رجعت للبيت وكالعاده روتيني كعدت عطله نهايه السنه تفقت ويه صديقاتي نطلع ماما ويانه لأن تخاف عليه بس هالمرة عافتني وحدي ستغربت الموضوع اول مره تسويها اني فرحت لأن حاخذ راحتي بالكلام ويه صديقاتي لبست
المهم احنه ٤ واني بابا وماما شترولي سياره هونداي واخذتهن ورحنه للمول نزلنا فترينا وشترينه لحد ماملينه كل هذا واحس واحد يراقبني رحنع للطابق الثالث كعدنه نتعشة واخذنه سفري طول لأن هواي طلبنه فجئة كامن ال ٣ واجه يوسف كعد بصفي 😰يمه اريد احجي خرسيت اريد اكوم رجلي نشلت ولا عبالك اني إلي ضربته على خشمه كسرته
يوسف :الشمس طالع بليل اليوم ليش
دنيا:😳
يوسف:ولج شبيج الو
دنيا:ها... لا... شنو... قصدي ماكو مابيه شي
يوسف : هههه علكيفج محسويلج شي بس حبيت اشوفج
وأخذت إذن من اهلج علمود اسمع قرارج بنفسي
دنيا:عن شنو تحجي مفهمت
يوسف :عن الخطوبه
دنيا: لا ماموافقه اريد اكمل دراستي واعيش حياتي بعدني صغيرة على المسؤليه
يوسف : دنيا انتي عجبتيني واني رايدج بالحلال ليش تعذبيني وتحرميني منج
دنيا: انت مجنون صح ترا مو بضروري اعبجك المهم اني اقتنع بيك واصلا اني ماريدك فلاتحاول
يوسف : ليش هيج دسوين
دنيا؛ من تتقدم لوحدة متعرفها وشفتها مرتين لو ٣ شيسموها عن اذنك استاذ يوسف
طلعت من المول وتركته لكيت البنات واكفات يم السياره محجيت ولا هنه حجن وصلتهن ورجعت للبيت صعدت لغرفتي واني معصبه منه بس اني محبيته ولا أريده تعبني هالولد مشافني غير كم مره وجاي يخطبني
غبي نزلت لأهلي كتلهم
دنيا؛ اني ماموافقه على هذا الولد واخر كلام عندي وماريد تفتحون سيرته بعد
صعدت مسمعت شحجوا ورايه
بدلت و نمت كعدت ساعه ٩ كمت غسلت وتريكت البيت نظيف صعدت لغرفتي رجعت لفراشي اتصفح مر سبوعين ماكو شي ملل يوم الخميس جنت كاعده بغرفتي ندكت الباب شفت من الشباك عراضه كلها شيوخ و ولد سدوا الشارع صعدتلي امي كالت رتبي نفسج وانزلي
اني جنت سابحه ومسويه شعري تسريحه بسيطه خليت ميكاب خفيف كولش يعني الي شوفه يكول وجهج مو مكياج
لبست فستان حلو
نفس الصورة
اهلي متعودين عليه أغلب الايام انزل يمهم بالفساتين مالاتي
يعني احب هيج لمهم
شفت نسوان كاعدات ٣ لابسات صليب كالبات خلقتهن والبقيه لا خوماكوشي
هذولي أهل يوسف شعدهم هنا سلمن عليه كعدت يمهن العرفته من كلامهم
ام يوسف وخواته : حبيبه الولد متعذب واني أمه واشوفه بهل حالة ماكدر جيت اخذ موافقتج وأريد اسمعج بأذني تصيرين بتنه ونحطج بعيونه وإذا على لدارسه تكملين وغصبا عن الكل وخذيها كلمه مني وعد
دنيا :خالة اني ماعرف شكلج بس
ام يوسف : بدون بس حبيبتي فكري هسه وكولي وإذا معاجبج وترديني خايبه بكيفج
ماما: احنه كلنا موافقين بقت هيه تكول رئيها
دنيا: فكرت شويه مادري شكولهم إذا معجبني افصخ الخطوبه عادي كمت من مكاني كلتلهم موافقه كامن يهلهلن
اجه اخويه كال يريد يلبسها الحلقات خلي تطلع هنا طلعت اجتي أمه وامي وخواته ثنين دخل لابس قاط جاب الحلقات من أمه ظل يباوع بعيوني بفرح ولهفه يربي شحيصير بعد
بأس يدي وكالي مبروك يوردة عمري بتسمت وصعدت ركض لغرفتي يمه كلبي حيوكف كعدت بغرفتي أخذت التليفون صورت العراضه وهو شلون طلع للولد يركص هههه خبال
بدلت ونزلت بعد مطلعوا شفت بابا باركلي