#ام_البنات
للكاتبة ام مصطفى
ج٢
البارت ١٤
حليمة
جنت بالبيت عندي بنت ايلاف ياسة والعب عليها حيل احبها وعدها لعبات تخبل رجعتني لعبات امها ايلاف من جانت صغييرة
اشتريت الها مرجوحة صغيرة واهز الها
كاعدة واسمع صريخ من بيت عقيل
نزلت انفال ماما اسمع صريخ ابيت عموو عقيل
اي يمةة دخيلك ياربي اطيني عباتي بسااع
ركضت انفال جابت العباية
طلع امير كدامي شكوو شكوو
مدري دخيلك ربي
فتحت الباب وركض واشوف هيفاء تصرخ وشايله حسوني
اني شفته وتخبلت شبيه شبيه يمةةو بيبي
اتكهرب بماطور المي
يمةةة صخام الصخمني
لزمته الولد صاير عصة عبالك يابس وازرك وجهه
لطمت يمةةة ميت الولد يبووووي
عقيل يركض حلكة يابس
اجه جايب تكسي
مهند رايح يجيب ايلاف المغرب
هي اداوم من الثنتين للمغرب
ركضت اني صعدت وعقيل وجعفر جان موجود
بناتي طلعن يتصارخن
اروح وياج
اني روحي رايحة مكدر حتى احجي
عمهن صرخ بيهن
الجيران طلعت
مشت السيارة سريع
كبل للطواري طببونا
دكتور اروحلك فدة الحكنا
كال خيير
متكهرب دكتور
اجة يركض
لزم ايده فحص كلبه
هزز راسه متوقف كلبه
يمةةةة يعني مات
صاح بسرعة دخلوه للجهاز نسويله نتله بلكت يرجع
خلوا الجهاز ع كلبه اكثر من مرة بس مافاد ميت بمكانه
كال البقية بحياتكم
ميت بمكانه
كمت اصرخ وهيفاء تلطم عقيل تخبل يدك ع راسة
حفيدنه الاول عدهم وعدنه وحييل متعلقين بيه
جاي ياخذوه للثلاجة واشوف ايلاف ومهند مثل المخابيل يركضون
شافتني صاحت يمةة ابني وينه وين ابني
جان ع السدية بعد
كامت تهز بيه حسون ماما شبيك اكعد وليدي
باوعتلي يمةةةة ابني شبيه ميكعد
عمةة هيفاء شبيه ابني
عموو. ابني كعده الي
جريتها طير من طيور الجنه يمةة
شنوو يعني مااات لا لا دكلولي
الظهر عفته مابي شي
كلي ماما اريد سيارة
باوعتله وفتحت جنطتها كووم وليدي هاي السيارة جبتها الك
كوم حبيبي اكعد والله بعد حتى دوام مراح اداوم مكابتلك واكعد
تخبلت بنتي تحجي وتصرخ وتملخ روها
اما مهند
يباوع علي مصدوم وتنزل دموعه
اخر شي اتقدم وكام يبوس برجلي
حبيبي حسون بوية اكعد لاتكسر ضهري هيج
لا بابا مااتحمل موتك ليش مو ستوني طلعت وعفتك تلعب مو كتلك اجيب ماما واجي حبيبي اجيت بابا كوم تلكاني مثل كل يوم كوم بابا كوووم
صرخ
ودار وجهه ع ايلاف كله منج كله منج ركضتي وره الشغل وهملتيهم خطية ابني بركبتج هالمرة مراح اسامحج مثل كل مرة
......
انهارينة الطفل موته مصيبة اكثر من الجبير تنقهر عليه
والله احس قطعة مني فقدت
ولك بيبي شسويت بينه
اخذنا حسوني لمقبرة اطفال اسمها طيور الجنه ابغداد
حاطته بحضنها ايلاف وتبوس بيه طول الطريق
حسوني اكعد احجي وياي لا تخليهم ياخذونك مني اكعد ماما اموت بلياك
حسنهم يمةة وليدي عزيزي اكعد
حاجيني وك ماما شلعت كلبي يبس حلكي ماما بس احجي صدك سويتها
اويلي كله من وراي اني هملتكم
وج يمةةة شلون بيه
جنت اسمع ايلاف وكلبي يتكطع يبنيتي ياريت بيدي شي بس هذا امر الله ولا اعتراض ع امرة
نزلنا اللمقبره وايلاف جلبت بالولد بحضنها مااطي ابني عوفوه
وج يمةة كافي حرام الي تسوينه
ابني يمةة ابني تقبلين يدفنوني هسه متنقهرين علي
ايني يمةة ماتطيه
يمةة الله يعوضج كولي يا الله
المشكلة كلنا متأثرين نفسها ادينه متطينا ندفنه
واحد يباوع ع الاخ ويصرخ من عقيل لهيفاء لمهند الي
الله جاب ايهم ورانه
شافنه نتصارخ ومكابليه
وكف بجه ويانه
وكال كافي خلي الدفان يشوف شغله
جرة من ايلاف وكامت تصرخ
اخذه كوه منها
واني لازمتها
حطوه باكاع وكام الدفان يخلي تراب واحنه نصرخ
ومهند يشيل ويخلي ع راسه تراب
ايهم كوه لزمة
واني بيه مابيه لازمه ايلاف ملخت وجههه
مدري شلون الله اطاني قوه بذيج الساعة
كوه صعدنه ايلاف ومهند شلناهم شيل
يووم اسود علينا صأر
من ذاك اليوم عم الحزن ابيتنا
ايلاف فقدت ابني حبيبي بعمر الورد ٣سنوات
ستوه يلعب وييحجي كولشي ويفتهم ذكي
جان يضوج من اعوفة واروح
واكله اجيلك حاجة وياي ويسكت
كل يوم اشتريله لو حلويات لو لعبة
اني السبب اني
كمت الوم بنفسي فوك قهري وحركة كلبي ملامة نفسي وملامة مهند
الي صارلة ٣ ايام قافل الغرفة عليه
ومكابل العابه وملابسه ونايم بنصهن
بس ايهم يدخل يمةة كوه يوكله
اخخ ياقهري اخخخ ياجمرة كلبي مالماتطفة لليوم وك ماما حبيي ليش هيج تسوي بيه
مهند
اصعب شي مر بحياتي دفنت ابني بيدي
ياريتني ميت وياه ولا هالعذاب الي عايشة
اخخ وليدي ركضت وراي ليش مااخذتك وياي ليش
كلت باردة خليه بالبيت لا يتمرض خفت عليك من المرض
تالي تتكهرب وتموت وتروح من ايدي
كله من امك واهمالها مهمله
عافتكم ع مود ونستها وطلعتها صوجي اخذت وحده عنودية مثلها الي تريدة تسويه
اني سبب موتك ابني من قبلت تشتغل وتعوفكم
دخل ايهم علي
جنت حاضن ملابسه
جر من الملابس شبيك مهمد كافي ماعرفتك هيج ضعيف خليك قوي
ابوك مريض تره اتمرض من وراك يكول ابني راح يموت وره ابنه
تريد ابوك يصيرله هم شي
كافي هذا قدر وصار الله انطاه والله اخذة
مااكدر ايهم مااكدر ابني هذا تعرف شنو يعني
كل مكان وكل شي يذكرني بيه
هاي جربايته هاي العابه هاي مبلابسة
ذيج طوبته
هاي صورته بعيد ميلاده الاول وذيج بالثاني وهاي بالثالث شوف
شنسى كلي لعباته حجاياته
ضحكاته
مااكدر مااكدر
كول يا الله شصايرلك خليك قوي لخاطر ابوك وامك لخاطر ايلاف ذيج متخبله
لا نجيبلي طاريها كوله منها
هي مهمله فضلت شغلها عليهم
تريد فلوس وطلعة ولبس وشمرتهم واحد ع منار وذيج ع عمتي
لا دكول هيج خطيه هي ام اكيد متأذيه اكثر منك بعدين نص بنات العراق متوضفات عادي يعني بس ايلافى
قدر وصار حتى لو جانت هي موجوده والله كاتبله يموت هم يموت
اعرفك مؤمن بقضاء الله شجاك
انزل مهند كوم لخاطر ابوك
خليني خليني ايهم
ماانزل اليوم اذا ماانزلك كافي خويه كول يا الله
نزلني ايهم
واشوف اجتني تركض يمةة الف الحمد لله ع سلامتك
ابوي شافني وبجة
ومنار اجتني خويه اني السبب مادرة بالي ع ابنك
والله بس فتت اسوي جاي لابوي
رجعت مالكيته جنت مخليته ع التلفزيون يباوع ع طيور الجنه
بس هو يقلد كام
شيقلد رفعت راسي
جاد واياد
يلعبون بسويج الكهرباء
وهو كايم رايح لاعب بالسويج
مرة شفتها الاغنية هي وكام يلعب بالسويج كتله لا اوه شوف جاد وكع وصار بيه اوه
واعلم بيه
هو الظاهر عاد اللقطة كله من هاي القناة
ايلاف باقية يم اهلي
سولاف وانفال يمي ميعوفني
يصبرني
بس شيصبرن نار بكلبي مشتعله
وفوكاها الملامة
امير اجة كال مهند نزل نزلة ايهم
لبست عباتي واخذت بنتي ورحت
طبيت سلمت
شفت مهند تمنيت يحضني واحضنه يواسيني واوسي
بس ابد ما باوعلي
بس نزلت ياسه راح اخذها ويبوس بيها
يكلها راح اخوج وحزام ضهرج مات
اجيت يمةة مهند شلونك
باوعلي وجر حصرة ودار وجهه اخذ ياسة ورجع صعد
ايهم كلي اصعدي وراه
صعدت
طبيت شفت ملابسه وملاعيبه مطشره بالكاع
انوب اني كمت اصرخ واملخ بروحي
فقدت ووكعت ع حافة الجرباية
احس شي حار نزل ع وجهي
مهند لزمني ويصيح ايلاف ايلاف شبيج
اريد احجي مااكدر لساني اتعكد
بس اباوعلة وعيوني غوشت
فزيت اني بالمستشفى وراسي مضمد
امي تبجي ع راسي
ماما شصار
خليت ايدي ع راسي اذكرت
ملابس حسوني والي سويته
الدكتورة اجت
كالت غير دكلونه حامل
باوعت ع امي منو
كالت امي الها منو حامل
المريضة واشرت علي
هاي تحاليلها طلعت
اذكرت موعد الدوره حسبت صح فايته عشرة ايام
لزمت بطني يارب عوضني بحسوني
امي طلعت بره ورجعت
طب مهند كالتله ايلاف حامل
بلكت الله راح يعوضكم خير
شيعوض عمهه الف طفل ميعوض حسوني
بالليل طلعت من المستشفى بعد ميخطوا كصتي خمس خياطات
وهم رجعت يم اهلي
بعد مرور شهر
شهر كامل يم اهلي ومهند ميسئل عني
بس يدز ع ياسة
اخر شي اجة عمي اخذني
وصعدت فوك جان طالع
لكيت عمتي شايله كل اغراض حسوني والعابه وحتى جربايته وبايسكله
ومطيتهن للفقراء
دكول عمة مهند مكابلهن وكاعد لميتهن واطيتهن والصور ضميتهن عندي
وهسه الحمد لله صار يومين طلع يفتح مكتبة
بنتي اي شي يسمعج اي شي يسويه تحملي تره اعصابه تعبانه
ليش عمة واني اعصابي متلفانه
ميخالف بنتي شسوي تخبل مهند اريدج تتحمليه فدوه وتساعديه يعدي المرحله هاي
الله كريم عمة
رجع مهند
شافني بالغرفة
حتى مسلم
كبل نزع ملابسه علكهن
وفتح الكنتور لبس ملابس بيت
راح ع كاروك ياسمين باسها
وراح غطة راسة ونام كأنما ميشوفني ولا موجوده بالغرفة وياه
وللحكاية بقية
ام مصطفى