الحلقـة 7♥️
______
مُراد وقيس خدو سند للمزرعة وخلوه راقد وطلعوا مشو لـ عمر
قيس : اهلين اهلين وسلم عليه
عمر : اهلاا شن جوكم
مراد : كويسين الحمدلله
عمر : ها شني يا قيس ؟
قيس : والله شن بنقولك يا عمر راه ناجي ومعتز رفعو قضية على سند بأنه يبيعلهم ف حشيش وصوروه لما كان يعطيهم فيه
واحد ف القسم صاحبي وقالي على كل شي والشرطة دور في سند لكن اني حكيتلهم على كل شيء وقلتلهم خلو الموضوع عليا لو ماترباش اني حنسلمه بنفسي
مراد : الحق ي عمر حاولنا معاه هلبا تي قريب نضربه بس الله غالب خوي مانقدرش
عمر قرن حواجبـه : صار هكي ! ناجي ومعتز خليهم عليا
مراد : شن في بالك ؟
عمر : منورين والله صحيتو
قيس : شن بدير ي راجـل راه مش ساهلين
عمر : حتى اني عُمر الـ... ومش ساهل وغمزله .
هي تصبحو على خير وصحيتو منورين
مراد : ولا يهممك يا عمر تبي شي كلمني
عمر : وينه هو الفرخ ؟
قيس : خليناه ف المزرعة راقد
عمر : ردو بالكم عليه ماتخلوش يطلع اليوم بكلل
مراد : تم تم
عمر : هي سلام
قيس ومراد : سلام
______
طلع عمر ركب ف السيارة وكلم عمار
عمر : ها ياطيري نبيك ف موضوع
عمار : تم ياعشيري معاك لنهايـة
عمر ضحك : غير اهدا ي راجل واسمعني كويس وفكني من جو الأكشن متعك
عمار : نسممع فيك هي
عمر حكاله كل شي ع سند وناجي وشن دارو فيه
عمار : تي معقولة سند يدير هكي
عمار بحداه مُعاد خنب التاليفون منه
معاد : ها ياعشيري شن نسمع فيه هدا يقول معقولة شن في ؟
عمر : توا يحكيلك عمار نتلاقو غدوا هي وصكر عليه
مُعاد : ريته كيف صكر عليا الكلب
عمار : تستاهل مافيش حد قالك اخنب التاليفون
معاد : به غر قولي شن صاير ؟✌🏻
عمار حكالـه كل شي وكيف عمر بينتقم منهم
معاد : احيي قصدك الموضوع فيه ضرب وهكي
عمار ضحك : او ضرب واجدد 😂
________
ثاني يوم الصـبح :
عندي أنـي درت دوش ع السريع وبدلت وخليت شعري يجف وقعمزت بحدا جُهينة ونوض فيها
أنا : جوجو سادك نوم خلااص
جهينة : تي خيرك الزح خليني
انا : لااا نوضي هي
ناضت جهينة : ها شن تبي فيا 🙃
انا قعدت انابش فيها ونحرقلها ف دمها
جهينة : مهما كانت غلاوتك عندي ماتحاوليش تبصري معاي واني كيف نايضة 😒
انا : ههههههه تم نوضي هي باش نفطرو
ناضت جُهينة للحمام أكرمكم الله دارت دوش ومشطت شعرها وجتني
جهينة : وين عمر ؟
انا : وين نندري عليه انا خوك ولا خوي ؟
جهينة : هاهاها خليني نكلمه وشدت تاليفونها
حي امك متصللة هلبا
انا : كلميها اكيد مشغولة عليا
جهينة كلمت ماما وطمنتها عليا وصكرت
انا : تعالي نفطرو
جهينة : هي
مشينا فطرنا ولمينا الكوجينة وقعمزنا ف الصالة
جهينة : هي قوليلي شن صار معاك امس مانبيش نضايقك لكن اليوم بتقوليلي
انا : حكيم دار هكي ومش عارفة اعلاش اساساً كنت ف الكوجينة شوي ولقيته يضرب فيا 🤭😓
جهينة : كسرة في ايديه يارب
انا : اممييين
خش عُمر : هئحم السلام عليكم
اني من الخلعة كان في طرف على الطاولة نحيته وحطيته على شعري
عمر ضحك : سامحينيي معليشي وطلع
انا في بالي " ي قلبي ع الضحكة "
" اي والله ضحكته تقتل اني نكتب ونتخيل فيها 😂"
جهينة ميتة ضحك : حي علييك المووقف عليا
انا : خزي تتشمتي فيا
جهينة : لكن كأنك عجباتك ضحكته 😂♥️
انا شبحتلها : ترا عاودي شن قلتي ؟😒
جهينة : خلاص خلاص ماقلت شي 🤭
____________
عند رغـد 🖤🌷
رغد : هئحم ماما بِما ان اليوم جمعة شن رايك نمشي لـ جوجو
أمها : انتي خيرك شديتي الطريق خليك عندهم وخلاص
رغد : ماعنديش مشكللة 🥺🤞🏻
أمها : لا واجد هكيي انتي
رغد : به ماما شن فيها 😓
أمها : بنمشو لعمامك اليوم غدوا امشيلها جهينة مش هاربة
رغد : اوووف به
_________
عنـد منير 😒
" اني بروحي كارهاته ومانبيش نتكلم عليه 😂"
منير : يماا وين بوي ؟
امه : قاعد ف الصالة ، لكن غر قولي شن صار ف بنت سعاد 😒
منير : خلي الموضوع عليا ح ناخدها يعني ح ناخدها
امه : وانتَ اعلاش ميت عليها ميات بنت تتمناك
" صدقيني ي حاجة ولا وحدة تتمناه ولدك "😂
منير : اني عاجبتني ياسمين
امه : به به امشي شوف بوك
_________
عند عُمر كان لابس زبـون طالعع عليه يهببل 🤤
ولحيته المرسومـة ، كان واقف ع المراية يلبس في ساعتـه
قداش مستاحشـك ي أمي كنتي ديما تنصحيني بصلاة الجمعـة 💔
تنهد وطلـع صلى مع عمار ومعاد
عمار : ها شن نمشولهم ولا شني
عمر شبحله : مانبيش نوسخ الزبون ع خاطر واحد رخيص 🙃 نغير ونجي
معاد وعمار : تمام حتى احني بنغيرو
عمار شبح لـ معاد : تي انتَ خيرك كل ما نقول كلمها تقولها معاي
عمر : بيبدو توا عاادد هي اني هارب وركب سيارتة وصطرب عليهم وطلع
معاد : اني مش مطمن لسواقته بكلل يجري بدون وعي
عمار : ربي يحفظه ان شاءالله شن بدير هي نصحناه لكن هو مايبيش
بدلو وطلعو تلاقو ف الإستراحة الي قاعد فيها ناجي ومعتز
عمر ضرب الباب برجله وخش
مُعاد : هي بسم الله خلي نسخن ايديا
عمار انفلق بالضحك : غير استهدي بالله مزال شويا
عمر : مداير روحه جاكي شان اهواا 😂
عمار : خش خش
ناجي : اهلين بالتريس
عمار : اهلين بيك لكن انتَ مش محسوب علهم التريس راه
معتز : احي جبهتك ي ناجي
معاد : حتى انتَ زيه راه مافيش فرق غير انتَ عيل اكتر منه
عمر : اسمعني كويس انتَ وياه ومش ح ندور ب الكلام العفن امتعكم اهوا خلوه بعيد على خوي
ناجي : خوك جي بروحه ومافيش حد ضربه علي يده
عمر بعصبية : لما نتكلم مافيش حد يقاطعني !
وياناجي القصة الي اخترعتها لخوي راه مش ساكتلك عليها يعني ح تمشي توا وتقول الصور فوتوشوب وسند ماعنداش اي علاقة
ناجي : ولو مادرتش هكي
عمر شبح لـ معاد
معاد طلع سلاحـه وقال : انتَ عارف كويس شن نقدر ندير وماعنديش شي نخسره 🙂
ناجي خاف : ااا تمام حنمشي توا
خدو ناجي ومعتز معاهم وناجي قال كيف ماقاله عمر وحبسوه ب تُهمة التزويـر
ناجي : مش ساكت ي عمر و الأيام بينا
عمر : اعلى مافي خيلك اركبـه ان شاءالله تتهنى ف مكانك الجديد وطلـع
_________
عند سند ناض راسه مصدددع وشاف مردا وقيس قدامه
سند : شن صار خيركم بحداي وبعدين خيركم تشبحولي حتى عزوزة القايلة ماخفتش منها اكتر من شبحاتكم 😒
مراد : اسمعني يا سند الي دير فيه غلط والله غلط
سنذ : تي شن درت ورجعلته الذاكرة ! وقال : حيي
قيس : شكلك دكرت كويس ! عندك علم رافع عليك قضية بيع الحشيش
سند بخوف : تبصرررر
قيس : نبصر صار
مراد : اسمعني ي سند لو انتَ مش غالي علينا راه مادرناش الي درناه امس اني وقيس لكن خايفين عليك يا خوي !
سند ويديه علي راسه : به شن بندير مضايق هلبا وربييي
مراد : احني خوتك يا سند فضفضلنا ماتبيش امشي لربي لكن الطريق هدا لا ياخوي
قيس قعمز بحدا سند وحط يده على كتفه : أحني خوتك والطريق اهوا مش ليك
سند وعيونه تعبو دموع : استغفر الله ربي يسامحني
مراد : هي امشي خود دوش باش نطلعو ونغيرو جو
سند : تمام
__________
عندي أنا 🖤✨
انا : جوجو وين عمر لتوا ماجاش
جهينة بإبتسامة عريضة: وانتي شن دخلك فيه ؟
انا : بلا برادة وينه عطل
جهينة : لا مش واجد توا يجي
انا : 😒
جهينة ضحكت شوي وطق الباب وكان عمر
جهينة شبحتلي : كان سكتي راه حجيتي
انا : اسكتي فضحتي بيا 😂🤭
عمر : جبتلكم غدا من برا تعالو
جهينة : بالتريس يا عمر مانك عادي 😂❤️
عمر : تعالي ياهبلة تعالي وشبح لـ ياسمين تعالي حتى انتي
انا : لا ماعنديش نية صحة
جهينة : هئحم لا عندها نية نوضي خير مانعجنك
انا : به وانتي سكنتي توا نجي
جهينة : توااا هياااا
انا : به ونضت وحطينا ع الطاولة وبدينا ناكلو وعمر كان يشبحلي لكن مدايرة لحولة وكل مانشبحله ينزل عينه 💆🏻♂️🖤
" اللهم عُمر من حيتُ لا ندري 😂"
عمر ناض : الحمدلله شبعت
انا : صحة
عمر شرق : ااا سلمك
انا في بالي " يعطيني بكشة شن قلت ياربيي "
جهينة ضحكت : أشم رائحة حُب هنا 😂
عمر ضحك : شكله هكي يا جوجو هي اني طالع
انا : اا عمر عادي تاخدني لحوش خالتي ؟
عمر : خالتك مش ف زوارة ؟
انا : لا جت اليوم
عمر : به بدلي مابين سخنت السيارة
انا : تمام ☺️💕
جهينة : قصدك بتروحي
انا : اي خلاص توا نكلمك بري البسي عبايتك وصليني انتي وعمر
جهينة : لا امشي بروحك شن فيها
انا : هي وراس وخيتي
جهينة : به به وانتي ه الرومنسية المعدومة الي عندك
انا ضحكت : شكلي بنولي مرات خوك 😂💕
جهينة :ينحب خوي ولا ؟😂😍
انا : هيا هي
وطلعنا السيارة كانت هدووء والمسجـل صوته مش عالي وعمر كان يشبحلي مرة مرة من المراييـة 🥺✨
يهبببل 🤭🖤
وصلني وحضنت خالتي كنت مستاحشتها هلباا😓💔
روحت جهينة وروح سند وعمر طلع لما شاف سند مايبيش يتعارك معاه :
جُهينة : وينك ي سند معقولة هكي ادير فيا كنت مشغولك عليك
سند شدلها خدودها : خلاص ياقلبي اسفيين
شوي وطق الباب ✨🌸
جهينة : امشي شوف مني
فتح سند الباب وهني كانت الصدمـة ليه !
زعما من هوا الي جاهم ؟
وكيف ح يستقبلوه ؟
🤞🏻✨