لانها اختي

المشهد

مرحبا حبايب راح ابدي وياكم ب قصه جديده طبعا القصه حقيقيه

لكن للإمان واكون صريحه وياكم ما راح تكون 100% حقيقيه نكدر نكول 75%

لكن هذا المشهد راح يكون حقيقي 100%

أما نشر ما محدد وألوقت الي راح ابدي بي لكن اكيد النشر يبدي لمن اشوف تفاعل على القصه

المشهد

... ملاك الصور الي حفظتهن ب جهاز وين

...شبيك مو دزيتهن الك

...ولج دزيتيلي بس 4 وال 5 وينها ترا هاي أهم شي هذني كلهن ما يسون شي مقابل هاي صوره

... هدي شويه ملازمنا هسه ثواني وادزها الك بس اشوفها

....شوفي الج البين ما اكل واسبح لمن أكمل كون أنتي دازه صوره الي مفهووووم

.... مفهوم سيدي

.... غزاله ترا ما دا اضحك دا احجي جد

.... اهووو افتهمت حسن والله افتهمت هسه اشوفها وادزها الك

عافني وراح رحت دخلت للغرفه وإني خايفه خاف يجي ياخذ التليفون مني

حتى يشوف صوره ويدز نيار والله اروح بيها حتلو هوه ابن خالي بس اعرف بيهم ما يقبلون

راسلت صديقتي منى

... ولج تعالي هذا زوجج لعب بيه طوبه

... ههه ولج وين زوجي ابتليت على عمري كلتلج زوجيني اخوج الصاك

..... ههههه مو بعيده عن ربج يمكن من قسمته

..... ولج اني وين وهوه وين هسه تلكي غارك ب العسل وي الي يحبها

....هههه لا ولج دا يأكل المكرود وين ولج هسه المهم نسيتيني سالفتي

.....شكو يا ستار شصاير

.... ولج هذا زوجج مبقي يمي صور مال قضيه مدري شنو ف الصور

موجودات بس وحده ماكو يمكن ماسحتها ب الغلط وهسه لعب بيه طوبه يريدها

.... ولج اكو برنامج يرجع صور المحذوفة بس يشلع كلبج

.... ولج انطيني اسمه خل يشلع كلبي لا زوجج يشوي كباب وتكه على راسي اذا ما الكاها

..... Disk Digger هذا

....ماشي هسه اشوفه

بسرعه نزلت البرنامج فتحت بدت تحمل الصور كعدت ادور

أعلى صوره لكيتها الفرحه ما ساعتني بسرعه أخذت سكرين الها ودزيتها الحسن

بس لفت انتباهي صور مو مالاتي وصور قديمه الي كنت

ماخذتها ب التليفون لمن كان تليفون دانيا اختي

كعدت اشوف بصور شفت صور ايام جامعه مال دانيا صور

الها وال قيس زوجها اكيد كانت على علاقه وياه علمود هيجي تخلت عن كلشي علموده

اشوف ب صور طلعت الي صورة استغربت اتفاجئت لمن شفتها

كل جسمي كام يرجف وإني اشوف الصوره كانت بيها دانيا كاعده

ب حديقه ومسويه اديها على شكل نصف قلب ويمها أي يمها

هذا نيار أي نيار وهم مسوي ايده على شكل نصف كلب

ما اعرف شنو اسوي حسيت أذني صوفرت الإحساس الي دا أحسه

ما اعرف اوصفه ابدا بطني مغصتني بعدت التليفون بعد ما كنت

مركزه على صوره وأحاول انو احذف هاي الأفكار الي دا تخطر

على عقلي حسبت عيونه ضلمت بسرعه سندت نفسي

ب الفراش مال جربايه اجا شعار على تليفون شفته كان من نيار

ما اعرف شنو الي دا افكر بي بس بدون وعي دزيت

ملاك :- البنيه الي جنت اتحبها قبل 4 سنوات هي دانيا مو

........

اتقربت من مريم مديت الها أصبعي ب حركه تهديد ما أعرب

شنو فكرت ب هاي اللحضه بس كان عندي اخوي أهم من كلشي

ما اريده يتزوج أو يرتبط ب وحده مثلها صح هي بت عمي

وعلى راسي بس اخوي أهم من كلشي واعرف ال اخوي صح

ضابط والكل تهابه بس يعشك التراب الي تمشي عليها مريم

وحتلو ب ليله العرس شافها مو بنيه اعرفها راح يزعل منها يومين 3

أيام بس يرجع الها أكد اتحمل اخوي يتعذب من ورى الحب بس

ما اتحمل أنو اشوفه مسلم بيته ال وحده مثلها وخاصية هي كل يوميه وي واحد ما اكدر

ملاك :-شوفي مريم وحق الحق الي كلام الي راح اكول

الج اذا ما نفذتي والله العظيم والله العظيم اشوف كل الادله

الي عندي عليج وي صدقانج وسوالفكم كلها ال اخوج أو ال حامد

يمكن حامد يسامحج بس اخوج وانتي تعرفي أهم شي سالفه

شرف عنده بسرعه يحط طلقه ب راسج وإني كتلج

مريم :- شنو المطلوب كلشي

ملاك :- المطلوب بس لا تحاولين تلعبين ب ذيلج وياي

لأن تعرفين اني شنو وبنت ابوي وكلام مثل كلامه لمن احجي

انفذه يعني انفذه وانتي مجربتني وتعرفين

مريم :- اعرف بس المطلوب شنو

ملاك :- ب هاي فترا راح تجي امي أو تخابر اهلج اطلبج ال حامد

المطلوب منج انو ترفضين وما توافقين مفهووووم

مريم :- ليش تريدين أرفض مو اخوج هوه ما تريدين اله الخير

ملاك :- ما يخصج هذا شي ماشي اذا وافقتي ب نفس الليل تباتين ب المكبره

عفتها وكمت طلعت من الغرفه نزلت من درج

ملاك :- يله حامد امشي ورايه إقرايه

حامد :- خل نبقه بعد شويه

ملاك :- حامد عندي متحان بعدني ما مكمله قرايته

كام حامد سلم على عمي واشوف ب عيني يلوب يريد

بس يشوفها يريد بس يلمح خيالها اوف عليك يا خويه وكعت ب حب وحده بايعه نفسها الغيرك

السبب لانها اختي

قريبااا

بقلمي الكاتبه بنت بغداد