﻣﺎﺍﺍﺍﺍﺍﺍ ﻣﺎﺍﺍﺍﺍﺍﺍﺍﺍ ﺣﺴﺎﺍﺍﺍﻡ ﺍﺭﻳﺪﻩ
ﻭﺍﻟﻠﻪ ﻣﺎﺍﺗﺤﻤﻞ ﻭﺩﻳﻨﻲ ﺍﻟﺤﺒﻴﺒﻲ
ﻭﺩﻳﻨﻲ ﺍﻟﻪ ﻫﻨﺎﻙ ﻣﻴﺠﻲ ﻟﻠﻨﺠﻒ
ﻣﻴﻌﻮﻓﻨﻲ ﻭﻣﻴﻌﻮﻑ ﺍﻳﻤﻦ ﻭﺍﻟﻠﻪ
ﻛﻮﻟﻲ ﻳﺎﻟﻠﻪ ﻭﺩﺍﺭ ﻋﻠﻴﻪ ﻭﺣﻀﻨﻲ
ﻳﺎ ﺍﻟﻠﻪ .... ﻳﺎﻟﻠﻪ ﺍﺣﺠﻲ ﻭﺍﺑﺠﻲ ﺍﺧﺨﺨﺨﺦ ﻳﻤﻪ
ﻣﺤﺐ ﺭﺍﺡ ﺣﺴﺎﻡ
ﺷﻠﻮﻥ ﺍﻋﻴﺶ ﻓﻬﻤﻨﻲ ﻭﻋﻄﺖ ﺑﺼﻮﺕ ﻋﺎﻟﻲ
ﻟﻴﺶ ﺗﺠﺬﺏ ﻋﻠﻴﻪ ﻓﻬﻤﻨﻲ ﻟﻴﺶ ﻟﻴﻴﻴﻴﻴﻴﺶ
ﻓﻬﻤﻨﻲ ﻣﺤﺐ ﻳﻌﻨﻲ ﺣﺴﺎﻡ ﻣﺎﺕ
ﻳﻌﻨﻲ ﺑﻌﺪ ﻣﺎﻛﻮ ﺣﺴﺎﻡ
ﻳﻌﻨﻲ ﻋﻴﻨﻪ ﻏﻤﻀﺖ
ﻭﻣﻴﺸﻮﻓﻨﻪ ﺑﻌﺪ
ﺯﻳﻦ ﺷﻠﻮﻥ ﺑﻴﻪ ﺍﻧﻲ
ﻭﺍﻟﻠﻪ ﻣﺎﺍﺗﺤﻤﻞ ﺍﺭﻳﺪﻩ ﺗﻌﺎﻝ ﺍﺭﺟﻊ ﺍﺭﺟﻊ ﻭﻳﺎﻙ ﻭﺍﻟﻠﻪ
ﻭﺍﻟﻠﻪ
ﻭﺻﻠﻨﻪ ﺩﺧﻠﻨﻪ ﻟﻼﻣﺎﻡ ﺍﻧﻲ ﻣﺎﺍﺗﺤﻤﻞ ﻣﺤﺐ ﻳﺴﺤﻞ ﺑﻴﻪ ﺳﺤﻞ ﻻﺯﻣﻨﻲ ﻭﺑﺎﻟﻜﻮﻩ ﺍﻣﺸﻲ ﺍﺧﻮﻁ ﺑﺮﺟﻠﻲ
ﺭﻭﺣﻲ ﺭﺍﻳﺤﻪ ﻣﻨﺘﻈﺮﻩ ﺟﻨﺎﺯﺓ ﺣﺒﻴﺒﻲ
ﻣﻨﺘﻈﺮﻩ ﻳﺪﻓﻨﻮﻥ ﺭﻭﺣﻲ ﺑﺎﻟﻜﺒﻮﺭ
ﺟﻨﺖ ﺻﺎﻓﻨﻪ ﻓﺠﺄﻩ ﺻﺮﺧﺖ
ﻭﻟﻚ ﺣﺴﺎﺍﺍﺍﺍﺩﻡ ﻭﻳﻦ ﺭﺍﻳﺢ ﻭﻋﺎﻳﻔﻨﻲ
ﻣﺤﺐ ..... ﺣﺒﻴﺒﺘﻲ ﻫﺬﺍ ﻧﺼﻴﺒﻪ ﻣﻨﻴﺘﻪ ﺍﺟﺖ ﻟﻮ ﺑﻴﺪﻩ ﻫﻮ ﻫﻢ ﻣﻴﺮﻭﺡ
ﻳﺎ ﻧﺼﻴﺐ ﺭﺍﺡ ... ﺭﺍﺡ ﺍﺑﻮ ﺑﻴﺘﻲ ﺭﺍﺡ ﺣﺒﻴﺒﻲ ﻭﺭﻭﺣﻲ
ﻭﻫﻮ ﻻﺯﻣﻨﻲ ﻛﻌﺪﺕ ﺑﺎﻟﻤﻜﺎﻥ ﻭﺗﺮﺑﻌﺖ
ﻛﺎﺑﻠﻨﻲ ﻭﻛﻌﺪ
ﺍﺑﺠﻲ ﺍﺭﺗﺎﺣﻲ ﺍﻟﻠﻪ ﻳﺼﺒﺮﺝ ﺣﺒﻴﺒﺘﻲ
ﻟﺘﺨﺎﻓﻴﻦ ﺍﻧﻲ ﻣﻮﺟﻮﺩ ﻭﻳﺎﺝ
ﻣﺎﺍﺭﻳﺪ ﺍﺣﺪ ﻏﻴﺮﻩ
ﺍﻧﻲ ﺍﺧﻮﺝ
ﺍﺭﻳﺪﻩ ﺍﻟﻪ ﻭﺑﺲ ﻣﺎﺍﻛﺪﺭ
ﺍﻟﺤﺪ ﻣﺠﺎﺑﻮ ﺣﺴﺎﻡ ﺟﺎﺑﻮ ﺣﺒﻴﺒﺘﻲ ﺑﺘﺎﺑﻮﺗﻪ
ﻓﺮﻭ ﺑﺎﻻﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ
ﻭﻃﻠﻌﻮ ﻛﻤﺖ ﺍﺻﺮﺥ ﺍﻟﻄﻢ ﻣﺎﺍﺩﺭﻱ ﺷﺴﻮﻱ
ﺷﺎﻳﻠﻲ ﻭﻳﺮﻳﺪﻭﻥ ﻳﺪﻓﻨﻮ
ﺷﻔﺘﻪ ﻛﺒﺎﻝ ﻋﻴﻨﻲ ﺫﺑﻮ ﺟﻮﻩ ﺍﻟﺘﺮﺍﺏ
ﺍﺻﻴﺢ ﻭﺍﺭﻳﺪ ﻣﻨﻪ ﺟﻮﺍﺏ ﻣﺎﻛﻮ
ﻣﻴﺤﺎﺟﻴﻨﻲ ﺭﻭﺣﻲ ﺗﻠﻮﺏ ﻋﻠﻲ ﻣﻤﺼﺪﻛﻪ
ﺍﻟﺒﺎﺭﺣﻪ ﺑﺤﻀﻨﻪ ﺟﻨﺖ ﻭﺍﻟﻴﻮﻡ ﻫﻮ ﺟﻮ ﺍﻟﺘﺮﺍﺏ
ﻭﺍﻣﻪ ﺗﺼﻴﺢ ﻳﺎﺑﻮ ﺍﻟﻄﻮﻝ ﺍﻟﺤﻠﻮ ﻭﻳﻦ ﺭﺍﻳﺢ
ﻳﺒﻮ ﻭﺟﻪ ﺍﻟﻀﺤﻮﻙ
ﻳﺎﻟﺤﻨﻴﻦ ﻭﻳﻦ ﺭﺍﻳﺢ ﻭﻋﺎﻳﻒ ﺍﻣﻚ
ﺍﻱ ﻭﺍﻟﻠﻪ ﻭﻳﻦ ﺭﺍﻳﺢ ﻭﻋﺎﻳﻔﻨﻪ ﻳﺎ ﺣﺒﻴﺒﻲ
ﻫﻴﺞ ﻣﺴﺘﻌﺠﻞ ﺗﻌﺎﻝ ﺍﺭﺟﻊ ﻭﺍﻟﻠﻪ ﻣﺎﺿﻮﺟﻚ
ﺍﺑﺪ ﻭﻻ ﺍﺷﻚ ﺑﻴﻚ
ﺭﺣﻨﻪ ﻛﺒﻞ ﻟﻠﻨﺎﺻﺮﻳﻪ ﺳﻮﻭﻟﻪ ﻓﺎﺗﺤﻪ ﺍﻧﻲ ﺭﺣﺖ ﺑﻐﻴﺮ ﻋﺎﻟﻢ ﺍﻧﺎﻡ ﻭﺍﻓﺰ ﻭﻫﻮ ﻣﺎﻛﻮ ﻣﺎﻛﻮ ﻋﻴﻮﻧﻲ ﺗﻐﻔﻪ ﺩﻗﺎﻳﻖ ﻭﺗﻔﺰ ﺗﺪﻭﺭ ﻋﻠﻲ
ﻣﺮﻥ ٣ ﺍﻳﺎﻡ ﻭﻫﻮ ﻣﺎﻛﻮ ﻛﻞ ﺷﻮﻳﻪ ﺍﻛﻮﻝ ﻫﺴﻪ ﻳﺠﻲ ﻭﻳﻜﻮﻝ ﺍﻧﻲ ﺍﺗﺸﺎﻗﻪ ﻭﻳﺎﻛﻢ ﻭﻣﻤﻴﺖ
ﻣﺠﺮﺩ ﺍﻣﻨﻴﺎﺕ ﻣﻴﺘﺤﻘﻘﻦ
ﺭﺣﺖ ﺍﻟﺒﻴﺘﻲ ..... ﻣﻜﺪﺭﺕ ﺍﺩﺧﻠﻪ ﺭﺟﻠﻲ ﻣﺘﻜﺪﺭ ﺗﺪﻭﺱ ﻋﺘﺒﺔ ﺍﻟﺒﺎﺏ ﺷﻠﻮﻥ ﺍﺩﺧﻠﻪ ﻭﻫﻮ ﻣﺎﻛﻮ
ﻣﺤﺐ / ﺍﻧﻲ ﺭﺍﺡ ﺍﺩﺧﻞ ﺍﺟﻴﺒﻠﺞ ﺍﻏﺮﺍﺽ ﺭﺟﻌﻲ ﻟﻠﺴﻴﺎﺭﻩ
ﻻ .... ﻣﺎﺍﺭﻳﺪ ﺍﻧﻲ ﻫﺴﻪ ﺍﺩﺧﻞ
ﺟﺒﺮﺕ ﻧﻔﺴﻲ ﺍﺩﺧﻞ ﻟﻠﺒﻴﺖ ﺟﺎﻥ ﺍﻃﻠﻢ ﺭﻏﻢ ﻣﻤﺸﺘﻐﻠﻪ ﻟﻜﻠﻮﺑﺎﺕ ﻃﺎﻓﻲ ﺑﺎﺭﺩ ﺣﻴﻞ ﻭﻻ ﻋﺒﺎﻟﻚ ﺑﻴﺘﻨﺎ
ﺟﺎﻧﻦ ﺣﻴﺎﻃﻴﻨﻪ ﺑﻴﻬﻦ ﺻﺪﻯ ﺻﻮﺗﻰ ﺿﺤﻜﺎﺗﻪ
ﺍﻣﺸﻲ ﻭﻛﻠﺸﻲ ﺑﻴﻪ ﻳﺮﺟﻒ ﻭﻛﻠﺒﻲ ﻳﻨﺰﻑ
ﺩﺧﻠﺖ ﺍﻟﻐﺮﻓﺘﻨﻪ ﻭﺣﺸﻪ ﺣﻴﻞ ﻭﺗﺸﻴﺮﺗﻪ ﺍﻟﻲ ﺟﺎﻥ ﻻﺑﺴﻪ ﻗﺒﻞ ﻟﻨﻄﻠﻊ ﻋﻞ ﺟﺮﺑﺎﻳﻪ
ﺭﺣﺖ ﻋﻠﻲ ﺷﻠﺘﻪ ﻛﻤﺖ ﺍﺷﻢ ﺑﻲ ﻭﺍﺑﺠﻲ ﺑﺤﺮﻛﻪ
ﻭﻳﻨﻚ ﻳﺎﺭﻭﺣﻲ ﺍﻧﺖ ﺗﻌﺎﻝ ﺍﻟﻠﻪ ﻋﻠﻴﻚ ﺗﻌﺎﻝ
ﺑﻘﻴﺖ ﺷﺎﺑﻜﻪ ﺗﺸﻴﺮﺗﻪ ﻭﺍﺑﺠﻲ
ﻳﻌﻨﻲ ﺣﺎﺩﺙ ﻳﺎﺧﺬﻙ ﻣﻨﻲ
ﺟﻨﺖ ﺗﺮﻳﺪﻧﻲ ﺍﺟﻲ ﻭﻳﺎﻙ ﻭﻣﺘﻌﻮﻓﻨﻲ ﻭﺍﻧﻲ ﺍﻟﻐﺒﻴﻪ ﻣﻌﺮﻓﺖ
ﻛﺘﻠﻲ ﻣﺎﺍﺭﻭﺡ ﻭﺍﻧﻲ ﺧﻠﻴﺘﻚ ﺗﺮﻭﺡ
ﺳﻠﻤﺘﻚ ﻟﻠﻤﻮﺕ ﺑﻴﺪﻱ
ﺍﺧﺬﺗﻠﻲ ﻛﻢ ﺷﻐﻠﻪ ﻭﻃﻠﻌﺖ ﻣﻦ ﺍﻟﺒﻴﺖ ﻭﺍﺧﺬﺕ ﺻﻮﺭﻧﻪ ﻭﺗﺸﻴﺮﺗﻪ ﺍﻟﻲ ﺟﺎﻥ ﻻﺑﺴﻪ
............
ﻫﺪﻳﻪ / ﺑﻌﺪ ﻣﺎ ﻃﻠﻌﻮ ﺭﻳﺎﻡ ﻭﻣﺤﺐ ﺑﻘﻪ ﻋﻠﻰ ﺗﻮﺍﺻﻞ ﻭﻳﺎﻱ
ﻛﻞ ﺷﻮﻳﻪ ﻳﺘﺼﻞ ﻳﻄﻤﺌﻦ ﻭﺍﻡ ﻗﺎﺳﻢ ﻣﻌﺎﻓﺘﻨﻲ ﺧﻄﻴﻪ
ﺳﺎﻋﺪﺗﻨﻲ ﻫﻮﺍﻱ
ﺍﻧﺴﺎﻧﻪ ﻣﺘﻨﻮﺻﻒ ﺍﺑﺪﺍً ﻃﻴﺒﺔ ﻛﻠﺐ ﻭﻣﺎﺍﺣﺴﻬﻪ ﻏﺮﻳﺒﻪ ﺍﺣﺴﻬﻪ ﻛﺎﻧﻤﺎ ﻗﺮﻳﺒﻪ ﺍﻟﻴﻪ
ﺭﻏﻢ ﻣﺎ ﻣﻄﺎﻳﻘﻪ ﺍﻟﺒﻴﺖ ﻫﺬﺍ ﻭﻣﺤﺒﻴﺘﻪ ﺑﺲ ﺍﻟﺸﻲ ﺍﻟﻮﺣﻴﺪ ﺍﻟﺤﻠﻮ ﺻﺎﺭ ﻫﻴﻪ ﺍﻡ ﻗﺎﺳﻢ
ﺍﻣﻴﺮ ﻧﻔﺲ ﻭﺿﻌﻪ ﺻﺨﻮﻧﻪ ﻋﻠﻰ ﺻﺪﺭﻩ ﺑﻲ ﺻﻮﺕ ﻭﻧﻔﺴﻪ ﻛﻮﻩ ﻳﺘﻨﻔﺴﻪ ﻭﺍﻧﻲ ﻣﻜﺎﺑﻠﺘﻪ ﻭﺍﺑﺠﻲ
ﺧﺎﺑﺮﻧﻲ ﻣﺤﺐ ﻛﺎﻝ ﻃﻠﻌﻨﻪ ﻣﻦ ﺍﻟﻨﺎﺻﺮﻳﻪ
ﻭﺑﻘﻪ ﻫﻢ ﻋﻠﻰ ﺗﻮﺍﺻﻞ ﻭﻳﺎﻱ
ﺍﺧﺮ ﺷﻲ ﻭﺻﻞ ﻟﻠﻤﻨﻄﻘﻪ ... ﻛﺎﻝ
ﺧﻮﻣﺎ ﻣﺤﺘﺎﺟﻪ ﺷﻲ
ﻭﻟﻮ ﻣﺤﺪ ﻣﻔﺘﺢ ﻫﺴﻪ
ﺷﻮﻳﻪ ﻭﺍﺟﻮﻱ ﻓﺘﺤﺖ ﺍﻟﺒﺎﺏ
ﺟﺎﻧﺖ ﺭﻳﺎﻡ ﺷﻜﻠﻬﻪ ﻳﻜﺴﺮ ﺑﺎﺏ ﺍﻟﮕﻠﺐ ﺗﻤﺸﻲ ﺑﺪﻭﻥ ﻭﻋﻲ ﻭﻋﻴﻮﻧﻬﻪ ﺗﺼﺐ ﺑﺴﺘﻬﻪ ﻭﻫﻴﻪ ﻭﻻ ﻳﻤﻬﻪ
ﺳﻠﻤﺖ ﻋﻠﻰ ﻣﺤﺐ ﺑﺴﺘﻪ ﺩﺧﻠﺖ ﻟﻼﺳﺘﻘﺒﺎﻝ
ﺟﺎﻥ ﺍﻳﻤﻦ ﻧﺎﻳﻢ ﻛﺒﻞ ﺭﺍﺡ ﻋﻠﻲ ﻭﺷﺎﻟﺘﻬﻪ ﻭﺧﻠﺘﻬﻪ ﺑﺼﺪﺭﻫﻪ
ﺍﺍﺍﺍﺍﺍﺥ ﻳﺎ ﺍﻳﻤﻦ ﻭﻟﻚ ﺍﺑﻮﻭﻭﻭﻙ ﺭﺍﺡ
ﻭﻟﻚ ﺍﺑﻮﻙ ﺭﺍﺡ
ﻛﻌﺪ ﺍﻳﻤﻦ ﻣﺨﺘﺮﻉ ﺍﻧﻲ ﻛﺒﻞ ﺑﺠﻴﺖ ﻣﺘﺤﻤﻠﺖ ﺍﻟﻤﻨﻈﺮ ﺧﻄﻴﻪ ﻳﺒﺎﻭﻉ ﻋﻠﻴﻬﻪ ﺟﺎﻥ ﻋﻤﺮﻩ ﺳﻨﻪ ﻭﺷﻮﻳﻪ ﻳﻌﺪﻩ ﻛﻠﺸﻲ ﻣﻴﻔﺘﻬﻢ ﺷﺒﻜﺘﻪ ﺣﻴﻞ ﻭﺗﺒﺠﻲ ﻫﻮ ﻛﺎﻡ ﻳﺒﺠﻲ
ﺟﺮﻩ ﻣﻨﻬﻪ ﻣﺤﺐ
ﻏﺺ ﻣﻦ ﺍﻟﺒﺠﻲ ﻫﻮ
ﻳﻠﻠﻪ ﺣﺒﻴﺒﻲ ﺍﺷﺶ ... ﺍﺵ
ﻧﺎﻣﺖ ﻋﻞ ﻗﻨﻔﻪ
ﻳﻤﻪ ﻭﺍﻟﻠﻪ ﻣﺎﺍﻛﺪﺭ ﺍﺭﻳﺪﻩ ﺍﺭﻳﺪ ﺣﺴﺎﻡ ﺍﺭﻳﺪ ﺣﻴﺎﺗﻲ ﻣﺎﺍﻛﺪﺭ ﺑﺪﻭﻧﻪ ﻣﺤﺪ ﻳﻔﻬﻤﻨﻲ ﻭﻳﻨﻚ ﻭﻳﻨﻚ ﻳﻤﻌﻮﻭﻭﺩ ﺗﻌﺎﻟﻲ
ﺍﻧﻄﺎﻧﻲ ﻣﺤﺐ ﺍﻳﻤﻦ ﻭﺭﺍﺡ ﺷﺒﻜﻬﻪ ﻭﻳﺤﺠﻲ ﻭﻳﺎﻫﻪ
ﻣﺤﺐ / ﺑﺎﻭﻋﻴﻠﻲ ﺭﻳﺎﻡ ﺍﻧﺘﻲ ﺍﻧﺴﺎﻧﻪ ﻣﺆﻣﻨﻪ
ﺣﺮﺍﻡ ﺗﺴﻮﻳﻦ ﻫﻴﺞ ﻭﺑﻌﺪﻳﻦ ﺍﻳﻤﻦ ﻣﻨﻮ ﺍﻟﻪ ﻏﻴﺮ ﺗﺸﺪﻳﻦ ﺣﻴﻠﺞ ﻟﻮ ﺗﺮﻳﺪﻱ ﻳﺘﻴﺘﻢ
ﺍﻳﻤﻦ ..... ﺍﻳﻤﻦ ﺑﻌﺪ ﻣﺎﻋﻨﺪﻩ ﺍﺏ
ﺍﻧﻲ ﻣﻮﺟﻮﺩ ﻭﻣﺎﺍﺧﻠﻲ ﻳﺤﺘﺎﺝ ﺷﻲ
ﻭﻣﺎﺍﺧﻠﻲ ﻳﺤﺲ ﺍﺑﻮ ﻣﻴﺖ ﻣﺘﻮﺛﻘﻴﻦ ﺑﻴﻪ ﺍﻧﺖِ
ﺑﻘﻪ ﻳﺤﺠﻲ ﻭﻳﺎﻫﻪ ﻛﻮﻣﻪ ﺳﻮﺍﻟﻔﻪ ﺗﺨﺒﻞ ﻭﻳﺎﻫﻪ
ﺍﺧﺮ ﺷﻲ ﻛﻠﻲ ﻓﺮﺷﻴﻠﻬﻪ ﻓﺮﺍﺵ
ﺭﺣﺖ ﻓﺮﺷﺘﻠﻬﻪ ﺑﺎﻟﻐﺮﻓﻪ ﺍﻟﺜﺎﻧﻴﻪ ﻭﻣﺤﺐ ﻛﻮﻣﻬﻪ ﻭﻏﻄﺎﻫﻪ ﻭﻃﻠﻌﻨﻪ ﺍﻳﻤﻦ ﻭﻃﻠﻌﻨﻪ ﺩﺧﻞ ﻟﻠﻐﺮﻓﻪ ﺑﺎﺱ ﺍﻣﻴﺮ
ﻭﺭﺟﻊ ﺗﻤﺪﺩ ﻋﻞ ﺟﺮﺑﺎﻳﻪ ﺍﻧﻲ ﺟﻨﺖ ﻣﻠﺘﻬﻴﻪ ﺑﻴﻦ ﺍﻣﻴﺮ ﻭﺑﻴﻦ ﺍﻳﻤﻦ ﺍﺧﺮ ﺷﻲ ﻧﺎﻡ ﺍﻳﻤﻦ ﻓﺮﺷﺘﻠﻪ ﺑﺎﻟﻜﺎﻉ ﻳﻤﻴﻨﻪ ﻭﻧﻮﻣﺘﻪ
ﻭﻧﻮﻣﺖ ﺍﻣﻴﺮ ﺗﻮﻧﻲ ﻛﻌﺪﺕ ﻋﻞ ﺟﺮﺑﺎﻳﻪ ﻳﻤﻪ ﻛﺎﻡ
ﻛﺎﻝ ﺟﻬﺰﻳﻠﻲ ﻣﻼﺑﺲ ﻣﺤﺘﺎﺝ ﺣﻤﺎﻡ
ﺩﻙ ﻣﻮﺑﺎﻳﻠﻪ ﺭﺳﺎﻟﻪ ﻫﻮ ﻣﻬﺘﻢ ﻃﻠﻊ ﻟﻠﺤﻤﺎﻡ
ﻃﻠﻌﺘﻠﻪ ﻣﻼﺑﺲ
ﻭﺭﺟﻌﺖ ﻟﻠﻐﺮﻓﻪ ﺗﻤﺪﺩﺕ ﻋﻞ ﺟﺮﺑﺎﻳﻪ
ﺟﺎﻥ ﻣﻮﺑﺎﻳﻠﻪ ﻋﻞ ﻣﻴﺰ ﺭﺩﺕ ﺍﺷﻮﻑ ﺍﻟﺴﺎﻋﻪ ﺑﻴﺶ
ﻻﻥ ﻣﻤﺨﻠﻴﻦ ﺳﺎﻋﻪ ﺑﻠﻐﺮﻓﻪ
ﺳﺤﺒﺘﻪ ﺷﻔﺖ ﺍﻟﺴﺎﻋﻪ ﻭﻣﺎﺍﻋﺮﻑ ﻟﻴﺶ ﻣﻦ ﺷﻔﺖ ﺍﻟﺮﺳﺎﻟﻪ ﻛﺘﻠﻨﻲ ﺍﻟﻔﻀﻮﻝ ﻣﻨﻮ ﻳﺪﺯ ﺑﻬﻴﺞ ﻭﻗﺖ
ﻓﺘﺤﺖ ﺍﻟﺮﻣﺰ ﻧﻔﺴﻪ ... ﻛﻴﻔﺖ
ﺭﺣﺖ ﻋﻞ ﺭﺳﺎﻟﻪ ﻣﻦ ﺭﻓﻞ
💬 ﻃﻤﻨﻲ ﻋﻨﻚ ﺭﺟﻌﺖ ﺍﻝ ﺑﻐﺪﺍﺩ ﻟﻮ ﻻ
ﻛﺒﻞ ﺧﻠﻴﺖ ﺍﻳﺪﻱ ﻋﻠﻰ ﻛﻠﺒﻲ ﺍﺣﺲ ﻧﻔﺴﻲ ﺍﻧﻜﻄﻊ
ﺭﺟﻌﺖ ﻗﺮﻳﺖ ﺭﺳﺎﻟﻪ ﺛﺎﻧﻴﻪ
ﺭﺟﻌﺖ ﺑﺎﻟﺮﺳﺎﺋﻞ
ﻭﺣﺪﻩ
💬 ﺷﺨﺒﺎﺭ ﺭﻳﺎﻡ ﺑﺎﻟﻲ ﻳﻤﻬﻪ ﺣﻴﻞ
💬 ﻣﻮ ﻛﻠﺖ ﺑﻠﻴﻞ ﺍﺧﻠﻴﺞ ﺗﺤﺠﻴﻦ ﻭﻳﺎﻫﻪ ﺑﺎﻟﻲ ﻳﻤﻬﻪ
ﻭﺍﻧﻮﺏ ﺑﺘﺎﺭﻳﺦ ﻗﺪﻳﻢ ﻣﻦ ﺟﺎﻥ ﺑﻠﺒﻨﺎﻥ
💬 ﺍﺫﺍ ﺳﺄﻟﻮﻧﻲ ﺑﻴﻮﻡ ﻣﻦ ﺍﻻﻳﺎﻡ ﻣﻨﻮ ﺣﺒﻴﺒﺞ
ﺭﺍﺡ ﺍﺟﺎﻭﺏ ﺍﺣﺐ ﻣﺤﺐ
ﻭﺍﺫﺍ ﻛﺎﻟﻮﻟﻲ ﺑﺲ ﻫﻮ ﺧﻠﻒ ﺑﻮﻋﺪﻩ ﻭﻳﺎﺝ ﻫﻢ ﺭﺍﺡ ﺍﻛﻮﻝ ﺍﺣﺐ ﻣﺤﺐ
ﺍﺣﺒﻚ ﻣﺤﺐ
ﺳﻤﻌﺖ ﺑﺎﺏ ﺍﻟﺤﻤﺎﻡ ﺍﻧﻄﺒﻚ ﻛﺒﻞ ﺫﺑﻴﺘﻪ ﺍﺣﺲ ﻧﻔﺴﻲ ﺍﺧﺘﻨﻜﺖ ﺣﻴﻞ
ﻭﻛﻤﺖ ﺍﻟﻮﺏ ﻣﻠﺤﻜﺖ ﺍﺷﻮﻑ ﺍﻟﻤﻜﺎﻟﻤﺎﺕ ﺍﻟﺒﻴﻨﻬﻢ
ﺍﺑﺪ ﻣﻮ ﺑﻮﻗﺘﻬﻪ ﺍﺑﺪ
ﺷﻮﺩﺍﻧﻲ ﻟﻠﻤﻮﺑﺎﻳﻞ
ﺍﺥ ﻳﺎﻛﻠﺒﻲ
ﻛﻤﺖ ﺍﻭﻝ ﻣﺪﺧﻞ ﻛﺘﻠﻪ ﺑﺎﻟﻌﺎﻓﻴﻪ
ﻭﺭﺩﺕ ﺍﻃﻠﻊ
ﺍﻟﻠﻪ ﻳﻌﺎﻓﻴﺞ
ﻭﻳﻦ
ﺍﺭﻳﺪ ﺍﺭﻭﺡ ﺍﺷﻮﻑ ﺭﻳﺎﻡ ﻧﺎﻳﻤﻪ
ﻛﻼﺹ ﻣﻲ ﻭﻳﺎﺝ ﺣﺒﻴﺒﺘﻲ
ﻃﻠﻌﺖ ﺍﺧﺬﺕ ﺣﺴﺮﻩ ﻭﻧﺰﻟﺖ ﺩﻣﻌﺘﻲ ﻛﺒﻞ
ﺍﺧﺨﺦ ﻳﺎ ﻛﻠﺒﻲ ﺍﻟﺤﻘﻴﺮ
ﺷﻜﺪ ﺍﻧﺴﺎﻧﻪ ﻣﺎﻋﻨﺪﺝ ﻛﺮﺍﻣﻪ ﻳﺎ ﻫﺪﻳﻪ
ﺭﺟﻌﺘﻴﻠﻪ ﺑﻌﺪ ﻣﺎﺫﻟﺞ
ﺍﻟﺤﻘﻴﺮ ﻳﻜﺪﺭ ﻳﻜﻮﻝ ﺍﺭﻳﺪﻫﻪ ﻭﻳﺨﻠﻴﻨﻲ ﺍﺧﺘﺎﺭ
ﺑﺲ ﺣﺘﻰ ﺍﺫﺍ ﺍﺧﺘﺎﺭﻳﺖ ﻣﺎﺍﻛﺪﺭ ﺍﻋﻮﻑ ﺍﻣﻴﺮبيج قصص عراقيه حقيقيه من واقعنا.روعه الطائي
ﺍﺧﺨﺦ ﻳﺎ ﺣﺴﺎﻡ ﺍﻟﻠﻪ ﻳﺮﺣﻤﻚ
ﻣﻨﻮ ﺑﻌﺪ ﺍﻟﻲ ﻫﻮ ﺍﻧﺖ ﺍﺣﻦ ﻭﺍﺣﺪ ﺑﻴﻬﻢ
ﻭﺍﻟﻠﻪ ﻣﺎﺍﺻﺪﻙ ﺭﺣﺖ
ﺭﺣﺖ ﺍﺧﺬﺗﻠﻪ ﻣﻲ ﻭﺍﻧﻄﻴﺘﻪ ﺍﻟﻪ ﺟﺎﻥ ﻛﺎﻋﺪ ﻋﻞ ﺟﺮﺑﺎﻳﻪ ﻭﻣﺘﺠﻲ ﻇﻬﺮﻩ ﻋﻞ ﻣﺨﺪﻩ
ﻫﺎ ﻧﺎﻳﻤﻪ
ﺍﻱ
ﺷﺒﻴﺞ ﺷﻮ ﺍﺣﺴﺞ ﻣﻮ ﻃﺒﻴﻌﻴﻪ
ﺍﻧﻲ ... ﻻ ﺑﻠﻌﻜﺲ
ﻣﺘﺄﻛﺪﻩ
ﺍﻱ ﻣﺘﺄﻛﺪﻩ ﺍﻧﻄﻴﺘﻪ ﺍﻟﻤﻲ ﻭﻃﻔﻴﺖ ﺍﻟﻜﻠﻮﺏ ﻭﻧﻤﺖ ﻋﺪﻝ ﻻ ﺍﻛﺪﺭ ﺍﻻﺩﻭﺭ ﻭﺟﻬﻲ ﻋﻨﻪ ﻭﺍﺯﻋﻞ ﻭﺍﻓﺘﺢ ﻣﻮﺍﺿﻴﻊ ﻋﻨﻪ
ﻭﻫﻮ ﺗﻮﻩ ﺟﺎﻱ ﻭﺍﻟﺪﻧﻴﺎ ﻓﺠﺮ ﻭﺍﻟﺠﻬﺎﻝ ﻧﺎﻳﻤﻴﻦ ﻭﺭﻳﺎﻡ ﻭﺍﻧﻲ ﺍﻋﺮﻓﻪ ﺻﻮﺗﻪ ﻋﺎﻟﻲ ﻭﻣﻴﺘﻨﺎﻗﺶ
ﻭﻻ ﺍﻛﺪﺭ ﺍﻟﻲ ﺍﻣﺜﻞ ﻭﺍﻋﺘﺒﺮ ﻧﻔﺴﻲ ﻣﻘﺎﺭﻳﺘﻬﻦ
ﺑﻘﻴﺖ ﺑﺤﻴﺮﻩ ﻣﻦ ﺍﻣﺮﻱ
ﻋﺪﻝ ﻣﺨﺪﺗﻪ ﻭﺗﻤﺪﺩ
ﻭﺧﻠﻪ ﺭﺍﺳﻪ ﻋﻠﻰ ﺻﺪﺭﻱ
ﻣﻤﺸﺘﺎﻗﺘﻠﻲ
ﻣﺸﺘﺎﻗﺘﻠﻚ
ﻣﻤﺒﻴﻦ
ﺍﺣﺲ ﻧﻔﺴﻲ ﺿﺎﻙ ﺍﺧﺘﻨﻜﺖ ﺣﻴﻞ ﻭﺩﻣﻌﺖ ﻋﻴﻨﻲ
ﺭﻓﻊ ﺭﺍﺳﻪ ﺭﺍﺩ ﻳﺒﻮﺳﻨﻲ
ﻭﺧﺮﺭﺭﺭ
ﻛﺒﻞ ﺭﻓﻊ ﺭﺍﺳﻪ
ﺷﺒﻴﺞ ﺣﺒﻴﺒﺘﻲ
ﻣﺎﺍﺗﺤﻤﻞ
ﺷﻨﻮ
ﻗﺮﺑﻚ ﻣﻨﻲ
ﺷﻨﻮ ﻫﺎﻱ ﺟﺪﻳﺪﻩ ﻛﺎﻡ ﻭﻛﻌﺪ ﻋﻠﻰ ﺣﻴﻠﻪ
ﻣﺠﺎﻭﺑﺘﻴﻨﻲ ﺷﻨﻮ ﻫﺎﻱ ﺟﺪﻳﺪﻩ
ﺷﺼﺎﻳﺮ
ﺍﻋﺬﺭﻧﻲ ﺍﻧﺖ ﺗﻌﺒﺎﻥ ﻭﻣﻮ ﺣﻤﻞ
ﻫﺎﻟﺴﻮﺍﻟﻒ ﻭﺍﻋﺮﻑ
ﺍﻟﻲ ﺑﻴﻨﺎﺗﻨﻪ ﺍﻣﻴﺮ
ﻟﺬﻟﻚ ﺑﻤﺎ ﺍﻧﻮ ﺍﻣﻴﺮ ﺑﻴﻨﺎﺗﻨﻪ ﺍﻧﻲ
ﺍﻧﻲ ﺑﺎﻗﻴﻪ ﺑﺲ ﻣﺎﺍﺭﻳﺪﻙ ﺗﺘﻘﺮﺏ ﻣﻨﻲ ﺍﺑﺪ
ﺑﻌﺼﺒﻴﻪ ﺍﻧﺖِ ﺷﺪﺗﻠﻐﻴﻦ
ﻛﻮﻣﻲ ﻓﺘﺤﻲ ﻟﻜﻠﻮﺏ ﺧﻞ ﺍﻓﺘﻬﻢ
ﺳﺎﻟﻔﺘﺞ ﺷﻨﻮﻭﻭ
ﺍﺳﺘﻐﻔﺮﺭﺭﻙ ﻳﺎﺭﺑﻲ ﻫﻮ ﺍﻟﻤﻜﺘﻮﺑﻠﻪ ﺍﻟﻀﻴﻢ ﺷﻴﺘﻮﻗﻊ
ﻳﺮﺗﺎﺡ
ﻛﻮﻭﻭﻣﻲ ﻓﺘﺤﻲ ﺍﻟﻜﻠﻮﺏ
ﺷﻜﻮ ﻣﺤﺐ
ﻭﻭﺟﻌﺔ ﻣﺤﺐ ﺍﻥ ﺷﺎﺀ ﺍﻟﻠﻪ ﺍﻣﻮﻭﺕ ﻭﺍﺧﻠﺺ ﻭﺍﺭﺗﺎﺡ ﻣﻦ ﺍﻟﻀﻴﻢ ﻛﻮﻣﻲ ﻓﺘﺤﻲ ﺍﻟﻜﻠﻮﺏ
ﻛﻤﺖ ﻓﺘﺤﺘﻪ ﻭﺑﺤﺪﻳﻪ ﺟﺎﻭﺑﺘﻪ
ﺗﺮﻩ ﺷﻔﺖ ﺍﻟﺮﺳﺎﺋﻞ
ﻳﺎ ﺭﺳﺎﺋﻞ ﻫﺎﻱ
ﺍﻧﺖ ﻭﺭﻓﻞ
ﺍﻧﻲ ﻭﺭﻓﻞ
ﻳﻌﻨﻲ ﺍﻧﻲ ﻣﺠﺎﻭﺑﻬﻪ ﺷﻔﺘﻴﻨﻲ ﻣﺠﺎﻭﺑﻬﻪ
ﻣﺘﺤﺠﻴﻦ
ﻭﻟﺰﻡ ﻣﻮﺑﺎﻳﻠﻪ ﻭﻓﺘﺤﻪ
ﻣﻤﺠﺎﻭﺑﻬﻪ ﺑﺲ ﻫﻴﻪ ﺩﺍﺯﺗﻠﻚ ﺭﻳﺎﺋﻞ ﻳﺠﻮﺯ ﺣﺎﺫﻑ ﺍﻧﺖ
ﺍﻧﻲ ﺍﺣﺬﻑ ﻭﻟﻴﺶ ﺍﺣﺬﻑ ﻣﺜﻼً
ﻋﻠﻤﻮﺩ ﻣﺎﺍﺷﻮﻓﻬﻦ
ﻭﺍﻧﻲ ﻣﺜﻼً ﺧﺎﻳﻒ ﻣﻨﺞ ﺍﺫﺍ ﻋﻨﺪﻱ ﺷﻲ
ﻭﺍﺣﺬﻑ
ﻭﻫﺎﻱ ﺍﻟﺮﺳﺎﻟﻪ ﻣﺸﺎﻳﻔﻬﻪ ﺍﻻﺧﻴﺮﻩ
ﻫﺎﻱ ﻫﺴﻪ ﺍﺟﺘﻚ
ﺗﻌﺎﻟﻲ ﺗﻘﺮﺑﻲ ﺷﻮﻓﻲ
ﻛﻢ ﺭﺳﺎﻟﻪ ﺩﺍﺯﻩ ﻭﺍﻧﻲ ﻣﻤﺠﺎﻭﺑﻬﻪ
ﻭﻫﺎﻱ ﺍﻟﺮﺳﺎﻟﻪ ﺷﻨﻮﻭﻭ
ﻣﻦ ﺗﻜﻠﻚ ﻣﻮ ﻛﺘﻠﻲ ﺍﺧﻠﻴﺞ ﺗﺤﺠﻴﻦ ﻭﻳﺎﻫﻪ
ﻳﻌﻨﻲ ﻣﻌﻨﺎﻫﻪ ﺣﺎﺟﻲ ﻭﻳﺎﻫﻪ
ﺑﺎﻭﻉ ﻋﻠﻴﻪ ﻭﺭﻓﻊ ﺣﺎﺟﺒﻪ ﻛﺎﻡ ﻳﺘﻨﻔﺲ ﺳﺮﻳﻊ ﻋﻮﺩ ﻫﻮ ﻋﺼﺒﻲ
ﺑﺎﻭﻋﻲ ﺧﺼﻢ ﺍﻟﻜﻼﻡ ﻣﺎﻋﻨﺪﻱ ﺷﻲ ﻭﻳﺎﻫﻪ
ﻟﺘﺤﺠﻴﻦ ﻭﻟﺘﺴﺄﻟﻴﻦ ﺑﻌﺪ
ﻭﺫﺍ ﻋﻨﺪﻱ ﺷﻲ ﺍﻧﻲ ﻻ ﺍﺧﺎﻑ ﻭﻻ ﺍﺳﺘﺤﻲ ﺍﻛﻠﺞ ﻋﻨﺪﻱ
ﺍﻓﺘﻬﻤﺘﻲ ﺑﺎﺑﺎ
ﺑﺎﻭﻋﺖ ﻋﻠﻲ ﺍﻧﺼﺪﻣﺖ ﻣﻦ ﻛﻼﻣﻪ
ﻛﺘﻠﻪ ﻭﺍﻟﻠﻪ
ﺷﻨﻮ ﺍﻝ ﻭﺍﻟﻠﻪ
ﺍﻧﺖ ﺷﻨﻮ ﺷﻜﺎﻟﻮﻟﻚ ﻋﻠﻴﻪ ﺍﻧﻲ ﻫﻴﺞ ﻣﺎﻋﻨﺪﻱ ﻛﺮﺍﻣﻪ
ﻭﺍﻟﻠﻪ ﺷﻨﻮ ﺍﻧﻲ ﺍﺫﺍ ﻋﻨﺪﻱ ﺍﻛﻮﻝ ﻭﻣﺎﺍﺧﺎﻑ
ﺑﺲ ﻻ ﺍﺧﺎﻑ ﻣﻨﺞ ﺗﺮﻳﺪﻳﻦ
ﻣﺤﺐ ﺍﻧﻲ ﺑﻌﺪ ﻣﺎﺍﺗﺤﻤﻞ ﻃﺎﻗﺘﻲ ﺧﻠﺼﺖ ﻣﻦ ﺗﺰﻭﺟﺘﻚ ﻟﻠﻴﻮﻡ ﺭﻓﻞ ... ﺭﻓﻞ ﺑﺤﻴﺎﺗﻨﺎ
ﻭﺍﻧﺖ ﺍﻧﺴﺎﻥ ﻣﻮ ﻭﺍﺿﺢ ﺍﺑﺪ
ﻭﺍﻟﻠﻪ ﺍﻧﻲ ﺍﻧﺴﺎﻥ ﻭﺍﺿﺢ ﻭﻣﺎﻋﻨﺪﻱ ﺷﻲ
ﻫﻴﻪ ﻛﻠﺒﻪ ﺑﺖ ﻛﻠﺐ ﺗﺪﺯ ﺭﺳﺎﺋﻞ ﻣﻤﺠﺎﻭﺑﻬﻪ ﺷﺴﻮﻭﻭﻳﻠﺞ ﺑﻌﺪ
ﻭﺍﻟﺮﺳﺎﻟﻪ ﻟﻌﺪ ﺷﻠﻮﻥ ﻛﻠﺘﻠﻬﻪ ﺍﺧﻠﻴﺞ ﺗﺤﺠﻴﻦ
ﺟﻨﺖ ﺍﺣﺠﻲ ﻭﻳﻪ ﺑﺎﻗﺮ ﺳﺪﻳﺖ ﺍﻟﺨﻂ
ﺭﺟﻊ ﺍﺗﺼﺎﻝ ﺟﺎﻭﺑﺘﻪ ﻃﻠﻌﺖ ﻫﻴﻪ ﺷﺴﻮﻭﻱ ﺍﻧﻲ
ﺷﻤﺪﺭﻳﻲ ﻫﻴﻪ ﻣﺜﻼً ﻋﻨﺪﻱ ﺍﻟﺤﺎﺳﻪ ﺍﻟﺴﺎﺩﺳﻪ
ﺍﺭﺗﺎﺣﻴﺘﻲ ﻫﺴﻪ
ﻻ ﻭﺍﻟﻠﻪ
ﻫﺪﻳﻪ ﻋﻮﻓﺞ ﻣﻦ ﺍﻟﻬﺴﻮﺍﻟﻒ
ﺍﻃﻤﺌﻨﻲ ﻣﺎﺍﺣﺐ ﻏﻴﺮﺝ ﻭﺍﻟﻠﻪ
ﺳﺪﻱ ﺍﻟﻜﻠﻮﺏ ﻭﺑﻼ ﺧﺒﺎﻝ
ﻭﺗﻌﺎﻟﻲ ﻧﻌﺴﺎﻥ ﻭﺗﻌﺒﺎﻥ ﻭﺍﻟﻠﻪ
ﻣﺤﺐ ﺍﺫﺍ ﺗﺤﺐ ﺭﻓﻞ ﻋﻮﻓﻨﻲ ﺭﺟﺎﺀﺍً ﻛﻤﻞ ﺣﻴﺎﺗﻚ ﻭﻳﺎﻫﻪ ﻣﺎﻋﺪﻧﻪ ﺑﺲ ﺍﻣﻴﺮ ﻟﺘﺨﻠﻴﻨﻪ
ﻟﺘﺨﻠﻴﻨﻪ ﺷﻨﻮ ﺍﺳﻜﺘﻲ ﺑﺎﺑﺎ ﻭﺭﻋﺎﻟﻲ ﻃﻔﻲ ﺍﻟﻜﻠﻮﺏ ﻭﻧﺎﻣﻲ ﺑﺤﻀﻨﻲ ﺑﺤﻀﻦ ﺣﺒﻴﺞ
ﺗﻌﺎﻟﻲ ﻣﺒﺮﺩﺍﻧﻪ ﺍﺩﻓﻴﺞ
ﻣﺤﺐ
ﻭﻟﺞ ﻭﺍﻟﻠﻪ ﺍﺣﺒﺞ ﻟﺘﺼﻴﺮﻳﻦ ﻣﻄﻴﻪ
ﺑﻘﻴﺖ ﻭﺍﻛﻔﻪ ﻭﺻﺎﻓﻨﻪ ﻋﻠﻲ
ﻳﻠﻠﻪ ﺗﻌﺎﻟﻲ ﺑﻼ ﺧﺒﺎﻝ
ﻣﺤﺐ ﻋﻮﻓﻨﻲ ﺭﺟﺎﺀﺍً
ﻃﻠﻌﺖ ﻣﻦ ﺍﻟﻐﺮﻓﻪ
ﺭﺣﺖ ﻟﻠﻤﻄﺒﺦ ﻓﺰﺯﻧﻲ ﻣﻦ ﻟﺰﻡ ﺍﻳﺪﻱبيج قصص عراقيه حقيقيه من واقعنا.روعه الطائي
ﺍﻧﺖِ ﺷﺒﻴﺞ ﻳﻤﻌﻮﺩﻩ
ﻣﻮ ﻛﺎﻋﺪ ﺍﻛﻠﺞ ﻣﺎﻋﻨﺪﻱ ﺷﻲ ﻭﻳﺎﻫﻪ
ﺍﻧﻘﻬﺮﺕ ﻣﺤﺐ
ﻣﺤﺐ ﺷﻮﻛﺖ ﺭﻓﻞ ﺗﻄﻠﻊ ﻣﻦ ﺣﻴﺎﺗﻨﺎ ﻓﻬﻤﻨﻲ
ﻭﺍﻟﻠﻪ ﻃﺎﻟﻌﻪ ﻣﻦ ﺣﻴﺎﺗﻨﺎ
ﻣﻄﺎﻟﻌﻪ ﺍﻭ ﺑﺎﻻﺣﺮﻯ ﺍﻧﺖ ﻣﻨﻄﻴﻬﻪ ﻣﺠﺎﻝ
ﻭﻣﺨﻠﻴﻬﻪ ﺗﺘﻤﺎﺩﻯ ﻟﻮ ﻣﺮﻩ ﻭﺣﺪﻩ ﺗﺮﺩﻫﻪ
ﻫﻴﻪ ﺗﺒﺘﻌﺪ
ﻣﻜﺎﻋﺪ ﺍﺟﺎﻭﺑﻬﻪ ﺍﺑﺪ ﺷﺴﻮﻱ ﻳﻌﻨﻲ ﺍﻧﻲ ﺷﻨﻮ ﺫﻧﺒﻲ ﻫﺴﻪ ﻳﺎﺭﻳﺖ ﻟﻮ ﻣﺴﻮﻱ ﺷﻲ ﺍﻛﻮﻝ ﻣﻴﺨﺎﻟﻒ ﺣﻘﺞ ﺗﺎﺧﺬﻳﻦ ﻣﻮﻗﻒ
ﻣﺤﺐ ﻟﻮ ﺗﺨﻠﻲ ﺣﺪ ﺍﻝ ﺭﻓﻞ ﻟﻮ ﺍﺑﺪ ﻟﺘﺘﻘﺮﺏ ﻣﻨﻲ
ﺳﺤﺒﻨﻲ ﻋﻠﻲ
ﻭﻟﺞ ﻣﺸﺘﺎﻗﻠﺞ ﻭﻣﺤﺘﺎﺟﺞ ﻭﺍﻟﻠﻪ
ﻭﺍﺣﺒﺞ ﺍﻟﺞ
ﺷﺘﺮﻳﺪﻳﻦ ﺍﺳﻮﻱ ﻭﺗﺮﺗﺎﺣﻴﻦ
ﺍﺭﻳﺪ ﺍﻭﺛﻖ ﺑﻴﻚ
ﻭﺛﻘﻲ ﺑﻴﻪ ﻭﻣﺎﻟﺞ ﻋﻼﻗﻪ
ﺍﻃﻤﺌﻨﻲ
ﺑﺲ ﺑﺎﻭﻋﻴﻠﻲ ﻫﺬﺍ ﻭﺟﻪ ﻭﺍﺣﺪ ﻳﺘﻤﻌﺸﻖ ﻭﻳﺴﻮﻱ ﻋﻼﻗﺎﺕ
ﺟﻨﺖ ﺗﺘﻘﺮﺏ ﻣﻨﻲ ﻭﻣﻨﻬﻪ ﺑﻨﻔﺲ ﺍﻟﻮﻗﺖ
ﺟﻨﺖ ﻛﻠﺐ ﺍﺑﻦ ﻛﻠﺐ
ﺿﺤﻜﺖ
ﺗﻀﺤﻜﻴﻦ ﻭﻟﺞ ﻋﻠﻴﻪ
ﺷﺒﻜﻨﻲ ﺣﻴﻞ
ﻣﺨﺒﻠﻪ ﻭﺍﻟﻠﻪ
ﺍﻣﺸﻲ ﻳﻠﻠﻪ ﺧﻞ ﻧﻨﺎﻡ . ﺭﺍﺡ ﺍﻭﻛﻊ ﻣﻦ ﻃﻮﻟﻲ
ﺗﻬﻲ ﺑﻬﻲ ﺑﻨﺺ ﺍﻟﻠﻴﺎﻟﻲ ﻋﻠﻴﺞ ﺳﻮﺍﻟﻒ
ﺭﺍﺡ ﺍﻋﺬﺭﺝ ﻫﺎﻱ ﺍﻟﻤﺮﻩ ﻻﻥ ﺗﻐﺎﺭﻳﻦ ﻭﻋﺠﺒﺘﻨﻲ ﻏﻴﺮﺗﺞ
ﺑﺲ ﻣﺮﻩ ﺛﺎﻧﻴﻪ ﻣﺎﺍﻋﺪﻳﻬﻪ ﺍﻟﺞ
ﻻ ﻭﺍﻟﻠﻪ
ﻭﻭﺟﻌﻪ
ﺭﺣﻨﻪ ﻟﻠﻐﺮﻓﻪ ..... ﻣﻌﺎﻓﻨﻲ ﺑﺤﺎﻟﻲ ﺍﻟﻪ ﻣﻦ ﺗﻘﺮﺑﻠﻲ ﻭﻧﺎﻡ
ﺑﻘﻴﺖ ﺍﻓﻜﺮ ﻭﺣﻴﻞ ﻣﺨﺜﻮﺛﻪ ﻣﻦ ﺭﻓﻞ ﻛﻠﺖ ﺑﺎﺟﺮ ﺍﺧﺬ ﺭﻗﻤﻬﻪ ﻭﺍﺧﺎﺑﺮﻫﻪ ﺗﻮﻧﻲ ﻣﺎﻋﻮﻟﺖ ﺍﻏﻔﻪ ﺍﻣﻴﺮ ﺑﺠﻪ ﺣﻴﻞ ﻭﻓﺰﺯ ﺍﻳﻤﻦ ﻭﺍﺛﻨﻴﻨﻬﻢ ﺷﺎﺷﻮ ﻋﻠﻴﻨﻪ
ﻣﺤﺐ
ﻣﺤﺐ
ﻣﺤﺐ ﻣﺘﺴﻤﻪ
ﻣﻤﻢ ﻫﺎ ﺷﻜﻮ
ﺍﻳﻤﻦ ﻭﺍﻣﻴﺮ ﻳﺒﺠﻮﻥ ﺳﻮﻩ ﻭﺍﻧﻲ ﻣﺤﺘﺎﺭﻩ
ﻛﺎﻡ ﺍﻝ ﺍﻳﻤﻦ ﻭﻫﻮ ﻣﻐﻤﻀﻌﻴﻨﻪ ﻭﻳﻔﺘﺮ ﺑﻲ ﻭﻳﺤﺎﻭﻝ ﻳﺴﻜﺘﻪ ﺍﻟﺤﺪ ﻣﺎ ﻧﻮﻣﻪ ﻋﻞ ﺟﺮﺑﺎﻳﻪ ﻳﻤﻪ ﻭﻧﺎﻡ ﺍﻧﻲ ﺑﻘﻴﺖ ﺍﺭﺿﻊ ﺍﻣﻴﺮ
ﻛﻤﻠﺘﻪ ﻭﻧﺎﻡ ﻭﺭﺣﺖ ﻋﻠﻰ ﻣﻮﺑﺎﻳﻠﻪ ﺍﺧﺬﺕ ﺍﻟﺮﻗﻢ ﻭﺳﺠﻠﺘﻪ ﺑﻤﻮﺑﺎﻳﻠﻲ ﺑﻘﻴﺖ ﺍﻟﻮﺏ ﻣﻮ ﺑﺴﻬﻮﻟﻪ ﻏﻔﻴﺖ ﻭﺍﻧﻲ ﺍﺣﻀﺮ ﻛﻼﻡ ﺍﻟﻬﻪ ﻭﺍﺭﺩﺩﻩ ﺑﻴﻨﻲ ﻭﺑﻴﻦ ﻧﻔﺴﻲ
ﻛﻌﺪﻧﻪ ﻋﻠﻰ ﺻﻮﺕ ﻣﻮﺑﺎﻳﻠﻪ
ﺍﻟﻮ
ﻫﺎ ... ﺍﻱ
ﺍﻱ ﻭﺍﻟﻠﻪ ﻧﺎﻳﻢ
ﺣﺒﻴﺒﻲ ﻻ ﻛﻌﺪﺕ ﺍﻧﻲ ﻫﺴﻪ ﺍﺟﻴﺒﻬﻪ ﺍﻟﻚ ﺍﻟﺴﻴﺎﺭﻩ
ﻻ ﻭﺍﻟﻠﻪ ﺍﻧﻲ ﺍﺟﻴﺒﻬﻪ
ﻓﺘﺤﺖ ﻋﻴﻨﻲ ﺷﻨﻮ
ﺳﻴﺪ ﻋﻠﻲ ﻳﺮﻳﺪ ﺍﻟﺴﻴﺎﺭﻩ
ﻳﻠﻠﻪ ﺣﺒﻴﺒﺘﻲ ﺭﻳﻮﻙ ﻣﺴﺘﻌﺠﻞ
ﻣﺎﺷﻲ ﺣﺒﻴﺒﻲ
ﺭﺣﺖ ﺑﺴﺮﻋﻪ ﺳﻮﻳﺘﻠﻪ ﺭﻳﻮﻙ ﺑﻴﻦ ﻣﺎﺳﺒﺢ
ﺭﻳﻜﺘﻪ ﻭﻃﻠﻊ
ﻛﺒﻞ ﺭﺣﺖ ﻋﻠﻰ ﻣﻮﺑﺎﻳﻠﻲ ﺩﻛﻴﺖ
ﻋﻠﻴﻬﻪ ﻟﻜﻴﺘﻪ ﻣﺸﻐﻮﻝ
ﺭﺟﻌﺖ ﺩﻛﻴﺖ ﻋﻠﻲ ﻛﻠﺖ ﺧﻞ ﺍﺷﻮﻑ ﺧﺎﻑ ﻫﻮ ﻳﺤﺠﻲ ﻭﻳﺎﻫﻪ
ﺩﻛﻴﺖ ﻫﻢ ﻃﻠﻌﻠﻲ ﻣﺸﻐﻮﻝ
ﺗﺨﺒﻠﺖ
ﻳﻌﻨﻲ ﻳﺤﺠﻲ ﻭﻳﺎﻫﻪ
ﺍﻭﻳﻠﻲ ﻳﺎ ﺭﺑﻲ ﺷﻠﻲ ﺑﻬﺎﻟﺤﺮﻛﺎﻥ ﻛﻠﺐ ﺍﻧﻲ
ﺳﺎﻋﺔ ﺍﻟﺴﻮﺩﻩ ﻳﺎ ﻣﺤﺐ ﺍﻟﻲ ﺣﺒﻴﺘﻚ ﺑﻴﻬﻪ
ﺷﻮﻳﻪ ﻭﺭﺟﻌﺖ ﺩﻛﻴﺖ ﻫﻢ ﻣﺸﻐﻮﻝ ﺑﻌﺪﻫﻲ ﺭﻓﻞ
ﺭﺟﻌﺖ ﺩﻛﻴﺖ ﻋﻠﻲ
ﺩﻙ
ﻭﻳﺎﻣﻦ ﺟﻨﺖ ﺗﺤﺠﻲ ﻣﺤﺐ
ﻫﺎﻱ ﺷﺒﻴﺞ ﺻﺪﻙ ﺗﺤﺠﻴﻦ ﺍﻧﺖِ
ﻣﺸﻐﻮﻝ
ﺧﻴﺮﺝ ﺷﺘﺮﻳﺪﻳﻦ
ﻭﻳﺎﻣﻦ ﺟﻨﺖ ﺗﺤﺠﻲ ﻭﻳﺎﻫﻪ ﻣﻮ ﺍﺛﻨﻴﻨﻜﻢ ﻣﺸﻐﻮﻝ ﻭﺍﻟﻠﻪ
ﺍﻧﻌﻞ ﺍﺑﻮﺝ ﻻﺑﻮ ﺭﻓﻞ ﻻﺑﻮ ﺍﻟﺴﺎﻋﻪ ﺍﻟﺴﻮﺩﻩ ﺍﻟﻲ ﺷﻔﺘﺞ ﺑﻴﻬﻪ
ﻭﺳﺪﻩ ﺑﻮﺟﻬﻲ
ﺭﺟﻌﺖ ﻓﺎﻳﺮﻩ ﺩﻛﻴﺖ ﻋﻠﻰ ﺭﻓﻞ ﻫﻢ ﻣﺸﻐﻮﻝ
ﺑﻨﻔﺲ ﺍﻟﻠﺤﻈﻪ ﺗﻮﻧﻲ ﺳﺪﻳﺘﻪ ﺭﺟﻊ ﺩﻙ
ﺟﺎﻭﺑﺘﻪ
ﺑﺲ ﺍﺳﺄﻟﺞ ﺳﻮﺍﻝ ﻭﺍﺣﺪ
ﺍﻧﺖِ ﻣﻦ ﻛﻞ ﻋﻘﻠﺞ ﻫﻴﺞ ﺗﺤﺠﻴﻦ ﻭﻳﺎﻱ
ﺍﻱ ﻻﻥ ﺗﻌﺒﺖ
ﺑﺼﻴﺎﺡ .... ﻣﻦ ﺷﻨﻮﻭﻭﻭﻭﻭ ﻓﻬﻤﻴﻨﻲ ﺍﻧﺖ ﻣﺘﻌﺒﻪ ﻧﻔﺴﺞ ﺑﻨﻔﺴﺞ
ﻛﺘﻠﻲ ﺍﺧﺼﻤﻪ ﺍﻟﻴﻮﻡ
ﺍﻧﺖ ﺍﻧﻄﻴﺘﻴﻨﻲ ﻣﺠﺎﻝ ﺍﺗﺼﺮﺭﻑ ﻛﺒﻞ ﻫﺠﻤﺘﻲ ﻭﺍﻟﻠﻪ ﺷﻨﻮ ﻣﺸﻐﻮﻝ ﺣﻔﻈﻲ ﺍﻟﻮﻗﺖ ﺍﻟﻲ ﺍﺗﺼﻠﺘﻲ ﺑﻲ ﻭﻣﻦ ﺍﺟﻲ ﺍﺷﻮﻓﺞ ﻣﻨﻮ ﺟﻨﺖ ﺍﺧﺎﺑﺮ ﺑﻬﺬﺍ ﺍﻟﻮﻗﺖ
ﺑﺲ ﺷﻨﻮ ﺟﻬﺰﻱ ﻧﻔﺴﺞ ﻫﺪﻳﻪ ﻣﺘﺨﻠﺼﻴﻦ ﻣﻨﻲ ﻣﻦ ﺑﻌﺪ ﻣﺎ ﺗﺘﺄﻛﺪﻳﻦ
ﺷﺘﺴﻮﻱ ﻳﻌﻨﻲ
ﺑﻌﺪﻳﻦ ﺗﻌﺮﻓﻴﻦ ﻭﺳﺪﻩ ﺑﻮﺟﻬﻲ
ﺩﺧﻠﺖ ﺍﺳﺒﺢ ﻣﻦ ﻃﻠﻌﺖ ﻟﻜﻴﺖ ﺭﻳﺎﻡ ﻛﺎﻋﺪﻩ ﻣﺘﻤﺪﺩﻩ ﺑﻔﺮﺍﺷﻬﻪ ﻭﻋﻞ ﺻﺎﻣﺖ
ﻣﺘﺤﺠﻲ ﺍﺑﺪ ﺑﺲ ﺗﺒﺎﻭﻉ ﺑﻌﻴﻮﻧﻬﻪ ﻭﺗﻔﻜﺮ
ﺭﻳﺎﻡ ﺣﺒﻴﺒﺘﻲ ﻛﻮﻣﻲ ﺷﻨﻮ ﻗﺼﺘﺞ
ﻳﺎ ﻗﺼﻪ ﻫﺎﻱ ﺣﺴﺎﻡ ﻭﻣﺎﺕ ﻭﻋﺎﻓﻨﻲ ﺧﻼﻧﻲ ﺍﺣﺒﻪ ﻭﺧﻼﻧﻲ ﺍﺗﻌﻠﻖ ﺑﻲ ﻭﺭﺍﺡ
ﺗﻘﺮﺑﺖ ﻳﻤﻬﻪ ﻭﻛﻌﺪﺕ ﻛﺒﺎﻟﻬﻪ
ﻗﺎﺑﻞ ﺑﻴﺪﻩبيج قصص عراقيه حقيقيه من واقعنا.روعه الطائي
ﺭﺍﺡ ﺣﺴﺎﻡ ﻛﻞ ﺷﻮﻳﻪ ﺍﻛﻮﻝ ﻫﺬﺍ ﺍﻟﺤﺒﻢ ﻃﻮﻝ ﺷﻮﻛﺖ ﺍﺻﺤﻰ ﻣﻨﻪ
ﻛﻼﻣﻪ ﻭﻏﺰﻟﻪ ﺑﺄﺫﻧﻲ ﻫﺪﻳﻪ
ﺣﺴﺎﻡ ﻫﺬﺍ ﺣﺴﺎﻡ ﺣﺒﻴﺒﻲ
ﺍﺑﻮﻳﻪ ﻭﻛﻠﺸﻲ ﺑﺪﻧﻴﺘﻲ ﻭﻋﻴﺖ ﻋﻠﻲ
ﻓﺠﺄﻩ ﻳﺨﺘﻔﻲ ﻭﻳﺮﻭﺡ ﻭﻳﺼﻴﺮ ﺣﻠﻢ ﺍﺳﻤﻊ ﺻﻮﺗﻪ
ﺍﻟﺤﻤﺪﻟﻠﻪ ﻭﺍﻟﺸﻜﺮ ﻋﻠﻰ ﻛﻠﺸﻲ ﺣﺒﻴﺒﺘﻲ ﺻﻴﺮﻱ ﻗﻮﻳﻪ
ﺍﻟﻘﻮﻩ ﺟﻨﺖ ﺍﺣﺴﻬﻪ ﺑﺲ ﻣﻦ ﻫﻮ ﻣﻮﺟﻮﺩ
ﻫﺴﻪ ﺍﻧﻲ ﺍﻧﺴﺎﻧﻪ ﻣﺘﺠﺮﺩﻩ ﻣﻦ ﻛﻠﺸﻲ
ﺿﺎﻳﻌﻪ ﻭﻋﻨﺪﻱ ﻃﻔﻞ ﺷﻠﻮﻥ ﺍﻛﺪﺭ ﺍﺭﺑﻲ ﻭﺣﺪﻱ
ﺑﺪﻭﻥ ﺣﺴﺎﻡ
ﺗﻜﺪﺭﻳﻦ ﺍﻧﺖِ ﻗﻮﻳﻪ
ﺳﻜﺘﺖ ﻭﻣﺤﺠﺖ ﺧﻠﺖ ﺗﺸﻴﺮﺗﻪ ﺑﺨﺸﻤﻬﻪ ﻭﻏﻤﻀﺖ ﻋﻴﻮﻧﻬﻪ
ﻟﺤﻴﺖ ﻋﻠﻴﻬﻪ ﻭﻻ ﻳﻤﻬﻪ ﻣﺘﺴﻤﻌﻨﻲ ﻋﻔﺘﻬﻪ ﻭﻃﻠﻌﺖ ﻛﻌﺪ ﺍﻳﻤﻦ ﺭﻳﻜﺘﻪ
ﻭﻏﺴﻠﺘﻠﻪ
ﻭﻧﻈﻔﺖ ﺍﻟﺒﻴﺖ ﻭﺍﻣﻴﺮ ﻣﻜﺎﻋﺪ ﺭﺣﺖ ﻋﻠﻲ
....... ﻳﺘﺒﻊ
ﺍﻋﺘﺬﺭ ﻫﺬﻱ ﻃﺎﻗﺘﻲ ﻳﺠﻮﺯ ﺍﻛﺪﺭ ﺍﻛﻤﻠﻠﻜﻢ ﺍﻟﺘﻜﻤﻠﻪ ﻣﺎﻝ ﺑﺎﺭﺕ
ﺍﻟﺒﺎﻗﻲ ﻫﻢ ﻗﺼﻴﺮ ﻣﻴﺘﺠﺎﻭﺯ ﺍﻝ٨٠٠ﻛﻠﻤﻪ ﺑﺲ ﺭﺍﺡ ﺗﻨﻄﻔﻲ ﺍﻟﻮﻃﻨﻲ ﻭﺍﻟﺴﺤﺐ ﻋﻄﻼﻥ ️♀🙋 ﺍﻋﺘﺬﺭ ﻣﻨﻜﻢ ﻳﻌﻴﻮﻧﻲ
