الحلقه 15 ❤️
عبدو::كنت راقد نضت علي صوت زنين بحتت رحمه. تبكي وتتالم
عبدو::حومه حبيبي كنك
رحمه::تعبااااانه تعباااانه
عبدو::برمت شعلت الوناسه وحطيت يدي علي راسها
شن تحسي
رحمه: مش عارفه معدتي حرررررقاااان واصل لعند كتوفي مش قادره
نطيت نجرررري للحمام قعدت نستفرغ
عبدو::صبيت نجري وراها بشويه كنك انت تجري هك ناسيه انك حامل
رحمه::غسلت وجي ومسكت المنشف مسحت
وقتله. هامك العيل وانا مش مدورني. انا تعبانه. وقت العيل
عبدو:: معلش اسف جيتها مسكتها تعالي لفراشك
رحمه:: دفيته ورديت اخري للحمام.
طحت علي ركبيا وقعدت نتألم
عبدو:: نعدو العياده
رحمه::مش عارفه. بس شكله مكرونتك لعبت فيا
عبدو:: وجك بككل. هيا هيا وتي روحك بسرعه
رحمه::العيال
عبدو::نرن علي ريما تقعد معاهم البسي انت بس
نزلت بيها
وخشيت علي ريما تركب للعيال
رحمه::اناااا بنمووووت حي عليا ااااه ياماما تعبانه تعبانه تعبانه ياناعلااااي. ياعويلتي.
عبدو::تي كنك ياحاله خوافه اهدي. ساهله
رحمه:ساهله ساهله في عينك كله منك طح سعدك قرنين فلفل تمرس يناعلاي ياامي اااااه. حرقان معش نقدر. وووقف
عبدوو::اععععع يامقرفه. توا شن اندير انا
قعدت نعاني فيها ومش عاجبها تهزب
يقطع الساعه اللي طيبت فيها. رديت للحوش نزلتلها لبسه غيرت ورديت طلعت
وصلت بيهاالعياده
الدكتوره::اوووو كيف تاكلي حار مش هبال هوا شي طبيعي. بتجيك حموضه حاده. وتقرحات
رحمه::بحتت فيه بحقدددد
عبدو::خفت من نظرتها حي علي امي شررررر
خدوها عطوها ابره تريحت روحنا
رحمه:: مره ثانيه تعتب المطبخ نهارك
عبدو::تي سمحه غير انت الحساسه ناعليا
تي مكنتش نحسابك دلاله هك ازززح
رحمه::تعال جرب الوحم والحموضه ونشوفك دلال ولالا
عبذو:: انا تي انا قتالي. في عز المرض نشتغل
رحمه:: وصلنا وخش قعد يتسهوك هوا وريما تدلع. طروح دلوعه وخوافه
نزلت ريما
بحتت فيها كانت مصبيه تغير في دبشها
عبدو:: توا الساعه 4امتي نرقد وامتي انوض عليك قصه
اوووووف
خشيت تحت الغطاء ولا حظت تصبايتها هك غريبه تبحت فيا زززززين.
عبدو:: كنك تبحتي هك تحسي مزلتي
رحمه::لا منحسش. ندلع بس دلاله وخوافه كبارت شورخ. اسفه علي ازعاجك اسفه. نوضتك من نومك. مره ثانيه. نتقطع من الالم معد. راقده جنبك خليني. نتحمل بروحي.
عبدو::اااااه توا عليش هذا كله نبصر راني
رحمه::مش كل حاجه بصاره ولا كل حاجه مسخره انت هك تتهزا عليا وتضحك قدام اختك كاني تعبتك علي الفاضي
مش حاس بيا ولاخايف عليا
عبدو:صبيت وجيتها مسكتها مع وجها معقوله مش خايف عليك ولا حاس بيك
اسف حبيبي تي حمار ومنعرفش نتصرف
حي عليا قصدك زعلتي باهي عليش البكاء
حضنتها اسسسس ياهبله انت رايحه حساسه واجد
معلش سامحيني
رحمه:: منحبش نحس انك هازي عليا ولا مش معدل
وقدام هلك مفروض تبين خوفك عليا مش تدلع
عبدو:: خلاص حقك عليا. تعالي هي مسكتها ومشيت بيها للسرير. تريحي وخشيت معاها
تعالي عندي كويسه توا
رحمه:اه بعد الابره الحمدالله
عبدو: الخمدالله يبقي اذكري الله وارقدي عند
رحمه؛نخاف نضايقك
عبدو::لا كويس نضايق من حومتي وهذي تصير ارقدي خلاص هي. وان شاءالله العيال ماينوضو.
><<~~
عبدو::نضت الصبح كتفي يوجع فيا بحتت لقيتها خاشه فيا ومتعمقه في النوم رفعتها بشويه وريحتها في مخدتها
صبيت غيرت ولبست ودرت روتيني كله
وخديت العيال. وحطيت حليبهم ونزلتهم. لامي كوثر
مشيت المحل وبعدها منها للجامعه
رحمه::نضت الساعه12 الدار مظلمه واضح الشقه هاديه شعلت الوناسه وصبيت ملقيتش العيال
دورت في الشقه ملقيتش
رنيت علي عبدو
رحمه::الو. العيال مش قاعدين ياعبدو
عبدو: حي علينا معقوله شكله مخطوفين
رحمه:اوووف. انت منزلهم ولاعاطي. المفتاح لحد ركب خداهم
عبدو::لا انا ماشاءالله عليا راجل حنون
رحمه:: اهااا باهي طلع فيك خير. ههههههه
عبدو: متلقي غير بودي
اسمعي. وتي روحك. وخلي القطاطيس مع سلاف وريما
نبيك بروحك غداء رايق
رحمه::عنديش نيه حبيبي نبي نريح معدتي
عبدو:تي فرصه حلومه مش قاعده طلعه رايقه بدون وين كنتم وليش ماقلتو.
بندلعك اليوم. نمشو البحر وتغيري جووو
هااااا شنوووو
رحمه::الله بحر. تمام نجك ليا . نبي نتنفس هواء نظيف. خلاص تلقاني واتيه هههههه
عبدو:: وليا نجك انا توا قلت. لناصر. متجيش خليك علي راحتك طلع سومه فطرها برا. وتعال القايله نسلم وانت كمل
رحمه::حبيبي الذوق العسسسل.
عبدو::باهي تمام. نتلاقو. بعدين خشو زبائن توا
>>~>>~<
ريهام::كول فم هذا وخلاص
جلال::معش نقدر نيه مفش
ريهام:: معقوله تكسف هومي هذا وخلاص شوف حبيته يعني لقمه طعمتها غيييييررررررر
جلال::مسكت يدها وحطيته في فمي همممممم اااااه
فعلا احلي لقمه وحبيت يدها ويدها يدهاااااوصلت في رقبتها
ريهام:: هيييي. هههههههه خلاص تماديت.
جلال::شن اندير. الطعمه سمحه تخليك تاكلي العسل اللي ماسكها
ريهام:: باهي خلاص وخر. سبحاك ن الله هذا اللي كان يعيط. ويوصي. اررررزن شويه. راك داير عمليه وعندنا ضيوف
جلال::عههههههههه حي عليك شكلي زدت الضعف حولي السفره وتعالي
ريهام ::جلالالالالال كننننننك
جلال:: تي تعالي كريتها. عندي
ريهام:: حبيبي مش وقته عمليتك
جلال:: محاوله فاشله الجرح. واعر امشي افرررراج. مطلوق سراحك يا طوير
ريهام:: وين ماتريد تعدي عدي
جلال:: عدي ياحاله
ريهام::صبيت مسكت السفره
جلال::اه شوفي حد يشيلني نغير الجرح مع اني قعدت نكره نمشي من الخوف امتاعهم من العدوي. حتي تنظيف نحس فيهم مش بضمير
ريهام:: وليش اتعب في روحك وتنزل دروج وتعدي.
انا انظفه لك
جلال::لا متجيش
ريهام:: اصبر توا ندز علي العده ونظفه لك
جلال:: زعمك
ريهام: خييير وحتي يدي انا غير
طلعت دزيت علي مواد تعقيم
يسم الله
جلال:: ااااحححح بشويه
ريهام:: قول بسم الله مش تزن تي بطل واثبت. اووووف بطل طروح راك راجل
جلال::عليك ممرضه جافه مش شور ملائكة الرحمه بكككككل
ريهام:: كملت. بالشفاء حبيبي
جلال:: سلم ايديك ونغيرلك جرح ولادتك ياااارب
ريهام::جاهل. عليك دعاء.
جلال::تي كنك. ولاده سمحه
ريهام::تتفاول عليا بالقيصريه ربي يرزقني ونولد طبيعي
جلال:: ااااه منعرفش
بس. بجد خاطري بككككككل. ببنوته فنشه كيفك
ريهام::منك تصكير راس
خلاص قربت تكمل الست شهور يارب. علي خير. وتعيش طبيعي
جلال::يااااااارب شفت البهاديل في هل العمليه
|<<~<>~<
رحاب:: من الرقم اللي ران هذا بدون اسم
مراد:: صاحبي
رحاب::ليش مش مسجل اسمه
مراد:: توا نسجله هاتي
رحاب:: عليش تفك فيه هك بالقوة شن في خايف يرن في يدي
مراد::تي حلي عني ازززززح شن هل النكد. صبيت. نلبس في كندرتي
رحاب::مراد وين ماشي. توا وكيف خشيت
مراد::ماشي نسهر. ونهيج. ماشي نعيش حياتي ونكلم علي راحتي ماشي نكلمها باهي. خليك. هك كولي روحك
رخاب:: رد قتلك راهو ننزل لباتك. يأدبك
مراد::كنت بنفتح الباب وقفت علي كلمتها. برمت عليها
ورفعت. يدي. في لحظه حطت يدها علي وجها وعيطت. لا لا
فطنت لروحي قبضت يدي وعصرتهااااا تنهدت
اوووووووه ضربت المدخل بكراعي طيحته ونزلت.
رحاب::قريب مد يده. مش عارفه كيف مسك روحه. الجمله كيف طلعت مني مش عارفه.
حي مااغباني. ميحبش الجو هذا وانا استفزيته.
وين عدا توا. حي عليا يقعد ماشي يكلم في الرقم
زعمك اسماء. لالا مستحيل.
تي بكرا عازمتها ورديت عاديه معاها معقوله لالا مش لدرجة البنت متجوزه. عاد هذا اكيد هوا. تعود علي التلفونات. مع شي فرخه. يناعليا يقعد رد
صبيت توضيت وصليت قعدت مكاني علي السجاده
وسرحت. في لحظه بديت نجمع في تصرفي. نهاري حتي انا زودتها اسلوب المحاسبه غلط. حي عليا وحي. يناعليا شن درت في روحي.
مسكت التلفون وقعدت نرن. رن رن بدون رد
دزيت مسج
بيبي رد عليا. اسفه
مردش
مسج ثاني.
اسفه حبيبي. سامحني مش قصدي
~>~
مراد. رد عاد. راني نحرق قاعده وانت عارف كيف نتعب من الاعصاب المعده
رنيت اخري. لقيته مقفل
شكله ناوي عليا يارب استر
مر الوقت وانا في حاله. الساعه 2مزال مروح وسيارته مش قاعده
بدا اخري الوسواس دارها شكله يعني كان صادق. ماشي يصيع. الحقير
الساعه 3خش. قالب وجه خش الدار. غير دبشه وطلع للحمام وانا نمشي وراه ونحكي وهوا ولاكلمه رد ولا اصلا يبحت فيا
رحاب:: وين كنت لعند توا. داير طروح عشان تقهرني. صح
رد كنك بارد احكي. طبق في وجي الحمام وقعدت مصدومه
مراد::رحاب رايحه تغير واجد لدرجة مزعجه لا تطاق
نقيق علي اي رقم. وعلي لبسي. معش تلبس الوان راك كبير. معش تحلق هكي. دير لحيه. حتي ستايل الاحذيه بتدخل. فيه تبي تحسسني اني كبرت باي طريقه
بالرغم هذا كله مزلت ما نتحملش زعلها خشيت قالب وجي ونبيش نبحت فيها لو بحتت وشفت دموعها اكيد حنضعف وقلبي يلين
طلعت من الحمام وخشيت رقدت خليتها تحكي لين زمقت زياده وحلفت معش معبرتني وطلعت
رحاب:: بارد نحكي ولا يبي يرد عليا.
مراد خلينا نحكو انا اسفه علي حركتي بس انت وين كنت
من الجماعه اللي مسهري معاهم. تي رد عليا
ياربييي مراد تنساش انك عندك سوابق. لازم تبرر دخلنيش
مراد مراد. اووووف
رحاب::علي يعبرك باهي وخشيت في الفراش وعطيته بظهري قعدت نبكي ونبكي وندير في صوت رشح وبكاء
ولا عبرني خززززي تعبت لقيت روحي راقده
~<~<~
زياد::كنت منسجم في مباره. خشت للمحل
سلاف::السلام عليكم
زياد:: وعليييييكم. السلام اهلا كيفك شو اخبارك.
سلاف::الحمدالله
تفضل. حق الوشاح
زياد:: مدت عشرين جنيه
بس هوا سعره اربعين ضحكتني بردت فعلها
سلاف:: هاااااااا. شنووو اربعين. عليك نصابه واستغلال.
تي حتي خامته شينه يتنسل. وياريته ماركه الا صناعه سوريه وخفيف
زياد:: مش حابه تدفعي براحتك انا قتلك السعر بس
وبعدين لو يتنسل. ومعفن. لصق في راسك ليش. هإ
دخت راسها في الشنطه وطلعت عشرين اخري
هذا حقه امسك وووين وشاحي
زياد:: قاعد مطبق ومحدد ومكيس. موتيه لك من هذك اليوم
بس انا هك عناد. خودي فلوسك واسلحي اللي لابستيه
مش مقدره موقف درته لك جايه تقولي خامه ومدري شنو. ماكسي وتناقشي. بس خلي في اسلوب في النقاش مع صاحب. المحل راك تحكي مع ليبي مش زلمي هههههه
سلاف: الزلم هما الرجاله لانهم ذذذوق وعندهم لبق في الحديث ويخلوك غصبا عنك تحترمهم ابسط مثال يقول كلمة مجامله خليها علينا او اعتبريه هديه.
لانك استفزيتني بمسكتك الفلوس وتعبيرات وجهك
زياد:: تمام اوكي قولي نبيه هديه متعوده شكلك. خلاص هي
خودي فلوسك وووجك ضيعتي عليا حماس المباره
دارت لقطه عصبتني. رمت الفلوس عليا. وسلحت الوشاح ورماته عليدالطاوله
سلاف:: خود فلوسك وهذا وشاحك المهرهر وانت عينه مش حلوه تمثل. شخصية الشاب الليبي. صدمت بردت فعله
طلع من ورا الطاوله ومسكني مع يدي بعدني عن الباب
ودفني جنب الطاوله بعيد عن القزاز المكشوف
وعصب عليا
زياد: سلحت الوشاح تنرفزت من الحركه. كنت فرحان بحجابها مش عارف ليش نستفز فيها لما نشوفها يجني شحنات هك معش نفطن لكلامي.
دفيتها جنب الباب هييي انت غبيه صايعه لارسمي عاهره كيف تسلحي هك عندي. شن تصرفات هذي. بسرعه امسكي البسي الزفت ومعش توريني وجك
من عصبيتي قعد منظرها في حالة صدمه. ودموعها ينزلن
خدت الوشاح القديم وفتحاته وقعدت تهز في راسها وتلبس فيه. معش نبي منك شي ولا نبي. نشوف وجك خود حقه حتي ميه. بس انا مش عاهره ولا صايعه. وقعدت تتنفس بصعوبه وتشهق وعيونها دموع ينزلن ورا بعضهن.
قعدت نقوللها
زياد::خلاص اهدي. معلش اسف عصبت بس من حركتك
سلافه قطعت عليا
سلاف::سلاف اسمي
زياذ:: هههههه سلاف صار باه سلاف معلش اسف.
سلاف:: وخر خلاص بنعدي
زياد:: بس عدلي الوشاح دايرتيه زي العجايز ورقبتك باينه
كان رقبتها سلسه فيها حرفها صغييير
حلوه السلسله. غيربه مش حاطه معاها حرفهR
سلاف:: زياد حول لو سمحت انت انسان مريض ومعندكش ذوق في التعامل. عاهره وبوي فرند
زياذ::عادي كان السؤال لانه اكيد عندك يعني بس طلع ليبي العطيب
سلاف:: انت هك تجرح واداوي. هك طبعك
لا انا حاليا معنديش بوي فرند. في ليبيا
الحرف لاسم بنت عمي اخت محمد. ريما.
وحول لو سمحت. وخود فلوسك. معش نبي وجك واحترم نفسك لما تشوفني مره ثانيه
زياد:: طلعت واضح عليها الزعل والعصبيه خبطت يدها العلاق وعيطت. جيتها فكتني وطلعت تجري
اووووف شن لبزت في الكلام. ماهو تاسفت عليش راد نفلم
فعلا. مثل في محله نجرح ونداوي
مسكت الوشاح اللي سلحاته وشميت بنته اااااااه
ابتسمت وخديته في يدي.
الليل روحت والوشاح في جيبي روحت حطيته تحت فراشي وكل شويه نلقي روحي مطلعه ونشم فيه
نمسكه ونلف فيه علي يدي
نتخيل بكيتها وعصبيتها اللي علي طول تهدا
نتخيل. طريقة كلامها. المرعوش بطريقه سريعه هههههه فيها تحكي بسرعه بسرعه لدرجة مرات منفهمش بعض الكلمات
حي عليك يازياد شن صارلك معقوله اللي تفكر فيه
اووووف صبيت خديت الوشاح ورميته في رف دولابي
وصبيت. طلعت لدار المكتب وقعمزت علي ركني الخاص اللي نفش غلي فيه
طلعت اعواد الوقيد وبديت نشتغل بيهن
انا عندي موهبه. وحاط في المكتب شغلي
اي شي نديره باعواد الايس كريم والوقيد
من انا طفل نشاط المدرسه مجسمات اندير فيهن
بديت فيه وولعت موسيقي هاديه وكالعاده نعتزل عن زياد
ويقعد عقلي في المجسم
~>~>~
سلاف::نزلت لريما كانت مع احمد
احمد:كنك في حاجه حد ضايقك
سلاف::لالا بس جنبي بنروح
ريما :: سوفي باركيلنا فرجت بنحددو الفرح
سلاف:: مبارك احمد ومديت يدي بنسلم بالخد
احمد::وخرت راسي انحرجت
سلاف::اسفه
ريما:: عندنا خطا السلام هك الا مع الخوال والاعمام غير اهل البيت متزعليش منه مش قصده
سلاف:اوكي.
احمد::اسف بس زي ماقلاتلك حرام شرعا بس انت معزتك خاصه تي شكرا انك اقنعتيها تطلع الخوافه
سلاف::باهي امتي الفرح
ريما::مش عارفه علي خويله وماما يحددن
احمد::لو مهند جاهز راني خطبتك له وطلعنا الفرح يوم واحد
سلاف::هههههه حلووووو خيك مثلك
ريما:: اووووي نحن هنا غزل قدامي. حتي هذي ممنوع عندنا
سلاف:: يخرب بيتكم كل شي ممنوع. ههههه
احمد: هيا توا بنات اطلعن قدامي. وقت عليا
واخيراااا بديت. في الجد عندي موعد مع واحد يدير دولاب المطبخ
سلاف::الله يهنيكم. بس بكرو في الفرح قبل نسافر
احمد::ان شاءالله هيا بس
~<<~<~
ريما::كيف صار الوشاح. تغير وين هذك
سلاف:: انسان تافه كرهني في نفسي من اسلوبه.
شوفي شو صار ...........
ريما:: غريب. خزززي حقير. خلاص معش تعبريه. ولا تخشي. محله
سلاف:: بالزبط. اصلا خلاص ماما وبابا راجعين لايطاليا. نهاية الشهر. نبي نروح معاهم خلاص الموسم الدارسي ابتدا
ريما:: خزي عليك تحضريش فرحي
تي يافرخه تعلقت بيك ونبيك معايا
سلاف:خلاص نبي نرد لمشروعي حلم المعرض. نبي نبدا فيه
ريما:: اسمعي راني بجد زعلت ولو سمعت انك حجزتي اعرفي اني سلام عليك منيش مسلمه ولا مودعتك ايووواه
سلاف:: ييي روور عليش البكاء توا. انا علي كل حال كنت جايه زياره ومروحه وبعدين حلك تعودتي عليا ياهبله ههههه
ريما::اه تعودت عليك. نبيك معايا تعطيني رايك وتساعديني في كل حاجه
انا صاحبات معنديش لدرجة تقعد معايا في كل شي
وخواتي تجوزن كلهن وحوامل يكرن وانا وانت نفس الطبع والذوق نحسك تفهمي عليا
و
سلاف::طيب خلاص بكاء حاضر راح نقعد بس راح نسافر بعد فرحك تمام
ريما:: من هنا لوقتها نحاول ندبسك في اي عريس ليبي هههههه
سلاف؛:لا بعيد الشر عني انا نتجوز ليبي وعايش هنا خلاص شفت عينه قليل الادب وعديم الاحترام.
ريما::مش كلهم شوفي خوتي واحمد كيف محترمين وقمة الذوق
سلاف:: الشخص اللي قلل احترام معي سببلي عقده من رجالكم هههههه
ريما:: ياعيني مش قادرين نقولو حتي اسمه
سلاف:: غيري السيره بليززز
|>~><~<~<~<><<
رحاب:: نضت الصبح لقيته مش قاعد جنبي نسمع في حركه طلعت لقيته يفطر في المطبخ.
داير لروحه قهوه يشرب فيها
رحاب:: صباح الخير ليش مانوضتني وتيتها لك
مراد:: عادي مش حاجه واعره القهوه
رحاب:: خشيت قربت لا واعره عليك حبيبي انت متديرش شي كله يجي لعندك. من امتي موري يخش للمطبخ
مراد::رفعت حواجبي وهزيت راسي استغربت ناضيه تدلع وعيونها منفخات من البكاء. غريبه.
قربت مني. وخدت فنجان القهوه من يدي
رحاب: قهوتك من يدي بس تشربها بعدين كيف تبيش بسبوسة حوبه. بالفستق والزبده اممممم
مراد:مسكت يدها امتي درتيها
رحاب:: امس الليل بعد المجنون كسر المدخل. عصبت خشيت درتها
مراذ:: منك مجننتيني بطلي شك وهبال بطلي غيره هبله
رحاب:صبح حبيبي مش وقت دوه ونقاش. خلينا نفطرو رايقين وبعدين نحكو.
مراذ:: خديتها علي حجري وحطيت راسي علي بطنها
حبيبي كيف حاله.
رحاب::نضت. هاديه ومحبيتش نزيد المشكله خشيت استعملت الاسلوب الخاص به. هك مراد زي البيبي يبي مسايسه عصبي بس قلبه طيب يرضا بسرعه
اسمها حبيبتك بنيه ان شاءالله
مراد:: بس متكونش نكديه زي مامتها
رحاب:: خزززي عليك انا نكديه
مراد:: حبيتها علي خدها بككككل وفمها بكككل
رحاب::مرررررراد مطبخ ياهبل
مراد:: ههههههه. اااااحححح واعر السيراميك ههههههه
رحاب::خزي عليك. صبي باهي وقت عليك المحل الساعه 11
مراد::منيش ماشي توا وتي روحك. انت وعليوه وجيبي ولد محمد وخلينا نعدو نتغدو برا والعيال يلعبو
رحاب::تحكي جد
مراد::جد الجد هيا راهو
رخاب:: نغييير رايي. حفظتها
مراد::لا ناخدك ونخش نرقد اخري هههههههه
هيا بس بسرعه وعلي فكره حبيتها منك. خشتك عليا وذكاءك كيف قلبتي مجازي.
~<~<~>
احمد:: خير ياعمي كيف حالك
حاج::الحمدالله كيف حالك انت وينك معش تمر عليا في المحل ولا المزرعه
احمد::مشاغل ياعمي. نجرو علي هل الدنيا
حاج::ربي يوفقك. وانت طيب وربي راح يرزقك
احمد:: ياعمي. هذين باقي حق الشقه وبارك الله فيك وربي يوسعها عليك بجد شكرا علي وقفتك معايا ومع خوتي وامي
شكرا علي حمايتك رحمه واعتبرتها زي بناتك
شكرا للمعامله الطيبه اللي ديما. نلقو فيها منك شكرا علي النصايح وشكرا علي دعمك لنا
بجد ياعمي انت غالي عليا وربي يحبني اني حيكون ليا عرق فيك
فخر انك جد عيالي ربي يخليك. لنا ويعطيك الصحه وطولت العمر
حاج:: انتم اللي ماشاءالله عليكم. من يومي. نحس فيكم. كيف عيالي
ومعزتكم عندي غير مش بس عشان كريمه والحاجه كوثر. لا بس لاني شايف انكم متربيين من ربي. هك فيكم. نور وادب. برغم اهمال بوكم وبرغم اسلوبه الله يرحمه الجاف لكم الا انكم. قدامه تنزلو في روسكم وغير شن تبي ياباتي
تعطفو علي بعضكم وحنين انت بالذات بعد تاخد الحلوه نشوف فيك تاخد علي عدد خوتك. نشوف فيك في المناسبات. متقعمزش علي مقعد الا وخيك. قبلك ياكل من انتم عويله وانا نراقب فيكم. شي يجذب فيا لكم. ربي يحفظكم ويحميكم.
احمد::كلامه ذكرني بايام الصعبه ايام البهدله والهم
دمعت عيوني ونزلت علي يده بنبوسها سحب يده وخداني لحصنه
حاج:: لو انت مخطبتش ريما اصلا انا كنت. ناوي نعطيها لك. انا نشري رررراجل ونشري الامان.
الف مبروك وربي يهنيكم نبيش نوصيك عليها لاني واثق فيك ومأمن عليها
احمد::بارك الله فيك.
حاج::نتلاقو بكرا نغيرو اجراءات الملكيه. من ريما لك.
وهذين الفلوس هديه مني لكم كملو بيهن فرحكم.
اخمد:لا ياعمي متصيرش. حقك. ووواجد المبلغ هذا
حاج: احمدد خلاص اسكت متسمعش في كلامي ولا كيف انت خلاص انت خلصت نص المبلغ الكبير وهذا خلاص معش نبيه مع انك راح تاخد اخر ورده في حوشي. والحوض بيفضا من شتلات الورد. بس الف مبروك وربي يسعدكم
><~<~<~
حاج::خلاص ياحاجه البنات عدن والحوش فضا علينا
كوثر::ااااه بديت نحس. بحليمه. واعره الوحده ووواعره يفضا عليك المكان فجأه.
رويما وحديتي نحس فيها بنتي وصحبتي واختي وكل دنيتي. مرات مشاكل نقعمز انا وياها نحكو وكانها في عمري او انا عمرها
فجاه بتعدي ويتغير. روتيني
حاج:: جبتهن في الاول. وزعلت اللي مجوش عيال. تجوزت وسعيت عشان العيال. بس بعد كبرو.
وبديت في مشروع التربيه
مش متذكر وحده منهن تعبتني ولا كسرت كلمتي
ولا رقدت مضايق. منهن
لكن الغيال. نجري وراهم في المدارس والشارع
جابولي المصايب وسخ. ومراهقه صعبه
حتي يوم اللي تجوزو. قاعد نحرق وراهم
فعلا الحديث عليه الصلاة والسلام
لا تكرهوا البنات؛ فإنَّهنَّ المؤنسات الغاليات المجهزات
كوثر::الحمدالله كلهم الخير والبركه وربي يحفظهم ويحفظن ولا يغيب علينا فرد منهم
حاج::ربي يحفظهم هم وعويلتهم
~<~>~<~<>>
عبدو:: جيتها طلعنا البحر.
هيا::تعالي عومي
رحمه؛:لالا نبيش منحبش العوامه عدي انت انا بنخش نتكي. ظهري
عبدو:: تي بطلي نكد حبيبي نحن جايين نغيرو جونا
مش ننغمو في الدار هيا حومه
رحمه:: باهي اووف
عبدو:. بطلي نفخ وتكشير هيا يانكد. توا تشوفي كيف تغيري جوك
رحمه::بودي ماتخشش جوا واجد
عبدو:: عيل عمره 14املا قدامك ههههه
رحمه:: طبعا في نظري هك. لانك متهور
عبدو:: متهور عينك مش فاضيلك توا بس نلحق نخش في شمس ميه دافيه
خشيت وسيبتها علي علي الشط تبحت وتراقب فيا
كانت تراقب كانها امي.
رحمه::راك سحبت رد اطلع
رحمه::عبدالرحمممممن. بعدت علي الشمسيه تعال هك
عبدو:: طلعت جنبها بناخد منشفي قعدت تتهزا عليا وتضحك
رحمه:: هههههههههههههه اااااه هههههههههه
عبدو::تي كنك ياحاله
رحمه؛؛منظرك طالع مجعك وتستعرض علي اساس عضلات وجسم مقسم
عبدو::ضربت المنشف عليها وهازيه ياحنه. هك خيرلي
ودبشي خايل عليا لدرجة بروحك. ترعشي من نظرات البنات عليا
رحمه؛:بطل ثقه مش لدرجة.
عبدو::ناعليا من روحي. وقعدت نطرطش في الميه اللي في شعري عليها
رحمه::يييي بطل يابارد
عبدو::تعالي يانكد خشي
رحمه::تي منبيش حول. بعدين مزال جو البحر شوف فاضي
عبدو::نقانه فاضي واللي يجي مجنون. وهبل. وعبدو اكبرررر مجنون. هووووبا.
رحمه:: نزلي يابارد عبدوووو منبيش. صقع صقع
مسسسسقعه. وووه عليا.
رفعني وخش بيا قعدت داسه راسي في صدره. ونعيط كل ما تلمسني ميه وهوا يضحك عليا فجأه رفعت راسي وقعدت نبحت فيه شعره كله لاوره مبلول وركزت في خشمه عقدته. هههههه صح مش حلو.
عبدو:كنك تبحتي هك شنو اول مره تشوفيني
رحمه:: ركزت في خشمك هههههه صح كبير. وقرصته عليه
عبدو:: نزلت علي يدها وعضيتها.
مخرب عليا يعني
رحمه::لا تهبل. خصوصا بالحسه هذ
حبيبي يانور العين. ههههههههه
عبدو::قعمزت علي ركبيا وهيا رخت روحها
دافيه شفتي
رحمه::اها حطيت يدي علي. خده. نحبك وعندي احلي راجل نشوفه. بس. تشبهش خوتك
عبدو:: اشين واحد في خوتي.
رحمه::بالعكس ملامحك بروحك. وخشمك بالعكس حلو. ماشي معاك
عبدو:: لو جت بنت يارب مايكونش خشمي. مش ناقص تقعد في وجي ههههههه بس عيل عادي
رحمه؛؛ ليش نحس فيك فرحان بالحمله هذي وكانها بكريتك
عبدو:: لان الحمله هذي في ظروف حلوه. حاس روحي نبي نعيش ونشارك في كل تفاصيله
حولي حبيبتي الوشاح
رحمه::لاه فكنا. يخطم حد
عبدو:: تي مافي حد. هيا حوليه.
قعدنا نهدرزو وانسجمنا
رحمه:: بودي خلاص ظهري نطلعو خير.
طلعنا. قعمزنا علي الشط
عبدو:: شوفي. رسمت قلب كبير وكتبت. اسامينا
رحمه::نسيت سيلو.
عبدو:: هذي سيلو شن رايك.
رحمه::بكتب اسمك ياحبيبي ع الحور العتيق�بتكتب اسمي يا حبيبي ع رمل الطريق�وبكرا بتشتّي الدني عالقصص المجرحه�بيبقى اسمك يا حبيبي واسمي بينمحى
عبدو::اول مره نعرف انه صوتك حلو.
رحمه::ههههه عنجد صوتي حلو. مزعج
عبدو::بالعكس حلو وهااااادي بكل
خلاص حصلتي فيا ديما غنيلي
~<~<|<~
عبدو:: رحمه جعان. مزالت القلايا
رحمه::هي خلاص. جايه
><~<
مراد:. حي سياره عبدو. عنجد الكبسه. هههخ
رحاب: رد بايخه. جايين بروحهم اكيد بيقعدو ولا تقعد عندهم شي مناسبه
مراد::يملحو ملك عام هذا انزلي انزلي بس
.
عبدو:: تغدينا متاخر. وخشينا نرقدو شويه
رحمه:: بودي مش وقته. حبيبي.
عبدو::هذا وقته لك فتره تتهربي مني. مرايف حبيبتي خلاص
نزلت عليها انحبك ياعيوني
مراذ؛؛قعدت نصفق يااهل الله اللي هينا
اوووي افتحو. وينكم
رحمه::دفيته صوت مراد.
عبدو::نقانه هوا مثقل دمه شن جابه توا قعدنا نلبسو بسرعه.
رحمه:: طلعت وراه فتحنا
مراد:انااااا جييييييت.
رحمه:: اهلين مفاجاه وصدفه حلوه
رحاب ؛:راقدين ازعجناكم.
عبدو:: في سابع حلمه نضت علي صوت. الزفت راجلك
مراد؛:حول من قدامي شاليه باتي.
~<~>
رحاب::جينا في وقت مش مناسب صح
رحمه::هههههههه لا كنا متكيين بس
رحاب:: باهي متكيين ههههههههه المهم راكم تدعو علينا قطعنا عليكم
رحمه::اسكتي ياسخيفه. هههههههه.
تعالي. نديرو القهوه
عبدو::عنجد وجك جيت في وقت غير مناسب
مراد::قصدك ههههههههه
عبدو؛:ههههههه بالزبط مو الحمل. تحسها هك تضايق وتنفر تبيش. هنا فرصه كانت جيت انت طبعا خاطري نعضك صدقت مراتك نكدددد رسمي
مراذ::هههههههه شكله نكد صح.
باهي خلاص افردها عنجد وجك. بطل هبال
عبدو:: هههههه كان خطر عليا راني جبت عيالي حتي انا
مراد::واجعني ياراجل العيل باته ناسيه بكل يوجع فيا
عبدو::متخلف. وهذا دليل علي عدم. مسؤوليته وشخصيته الضعيفه
مراد::حتي انت قريب ظلمت بنتك
عبدو::صدقت. لولا رحمه بس. خلتني غصبا عني نتقبلها ونحبها
مع اني مزال خايف من العرق الدساس
مراد::بطل تخلف وسواس البنت تربيتك وزي عماتها ان شاءالله
غير هيا بس. تعال نعدو علي الشط
عبدو:مر الوقت وعمنا وشوينا وكسدنا
رحاب::مراد تبيك دنيا
مراد::خلاص اهدي. انا معايا عبدو جايين. شغلتيني يادنيا.
عبدو:.كنها شن صاير
مراد::قالت اشرف طايح في ورطه ويبي ينزل يصارح باتي بمشروعه وتبينا نحضرو نهدو باتي
عبدو::هييي خودلك مصيبه جديده للعيله
رحمه::مسكين عمو. مشاكلكم معش كملن وشردتو وراكم
~<~>~>
::
اشرف ::خش وجه اسود مصدوم. رما روحه علي الفراش. وقعد يبكي
دنيا::اشرف كنك وجهك تعبان شن في تكلم
يااشرف تكلم
)
اشرف::انا في مصيبه في ورطه مش عارف شن اندير.
دنيا::شن صاير شن في. احكي حرام عليك نشفت دمي
::
اشرف:: دنيا. اسمعي اليوم قررت نحكي لباتي علي المشروع والارض حاس روحي راح ننفضح. وتكون مصيبه عليا تورطت ونصب عليا الكلب وسيبني في الديون وهوا هرب. الناس بدت اطالب فيا. والعمال يبو فلوسهم
وفوق كل هذا الشريك الثالث حملني المسؤوليه وقالي انت السبب انت اللي خبطت يدك علي صدرك وقلت هذا ثقه وولد ناس وصاحب وعشره. توا نبي فلوسي وطلعني من المتاهه هذ
وانا اللي باسمي كل شي تواقيع وشيكات وعمولات. اااااخخخخ حاس روحي في دوامه وقاعد نغرق فيها
دنيا::هييي نهارك يااشرف
قوتلك اني يااشرف من الاول تكلم. عيب بوك يعلم من الغريب قوتلك غلط التصرف هذا مهما كان بوك ورزقه هذا حرام هكي اللي درته زي السرقه. حي علينا من غضب عمي.
اشرف::ادعي حبيبي خلاص نازل بنحكي واللي يبي يديره فيا يديره لاني نستاهل.
دنيا::اصبر نرن علي خوتك قبل يكونو حاضرين
حاج::كنك يااشرف شن تبي
اشرف:: نبيك في موضوع بس نراجي خوتي يلتمو قبل
حاج::ياساتر شن في. احكي
عبدو مراد::السلام عليكم.
حاج:وعليكم السلام. هيا اهم وصلو احكي.
اشرف :: باتي سامحني. انا غلطت
حاج::احكي نشفت ريقي خش دغري في الموضوع
اشرف::انا...........
عبدو:: باتي حاج. ياحاج علي.
ريما::باباااااا
الكاتبه ريم محمد