خرج من اوضتها وراح علي اوضته وصورتها مش مفارقه خياله مكنش عارف ميبتسمش لما يقول إسمها حتي بينه وبين نفسه لكن أول ما يفتكر مكالمه التليفون إللي سمعها وإن ليها حبيب بيتحول لوحش عيونه بتحمر وعروق رقبته بتظهر
ف صباح يوم جديد صحيت داليدا من النوم أدت فرضها وقرءت ورد القرءان بتاعها ونزلت علشان تفطر كان الكل متجمع علي السفره إلا يونس
يونس إللي فضل طول الليل صاحي في حيره بين قلبه وعقله قلبه إللي بيقوله لازم تسمعها وتعرف الحقيقه وعقله إللي بيقوله ما كل حاجه واضحه زي عين الشمس إيه إللي مش واضح
نزل يونس بعد فتره مش طويله وكان شكله مش نايم خالص واضح عليه التعب لكن مع كده كان محافظ علي تعابير وشه البارده إللي دايما مش بيغيرها
صباح الخير قالها وقعد علي السفره وبدء ف الاكل رد عليه مصطفي وقاله صباح الخير يا يونس عندك شغل النهارده بره المستشفى ولا ف الشركه
لا يا بابا رايح المستشفى ساعه كده وبعدين رايح للشركه في شغل كتير متأخر وبعدين طالع علي المطار يامن جاي النهارده وحسهر معاه هو وادم وممكن ميار تبقي معانا ومن غير ما يحس بص علي داليدا عاوز يعرف رد فعلها لما تعرف إن في بنت حتكون معاه لكن طبعا داليدا مهتمتش وده زود غضبه استأذن وراح ركب العربيه وراح علي المستشفى قابل هناك أدم وراحو سوا علي الشركه اتصل ب ميار علشان يقولها إن يامن جاي النهارده لو عاوزه تكون معاهم واتفقو الثلاثة إنهم يروحو يجيبو يامن من المطار
عند ميار إللي كانت حتطير من الفرح مش علشان يامن جاي لا علشان يونس اتصل بيها مش مهم عندها يامن لأنها شايفاه أخوها المهم عندها إنها تبقي مع يونس إللي بتحبه ونفسها يحبها زي ما بتحبه بس هو بيعاملها عادي أخته وصديقته متربيين مع بعض سنين الدراسه كلها حتي دخلت نفس الكليه إللي فيها يونس علشان تبقي معاه لحد ما باباها سافر فتره سافرت معاه غصب عنها حاولت كتير متروحش بس منفعش واما سافرت حاولت ترجع بس برضه منفعش كانت فتره صعبه جدا بالنسبة ليها ولما رجعت بقت بتستغل كل وقت علشان تبقي فيه مع يونس
............................................................
ف البيت عند داليدا طلعت الاوضه بتاعتها وجهزت علشان تروح للجامعه تليفونها رن
آيوه يا بنتي نازله مليون اتصال ف الدقيقه
لا أنا مش ف البيت
جي حكايه طويله خالص لما اقابلك ححكيلك سلام دلوقتي
نزلت داليدا وكان مصطفي موجود شافها وعي خارجه
رايحه فين يا داليدا
رايحه الجامعه
مين حيوصلك
طلبت تاكسي و مانه وصل خلاص
تاكسي ليه وإنتي عندك عربيه بتاعتك
