#ام_البنات
للكاتبة ام مصطفى
ج٢
البارت ١٢
سولاف
ثاني يوم مارحت للدوام جنت مضروبه ع راسي صدمة عمري جانت
احسان دك علي كم مرة مجاوبت
كلت خاف احجي شي بساعة عصبية وبعدين اندم عليه
من صدوك احس نفسي قلية حيلة
مااعرف اصرف
ارجعلة اخاف يمادة وباجر يكولي ارجعها ع مود ابني
اطلب طلاك زين وبنتي شلون واني احبة وتعودت ع عيشتي وياه
بوكتها جان مواعدني حتى سيارة يشتريلي ع مود اروح وارجع بيها
يعني مجان مقصر وياي ابد بشي
بس الفترة الاخيرة اشوفة يصفن هواي
احس شاغلة شي
لذالك رحت اسمع اله .....
نزلت الصبح جنت نايمة يم انفال فوك بغرفتها
محد بالبيت بس امي سودة علي تشتغل بالبيت
تمسح
ذبيت ليان بالكاع
ورحت خذت منها
ماما اطيني اني امسح
كعدتي صباح الخير بنيتي
صباح النور ماما شكو تمسحين انتي عوفيه يجن البنات وهنه يمسحن
بعدين اكو مثل الماسحة بيها وخيوط وعودة وانت تمسحين بيها وانت واكفة
ليش ادنكين
-ميخالف بنتي متعوده وهاي التحجين عليها جابتها ايلاف الي
وذيج هيه ذبيتها مااستنظف الها ماتمسح
الزوايه زين
والله ياماما تموتين ع شلعان الكلب والتعب
انطيني اطيني
اخذت منها
ومسحت البيت كله والله احس ضهري طك الله يساعد امي فحطت
اجيت لكيتها حاطة الريوك
كتلها يوم هاي يومية كله تمسحيه بعدج
كالت
صبح وعصر ليش ماتعرفيني
اي ادري بس ماما والله يكسر الظهر صدك جذب انت بيج حيل
متعوده بنيتي ع الشغل
الله يرحمك سالم جان يكول تضيعون حليمة تلكوها بالمطبخ
اني من يومي احب النظافة دكعتي اكلي يمة اكعدي
بس اغسل ادي واجي
انفال
بالليل خابرت ايهم
كتلة خلص شهر لو بعدة وعدتني تنقل لبغداد
كال الصدك نفوله مااكدر اجي واعوف اصدقائي اريد ابقى وياهم
يااا صدك تحجي تريد تذب نفسك بالموت
قل لن يصيبنا الا ماكتب الله لنا
وربك هم كال لا تلقوا بانفسكم بالتهلكلةة
وج هاي مو تهلكة اصلا هذا جهاد جاي نجاهد واني كعسري هذا واجبي هم
مااعرف ايهم والله اخاف عليك ماتفقنا هيج
انت بس ادعيلي اتي مرتاح والله هنا احس جاي اسوي شي
الموصل محتجتنا نوكف الها ونخلصها من شذاذ الافق داعش
ورجعها لهلها وناسها
واني هم محتاجتلك والله
اليل ماجي انامه افكر بيك ومن اسمع الاخبار ينخمش كلبي ايهم
الحافظ الله حبيبتي بس ادعيلنا
ربي يحفظكم ويرجعكم سالنين غانمين
جنج امي وهي تدعي ههههه
لا كلشي ولا اشبهني بامك
امممم تره امي كلبها طيب والله
اي مبين هووايه
بكيفج لا اصدكين الايام تثبتلج
ميحتاج ثبتتلي من زمان
سولاف امي
حجت كالت يمةةة بنيتي شقررتي زوجج مخابر ع عمج يكول اجيب ابوي واجي
بس شنو اذا جبت ابوي ترجع وياي
والله ماما ماادري مسطوره ع راسي
انتي شوري علي شسوي
اني مثلج
بس المرة مالها غير بيتها وانتي دكولين ممقصر وياي ويحبني ومداريني
اي صح ماما
بس خايفة لا يكون طلكها بسببي هاي وحده
وهم لا يجي يوم يكول ارجعها واني راح ارفض هم اكيد
وهم مهظومة شلون خدعني معقولة ميكلي جنت مزوج هاي اعتبرها خدعني
اكيد بوكتها مراح اقبل ممجبوره ازوج واحد مطلك
بنتي هسه المشكله صارت وتخلينا امام الامر الواقع
ولازم نطلع بحل وانت صاحبة القرار بكيفج اني تعرفني مااجبرجن ع شي
بس من تقرريين فكري ابنتج بنيتي
ماما
ياريت بس بنتي
لعد
اني حامل
صدك من شوكت
والله فايتتني وحللت البارحةة وطلعت حامل جابتلي انفال تحليل منزلي مجنت محسبة هالشي
انصدمت هسه احس رب العالمين كاتبلي ارجعلة واقبل بكولشي
بس مع ذالك اذا رجعت بشروط
شنو شروطج
مايرجعها بعد علي واعتقد هذا من حقي اني ازوجت ع اساس هو اعزب مو مطلق
واذا يوم حسيت مرة لخ ضم شي علي اطلب طلاك هالمرة
اسم الله من الطلاك يمةة لا تجيبن طاريه
اوف يابنتي المكتوب ع امجن انكتب عليجن الله كريم
هسة نرد خبر يجون
اي واريد حتى عمي صبري يحظر
شمعنى صبري
ماما عمو صبري شخصية معروفة واله وزنه بالعراق
اريد يحس وراي ضهر مو هيج يضحك علي
زين اكوله لعقيل يخلي يدز ع صبري والو مااصور يجي
اني اخابرة واكولة
بكيفج يمةة
دك احسان
كالت امي جاوبي
مااريد
لا جاوبي وافتهمي منه ليش هيج ضم عليج انت اول ع تالي راجعة
كامت امي اخذت البنة وراحت
فتحت خط
الوو
واخيرا فكرتي تردين علي
اتفضل احسان شرايد
لا تحجين هيج واياي شنو شرايد مااحب هذا الاسلوب
لعد اسلوبك الحلو تضم علي مزوج وتخدعني مو عيب
الي اسبابي بوكتها
وهي
حبيتج وخفت لا ترفضين وتضيعين مني
مو مبرر هاي
لا مبرر
شوكت حبيتني الي اعرفة مثل مكلتلي شفتج بنيه مجتهدة واخلاق وعجبتيني فقط
مصار بينه علاقة حب لو صدك حبيتني
انت بنظرج هيج بس اني سنة كامله اني عيني عليج وحبتج واول مرة احب وواكع بالحب
دخلت كلية وطلعت ماحبيت ولا فكرة احب وازوجة بنت عمي وماحبيتها ولا حسية بشعور واحساس الحب
بس من شفتج حبيتج وحبيتج حيل
لو تحبني متخدعني
مخدعتج بشي
وشغلة الزواج الضامها علي شنو
هاي من حبي وحرصي لا ترحين مني
والغاية تبرر الوسيله
مااقتنع كتلك مو مبرر هذا
سولاف والله العظيم قبل لا اعرفج بسنه ونص اني مطلكها ومنتهية علاقتنا والطفل جان عدها بس هي بيها انفصام يمكن بالشخصيه
صار مرتين تذبه ع اهلي وانوب ترجع تاخذه
مااعرف وين تريد توصل
احتمال تريد ترجع
هههه ترجع وليش اطلكنا بالاساس احنه ماتراهمنا ابد هي بوادي واني بوادي تفكيرنا يختلف ع بعض فرق بين مستوانا الثقافي والدراسي شاسع
هي ايتدائي مخلصة واني استاذ ودكتور جامعي
وانت بعدج عندج الحساب مثل ميكولون
سنه بقينا كوه علينا
مااعرف احسان عوفني هسه اخذ قراري لا تلح علي خليني فترة يم اهلي
لا مااكدر اجي اخذج ماانطيج فرصة تفكرين تبتعدين عني
لا تخاف مراح اكدر صار اثنين اليربطني بيك
شتفصدين
مو بس ليان
لعد شنو.
اني حامل
صددددك يارحمتك يارب شوفي رب العالمين شلون واكف وياي
سولاف اجي اخذج
لا هسه لا
بس جيب ابوك حتى يحجي وي عمامي
اما اني خليني فترة يم اهلي
واذا اكلج مااكدر ع فراكج
اكولك تعود
مااريد اتعود اني صار يومين ومختنك احس شي ضايع مني
سولاف اني اسف
اتمنى تسامحيني صح الي سويته غلط وميليق بيه كأستاذ جامعي
بس كتلج الغاية تبرر الوسيله
انطيني فرصة
ثاني يوم جاب احسان ابوه وحجة وي عمو عقيل
جنت اتمنى يجي عمو صبري بس مااجة اعتذر
بس عمو عقيل وولدة ماقصروا وياهم
وخلوا شروط عليه
مع ذالك مارجعت
نفسيتي جانت تعبانه كولش
بقيت تقريب اسبوعين
بهاي الاسبوعين يوميه بخابر احسان علي
اجي اخذج اشتاقيت للبنيه اشتاقيتلج
كافي سولاف والله تعبت اعتذار واعتذرت
غلطة تره محد معصوم من الغلط
عاد رجعت بوكتها اعتبرتها صفحة وانسدت
كتلة الطفل جيبه الظاهر اني مثل امي راح اربي امير الثاني
حيل فرح من كتله جيبه
والولد هم جان عاقل ومطيع
الصبح اعوفهم يم عمتي وارجع اخذهم
اشترالي سيارة وطلع اجازة سوق الي
وكمت اروح وارجع بيها للمستشفى
وللحكاية بقية ام مصطفى
