رواية زوجتي طفلة (مكتملة)

الجزء ٢٤

بعد مرور شهر على الوضع الصعب .

فارس كان نايم ، قطع نومه اتصال من المسشتفى ، انقبض قلب فارس بشكل كبير ، لدرجة النفس عنده توقف ، رجفت يده ودقات قلبه تسارعت ، اخذ نفسه ورفع السماعه .

فارس بهدوء : الو .

الدكتور : الو السلام عليكم .

فارس : وعليكم السلام .

الدكتور : اخ فارس ؟ .

فارس بخوف : اي نعم انا فارس .

الدكتور : اخوك يوسف حامد ..... .

فارس بخوف : اي نعم اخوي .

الدكتور : اخ فارس اخوك صحى من الغيبوبة .

فارس بصدمه : شنوووووووو ؟ .

الدكتور : اي نعم ، تقدر تتفضل عندنا المستشفى عشان نكمل بعض المعلومات ؟ .

فارس بفرح : اكيد اكيد .

قفل الخط بس لسى الصدمه مو مخليته يصدق ، لبس ملابسه ونزل تحت لقى امه قاعده بروحها .

فارس قرب : مساء الخير يمه .

ام وائد بحزن : هلا حبيبي .

فارس قرب منها وقعد جنبها : يمه حبيبتي ذكري الله .

ام رائد : لا اله الا الله .

فارس ابتسم : حبيبتي انتي ان شاء الله كل شيء ينتهي ويصير احسن من قبل بعد .

ام رائد : ان شاء الله يمه .

فارس ابتسم .

ام رائد تطالع لبسه : شنو يمه بتطلع ؟ .

فارس : اي يمه بروح مشيوير صغير وبرجع ما بطول .

ام رائد : اي يمه لا تتاخر عشان الغداء .

فارس : من عيوني .

باس راس امه وراح بسرعه وركب سيارته وتوجه للمسشتفى .

فارس وصل للدكتور : السلام عليكم .

الدكتور بأبتسامه : وعليكم السلام حياك .

فارس بتوتر : صج يوسف صحى ؟ .

الدكتور : اي نعم صحى ، واهو بخير ووضعه تمام التمام مستقر وافضل ما يكون .

فارس : الحمد الله ، اقدر اشوفه .

الدكتور يوقف : اكيد تعال معاي .

طلعوا من المكتب وراحوا جهة غرف التنوم .

فارس باستغراب : مو مفروض جهة العنايه ؟ .

الدكتور : لا ، احنا نقلناه لغرفه خاصه .

فارس دقات قلبه تزيد كل ما قرب وصولهم لغرفه يوسف .

وصلوا للغرفه وكان يوسف قاعد يقرأ كتاب .

دخل فارس وعيونه لمعت ، يوسف رفع راسه وطالع فارس وابتسم .