في البدء .. الرواية قيد الكتابة متى ما نزلت ايناس انا انزل يعني ما تسألوا من الباقي ..
قراءة ممتعة
ــــــــــــــــــــــــــــــــــــــــــــــ
(#هو_ثباتي)
_قصي قال ليها طيب أنا المساء بجي عليك،،قالت ليهو اي خليك كده💋مستنياك بفارغ الصبر،،بعد قفل منها بقى لافي حوالين نفسو وما عارف يتصرف كيف،،وهو عارف أنو لو وعد عرفت بعلاقتو مع مودة تاني عمرها ما ح تعاين في وشو💔💔،،،،قعد يفكر كتير لحدي ما مسكو صداع بس في الاخر لقى حل،،،وكان متأكد انو ح ينجح وعلاقتو بموده ح تنتهي بدون ما الناس تعرف،،،،أما عند شادي فرجع البيت بعد اخد اجازة بدون مرتب من شغلو كان ناوي يتصل على ابو أية بس تلفونو لقى عامل5،،،ختا تلفونو في شاحن وعد ومشى غرفتو،،،لما وعد طلعت من الحمام لقت التلفون بضرب والرقم مسجل بأحرف غريبة،،،ردت ب ألوو،،،جاها صوت بقول لو شادي جنبك ممكن تديني ليهو ،،،قالت ليها انتي منو؟؟،،،قالت ليها معاك أية،،،ممكن أتكلم مع شادي،،قالت ليها لا ما ممكن عشان هو نايم حاليا،،،قالت ليها طيب ممكن لما يصحى يرجع لي،،قالت ليها جدا وقفلت الخط😂😂،،،،
في جانب أية فكانت بتبكي ومنهارة لانو أبوها قرر يعقد ليها على ود عمها بدون ياخد رايها حتى،،،وأمها كمان كانت مؤيده الفكرة نسبة لانها شايفة شادي ما مناسب لبتها💔،،،،أبوها قال ليها شوفتي لو تموتي بالبكى ما بعرف ليك راجل غير حامد،بلا أمور فارغة معاك،،انتي بت متين زاتك عشان تقرري وتختاري،،،قالت ليهو يا بابا والله شادي إنسان محترم وكويس أنت بس شوفو والله العظيم ح توافق بيهو💔،،قال ليها لا يعني لا،،أنا أديت أخوي كلمة واستحالة ارجع فيها بعد ابوها طلع،،،امها قالت ليها اسي أخير ليك حامد ود اصول ومتربي ومسؤول،،وانتي عاوزة تعرسي ليك واحد ابوهو سكاري،،الضمنك شنو ما يطلع زيو بعدين ويعذبك ويدمر حياتك💔،،،،فكري كويس انا عاوزة مصلحتك،،
__________________________
المساء كده حفلة الحنة بدت❤❤،،،كانو عاملنها قدام البيت في فسحة كبيييرة،،،لبستا لي توب اسود وكسرتو بفضي❤،،،في بنات كانو معاي في الغرفة بلبسوا،،واحده سألت التانية فستاني ده حلو؟؟،،قالت ليها صراحه لونو ما حلو وشكلو كبير لأنك ضعيفة ما جاي معاك وتسريحتك ما ظابطة،،،البت لما ملامحها اتغيرت،،،بعد البت المحرجة ديك طلعت،،مشيت قعدتا جنب التانية قولته ليها ما تشتغلي بكلامها،،،فستانك ظريف بس لو تلبسي بكعب عالي عشان يظهر أكتر ويدي منظر،،ودبسي الجنبات بدبابيس صغيرة عشان يكون ظابط فيك،،وتسريحتك ممكن تتطلعي كم خسلة كده لبرة ح تبقى حلوة❤،،ابتسمت لي وقالت بالجددد،،،قولته ليها أيوة،،،قالت لي والله كنت ح أغيرو وانسى موضوع الحفلة نفسياتي قفلت💔،،قولته ليها ليه ليه كده،،وبعدين النحافة دي ماف زيها❤ مريحة وبتقدري تلبسي اي حاجه،،،قالت لي فعلا،،،ح امشي اجيب الدبابيس،،شكرا❤،،،قولته ليها العفو على شنو،،،بعد طلعت رجعتا ظبطتا الميك آب بتاعي،،جات نسيبتي داخلة،،،قالت لي توبك حلوو،،،قولته ليها تسلمي،،،وانتي كمان توبك حلو،،،قالت لي اي عارفة،،،بالمناسبة عاوزة اقول ليك،،،قولته ليها قولي،،،قالت لي بالنسبة لموضوع ولدي وبت خالو،،أنا جاده فيهو،،،وجبتو معاي عشان الموضوع ده،،،بس للان ما فاتحتو فيهو،،،مستنية العرس يخلص واكلمو،،اكيد ما ح يكون عندو مانع انو يتزوج تاني،،لانو لو فكر صح ح يلقى انو من الضروري يتزوج عشان اولادو يتربوا في العز ده كلو،،عشان العز الهو عاملو ولسة ح يعملو ح يكون عشان اولادو❤ما عشانك،،،قولته ليها وانا ما طمعانة في ولدك،،وإذا في واحد فينا متمني انو يكون عندنا بيبي فأنا اكتر واحده متمنية كده،،،،والحمد لله لا ابوي كان محوجني لحاجه ولا اخواني،،،قالت لي ابوكِ؟؟!،،،دي قروش جدك يا ماما،،أبوك كان عاطل ما عندو شغل،،،معتمد على ابوهو،،،أنا ما عارفة كيف المغربي الله يرحمو ربطنا معاكم بعلاقة نسب،،،الله يسامحو بس،،وبعدين تعالي هنا،،حتى لو ربنا قسم ليك وجبتي طفل على الدنيا دي،،ح يكون عندك عين تحكي ليهو عن جدو،،،الأفضل انك ما تجيبي سيرة أبوك،،لانو ما سيرة الواحد بفتخر بيها،،،بعد كلامها ده ولعت فيني نار💔،،،ما عرفتا اعمل شنو،،،بقيت ساكتة وبمنع دموعي من أنها تنزل قدامها،،،رجعت وقالت لي أبكي أبكي،،،لو ما بكيتي آسي ح تبكي متين يعني،،،يلا الحفلة بدت،،ح اسبقك،،،بعد طلعت حتى انا بكيت💔💔،،،،طلعتا توبي بزهج ومسحتا الميك آب،،،مشيت الحمام غسلتا وشي وبعدين لبستا عبايتي ولميت ملابسي كلها،،،شلتا تلفوني وبقيت اتصل برحيم،،لما ردا لي ما كنتا سامعة حاجه،،،رسلتا ليهو رسالة محتواها"رحيم انا عاوزة امشي آسي"،،،بقى يتكلم معاي بالرسايل لحدي ما جاني،،،لقاني ببكي وبتنفض،،،قعد جنبي وقال لي مالك؟؟،،،قولته ليهو عاوزة أرجع،،رجعني الليلة بس ما بعرف ولا ثانية ما ح اقعد هنا،،قال لي إيناس في شنو فهميني؟؟،،،قولته ليهو رحيم ما قادرة اتكلم ياخ بس رجعني،،قال لي طيب حاضر بس ممكن نرجع الصباح،،حاليا ما بقدر اسوق،،الدنيا ليل وما معروف البحصل،،قولته ليهو أنا لو قعدتا هنا لحدي بكرة احتمال اموت💔،،،قال لي بعد الشر ياخ ليه بتقولي كده،،أمي اتكلمت معاك او فاطمة،،في زول زعلك،،فهميني عشان اعرف اساعدك،،،قولته ليهو لما نرجع هناك ح افهمك،،قال لي لا،،عاوزة اعرف مالك فجأه،،،،قولته ليهو أنا اخترتا أبوي؟؟،،،قال لي لا،،قولته ليهو طيب انا اخترتا يكون ماعندي أطفال؟؟،،قال لي لا،،،ايناس ليه بتقولي كده،،،قولته ليهو أنا زهجتا وكرهتا أبوي وكرهتا حياتي الكلها بقت عبارة عن أبوك فعل وابوك ترك وما عندي بيبي ليه،،،رحيم لو الانتحار كان حلال،،صدقني أول واحده ح تنتحر أنا💔،،،رحيم ضماني عليهو وقال لي ما عارف منو الفتح معاك المواضيع دي ولا عاوز أعرف،،،بس العاوزك تعرفيهو انتي،،أنو الهروب من المشكلة ما بحلها،،،ضعف الشخصية ما بحل مشاكلك،،اتعلمي تواجهي مشاكلك دايما وبدون تبكي،،،أنا معاك وح نتخطى الناس وكلامهم❤ ومن بكرة الصباح ح نتحرك ونرجع بيتنا،،كلو ولا نفسيتك تتأثر❤.
_______________________
شادي بعد عرف بموضوع أية💔ما ح اقول ليكم ما اتأثر،،بس اتعود على الصدمات الزي دي💔💔رده فعلو كانت متوقعة جدا،،،اتصل عليها كانت بتبكي ومنهارة،،،قال ليها أية ما تبكي ممكن،،ربنا ليهو حكمة في كده أكيد❤ انا والله حبيتك وانتي عارفة كده،،بس دام أبوك وامك رافضين الفكرة أو خلينا نقول رافضني انا💔،،فأنا ابدا ما زعلان،،من حقهم يختاروا لبتهم الإنسان المناسب ليها وده ما غلط،،وبطبيعتهم بحكموا على الناس من خلال أسرهم،،وزي ما قولته ليك الزواج بين اسرتين يا أية،،،ربنا يسعدك ان شاء الله❤❤ طلعيني من قلبك واخلصي لزوجك وصوني بيتك❤ وأن شاء الله ود عمك ح يطلع احسن مني واثق من الحتة دي،،،قالت ليهو شادي انت ماف منك أتنين💔💔،،أنا بحاول اتكلم معاهم تاني،،و....،،،قال ليها أية م تقولي انا بايعك او كده،،بس حتى لو حاولنا،،نظرتهم ما ح تتغير💔،،،قالت ليهو يعني كده خلاص،،خليتني لغيرك بالبساطة دي،،بدون ما تقاوم حتى؟💔،،،قال ليها كان ممكن أركب رأس واعمل السبعة وزمتها عشان اكون معاك،،بس صدقيني أول مشكلة ح تحصل بينا لما نتزوج،،اهلك ح يهاجموك،،ويقولوا ليك ده الحاربتينا عشانو💔،،،قالت ليهو أنا بكرهك بكرهك شديد،،قال ليها يستحسن تعملي كده❤ مع السلامة،،،بعد قفل الخط،،وعد جات وقعدت قدامو،،قالت ليهو شبه فهمتا الحاصل،،،ولا يهمك ربنا يرزقك بست البنات البتشبهك،،قال ليها لالا خلاص قفلنا على كده،،عمري 28سنة داخل تلاتة علاقات عاطفية فاشلة،،كده كفاية علي شديد والله💔،،قالت ليهو وده بسبب سمعة بابا طبعا،،،قال ليها أيوة،،يلا بعد كده ما لي غير الشهاده والعمل الصالح ههههه،،،وعد قالت ليهو أكيد ربنا ح يرزقك بس أنت خليك صبور❤،،،قال ليها ان شاء الله،،،يلا انا طالع،،قالت ليهو طيب م تتأخر.
_________________________
قصي اتصل على مودة وقال ليها انو جاي عليها،،جهزت نفسها تمام وكانت مبسوطة،،اولادا الصغار نايمين،،ومنتصر بقرا في غرفتو،،وتيسير جات من الجامعه ونامت على طول،،،بعد جهزت الغرفة التحت،،مشت لمنتصر في غرفتو،،قالت ليهو كفاية قراية يا ولدي نوم بعد كده،،،قال ليها طيب شوية وبنوم،،قالت ليهو عاوز حاجهه؟؟،،قال ليها لالا،،نزلت تحت،،لقت قصي متصل عليها،،ردت ليهو وعرفت أنو جنب البيت،،،،فتحت ليهو الباب براحه وبحذر،،،دخلوا الغرفة مع بعض،،قالت ليهو ياخ ما تتخيل انا مشتاقة ليك قدر شنو،،قال ليها ما أكتر مني،،،بس ثواني عاوز اعمل مكالمة،،قالت ليهو طيب وانا ح اجهز نفسي،،خلاها دخلت الحمام وفتح فيديو وختا التلفون في ركنية كده،،،موده جات وحضنتو من وراا،،،قال ليها الليلة دي بذات لا أنتي ح تنسيها ولا أنا،،،،طول فترة وجودهم في الغرفة،،منتصر كان بعاين ليهم بخرم الباب ودموعو نازلة........💔💔💔
"أمي ليست بمذنبة حتى وان ارتكبت الجريمة،،أبي هو الجاني الحقيقي"
#نتلاقى
