بعد صدمه بطله القصه إن والدها لسه عايش
خرجت داليدا بتجري من الاوضه محدش عرف يلحقها وقفت ادام باب الاسانسير من كتر الدموع مكنتش شايفه إللي خبطت فيه ووقعت علي الارض ولسه بتقوم وهي بتمسح دموعها بصت وبرقت جامد في إللي خبطته وكانت الصدمه علي آلأتنين
وهما الاتنين ف نفس واحد إنت آنتي
كان يونس في شده غضبه أول ما أتعرف عليها بصلها من فوق لتحت بصه استهتار وقالها
مش تفتحي ولا آنتي ماشيه تخبطي ف الناس أنا أصلا من ساعه ما شوفتك وأنا مش مرتاحلك أكيد جايه تدوري عليا علشان ترمي بلاكي عليا آنتي مش أول ولا حتبقي آخر وآحده ممكن تحاول ترمي نفسها عليا بس أحب اقولك إن اشكالك لايمكن تهز فيا شعره وآحده ملكات جمال اترمو تحت رجليا مش معقول ابص لواحده عاديه زيك و.....
حيلك حيلك إيه إنت بالع راديو وقال البنات بيرغو كتير اومال إنت بقي تبقي إيه دا الراديو بالنسبهليك هادي وبعدين إنت مين أصلا علشان ابصلك يا بتاع إنت وبعدين اجري وراك إنت دي تبقي الدنيا جابت أخرها دا أنا أكيد نايم وبتحلم بس أحسن لك متحلمش بيا لأني حبقي كابوسك وغور بقي من وشي علشان أنا أصلا معايه شهاده معامله أطفال يعني لو مخفيتش من إدامي ممكن ارتكب جنايه
(وعلي الرغم من طوله لسانها وحدته إلا إنه كان معجب بيها من جواه ومش عاوزها تعرف إنه معجب شكلها الطفولي عيونها و برائتها ملامح وشها إللي عمره ما شاف ف جماله لون شعرها إللي سحره وطبعا لسانها إللي لحد دلوقتي مقابلش بنت زيها وعلي الرغم من وسامته الشديد مترمتش تحت رجله زي بنات كتير ودي آكتر حاجه شدته ليها وقرر يعرف مين البنت دي ولسه حيرد عليها ظهر مصطفي).........
إيه في إيه بس يا داليدا مالكم يا أولاد إيه المشكلة
إسمها داليدا إسمها جميل لايق عليها بس غريبه بابا يعرفها منين وبيتكلم معاها علي إنه يعرفها من زمان بس أنا آول مره اشوفها أو اسمع عنا لا لا لألألأ دا لغز كبير لازم أحله حكايتك إيه يا داليدا هانم
مفيش حاجه حضرتك سوء تفاهم لو سمحت عاوزه امشي مش عاوزه أتكلم في أي حاجه خالص ويا ريت تنسي أي كلمه من إللي قولتها أنا أصلا مش مصدقه إن بابا لسه عايش بابا مات من زمان من ساعه ما فتحت عنيا لقيتني أنا وماما لوحدينا من غير سند ولا ظهر من غير حمايه وامان إللي يسوي وإللي ميسواش طمعان في ماما ولما كبرت بقو طمعانين فيا ماليش حد اشتكيله لما يضيق بيا الحال لما أكون عاوزه اشكي ببص ل أمي واسكت مقدرش أتكلم مقدرش أقول حاجه كفايه أصلا إللي هي شايلاه و......
لسه حتكمل لقت مصطفي بيقاطعها وبيقولها تعالي معايا وأنا حفهمك كل حاجه صدقيني ح تعذريني الظروف كانت اقوي مني تعالي معايا
شدها من أيدها وخرجو بره ال مستشفي ويونس واقف مش فاهم حاجه خالص متنح من صدمه إن والده له علاقه بالبنت إللي زي نور الشمس دي إل وحيده إللي خلت عقله مشغول بيها
خرج مصطفي وداليدا بره ال مستشفي ورحو كافيه شيك وطلبلها عصير ليمون وطلب لنفسه قهوه مظبوط
ها اديني سمعت كلامك وجيت معاك احكي بس اختصر معنديش وقت للكلام إللي مش مستعده اسمعه أصلا
ابتسم ابتسامه سعيده داليدا إستغربتها بس هو فهم معني بصتها وقالها نسخه من والدتك كانت زيك كده وهي ف سنك كانت جميله ورقيقه بس إللي يقرب منها تاكله مكنش حد يجرؤ يقرب منها إلا أنا دوبت فيها عشقتها مو أول نظره مت ف ضحكتها وشقاوتها عشقت ضحكتها و برائتها حبيتها بكل شكل ليها اتجوزتها وأنا ف آخر سنه ف الجامعه كانت هي لسه ف سنه أولي حبينا بعض واخر السنه بعد امتحاناتها اتجوزنا عشت معاها احلي أوقات حياتي مكنتش تعرف إن أهلي أكبر عيله ف البلد باختصار مكنتش معرف حد بشخصيتي إلا صديق واحد بس لإنه كان من عيله كبيره واتفقنا إن محدش يعرف حد أي حاجه عن أهله والموضوع ده سر وفضل كده لحد ما شوفت مامتك و وقعت ف حبها
ولما اتجوزنا بحوالي ٦ شهور اختفت دورت عليها م لقيتهاش ف أي حته كنت مموت نفسي ف الشغل مش عاوز أفكر تعبت من كتر التفكير و فيوم رجعت من الشركة متأخر سمعت بابا وجدي بيتكلموا وكان الكلام علي مامتك وإن جدي عرف إزاي يخرجها مت حياتي وإن خلاص مبقاش ليها وجود قريب مني سمعت أنا الكلآم ده محستش بنفسي إلا وأنا بفتح الباب بعنف جامد وبقولهم حرام عليكم أنا كنت زعلتكم ف إيه دي فرحتي الوحيده دي الحاجه إللي كنت عايش علشانها حاولت أعرف هي فين بس فشلت وحاولو يفهموني إنهم زغللو عين ماما بالفلوس وهي وافقت علي طول وعلي الرغم إني متأكد إن الكلام ده مستحيل إلا إن ساعتها الشك دخل قلبي
حبست نفسي ف الاوضه أسبوع من غير أكل ولا شرب ولا نوم إلا قليل جدا كنت قادر أعيش بالعافيه روحي كل يوم كانت بتروح مني وبعد فتره طويله كنت لسه بدور علي مامتك وف يوم بعد سنييبن طويله بعد وفاه جدي ووالدي كان المرض ذاد علي ماما خلت الشغاله تنادي عليا من اوضتي إللي كنت تقريبا مش بخرج منها إلا لو في حاجه ضروري جدا روحت ل أمي إللي بصتلي وقالتلي علي الرغم إن أنا مش موافقه علي علاقتك بالبنت دي لأنها مش من مستوانا إلا أن أنا عارفه أنا اد إيه دقيق ف اختيارك واحب اقولك إن الكل أللي قالو ليك والدك وجدك إنهم بعدوها بالفلوس كان مش صحيح هي مشيت علشان تحافظ علي الجنين إللي كان ف بطنها أنا مش عارفه هو بنت ولا ولد بس أنا زورتها وكانت لسه ف بدايه حملها كانت تعبانه كنت ببعتلها فلوس علشان تساعدها علي المعيشه كانت بترفض
نقلت حيتها و كليتها لمكان تآني وفهما كل إللي حواليها إن جوزها مات ف حادثه عربيه بره مصر ومالهاش أهل قريبين وعي عايشه بعيده عنهم علشان شغلها و كليتها كنا وآحده بالها منها من بعيد ل بعيد لحد ما خلفت بنوته أجمل من القمر شبهك وإنت صغير قلبي اتخطف لما شوفتها أنا أول وآحده شالتها قبل مامتها وأنا إللي روحت سجلتها علي إسمك مكنتش محتاجه DNA علشان أعرف إذا كانت بنتك ولا لا خلي بالك منها ومن والدتها إللي مخلتيش راجل يدخل حياتها غيرك
وبعد وفاه ماما كنت مصدوم صدمتين الاولي إن ليا بنت معرقش حتي شكلها والتانيه إن أمي ماتت وكانت شايله جواها حمل كبير وذنب أكبر إنها حرمتني من وجود بنتي ف حياتي
دورت عليكو كتير لحد ما فيوم دخل المسؤول عن البحث عنكم وفعلا لقاكم شوفت مامتك كان الزم ماخدش منها أي حاجه لسه زي ما هي لسه إحساسي بيها متغيرش برضه قلبي اتخطف مني أول ما شوفتها بس إللي لفت نظري غير مامتك آنتي إللي كنتي ف أولي ثانوي فضلت مراقبكو من بعيد لبعيد حاولت أتواصل مع مامتك بس كانت بترفض تقابلني حتي والنهارده كنت هنا ف المستشفي إللي مامتك بتشتغل فيها وقررت خلاص أنا مش قادر آكتر من كده علي بعدكم كفايه كده بعد لازم تعيش العيشه إللي تستاهلها واعوضكم عن سنين أنا مكنتش موجود فيها ف حياتكم
بس وقعت وقررت انقلها المستشفي بتاعتي ولاول مره أعرف إن أنا ممكن أفقدها بعد ما خلاص قلت حرتاح من تعب البحث عنكم. سامحيني يا حبيبتي خليكو جمبي
كانت داليدا تمسح عيونها من الدموع للدرجه دي مامتها وباباها اتعذبو بس مامتها ليه قالت إنه مات مقالتش ليه أنو مسافر ليه مات دا سر برضه لازم تعرفه من مامتها
قامت داليدا وسط حيرتها اللي كانت بسببها مش عارفه تفكر زي إللي يكون مخها أتوقف عن التفكير مش شايفه غير حاجه وآحده ادامها الحقيقه فين يا ماما عاوزه أعرف ليه عملتي كده
خرجت داليدا من الكافيه وراحت المستشفي عند مامتها علشان تعرف منها الحقيقه الكامله والسبب الحقيقي إللي خلاها تعمل كده
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
يا تري ليه مامه داليدا حبت عليها وجود والدها؟....
ليه قالت إنه ميت مش مسافر يعني يمكن يبقي في أمل ولو حتي بسيط إنه يرجع ؟...
إيه رأيكم ف البارت بتاع النهارده
عاوزه رايكم و توقعاتك وفوووت كتير
لكم مني كامل الاحترام والتقدير
سلمي كحله 💎 💎 💎 💎 💎