#ام_البنات
للكاتبة ام مصطفى
ج٢
البارت العاشر
انفال
طلعوا بدون مايشوفني اوس ولا اشوفة ولا يلبسني حلقة
ع اساس جايب حلقات
تالي مقبل عمي ومهند كالوا اله عقد شلون تدخل عليها وهي بله حجاب ومتبرجة
طلعوا احس امة ضاجت واختة تباوع معاجبها
كولوا راحوا
كمت نزعت البدله وغسلت وجهي
اني من البداية كوه علي بس اريد ارهمها
امي صعدتلي كالت غير تكوليله اتجيب واحد يعقد الكم
يوم شمدريني اني ماعدهم هاي العادات
بعدين شلون اكله بربج اكو وحده اداوم كلية ماعدها مبايل والله من احجي محد يصدك هسه وكلها تضحك علي
-غير من سوالفجن خليتني احلف عليجن ماكو مبايل بعد تزوجن وارجولتجن تجيب الجن
بعدين تردين المبايل حتى تحجين وياه
يمةة لخاطر الله شحجي وياه هواني بالعته كوه بس اني اريد المبايل محتاجته
لا تخليني اشتري بله علمج
باوعتلي
ماضل شي ويجيبلج خطيبج
خطيبيش هي مبينه سوده مصخمة من بدايتها
انت الي جبتي وانتي الي ردتيه
من لا جارة حتى اخلص واخلصكم
وتصلحين الغلط بالغلط يابنتي اذا متحبيه ومرايدته ليش تورطين نفسج وتورطين الولد وياج خطية شنو ذنبه
لا ان شاء الله احبه وره الزواج واتعود عليه
مو دكولين ازوجت ع عمة عيوني
وحبيت ابوجن وره الزواج
اني هم احبه ان شاء الله
بنتي اذا علي اني لخاطرج اتحمل كلشي
انتظري بلكت الله يهدي مرت عمج عليج
لا يوم اني تعبت اني كرامتي وكرامتج فوك كولشي عندي
بكيفج يمةة مااجبرجن ع شي بعد اني
ثاني يوم داومت
اوس شايل علي
كال
شدعوه اهلج مقبلوا افوت يعني ضل بنفسي اشوفج بالفستان
كتله هاي عاداتنا وتقاليدنا هيج
-جان كتيلي
والله اني اول مره اعرف اكو ناس تخطب بدون عقد
-احنه نعتبرها فترة تعارف فترة الخطبه
وبعدين نعقد بالمحكمه
لا احنه اهلي هجي ميقبلون
يله مصار شي
اليوم اجي بالليل واخذج ونروح لاي مكتب نعقد ونرجع
باوعلي تمنيت اشوفج البارحة
بس شنو طالعة كيك
شمدريك
ماريا شوفتني صورج
عززة شلون حرام لسه معاقدين
على ويش حرام خطيبتي انتي وراح نتزوج
اي بس ميخالف لسه مصار بس حجي
لا تكبريها طالعة كيك وضجت حيل لان مافتت الج
لزم ايدي جريتها
شبيج
اوس لسه معاقدين حرام
شنو القصة سويتيها كلش
رجع لزم ايدي لا اجريها ازعل خل الكل يعرف احنه نخطبنا
ابتسمت اله
احبج وحيل فرحان بس لوما هذا ابن عمج العقدة البارحة خرب فرحتنا
مهند
اي هو شكد عقده
ههههههه لا حباب
وج حبابيش عبالك كاتل ابوه مخنزر علي طول الكعده حتى مااكدر احجي
ههههههههه والله ضحكتني
اي اضحكي خل اشوف ضحكتج
شكد حلوه من تضحمين باع الخدود صارن حمر
دكافي بدت المحاضرة يمعود خل نكوم
كمت شلت جنطتي واوراقي
ومشيت اضحك ع كلامةة من صدك مهند يريد ياكله
امشي وصار ايهم بوجهي
باوعلي كال فرحانه بخطوبتج
الف مبروك
دار وجهه ومشة
اوس كال هذا ابن عمج شبي
باوعتله صفنت بوجهه
ورجعت اباوع ع ايهم
يمشي سررريع
عفت اوس وركضت وراه
صاح انفال وين شبيج
مهتميت ركضت عليه
ايهم ايهم اوكف بس احجي وياك
طلع من الكلية واني وراه اركض
فتح باب السيارة لزمت الباب اوكف ايهم
هاي وين جنت اهلك ضال بالهم عليك
ادري اهلي بس ظال بالهم علي مع الاسف بعت اهلي ع مود وحده باول فرصة باعتني
اني بعتك لا مو هيج بسس
اسس لا تكملين
اني بنص الموت ذاب روحي ابوي يدور ويسئل علي واني مااقبل يدلونه ع مكاني معاقبهم ومعاقب نفسي
تمرضت ودخلت مستشفى
ليل نهار اصيح باسمج
وانت كاعده وي خطيبج دك سوالف
اشتاقيتلج اجيت اشوفج من بعيد مثل ماجنت اسوي بالسنتين الفاتت جنت هم اجي اشبع شوف منج واروح
بس اليوم شفتج حيل مرتاحة وفرحانه وتضحكين متونسة بالعجل نسيتيني
موفقة نفولة
روحي الله يوفقج
ايهم منو يكول فرحانه ومرتاحة
والله بالي كله يمك
اجة اوس
كال مممكن اعرف شكاعد يصير
بت عمي اجيت اسلم عليها عدك مانع استاذ
لا ماعندي بس احس اكو شي
دار وجهه يأفف ايهم
راد يصعد
كتله وين رايح هسه
مالج شغل بية ارجعي لخطيبج ظل باله عليج
صعد
ايهم
جر الباب من ايدي وشغل السيارة ومشة سريع
اوس باوعلي ممكن افتهم شجاي يصير
شكو احس اكو شي بينكم
اوس مالي خلك رجائا
اوكفي انفال تره اني مو غبي شبي ابن عمج انت عندج شي وياه
شتقصد
تره امبين قصدي
عدج علاقة وياه جنتي تحبيه يحبج تره مبين من عيونكم
اوس مااسمحلك
شنو متسمحيلي اني اريد افتهم واعرف من البداية الي ارتبط بيها
شنو ماضيها
ماضيي شي خاص بيه من هسه اكولك
اعتقد هسه مخطوبين
وابن عمج جاي يعني حاضر هذا راح يبقى كل فترة يجيج
ذاك اليوم جرج من يدج كدام كل الطلاب وطلع وياج
وهسه تركضين وياه
فهميني اذا يحبج وتحبيه ليش وافقتي علي احجي
عاط بيه
كتله لا ترفع صوتك علي
لعد شلون ترديني احجي بهدوء واني اشوف خطيبتي تركض وره واحد
تره هذا ابن عمي وجان مختفي بالموصل وركضت وراه حتى اعرف وين جان
هاا صدكت هسه اني يعني
والله بكيفك تريد تصدك تريد لا
ومدامنه ع البر بعدنا
حتى كلمن يروح بدربه
هو هيج الظاهر كلمن راح يروح بدربه اني ماازوج وحده مثلج
شتقصد بكلمة مثلج
انت فهمج كفاية
مااسمحلك
عافني ومشة
بقيت ع وكفتي رفعت راسي للسما يارب
ساعدني
رجعت للمحاضرة جانت كلش مهمه
كتبتها كوه وطلعت للبيت
اريد بس اخابر ايهم
مااعرف ليش من اشوفه تتخربط كل احوالي
قبل لا اطلع
اوس صاح وراي
انفال
التفتت عليه
نعم خير
اعتذريلي من اهلج كوليلهم مصارت طلعي اي شي علي كولي موخوش طلع اي شي وخربتها
اوس تره ماعندي شي وي ايهم
انفال لا تجذبين تره مبين من عيونج الجذب
انصحج ارجعي اله وازوجيه لان امبين يحبج
مع سلامة
رجعت البيت الدنيا طالعة من عيني منا ايهم ومنا اوس
اول مطبيت خذت مبايل امي بدون متدري وصعدت فوك
دكيت ع ايهم
ميرد
بعدين اطاني رفض
دزيتله رساله بداعت حبنا جاوب
رجعت دكيت جاوب
بس كلت الو
طبت اطياف انفال امي تصيحج تكول خل تنزل تتغده
كوليلها متشتهي ونامت وباعي لا دكوليلها تخابر ولا عدها المبايل
اي اي
بس انت جاي تخابرين خطيبج
لا فسختها
يا صدك
اوو اطياف روحي جاي احجي الخط مفتوح
طلعت سدت الباب
كلت الو
كال الو بصوت تعبان
ها انفال شرايده بعد مني
ايهم ليش هيج تسوي بيه
شسويت اني يعني
جيتك اليوم للكلية خلت اوس عرف الي بينه وقرر يفسخ الخطبه
ها وهسه انت مخابرة تلوميني لان اشتاقيت الج واجيت اشوفج
مقهوره ع فسخة الخطبة
لا مو هيج طز بالخطبة اصلا اني كوه علي
اي مبين
ايهم لعد شتريدني انت شفت امك شسوت بينا احنه طريقنا مسدود
اني مو بس ع مودي والله حتى ع مودك اريدك ترتاح تستقر ترجع وي اهلك
اني راحتي واستقراري وياج
انت مشكلتج متعرفين شكد احبج متعرفين مااكدر اعيش بدونج بدون ماافكر بيج
لان متحبيني مثل مااحبج فما اتحسين بيه
اني هيج .
اي انت الي ركضتي وجبتيلج واحد وتردين تزوجيه
احسدج ع قساوة كلبج احسدج والله
هنيالج ياريت اكدر اسوي الي سويتيه
اخطب وانساج
شنوو تخطب
ها لعد بس حلال عليج
ايهم كافي لا تلومتي والله اني مااعرف شصرف امك حيل اذتني بكلامها كلي اني شنو نقصي ليش تقلل دائما من قيمتي وقيمة امي
يابه مالج شغل بيها معليج تححي الي تحجي شعلينا بيها
المهم كتلج اخذلج بيت وحدج ونتزوج
امي متقبل اله امك توافق
شلون يعني اكتلها لامي فهموني
لعد انتظري لحد مينزل وحي ع امي بلكت تقتنع
استغفر الله شبيك
كليلي شجنتي تحجين وي هذا ولازم ايدج مكيفة وفرحانه
اخخ اني اعلمج
غير خطيبي جان
شلون اطاج كلبج تخلينه يلزمج ولج
اوو ايهم اكلك فسخة الخطبة خربت بعد ارتاحيت
لازم انت مرتاحة
لا هسه شكل لامي ولعمي بله ليش فسخ الخطبة
اني اجي واكل لعمتي اني رحتلها
لا عفيه امي متقبل تتخبل والله حتى تكعدني من الكلية
خليها تكعدج اني اريدج تكعدين
صدك تحجي
اي لعد راح يبقى وياج وتشوفيه يومية .
عادي مثل قبل
اخخخ هسه شيويلج
شسويلي مثلا تضربتي
اتمنى الزمج اطلع قهر كلبي بيك كله هسه
بقيت احجي وياه ساعة
توصلنا لحل نبقى ع علاقة بدون ميدرون اهلنا وننتظر لحد مااتخرج وراها نشوف شنقررر
مقابل هو يرجع من الموصل
كال بس هذا الشهر اخلصة واجي بس يطلع نقلي لبغداد
كتله وعد كال وعد والله
نزلت جوه
امي كالت شبيج ليش مااكلتي
كتلها يوم اكلج شي مو تزعلين
شكوو الله يستر
فسخة الخطبة
ياااءء ليش ولج
ماما فكرة بكلامج اني مااريد اورط الولد
اني مااحبة ومجاي اتقبله
انتظر لو انسى لو بلكت الله يهدي مرت عمي
ودنكت مستحية من امي اول مرة اححي وياها ع ايهم
-خير ان شاء الله زين ماسويتي وهم ذول اهلة مو من ثوبنه
جنهم
اي ماما مو من طبقتنا همه كتلج ناس واصلين
الله يحفظهم
ايلاف
حجيت وي مهند ع مود الشغل
مهند مو كلت بس تجيبين افتحلج مختبر اني
-الله كريم
اي اعرف الله كريم شوكت يعني
الله كريم كتلج عوفيها شوكت ميصيرلي مجال اشوفلج مكان متاسب
مهند انت اعرفك متريد اداوم
الصراحة اي
شنو مختبر وولد وبنات يطبولج وتلزمين اديهم وتسحبين دم ومدري شنوو
مااريد
بس هذا طب مو حرام حتى الله والمراجع محلليه
اي بس اني مااتحمل مااحب مرتي تختلط وي الرياجيل
مهند انت دارس وفاهم شجاك مااعرف هيج
من وراج خليتيني اصير هيج
انت متنسى تره اني نسيت وتبة وغلطت الانسان ممعصوم من الغلط .شنو يعني ابقى طول عمري ادفع ثمن غلطة صارت وراحة يوميه راح تكعد تذكرني مصارت هاي
مو قصدي بس انت كلتي مجنت هيج
كتلج بسببج ترديني اجذب عليج فعلا اني تغيرت نظرتي للحياة بسب غلطتج
ياسة بجت
كمت خليتها بحضني وارضعها محجيت بعد اي شي
وكف ع راسي اوعدج راح اشوفلج .بس امجمع نسوي
يعني شنو
يعني وي دكتورة نسائية متفوت الها رياجيل بس نساء
ها وهاي وين الكاها ان شاء الله
ضالات تره ويدورن ويتوسلن
بس اطيني وقت اشوفلج اياها
الله كريم
دك مبايلة
جاوب
اهلا بيج اي اي انتظرج
ساعة ثمانية اني بالمكتب
ها لا يمعوده ع راحتج الفلوس صدك جذب
اي اي
هههه
يحجي وصافنة عليه
ستوه ميريد اختلاط حلال عليه وحرام علي
سدة كتله متو هاي
وحدة عدها قضية نفقة
ها وهيج ذاب ميانه وياها وحتى فلوس ماريد تاخذ منها
شبيج قابل صدك مااخذ منها بس شغلتنا يرادلها السان حلو وي الناس
ستوك متحب الاختلاط
وبعدين شكدها هاي صغيرة جبيرة حلوه
هههههههه فديت الي تغار
شفتي هاي انتي هيج لعد اني شلون ترديني مااغار ع حبيبة طفولتي وقلبي وحياتي وام جهالي
شال ياسة خلها بالكاروك
تعالي تعالي لحضني تخبلين من تغارين
وخر وخر لا تضيع الحجي منين هاي وصارلك ساعة تضحك وياها جماله
هههههههه اموت ع اليغار يرحلج فدوه كل النسوان وج اني مااشوف غيرج حفيت يله اخذتج ترديني اباوع ع غيرج
انت وبس الي بالكلب
الله احلى شعور من اشوف الغيرة بعيونج
وخر مني وخر لاتقشمرني
احبج والله .....
مهند
نزلت جوه
واشوف ابوي يحجي ويصيح ع محمد
شكو يابه خير
وك اخوك راح يموتني
يريدني اخطبله وحده مدري منين مامنين ويعوف بت عمه الي حاجي عليها من الصغر
محد صاح
يابه مااريدها مااحبها مثل منار اشوفها
كوه خوما كوه
بويه اذا ميحبها ميصير تزوجه غصب تره ميصير وحتى حرام
-حرمة عليكم عيشتكم اني مطي كلمه لحليمة شلون هسه شكللها
حجة جعفر بويه اني اخذ اطياف اني رايدها
-ها اها حلها الك جعفر هو يردها فك مني ياخة بويه
-شني نلعب ع البت هي عينها صارت ع محمد اشوفها شلون تباوعله
هسه اروح اكللها لا بويه جعفر يريدج
يابه لا محمد ولا جعفر كل لعمتي حليمة محمد معتبرها اخته
وبعد البنيه بعدها صغيرة وهي تختار من تكبر
شوف هذا صغيرتيشج
بعد الها سنتين تروح كليه غير خامس ادبي هي هسه
اي بويه صغيره لعد جبيرة
محمد حجة بويه هسه شنو شوكت تخطبلي
منعول الوالدين خل اروح احجي وي مرت عمك انوب انشوف نسئل ع هاي الجايبها
بويه همه يسئلون لو احنه
لا احنه هم ابنا حق تره نسئل سمعت لو لا
ميخالف بويه بس خلصني .
والله بدي تاخذ بت عمك بس شسوي
حليمة
كاعدة واجاني عقيل
كال عدي موضوع وياج بس مااريدج
تشيلين علي
لا خوية اشيل عليك
وسفة انت واكفلي اكثر من خواني
احجي ماازعل
محمد
شبي
يكول اطياف مثل منار اشوفها
ومالي نفس بيها
اي من حقة ليش ازعل
بس جعفر يردها كلي بويه اني ازوجها
خويه البنيه بعدها صغيرة وبعد وكت هالحجي حتى انت من حجيت عليها كتلك الله كريم هسه واطيتك موافقة
كلت هي تكبر وتختار
اطياف جنت اسمع لعمي
وسمعتة هيج كال حيل انقهرت
اني محمد هواي احبه واكثر شي
من عمي كال خابج لمحمد
خليته ابالي مااشوف احد غيره
بعد
بس هو ولا يوم بيلي انو يحبني لو حاجي علي من صدك يعاملني مثل منار
جنت اصور يخاف علي
ثاري هو يحب وحده ويردها منار كلتلي ومصدكت
قررت بعد اشيله من بالي والتهي بدروسي
وللحكاية بقية
ام مصطفى