#ام_البنات
للكاتبة ام مصطفى
ج٢
البارت ١١
انفال بقيت ع تواصل وي ايهم
طبعا اشتريت مبايل بعلم امي
كتلها احتاجة واريده اتاخر بالدوام يصير شي تره مامعقوله وحده بالكلية وما عدها مبايل
عاد هي قبلت
المهم كمت اتصل وي ايهم
حييل فرحان لان رجعتله
كلي بس وجودج وياي كافي مو مهم نتزوج
المهم اسمع صوتج واحجي وياج
والله اني هماتين ايهم حيل فرحانه لان رجعت اتصل بيك احس حياتي رجعت حية من جديد
بعد ماجنت ميته قبل
لعد ليش تكابرين
ع مود امي والله امك كلامها حيل قاسي وياها
الله يهديها يارب
عوفينه منها
هذا هم تشوفيه
منوو
ابو عوينات
هههههه تقصد اوس
اي هو
اي اشوفة اكيد غير وياي بنفس القاعة
ها وبعده يباوعلج
لا لتخاف لعد الف متر مني
اكيد وداعتك شبيك قابل اجذب عليك
والله ردت اسحلة ذاك اليوم من شفته لازم ايدج وانت مكيفة
صدك شجان يكلج وتضحكين
اووو ايهم رجعنا انسى يمعود
لا ماانسى ضاله ابالي متت والله بوكتها
تره والله جان يحجي ع مهند وضحكت
شبي مهند
مو مهند طول الكعده مخزر عليه ومخلاه يدخل يلبسني حلقة
هااا عفيه بمهند اشهد انك اخ والله
سولاف
صبيت عشة احسان كاعد يتفرج ع التلفزيون
صحتله يله حبيبي تعال تعشة
اي جاي
كام دك مبايله
اخذه وطلع
صار عندي فضول اروح اسمع وراه
طلعت
اسمعة يكلها الولد ماانطيه بعد ولا تشوفيه
مو لعبة يوم تذبيه عليك هاك ابنك
ويوم تكلي اشتاقيتله ترديه
اني سمعت وبسرعة اذكرت الولد الي يم عمتي
صحت احسان
نزل ايده وباوعلي شكوو شبيج
منو هاي تحجي وياها وياولد الي ترجعة عليك
ها ماكو مشكله كرايبنا
احسان شفتني طفلة تكذب علي منو. هاي
شبيج سولاف
احجي هاي منو
كال طليقتي
شنووووو
ليش انت مزوج
اي جنت قبلج وطلكتها قبل لا ازوججج
شنووو
رجعت ليورة متزوج ومتكلي وهذا الولد الي يم عمتي ابنك
هز راسه اي
رجعت ليوره واركض للغرفة اقفلها علي
كعد مثل المصدومه
وجسمي كله يرجف يرجف مثل السعفة
احس كلبي راح يطلع من كثر ما يدك سرريع
مزوج شنوو ليش؟ مكلي قبل لا يزوج
ويصير اني سبب طلاكة
ومنو هاي وليش لسه تخابرة
معقولة يربي مجاي استوعب الي اسمعة
كامت دموعي تنزل من القهر
كام يدك بالباب سولاف افتحي الباب خلي افهمج
مااكدر ارد ولا اريد
فتحت الكنتور طلعت ذهبي ومستمسكلتي وحاجلتي المهمة ونزلت جنطة السفر خليت ملابس الدوام بيها
وملابس ليان
لبست وجريت الجنطة فتحت الباب
واكف جان باوعلي اجر بالجنطه
سولاف وين رايحة انطيني فرصة اشرحلج
لهدوء شلت بنتي بايد
وجرين الجنطه بايد
وهو وراي يركض بس احجي وياي جاوبي
شبيج
واني بحالة صدمة عفته وطلعت
اوكفي
جريت روحي منا
جان بملابس البيت شورت وفانيلا
ميكدر يطلع وراي بيهن
مشيت لراس الدربونه
اشرت تكسي وصعدت بله مااكوله وين
حليمة
سويت العشة
وصحت انفال تصيح خوانها اطياف وامير
نزل امير كتابه بيدة
كتله اي يمةةة بعد امك ادروسك اهم شي
لا توصين يمةة صارلي درس بعد
عفية السبع
دراستكم يمةةة اهم شي اريد ارفع راسي بيكم
كعدت اكل اباوع ع انفال مرتاحة وموردة
واتصفن وتضحك
كتلها يمةة نفوله اليوم وجهج يضحك عسة دوم حبيبيتي
اي ماما الحمد لله
الحمد لله
بس اطياف ضايجة وتصفن عرفت شبيها
كتلها اطياف شلونج بالدروس
لا زينة ماما
اي بنتي التهي بدروسج معليج بالحجي
اي ماما صح اهم شي دراستي
عفيه
اندك الباب
كالت انفال اكيد ايلاف ميفوتها عشة
كتلها فدوه اروح الها هلة بيها
كومي افتحي الباب الها حبيبتي
كامت واني اكول
اسمع صوت بجي وانفال دكلها شبيج
اسم الله كمت ع حيلي
شكو لنفال
اباوع سولاف وجنطتها بالباب
وتبجي
يمةةةةة سولاف شبيج
حضنتني وتبجي كامت
ماما خدعني
اسم الله شبيج يمةة شصار
طفر امير
شبيج سولاف خاف ضاربج
كتله اكعد لا تدخل انت خل نفتهم كعدت ع التخم بالصالة
وكعدت كبالها
شكو احجي بنتي
ماما طلع مزوج
منو
احسان
ياااءء وضربت ع خدي صدك تحجين مزوج عليج
لا مزوج قبلي
يمةةة مزوج ومايكول واطيناه مرة قشمرنه شنوو
اي ماما قشمرني
اويلي ع حضي المصخم وجمالة عندة ولد
يوم ولد عمره بالتلث سنوات
كامت ادك ع رجليها شايفة هيج ماما
وهسة شنوو
يونه وشلون عرفتي
سولاف
حجيت الها انو مطلكهاةيكول
وع الولد
امي كالت هذا غش وخداع خدعونه وكذبوا علينا
ادز ع عمج وهو يتفاهم وياه
اويلي ع حضجن يمةة
ايلاف خابرتني انفال وحجتلي
يااا عزززه وهسه وين سولاف
هاي يمنا
جايه لعد جاية ع السريع اني راح اجي
مهند كال شكوو
كتله سولاف زعلانه جاي
ليش شبيها
تعال واحجيلك
خطية كام بسرعة.
طبيت لهلي لكيت سولاف منهارة وتبجي
مهند حجة وياها شبيج
عاد حجتله مهند تخبل شلون مكايل النه
هسونه كعدنا ودك الباب احسان
مهند كل لا مير اركض صيح ابوي ومحمد جعفر
خل يجون خاف عباله تايها اله ويلعب ع بنات الناس
مهند
استقبلته بس كالب وجهي عليه
كال اريد احجي وي سولاف
كتله عندك حجي احجي ويانه بعد
كال متسوة ترة اني وزوجتي زعلة حبايب
كتله لا مو مرة ورجلها هاي شغلة تخصنه
لمن اجيت خطبت مكلت اني مزوج
كال مكلك مو مزوج
اوكي مكلك ليش مكلت
انتوا مسئلتوني
غير نعرف بيك ممزوج تروح تخدعنا
مو عيب
لا مخدغتكم
واصلا زوجي سنه وطلكت
عسما شهر تجي تكول النا
طب ابوي سلم
كال شنو الموضوع
ححيت لبوي
شال روحة ودكها
يابة شلون تضحك علينا مزوج وعدك ولد
دز ع سولاف
طبت بس تبجي ومتباوعله
بده هو بحجي كال بت عمي وازوجت زواج تقليدي ومارهمنا ترة سنه اقل وطلكتها
وطلعت حامل والطفل بقة عدها
هسة ذبته تكول اخذوه
وتالي رجعوه
عاد كتلها يبقى عد امي
اني شغلة قديمة ولنتهت ليش اخرب حياتنا اني مقصر ةياج بشي مأذيج
ضل يحجي واحبها ومدللها ومدري شنو
ابوي قفل عليه كله انت خدعتنا
تجيب ابوك وعمامك وتجي
طلع من البيت وراح
سولاف
انصدمت صدمت عمري احسة حلم وعايشتة
معقوله صار سنه ونص وياه ماجابلي طار زواج وابنه
حيل انقهرت احس نفسي جنت مخدوعة بيه
الليل كوله منمت ليش ياربي هيج يصير بيه
زين شسوي هسه اني المشكلة احبه وتعودت ع بيتي وبنتي شلون
بقيت الليل كله افكر اطلك
بعدين اكول وبنتي شنو ذنبها
احتاريت شلون اصرف
