حكت أمل إللي حصل مع داليدا بسبب يونس بس مقالتش علي الاغتصاب هي قالت علي الجواز العرفي إللي من غير معرفه داليدا لأنها مش عارفه ممكن تكون حاله داليدا النفسيه إيه لو حد عرف بأن يونس اغتصبها سابت قرار إنهم يعرفو أو ميعرفوش منها هي
مصطفي طبعا كان غضبا جدا من إللي يونس عمله بس قرر يحل المشكله دي بنفسه هو عارف إن من ساعه ما داليدا دخلت البيت ويونس غيران منها لإحساسه إنها أخدت مكانه عند مصطفي
عند داليدا لسه نايمه من المهدئ إللي أخدته مش حاسه بأي أي الم خارجي وما أصعب من الم الروح واه واه والف آه على الم الروح أصعب بكتير من الم الجسم
نيجي بقى عند يونس إللي علي الرغم من إللي عمله إلا إنه عمل نفسه مش همه إللي حصل وراح مكان لوحده علشان يهدي أعصابه حاسس إنه محتاج وقت علشان يفكر حيعمل إيه الخطوه إللي جايه وجات ف باله فكره
يونس لنفسه. أما إنت يا واد يا يونس عليك أفكار الجواز دلوقتي انسب حل وأكيد هي ح توافق مظطره علشان الفضيحه
اتنهد يونس تنهيده كبيره وقال بصوت مسموع
أكيد ح تسامحني لما تلاقيني بحبها وبموت فيها وبعملها كل إللي هي عاوزاه و بتتمناه ح تسامحني أكيد ح تسامحني
أدم ويأمن كانو بيتكلموا ف إللي حصل مع يونس و داليدا مش مصدقين إن يونس يعمل كده مستغربين تصرفه لإنهم عارفينه وكانو شايفين إن الحل الوحيد للي حصل إن يونس و داليدا يتجوزو حفاظا علي كرامه داليدا لكن كان في حد محدش شايفه سامع الكلام ومش عاجبه إللي بيتقال وكان له رأي تآني
ميار. طلعتلي منين داليدا دي طلعتلي منين أنا لازم أخلص منها يونس دا بتاعي بتاعي أنا وبس وإللي حتقرب منه أكيد حتشوف مني إللي محدش ف الدنيا تتوقعه
مشيت ميار وبتفكر حتعمل إيه علشان تطير داليدا وميبقاش في أي دليل إنها السبب للي حصل
عند مصطفي. اتصل مصطفي بيونس كتير لحد ما رد عليه
مصطفي. إنت فين يا يونس يآبنى
يونس. أنا علي البحر يا بابا داليدا عامله ايه
مصطفي. وإنت بعد إللي إنت عملته معاها بتسأل عليها ليه
يونس بخضه. حضرتك عرفت منين يا بابا
مصطفي. مش مهم عرفت منين المهم إن أنا عرفت ووصلت لقرار ولازم تنفذه
يونس. خير يا بابا
مصطفي. قابلني ف البيت دلوقتي
قابل مصطفي يونس ف البيت واول ما وقف يونس ادام مصطفي ضربه علي وشه بالقلم
طبعا يونس مقدر جدا إللي مصطفي عمله وعاطيه عذره لأن ده رد فعل طبيعي لأي أب بنته حصل معاها
يا بابا أنا مستعد اصلح إللي أنا عملته
ما إنت فعلا حتعمل كده أنا مش جايبك هنا علشان أعرف رأيك أعمل حسابك أول ما داليدا تخرج من المستشفى وترتاح كتب الكتاب والفرح ف يوم واحد مامتها مش حتعرف حاجه من إللي حصلت صحتها مش مستحمله
عند داليدا ف المستشفى
فاقت داليدا من النوم كانت مصدعه جدا حاسه إن جسمها كله بيوجعها ولما فاقت خالص وقفت و مشيت وقفت عند الشباك الزجاجي وسرحت ف الفراغ وتفتكر إللي حصل معاها صور بتيجي وتروح ادام عنيها صوته وهو بيضحك احتقار ليها دموعها نازله علي خدها زي الشلالات فاقت علي صوت امل
أمل. آنتي لسه بتعيطي يا ديدي سيبيها علي الله ربنا مش بيرضي بالظلم أبدا أكيد حيجيبلك حقك
داليدا. مش قادره يا أمل أنا خلاص حياتي كده انتهت خلاص أنا انتهيت
اترمت داليدا ف حضن أمل وفجأه حست أمل بانتظام أنفاس داليدا ساعدتها توصل للسرير غطتها كويس وسابتها وطلعت قابلت ادم
أدم. لو سمحتي يا انسه أمل انسه داليدا عامله إيه دلوقتي
أمل. وأنت مالك هوبعد إللي صاحبك عمله ليكم عين تسالو عليه تقتلو القتيل وتمشو ف جنازته
أدم استغرب جدا إن الرقه والجمال ده يطلع منه الشراسه دي بس أداها عذرها دي صاحبتها الوحيده إللي من حقها تزعل علي إللي حصلها
دخلت أمل عند داليدا بعد فتره ومعاها شيكولاتة و كولا و كيك كتير جدا لقت داليدا صاحيه
أمل. بخ
داليدا. هو أنا ناقصه خضه
أمل. عاملالك مفاجأه فظيعه
داليدا. بدأت أقلق منك
أمل. دادا دا
داليدا. إيه كل ده
أمل. الصراحه لقيت نفسي زهقانه وعارفه إن إنت كمان زهقانه جبت الكوارث دي وقولت أجيلك نفجر الدنيا سوا
فتحت أمل الحلويات إللي جابتها وفضلو ياكلو ياكلو وبيضحكو مش واخدين بالهم من العيون العاشقه إللي مراقباهم ف صمت ومره وآحده داليدا اتفتحت ف العياط ومعاها أمل وقلبت نكد خالص وقلب إللي بيراقبهم بيتقطع علي حبيبته إللي هو السبب ف إللي حصلها أمل أخدت داليدا ف حضنها ومن كتر العياط نامو مش حاسين بأي حاجه
عدي أسبوع وكل ما مامه داليدا تسأل عليها يرد مصطفي يقولها بتيجي تسأل عليكي بس بتكوني نايمه بس قلب الام كانت والده داليدا حاسه إن بنتها فيها حاجه بتوجعها بس هي عارفه إن مصطفي بيحب بنته وحيبقى معاها في أي حاجه
خرجت داليدا من المستشفى وروحت البيت بقت أحسن كتير حتي بقت مستعده للوقت إللي حتشوف فيه يونس إللي دبحها
طلع مصطفي لداليدا
داليدا. اتفضل يا بابا
مصطفي. حعطلك عن حاجه
داليدا. لا أبدا يا بابا اتفضل
مصطفي. حبيبتي أنا عرفت إللي حصل معاكي وعلشان نخلص من القصه دي آنتي ويونس لازم تتجوزوا
داليدا بصدمه. إزاي بس يا بابا
مصطفي. يونس معاه ورقه عرفي يعني آنتي دلوقتي مراته نصلح بس الاوضاع المتلخبطه دي وبعدين نشوف حنعمل إيه
داليدا. إللي حضرتك شايفه يا بابا أنا موافقه بس بشرط ورقه الجواز العرفي تتقطع قبل كتب الكتاب والطلاق بعد ٦ شهور
مصطفي حقك يا بنتي مش حقدر الومك
وافق يونس علي إللي داليدا قالته لإنه واثق إنه بعد الجواز حيقدر يقنع داليدا بحبه
عدت فتره علي علي خروج داليدا من المستشفى كانوا مشغولين ف التحضيرات لكتب الكتاب وكانت داليدا بتروح تزور والدتها والدتها علي الرغم إنها مبسوطه إن بنتها حتتجوز وحتتطمن عليها قبل ما تموت إلا إن قلبها كان مقبوض كانت خايفه لكن من غير سبب واضح
ف يوم كتب الكتاب والفرح كان كل حاجه جاهزه وقبل الفرح بساعه قال صحفي ف برنامج علي التليفزيون إن زواج رجل الاعمال
يونس ما هو إلا للتغطيه علي فضيحه كبيره وطبعا زي ما إنتم عارفين إن الفضايح بتنتشر بسرعه الريح شافت داليدا الخير إللي نزل علي كل الفضائيات مش بس داليدا إللي شافته دا كل الناس وكانت فضيحه
طلع يونس يجري علي اوضه داليدا إللي شافها واقفه ادام التليفزيون ودموعها نازله علي خدها أخدها ف حضنه وهمس ف ودنها م تخافيش آنتي مراتي أنتي حبيبتي أنا ح عاقب كل إللي اتسبب ف إللي حصل النهارده ده
نفضت داليدا أيده من عليها وعنيها كلها حزن ودموع وغضب ف اللحظه دي كانت والدتها واقفه علي الباب وشافت الخبر م ستحملتش الصدمه ووقعت نقلوها علي المستشفى لكن كان الوقت فااات
خرج الدكتور من غرفه العنايه و علامات الحزن علي وشه
الكل جري عليه للاطمئنان علي والدت داليدا
الدكتور. البقاء لله إحنا عملنا إللي نقدر عليه بس أمر الله نفذ
داليدا. لا لا لااااااااا ماما متسيبينيش لا يا ماما أنا ماليش غيرك
جري عليها يونس ولسه حيطبطب عليها وياخدها حضنه بصتله بصه كره وقالت
...............
تفتكرو داليدا قالت إيه ليونس؟
مين إللي نشر الخبر؟
توقعاتكم إيه الحلقه إللي جايه
ولكم مني كل الاحترام والتقدير
سلمي كحله 💎 💎 💎 💎 💎