Lily
Kai's P.O.V
Шөнө дунд 2 цагийн үед утас тасралтгүй дуугарсаар намайг гүн нойрноос минь сэрээв.
Утсаа аваад 3,4 секунтын дараа Жүхёны хэлсэн хэдхэн өгүүлбэр намайг шокын байдалд оруулах нь тэр.
Ахин хэдэн секундийн дараа би орноосоо годос хийн босоод түлхүүрээ аван шууд л эмнэлэг рүү зүглэлээ.
Нэг л мэдэхэд эмнэлэг дээр ирэн гүйсээр төрөх тасаг руу очиход баргар царайтай Сэүн, Жүхён хоёр намайг тосч авав. Би шууд тэднийг яагаад ийм баргар царайтай байгааг нь асуухад Сэүн
-Ус нь гараад их удсан учир эмч урагт их аюултай гэж хэлсэн..
түүний хэлсэн ганцхан энэ өгүүлбэрт би шууд л доош сөхөрч суун бурханд залбирч эхлэв.
Хаалганы цаана Жэннигийн чангаар орилох сонсогдоход өөрийн эрхгүй уйлмаар санагдана. Хэдий эр хүн ч гэсэн уйлж болохгүй гэсэн хууль дүрэм байхгүй биз дээ.
Цаг хугацаа явсаар л хэдийн 10н цаг өнгөрсөн ч Жэнни төрсөнгүй. Санаа зовж байна. Яах ёстой вэ?
Анх жэнниг харж байсан мөч нүдэнд минь үзэгдэж бидний гэсэн жаргалтай дурсамж хором мөчүүд бодогдоно.
Анх танилцсан өдөр
Анхны болзоо
Бидний үерхэл
Анхны тэврэлт
Анхны үнсэлт
Хуримын өдөр
Бал сарын аялал
Анхны шөнө
Шөнийн болзоо
гэх зэрэг дурсамжтай өдрүүд, хором мөч бүхнийг бодон суухдаа би нүдэндээ нулимстай чигээр инээмсэглэв. Бид хамтдаа жаргалтай байсан. Гэхдээ бид үүрд хамт байх хүмүүс биш байж ээ. Бидэнд үүрд хамт байх хувь тавилан байсангүй. Бид салсан..
Тэр энэ өрөөнд орсноос хойш хэдийн 12 цаг өнгөрч би улам ихээр сандарж тэвдэж эхлэв. Бид салж тусдаа амьдрах болсон ч гэсэн тэр миний хүүхдийг төрүүлэх гэж байна шүү дээ . Хэдий миний бие зүрх сэтгэл түүнийг Жон Сүжон гэх эмэгтэйгээс илүү хайрладаггүй ч гэсэн түүнийг гэсэн хайр надад, миний зүрхэнд маш их бий.
Бурхан минь тэднийг минь надад зүгээр гэж хэлээч. Жэннигийн орилж хашгирах дуу улам суларч хоолой нь ч бараг гарахгүй байна. Түүний минь орилон уйлах хоолойны өнгөнөөс харахад маш их сульдаж ядарсан гэдэг нь илт.
Ахин 1 цагийн дараа Жэнни огцом маш чангаар орилсоор хоолой нь тасалдахад би шууд л хаалганд чихээ наан чагнаад удаа ч үгүй нярайн уйлах дуу тэрүүгээр нэг хадав.
Нулимс урсан гарч би өөрийн мэдэлгүй инээмсэглэж баярласандаа Сэүн, Жүхён 2той тэврэлдэн зогсоно. Би ингээд л аав болчихлоо. Ямар их догдолж, сандарч, баярлаж буйг минь та нар мэддэг ч болоосой. Миний аав ч бас намайг анх төрөхөд ингэж их баярлаж байсан байхдаа.
Ахин нэг айдас намайг нөмрөн авч би сая төрсөн хүүхдээрээ ирээдүйд ааваа гэж дуудуулах эрх байхгүй гэдгийг санав...
"Ким Жэнни 3кг100гр охинтой боллоо баяр хүргэе"
гэж эмчийг хэлэхэд бүгд л инээмсэглэн ургийг харахыг хүснэ.
Эх баригч эмч ганцаар гарч ирэн бидэнтэй яриа өрнүүлж байтал төрөх өрөөнд үлдсэн сувилагч нар ЭМЧЭЭ гээд хашгирахад эмч эргэн гүйгээд оров.
Бид сандралдан юу болсныг гайхан эмчийн онгорхой орхисон хаалгаар шагайн харахад дотор хүмүүс гүйлдэн бужигналдаж байв. Эмч 1,2,3 гээд Жэнниг аппаратаар цохиулж эхлэлээ.
Үүнийг харсан бид шууд л айдаст автав. Бурхан минь гэж. Жэнни чи аврагдах болно. Дөнгөж төрсөн энэ нялх амьтан ээжгүй үлдэх юм биш биз дээ? Үгүй гэж хэлээч!
Хэсэг хугацааны дараа эмч нэг л баргар царайтай гарч ирээд "Ким Жэнни нас барчихлаа. Нас барсан цаг 15:42 минут" гэхэд миний зүрх тэр хэсэгхэн хугацаанд зогсох шиг л болов. Болж байгаа бүхэнд итгэж чадахгүй нь. Бурхан та дэндүү харгис юм надаас болж тэгж их зовсон байхад яагаад түүнд өөрийн охинтойгоо жаргалтай амьдрах боломж олгоогүй юм бэ?
*******************************
"Жэнни хайрт минь намайг уучлаарай. Хонгорхон чамайгаа үүрд хайрлаж чадаагүйд. Над шиг залууг эцсийн амьсгалаа хүртэл хайрлаж байсанд баярлалаа. Энэ насандаа би чамайг үүрд хайрлаж чадаагүй ч гэсэн хойд төрөлдөө чамайг заавал хайрлахаа амлаж байна. Анх аав болох ямар байдгийг мэдрүүлж өөртэйгөө адилхан хөөрхөн охин төрүүлж өгсөнд бас л баярлалаа. Би охиныг маш сайн өсгөх болноо. Амлаж байна. Дараа төрөлдөө зөв цаг үедээ ахин инээмсэглэсээр ахин учирцгаая. Тэр үед харин би чамайг ахин орхихгүй ээ. Амар амгалан тайван нойрсдоо Хайрт минь. "
*******************************
"Хатагтай Жэнни Ким таны үр тогтоох чадвар ердөө 10%. Үр тогтсон ч эрүүл хэвлийдээ бойжих нь юу л бол."
Хэдий хүүхэд хэвлийдээ эрүүл бойжиж төрсөн ч бурхан үүний төлөөсөнд нь эхийг нь авч оджээ.
————————————————
A/N
За ингээд дутуу дульмаг зохиолтой минь хамт байсан та бүхэндээ баярлалаа. Үнэндээ та нар кристалыг муу хүн биш сайн хүн гэх талаас нь харж үзээрэй. Энэ өгүүллэгийг бичих явцад хүмүүс их урт бичээрэй гэж хэлж байсан. Гэхдээ анхнаасаа богино хэмжээнийх учир ингэж бичсэн шүү. Хэдий удаан хүлээлгэн байж оруулж байгаа ч гэсэн тэвчээртэйгээр хүлээж өгсөн идэвхтэй уншигчиддаа маш их баярлалаа😊💜💜