☄ اليوم الثاني ☄
سووا اجراءات الدفن ، وبعد كم ساعه بيتم الدفن لثلاث اشخاص ( محمد ، الام ، الاب ) .
كان اكثر واحد منكسر فارس ، فقد امه و ابوه وصديقه بيوم واحد .
****************************************************************************
🐚 تحت 🐚
كان صوت البكى مالي البيت ، و لون الحزن ساكنه ، كان لبسهم عباره عن سواد يعبر فيه عن حياتهم القادمه .
نزل رائد من فوق واهو لابس ثوبه وشاف وضعهم وتنهد بهم واهو يحاول يتماسك ، نزل وقعد قبال خواته يراقب حالتهم اللي ما كانت احسن من حالته .
نزلوا الباقي ، فارس ، فهد ، سامي ، احمد ، تركي ، زياد ، خالد ، يوسف ، حمد و قربوا منهم .
رائد بحنان وبهدوء : صلوا على النبي ، هذا امر الله .
هيا بين دموعها وشهقاتها : ياريت انا اللي امت واهم اللي عاشوا .
تركي بحزن : هيا .
هيا لفت تطالعه ، رق قلبه تركي على حالها ونزل راسه وتنهد .
ندى بين شهقاتها : آهئ ، اشلون بنعيش ، اشلون بتكون حياتنا ؟ ها ؟ ، انا بكل مكان اروح اشوفهم .
فهد واهو متماسك : حبيبتي انتي اهدي ، بنعيش والله بنعيش .
سديم وقفت وسط اخوانها ودموعها تطيح : بس انا منكسره يا اخواني والله منكسره .
خالد قرب منها وبحنان : ما عاش من يكسرك وانا موجود .
سديم وعيونها بعيون خالد همست بين دموعها : البنت بدون ابوها تنكسر ، وانا صرت بدون ابوي يعني انكسرت .
خالد ما تحمل ونزلت دموعه .
فارس اخذ نفس ورفع راسه لفوق يمنع دموعه تطيح .
رائد وقف وراح لسديم اخذها بحضنه وباس راسها : اذا ابو رائد راح فرائد موجود ، لا تنزلين دموعج يا ريحتهم انتي ، احنا معاك ، احنا ظهرك .
سديم تعلقت فيه وبكت بقوه وطلعت شهقاتها .
يوسف نزلت دموعه ، وحمد مثله .
فهد سحب خالد لحضنه اللي طلعت شهقاته .
زياد كان منكسر قلبه على حال زوجته .
تركي كان سرحان يتذكر الحمل اللي توكل عليه ، يتذكر الوصيلة اللي جات في رقبته ولازم ينفذها .
زوز كانت تراقب فارس ، فارس حس بنظراتها ، زوز نطقت كلام بعيونها وفارس قراه ، نطقته له انا جنبك ، و فارس تلقاها .
****************************************************************************
طلعوا وتوجهوا للمستشفى عشان يستلمون الجثث لاجل الدفن ، تمنوا انه هالموضوع مو واقع ، تمنوا انه مقلب من اهلهم و انه اول ما يوصلون بيتلقونهم بضحكتهم ويقولون لهم مقلبناكم .
وصلوا و استلموهم و توجهوا للمقبره و اهم بكل خطوه كان فيهم ذره امل ان اهم يصحون ، كانوا يتمنون معجزه تصير و يرجعون للحياه ثانيه ، كانوا يقولون للحين انه هذا مقلب ، لكن مو كل التمني يتحقق .
ايقنوا انه واقع وتلقوا الصدمه صح لمن شافوا التراب يتغطى عليهم و يتسكر القبر ، هنا تأكدوا انه مو مقلب ، هنا تلقوا الحقيقه المره اللي كان عقلهم يصدقها وقلبهم يرفضها ، هنا ثبتت لهم الحياه انها بتتغير ، هنا اخذوا صفعه من الحياه تصحيهم من تمنيهم ومن كلمه يا (ليت) ، هنا حسوا بكل المشاعر اللي ما يتمنونها ( يتم ، حزن ، فقد ، ألم ، كسره ، غربه ، شوق ، حسره ، ندم ) كل شيء .
خلصوا من الدفن و الكل مشى بقوا وحيدين .
خالد طاح على قبر امه وابوه وصوت بكاه ارتفع .
يوسف وحمد قعدوا جنبه واهم يكتمون شهقاتهم .
زياد قرب من رائد وحط يده على كتفه وهمس : وكل الله .
رائد واهو يتماسك همس : لا إله الا الله ، مادري شبسوي ، المسؤوليه صارت علي يا زياد .
زياد واهو يطبطب عليه : انت قدها .
رائد واهو يراقب خالد و حمد ويوسف : اخاف ما اكون قد هالثقه .
زياد يطالع مكان ما يطالع : لا قدها صدقني ، ما قصرت بحياتهم ولا بتقصر واهم بقبرهم .
فارس وفهد طالعوا ببعض وراحوا لاخوانه .
فارس نزل لهم وبحنان : قوم حبايبي خل نرجع .
خالد بين دموعه صرخ : لا خلوني عندهم ، مابي ارجع .
فارس رفع حمد عنه وقعد جنب خالد وبحنان : لا تسوي بنفسك كذا يا خالد انت رجال مؤمن ، وترضى بقضاء الله وقدره .
خالد يطالعه ودموعه تنزل .
فارس اخذ نفس يتماسك فيه وحط يده يمسح دموعه : لا تضعف ، انت الحين قوة خواتك ، خواتك يتعبون اذا شافوك ضعيف ، اهم الحين يحتاجونك يمهم .
خالد ارتمى بحضن فارس ورجع يبكي .
فارس عيونه صارت تلمع ويطالع برائد .
فهد ماسك حمد اللي مغطي وجهه بين ايدينه ويبكي .
رائد نزلت دمعته ومسحها بسرعه لكن انتبه لها فارس وسامي واحمد و تركي .
رائد تنحنح وهمس بصوت مبحوح : يلا بنرجع البيت عشان نجهز للعزاء العصر ، انا انتظركم بالسياره .
فارس رفع خالد : قوم معاي قوم .
فهد مسك حمد ومشى معاه .
و احمد اخذ يوسف ومشوا للسياره .
كان الصمت بالسيارتين سيد الموقف .
سياره سامي كان معاه حمد ، فهد ، رائد ، و زياد .
سياره تركي معاه خالد ، فارس ، يوسف ، احمد
خالد كان يراقب النافذة وكانت دموعه كل اشوي تنزل بصمته ويرجع يمسحها وتنزل .
فارس كان قاعد قدام ومتماسك بشكل كبير وده يوصل بسرعه ويرتمي بحضن زوز ويطلع كل اللي فيه.
وصلوا ونزلوا لقوهم على حالهم .
خالد اول ما وصل على طول طلع لغرفه ولحقه يوسف وحمد .
نوره بين دموعها : ها خلاص ؟ .
سامي تنهد : اي خلاص تم الدفن .
هدى واهي تشاهق : يعني صج ؟ .
نور حضنتها وقامت تبكي بحضنها .
فارس طالع بزوز وهمس بعبره : زوز تعالي ابيك اشوي .
زوز تركت سديم اللي كانت بحضنها وراحت ورى فارس .
رائد قعد بين هدى وندى واخذهم بحضنه وقاموا يبكون فيه واهو يتماسك ، جنان تراقبهم وطاحت دموعها و رائد يأشر لها بانه تمسح دموعها ما يتحمل دموعها .
تركي قرب ومسك يد هيا واخذها معاه .
زياد اخذ سديم .
سامي اخذ نوره .
احمد اخذ نور .
فهد قعد جنب رائد يطبطب على خواته .
****************************************************************************
❄️ بجناح زوز وفارس ❄️
اول ما دخلوا راح فارس الغرفه وقعد على السرير ، لحقته زوز ووقفت قدامه وهمست : شفيك ؟ .
فارس ما تحمل ورمى نفسه بحضنها و قام يبكي بقوه وبشكل يقطع القلب .
زوز شدته لها واهي واقفه .
فارس بين شهقاته : آهئ ، تعبان ، والله تعبان ، ومخنوق احس ماني قادر اتنفس .
زوز اللي تقارم دموعها واهي تمسح على رأسه : اسم الله عليك يا روحي من التعب .
فارس بعد عنها ودموعه بوجه وتكلم وشهقاته تطلع : مادري شسوي ، اخواني منكسرين بجهة وانا بجهة وخواتي من جهة ، آآآآآآخ قلبي يعورني .
زوز جات جنبه على السرير وسحبته لحضنها وخلته ينسدح وراسه بحضنها : فضي اللي فيك يا قلبي ، انا يمك اسمعك ، اشيل تعبك .
فارس زاد بكاه : زوز راحوا آهئ راحوا .
زوز ودموعها تنزل : الله يرحمهم يا قلبي ، راحوا للي احسن مني ومنك .
فارس : اشلون خواتي بيعيشون اشلون ، ما شفتي خالد اشلون منكسر .
زوز واهي تمسح على راسه : بيمر ، والله كل شيء بيمر ، بيعيشون ، مثل ما يعيش الطفل دون ام ، مثل ما يعيش الفقير بالشارع ، الله معاهم ، انتوا موجودين ما تخلونهم .
فارس ضمها اكثر يستمد منها امانه قوه حنان ، وبعد صراع طويل مع دموعه وحزنه والم قلبه غفت عينه من التعب اللي متملكه .
****************************************************************************
💕 عند تركي وهيا 💕
هيا تبكي بقوه واهي بحضن تركي وتركي يهديها .
هيا : بقيت بدون اهل يا تركي .
تركي يبوس راسها : اهدي يا قلبي صلي على النبي ، اهم الحين عند الله يعني بمكان احسن من هني .
هيا : وانا ؟ ليش يخلوني ويروحون وين اروح .
تركي : انتي هني معاي ، مع اخوانك ، كلنا يمك ، كلنا نحميك .
هيا شدت على حضن تركي اكثر .
تركي تنهد واهو يغمض عيونه ويتذكر .
****************************************************************************
( فلاش باك )
اول ما صار الحادث اللي كان عباره عن تصادم عنيف جداً وجه لوجه بين سياره محمد صديق فارس وبين ابو رائد اللي معاه ام رائد ، كان اقرب مركز شرطه للحادث اهو المركز اللي يشتغل فيه تركي ، راح تركي لموقع الحادث وانصدم واهو يشوف سياره عمه ابو زوجته اللي اللي متصادمه مع سياره ثانيه ركض للمكان وقرب من السياره شاف السياره منطبقه عليهم وماهم قادرين يتحركون ابد ، قرب تركي اكثر شاف ابو رائد يأن من الالم وام رائد مغمى عليها والدم يصب بكل مكان منهم .
تركي قرب من ابو رائد : عمي ، عمدي تسمعني انا تركي .
ابو رائد فتح عينه بخفيف وشاف تركي وتكلم بصوت ماليه التعب : ا س م ع ني يا و ل دي .
تركي : عمي لا تتعب نفسك الاسعاف والمطافي بالطريق .
ابو رائد : اسمعني ، ابي اوصيك بوصية اخاف يسرع الموت وياخذني ولا الحق (قام يكح) .
تركي : ارتاح عمي ارتاح ما فيك الا العافيه .
ابو رائد : اوصيك على هيا حطها بعيونك لا تخلي احد يقرب لها اهي بحمايتك ، اوصيك على فارس و رائد وفهد خلهم ينتبهون لحريمهم و عيالهم واهم شيء خواتهم ، بناتي ندى وهدى لا يحسون بيتم ، يوسف ، خالد ، وحمد انتبهوا لهم لا يضيعون وانتوا موجودين ، انا امنت على هيا عندك ، وسديم عند زياد ، و نوره عند سامي ، (قام يشهق بقوه بسبب النفس اللي ينقطع) ، و نور عند احمد ، باقي هدى و ندى ما تطمنت عليهم تراهم بامانتكم .
تركي انكسر قلبه من كلامه : عمي ارتاح ان شاء الله بتقومون بالسلامه .
ابو رائد يكمل : هذي وصيتي لك يا ولدي ، تراها برقبتك ، ا ا ا انتبه لعيالي يا تركي ، انتبه لعيالي يا تركي .
وسكت صوت ابو رائد و قفلت عيونه .
تركي انصدم : عميي ، عمي رد ، لا لا لا تقفل عيونك ، عمييي .
لف على الناس وصرخ : بسرررررررررررععععععه وين الاسعاااااااااااف .
لف على ابو رائد ودموعه تجمعت : عمممييي قوم ، عمييييييييييييييييي .
ملت صرخته المكان اللي متعبي بالناس ، على كثر ما كان يساعد الناس لكن حس انه عاجز انه يقدم المساعده لهم .
وصلت الاسعاف مع المطافي طلعوهم وكان فيهم نبض خفيف ، لقلوهم و راح معاهم تركي وكلم فارس ، لكن للاسف النزيف كان اشد من انهم يتحملون و ماتوا ، ماتت ام رائد بعد ما تطمنت على بناتها بعد ما فرحت ، و ابو رائد راح بعد ما قال وصيته لتركي ، ومحمد ترك فارس بروحه بدون اصدقاء بدون ما يوقف معاه وبدون حتى لا يودعه .
(نهايه الفلاش باك)
****************************************************************************
صحى تركي من سرحانه وتنهد بثقل هم وشد على هيا اللي نامت واهو ما حس فيها لمن كان سرحان .
****************************************************************************
🍂 عند نوره وسامي 🍂
نوره كانت تحس بتعب .
سامي قرب منها : شفيك ؟ .
نوره : حاسه بتعب .
سامي مسكها : من البكي ، لا تغطين على نفسك يا قلبي تدرين انك حامل ، وتذكري خالتي كانت فرحانه بالحمل .
نوره نزلت راسها بحزن : الله يرحمها .
سامي باس راسها : قومي انسدحي بسوي لك شيء تاكلين .
نوره : مو مشتهيه لا تعب نفسك .
سامي : اذا مو عشانك عشان اللي ببطنك .
****************************************************************************
💫 تسريع للاحداث 💫
✨ بعد مرور سنه ✨
نوره ولدت وجابت بنت سمتها ساره
تغيرت نفسيه الكل ورجعوا لحياتهم الطبيعيه علاقتهم ببعض صارت اقوى ، الاخوان والخوات .
****************************************************************************
⚡️ الصبح على طاولة الفطور⚡️
زوز دخلت بفرح : صباح الخير .
الكل : صباح النور .
زوز قعدت يم سديم وبهمس : بس ، ابيك بعد اشوي .
سديم واهي تاكل خياره وبنفس الهمس : همم ، شتبين ؟ .
زوز : بعدين تعرفين .
فارس طالعهم : شعندكم انتي وياها على هالهمس ما صباح الله خير ها ؟ .
زوز ابتسمت : ههه لا حبيبي مافيه شيء سوالفف بنات .
فارس رفع حاجب : والله فراغه الناس تستغفر من صباح الله وانتوا تقرقون .
سديم : وانت شعليك ؟ .
فارس لف لزياد : اقول زيادوه امسك مرتك لا اقوم اكوفنها .
زياد ضحك : هي اعقل ترى ما ارضى على سدومتي حياتي .
فارس بتقزز : مالت عليك وعليها .
الكل ضحك .
توجوه كلهم للدومات وسديم طلعت لزوز .
زوز بفرح : بقولك .
سديم : قولي .
زوز : امم شاكه اني حامل .
سديم صرخت : هااااا ؟ .
زوز تقرب منها وتسد فمها : اوووووش سكتي فضحتينا .
سديم توخرها عنها وتكمل بصراخ : حلفييييييي ؟ .
زوز تطقها : بس يا حماره جب فضحتينا .
سديم : انزين اسفه ، قولي صج والله ؟ .
زوز تنهدت : اقولك ما ادري مو متأكده بس شاكه .
سديم ببساطه : اوك عادي نروح الصيدليه نشري جهاز حمل وفحصي .
زوز : لا مابي الجهاز .
سديم : عيل شتبين ؟ .
زوز : ابي المستشفى احسن .
سديم : خلاص تم يلا نروح .
زوز بعبوس : بس شقول لفارس .
سديم تفكر : امممم .
****************************************************************************
☄ بالشركة بمكتب فارس ☄
فارس يكلم بالجوال : ملابس ؟ ، و ليش يعني مع سديم ؟ ، انزين ما تنتظرين لمن ارجع نروح مع بعض انا وانتي ؟ ، شدعوه شنو ملابس خاص يعني بتشترين قمصان نوم مثلاً كذا ولا كذا بشوفهم ، ما ادري حبيبتي كيفك ، طيب عندك فلوس ؟ ، اخذي من التجوري اللي بغرفه التبديل ، اي اي الرقم السري تعرفينه ، ايوه صح هالتاريخ ، تمام قلبي طمنيني عليك ، مو تتاخرين ، مو ترجعون وتنسوا ما تكلموني وتخلوني احاتي ، ايي و خلي هالبقره اللي معاك تكلم زوجها بعد مو تطلع من ورى ترى يقلب الدنيا على راسها ، تمام عشقي ، اي ابي ابيك يمي صراحه ، ههههه خلاص خلاص لا تعصبين امزح ، يمه فديت الخجولين انا ، يلا حبي انتبهي لنفسك ، احببكك .
باس الجوال وقفل واهو يبتسم .
****************************************************************************
💥 عند سديم وزوز 💥
سديم واهي تأكل : ها وافق ؟ .
زوز ووجها احمر من الحياء : اي وافق .
سديم : عيل يلا قومي لبسي ، نروح نفحص بعدين نروح نشتري شيء ونرجع عشان ما يشكون .
زوز : و زوجك يالخبله ما بتكلمينه ؟ .
سديم ترفع جوالها : كاني داقه .
بدلوا وطلعوا مع السواق راحوا للمستشفى وسواا التحليل وينتظرون النتيجة .
زوز واهي متوتره تفرك ايدينها ببعض : خايفه .
سديم تهدي فيها : يو لا تخافين .
طلعت الممرضه وبيدها ظرف : زهراء *********** .
زوز وقفت : نعم .
الممرضه مدت لها الظرف : روحي للدكتوره بغرفه ٧ .
اخذوا الظروف وراحت للدكتوره .
الدكتور فتحت الظرف وابتسمت : مبروك انتي حامل .
زوز انصدمت : صج ؟ .
الدكتور بابتسامه : اي صج .
زوز وسديم صرخوا بوقت واحد : آآآآآهههه .
ضموا بعض بفرحه .
الدكتوره ضحكت : تعالي بفحصك .
راحت زوز وحطت لها السونار وزوز تراقب الشاشه والفرحه مو شايلتها : اشلونه البيبي ؟ .
الدكتوره : الحمد الله كويس ، انتي صارلك حامل من اسبوعين ، بعطيك مثبت حمل ولازم ترتاحين ، وتتغذين صح ، واي شيء تشتهينه تاكلينه .
سمحت بطنها من الجل وقامت زوز : ان شاء الله .
الدكتوره واهي تكتب اسم الفيتامينات و المثبت : وين زوجك ؟ .
زوز تاخذ الورقه : ما جاء معاي : ليش ؟ .
الدكتوره : ولا شيء بس حبيته اقوله ان ما يلمسك الى الشهر الرابع عشان الحمل يثبت بالرابع .
زوز توردت خدودها : تمام انا اقوله شكراً .
الدكتوره : العفو ، بس مري على الاستقبال يعطونك مواعيد متابعه الحمل معاي .
زوز هزت راسها : تمام .
وطلعوا .
سديم واهي ميته فرح : واااااي وناسه اخير بيصير عندنا بيبي .
زوز ابتسمت .
سديم : اشلون بتقولين لفارس ؟ .
زوز : سر .
توجهوا للسوق وشرت زوز اشياء كثير وسديم مستغربه ، خلصوا ورجعوا البيت .
زوز قالت لسديم ما تقول لاحد وخاصه فارس اهي تبي تفأجه ، وسديم احترمت رغبتها لهشيء .
****************************************************************************
🎼 بعد مرور اسبوعين 🎼
اليوم عيد زواج زوز وفارس
فارس كان بالدوام طلع مبكر اشترى هديه لزوز و اما زوز فكانت عندها مفاجأه اكبر لفارس .
رجعت فارس قريب المغرب شاف الكل تحت ابتسم لهم وطلع فوق دخل الجناح وانصدم بانه كامل متزين مشى لغرفتهم وشافها كذا .
****************************************************************************
****************************************************************************
انصدم ومشى بخطوات هاديه واشتغلت اغنيه ( انا كليي ملكك )
فارس يتقدم بخطوات هاديه وقلبه يدق واهو يسمع كلمات الاغنيه ، ثواني وكانت قدامه زوز واهي لابسه .
****************************************************************************
****************************************************************************
قربت من فارس بخطوات هاديه ونطقت : كل سنه وانت حبيبي ، كل سنه واحنا لبعض .
فارس ابتسم بحب وقرب لها وحضنها ويشم ريحتها : كل سنه وانتي نبضي .
زوز بعدت عنه وخفضت الاغنيه ومسكت يده : تعال بوريك شيء .
فارس لحقها بدون اعتراض .
مشت فيه للسرير لقى قدامه بوكس لونه احمر متوسط .
فارس : شنو هذا ؟ .
زوز بابتسامه : فتحه وشوف .
فتحه فارس ولقى فيه .
****************************************************************************
****************************************************************************
رفعهم ولقى تحتهم .
****************************************************************************
****************************************************************************
فارس ذمعت عيونه ولف زوز وصوته يرجف وتنفس سريع : شنو هذا ؟ .
زوز : انت شنو شوف ؟ .
فارس قرب منها وهمس : انتي حامل .
زوز لصقت فيه وخلت انوفهم تحتك ببعض : اي يا نبضه حامل .
فارس ضمها حييييييل ونزلت دموعه ونطق : احلى هديه والله .
زوز ضحكت وشدت عليه .
****************************************************************************
💫 بعد مرور سنه 💫
فارس وزوز جاهم تؤام وسوهم عليهم امير واميره .
فارس وجنبه زوز .
زوز بعصبيه : عيالك جننوني .
فارس بحب : بس انا قلت من قبل زوجتي طفله ( وغمز لها ) .
وعاشوا بسعاده وحبهم يكبر .
سديم و زياد جاهم ولد سموه محمد .
تركي وهيا جاتهم بنت سموها نوف .
حمد و يوسف و خالد تزوجوا وحريم حوامل .
هدى وندى تزوجوا و حوامل .
****************************************************************************
وبكذا خلصت روايتي الاولى (زوجتي طفله)
اتمنى عجبتكم
بفقد الابطال 😭
قولوا لي رايكم بالرواية
ومنو اكثر شخصية حبيتوها
وشنو تتوقعون الرواية الجديده
وبس احبكم
اشوفكم بالروايه الجديده قريب
مع السلامة ❤️😍
تمت بحمد الله / يوم السبت / ١٦/١١/٢٠١٩