فصليتي ارملة

بارت ٤

سكنت بغداد وربيت جهالي معشت يم اهلي لأن اعرف راح يعلمون جهالي على كلام وعادات ماحبها ولا أريدها
كملت دراستي ويه جهالي بس كبروا ودخلتهم اول بتدائي دخلت قانون ودرست بكل جهدي لحد ماخذت الشهاده وبصعوبه تعينت
🖤 ✨ علمت جهالي على كلام وعادات تخص. الدين حبيت اكبرهم واخليهم يشوفون الدنيا حلوه مو مثل البعض كلشي عدهم يحللو ويحرموا
صارو عمرهم ١٠ سنوات يزيد جمالهم بس يبقون ناعمين حلوين
استلمت مرت فترا عليه أخذت اجازه بيها شهر وكعدت ويه جهالي سافرنا لعمامهم بس مقبلوا يشوفوهم مادري ليش
رجعنا لبغداد لبيت اهلي داروح اشوفهم لكيت شرطة وناس بابنه
نصدمت 😐
فتت على امي لكيتها هيه وخالتي ومرت اخويه
اخويه تزوج قبل شهر يدكن ويلطمن مفهمت شكو.
لحد ساعة١٠بليل اجه أبويه وعمي كالو...
دنيا :بابا شكو محد ديحجيلي
عمي محمد : اخوج عار متعارك ويه واحد وميت وأهله باجر جاين يسون كعده
دنيا :ياستار ياربي. بابا احجي شي اوديك للمستشفى شبيك
بابا: خاف يردون فلوس منين اجيبلهم
دنيا :بابا اني عندي خير من الله عود انطيهم لو افتهم القضيه واني اوكف ادافع لاخويه بس اهدء انت
دنيا :بتت. بيت اهلي نامو الجهال بس اني كعدت على رأس امي وابويه الا تأكدت ناموا يله عفتهم
كعدت بالمطبخ صافنه تذكرت ايامي ويه حبيبي وأيامي. ويه اهلي قبل لااتزوج اووووف الحمدلله على كل حال
طلع الصبح سويت ريوك وجاي كعدوا اهلي شربوا بس جاي
طلع أبويه ساعه ١١يروح للكعدع يارب ميطلبون شي والله يرحون بيها اهلي اني ادري
صارت الساعه ٨بليل رجع أبويه وعمي وخوالي نريد نفتهم شي ماكو رد بس اخويه طب وياهم امي فرحت بس أبويه يبجي ثاني مره اشوفه يبجي من بعد ما ماتت بيبي أمه كعدت انتظر احد يحجي
خالي رسول:دنو تعالى حبيبتي
دنيا : شكو خالو خير خوما صاير شي
خالو: خالو أهل الولد طلبوا طلب منكدر عليه بس انتي
دنيا خالو إذا. تريد فلوس موجودات خير من الله
خالو:يردونج فصليه خالو.
دنيا : مرديت عليه بس دموعي تنزل ولازمه كلبي 😭
خالو. وجهالي شلون وين أوديهم مستحيل خلي يكتلوني ولا يفرقون عنهم مستحيل.
خالو: كنالهم انتي شنو بس عكب باجر يجون ياخذوج لازم تتحملين وترفعين راسنا راح تاخذين جهالج وياج هم
دنيا :راح وأني كاعده وحدي ابجي واصيح يعلو صوتي وينك يوسف ليش عفتني وحدي ليش 😭 😭 😭 ولك ليش خليتني بين ذيابت بشر
اجوني اهلي يبجون وحضنوني جهالي واكفين بالباب يشهكون ركضت حضنتهم وسكتتهم اخذتهم لبيتي ونيمتهم بحضني
سهرت الليل واني ابجي ادري الفصليه مذلوله جهالي شيصير بيهم بعد مانروح هناك يربي
كعدوا الصبح تريكنا عفتهم يم مرت اخويه رحت أخذت أوراق النقل بسرعه بالواسطه كملن بيوم لأن باجر اروح لدنيا ظلمه مادري شنو مصيري بيها
رجعت خابرتني امي واني بالطريق رايحه هيه وجهالي ومرت. اخويه بمول رحتلهم
ماما:تعالي روحي انتي وزينب روحوا شتروا ملابس انتي حتزوجين لازم تكسبي لرجلج لازم ترا تنذلين إذا يكرهج وياذي جهالج
زينب:لاعبالج حيموت عليج إذا هملتي نفسج يركعج بجلاق ويتزوج غيرج واقري على جهالج وانتي السلام
دنيا :كااافي شبيجن
كولشي. ولا جهالي خلص يله امشي
شتريت ملابس وقمصان نوم ومكياج وكسسوارات وعطور وكولشي
مواد تجميل داخلية( إلى بالي بالجن 😂😂)
رجعنا لكيت بابا وماما مشترين لجهالي ملابس عفتهم ورحت لابو جنط شتريت ٣ جنط سفر ام ال٣ وأم ٤جنط رحت بسيارتي لبيتي جهزت غراضنا ونمت كعدت الفجر وكعدت فطوم وعلي سبحنا وشسورت شعري ولبست قميص وبنطرون اسود وشال اسودقمصله مال جو ربيع سوده لأن جان الجو بدايت ربيع حطيت جل ايلاينر
ومسكاره عدلت وجهي صارت ساعة ٨:٣٠ اجه أبويه والجماعه إلى ياخذوني صاحني علمود نعقد كعدت جهالي بالسيارة
دخلت عليهم سلمت وكعدت مباوعت على احد بس أبويه عقدت وعرفت اسم الولد أسد

🖤 ✨