(#هو_ثباتي)
_وعد بعد قرت الرسالة عاينت للرقم بس ما عرفتو،،عملت اسكرين شوت ورسلتو لقصي في الواتس آب مع استفهامات،،،نزلت تحت لقت شادي جاهز وامها كذلك،،طلعوا مع بعض،،وعد ركبت وراا وفتحت تلفونا،،لقت قصي بقول ليها""الرقم ما مسجل شكلو،،ما تشتغلي بالرسايل الزي دي طيب💙بحبك""،،،ما ردت عليهو وقفلت التلفون،،،لما وصلوا عندنا لقوا الاولاد ناموا وتيسير برضو لأنها كانت مصدعة،،وفاطمة جات وفتحت بيت بكا،،امها قالت ليها الواحد ما بعرف في الدنيا دي المصايب الجاياهو💔الله يلطف بيها💔،،أمي وشادي سلموا على عمتي وطمنوها بشوية كلام ايجابي انو موده ممكن تطلع💙،،،شادي قال لرحيم ح يبيتوها في القسم كم يوم؟ ؟،،قال ليهو أربعة أيام،،،وما معروف تاني يحصل شنو،،،شادي قال ليهو لا حول ولا قوة الا بالله،،إن شاء الله ربنا يطمنكم عليها💙رحيم قال ليهو أمييين،،،قعدوا معانا شوية بعدين طلعوا،،،،،،قومتا عملتا ليهم عصير ليمون على حس أنو اعصابهم تهدأ،،،عملتو وجبتو ليهم،،مديت لرحيم كباية ولسليمان،،لما جيت آدي فاطمة شالت كباية العصير وكشحتا لي في وشي،،قالت لي ده وقت عصير عشان يعرفوك شمتانة كيف،،،،ليلى ماتت واسي مودة في السجن وانتي جاية تعملي لينا عصير،،،رحيم جاا عليها قال ليها أنتي حيوانة ولا شنو،،ما عاوزة قولي ما عاوزة،،قلة الادب في شنو،،،وبعدين كاشحه العصير فيها ليه،،جبرتك تشربي،،،قالت ليهو انت شايف انو ده وقت عصاير اسي،،امها قالت ليها ده،،ده تبع مرتو،،ما بشوفها غلطانة نهائي بس نحنا الشين والكعب بطلع مننا،،،كتر خيرك يا ولدي،،،حتى لمن قولته ليك قفلت في وشي الخط ما سألتها،،،قولته ليها عمتي أنا متين قفلتا في وشك الخط،،قالت لي قبل ليلى تختفي بيوم،،،عاوزة تنكري،،هزيت لرحيم راسي بمعنى م عملتا كده وبالجد كنتا مصدومة فيها💔💔،،،قالت ليهو خليها تنفعك وتبقى ليك أهل يا ولدي،،،رحيم قال ليها يا أمي ده كلام شنو،،أنتو مكانتكم براها و إيناس مكانتها براها،،،،مابقدر اراضيكم على حسابها،،وبعدين براك شفتي الحصل اسي،،فاطمة هي الغلطانة،،يعني شنو لو عملت لينا عصير ليمون،،كفرت؟؟،،امو قالت ليهو ابدا ما كفرت،،،،،بس فعلا الجمرة بتحرق الواطيها،،وشكلكم ما محروقين ولا واجعكم الحصل💔وبقت تبكي وتتنهد،،،رحيم قال ليها أنتي عارفة انو واجعنا وحارقنا،،وكفاية لحدي هنا،،عشان انا خلاص كرهتا حياتي العايشها بسبب المشاكل الما ليها معنى،،وأخير لي أرجع بيتي من اقعد هنا،،،،،،إيناس لمي الشنط خلينا نرجع،،قالت ليهو اي أرجع،،،ما ياهو الأنا بقول فيهو،،اتبعها وامشي،،،عملتك ليك شنو هااا؟؟!،،ولا حتى جنى ينفعك ما جابتو ليك،،يا يمة الرجال بقعدوا مع النسوان عشان الاولاد،، الولايدات ديل ما هينين نهائي،،الواحد بعافر في الدنيا دي،عشانهم،،أنت معااافر عشان منو ولشنو،،،عشان دي،،،عشان تخلي ليها مالك،،لو فاكر انها ح تصون مالك يبقى الترابة في خشمك وسجم امك الراجية منك نفع💔،،طبعا انا خلاص اعصابي باظت،،،قولته ليها لو الولاده دي لو كانت في يدي،،كان بيتي ح يتملي ويدفق من الشفع💔،،،انتو بتعاقبونا وتسمعونا كلام وتمسكونا من يدنا البتوجعنا في حاجه نحنا ما عندنا يد فيها،،حاجه بتخص رب العالمين ما صاح وحرام زاتو ندخل فيها💔،،قالت لي هيييي يا بت حنان هيي،،أنا ولدي سليم مافيهو شي،،العاقر أنتي دي وما عاوزة تتعالجي،،،لا عاوزة تلدي ولا عاوزة تخلي ولدي يتزوج،،قابضة كده عليك لمن تخلي في الدنيا دي بلا سند💔،،،رحيم قال ليها أمي انتي ده شنو البتقولي فيهو ده،،،الشكا ليك منو أننا عاوزين أطفال،،،ربنا لو اراد فالحمد لله،،ما كاتب لينا أطفال برضو الحمد لله،،،في زول قال ليك أننا مضايقين ولا حياتنا صعبة،،،قالت ليهو كفاية شايفة بعيني دي،،،بكرة تكره عيشتك معاها وتجيني جاري وتقول لي عرسي لي يا أمي،،،قال ليها طول ما فيني نفس وعقلي ده فيني عمري ما ح اعمل كده💙،،انا طوالي طلعتا لميت ملابسنا في الشنط ودموعي دي زي المطر،،،نزلتا شنطة واحده ورحيم جاا نزل التانية،،،،امو قالت لي ما تفرحي كلها يومين وولدي مصيرو يجيني راجع،،،رحيم سكت عشان ما يخش في نقاشات مع امو،،،قال ليهم تصبحوا على خير يخوانا،،وعلى كده طلعنا من البيت.
_______________________
وعد بعد رجعوا كانت بتتكلم مع قصي وحكت ليهو بموضوع مودة💔،،قال ليها ربنا يلطف بيها،،المهم أنتي برنامجك ماشي كيف؟؟،،قالت ليهو يادوب بادية فيهو،،ما انجزتا حاجه لسة،،،قال ليها ربنا يوفقك حبيبتي واشوفك احسن واحده في الدنيا💙،،قالت ليهو امييين يارب وانت معاي،،قال ليها شي اساسي💙،،فجأه باب غرفتها اتفتح وكان شادي،،،اتخلعت وكانت عاوزة تقفل التلفون بس واصلت كلامها وقالت لقصي امممم طيب للصباح،،،شغال ليها صباح شنو يا وعد،،قفلت الخط وقالت لشادي اممم عاوز حاجه؟؟،،قال ليها اي عاوز أسألك اذا القروش الطلبتيها محتاجاها بكرة ولا يوم تاني؟؟،،قالت ليهو بكرة بمر عليك في الشركة باخدها،،،قال ليها تمام،،،قالت ليهو شادي عاوزاك تساعدني في حاجه؟؟،،،قال ليها أمرك قولي،،،قالت ليهو عاوزة لي واحده تساعدني في البرنامج البعملوا على السوشال ميديا حق الاغتصاب،،بتقدر تساعدني وتلقى لي بنوتة تقدر تشتغل معاي على الفيديوهات دي؟؟!!،،،قال ليها "بعد تفكير" والله في واحده بس ما عارف ظروفها شنو؟؟،،بكلمها وبكرة بعد تجيني بديك خبر،،قالت ليهو طيييب،،،باس راسها وقال ليها ما تساهري بعد الزمن ده،،لمن تجيك هالات سودا ما تتجرسي بعدين امممم،،قالت ليهو طيب حاضر،،،تصبح على خير،،،قال ليها وانتي من اهل الخير،،،بعد طلع من الغرفة،،قفلت عليها الباب بالمفتاح ورجعت لقصي،،قالت ليهو اسفة بس شادي جاا فجأه،،،قال ليها متين ح يجي اليوم الاتكلم فيهو معاك بدون ما تخافي وتتوتري كده😂😂،،،قالت ليهو اليوم ده بتحددو أنت❤،،قال ليها لو كده قريب شديد❤❤،،قالت ليهو ما قدرتا تعرف الرقم حق منو؟؟،،قال ليها ما ظهر لي بإسم،،،انسيك منو بكون واحد بشاغل ساي،،لو رسل ليك تاني كلميني،،قالت ليهو طيب،،،،قال ليها خلاص نومي بعد كده،،نتكلم الصباح يلا بحبك❤ قالت ليهو وأنا كمان❤.
___________________________
نحنا بعد رجعنا بيتنا،،أي واحد كان ماسك خشمو عليهو💔،،اخدتا لي حمام بارد وجيت رقدتا،،قلبي وجعني شديد فبقيت أبكي💔،،رحيم كان في الحمام البرة،،لما جاا الغرفة عملتا نفسي نايمة💔،،رقد قدامي فكا لي شعري وقال لي عارفك صاحية،،بس لا قادر اخفف عنك ولا حتى عني،،بسبب البحصل ده بفكر نهاجر برة السودان ده ونرتاح،،،كنتا لسة مغمضة ودموعي جارية،،،قال لي طيب طيب نمشي نفحص عشانا نحنا ما عشان زول،،بس نشوف نهاية موضوع موده ده وطوالي نمشي نقابل بس عليك الله ما تزعلي روحك💔،،قولته ليهو أنا القاهرني كلام أمك،،وهي معاها حق،،أنت ح تستفيد مني شنو؟؟!،،قال لي وجودك في حياتي كفاية،،أني اسمع صوتك،،انوم واصحى عليهو❤،،ضحكتك عندي بالدنيا،،أنا بدونك ما بسوى حاجه،،،ح اكمل معاك لآخر نفس فيني❤،،،قولته ليهو وفكرك حياتنا ح تستمر بدون أطفال،،قال لي أيوة ح تستمر،،طالما أننا بنحب بعض ومتمسكين❤،،،قولته ليهو يارب تستمر وما تنتهي الا بموت واحد فينا،،قال لي يارب❤يلا امسحي دموعك دي،،الزعل ما شبهك ياخي❤❤❤.
__________________________
تاني يوم الصباح وعد جهزت نفسها ومشت تقابل البت الاتعرضت لاغتصاب💔،،كانت جميلة شديد وعمرها 17سنة،،حكت لوعد قصة اغتصابها،،الاتمحورت في أنو ود خالتها عايش معاهم في البيت جاا يشتغل في الخرطوم،،واهلها ناس طيبين وبسيطين،،استقبلوهو في بيتهم وحصل الحصل وحاليا خايفين من الفضايح وكلام الناس فعشان كده قرروا حكاية الزواج💔💔،،وعد قالت ليها لو ما بقيتي قوية وشجاعة ونهيتي الموضوع ده،،ح تفضلي طول عمرك مزلولة عايشة تحت واحد مغتصب نفسو مريضة،،ده مابعيد يدمر أطفالكم بعدين،،وأنتي قولتي القصة مرت عليها حكاية 4شهور،،صعب الناس والمجتمع يقيفوا جنبك،،لانو غلطتك انك سكتي،،،المهم ما وقتو،،،أنتي افضلي ارفضي وخليك مصرة على قرارك لحدي ما أنزل ليك فيديو تحكي فيهو عن معاناتك وانا واثقة إنك ح تلقي الدعم❤❤.
___________________________
شادي كان في مكتبو،،أتصل على ريف وطرح ليها فكرة وعد،،رحبت بالفكرة جدا❤❤❤،،شادي قال ليها طيب بظبط ليك طلعة معاها،،اتعرفوا على بعض ومنها ناقشوا الفكرة،،قالت ليهو خلاص تمام،،،قال ليها حلو❤ بتمنى ليك يوم يشبهك،،قالت ليهو وبعلي معناها يوم ظابط شديد،،بقى يضحك قال ليها لا ثقة ثقة الله يديمها❤❤😂،،قالت ليهو اميين يلا نتكلم بعدين،،،قفل منها واتصل على رحيم عشان يشوف في أخبار جديده ولالا!.
_______________________
قصي بعد باع شقتو القديمة،،اشترى واحده جنب بيت اهلو جديده ومشطبة بس ناقصها الأثاث،،وجهز شبكة وعد على نوعين فضة ودهب❤ حاجات رقيقة كده،،،وهو في الشقة أتصل عليهو عامر،،قال ليهو شنو يا قصي يا صحبي الجفا ده،،قال ليهو مشغوليات يازولي،،خبرك شنو؟؟،،قال ليهو تمام،،،أنت كيف وامورك ماشة كيف مع وعد؟؟،،قال ليهو كلو تحت السيطرة،،،،أيام بس واخلص موضوعي معاها❤،،عامر قال ليهو ههههههههه الله يقدرك وعقبالي،،قال ليهو امييين،،قفل منو وكان مسجل المكالمة،،قال لنفسو ماكنتا عارفك ح تقول كده،،بس اختصرتا علي كلام كتييير،،،شال المقطع المسجل ورسلو لشادي بالرقم التاني،،،،💔.
"البشر يجيدون التلاعب في كل شيء وقلبه إلى مسرحية سخيفة"
#سلام