#ام_البنات
للكاتبة ام مصطفى
ج٢
البارت الرابع 🌷
حليمةة
انضريت ع راسي مدري شجاه الولد عين وصابته
هذا امير المؤدب هيج يهددني
كتلة يمةة شجاك قصرت وياك بشي اني
باوعلي
ماما مو مسئلت تقصير بس اني اريد اثبت وجودي اريد اشتغل اريد اعتمد ع نفسي
-هذا شي زين من الزينات
بس مو بكوفي شوب يمةة اني اخاف عليك من ولد الحرام لا يلعبون براسك
وتترك دراستك اني مصلحتك وليدي
تريد الزمك محل ابوك العصر واشتغل بيه
-يوم ماافتهم بشغل ابوي واني هناك جماعتي مسويلي واهس وعجبتني الشغلة
-بس انه مااعجبتني واخاف عليك
كعدت بالكاع وكمت ابجي
دنك علي ليش يمةة تبجين اني لخاطرج اريد اشتغل
وك يمةة مامحتاجين لهاي الشغله لا تشلع كلبي وتشمت بيه الناس
-اوعدج راح اوفر بين دراستي والشغل
لا تخافين علي اني تربيتج
لزم ايدي باسها
الله يهديك وليدي
بس بعد لا تسويها وتتاخر بدون مدكلي
صار تدللين
انفال
كعدت بغرفتي وافتر مااعرف اثبت اريد اعرف شصار وليش جاي
هسة مهند شبي كومني هفف شكد مكروه
شويه كلت انزل
نزلت دخلت لغرفة امي
بس ايلاف نايمة
وامي خالة الطفلة بحضنها
اجيت يمها بله اشوفها ماما
تعاي تشبهج نسخة منج
صدك
اي والله مثل اصيارج هم هيج حلوه
يمةة فدووه لبنت اختي
حطيتها بخضني اووي صدقة للجمال
اكول ماما هم خابرتي سولاف
لا والله وهي هم مخابرت
ملتهية هالايام بالمستشفى
الله يوفقها يارب
يارب
ايهم
رحت يم بيت عمي عقيل
حجيتله كتله عمو ابوي لشوكت يوكف بطريقي
اني اريد بنت عمي وبت عمي تريدني لشوكت يمشي وره امي ووامكفين بطريقي
جرمت خوما جرمت
والله بوية ابوك طغه فد مرة وصاير مايغرف احد
الفلوس عمته
ادري اليتكبر يتكبر ع اهلة وناسة
تخبل رسمي ومااعرف اصرف وياه
تمنيت ابوي عدل وابوك هيج يرفض بت سالم
جان روحة ومعبودة بنات سالم
عمي هسه سويلي حل شسوي كلي
اطيني اخابر ابوك احجي وياك بلكت الله يهديه
ماكو فايده عموو قبلك حجيت واليوم كتلهم اذا ماتوافقون اطلع من البيت
وهم عادي عدهم
لا حول ولا قوة الا بالله شجاه مدكلي
هسه حتى اني اخوه ميسئل علي
كتله شغل جعفر وياك هالكاعد لا دراسة ولا شغل
يكلي الله كريم
مصيبةة ابوك ماايعرف احد كام بس امك واهلها
اطيني مبايلي مهند خل اخابرة
خابر عمي وفتح مايك
الوو ها صبري شلونكوخويه
هلا هلا عقيل بخير انت شلونك
-شني خويه كول اسئل عدي اخ شجاك خوية مانريد منك بس شوفتك
-مشاغل وداعتك مشاغل
عمي ساعة ماتعطلك صلة الرحم هاي الله موصي بيها حتى اطول العمر
شمالك خويه خربت كلش جا انت مو الجبير وتسئل علينا
اجي اجي امر عليكم وهم لكيت شغل لجعفر خل يجيني اريدة حماية وياي
ها خوش بيها خير ان شاء الله
هاي وحده خويه هذا ايهم يمي
اي
اي خويه ادري ليش واكف بطريقة
قابل ماخذ غريبه مو بت اخونه كون انت تفرح والبنيه ماناقصها شي تدرس دكتوراه وحلوه
تره الناس ماكله وجهي عليهن يوميه تتخطبهن واني اكلهم وحده لبن صبري ووحده لمحمد اريدها
-والله ياعقيل مووبيدي المرة معنده هي وحليمة وحالفة لو اخذها تعوف البيت
ترضاها انت ينهجم بيتي
-شلون حجي هذا عليمن اللهةيستر تعوف البيت
شني احنه صرنا بيد النسوان وسفة عليك ابنك هذا ليش تخسره
انه كوه لازمة هسه يريد يهج
والله يا ابو مهند اني هم حاير بزماني
خويه لا تحتار تعال اخطب البت وانه ازوجهم ابيت سالم شو هالفراغ ويكعد وياهم
اذا مرتك ماترضى
الله كريم اليوم احجي وياها بلكت الله يهديها وانت هم كضة يمك لا تخلي يروح حتى للموصل سويتلة نقله راح اجيبه لبغداد
عاشت ايدك
يله في امان الله
ايهم شكد ارتاحيت وفرحت من سمعت بهذا الحجي جنه ابوي لاين
يارب فرجك
عمي كال ابوي شويه متغير جنه بلكت الله نتاني منا لكم يوم وانت ضل هنا بويه
شعدنا احنه
هاي هيه عمو بلكت الله يهديه
انفال
الصبح طلعت للكلية
جنت واكفة انتظر الخط
طلع ايهم
صباح الخير ها واكفة.
صباح النور اي منتظرة الخط
اصعدي اوصلج
لا لا هسة يجي الخط مااكدر
خلة اديه بجيبه كام يتلفت
مو اريد احجي وياج
بشنوودصعدي وافهمج
لا ايهم اعذرني مااكدر
زين لعد روحي واني جاي للكلية وراج
اوكي
صعد سيارته وظل منتضر بالسيارة
لحد مااجة الخط صعدت مشة ورانا
لحد موصلت لكلية نزلت
اجة وراي
ايهم عندي هسه محاظره اخلصها واطلعلك
صار انتظر راح بالكاقتريا
حليمة
نزل امير
ها يمةة صباح الخير
هلة وليدي
صباح العافية حبيبي
اكعد تريك
اي ميت جوع
كعد ياكل
يمةة اموري حبيبي تدير بالك ع دروسك انت ثالث متوسط حبيي يعني وزاري وليدي
-صار يمةة لا تخافين اني ابنج اوعدج اوفر بين الدراسة وبين شغلي
الله يوفقك حبيبي
كام طلع
واني كمت الم بالاكل
سمعت صوت بنت ايلاف كعدت
عفت بيدي ورحت الها
طبيت للغرفة
شلتها جوعانه خطيه حبيبتي
ايلاف يمةة مدكعدين ترضعيها وترجعين
ايلاف ايلاف
ها ماما
كومي يمةة ارضعيها
اي اي
اندك الباب
حجيتها بحضنها طلعت افتحةة
مهند
صباح الخير عمةة شلونج
هلا وليدي صباح النور
امير راح للمدرسة
اي والله راح وبالي يمةة
ليش
ماقبل يعوف الشغل يكول اريد اشتغل
واني كلت اسايسة خاف اشد وياه ويعاند
خليته ع مايه بس كتلة توعدني اهم شي متاثر ع دراستك
عاشت ايدج عمه بس اني هم لازم اروح اسئل وراه ع اصدقائه واروح للمكان الي يشتغل بيه
اي فدوه وليدي هو كلت اكلك
لا توصين حريص
ايلاف كاعدة
اي ستوها كعدت ترضع ياسة
خل افوت عليها
روح يمةة اني فايته اغسل مواعين
متريك
اي اي تريكت
الف عافيه
طبيت ع ايلاف
مدنكة ترضع والطفله بحضنها
صباح الورد حبيبتي
باوعتلي ابتسمت صباح النور
شلونها بنتي
زينه جوعية
خليها ترضع فدوه خل تنفش مثل امها
دنكت عليها اطينيها بستها
فدوه بنتي بستها بوية جنها كمر
-تره اغار ها
ههههه اجت ضرتج بعد هاي
صدك تحجي
اي والله اموت ع البنات يمكن راح احبها اكثر منج
لا بله
عبست
ههههه من كل عقلج تغارين من بنتج
اي والله من كل عقلي
هالكد تحبيني
انت شتكول
اني اسئلج
اممم احبك هواية وكل يوم يزيد حبي الك ومتندمة ع كل يوم جافيتك فيه
جريت حصرة لا تذكريني
هاج الطفله يله تاخرت ع الدوام
تعال تعال اوكف شنو سالفة ايهم شصاير وياه
مو وكتها من ارجع احجيلج تاخرت عندي قضيه بالمحكمة
يله باي
باي الله وياك
انفال خلصت محاضرة وطلعت
اوس وراي
انفال انفال ها اوس
اريدج بموضوع
ممكن نكعد نحجي
هسة
اي اذا ممكن
لا مااكدر عندي شغلة ضروريه
خليها ع باجر اذا ممستعجل
اوكي يله ع باجر
دخلت الكافتريا ادور وين كاعد
تالي شفتة بالاخير
تقربت من ايهم شافني تبسم
ياعمري شوفتك ترد روحي
احسة انظلم وتعب اكثر مني
كعدت ها تاخرت عليك
لا عادي انتظرج العمر كله مستعد
ابتسمت اله واني هم
متاكدة
اي طبعا
تعال احجيلي الصار
ان شاء خيرر نفولة
عمو عقيل حجة وي ابوي وابوي وعدة خير
وان شاء الله اذا انحلت وصارت الخطبه
عمو عقيل كال تكعد ابيت عمك سالم فوك
يعني يمكم
صدوك ياريت اني هم مااريد اعوف امي خطية تبقى وحدها
ان شاء الله خير
باوعلي وصفن
شنو
مشتاقلج والله هيج وتصير انفال والله تعبت اريد استقر
تدرين اني مشتت هسه لا دوامي مرتاح بيه لا وي اهلي مرتاح مشاكل دائما
وانت هم بيج وماتبعدين
ليش هيج يصير وياي اريد ارتاح استقر ازوج واهلي راضين علي تعبت من المشاكل
اسفة ايهم اني السبب اعرف هواي عانيت لخاطري بس شبيدي اني
لا بالعكس انت حالج من حالي ضحية اهلنا
اهلك هم السبب امك تتقسط تقلل من قيمة امي واني كولشي ولا امي اموت ولا امي احد يقلل من قيمتها لو يذلها
امي متستاهل احنه ناذيها
اي صح
مااكول بس الله يهدي امي
المهم نفوله تدرين شكد هسه فرحان متأمل خير لان ابوي البارحة كلامه يبشر بخير
ان شاء الله
حليمة
اجت هيفاء وعقيل ع ايلاف
كتلهم اليوم غداكم يمي راح اسوي غده بثواب سالم
خابرت ع سولاف هم كتلها يمةة اختج جابتت
تجين ع الغدة
كالت اتاخر اطلع متاخره من المستشفى اجيكم ع العشة
خوش يمةة هلة بيج
طبيت للمطبخ اجت هيفاء وياي
خل اساعدج
يله خيه بس الزميلي الدجاج خل ناكصصة
اكلج خية البارحة ايهم
حاجة عقيل ع مود انفال انت شتكولين
والله يا ام مهند اني كتله جيب اهلك وتعال اخطب
يعني شلون اطي بتي وامه متريدها شلس بهابمشاكل اني
ماطلبت شي غلط ولا صعب
اي صدك حكج وهم عقيل البارحة
خابر صبري وكلة تجي انت وتخطبها وخلص هالموضوع
اي زين شريد اني بعد
طب عقيل
هم فتح الموضوع
كتله خويه اني ماعدي مانع بش كون بموافقة اهله مو وحده يجي
يابه اني ابوه اعتبريني
لا خوية لا شرطت شرط يجيب امه وابوه وهله بيه يكبعها وياخذها
انفال
ايهم بقى طول اليوم يمي بالكلية
ومن طلعنا كال تعاي اني اخذج كليلهم
روحوا
كتلة يلله
صعدت وياه
جان حيل فرحان
هيج وتكمل ويانه والله لخليج اسعد انسانه
متعرفين شكد احبج
متعرفين ذيج الايام شصار بيه وصلت مرحلة اريد اموت ذبيت روحي بنص الموت ايست كرهت الدنيا بدونج
اسم الله عليك ليش هيج تحجي
واني مفكرت بيه غير اموت وراك
لا عبالك اني ناسيتك لو مرتاحة
لا والله بس امي امي مااكدر انطي بيها
امك حيل اذت امي
واني كلشي ولا امي كتلك وانت هم مسويت شي
اني مسويت شي هههه حقج يله راحت بعد
المهم الجاي
حليمة كملت الغدة ومنتظره البنات ومهند يجي
طبت اطياف
وعمها تلكاها يموت عليها
هلة بنيتي فدوه لطولج
وهي هم تحبه راحت اباسته
شويه واجة مهند وامير
اندك الباب كلت اكيد انفال
راحت اطياف تفتحة
واني طبيت للمطبخ واسمه صوت
وينها امج وينها
طلعت
اشوف مرت صبري حماي
وانفال وايهم هم طبوا وراها
اندارت عليهم
ها جنت وياها خذنك امداك يالقشمر
وانت يالبايرة يم السحورة جلبتي بابني
لو تموتين متاخذيه سمعتي
اندارت علي حليمة مسويه بيتج مكوده تبيتين ابني يمج انت منتحسين مااريدج مااريد بناتج انت ماعدج احساس
صارلج سنين تلفين ع ابني مامليتي جوزي من ابني
كلتلها احترمي نفسج انت ابيتي تره وابنج هو يحب بنتي ويردها احنه مدزاين عليه
اي مبين شوفي شلون جاي هو وياها للبيت وتبيتينه يمج ملهسه الولد
شكد متستحين
عاط عقيل بيها كافي تره مصختيها زايد
امشي اطلعي بره وايهم ابنه وبكيفنا نزوجه الي يعجبنه سمعتي يله بره
التفتت علي حليمة جوزي من ابني لا والقران ادفعج الثمن
وللحكاية بقية
ام مصطفى