الحَلقـة 13
التـفاعل جداً بدي اضعيف ، فَ مش عارفـة بنكمل الروايـة ولا بنوقفها 💚
خلولي تعليقاتكم
___________
عنـد عمر طلـع من الحوش ومشي للمستشفى لبس دبش العمليـات عنده عمليـةة 💚
مُعـاد : ها شن ي عمر نبدو ولا مزال شويا ؟
عمر : تعال نشوفـه
خشو للمريض في غرفة العمليات كان مزال مش متخدر
عمر : صباح الخير شن حالك
المريض : الحمدلله شكراً دكتور
عمر : كيف تحس ف روحك توا جاهـز للعملية ؟
المريض : بأذن الله خايف شويا
عمر أبتسم : معليشي مش حتحس بشيء العملية بسيطة بأدن الله ناجحـة " العملية مش بسيطة لكن قال هكي باش ينحي الخوف من قلبه "
المريض أبتسم
عمر : ها شن نبدو ؟
المريض : اي
عمر : ي ممرضة استدعي دكتورة التخدير كيف مش موجودة هني ؟؟
الممرضة : حاضر دكتور
معاد مشي بدل ولبس الكمامـة
شوي وجت الدكتـورة أسمها نـور لطيفة جداً 🌸
نور : صباح الخير شن حالكم أسفة ع التأخير معليش
عمر بدون مايشبحلها : ماصار شي التحاليل عندك أعتقد والمفروض قريتيها ان المريض عنده القلب يعني مفروض تكوني عارفـة شن الجرعـة الي بياخدها
نور : أكيـد أي
مُعاد كان هايم فيها وعمر لاحظ ف أبتسم
نور وتت الجرعـة وضربتها
المريض : ايدي توجع ي دكتور
عمر بدي يسرحله ف إيده : هدا من المخدر شوي ويمشي
ثوانـي وصكر عيونـه ومعاش حس بشيء
عمر بدي ف العمليـة ومعاد معاه وشوي ممرضات ونور قاعدة لان لازم تحضر كل العملية لان هي مسئولة عن الإنعاش ولو صار اي خطأ ف ح تاخد كُل اللوم
عمر : المشرط
الممرضة مدتله
عمر : معاد امسك شوي من هني
معاد : عمر خيرك متوتر كأنك اول مرة دير عملية صعبـة !
عمر سكت وتابع شغـله
مرت خمس ساعات وعُمـر ف العمليـة وكان تعبان بككل لكن الحمدلله نحجت العمليـةة 💚
طلعو الدكاتـرة ومشو للكافي خدو قهـوة وقعمزو ونور معاهم
ويهدرزو
شوي وجت ياسمين وجهيـنة
ياسمين شافت نور كيف مقعمزة جنب عمر ويضحكو طارتلها
جهينة فهمت : تعالي نشوفو أمتا بيدربونا باش نبدو دوام
ياسمين : هي
عمر شبحهم من بعيد ف جي
عمر : خيركم شن فيه ؟
ياسمين : اعتقد اني متخرجة من الطب
عمر : خيرك ؟
ياسمين : ماخيرني شي امشي قعمز معاها اعلاش جيتني
عمر شدلها يدها : تعالي معاي
ودخلها لمكتبـه
ياسمين : عمر شن تبي
عمر : نبييكك انتِ ❤️
ياسمين : أي صدقتكك
عمر : ورحمـة أمي الي ماعندي أغلى منها نحبك ونبيك
ياسمين : به من هادي
عمر بدي يمسح ع خدودها : هادي ي قلبي دكتورة تخديـر شاطرة زيـكك ، ولما تبدي ف الدوام ح نخليك أنتي مععاي ❤️
ياسمين : به خلاص
عمر : غرتي علييا
ياسمين : اييي ❤️
عمر باس جبهتها : ربي يخليك ليا ولا يحرمني منك
ياسمين : نحببك
"يكبروا الناس مع كل شمس تشرق ،
وانا يكبر قلبي بـحبي ليك 🖤 ."
سجلنا انا وجهينة وقالولنا تعالو بعد غدوا 🖇
روحت لحوشنـا لقيت خالتي وماما وجارتنا كريمة وبناتها
أنا : اهلا اهلا وسلمت عليهم
رنيم : وينك يابنت ماتعدليش بككل
انا : والله سامحيني حقك عليا مافضيتش بكل
رنيم : عادي عادي عارفة ، مبروك النجاح 😍
انا : الله يبارك فيك حبيبتي تسللمي
لين : مبروك سوسو
انا : عقبالك يارب 😍
لين : امين لكن شكلي مزال مطولة 😂
انا ضحكت : كلنا طوولنا اني لتوا مش مصدقة فتكيت
رنيم : اي والله عداب مابعده عداب ، نشوف ف بنت خالتي كانت تقرا طـب تعددبت
انا : اي والله مانحكيلك
رنيم : الحمدلله كله يهون لما تشوفي شهادتك
انا : بالـزبط الحمدلله تحسي تعبك كله مامشاش ع الفاضي 💛
نورس جت : السـلام عليكم وسلمت عليهم
أنا : هادي بنت خالتي أسمها نورس
هدرزنا ودرنـا قهوة وكيكـة ومشينا الـوقت 💛 رنيم ولين كانو خفيفات ع القـلب 💛
_______
في الليـل عنـدي أنـا : ماما نبي نهدرز معـاكك ف موضوع
ماما : تعاللي يا بنتي ان شاءالله خير
أنا : والله مش عارفـة منين نبـدا
ماما خنست : الموضوع فيـه ولد ولا
أنا تحشمت : هئحم اي 😬
ماما : من هو ؟
أنا : عمر خو جُهينة يبي يخطبني وقالي بعد غدوا
ماما : عمر راجـل وماشاءالله عليـه ولد كويس ومُحترم لكن خالـك غدوا جـاي وبناخدو رايـه
أنا : ماما انتِي عارفة علاقتنا مش كويسـة معاه
ماما : به يابنتي شن بنـدير لا عندي راجل لا أب لا أخ حنين ، لازم نقولـه ع الاقل يسأل ع الولد
انا : تمام حبيبتي وبستها ع خدها : تصبحي على خير
ماما : وانتي بألف خير ياروحي ، ♥️
في خاطرها " بنتي كبرت وبتتزوج ودمعو عيونها ربي يتمملك على خير وربي يفرح قلبك يارب ♥️
وناضت رقدت
عندي انا في داري رن عمر
أنا : اهلاا
عمر : يا هلاا بحيـاتي ♥️
أنا أبتسمت : نحببكك
عمر : انا مانحبكش أنا نعشقـكك يابنت شن درتي فيا
أنا : الجملة الشهيرة متعكم 😂
عمر : وانتِي شن عرفـك بشن يقولو ؟
أنا : لالا ماتشميش لبعـيد لكن نعرف يعني 😂
عمر : حتى انا مش ماشي لبعـيد قاعد معااك ♥️
تعرفي ماخطرليش بككل أنا نحبكك ولا نحب أصلاً
حقااا من هداكا العيـل الي كان يضايق فيكك ؟
أنا : هدا ولد خو زوج ماما ، كان يبي يتزوجنني
عمر تعصب لكن كان إيبين روحه عادي : اها وانتي كلمتيـه ؟
انا : لا عمر ومستحيل مانحباش بككل هو أي شي حرام يدير فيـه
عمر : المهم فكينا منـه مش حيجي شورك بكل ، قلتي لـ أمك عليا ؟
انا : اي قالت يجي خالك غدوا ونسأله
عمر : إيااه يعني في أمل مايوافقش !
انا : ممكن 😂
عمر : تي بناخدك يععني بنـاخدك وح نككسر كُل العادات !
انا : بككل عداتنـا متع ماتاخد واحـد عربـي انا من زمان مش مقتنعـة بيها
عمر : حبيبتي الشاطرة 😂 أستحشتك راه♥️
وكملـو هدرزة لين رقدو
عند جُهينة وعمار ♥️
عمـار : وأخيـراً غـدوا ح نديرو أول خطـوة ف علاقتنـا 💍 ليا من زمان نستنى ف هـ اللحظـة
جُهينـة : أي الحـمدلله ربي يجمعنا بـ الحـلال حبيبي
عمـار : بـه كيف عُمر لتوا ماقالش لـ بـوكك أنا مستغرب
جهينـة : عمر في حاجـة ف راسـه شكله
عمار : خـوك هدا بيهبلني وراه
جهينة : 😂😂😂 حقا مشيت للمستشفى اليوم مالقيتكش !
عمار : خيرك حبيبي شن فيك ؟
جهينة : انا دكتورة ي عالـم 😂 جايـة نبي نسجل بيدربونا شويا انا وسوسو بعدين نبدو دوام
عمار وهو مش عاجبه : اها بتدي دوام قصدك
جهينة : اي خيرك نبرة صوتك تغيـرتْ
عمار : لا شي حبيبي فوتـي
جهينة : حبيبي هـدا شـغلي وقرايتي يلي تعبت عليها سنين 🙈
عمار : نعرف ياروحي مش حنحرمـك من شي ومن حقكك بس تعرفيني نـغار لكن ح تكوني قـدام عيني ♥️
جهينـة : نحبـك أنتَ عوضي من الله ♥️
_________
في الصـبح عندي كنت مـرتاحة وفرحـانة جداً🤤
"صـوتـه فيهه كميـة راحـة رههيبة ،"
درت فطور وركبت لـداري نبدل انا ونورس
أنـا لبسـت قفطـان مـوڤ طويـل وكان جسمي حلو وأنا بيضـة ونورس دارتلي شعري ودراتلي ميك أب خلتلي الأيلينر والروج عليا الـروج درتـه المـوڤ الهـادي بكـل زي البينـك 💜
أما نـورس ف لبست قفطـان أبيـض مش طويل ولا قصير وفيـه ديـل ولبست علـيه كعب أصفـر يهببل طلع عليها
كملنا وطلعنا
شوي ووصلنـا نزلت ولقيت الببنات يبدلو وجهينة اختارت رغـد تمكيجها مابتش تمشي لمزين 😬
وكانو صحاب عمر وسند ف الصالـة
عمر كان متوتر من بوه بكلل ف مشي لغرفته طق وفتح
عمر : نبي نهدرز معاك في موضوع
بوه : امتا بينا مواضيع ؟
عمر : هئحم انتَ في النهـاية بوي ف مش حنرد عليك ، جهينة اليوم خطبتها ونبيك تكون موجـود صاحبي عمار هو الي....
ماكملش كلامه قطع عليه : ماعنديش دخل بيها تاخد الي تبيه انا طالع من الحوش
عمر جاتـه غصة ف قلبـه وضغط علي يده ومشي
للحمام غسل وجهه وطلع كلم ياسمين
عمر : نبي نقولك حاجة تعالي لداري
ياسمين قرتها وأبتسمت
نورس : شن ي سوسو 😉
ياسمين : بنمشي للحمام شويا 😬 بما أن قفطانها طويل ف على اساس لبست وشاحها لأن كان من فوق مش مستور 😅
مشت طقت وخشت
عُمر كان يشبحلها وساكت
ياسمين : خير حبيبي شن في
عمر : شن بندير فيك توا انا
ياسمين أبتسمت : شن صار في بوك ؟
عمر جاها : مادخليش في بوي توا أنا
وطق الباب
عمر : مايخلوش الواحد يتهنا خشي شويا ممكن واحد من لولاد
وكان مُعاد
عمر : شن تبي ي راجل
معاد كان يبي يخش لكن عمر كان مسكره
معاد : حول خيرك ولا فيـه حد معاك
عمر : معاد امشي
معاد : تي مستحيل مانعرفكش انا تي انتَ خشيت ف الحرام راه معقولة دير هكي
عمر : تي شن تخرف كان بندير حاجة في داري يعني
معاد : امالا من معـاك
عمر : توا نحكليك امشي توا وسكر عليه الباب
معاد : توا نفضحك ي عمر توا تشوف
أنا ضحكت : صاحبك بكلل 😂
عمر شبحلها نظـرة جمدتها 😂
أنا : مش قصدي يعنني 😬
عمر : أطلعي قبل مانغلط ونخش ف الحرام كيف ماقال 😅
أنا : نحبـكك وأنا واثـقة فيكك بسته على خده وطلعت
نهـاية الحلقة 13 🖇