رفقا بما تبقى مني ..(الجزء الاول " دموع طفلة يتيمة ")

الفصل 7

رواية :رفقاً بما تبقى مني...
الكاتبة:FATIMA Z-F👑
الجزء الأول : دموع طفلة يتيمة
الفصل 7:
الاب: و مالو لهضر معاها اش فيها سمع اولدي نقولك واحد الحاجة اوصانا الله ورسوله على اليتم وأمرنا بالإحسان إليه , والرفق به والعطف عليه ,فقد قال تعالى "و اعبدوا الله و لا تشركوا به شيئا و بالوالدين إحسانا و بذي القربى و اليتامى و المساكين " ومن الاحاديث لي قال رسول الله صلى الله عليه وسلم "أنا وكافل اليتيم في الجنة هكذا وأشار بالسبابة والوسطى وفرج بينهما "
-صدق الله العضيم.
الاب: لكن اولدي هاد ناس مادارو بوصية الله لا بوصية الرسول و مادارو بوجه ولدهم و دابا كيتكرفصو على بنتو كون تشوف هاديك بنت كيف كانت قمر مضوي فسما تبارك الله، ومن ماتو والديها و هما كيحرثو عليها مخافو لا من الله لا من عبدو.
-و مالك الواليد ساكت زعمة راك صاحب الحاج محمد يا حصرة علاش متهضرش معاه و يتكلف بالبنت و لا مقدرش عليها عطا الله الميتم و الجمعيات لي يتكلفو بيها.
الاب:يا ولدي راه هضرت معاه ما مرة ما جوج و تقول واش باغي يسمع شي حاجة لي فراسو هي لي كيديرها.
-لا لا ميمكنش و أنا شفت الحالة ديال لبنت كيف دايرة منقدرش نخليها تم.
الام:اشوف اداك جمع راسك و بعد من صداع مبغينا صداع مع ناس واش هما لي حبابها و هي بنت ولدهم ما عطفو عليها بقينا غير حنا.
-ولكن الوليدة.
الام قاطعاتو: مكاين لا والدة لا والو صافي سدينا الموضوع.
-بعصبية: هانا في بيتي.
بشا طلع دخل بيتو و خلاهم.
-الاب: مالك نتي فمك سخون يا هاد المرا اش بغيتي عند دري.
الام: شوف اداك،انا لي نعرف ليه، مبغينا مشاكل يبشي هو يبدا يهضر معاها تا يلصقو فيه شي منتيف بنت بوحدها و عاطية العين و باينا كبر من عمرها تعطيها 7 سنين ماشي 5سنين، وما عرفتي اش داز عليها وهي ديما ساكتة قالك دوز من الواد الهرهوري ما دوز من الواد السكوتي.
الاب: يا هاد لمرة حشمي على وجهك شوية واش بنت يتيمة ما لها حنين لا رحيم من غير الله و نتي جالسة تسوسي فضهرها يا تقوليها زوينة يا تسكتي، لبنت معدبة و ربي لي عالم بيها من نهار ماتو والديها ما شافت نهار البيض .
الام: مكيهمنيش مهم ولدي هداك و انا حرة فيه.
الاب: سترك يا رحمان، هاني غادي البازار لبقيت مقابلك غادي غير نخرجو العيب. ،
دخل لبيتو و عقلو بقا مع الماس و نضراتها ليه حس بشي حاجة جدباتو ليها و زيد من عرف قصتها زاد بقات فيه كثر و خصوصا كان كيعرف باها سي عبد المغيث كان نعمة الرجل اخلاق وقيم و تسامح و دين كان عزيز عليه و فين ما بشا عند باه البزار كيدوز عند سي عبد المغيث يداكرو فشحال من حاجة وخا سن ديالو صغيرة و لكن عقلو كبير و كيبغي يتحدث مع ناس فبزاف المجالات و كان كيلقى هادشي فسي عبد المغيت و كيهضر معاه بزاف و كان كيعرف تا ام الماس بقا كيتفكر و ذكريات كديه و تجيبو تا ناض دوش و هبط لعند الام ديالو.
-هاني خارج الوالدة غادي ندوز البزار عند الواليد.
-وخا الله ارضي عليك.
-امين، خرج بشا تلقا مع شي صحابو دار معاهم شوية و داز عند باه البازار شاف سلعة لي تم و خرج يرجع لدار بان ليه بزار ديال لحاج محمد بقا كيشوف فيه و جات فعقلو الماس.
كمل طريقو بلا ميلاوح سلام على الحاج محمد لي بقا غير كيشوف فيه و هو يضور عند واحد من ولادو
-لحسن هداك ماشي ولد الحاج عبد لكبير
لحسن: بلاتي نشوف (صغر عنيه و بقا كيشوف) والله الا هو سيف دين ولد حاج عبدلكبير تبارك الله كيف كبر تجبد عليا كاع.
الحاج: اوا ملف فين ما يجي كيدوز يقول سلام ، دابا شتو داز و هو كيشوف فالبزار مقال لا سلام لا والو.
الحسن: اوا لولاد هما هادو تا نتا راك عارف ولدي نوفل كبر منو غير بعام مكنشوفو تا كتحط الماكلة.
الحاج :على زين ترابيك كون راجل وحرش الهضرة فيه قبل ما يولي يلعب فوق ضهرك،
لحسن: اودي الحاج هذاك فاتني فطول ما بقات تصلاح فيه تربية