فصليتي ارملة

بارت ١٦

احسان:الو
دنيا :ها خبل شلونك
إحسان :جديده هاي هلابيج شونج
دنيا : زينه الق شلونها والكل
إحسان:زينين يسلمون عليج
دنيا :اممم بده الجذب
إحسان:اها ليش عود
دنيا : اخش بالموضوع احسن
إحسان :ياريت لأن شلعتي البنكرياس مالتي
دنيا: أسد وين
إحسان : ليش
دنيا : هيج حبيت اسئل صار شهر ماكو
إحسان : خليج ويايه هسه عوفج من أسد بغير دنيا هو
دنيا : امممم
إحسان : كام يحجي بهمس).. أي شونج
دنيا : زينه الق شلونها
إحسان : هففففف الق زينه واسد زين
وهو تزوج سمر وسافروا شهر عسل
رتاحيتي
دنيا :من الصدمه وكع جهازي اسمع بس صوت الو من إحسان
كامت دموعي تنزل وفاكه حلكي اريد اكول اسمه ماكدر جمد جسمي نشليت بمكاني
ظليت ابجي وحاطة يدي على حلكي واعيط بداخلي
إحسان :يمعوده ردي كلبي نشلع ماريد دموعج تنزل دنو
دنيا : وكفت وشلت الجهاز
لا إحسان باركله وكله لايشوفني وجه
بأي عيني
خلص كافي ماكو داعي تبجين
تخلى عنج أكثر من مره
طلعت من غرفتي اجه على مفزوع
علي:ماما جدوا تخربط
دنيا : ركضت لكيت أبويه نايم عالكاع وكوه يجر النفس
أخذته السيارتي كوه واني كمت انزف مادري ليش
طلعت خليت الجهال وامي بالسياره وسقت للمستشفى
اخذوا لبابا وراحت ويه امي وكعدت الجهال وقفلت عليهم السيارة
بالكوة اتحرك والدم ماوكف جنت لابسة تنوره قصيره وتوربان وقميص
دخلت زين ماعيطت من الوجع دخلوني واخذولي فحوصات طلعت حامل فوكاها عبالي سمنت طلعت حامل أنطوني دوة يثبت الطفل مدري شنو كتلهم بس اشوف بابا مقبلوا اكوم نطيتهم فلوس كالوا زين بس الضغط رتفع عنده
طلعت بعد مخلص المغذي ورحت لماما سئلتها سمع بخير أخوية خسران كل فلوسه وخابر بابا يصيح عليه يريد فلوس بابا مقهور واكع
مكتلهم الا نطلع من المستشفى
نزلت أخذت السياره الجهال نايمين وعشق بحضن فاطمه رحت سحبت فلوس من البنك وحولتها لحساب اخويه
وخلصت منه ودزيتله مسج كتله
تبرينه منك وانت طلعت من اسم عائلة السيد وحضرته
رجعت لماما لكيت بابا دافع فلوس ومخرجي رجعنا للبيت دخلنا اليل كله كاعدة افكر بشغلة الحمل وباسد وأهلي واخويه إلنذل
ابجي اكول هسه لو اكعد والكه كل هذا حلم اربي اريد ارجع للمدرسه بيوم إلى تحارش بصديقتي يوسف اعوفه وامشي وماخلي ينتبهلي ومااتزوج ولا اروح فصلية وفوكاها طلعت بالاخير متزوجه ثنين ولو يطلكوني لو انحبس
وحامل مره لخ واخويه إلنذل سبب مرض بابا وماما وخسرت كولشي
دنيا هم ناويه ترجعين لاسد إلي
شك بيج أكثر من مره شسوي
شبيدي سمعت الأذان كمت توضيت وصليت وقريت قرآن ورجعت نمت اهلي كعدوا كعدت الساعه ١٢ الظهر سبحت وبدلت ورحت للمستشفى سويت تحاليلي وحامل ببنيه هاي غرام إلى راح تجي غرام إلى حتنولد وابوها مطلك امها شنو مصير هذولي الأطفال
إذا صار ياهلي شي وبيه شي شيسون
باله عشق يروح لاسد لأن ابنه بس فاطمة وعلي إلى ابوهم عار وبالسجن
لو امهم إلى تزوجت ثنين وراحت فصليه وطلكت مرتين. شسوي يالله
وكفلهم ولد الحلال يالله يارب يامعين يارب مالي غيرك تعبت والله
رجعت للبيت كعدت يم بايا
دنيا : بابا ادري بيك تعبان بس جيت افرحك
بابا : كولي حبيبتي
دنيا :غرام راح تجي للدنيا
حضنوني كلهم وباركولي وعشق صافن
ميدري شكو
حضنته وصعدت اني ويه ونومته بحضني
كعدت ساعه ٤ اهلي ماكو حتى عشق
بحضني جان ماكو طلعت للديوان
لكيت أسد وعمي وأهلي والححيه والولد والبنات دخلت سلمت عليهم
بوكتها جنت بملابسي توربان وبنطرون مو مشكك بس هيج شكله تعلاكه وقميص ابيض المكياج وحمره غامقة ومربربه جنت اجنن
أسد : اول مدخلت لبيت دنيا ولزمت عده ٣ أشهر مشفتها متت بس اريد اشوفها ادزلها شغلات بيد فاطمه
ماكو رد حتى كلمه شكراخابرني أحمد نهاية العوده مال دنيا
أحمد : الو أسد الحك يمعود بيت خالتي جوي وسولنا مشكله
أسد : شكو احجي
أحمد : سمر دخلت على غسان وكالت هو جرني وراد يغتصبها
أسد :شدتحجي انت هسه جايكم
رحت أسرع من الريح للبصره دخلت بيتنه ولكيت ناس بابنه
أحمد :الله جابك اقنع غسان يتزوجها ترا نفضحنه
أسد :ماكو داعي اني حقعد عليها روح كلهم
عقدنا اني وسمر وكلبي يصيح باسم دنيا أريدها لها ماريد هاي الجلبه
أخذت الق وملابسنا ورحت لبيتي مطلعت منها العب ويه الق وأريد آدك على دنيا خاف مترد وافشل روحي
جان عندي صديق اسمه رائد ملازم أول خليته يراقبها بدون متحس ويجيب أخبارها
فمره كال شخطت السياره حيل وطلعت للمستشفى نزلت تنزف ابوها تمرض وهيه مكدر يعرف ليش نزفت
شتاقيت للجهال حيل وووف بعد شهر دزلي خبر رائد
أسد :الو
رائد: اكلك اسمع
اكو واحد اسمه علي يشتغل بتركيا وغني ومحامي اجه يسئل على دنيا بالمنطقة احتمال جاي يخطبها
أسد: غير اكلب الدنيا
رائد:يفيدك هيج حجي اني من يمي حبيتها لعد هو شلون عمي ديربالك حطير من يدك المره
أسد :ولي باجر جاي لبغداد
أخذت الق وجهزت جنطت للسفر رحت لبيت اهلي
خالتي:ياهلا بالرجل عايف مرته حتى ماتقربالها
أسد :تنجبين لا افعصج هنا ياخره انعل ابو بنتج
سمر :شلون تتجراء وترفع صوتك على مامي
أسد : مكلفت نفسي كتلها انتي طلق طالق طالق وزيادت خيرين طالق طالق
فتت الكل مصدوم من دخلتي عليهم
حجيت ويه أبويه
يابه باجر نروح لبغداد نخطب دنيا وإذا ماجيت اروح وحدي واتنازل عن المشيخة لأحمد
الحجي :لا وليدي تدلل اكو احسن من دنيا غير امنيتي من الدنيا ترجع يله ولدي حضروا نفسكم
سمر :الا افضحك ياسد
أسد :طلعي برا طلعوا هم ونزاح عني
نمت بغرفتي وخابرت صديقي يصمملي غرفه جديده
واحد من أصدقاءي مصمم بتركيا صمملي بدلات عرس يدزها اول مااكله وكلت اصيغ ذهب لها
نمت وكعدت ساعه ٩ نزلت ركض لكيتهم متحضرين رحنه لبغداد وصلنا لبابهم و ستقبلونه احلى ستقبال
اجوي الجهال يمي يركضون عشق كبران مربرب
شويه ودخلت دنيا
اااااااخ يبت روحي شكد مشتاق لريحتج لو ماعيب هسه احضنج
دنيا: هلا عمي شونك شونكم شباب سلمت عليهم كعدت حضنت الق ظليت اشم عطرها مليانه عطر ابوها الظاهر جانت كل هالفتره بحضنك أسد هه ضعفان
دنيا :مبروك الزواج لعد وينها سمر
ألحجيه:الله لايردها طلكها
دنيا :يابه عبالك كلبي يركص من الفرحه مكدرت اضم ابتسامتي سويت روحي فرحانه بجيت الق فعلا فرحانه بس فرحت
الحجي:اني جايكم بطلب بس ماريد تخيبوني وارجع خايب
بابا:ماعاش إلى يردك حجي كول
الحجي :جاي اخطب دنيا لاسد

(بس دنيا راح تروافق لو تشلع كلب أسد وياها.... شتكولون انتوا؟؟)