في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي ..
قراءة ممتعة
ــــــــــــــــــــــــــــــــــــــــــــــ
#هو_ثباتي
_اللحظة اللي شادي مدا يدو على وعد،،كانت أسوأ لحظة في حياتهم الاتنين،،لحظة بس قدرت تمحي كل الحلو البينهم💔،،وعد بقت تعاين ليهو ودموعا نازلة وحتى نظراتها بتبين قدر شنو هي كرهت شادي،،بعد لحظات من الصمت،،،شادي قال ليها (بصوت عالي مليان وجع)عاوزة تعرفي ابوك مالو؟؟ اسمعي طيب،،،ابوك كان اكبر مروج للحبوب المخدرة،،ابوك كان بعرف نسوان بعدد شعر راسو،،ولو أمي اتكلمت بضربها ضرب ماف مخلوق بضربو لحيوان خلي يبقى إنسان،،،أبوك كان بسكر وبقع ويا الله الناس تقدر توصلو بيتو،،،طبيعي ما واعي،،،عارفة انو كان بضرب اسيل برضو،،وبرسلها تجيب ليهو سجاير من الدكان،،وبتكلم قدامها مع النسوان،،،عارفة انو ما بس كان زوج سيء،،كان أب أسوأ من سيء،،،احمدي ربنا انك جيتي الدنيا دي وهو ما جنبك،،،أبوك كان بتلفظ بأسوأ الألفاظ قدامنا وبجيب اصحابو البيت يسكروا على راحتهم،،،عارفة انو شريف حاول يجرب السجاير والتمباك ويشرب كمان،،،جدك الله يرحمو لما شاف العذاب الانحنا فيهو ده وعذاب أمي،،شجع امي على قرار الطلاق وسفر ولدو امريكا،،الوقت داك كانو لسة ما اطلقوا عشان كلام الناس وغيرو،،بعد كذا سنة حتى حصل الطلاق،،،وعد انتي لا عشتي ولا شفتي الانحنا شفناهو،،ماشفتي أمي وهي الدموع مالية خدها بس بتبتسم لينا،،ماشفتي اسيل كيف بتتخلع بليل لو ورقة بس اتحركت جنبها،،،ما شفتي شريف وهو بقلد تصرفات ابوي ولا شفتي إيناس وهي طبيعي منعزلة وساكتة وما بتحب تطلع ولا تتكلم مع زول،،،ما شفتيني وأنا بهرب من الواقع وبحاول اخفف عنهم وأنا وجعي أكبر💔💔أمي قالت ليهو اسكت اسكت خلاص يا شادي،،،وعد كانت مصدومة من كلام شادي وشكلو وهو بتكلم ودموعو اللي هي اول مرة تشوفها💔،،،طلعت من الغرفة وجرت على غرفتها،،قفلت الباب عليها وقعدت على الارض ختت يدينا على وشها وبقت تبكي بأعلى صوت💔💔،،،شادي لحقها وبقى يضرب في الباب،،قال ليها وعد وعد افتحي الباب،،،وعد الله يخليك افتحي،،انا عارف ما كان لازم احكي ليك عشان م تكرهي ابوك،،،وعد وعد،،فتحت ليهو الباب وعلى طول حضنتو💔،،قال ليها انا آسف،،والله آسف،،ما عارف كيف مديت يدي عليك💔فضلت ماسكة فيهو وبتبكي💔.
______________________
وصلنا مدني بعد الضهر بشوية💕،،،كنت جعانة وعطشانة،،رحيم اتصل على ود خالو جانا في المحطة ومن هناك اتحركنا على البيت،،،نزلنا من العربية استقبلونا اهلهم،،كانت في خالة رحيم ومرت خالو و مجموعه بنات كده،،سلموا علينا سلام حنين وضايفونا جوه،،،طبعا معروف بيت العرس بكون كيف،،زغاريد وغنا ودلوكة،،اجواء فرايحية كده❤،،،بيتهم كبيير شديد وعندهم شجرة في نص الحوش قاعدين فيها النسوان الكبار،،نحنا قعدونا في صالة طويلة وعريضة،،،عمتي قالت لام عماد والله ماشاء الله وسعتو البيت،،شكلكم فتحتو البيتين على بعض،،قالت ليها اي صاح،،الوسعة سمحه يا بت الحلال،،عليك الله خليتي موده وتيسير والوليدات كيف؟؟،،قالت ليها الحمد لله ماعندهم عوجهه بس مع المدرسة،،،قولته لنفسي اجيب معاي فاطمة وعبد الرحيم ومرتو،،،طوالي ام عماد عاينت لي وقالت هيي كيفك يا بتي كويسة،،قولته ليها كويسة الحمد لله كيف انتي؟؟،،قالت لي نحمد الله،،اها لسه ما جبتي ليك شافع يونسكم،،قولته ليها لسة،،،قالت لي غايتو انتن يا بنات الزمن ولاداتكن بقت صعبة خلاص ههههههههههههه،،،،شدي حيلك واحملي،،،سكتا ما رديت،،،جابو لينا موية وبعديها على طول آكل،،كنت جعانة شديد،،،بدينا ناكل،،فجأه فاطمة قالت لي (بهمس) اسي أنتي عندك نفس تاكلي بعد كلام مرة خالي ده،،،والله لقيت دمك بارد،،،طبعا الأكل وقف لي في نص حلقي،،شبه اتخنقتا،،،شلتا كباية موية وبلعتو،،،قمتا من الصينية،،عمتي قالت لي مالك يا بت اكلي،،قولته ليها لا شبعتا،،قالت لي ده المضعفك زاتو عدم الأكل،،،انتي قايلة ده زي الأكل البتخمجي في بيتك،،ده آكل بلدي وصحي،،،قولته ليها انا في الحالتين ما ح اقعد آكل لانو نفسي اتسدت،،،قولته ليها كده وطلعتا برة،،،ما عرفتا امشي وين ولا اعمل شنو وندمتا اساسا أني وافقتا أجي،،لاني متأكده ح أسمع كلام يسم البدن💔،،،وأنا واقفة شفتا رحيم واقف مع كذا بت وبضحك معاهم بصوت عالي،،،ما عارفة بس وقتها كأني شفتا أبوي قدامي💔،،مع انو الموقف أقل من عادي وطبيعي،،،بس بالنسبة لي ما كان عادي خالص💔💔،،اتصلتا عليهو رد لي ب اي يا ننو،،،قولته ليهو أنت الموقفك مع البنات شنو؟؟،،،،قال لي سؤال غريب،،انتي وين؟،،قولته ليهو عاين قدامك دغري،،رفع راسو وعاين لي،،،قال لي تعالي طيب،،قولته ليهو ما جاية،،رحيم ما تقيف معاهم ممكن،،قال لي حاضر بس انتي تعالي عاوزك أنا،،،قفلتا الخط ودموعي جات نازلة💔،،،رحيم على طول جاني ومسكني من يدي،،قولته ليهو في شنو مالك،،قال لي تعالي معاي،،طلعنا برة البيت،،قولته ليهو رحيم ماشين وين نحنا؟؟،،،بقينا ماشين مسافة لا انا بتكلم ولا هو،،،لما بقينا في حتة بعيده من البيت،،،وقف ومسك يديني الاتنين،،،قال لي هاا احكي لي مالك مضايقة؟؟،،قولته ليهو ما مضايقة أنا،،،قال لي لا مضايقة عشان وقفتا مع بنات اهلي صاح؟،،،قولته ليهو طيب ما انت عارف بتتثاقل ليه؟،،،قال لي اولا انا كنت جايييك وهم وقفوني عشان يسلموا علي،،وثانيا ما عندي ليهم حاجه أصلا بس من باب الذوق لازم اقيف معاهم وأعرف أخبارهم صاح،،،وثالثا ما بحب اضايقك انا ولا بحب اشوفك ما مبسوطة وبتبكي،،،إيناس كلها حكاية اسبوع بس ونرجع،،،فحاولي قدر ما تقدري تكبري عقلك طيب حبيبي؟،،قولته ليهو طيب😔،،،قال لي ما تهتمي بكلام اي مخلوق هنا،،،هاا اكلتي؟؟،،قولته ليهو لا وح أموت من الجوع،،قال لي ليه ما اكلتي مش جابو ليكم الأكل،،،قولته ليهو أيوة بس ما كنتا عاوزة آكل،،قال لي طيب تعالي أفتح ليك نفسك على الأكل يلا❤،،،قولته ليهو ح تاكل معاي يعني ولا كيف،،،قال لي أيوة عشان انا كمان جعان اكتر منك،،رجعنا البيت وأول ما دخلنا حاولتا اسحب يدي من يدو،،بس هو مسكها زياده وقال لي أنتي مرتي ما مصاحبك انا يا زولة،،،قولته ليهو عيب،،قال لي تعالي تعالي،،،مشينا قعدنا تحت الشجرة محل الحبوبات،رحيم كان ماسك يدي لسة وبونس فيني💕 واحده فيهم قالت لي عاد ماشاء الله تبارك الرحمن يا بتي،،الله مديك السعد السمح،،ظاااهر من وشو بعزك وبريدك،،،حبوبة تانية قالت ليها هي يا غنوة ما تخجلي الوليدات ههه،،قالت ليها وين الخجل هنا عاد يا نفيسة،،عليك النبي عايني في عيون عبدو ديل،،ريده البنية دي ما ظاهرة فيهن❤،،،رحيم قال ليها صاح كلامك يا حبوبة،،بريدها شديد انا ياااه❤،،،بقيت اعاين ليهو وابتسم،،نزل راسو شوية وقال لي بريدك اي❤،،قولته ليهو رحيم خلاص الناس بعاينوا لينا،،،قال لي بس انا ما شايف غيرك،،،أنتي بالنسبة لي الناس❤،،،حبوبتو قالت ليهو عبدو جابو ليكم آكل!؟،،قال ليها لالا والله يا حبوبة،،،قالت دقيقة النمشي على البنيات ديل اشوفهم يجهزوا ليكم صينية سريعة،،قال ليها كويس،،،قولته ليهو على فكرة يعني أنا حبيت حبوبتك وكلامها شديد،،قال لي على فكرة يعني أنا بحبك أنتي وشديد❤،،،،حبوبة بعد مسافة جابت لينا الصينية،،بقينا ناكل مع بعض،،،بدون مبالغة بس حتى الأكل مع رحيم ليهو طعم مختلف❤
_______________________
شادي قدر يهدي وعد لحدي ما نامت💕،،باسها على راسها وطلع من الغرفة،،لقى امي منتظراهو برة،،قالت ليهو أعصابها هدأت؟؟،،قال ليها أي ونامت،،،أمي أنا طالع،،عندي شغلة كده بقضيها وبجي،،قالت ليهو ابكي يا شادي،،ابكي ما تكتم جواك،،،صرخ طيب يا ولدي،،ابوك الله لا سامحو💔💔،،،قال ليها خلي بالك على وعد بس لحدي أرجع،،قالت ليهو تمام،،،،طلع من البيت وهو ما شايف قدامو من الزهج والزعل،،،أتصل على أية كتيير بس ما ردت،،في الاخر مشى البحر،،،هناك وقف وصرخ بأعلى صوت عندو💔💔،،،جاهو تلفون رد عليهو وهو متعصب وبصرخ بصورة ما طبيعية،قفل الخط وبقى يعاين للبحر وكأنو ح ينفجر بعد ثواني من الزعل والغضب الجواهو ،،،جات وقفت جنبو واحده كانت بتتكلم بالتلفون وبتقول بابا الله يخليك ابلع حبوبك في وقتها وما تشرب قهوة امس شربتها،،كلمتا عايدة ومنعتها تديك ليها،،لالا أنا ح أتأخر اليوم هههههه طيب بحبك❤،،،شادي ألتفت عليها،،كانت لابسة بنطلون جينز مع قميص أبيض حد الركبة واسبورت ابيض مع طرحه مشكلةة،،،ماسكة تلفونها في يدها وكيس اندومي،،،قالت لشادي يعني لو اتعصبتا وانفعلتا مشاكلك ح تتحل ابدا لا،،على الفكرة الدنيا دي عاوزة ليها قلب قوي عشان الواحد يعافر ويعيشها صاح،،قال ليها بس انتي ما عارفة مشكلتي شنو عشان تحكمي ساي،،قالت ليهو امممم فعلا،،بس عاوزة أعترف ليك بحاجه أنو شكلك وأنت متعصب ومتنرفز حلوو ما بالك اذا ضحكتا،،أكيد ح تبقى احلى،،فتحت شنطتها وطلعت ليهو ورقة،،قالت ليهو لما تلقى نفسك زهجان وما طايق نفسك أفتح الورقة دي،،وو دقيقة،،،طلعت ورقة تانية قالت ليهو ده رقم تلفوني،،ح انبسط جدا لو اتصلتا علي❤ يلا سلام،،،شادي كان مراقبها لحدي ما اختفت عن الانظار،،،فتح الورقة الاولى لقى مكتوب فيها "كيف حال قلبك؟! لا أدري من أنت وأين تقطن وكم عدد المرات التي خُزلِت فيها،،،انا فقط أتمنى السلام لروحك وقلبك للأبد❤"،،،شادي وقتها ما عرف هو حسى بشنو،،بس الكلام جاهو كأنو جبر خاطر،،كان ممكن يفتكر البت هبلة او خفيفة أو حابة تلف نظرو،،بس العكس تماما،،ابتسم دخل الورقتين في جيبو،،،،رجع البيت وهو شبه نفسياتو متحسنة،،،لقى وعد صحت ولسة وشها مورم،،أول ما شافتو جرت عليهو وقالت ليهو شادي،،أنا،،أنا آسفة😢💔،،قال ليها انا الأسف والله العظيم يا وعد،،ووعد ما امد يدي عليك تاني،،،انتي كويسة صاح؟؟،،،قالت ليهو لو انت كويس فأنا كويسة❤،،،قال ليها طيب امسحي دموعك دي وامشي سرحي شعرك وروقي شوية عشان ح اسوقك ونمشي نحضر فيلم،،قالت ليهو ما نفسي💔،،قال ليها غصبا عنك فهمتي❤
_________________________
المساء كده في خالة قالت للبنات ده بيت عرس ولا عزاء هييي قومن زغردتن ودقن بالدلوكة يلااا،،اصلا بكرة الحنة💃💃💃،،،،على طول بدوا يغنوا اغاني أنصاف مدني💕💕،،،ناس بغنوا وناس برقصوا،،،عمتي قالت لي قومي هزي مع الناس ديل،،قولته ليها ما فيني حيل،،،فجأه اشرت لي على واحده بترقص وسط البنات،،قالت لي دي اخت عماد متذكراها،،في رأيك ما ممكن تجيب لينا الاطفال الانتي حرمانا منهم؟؟؟......💔
#نتلاقى🚶
