#انتقام_وقسوة_محب_ج٢
بقلمي زينب العبودي
#البارت_السابع
توني دخلت مااحس اله اشوف كبالي
صورة حسام هو وصلاح قديمه بس الظاهر مكبرهه صلاح
رحت عليهه كمت اتلمس ملامحه المرسومه
اخخ يا حسام لو تدري شكد مشتاقتلك
من يوم ماغمضت عينك واني مشايفه الراحه
جنت بجالك عايشه بأمان مجنت حاسه بالخوف وانت موجود ارجعلي
ارجع اريدك الك مااريد غيرك والله
مشتاقه الكل تفاصيلك
مكلت شلون بيه من رحت وعفتني والله تعبانه
خسرتك واليوم خسرت اخويه هم واني هسه وحيده وخايفه من الوحده حيل
عفت الصوره ورحت كعدت عل جربايه وخليت الموبايل بحضني واباوع علي محتاره اريد اعرف اخبار محب
وشسوه من رجع للبيت وملكاني بقيت اسأل نفسي واجاوبهه زين بلله اجه هسه وهم تعاركو لو صار شي
واذا اجه وخيرني كدامهم شلون بيه ياربي
شلت الموبايل وفتحته لان جنت غالقته لكيت هواي متصل عليه دكيت علي رأساً جاوبني
ووووينج ريااام شلووون تسوين بيه هيج
اااااااحجي ليش ولج توقعت الخذلان من الكل بس متوقعته منج
اااااحجي جاوووبي
بقيت اشهك مااكدر احجي وماعندي اي كلام وتبرير
محب/اني جايج بالطريق غصباً ماعليج ترجعين وياي
ريام/لا ""لا لتجي محب ماارجع والله
محب/صدك تحجين ريام
ريام/لتجي محب مااريد اخسرك اكثر مااريدك تتخلى بموقف بسببي لان ماارجع مااكدر بدون ابني
محب/ولج اااانتِ مطيه كتلج اني اجيبه الج ابنج
لج ليش منتضرتيني
ريام/مااكدر اجازف خسرت حسام وكلبي ميتحمل خسارة ايمن
محب/لجججججج متخسررري الج غبيه الج فهمي
لتخبليني رياااام راح اجي هسه وتجييين تجين ريااااام تجين فهمتي بيج قصص عراقيه حقيقيه من واقعنا.روعه الطائي
ريام/ماأجي
محب/اذا متجين تنسين عندج اخ اسمه محب رياااام
والله هالمره تخسريني وادووووس على گلبي
وانعل والدي اذا اسااامحج لج انتِ ليش هيج خليتيني بهذااا الموقف لج ليش فهميني قصرررت وياج مشيتي كلمة هذااا الساقط عليه مفكرررتي بموقفي وهو تحداني
ااااحجي متحجين """ريام
ريام/صوتي اختنك من البجي والقهر كل كلمه يحجيهه مو كلمه سجينه ويضربني بيهه
محب/اااحجي """"اااااااحجي لتسكتين راح تخبليني
رياااام الله يطيح حظج على هاااي العمله ماانساهه الج طوول عمرري والله ولا اسمعلج بعد
ابقي خل يفيدج صلاح الي بعتيني علموده
ريام/توني ردت احجي سده بوجهي ردت اكله والله مو علموده علمود ابني بس سده رجعت اتصلت بي شغلني
زادت بجيتي بجيت بحركة كلب وصوت عالي احس الدنيا طفت بعيني اكثر ما هي طافيه
دخلت عليه ايمان (ام قاسم )مرت فلاح
شبيج ريام صوتج للجوه مسموع
شبيه """شبيه الله لا يرضه علي خلاني اخسررر اخويه سوو روحهم حنان """اخويه خسرته
شلون بيه هسه اني
ايمان/ااخذت حسره اوووف والله ماادري شگلج بس انتِ قصرتي جان اخوج بي مجال هسه خليتهم واحد يعاند بالثاني وصارت مسألة عناد
ريام/واني ""الغبيه خليت صلاح هو الي يوصل لليريده على حساب اخويه
الله لا يوفقه بحياته ان شاء الله مريض والله مريض وماعنده ولا ذرة ضميرررر
ايمان/نصي صوتج ليسمعج يمعوده
ريام/خل يسمع ميهمني همه الي يهموني وخسرتهم
ايمان/يجي يوم واخوج يسامحج بس خل تبرد السالفه
الي سويتي زينة العقل تنخصم المشاكل بين العائلتين والله جان مسكتو وصارت مشاكل مالهه اول من تالي
واخوج هم ميسكت
كعدت عل جربايه احس حيلي انهد
جنت اعرف ومتوقعه هذا الشي بس من سمعته منه
تأذيت حيل
تمددت عل جربايه واني ابجي
ايمان/كولي ياالله والله بس بالبدايه
ريام انت بكد بناتي واني مره جبيره وعشت هواي بهاي العائله واكلج الي سويتي الصح لتقيسيهم من حسام تره بس حسام يختلف عنهم مو من النوع الي مشراني وفلاح هم بي مجال للتفاهم زين بس الباقين مخابيل والله من رافد ال رياض ال صلاح بيج قصص عراقيه حقيقيه من واقعنا.روعه الطائي
خاصه بهذا الموضوع تخبلو وكم مره فلاح راد يصير بي من وراهم
غمضت عيني مااكدر ""روحي تعبت عادي مو مهم عندي قابله بنصيبي بس مكاعد اتحمل أذيتي وكسرتي المحب
طلعت ايمان من يمي وطبكت الباب ويه طبكت الباب اطلقت السراح البجيتي متحملت اكتمهه وخليت المخده على حلكي الحد كا هدأت وكمت من اباوع على الغرفه اتذكر غرفتنه شلون جانت تخنكني هاي الغرفه اكو غرفه ثانيه بس مخليهه مخزن بيهه كل الفراش والهوسه مابيهه مجال كلشي بس بعدين كلت خليني بغرفتي عل اقل روح حسام احسهه بيهه
اخذت ملابسي وطلعت رحت للحمام سبحت وبدلتوكلت خل انزل اخذ ايمن اول منزلت صار بوجهي صلاح عل قنفه نايم وايمن شابكه ونايم
سناء/شعجب نزلتي
أيست منج كلت لازم مصدكه روحهه عروسه
ريام/اكلج سناء تره روحي طافره ومالي خلك لسوالفج
عوفيني بحالي
سناء /شكنالج عيني
ريام/استغفر الله ياربي
عفتهه وردت اروح للمطبخ طلعت عمتي ام حسام
هله يمه شلونج هسه
الحمدلله
بوستني ورحت للمطبخ يم ام قاسم
ابتسمت من شافتني
اكيد جعتي
ريام/لا والله بس اختنكت من الغرفه
انطيني اسوي شي
ايمان/وره الصلاة روحي صلي هسه ونظفي الخضره
اذا هاي واذا تحسين نفسج تعبانه بعدج من الطريق صعدي ارتاحي لتتقيدين ممحتاجيج
ريام/لا ماعندي شي
دك موبايلههه وهيه تحجي وياي راحت علي
يبوووو نسيتهه ياربي
منيه
ايمان/سحر
ريام/بت الخياطه
ايمان/اي بلله عليج لاطشه بـ قاسم بنات هالوكت شكد صلفات هسه لو يريدهه عمي اخذهه واخلص
وانوب ام درب تسألني علي بغير طريقه عبالهه تعبر عليه
ريام/خطيه تحبه هو ابنج يباوعلهه حتى حسام جان يحجي علي وكله يتيمه
ايمان/واني شكايله غير هو الله يهدي والله اخطبهه اله من باجر
عافتهه مجاوبتهه كالت بعدين اخابرهه
هيه تصير بت ابن عم الولد ابوهه متوفي وامهم هيه تصرف عليهم وحسام جان دوم يوديلهم فلوس فلاح ينطي وهو يجملهن
سمعت صوت ايمن بجه ركضت علي وصلاح هم فز من اخذته من يمه عدل نومته ودار وجهه للجهه الثانيه
اخذته يمي بالمطبخ كعد نحس ويبجي ماادري بي شيريد فهد ابن سناء يمي يسكت بي ويايه
فهد عمره ٩سنوات ودلال بت فلاح عمرهه ١٣سنه
فهد/عمه اخذه اشتريله
ريام/لا حبيبي
فهد/والله اني يوميه اشتريله
ريام/لا حبيبي دنيا ليل
صارت
بهاللحظه دخلت سناء
عوفهه ماما هسه انوب فوكاهه فوك ما يريد يسكته
ريام/الدنيا ليل اخاف عليهم والخطف كثران
سناء/واني مااخاف على ابني
جانت رحاب كاعده صافنه علينه وبالهه مو يمنه مااحس اله صاحت
دلال/ياااا ريام باعي رجله
باوعت رجلي من وره بيهه حبايه جبيره حمره
كمززت ياا هاي شبي ابني يمه
سناء/شوو خل اشوف يمعوده بگايه كارصته سمي عليهه
ريام/اخذته بسرعه للمغسه وكمت اغسله وسمي وهو تخبل كام بعيط مدري شبي بجيت ويا
اجه صلاح بسرعه
شكووو شبي ايمن
ماادري رجلي مورمه
شاله مني وايمن كبل شمر روحه علي بقه يفرك برجلي
وهو يبوس بي طلعه للطرمه وطلعت وراهم ابجي
الحد ماوصل الباب الشارع فتحه
وين مودي ابني
صلاح/شبيج هاي دوده كارصته اخذه للمضمد يعقمهه
رجعي دخلي جوه
سوده عليه شاغت روحه من الدوده الحقيره
دخلت للبيت انتظرهم عمتي جانت تصلي
اول مكملت صلاة سألتني عنه وهم انخبصت بي
شفتهم تأخرو دكيت علي مشغول
تخبلت كلت خاف صار بأبني شي
وام قاسم تصبر بيه
سناء/تره كبرتو السالفه هيه دوده كرصته
كلت هاي شحجي وياهه هسه
هو صح عادي بس اني گلبي خلصان ومالي خلك خفت لان بجيته قويه
شويه واجه هو وصلاح ودخل ويا قاسم
كبل كمت اخذته منه وبسته
ام فلاح/شكال المضمد
صلاح/دوده نگسه لذلك مورمه رجله مابي شي
ام فلاح/الحمدلله يمه گلبي ورم علي طفل ميتحمل سوده بوجهي
قاسم/شلونج ام ايمن
ريام/هلو قاسم شلونك
قاسم/والله الحمدلله
ودار على امه ""يمه وين ابوي لعد
ايمان/والله راح للحله
قاسم/يمه ابويه تره سالفته مو خاليه وضحك
يوميه للحله هسه يطلع متزوج من الحله
ايمان/انجب ولك ابوك وينه وين هاي السوالف وين يلحك
صلاح/ام قاسم شو وجهج فلت
جنج ممرتاحه انتِ هم للوضع
عفتهم يتشاقون ويضحكون ورحت للمطبخ سويت العشه ويه سناء وبقو ناصبين على ام قاسم
ماعولت يكمل العشه واغسل مواعين اخذت ايمن وصعدت للغرفه
بقيت متمدده واكلب بالموبايل جان صح صغير ومو من ذني الحديثات بس بي صور هواي
كمت اكلب بصورته اني وحسام واكو مقاطع فديو
حنيت اله اكثر واشتاقيتله
اخخ ياصوتك الحلو
ورجولتك الي ماكو منهه
كلبي ورم عليك يا حبيبي
جان ايمن يلعب بالمكعبات
ايمن يارووحي تعال شوف بابا
هو هم كام اجه عليه شال الموبايل ويباوع ويضحك
اندك الباب كمت لبست شالي
وصحت منو
صلاح/اني
لفيت شالي وفتحته بس خفت خاف غير رأيه
صلاح/ولو ازعجتج بس اريد اخذ ملابس باجر عندي طلعه من الصبح
ريام/لا عادي
وكفت يم الباب طلع ملابسه وخلاهن عل ميز جان عنده ميز مال قراءه بغرفته وكعد عل كرسي
صلاح/ريام سدي الباب وتعالي كعدي اريد احجي وياج
رديته للباب بس ورحت كعدت عل جربايه يم ايمن
هو باوع عل باب وحرك الكرسي باتجاهي
ام ايمن اطمئني من ناحيتي
اني قبل كلشي انت مرت اخويه العزيز الي نفسي لو شيصير متدني الهه
وهم احب لبنى يمكن تعرفيهه ويمكن لا ومااتخايل مره ثانيه تاخذ مكانهه
اصير واضح وياج اني قبل مااعرف عنج شي لان من تزوجتي اخويه اني مو هنا واصلاً من تحولتو للناصريه هم مااعرفكم لان ماعندي احتكاك بيكم
ومن رجعت هسه انصدمت بأخويه لان مبقيج على ذمته
ااااانت شنووووو شلون تحجي وياي هيج
اني مااسمحلك والله اذا رجعت اني فرجعت علمود ابني
لتتوقع اسمح الاحد بيكم يحجي بشرفي
صلاح/ااسمعيني خل اكمل كلامي لتنطنطين
ريام/صلاح مااسمحلك تحجي وياي هيج
انت هم كاعد تتبله عليه وهم متحترمني واني مااتحمل هذا الشي
صلاح/اني شفت الرسائل
متحملت اسكت كمت رأساً ردت اطلع من الغرفه
مااحس اله كام ولزمني
عطت بي """وخرررررر لتلزززززمني
هو رأساً عافني وطبك الباب وخله ايده علي
شدتسوووين انتِ تعالي من يم الباب
اصيح الي موجودين بالبيت اريد اسأل امك الي تعرف بالسالفه كلهه زين
امك من تبليتو عليه مكالتلكم جذب الي صار وله ام قاسم الي تصلي وتصوم محد كلك هاي جانت تهمه لفقتهه شيررين عليه
محد كلك سوتلي سحر ووصلتني للموت وسناء ساعدتهه
وينهم عن الحق ليش يصلون ويصومون لعد
سكت محجه شي بقه بس يباوع
انطيني موبايلج بهاي اللحظه اذا ماعندج شي بيج قصص عراقيه حقيقيه من واقعنا.روعه الطائي
باوعت علي باحتقار وكتله
اخذه يم ايمن ماعندي شي اضمه
ولو حسام عنده شك بيه واحد بالمسه ميخليني على ذمته لان حسام رجال مو مثل ميحجي رافد
صلاح/رياااام لتحجين هيج لتتبلين على رافد محجه هيج شي ابد
ريام/حجه وانت حجيت وبذاك اليوم صارت مرت حسام الي هو اخوكم مثل العبه واحد يشمرهه عل ثاني
بس تدري اني مو وحده ماعدهه كرامه بس الخاطر حسام وابني سكتت لان انت لو رافد لو يبقه اخر يوم بعمري لو اعرف اكتل روحي ولا اخلي واحد غير حسام يطخني
سحبني من ايددي
لججججج اللسانج شنووووو هذا
مااسمحلج ابد هيج تحجين وياي فهمتي
وخرري وخري من وجهي
اخذ الموبايل شوفه لتنسى
اششش لتحجين ولا كلمه مااريد اسمع صوتج
طلع من الغرفه وطبك الباب حيل
اخذت نفس قوي شكد اختنكت شكد محتاجه طاقة حتى اتحمل هاي البشريه
رحت ال ايمن بسته واخذت الموبايل منه وطلعت صورة حسام اشكيله رجع اندك الباب
منو
اني دلال
فتحت الباب
دلال/ريام عمو كال ملابسي عل ميز
رحت انطيتهن الهه ردت اطبك الباب
شبيج تبجين ريام
مابيه شي
عليج الله
والله مابيه شبيج
سديت الباب وطفيت الكلوب نومت ايمن ومكدرت بسهوله انام
كعدت ثاني يوم الصبح على الباب يندك
فهد صلاح دازه على الساعه انطيته ساعاته كلهن لان مخليهن بعلبه وهو راد وحده سوده وهنه بالخمسه بيهن سود انطيته العلبه كلهه رجع دزه عل حزام كل شويه يندك الباب علمود شغلات صلاح
اخر شبي لبست دشداشتي وشالي ونزلت لان هم الوقت صار با٨وهمه عدهم قانون ب٨ نكعد جان قبل من غبشه هسه تطور عود
نزلت وهو يكول الفهد جيبلي جواريب سود كلهه بالمجر الثالث
ام فلاح/يمه خبلتنه مصارت طلعه اصعد بدل وروح
وهيه تحجي كلت صباح الخير
كلهم جاوبوني صباح النور اله هو
على اساس اني رايده صباحه
هو هم رأساً صعد للغرفه شويه ونزل
جنت كاعد انگل الريوك للسفره
كال بدون ميذكر اسمي
صلاح/تره ايمن يلوب شووفو عود
ام فلاح/يمه تريك يالله تطلع هاي الريوك كامل
صلاح/لا يمه عندي مقابله اصلاً تأخرت هواي
قصص وروايات عراقية كرار صلاح
ام فلاح/الله يوفقك يا يمه ان شاء الله
واني بگلبي""الله لا يوفقه ان شاء الله
توني كعدت اتريك سمعت صوت موبايلي دك احس ردتلي الروح كلت اكيد محب صعدت اركض
شلته مكتوب هديه استغربت بس كلت يجوز محب ماعنده رصيد لان الموبايل بالبيت جاوبت بلهفه
الووو
هلو ريام
هديه "هاي انتِ
اي لعد منو شخبارج ولج
رجعتي للبيت
هديه/لا بس رحت اخذت اغراضي
انتِ وينج ولج شصار احجيلي
من رحت ملكيتج ولكيت البيت مكلوب
حجيتلهه كل الي صار ويايه من البدايه للنهايه
الحد ماانكطع رصيدهه ورجعت اتصلت بيهه
هديه/خلص رصيدي
ريام/اي عرفت ""يلله اني هم راح انزل
هديه/ماشي حبيبتي بس ديري بالج على نفسج
شتسوين بعد صار والحجي لا يقدم ولا يأخر
ريام/يلله حبيبتي مع السلامه
هديه/ريام
ريام/ها حبي
هديه/اكيد سألتي محب من طلعت من البيت على روحتي شكلج
ريام/كلشي مكلي ومجاوبني اصلاً صدك هديه شنو السبب اني هم التهيت بسالفتي اسولفلج ونسيت اسألج
مااحس اله انكطع الخط كلت اكيد خلص الرصيد
كعد ايمن بدلتله ونزلنه جوه
""""""""""
هديه/ سديت الخط من سألتني وغلقته رأساً كلت اذا سألتني او رجعت اتصلت تعرف بي انغلق خلص شحن
حرت شجاوبهه كرامتي متسمحلي اكلهه هو عافني وشمرني على گولة شيرين شمرة الجلاب
خلص يومي عادي منتظره السنه تجي تخلص وارجع الدراستي اكملهه وين موكفت
بقيت كاعده يم ايهاب احاول اغيرله جو اضحك ويا واسولف ويا غصباً ماعليه لان يقهرني حيل مع العلم اني محتركه ومقهوره وشيرين عدهه موعد للدكتور راحت
صارت الساعه بال٢الظهر اندكت الباب جنت متمدده يم ايهاب عل جربايه مااعرف منو فتح الباب بس لا حس ولا خبر
كمت ردت اشوف منو دخل نجم شايل ورقه
باوعت كتله شنو هاي
ماادري محب انطاهه الي كال الج
باوعت ""محب هاي الي دك الباب
اي
اخذت الورقه منه فتحتهه ورقة طلاكي
مكتوب طلاك غيابي وكذكوره المبالغ الحاضر والغايب
انصدمت رأساً دموعي نزلت وايدي كامت ترجف
نجم/شبيج شبيهه الورقه
واجه راد يشوفهه كبل وخرتهه منه
شبيج هو بس ردت اشوووفهه ليش تبجين
هديه/مالك علاااقه انت
صعدت كبل للغرفه مختنكه حيل كمت ابجي انهاريت وكرهته بالزايد
هيج بكل سهوله وحتى بدون مااعرف السبب تطلكني محب هيج حياتنا الي عشناهه سوه جذب بجذب
على اي ذنب عاقبتني خليتني احبك
ليش ليش يا محب
جنت ابجي بس بدون صوت كاتمه صوت بجيتي عزة نفسي تمنعني اسمع صوت بجيتي
وياريت لو اكدر امنع دموعي تنزل ياريت لان متستاهل يا محب ابد
"""""""""""""""""
ريام/مشه اليوم طبيعي اجه صلاح العصر وورا بشويه فلاح
وراهه تعشينه وكل واحد طش الغرفته
صارت بال١١مااحس اله صار صوت عالي جنت توني مبدله لابسه بجامه وتشيرت نص ردن لبست شالي فوكاهن وطلعت ًوكفت يم المحجر اريد اسمع شكو
طلع رافد يركض هم نزل بسرعه وسناء وكفت يمي
سناء/شكوو شصار
ريام/ماادري شو فلاح يغلط على صلاح مدري شكوو
فلاح/مووووو بكيفك غصباً ماعليك تروح وتنام بالغرفه ريام زوجتك مو بكيفك على اي اساس مثل اختك
دارت عليه سناء""ياااا طلعت الهوسه علمودج
بقو يتعاركون الى ان عاط فلاح وكله هسه تصعد للغرفه واذا اسمعك تكول مو مرتي اكلب البيت على راسك وغصباً ماعليك تتقربلهه واذا غير هذا الحجي افضحك واكول مو رجال والله
اني احس كلبي راح بجيت بس لا صدك راح يسويهه ويتقربلي
والله اموت روحي رحت دخلت للغرفه وقفلت الباب بقت اصواتهم عاليه فجأه صارت سنطه
مااحس اله اندك الباب متت خوف غلست قوة دكت الباب وكفت وره الباب
منو
اني صلاح
ماافتح الباب والله
فتحي تره روحي طافره
روح صلاح
فتحي ااااالباب ريااام ونصه صوته
لتخافين مااسوي شي
احلف بروح حسام
وروح حسام
رحت لبست حابي وفتحت الباب دخل مباوع عليه وكبل كعد عل جربايه
سدي الباب وتعالي لازم
بعد مرور خمسة شهور
""""""""""""""""""""""
الساعه 6:00 صباحاً
هديه/كعدت من النوم جهزت نفسي منتظره رافد يجيني
خابرني فلاح گلي خلصت العده مالتج بعد شعندج باقيه هناك
مااكدر مااروح لازم اروح واشرحله وضعي مااكدر اعيش يمهم
كمت بدلت لبست بنطرون اسود وقميص بي طول شويه
وسويت شعري كبايه وذبيت الشال على راسي
خابرني رافد كلي بالباب واكف
كتله ماعندي شي مكمله شنو متنزل
لا هم يالله والبارحه شفت شيرين
ماشي راح اطلع
لبست جنطتي مال مدرسه جنت مشتريتهه للمدرسه وخليت بيهه غراضي قصص وروايات عراقية كرار صلاح
ونزلت بسرعه ومريت على شيرين نايمه يم ايهاب كعدتهه كتلهه رايحه
شيرين/ماشي حبيبتي ديري بالج على نفسج
هديه/وانتِ هم
شيرين/اخذي من الجوزدان فلوس خاف تحتاجين
هديه/لا مااريد مااحتاج
عفتهه وطلعت ال رافد
صعدت يمه سلمت علي وتوكل بينه للناصريه
الطريق كله اني افكر بحياتي السابقه حاولت اتجاوز هاي المسأله
مااكدر ماافكر صح تعديت هاي المرحله بس بعد معاناة مكدرت ماانقهر وماابجي ومااعلتب بگلبي والي دمرني بدون سبب ومن ساعتهه طلكني غيابي وحتى مشفته ومن يجي جان بس اسمع صوته من يحجي ويه اخوانه
قويت نفسي كوه واول مخلصت العده مالتي رحت اخذت وثيقتي ونقلت نفسي الغير مدرسه لان مدرستي القديمه الاصغر مني وياي لذلك محبيت هاي الفكره وردت كلشي جديد نقلت نفسي وبعد اسبوع يبدي الدوام وفلاح يلح يريد اروح اعيش يمهم فكلت اروح اتفاهم ويا
وصلنه البيتهم بوستهم وكعدنه نسولف اني وريام الى ان اجه فلاح
تغده ومن شفته راح للاستقبال لحكته
فلاح/هلو هديه شلونج مرتاحه ان شاء الله
هديه/الحمدلله
فلاح/طول فترة العده اني احوس اريد اشوفج وافتهم منج السالفه
ومفتهمت من شيرين وحاولت اتصل على محب ميجاوب
اريد اعرف سبب طلاككم شنو معقوله لان صلاح جاب ريام
هديه/باوعت علي بحزن لا
اصلاً زواجنا من البدايه للنهايه غلط لان تعرف العداوة بينه وبين شيرين
فلاح/لعد غير مفروض يفكر قبل لا يرتبط بيج عل عموم اني مراح اسكتله واريد اواجهه
هديه/عليك الله لتسويهه
فلاح/لعد بنات الناس لعبه اني مردت اتصرف قبل لا احجي وياج وافتهم
هديه/عليك الله لتحجي ويا ابد
عوفج من هاي السالفه
انت هسه مطلگه بقيتج يم اختج شنو معناهه بلله هيه بحكم عدهه ولد واخوهم هناك مسؤل عليهم مااكدر اجيبهه بس انتِ مااكدر وخاصه الوادم مترحم وانتِ مطلگه
مااكدر هناك ايهاب وشيرين وشعليه قابل والناس منخلص منهم
عذريني هديه مااكدر
اريد اكمل دراستي
اي ومنو كاضج كمليهه هنا يمنه
لا والله مااكدر اريد هناك يم اختي تعلمت حياتي يمهم مااكدر
بقيت كومه احجي ويا كوه قنعته يخليني اروح واني گبل ثاني يوم رجعت كتله لازم اكمل اوراقي وخله رافد يرجعني
ثاني يوم كعدت من الصبح بدلت ملابسي مال مدرسه وطلعت صدك رحت للمدرسه اريد اتأكد قبلوني واستلم كتب واصلاً همه مبلشين دوام بس بداية سنه دوم اول ايام ماكو دوام
توني طلعت الصبح بال٧جان اشوف اسماعيل ماادري شيسوي بسيارته
دنكت ومشيت توني ردت اوصل النهاية الفرع
مااحس اله هورن ورايه درت وجهي اباوع اسماعيل
وخرت منه كلت خاف مضايقته حتى تعبر السياره بقه واكف
صعدي خل اوصلج
باوعت خزرته """"شكراً
لا والله تعالي صعدي
استغفر الله ومشيت وعفته بقه يمشي ورايه بسيارته على كيف
باوعت علي كتله شكبرك بعد تصير وخررر روح من يمي لتمشي ورايه
صعدي اريد احجي وياج
انت مقتنع وخر من ورايه والله هسه افضحك بالمنطقه
تره عندي صور الج اصعدي احسن الج
صور يش عندك روح الله ينطيك
والله عندي صور الج
باوعت علي بصدمه ""هذا شكاعد يحجي
تخبلت وكفت شنو الصور اكلك
صعدي واشوفهن الج
بدون ما اصعد شوفهن الي جذاب انت روح منا الله ينطيك
بكيفج لتصدكين اليوم انشرهن عل فيس
عندج فيس بوك لو لا اذا عندج طلعي بالفيس وبحثي هديه الصاكه
وكل صورج منشورات
باوعت شنو هذا الفيس
صعدت بالسياره مرعوبه
منين جبت صوري احجي الله لا يوفقك وشتريد مني
احجي متحجي طلعلي الصور اريد اشوف
مااحس اله مشه بالسياره واني ميته خوف ابجي واكله شوفني الصور
اسماعيل/بس كليلي صدك عافج بدون سبب
احجي اكلك منيلك الصور مالتي ووينهن شوفهن الي
باوعي......يتبع