#ام_البنات
للكاتبة ام امصطفى
ج٢
البارت الثامن
انفال
نزلت جوه واشوف مهند لازم امير وشابعة كتل وامير خشمة يجري دم
بسرعة ركضت اخذت شاش وخليتة ع خشمة
وكتله نام ع ضهرك
وخري مني مااريد انام عوفيني
شبيك امير شجاك شصايرلك ليش هيج جاي تصرف
شمسوي مدكوليلي اشتغلت حتى اجيب فلوس الجن حتى محد يعيركم بفقركم
بس احنة ممحتاجين ترة خير من الله عدنا
كافي امير والله البينا كافينا
لا تعاند عوف هاي الشغلة مو من ثوبنا
عافني وصعد ركض فوك
مهند شافة كله اكسر رجلك لو تخطيت الباب
شافني وخزرني وصاح ع ايلاف امشي يله
طلع وامي باوعتلي ضلت تبجي بالزايد
أيلاف
رجعت للبيت وي مهند صعد لغرفتنا صعدت وراه
كام يعيط علي الله بلاني بيكم
تعبت من صغري شايل همكم طفل شكدوته يدخن ويشرب اركيله
وذيج اختج بسببها الولد راح يموت
هي شعليها شبيك كألب علينا مهند
شعليها منين جابت هذا الي جاي يخطبها
انتن فهمني ترحن ادرسن لو تسون علاقات وحب هم انتي وهم ذيج ازوجت الاستاذ مالتها وهم هاي
رايحات ع مود العلاقات والحب والونسة
انصدمت من كلامة اول مرة هيج يحجي
مهند شتقصد
قصدي واضح وخري مني والقران لو صار شي بايهم انتن حصتي
طلع وعافني
كعدت ابجي شلون هيج يحجي علي وع اخواتي احنه نروح نسوي علاقات اعرف هو يقصدني بس خواتي شعليهن
مهند انهارت اعصابي والله ع ايهم ادك عليه مقفول شلون ياربي اروحلة للموصل
وين اندل وين الكاه
كمت افتر بالسيارة بالشارع واتعوذ من ابليس اليوم حيل قسيت ع بيت عمي بس مستحقين
هذا امير يرادلة جرت اذن
وذن هم زودنها كلش
انفال
يومين مداومت للكلية وامير هم مداوم
امي تمرضت علينا
كل شويه قايسة ضغطها يصعد وساكته متحجي
بالليل اندك الباب واجت قوة طبت للبيت
طلعت امي شكو كلها وين امير سالم
شتردون منه
عليه القاء قبض
صعدوا فوك الشرطة ونزلوا امير
امي كالت الهم وين ماخذيه
كال للمركز عليه قضية مخدرات
يمةةة عزة مهدراتيش
صاحت ع اطياف روحي لبيت عمج
توسلت بالشرطي بس انتظر يجي عمه
اجةةعمو ومهند
يركضون
حجوا وي الضابط بره
راحوا اخذوا امير وراحووا
شصار بينه يبوووي ة
امي كلبتها مناحة ومهند ضل يلوم ويحجي مووحجيت كلت ذول الوياه مو راحة بس شسوي يعاند
وك يمةة مهند هسه شسوي
شنسوي ننتظر منا لباجر واروح
وامير يبات بالسجن يمةة عزه العزاني منين اجتني هاي
المصيبة
عمة كولي يا الله ان شاء الله منا لباجر اني اطلعة وعهد علي
بس نشوف شنو الموضوع
وليش ما اليوم وهسه
مايقبلون هسه حجيت كال باجر تعال
يمةة اموري وليدي سودة علي
مخدراتيش مفتهمت
عمة مو هاي الاركيله يخلون مواد مخدرة بالمعسل علمود يدنون الها ولبو الكوفي ومايرتاحون اله يشربوها بهذا الكوفي ع اساس يسوها مظبوطه
وهمة يخلون مواد مخدرة بيها
ياا عزززة العزاني اذا صدك
راح الولد
لا ان شاء الله اني اعرف اصرف جايتني هواي هيج قضاية ومطلعهم
بس ارتاحي انتي
باوعلي مهند وخزرني عبالك كاتله ابوه
انفال اكعدي يم عمتي وهديها
رجعت للبيت
ابوي سئلني شراح تسوي
بويه بلكت باجر احاول اسوي شي وافتهم شنو نوع تهمته واصرف الموضوع خطر وصعب بس اني اهدي بعمتي
