في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي .. المواعيد ما بين الساعة ٦ و ال٩ مساء بتوقيت السعودية ..
قراءة ممتعة
ـــــــــــــــــــــــــــــــــ
(#هو_ثباتي)
_"الجلابية بيضا مكوية يا حبيبي بسحروك ليا💛حبيبي أديتك أمانة،من قلبي وروحي وحنانا،ورفعتك في اسمى مكانة،،،ليه حبك أثر عليا يا حبيبي بسحروك ليا💛حبيبي لي الله خليتك،، ان شاء الله اتهنى بجيتك،،واوعك تنسى الوصية،، ليه حبك أثر عليا يا حبيبي بسحروك ليا💛"كنت واقفة في باب الغرفة وماسكة طاقيتو وبعاين ليهو وبغني بقى يبتسم،،قال لي ح تقيفي كتير،،تعالي اديني طاقيتي،،مشيت عليهو لبستو الطاقية ورشيت شوية عطر على الجلابية،،،قولته ليهو ح استناك للغداء ما تتأخر،،،قال لي فيها شنو لو مشيتي معاي،،بعدين أكيد أمي ح تنبسط لما تشوفك،،قولته ليهو رحيم لا ح تنبسط ولا حاجه،،انا ما عاوزة امشي هناك،،كل ما امشي هي واخواتك يتموضعوا بي،،ويعلم الله انا ما عاوزة اخسرهم بس خليني بعيده منهم أحسن،،قال لي إيناس حاولي افهمي،،امي زيها زي اي أم نفسها ومنى عينها تشوف اولادنا❤،،م تركزي كتير مع الموضوع ده،،قولته ليهو والله م مركزة ومدام نحنا مبسوطين انا ما فارق معاي اي زول،،بس لما كلام الناس يبقى كتير الواحد الدنيا بتضيق بيهو،،،،مسك يدي وقال لي ما حابب اضغط عليك أبدا❤وإذا ما حابه تمشي ليهم بالمرة برضو ما ح اجبرك،،اهم حاجه انتي مرتاحه؟،،قولته ليهو معاك❤،،معاك وبس يا رحيم،،،باس راسي وقال لي ماشي طيب انا طالع خلي بالك على نفسك ولو احتجتي اي حاجه اتصلي علي،،،قولته ليهو طيب بس ما تتأخر ح استناك نتغدا مع بعض،،قال لي حاضر يا ستي❤،،،،بعد طلع،،،دخلتا استحميت ومشيت المطبخ عملتا لي كباية شاي،،،كنتا ماسكاها وبالي في مكان تاني،،بعد صليت وكذاا،،،مسكتا تلفوني واتصلتا على "وعد أختي"،،،ردت لي ب الحلو،،قولته ليها حبيبتي كيفك،،قالت لي تمام الحمد لله،،كيف أنتي؟،،قولته ليها كويسة الحمد لله،،،في البيت ولا وين؟،،قالت لي أيوة،،عاوزة تجينا ولا شنو؟،،قولته ليها لالا أنتي البسي عبايتك وتعاليني،،قالت لي طيارة بس ح اجيب معاي مراجعي،،عارفة أختك نازلة امتحانات وقرف،،قولته ليها ماشي مستنياك بالقهوة💋،،قالت لي طيب،،قفلتا منها وقومتا أجهز القهوة،،،ظبطتها تمام وعملتا فنكوش،،فضلتا مستنياها،،،،شوية والجرس ضرب،،مشيت فتحتا الباب لقيتا لابسة عباية أمي😂😂😂وطرحه صغيرونة وشايلة مراجع في يدها وحالتا حالة،،بقيت اضحك فيها،،لزتني ودخلت،،قالت لي فالحه للضحك بس،،ربنا يصبرني لسة باقي لي سنتين،،،قولته ليها هانت هانت😂😂،ناس أمي كيف؟،،قالت لي كويسين خالص،،،عبد الرحيم نايم ولا شنو؟؟،،قولته ليها اممم لالا مشى لناس امو،،قالت لي المراءة النارية😂😂💔معليش على اللقب بس نسيبتك فظيعة،،،قولته ليها وعد انا تعبتا بالجد،،حاسة نفسي داخلة على اكتئاب،،قالت لي ليه ليه بس،،قولته ليها موضوع الولاده وما الولاده،،الكلام ده يادوب بقى يوجعني،،قالت لي اجي يوجعك ليه الكلام ده قسمة ونصيب،،اهلو ما عايزين يفهموا أنتي ذنبك شنو؟؟،،،قولته ليها ما عارفة،،بس استحالة امشي ليهم ما يفتحوا الموضوع ده لا وكمان قدام جمهووور من البشر ما بس ناس البيت،،قالت لي ديل م عندهم موضوع ساي،ما تحملي نفسك فوق طاقتها،،،بدينا نشرب القهوة وهي بتحكي لي عن معاناتها مع الامتحانات😂😂😂💔،،،فرقت لي وضحكتني،،بعدها عاينت لساعة التلفون،،قالت لي يلهووووي الساعة 5ونص،،عارفة لو شادي عرف أني برة البيت ح يطين عيشتي،،خليتو نايم،،،اقوم ارجع قبل يصحى،،يارب ما يكون صحى،،قولته ليها ما اعتقد ح يقتلك لو عرف انك معاي😒،،قالت لي اي صاح بس هو عارف أنو وراي امتحانات وما وقت الفارغة،،،لمت حاجاتا وقامت،،قالت لي يلا جاووو،،ما تشتغلي بكلام زول،،المهم راجلك وخلاص طيب؟!،،قولته ليها طيب،،،ودعتني وطلعت،،،،،بعد المغرب اتصلتا على رحيم مكالمتين م ردا لي،،بعد ربع ساعة رجع لي،،قولته ليهو رحيم الوقت أتأخر خلاص تعال،،جاني صوت"موده اختو" قالت لي هو متين جانا اسي يا إيناس،،خلي ياخد نفس شوية،،والله من جاا بلعب مع اولادي ساي زي الشافع،،،اتصلي عليهو بعدين طيب لانو اسي مشغول باللعب،،وطق قفلت في وشي الخط💔ما عارفة حسيت بشنو بالظبط بس ما قدرتا أبكي،،كنتا كاتمة جواي ومن الزعل لما ملامح وشي متغيرة،،،خمسة سنوات انا وعبد الرحيم متزوجين وعادي بلعب مع الاطفال وبهظر معاهم،،بس عمري ما حسيت بالاحساس ده الا بعد كلام موده💔حسيت نفسي ح يتقطع،،لبستا توبي وشلتا مفاتيح بيتي وتلفوني،،طلعتا ومشيت لجارتي عندها بنوتة حلوة كده عمرها 3سنوات،،،مشيت ليها وانا مضايقة،،قالت لي إيناس مالك وشكك عامل كده؟؟،،قولته ليها ألق نايمة؟،،قالت لي لا صاحية ومغلباني ههههه تعالي،،دخلتا جوه لقيتا ماسكة تلفون امها وبتتبظ فيهو،،شلتها وضميتا علي وانفقعتا بكى لمن بتنهد💔،،جميلة دي بس بقت تقول لي استغفري في شنو؟؟،،حاسة بشنو يابت،،قولته ليها تعبتا،،تعبتا من كلام الناس وتعاليقهم السخيفة وحكاياتهم عني انا وراجلي المابتخلص،،جميلة انا بقيت طول الوقت أفكر في موضوع الاطفال ده وكلمتا رحيم الف مرة نمشي نفحص بس ما راضي ومقتنع انو الحاجه دي بيد رب العالمين وبس،،قالت لي هي فعلا كده،،بس كمان انتي صاح لازم تشوفوا ليكم دكتور شاطر يتابع معاكم،،،مسحتا دموعي وقولته ليها بحاول اتكلم معاهو تاني ويارب يرضى❤،،قالت لي أي حاولي،،فكرتا كده لقيت ألق نايمة،،رقدتها على السرير وبقيت امشي يدي على شعرها،،جميلة قالت لي بكرة تجيبي واحده احلى منها بس قولي يارب،،قولته ليها يارب،،اسفة لو جيتك في زمن ما مناسب،قالت لي أنتي هبلة صاح،،تعالي في اي وقت،،بعدين عثمان زاتو ماف،،اقعدي ونسيني،،قولته ليها ياخ ونسة شنو بكرة وراي شغل،،قالت لي والله حظك الشغل مالي ليك زمنك،،أخير ليك من تفكري في غسيل ومكوة وطبيخ يومي،،الجقول العندي ده ما بياكل بايت😒بقيت أضحك،،،قولته ليها ربنا يعينك،،بس م تفتكري الشغل مريح والله متعب،،،قالت لي أهو بتطلعي من البيت وبتشمي هوا،،،،قولته ليها هوا شنو يا زولة😂😂والله المدير بتاعنا فقري،،وبخنقنا بالشغل الكتير بس الحمد لله،،،تلفوني رن عاينتا لقيتو رحيم،،،رديت ليهو ب الوو،،قال لي وين أنتي،،أنا جيت،،قولته ليهو عند جميلة،،،جاية،،قال لي طيب،،،قولته لجميلة هيي تصبحي على خير،،،قالت لي وانتي من اهلو،،طلعتا منها ومشيت بيتي،،لقيت رحيم في المطبخ برص في الغداء،،قولته ليهو السلام عليكم،،قال لي وعليكم السلام،،شربتي قهوة مع منو؟،،قولته ليهو جاتني وعد،،قال لي كويس والله،،،فجأه عاين لي في وشي وقال بخلعة مالك كنتي بتبكي صاح؟ قولته ليهو ههه أبكي لشنو،،،يلا نتغدا انا ميتة من الجوع،،مسكني وختا يدينو على خدودي ورفع لي راسي لفوق،،،قال لي بتبكي ليه؟؟،،،قولته ليهو دربكة مشاعر بس م أكتر،،نأكل؟؟،،نزلتا ليهو يدينو ومشيت قعدتا في السفرة،،،جاا علي وقومني،،وقفني قصادو وبقى يعاين لي،،،قولته ليهو رحيم،،قال لي إيناس ممكن تبطلي تمثلي قدام واحد حافظك بالملِّ وعارف الجواك اكتر من اي زول تاني،،ممكن توريني مالك الحاجه المخلياك تبكي وكمان ماعاوزاني اعرفها؟،،،حكيت ليهو بكلام موده معاي،،بعدها قولته ليهو أنت بتحب الأطفال شديد،،مش يمكن انا حارماك منهم وو...،،ضماني عليهو براحه وقال لي بحبهم زي ما بحبك كده❤ قولته ليهو طيب ينفع نقابل دكتور ونتابع معاهو الله يخليك😢؟،،،قال لي أوكي،،بس ما آسي تمام،،،يلا نأكل،،قعدنا وبقينا نتغدا،،،بعد خلصنا،،شغل mbc2 كان فيها فيلم رهيب❤،،،قال لي نعدل المود شوية،،وعلى فكرة بكرة عازمك غداء،،،قولته ليهو ييييي بالجد،،قال لي أيوة،،،طولنا ما طلعنا مع بعض وقضينا وقت،،قولته ليهو فعلا خصوصي إنك على طول مشغوول،،،عاين لي ورفع حاجبوو،،قبل يتكلم قولته ليهو وانا كمان مشغوولة🙊💔،،،بقينا نضحك مع بعض😂😂😂😂😂😂😂😂❤
______________________
أنا إيناس آدم عمري26سنة خريجه إدارة،،شغالة في بنك()،،،متزوجه من خمسة سنوات من عبد الرحيم المغربي 34سنة،،عندو معرض سيارات ومعرض زينة سيارات❤زواجنا كان تقليدي الشجعني وخلاني اقرر اتزوج رحيم انو هو رزين وتقيل وعاقل جدا ومتفهم لأبعد حد❤ أهلنا بعرفوا بعض من زمن،،رشحونا لبعض وأهو الحمد لله عايشين،،بس م عندنا أطفال💔أول سنتين زواج الموضوع ما كان مؤثر معاي،،بس بعد كلام الناس بقى كتير وكل مرة يسألوني"اها م بقيتوا تلاتةة؟؟"،،،فبقيت اتفادى الكلام عن الموضوع ده خالص،،بس أهل راجلي كانو بطاعنوني بكده على طول،،المصبرني على كلامهم هو رحيم وبس❤،،،،
صحيت الصباح بدري وصحيت رحيم اتوضينا وصلينا،،،بعدها كل واحد جهز نفسو،،طبعا هو بوصلني كل يوم لحدي البنك بعدها بمشي شغلو،،،،بعد ركبنا العربية قال لي ح اتصل عليك اوريك نتلاقى وين عشان نتغدا،،قولته ليهو طيب،،واعمل حسابك بالله وانت سايق،،قال لي حاضر،،،وصلني وبعدها مشى،،،،وأنا داخلة على مكتبي سامعة زميلاتي اتنين بتكلموا مع واحده،،هيام قالت ليها هي مجيهه واي شي وزوجها مريحه وحياتا حلوة بس ده كلو فايدتو شنو وهي جنى ما قادرة تجيبو،،،هالة قالت ليها النصيحه ما منو فااايده البت قالت ليهم واي يا حليلا،،طيب ما ممكن زوجها ده يتزوج،،يمكن العيب منها،،عشان ما تعطل ليهو حياتو ساي،،،جيت داخلة وهم طبعا عاملات روحهم مشغولات،،،بحلقتا فيهم مسافة بعدين قعدتا،،اتصلتا على رحيم،،قولته ليهو حبيبي هاا وصلتا؟؟،،قال لي ههه لسة معقولة أصل بالسرعة دي،،سايق طيارة أنا،،،قولته ليهو لا بس حبيت اطمن عليك،،خلي بالك ماشي حبيبي؟؟،،قال لي ماشي حبيبتي❤،،،،قفلتا منو وانا مغيوظة منهم،،،قولته ليهم فكركم الحياة بتمشي من غير راجل؟؟،،هالة قالت لي اي عادي،،،قولته ليها هالة انتي اسكتي،،خلي هيام تجاوب،،،هاا يا هيام حاليا حياتك حلوة وظريفة من غير راجل صاح؟؟سكتت ساي،،،قولته ليها صعبة جدا،،،الله يحفظ لي رحيمي❤ ويرزقك ود حلال يخليك تبطلي تقطعي في لحم الناس كل صباح،،،قالت لي اسي انا قطعتا في منو،،قولته ليها أنتي ادرى،،وخلاص بطلي نقاش وشوفي شغلك أحسن😊
_________________
في جانب تاني:-
والله مابقدر أطلع اليوم،،،،ولدي الكبير ده بقيت بحس بيهو بشك فيني عدييل،،خليها يوم تاني حبيبي،،،وأنا بوعدك اقضي معاك اليوم من أولو❤،،قال ليها طيب نشوف حجتك دي ح تخلص متين،،قالت ليهو وحياتك قريب ههه يلا،،،قفلت منو والتفتت وراها لقت ولدا عمر ال13سنة واقف وراها قال ليها بتتكلمي مع منو يا أمي؟؟،،قالت ليهو مع مدير الشغل،،انت مالك صاحي بدري كده،،قال ليها ناسية اني ممتحن ولازم اقرأ،،قالت ليهو كويس كويس،،،ومشت وهي قلبها في يدها من الخوف،،،
المساء رحيم اتصل علي وحدد لي المكان❤ بعد خلصتا دوام طلعتا ومشيت عليهو،،،لقيتو مستنيني،،،قال لي مساء الخير،،قولته ليهو مساء النور،،كيف كان يومك؟؟،،قال لي حلو الحمد لله،،وأنتي؟،،قولته ليهو يعني نص نص،،قال لي كيف نص نص ح نشوف الموضوع ده بعدين،،طلب لينا غداء،،،كنتا باكل وهو بعاين لي،،قولته ليهو شنو لكن،،ح أكمل الأكل ده براي؟؟،،قال لي أنتي في زول قبل كده قال ليك وأنتي بتاكلي ماف احلى منك؟؟،،،حلوة جدا الله يحفظك❤ قولته ليهو وأنا بأكل وأنا نايمة وأنا صاحية،،احم أنا بكل حالاتي حلوة في عيونك❤،،قال لي حقيقي حقيقي حلوة في عيوني ومالياها الله يديمك لي عمر❤،،،قولته ليهو ويديمك لي حييبي......
#مدنيااااااو❤
