أنا مش مصدق نفسي أخيرا الانسانه إللي عشقتها خلاص حتبقي مراتي أنا بجد مش عارف أوصف فرحتي دا بجد احلي يوم ف حياتي
ميار بكذب. وأنا كمان فرحانه جدا
و بأبتسامه مصطنعه. اومال يونس فين اقصد يونس ومراته أنا مش شايفاهم
يامن بأستغراب. أنا بسمع إن ف المناسبات إللي زي دي العروسه والعريس مش بيفتكرو ناس كانو ادام عيونهم اومال العروسه هي إللي تدور علي المعازيم
ميا بارتباك. أنا مش قصدي أنا بس مستغربه إن كمان أدم مش موجود وإنت عارف إنهم أخواتي وكده
يامن بيحاول يصدق كلامها. تمام بس إعملي حسابك إن أنا بغير من الهدوم إللي عليكي مش أدم ويونس والناس إللي حواليكي بس أنا بغير من نسمه الهوا إللي بتعدي تلمس شعرك
ميار متصنعه الموافقه علي كلامه. طبعا طبعا عندك حق
جه أدم ويونس و كانت الفرحه إللي كانت ف عيون ميار لما شافت يونس واضحه جدا حاولت تخبيها لكن فشلت
يامن لاحظ فرحتها بس معلقش
سلم يامن علي كل من يونس وادم وعيونه علي ميار مراقب تصرفاتها بس هي لاحظت طريقته واتحكمت بتصرفاتها خلص اليوم وعلي الرغم إن ميار كانت فعلا جميله واختياره للفستان كان فعلا رائع كانت زي الملكات وفرح يامن ف بدايه اليوم لكن لما انتهي اليوم مكنش فرحان زي ما كان متخيل في شويه مشاعر متلخبطه
حتي لما عزمه والد ووالدت ميار مكنش مركز ف اغلبيه الكلام كان تقريبا مش بيتكلم إلا علي اد السؤال عكس طبيعته هو دايما بيحب يتكلم ويفتح ف مواضيع بس المره دي لا خالص بس أهلها فهمو إن اليوم برضه كان صعب وفي أحداث كتيره يعني من الاخر يوم طويل
💎💎💎💎💎💎💎💎💎💎💎💎
عند أمل وادم
أمل. داليدا صاحبتي الوحيده ومستعده أعمل أي حاجه علشان تبقي سعيده
أدم. يبقى كده إحنا متفقين هدفنا واحد يبقي لازم نعمل حاجه تجمعهم مع بعض
أمل. وأنا معاك طالما المصلحه وآحده اتفقنا
أدم. وأنا عندي خطه
أمل. إيه هي
أدم. إسمعي يا ستي آنتي تتصلي بداليدا وتقوليلها إن يونس عمل حادثه ومش راضي يدخل العمليات إلا لما تكون موجوده وتكون آخر وش يشوفه قبل ما يدخل وسيبي الباقي عليا
أمل. يعني إنت حتعمل إيه يعني فهمني
أدم. آنتي خلاص مهمتك كده إنتهت الباقي دا بتاعي
أمل قامت ولسه حتمشي. أبقى شوف حد تآني ينفذ معاك خطتك أنا مش بشتغل عندك إنت قولت خطه مشتركه بس كده بالاسلوب إللي إنت بتتكلم بيه ده الموضوع ده كله بره عني
أدم مسك أيدها. اهدي بس متخليش خلقك ديق
بصت أمل علي أيد أدم إللي ماسك بيها أيديها وهو لاحظ بصتها إللي تقريبا كانت حتحرقه
أدم رفع أيده آلأتنين زي علامه الاستسلام كده. أسف بجد ما خدتش بالي
بص أدم ف عيونها وسرح فيهم وهي لاحظت ده نزلت عيونها ووشها كان زي الطماطم من كتر ما هو احمر
أمل. أستاذ أدم إنا جيت هنا علشان صاحبتي مش حاجه تانيه
أدم. ادم أدم بس من غير أستاذ وبعدين بقي أنا مش قادر اصبر آكتر من كده
أمل بتوتر. خير في إيه
أدم. أمل أنا معجب بيكي لا أنا مش معجب إنا بقيت عاشق متيم من الاخر كده مجنون بحبك و....
أمل. اعتقد إن كده كفايه
أدم بعصبيه مسك أيدها وشدها خلاها تقعد تآني. أنا لما أكون بكلمك متمشيش تآني بالشكل ده الست إللي حتبقي مراتي لازم تسمع الكلام فاهمه ولا لا
أمل. لا مش فاهمه معتقدتش إني وافقت علي الهبل إللي إنت بتقوله ده و...
أدم. أنا قولت إنك مراتي وكمان حتسمعي الكلام احسنلك أنتي متعرفينيش أنا أصلا مجنون ومعايا شهاده معاملت أطفال
قال كلامه بطريق خوفت أمل خليتها تسكت
أدم. آنتي حتعملي إللي أنا بقولك عليه وأنا لما هي حتطلع من البيت أنا حخطفها وحخطف يونس وححطهم ف........ وححبسهم هناك مش حيطلعوا من مكانهم إلا لما يتصالحوا
أمل بتفكير. طيب أنا موافقه تمام
عن اذنك أنا لازم امشي
أدم. إستني ا وصلك
أمل. لا مفيش داعي
أدم. أنا اللي بيقول هنا إيه إللي ليه داعي وايه إللي ملهوش فاهمه ولا تحبي أفهمك بطريقتي
أمل هزت راسها بيأس وقالت تمام فاهمه ومشيت ادامه
أدم لنفسه بصوت مسموع نسبيا. حلوه الحمشنه برضه ستات متجيش إلا بالعين الحمرا بحبك يا بنت الايه آهه
أمل طبعا سامعه إللي هو بيقوله ومش عارفه تبطل تضحك
أدم. بتضحكي يا ختي خلاص أدم إللي بيتهزله أكبر شنب بقى مجنون بس أعمل إيه بحبك يا بت آنتي
فتح لها الباب بطريقه مسرحيه وقال. اتفضلي مولاتي عربيتي المتواضعه حتتشرف إن جلالتك تنوريها
أمل. مجنون
جري أدم وركب وساق العربيه ووصل أمل بس هي لقيته نازل معاها وطالع
أمل. حضرتك عاوز إيه مش وصلتني خلاص
أدم. آنتي فاكره دخول الحمام زي خروجه وشدها من أيدها وطلع معاها
الباب خبط ووالدتها فتحت
تعالي يا أمل ساعديني أنا محتاسه والضيوف علي وصول
أمل. برضه يا ماما عملتي إللي ف دماغك
والدت أمل. دا عريس لؤطه بيشتغل ف الكويت وجاهز من مجاميعه
بصت أمل علي أدم إللي من كتر ما هو متعصب وبيجز علي اسنانه وشه كله احمر
أدم زق أمل ودخل
أدم. طنط لو سمحتي أنا عاوز أقابل والد أمل دلوقتي حالا
والدت أمل بصدمه أتفضل يا إبني
والد أمل بخضه. في إيه يا بني حصل حاجه أمل يا بنتي في إيه
أدم. أنا عاوز أتجوز أمل وجواز علي طول
والد أمل. هي الحاجات دي بتتاخد كده فين أهلك أو أي حد كبير معاك
أدم. أنا وفي نفسي أهلي مش موجودين أنا أدم الزهراوي رجل اعمال عندي شركه كبيره ومش عاوز أمل الا بشنطه هدومها
والدت أمل. رأيك إيه يا أمل
أمل بصدمه. هااةه
أدم. انتي لسه حتتصدمي
أمل وافقه يا طنط إن شاء الله كتب الكتاب يوم الخميس والفرح كمان شهر
والد أمل. علي خيره الله مبروك يا بنتي مبروك يا بني
أدم الله يبارك فيك يا عمي ممكن أتكلم مع أمل لوحدنا
والد أمل أحد والدتها. يلا بينا يا أم أمل
أدم لأمل. مبروك يا أجمل حاجه حصلت ف حياتي
أمل. إنت أكيد مجنون
أدم. مجنون بس بحبك أنا عارف إن أنت كمان بتحبيني
أمل. أنا عاجباني آوي الثقه إللي إنت بتتكلم بيها دي
أدم قرب عليها آوي وهي فضلت ترجع لورا لحد ما بقت خلاص بين أدم و الحيطه حاصرها بايده آلأتنين وقالها. بتحبيني أنا مش حضغط عليكي النهارده علشان تقوليها بس يوم كتب الكتاب حسمعها منك وحاخد حاجه تانيه حموت واخدها منك
مشي أدم وهو فرحان وامل كمان كانت سعيده جدا م قدرتش تنكر إنها مشدوده ليه واعترفت بينها وبين نفسها. آه بحبه ههههه
💎💎💎💎💎💎💎💎💎💎💎💎
عند داليدا
داليدا لنفسها. وحشني وحشني آوي عاوزه اشوفه واتطمن عليه
قامت داليدا ولبست ولسه حتنزل. طيب أنا حروح فين أنا حتي مش عارفه هو فين وتليفونه مقفول
رجعت داليدا تآني غيرت هدومها وقعدت تتفرج علي التليفزيون هو صحيح شغال بس هي مش شايفه حاجه ولا سامعه حاجه غير صوره وصوت يونس
نامت داليدا من كتر التفكير وصحيت علي صوت التليفون
داليدا بصوت نايم الو........
💎💎💎💎💎💎💎💎💎💎💎💎
تفتكرو مين إللي بيتصل علي داليدا ؟
يا تري يامن لسه حاسس فعلا إنه بيحب ميار ؟
عاوزه أعرف توقعاتكم الحلقه إللي جايه
ولكم مني كل الاحترام والتقدير قراءه ممتعه
سلمي كحله 💎 💎 💎