الحلقه 39 ❤️
سلاف:: الحمدالله علي سلامته يارحمه نجحت العمليه.
رحمه: نزلت سجدة علي الارض قعدت. ندعي ونبكي
الف حمد وشكر لك يارب. الف حمد وشكر لك. يارب
شكرا ياربي. ياحبيبي يارب يارب
عبدو::كملت من الدكتور برمت. شفتها ساجده تبكي وسلاف ماسكتها وتبكي.
نزلت عليهاوقعدتزعلي ركبيا وحبيتها علي كتفها
حمدالله علي سلامته. ربك نجاه لنا. قرت عينا.
رحمه: رفعت روحي وخشيت في صدره قعدت نبكي. بعبرتي. وماسكه في سوريته
عبدو:: الحمدالله رحمه عليش البكاء. عليش هكي مفروض تفرحي عليش الدموع توا
رحمه:: خولت من عليه. ومسحت دموعي.
نبي نشوفه
عبدو: مسحت دموعي وقتلها.
من ورا القزاز لفتره. عشان مناعته وبيبي حساس خايفين عليه من العدوه
رحمه:: نقدرش نمسكه ونشمه
عبدو:: توا تمسكيه وتشميه لين تركبك حساسيه. وتقعدي تعطسي.
رحمه:: ضحكت وحبيته علي خده
عبدو:: باهي بحتي حواليك.
رحمه: ييي كنهم متجمعين يبحتو
عبدو:: ههههههه صبي
صبيتها
سلاف:: حمدالله علي سلامته. حضنتها وحبيتها علي راسها. ربي يخليه لك
عبدو:: سوفي انتي روحي للبنات اكيد تعبو. امك
سلاف:اوكي خلاص. يلا باي
~<~>~
رحمه:: شفته علي القزاز. بيبي وعليه الاجهزه. ياعمري انا
عبدو:: حطيت يدي علي كتفها وسندتها عليا
متخفيش توا يرد طبيعي خلاص معش نقعدو خايفين من اي شرقه ولا كحه.
رحمه::الحمدالله. كابووووورس سنتين.
عبدو:: قعدت نتخايل في اي لحظة يطلع يقول للاسف منجحتش العمليه. قعدت. نتخيل في روحي مروح من غيره
رحمه::نفس اللي كان في عقلي
عبدو: خلاص مش نروحو. موده تبي ترضع. من الصبح مسكينه
رحمه: حطيت يدي علي صدري وقتله
مليان. اكيد جاعت بنيتي
عبدو:: خلاص هيا ناخدوهن وعلي الهوتيل
~>~<~
سلاف: عبدو نبيك في موضوع
عبدو:: توا خليها بكرا
