الحلقه 47 ❤️
محمد: باتي انا فهمته. اصلا مستحيل انا نرضاها لك وليا يارحمه ولا نقدر نكتبك علي ذمتي ونحط اسمك تحت اسمي.
حاج:: وخرت كرسي امتاعي. وحكيت بصعوبه
رررحمه نخليك مع محمد راح يفهمك واللي يقوله احميده انا راضي عليه
محمذ:: شكرا ياحاج علي ثقتك فيا.
حاج: انت اثبتت انك العاقل وتكفلك بعيال خوك ومرعاتك لمرت خوك. وانت في نظرك تتعامل مع اختك. كبرك في عيني. اكثر واللي انت تبيه ديره واسمعي كلامه هذا الوصي عليكم من يوم وغادي
رحمه:: قعدت نعصر في يديا مش فاهمه حاجه وخايفه من قرارات الحاج علي اللي ينزلهن بدون ترددولا شفقه
طلع وقرب مني محمد قعد مقابلني
محمذ: اهدي وارخي اعصابك وراسك مايصير اللي خايفه منه. اسمعيني رحمه. كويس
يارحمه عمتك حاطتك في راسها. عمتك جايه لباتي وتوز فيه يجوزك ليا قايلتله جميل عبدو زمان محمد يرده. هي موسوسه انك. ممكن. تجوزي وتشوفي حياتك
رحمه:: بس انا
محمد: اسف قاطعتك بس لاني عارف ردك ووومتأكد منه بس عمتك هذا عقلها وتفكيرها مرا كبيره. وعيال ولدها الوحيد. تبيهمش ينحرمو من حنان الاب والام. نحن قدام الناس زوجين بس بالاسم بالكلام بالتزوير والكذب فهمتي. كذبه بيضه. عشان. مصلحة العيال ومصلحتك تتريحي من صداعها. وشكها وتكملي حياتك. ليييين. ربك. يفرجها وتقدري وقتها تقولي. انا حره. وتكون هي اقتنعت بكلامك انك عشان عيالك مستحيل تجوزي وتنسي ايام عبدو
رحمه:: قعدت ساكت مستغربه نبحت فيه وهوا يحكي كان يحكي بانظرات كلها احترام كان يحكي بثقه وحماس.
محمد:: انتي مزلتي مش فاهمه قصدي صاح
رحمه: محمد انا منبيش اي نوع من الارتباط. زي ماكلمتني زمان وقتلي يارحمه نحن مش لبعضنا نقولها لك اليوم.
محمد:وفعلا مش لبعضنا وانا خوك وولد خالتك وعم عيالك
انا المسؤول. عليك نفهمك قصدي. مفش عقد زواج. ولا فاتحه. في. اني نمشي انا وباتي لاحمد ونجو نقولو. قرينا الفاتحه الشاهد اشرف وحسين وانتهت القصه
وهكي تحل عنك حليمه والناس
رحمه: قصدك فرج. مش الناس صخ
محمد: بالزبط. معنديش راس نخش معاه في عرايك ونحن بينا. شغل هكي. يحل عنك
رحمه:: بس يا محمد انا مش حابه حتي الناس. تعرف اصلا ميهمونيش ولا يقدر عليا الخقير هذا. كل همي نسكت عمتي ونكمل هل السمستر بالهدؤ ونشتغل ونهتم. بالمركز.
محمد: شن فايدة الاتفاق هك
رحمه:: وانت ترضا تعرف لميس. وتفسر غلط فيا وفيك
