بصت داليدا ليونس بصه كلها كره وغضب والم وقالتله
داليدا. ارتحت كده صح ارتحت بعد ما دمرت حياتي ارتحت لما آخر حد ليا في الدنيا خلاص راحت مني أحب اباركلك إنت كسبت وأنا خسرت خسرت ف حرب أنا مختارتش ادخلها خسرت ف حرب كل ذنبي فيها إني كنت عاوزه أعيش حياه طبيعيه هاديه بس مكنتش عارفه إن الحرب بتاعتك دي كانت أمي هي الضحيه
يونس كان بعد ما قالت داليدا كلامها مصدوم مش عارف يعمل إيه هو فعلا والدة داليدا ماتت بسببه بس السؤال إللي حيره فعلا مين إللي سرب الخبر للصحافه أنا مقولتش لحد غير أصدقائي ودول مستحيل يخونوني أكيد في حاجه غلط
دخلت داليدا عند مامتها مسكتها ن أيديها وفضلت تبوس فيها
داليدا. أنا السبب يا ماما أنا اللي قتلتك كان لازم أبعد كان لازم أول ما حسيت بخطر أخدك واهرب مكنتش أعرف إن إنت إللي حتبقي الضحيه بس خلاص يا ماما إللي كنت خايفه عليه خلاص راح كنتي آنتي السبب إللي خلاني أتنازل عن حاجات كتير بس لا لازم أخد حقك لازم احطم السبب ف بعدك عني
مسحت داليدا دوعها وباست والدتها من راسها وودعتها
خرجت داليدا من اوضه مامتها وحالها متبدل خالص والكل كان مستغرب لحالها لكن يونس كان ف دنيا تانيه بيفكر مين ممكن يكون سرب الخبر ده
خلصت أيام العزا التلاته و داليدا لا بتاكل ولا بتشرب إلا علي اد إلي يخليها تقدر تعيش بس ف اليوم الرابع قرر يونس إنه يروح يتكلم مع داليدا علشان يعترفلها بحبه فضل يخبط علي الباب يمكن آكتر من ٢٠ دقيقه يمكن في الحمام يمكن بتصلي يمكن نايمه الف يمكن ويمكن لحد ما الخوف سيطر علي قلبه يمكن يكون جرالها حاجه قرر إنه يفتح الباب وكانت الصدمه
فتح يونس الباب وملقاش داليدا دور ف الاوضه كلها حتي الحمام كان أخر أمل ليه الدولاب لكن صدمته بقت اكتر لما لقي دولابها فاضي
يونس. لا لا يا داليدا ليييييه ليه يا داليدا سيبتيني محتجلك آوي يا داليدا روحتي فين يا داليدا
جري مصطفي علي مكان الصريخ لقاه يونس إللي كان علي الارض ماسك الاسدال بتاع داليدا واضح إنها نسيته نزل مصطفي وحط أيده علي كتف يونس وقاله
مصطفي. لما إنت بتحبها كده سيبتها ليه عملت معاها كده ليه
يونس. كنت عاوزها معايا بأي طريقه
مصطفي. بس طريقتك خليتها تمشي
يونس. مكنتش شايف إلا إنها لازم تبقي مراتي ملكي أنا وبس أنا بحبها آوي يا بابا بحبها ومش قادر أعيش من غيرها
وقف يونس ونزل يجري علي السلم من كتر تفكيره هي ممكن تكون فين مسمعش مصطفي وهو بينادي عليه
خرج يونس من البيت فضل سايق وهو مش عارف هو رايح فين لقي نفسه واقف ادام الشركه دخل يونس ومكنش شايف أي حد ادامه حتي ميار إللي كلمته وهو مردش عليها
علي الرغم من إن ميار كانت متعصبه إنه مردش عليها إلا إنها كانت فرحانه جدا إن خلاص داليدا خرجت من حياته
وه هو ده وقت الدخول لحياه يونس
ميار لنفسها. أكيد لما يلاقيني واقفه جمبه ومش سايباه ف أزمته أكيد حيحس بيا أكيد حيحبني
خبطت ميار علي مكتب أدم إللي كان يأمن قاعد معاه
ميار. هاي يا أدم عامل إيه
إيه ده إنت هنا يا يأمن عامل إيه وحشتني
يأمن. وإنتي كمان بس أنا لو حشتك كنتي سألتي عليا أنا من بعد ما رجعت من السفر متصلتيش عليا سؤال واحد
ميار. ولا تزعل يا سيدي إيه رأيك أعزمكم بكره ف الفيلا عندكم ماما دايما بتسأل عليكم
ميار. مالك يا أدم إنت شكلك متغير إنت زعلان من حاجه
أدم. لا أنا كويس الحمد لله
ميار. ماله أدم يا يأمن.
يامن. بيحب يا ستي دا غير إن يونس حاله أتغير بقي حاله غير الحال
ميار. أدم أبو قلب حجر بيحب ومين تعيسه الحظ أللى وقعت الوقعه دي ههههههههه
أدم. أنا قلبي مش حجر أنا قلبي كان مستني إللي يستاهله وأكيد لما لقاها حب أنا مش ماشي أحب علي روحي وبعدين إوعى أسمعك تتكلمي عنها كده أبدا اوعي
اتغيرت ملامح أدم لملامح عصبيه لدرجه إن يامن استغرب صاحبه جدا لأن واضح من كلام ميار إنها بتهزر
يامن. فيك إيه يا أدم ميار قالت كده هزار إنت كبرت الموضوع جدا
أدم. معلش يا جماعه أعصابي تعبانه شويه
يامن. مالك إيه إللي حصل
أدم. بيبص لميار. شاكك ف حاجه كده أول ما أتأكد منها ممكن يحصل مشاكل كبيره جدا
يامن مكنش فاهم ليه أدم بيتكلم كده وليه بيعامل ميار كده بس معلقش علي الموضوع
خرجت ميار وكانت شاكه إن ممكن يكون أدم عرف حاجه أصل أدم من النوع إللي لما بيعرف حاجه مش بيسكت
ميار لنفسها. لالالالالالا أكيد لو عارف حاجه كان زمانه قال ل يونس مستحيل يكون السر أتعرف
مشيت ميار وكان الشك خلاص حيموتها
نزل يونس من الشركه فضل يلف ف الشوارع مش عارف هو رايح فين ولا إيه هي الشوارع إللي دخل فيها ولا إيه الشوارع إللي حرج منها كان حيعمل آكتر من مليون حادثه بس ربنا نجاه كان سايق وهو مش مركز خالص بيفكر ف داليدا مش عارف الصح من الغلط مش عارف الحقيقه فين بس ف وسط كل ده كانت وحشاه آوي كانت ملامحها وحشاه آوي نفسه يشوفها عاوز يتطمن عليها
عند مصطفي. مش قرار متسرع إللي آنتي اخدتيه ده يا داليدا
داليدا. لا يا بابا كان لازم أبعد لازم أفكر أخد حقي منه إزاي وهو إدامي مش عارفه أفكر
مصطفي. بتحبيه
داليدا. مش عارفه يا بابا بس باين كده بس الحب ده ح يخليني أضعف أنا لازم أبعد لازم أنساه وابدا حياه جديده
مصطفي. يونس بيحبك يا داليدا آنتي مش متخيله حالته كانت عامله إزاي لما عرف إنك مشيتي
داليدا. وحضرتك فاكر إنك لما تقولي كده أنا حتاثر وحرجعله لا دا حيثبتني علي موقفي آكتر لو مش عاوز تخليك معايا يا بابا ف دي حريه حضرتك الشخصيه أنا كده كده أخدت علي الوحده والالم
مصطفي. كده يا داليدا دا إنت بنت عمري بنتي إللي كان نفسي اشوفها بتكبر إدامي ومدام آنتي عاوزه كده أنا حعملك إللي آنتي عاوزاه وأنا معاكي للنهايه
عند يونس
وصل يونس عند العماره إللي شاف داليدا داخلاها من فتره وافتكر إن ده بيت حبيبها وقرر يدخله
دخل يونس العماره قابل البواب
يونس. السلام عليكم ورحمة الله
البواب. وعليكم السلام ورحمة الله أي خدمه حضرتك
يونس. طلع صوره ل داليدا. إنت تعرف صاحبه الصوره دي
البواب. علي حسب يا بيه حضرتك عاوزها ف إيه
يونس. لا كل خير وطلع ١٠٠ جنيه واداها للبواب
البواب. إذا كان خير ف دي الانسه داليدا كانت ساكنه هنا هي ووالدتها وكانت فعلا موجوده عند المدام سما ف الدور الرابع أصلهم تقريبا عايشين سوا
يونس. المدام دي جوزها فين
البواب. جوزها مسافر مش بيجي غير ف السنه شهر واحد ولسه أجازته مجاتش
يونس. وهي عايشه لوحدها
البواب. لا معاها ابنها
يونس ف نفسه. يبقي ده حبيب القلب إللي الهانم سابتني علشانه أكيد ما صدقت
مشي يونس وطلع يخبط علي بيت مدام سما
آيوه حاضر مين بيخبط كده.
سما. آيوه حضرتك عاوز مين
يونس. السلام عليكم أنا أسف علي الازعاج أنا كنت عاوز مدام سما
سما. أي خدمه عاوز ايه
يونس. يا ريت تندهيلها علشان عاوزها ف موضوع ضروري
سما. أنا سما
يونس. لا أنا عاوز إللي ابنها وداليدا بيحبو بعض
هنا سما م قدرتش تمسك نفسها من الضحك
أنا برضه إلي ابنها بيحب داليدا
يونس فضل متنح مش فاهم حآجه
سما. طيب أتفضل وأنا حشرح لحضرتك كل حاجه
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
تفتكرو داليدا راحت فين؟
سما حتقول إيه ل يونس؟
أدم عرف إيه و ميار خايفه منه؟
إيه توقعاتكم للبارت إللي جاي ولكم مني كل الاحترام والتقدير قراءه ممتعه
سلمي كحله 💎 💎 💎 💎 💎 💎