مسـاء الخيـر حبايبي
نارة
__________________
غيد
ضَل يحجي وياي ويكلي بابا وين عفتيني بابا تعبت بغيابكم اني تبت مشتاقلج حيل ويبجي
اني هنانه ضليت ابجي ويااا ضل يحجيلي ويكلي ضليت بشوارع واني من كل وعقلي مصدگة
اخر شي گام يغلط ويسب ع نارة شلون باعت البيت واني اعلمهه ماقَبلت وضليت اگلة لاتحجي ع نارة
بالاخيَر گلي تمام ماحجي عايهه بس كليلي مكانكم وين طاگ گلبي اريد اشوفچ انـي بكل غباء جاوبتـة ب
بابا احنـة اجينة بكربلاء
راشد
اي وين بكربلاء كليلي بابا اريد اجي اشوفج طاگ كلبي عليج
بابا اني مستحيل اعوف نارة لاتحاول اني احبـهه وماعوفهه
راشد
بس اشوفج غيد ما اخذج هسه اريد اصحح غلطي واشتري بيت وجيبج يمي واصالح يسر وهم ترجع يمنـة
احجي ويـا خابرتنـي نارة خفت و ضليت ابلعم سديتـه منـة بسرعة ضلت تحجي عليه وتكلي ويامن مشغولة كتلهه وي صديقتي كوة قتنعَت
نارة
بدلي غيد وروحي يم رند لاتبقين وحدج بالبيت البسي شي بي حظ لاترحين بالمشلتح اني اتاخر
افف اوكي هسه
نارة
من توصلين خابريني
تمام
دگ علية بابا اباوع اني شداسوي شلون گتلة بالمكان ياربي اذا درت نارو شسوي بية شگد اني غبية ماراح اگلة اني وين اي اي احسن شي وما ارد عليـه هسه واذا گلي مره لخ وينج اكل لنارو واحرصملهه وبلكت نرجع اصلا اني اختنگت هنـا اوَف
بدلَت بسـرعة ماجان عدنة دروس هواي اصلا راسلَت رنـد گالتلي تـعالي يمي حيل ضايچة گتلهه كومي افتحيلي الباب للان استحَي گالت يلا منتضرتج
رحَت دگيت البَـاب اجاني صوت زيد
زيد
ايي ايي
يبوووو استغفرررالله هم هذا
بعده مافاتح البـاب خل امشي احسلي
ها للا عيب شيكولون هسه دكت الباب وفلتت يشوفوني بالكامرات
انتجيت ع الباب واني كاتفه اديـه واباوع بتململ اول مره ينتابني هل شعـور شعور انو غثي ولا تهتميلـه وراوي شنو حجمه فتحَلي البـاب اجه وجهي بوچهه
دنگ ع ملابسَي وملامح الضوجه بينت ع وجهه
هنا رنـد
طب وگال طبي باوعت رنـد اجتي هوه راحَ طب بالاستقَبال ورنـد طلعتلي من باب المطبخ
شگد ثولة موو گتلج اطلعيلي بالباب
اشرتلي وهيه تگلي انو جنت امشط شعـري
طبينـة اباوع البيَت خالي اشرتلي رنـد امي وابويـة طالعيـن والبنـات نايمين و وعلي بالعيـاده
ضلينـة گاعديَن اني ويـاهه صَح هيه م تحجي بس تاشرلي واني افهم عليـهه ف احسَهه حيل رتاحتلي واني هم كلش تونسَت ويـاهه
شوية واندگ الباب واجانه صوتة
زيد
اطيني الشـسوار
تاففَت وگامت انطتنة الشسوار شوية وندگت البـاب
زيد
تشيرتي الازرگ غاسلتـة
كلتلي دقيقة راحت انطتهيا واجت كعدت يمي
شسالفة ههذا اخوج كل سَاع شي يمة هذا لو اخوية اخنگة
اشرتلي انو للا وبعـد حجي ما فهمتـه كتبتلي بالموبايل
رنـد
لاوالله بس ماعرف ليش مزاجة برتقالي اليووم ما جان هيج مدري شبي هسه
زيد
ررررررررررننند تعاااااايي
نـزينة من صوتـة راحتله ترگض
راحَت وبعـد ماجت ضليت منتضرتهه شويـة وطب زيد
جنت بدون شـال بس ماهتميَت ولا اجت علة بالي اصَلا لان انبي حته من البس شال كلاوات ومامتعوده عليه حته
واگف يم الباب باوعلي وگلي
زيـد
تدريـن لسـانج حيل طويل
زين تدري اني اول مره اشووف ولد هيج جريئ هلكد
انت بيا صفة هيج تحجي وياي بس اريد اعرف احترم شوية كول بنية وجاية لبيتنه تجي وتحجي هيج ع اي اساس! ماتريدني اطب بيتكم بعـد! رجاءا ابتعـد عنـي حاول شوية تحترم
زيـد
تره سمعت شكلت لرند مساع
سمعت ما سمعت مايخصني
باوعلي وهوه يريد يموت من قهر يريد يحجي مايكدر ضحكت حيـل اني ايييي احس ارتاح كلبي لا لا والله بعد بعد كون اريح كلبي بي وغثه اكثر اني اعلمك
يالله شگد مليق ههذا لولد شريد مني عابَت اللهه يخلصني وراجع البغداد احس المحافضة كُلهه جاي تختنگنيي
احجي بزهَگ طبت رنـد وهيه تتعـذر تگلي سبـانيي ع ملابسة غسلتهم وجففتهم واجيَت
ضلينـة سوه وهوه طلَع همزين طلع روحة بلا جية گعدن رفـل وشذى هم
مَع انو ثنينهن طيبـات وحبابت ووي بعـض مو خبث خبث للا بس غيره گاعدين سوه نشـرب جاي وكعك
رفَل تگوب تلعب نفسي وحاطة ايدهه ع بطنـهه خابرت علي يمَنة
رفل
حبيبي بطني حيل توجعني ومادري احس نفسي دايخة ونفسي تلعب وغايبتلي هم اضن حمل
هههههههه لاااحبيبي شبيك يمة ههههه لاحبيبي لاتجي بس جيبلي اختبار الحمل وياك من تخلص ههه فدوه اروح انشالله هل فرحـة دوم علينـة
اباوعَ لشـذى تباوع ومعلوسة علس احس گلبي تكسرر تكسر عليهه
سدت الموبايل وباوعت وگالت
رفل
بنات اضني حامل
اباوع لشذى تبتسم بس بانكسـار خطية حيل نقهَرت عليـهه خابرَت نارة گالت اني للعشَره اذا ما تخافين ارجعي للبيَت
رنـد ضلت مجلبتلي ابقة يمـهه لان امهه وابوهه جانوا طالعين همه دومهم طالعيَن ومايهتموون يضلون حتة مرات اكثَر من يوم
ضليـت يم رنـد للمغرب صليًت بغرفة رنـد وياهه ه
للمغَرب تقريبـا اجة علي سووا تحليل الحمل بس خطيه طلَع للا مو حـامل احس الفرحة راحت من وجهه جان احسة حيل متحمَس جان
انـي كتله
يلـة ربك يعوضكم لتخاف
علي
انشاللـه انشالله
الله دائما يأخـر الشي حته يجيبه بشي كلش قوي انـي متاكده يجيكم توم هسه من بعد هل عناء
علي
هههههههه يمعوده بس خلي يجي واحد راضي بي
لا اني متاكده توم وكول غيد ماكالت
علي
الله يبشرج بالخيـر انشالله
خطيه فرحتهم راحت والبيت صار صمت زيدد ماجه ابد تقريبَا صارت ال8 علي خابر ابو اسمعة يگلة بطريق اني حيل اضوج من امهم لان مدري شلونها
گلَت لرنـد لازم اروح ششگد حرمصوا كتلهم ابـد علي ضل واكفلي بالباب حدما طبيت للبيًت صح اخاف وحدي اضل بس حتلا
ضليت گاعده بالطـارمة والعب بموبايلي بابا ضل يخابر واني مارد، عما اچَت نارو
اليَوم الثـاني م غيرت اي شَي من لبسي ولا اهتم لحجي زيد طلعت لگيتـة منتضرني صعـدت بسيـاره هوه همَ صعـد
يباوعلي ويهمَس بمدري شنو بينة وبين نفسة مدري شبي احسة مجنون وعاقج حواجبة اربع وعشرين ساعه حته مو نفس اخو السيد
مرينة ع البنيـة صديقتـي وع البنات الي ويا بالكلية هاي بنية اسمهـا رسل يمة داگين هيه ويا ميانه بس ضحگ وسوالف ماعول اوصَل لمدرستـي واعوفة
انتهه الدوام طلعنة باوعَت رسل كاعده بصدر اضايقَت حيل
رحنـة كال يلا اصعـدن من وره خشمة دگيت الجامة الي يم رسـل نزلتهه
زيد
ها شكو
بلا زحمة ممكن تنـزل اريد اگعد بمكاني
رسل
مكانج ماخذه طابو بي قابل
زيد
اصعدي وره شنو الاختلاف
ماريد اگعد وره اني هذا مكاني بلا زحمة انـزلي اريد اگعد لان الشمـس مووتني
رسل
ما انـَزل تره السياره مو الج وليش ماتگعدين بالوره قابل يگرص وبعـدين اني گعدت بعـد
زيد تحجي وياهه يا شلون اني مستحَيل اگعد وره
ضليت واگفة بمكاني واضرب برجلي بالگاع وكاتفة اديه عاندت حته اكسر خشمهه هيج بالعناد
الي اعرفة مستحيل اخليهه تگعد هنا يا ماروح وياهم يا تنزل
شفَت زيد نزل اجة بعصبية حضرتـة ويحجي
زيد
اصعدي وره تره ماكو داعي لهل شي يلا تعطلنة
ماااا اصعتد انت ليش ماتفهَم اني اضايقَ مارريد ماررريدد افهَم
باوع منـا ومنـا ورجع باوعلي
زيد
غيد اصعدي منااا ناسس انفضحنة
انتت ليش متفهممم مستحححيل اصعـد ياا تنزل واني اصعد يااا ماريدد
زيـد
عقل طفله موبيدج معذوره
ليسمعك يكول ميت سنه عمرك
باوعلي صفح و دك جامة ع رسل الي تباوعلنة وعاقجة حواجبـهه واشرلهه تنـزل
نَزلت باوعتلهه هيج 😏 مادري انو زيد شافني راساا صاح غيدددد
اني كتله يتململ
شكوو
صعدت بسيـاره وهدوء بس احس نفسي منتصره احس مسويتيلي شي
والله يالله ماسكت عن حقي يا شنو تهي بهي اخذتة اخذته
صرت استغل الطريق والرجعة حتـة اقره بيـهن من اروح ل رنـد ماطول اني اجي منا زيد يروح منـاك
مرات اصفن وي نفسيي واكول ليش هيج يكرهني وليش هيج اكرهه
الكره الي بينـة كلشش صرت ماطول يمهم ارجعع للبيَت واكعد بطارمة اقره
راشد حجيت ويااا بس كل ما يكلي مكانكم وين اغلس عنـة
بس احسة هواي متغير يحجي وياي وبابا وحبيتبي واني طايررره من الفرح
ماتجرأت احجي لنارو عن الي يصيـر لان احسهه راح تصدني
صَرت اهتم بقرايتي اهم شي هيه وصرت اضغط ع نفسي علمود القراية حتة مرات يصعـد الضغط عنـدي شگد نارو تضل تحجي بس اني جان بالي يم شي وكلت لو شيصير لازم اجيبـة
زيد كل يومَ نتعـارك اني ويـا لمن نرتاح مرات يكلي
زيد
اطجياهه طگ بطگ اني كلج ماتعجبيني لالبسج يعجبني ولالسانج يعجبني انتي مادري شلون حاسبه نفسج ع البنـات الزينـات ومدري شون ناره راضيـه بيج ك اخت
بيومـهه من حچة هيج متت من لقهر بس جاوبتـة بكل قوه وگتلة
زيد للا تتوهم تره اني مومن ذني صاحباتك حتـة اعجبك او لا
ان جان اعجبك او لا ماتهمني واللة اخر همي ارضيك
وبنسـبة للزينات وموزينـات ف النبي محمـد ويحجون عليـة كلام الناس مايهمَ
بيومـهه ثنينـة مغندبين رجعت للبيت ميتة من القهر مادري ليـش يحجي هيج وياية ويضوجني دائماااا
من صـارت سالفه ال ضغط اشوفـة مايحجي ويـاي ولا يكلي بس يباوع ويتـافف
رسل كرهتـهه حَيل هيه ويا بس يضحكون واني من اشوفهم هيج مبـاشرتـا جنت اضوج وانقهَر حيل اضوج منها من تحجي ويـا لان احس حجيهم كله تمخرط مدري شون يرهموا حسبالك مصطنع
رنـد هَم صـاررت ملتهيَة بولـد تگلي حيل احبـة ويحبنـي اني صرت اذب جهدي كلة ع الدراسـة
العصريـات گاعد خابرنـي راشد سلم علية ونفس كل يوم
راشد
اني هسه بكربلاء وين انتي بالضبط حبيبتي اريد اشوفج وبس طاگ كلبي عليج ولج مهجول اني بدون بيت حتـة كليلي وين
انـي من سمعتـه هيج حجة مادري شصـار بيه خفت وحسيتهه راح تصير گتلة مستحيَل وماشوفَك وماگلك فاچأني من يگلي
راشد
بت الكلب بت المطي انتي مووو مالل احترام هي ادبسز ياساقطة طگ صبري احجييي وينجج هيه لو امج بيهه خيررر جانن انتيي طلعتي بيج خير ياااسافلة يا ساقطه انتي بعد عاشرتي هاي اختج الكح.*** شريدج تطلعين
هوه يحجي هيج واني تخبلت سديت الموبايل بسرعه وضليت بس ابجي ضل يخابر واني مـارد ضميت الموبـايل كرفصت ع نفسي وضليَت ابچي
قهَرني حيل معقولة جان يجذب علية وهاي حقيقتة يعني قنعني ابجي ومنقهره شويَة و ندگت الباب مسحت دموعي بس هوه مبيـن اني دابچي سمَعت صوت زيد
منو
زيد
اني
خو ما كو شي ليش ما اجيتي اليوم
ماعندي شي شكرا
حجيت هل حجي من وره البـاب
بعدهه ماسمَعت صوت
طبيت للبيت وضليت ابجي واقره
اجتـي نارو اني احاول ابين انو ماكو شي بس بساعتها تخربطت حيل اخذوني للمضمـد ونارو حسبالهه بس من القراية ماتدري من القهَر
موبايلي حاطتـة صامت وگاطفتة مدري وين اصلا ومو بحـالة واخاف الزمة
اليوم الثـاني داومَت زيد ضَل يحجي وياي شلونج وشتحسين وشگالج المضمد واني احجي ويا ع گد السوال بيومهه من طلعنـه هوه و رسل ضلوا بس يحجون و انـي راسي احسه يموتني بعد ماتحمل حجيهم ولا سوالفـهم درت وجهي ودحست نفسي بين الكشن وبين السيـاره ونمت ماكعدت اله ع صوت زيد وهوه يكلي وصلنه
المهم مرت الايـام صرَت احسن شويـة وره يومين رفعت خط ع راشد ضل يگلي واللة منقهر ولان ميت عليج
جان يحجي ومقهوورر مبين اني بكل غبـاء صدگتة وصرنـة نحجي سوه ههذا ابوية مووو احد غيررره موو شخص يحبني حته ماصدگة
كل ضني الاب مستحيللل يسوي شي يضررر ابنـائة ههذا ضنـي جان ماجنت اضـن ابوية هيج يكرهني!
رجعنة اني وزيد نفس شي جنت مابجي يمه من يضوجني واضل ارادده بس بعدين اضل بس ابجي وادردم عليـة
يوم من الايَام طالعين من المـدرسة باوعَت زيد بعـده كلي اليوم محاضره عدنـة زايَده
اوووف ياربي فوگ الحر الحجاب
وحـده من صديقاتي كللي
ها ع اساس تكولين اني مومحجبة جنت ومادري شنـو بلة ماتنـزعيَن الحجاب
اهَو وربي وربي مو محجبة وهسه لحد هسه اني مومحجبة بس مجبوره وماگدر انـزعة
صديقتي لخ كلتلي
يلا انزعي اذا صدگ وصـدك
هاي المـديره موجوده هنانه
وهسة اني خايفة من المـديره
نزعت الشال االـمديره كالتلي هايي شنو كتلهه ست اني سـافره سكتت ماحجت شَي
اني جوة بالمـدرسة بس باب الرئيسي مفتوحـة حتة نشوف السواق نـزعت الشال وگتلهن ههَا تره عـادي!
غمـزت لصديقاتي وضلَن يكللي نيالج ومدري شنو ماعرف ليـش مجبورات لابسات حجاب هنـة لازم يقدسن هشي موهيج يسوَن
ماسمع غير صوت هورن سَياره زيـد درت وجهي لگيت زيد دينـزل من سيـارتة ويباوعلي بغضب
اكو سواق طابين يشوفون الي وياهم ويباوعلي اني مـدري البس الحجاب مدري شسوي
نعلت الشيطان وحطيتة ع راسي اجة بتجاهي همست ل صديقتي كتلهه بسرعه امشي دنصعَـد
مشت واني امشي وراهه جانت لابسة عبايه واني اجرجر بعبـايتهه
صعدنة بسيـاره
رسل ضلت تكلي يا شون تنزعين حجابج گتلهه اني سافره اصلا
صعـد زيد وباوعلي بنضرات مستحيل افسررهن نضرررات غضب حيلل سد الباب ورآ حيل بحيث كل احنـة نزينة
همَس بصوت ناصي وهوه يتقرب يمي بحجة الكلينـس
زيد
عدلي حجابج لا يصير غير حجي
باوعتـلة من فوك لجوه وتهزيت
ودرت وجهي للمراية بس شنووو جسمي خايف ويرجف ماعرف ليش
طووول الطريق يمشي بسرعة اني گلتت هايهيه اليومم اخر يومَ بحياتي
گلت لازم اسوي شي هوه اخخر وحده اني يوصلني حته يروح للبيتهم كلت ضروري اسوي شي اخلي يوصلني اولشي
اخخخ زيد
وگف سيـاره بسرعة وباوعلي
زيد
شكو
راسي حموت اصن ضغطي ارتفع لازم اخذ علاج حباب وصَلني للبيت حيل دختتت
نضراتة صارت نضرات واحد خايف عليـة لف ورجع وطول طريق نزل يجيبلي مي ويسال وصلننة للفرغ اني حصرتني الضحگة
بينت اني انو كلهه جذب همس
زيد
هاي عود صدك
ضحكت وباوعتله هوه كال خوش اللة كريَم
خليت ونزلت بسرعة واضحك بس شنو هم ونزاح مني همـزين مخلاني اخر شي جان مشبعت من نغيطه
مارحتلهم للبيت ابد ولاتعديت يمهم خايفة حيل ميتـة
بهذا ليـوم ضليت سهرانه ل٤ عدي امتحان كلش صعب وكعدت بال٦ راسي موتني نسيت اخذ علاج ولاشي رحت للمدرسـه وابد ماهتميت لزيد كملت دوام ب الـف يا ويل كلش تعبت وكلساع واريد اتخربط راسي حيـل يوجعني كام خلص الدوام ماعاولت اصعـد بسياره حطيت راسي ع الكشـن وغمضت عيوني
زيد ماحجه ويـاي ابد شافني تعبانه ومالي خلك سكت ع سالفه البارحه
كاعديـن بسياره وطول الطريق رسل و زيـد صرعونه بالحجي رسل كاعده بالنص وماده راسهه وتضحك احس ضحكتهه ب اذنـي كلش تنرفزت انـي درت وجهي وكتلهه
ما امنعج من الحجي بس احجي بصوت ناصي راسي موتني منج
رسل
اوي عيني اوي عله كيفج ست غيد قابل حاطه حلكي ب اذنج
شهل قرف هذااا قرفتيني
زيد
غيد شبيج شنووو هل حجي هذا
رسل
والله هاي ولا تستحي شوفهه شون تحجي والله ماكو قرف غيرج
درت وجهي واني مو طايقـه اي شي احس راسي موتني وذولة يلغون براسـي
زيـد وگف السيـاره شوي
زيد
شكو ؟
زيدددد داكلك وگفهه
وكف السيـاره اخذت جنطتي ونزلت
نـزل وراي بسـرعه باوعلي وكال
زيد
هاي شبيج ليش تتمزعطين هيج وين ترديـن ترحين بنص هضهريـه هاي هااا؟؟
انت شدخلك ومنو عاتب عليك ومنو كلك انزل روح روح اخذ راحتك احجي واشبع قرف وياهه بس عوفني بس فكني منك
زيد
اصعدي بسرعه اني بعد ما الي حجي وياج احجي وي اختج بس اصعدي اوصلج للبيت وهاييهه
ما اريددد اصعد وياك عوفني عوفني
زيد
لاصييحين بنص العالم لاصيحيين يلا اصعدي بسـرعه شبيج فضحتينه
كتلكك ماريدد اصعد ماريد عوفني
اكو شرطـي مرور يمنه باوعلنه
عمووو متكدررر تجي فدوه لكلبك
الشرطـي اجه زيد باوعلي وكال
زيد
شدسويننن انتيي
الشرطي
ها عمو شبيج اكو مشكله
عموو حباب كول لهذا خلي يروح عنـي هذا سايقي واني اريد انزل منـه لانو هوه ابو بنات وبس يحجي وي البنات وحجيهم مايعجبني واني اريد انـزل ومايخليني
اباوع ل زيددد يباوعلي بنضرات الصدمه باوعلي وكال بكل عصبيه
زيد
تدرين انتي لو ولد جان فلشت وجهج هسه
الشرطي
انجب لك انجب تعتدي ع بنيـه يمي يلا بسرعه انطيني اجازه سوقك وغرامه ٥٠ الف هسه تدفعها
زيد
اني مامسوي شـي حته اسوي هيج
الشرطي
والله هسه اخلي سيارتك بالحجز ولا اكلك هسه احجزها
شفت الشرطي راح اتجحه لسياره زيد اني باوعت وكلت عزه انـي شسويت شو نلاصت
راح زيد ورا وهوه يكله
زيـد
سيدي اني صاحب خط والبنـات وياي ماكدر وين اوديهن هسه اهلهن مامنهيهم يمي شون اعوفهن
الشرطي
ادفع غرامه وروح يـله
باوعت لزيد باوعلي وهوه صامم ايده حيـل نضراته مال اسد ويريد يهجم ع فريسه راح للسيـاره جاب ٥٠ الف واجه انطاهن للشرطي
زيد
سيدي اكدر اروح هسه
الشرطي
ويـن اجازه سواقتك
زيد
سيدي والله ماكدر هايهيه مشي امري
اتقدمت اني وكتله
لا عمو عوفـهه اجازه سوقه خطيه
باوعلي الشرطي وكال يلا علمودج وهسه انت ماريد اشوف وجهك
زيـد
يلا اصعدي خل نروح
الشرطي
ماتصعد وياك امشي روح
زيد
ماتندل بيتهم سيدي وين اعوفهه واروح
الشرطي
اطيني عنوانهم
انطـا عنوان البيت واني احس نفسي حيل لصتهه عليه فكرت اذا درت نارو شسوي بيه يمه نوب زيد خله وراح بالكوة
الشرطي كالي
وانتي شعندج موجوده لسـه
ياكبر الك والخلقتك اخذت ال٥٠ براسـي امده حضي ابو كرش حجيتهه بكلبي وكتلـه
اجرلي تكسـي وكله ع العنوان داروح لبيتي
الشرطي
والله بنات بنصاص الضهاري تكاسي وحدهن انتي اهلج وين
انت شدخلك بيه شعليك اخذتلك ٥٠ بعد شتريد
الشرطي
ال٥٠ الي قابل شكد لسانج طويل
خليهه بيني وبينك عمو بسببي اخذتلك ٥٠ يله هسه اني مريضه وراسي يوجعني اجرلي تكسي
هوه صدك راح اجرلـه تكسي واجه اباوع للولد الي اجره مو راحه يمه شسويتي بروحج يغيد
صعدت ويا وهوه يباوع بنضـرات ابد موحلوه ونضراته مفضوحه اني متت بدمي كلت هاي شسويت بروحي اني وجماله كلشي ما اندل
اكلت خوفه من هاي زينه وصلني لشارع وكال
ماعندج رقـم شي يحلوه
هوه من كال هيج اني شفت كومه ناس كلت هذا نيته مو خير كلش خفت كتله نزلني بسـرعه كل اريد فلوس كتله والله ماطيك شعليه انـي ربع ما بجيبي حسبالي الشرطي منطيك
عفته يلغي ونزلت اركض وخايفه لا يلحكني ويشوفنـي شفت هذا اسواق المرتضى دائما نسوق منه اني و نارو
عزه يعني اني يم بيتنه ضليت افكـر و اشوف المكان حته احاول اذكر منين جنه نطلع وشلون بعديٌدن شفت فرع بيتنه اني الفرحه مساعتني طبيتله حسيت سياره وراي باوعتلكيته زيـد
اني طكيتهه بركضه من هاي الزينه وصلت لبيتنه بسرعه اريد افتح الجنطه و اطلع المفتاح عفت الجنطه بالكاع وطلعت المفتاح هوه صف سيـارته
فتحت الباب هوه نزل واجه بتجاهي اني راسا طبيت وسديت الباب وعفت الجنطه بره
اسمـعه يحجي بس صوته بعيد
زيد
نزلتي من عيني هواي وصدكي يا غيد اله اسولف ل نارة كلشي وماراح تلومين اله روحج
سكتت ماحجيت شي انتضرت نص ساعه حسيت ماكو صوت فتحت الباب شفته ماكو اخذت جنطتي وطبيت رحت نمت واني افكر ب الي صار كلش خطا شون اسوي هيج ضليت متندمه واكل بروحي وخايفه بنفس الوقت شون حتكون رده فعل نارة
العصـر گاعده بطارمة وخـايفة حيل خابرتني نارو وگتلهه خايفة لان صدك اني خايفه
اسمع السيد يمهه گال روحي يم رنـد اني استحيي حيل بس چبرونـي وفوگاهه السيد كلي حخلي زيد يجيج
اني تاففت وكلت اهو هم هذا يجيني
لابسه تراكي مجرد ما رحت جبت شال ولبسته فوك تراكي
شوية وندگت الباب طلعت الوجه ميتفسر
واگف بعيد عن الباب گال ب اسلوب نتر يلا امشي
تره ما اشتغللل خدامة عندكك
هز راسه بالايجاب ودار وجهه وكانما بتوعدَلي سكتت ومشيت ورآ طبينـة
سلمت عليـَهم اباوع رنـد مو ع بعضـهه ابد مادري شبيهه لاطلعت لاشي من اجيت طلعت من يمهه سالتهم كالوا مريضة ضليت گاعده يم البنـات ونسولف بس شنو
ما عاولت صارت ال10 اجت نارو گالت يلا نمشي اني كيفَت بسرعة طلعَت كالت اشوف رنـد واجيج
شلون العصفور الي حرروا اني هيچ طلعت بسرعة بس مامحسبـة الي يصير اباوع زيد موجووود بالباب
باوعَلي اني بنص الطارمه
عود اريد ابين كلشي ماكو بس من شفتة طب خفتتت ونرعبت و الرجفة صارت بجسمي التفتت داطب انجريت بس عه
انحطَت ايد ع حلگي اريد احجي ماگدر عرفتـة انو زيد بس الرچفة سرت بجسمي وعصبت بنفس لوقت شون هيج شجرني
الطارمة مالهم حيلل جبيره ف بنهايه حاطيَن نفس الخشَب مطلعيـنة وخر ايده واني اتنفس بسرعة باوعَت زيد
عوفنييي انت شترربد وليش هيج جبتني لهناااا
احجي واباوعلة بعصبية والهث
زيد
كل ما اكول خل اصبر كل ما اكول هسه تصير احسن ترجعين للاتعس لج انتتتي شنوووو كليلي يمتة تتعدلللين ههاا اليووم شلووون تسوووين هيجج شلون سوايتج عاجبتج كليليي عجبتج سوايتج
كل هل حجي اني ع الحايط وهوه كبالي ويحجي بحرگة
درت وجهي داروح رجع جرنـي وصمَ ايده ووجهه نحو وجهي للحضة كلت حيضربني مغمضة عيوني
فتحت عيوني ايده ع وجهي وعيونة دم
زيد
وتاليها يعني
ا اريددد اروووح عوفني يلااا وماعليك ولا تتدخل بية خوشش
اربد ابجي بس مدري شلون مسيطره ع روحي شايفين شكد اكو قوه وشكد جريئة بس اذا واحذ كلي بز ابجي
زيد
شوفي غيد راح انطيجج اخخرررر حللل ب انو تغيرين روحج للافضـل والله العضيم سوايتج هاي اليوم اذا درت بيها نارة والقران ماراح ترضه
ش شنوو وانتت تتههدني حضرتك بنارو
زيد
اههددج انصحج شتردين تعتبرييهه اعتبريهه وصيررري من ذني البنات الخوش ليوم بهذلتيني تبهذل يم اليسون ويم المايسوه
لاحسبالج غيره لو حبا بيج لاوالله بس علمود نارة واكول اختهه
من حجه هيج ضليت اباوعله بقهر اريد احجي
حسيت نارة اجتت خفت وكلت راح يكوللهه
سمعت صوتة وهوه يعيط
زيد
گلي لاختچ خل تلـزم حدهه
باوعتلة بقهر وكتله
و انيي اكلك اعرف انتتت منوووو لاااتدخل بحياتي فاهههم
زيد
ادخل ونص احترميي نفسججج وجريي عدلل
اريد احجي سكتني نارة
نارة
هااا هااا شك شبيكمم شنووو اني بنصكمم بعدين شنووو زيد شدتحجي شنووو احترمي نفسج اشايفهه شبيكمم اصيحوون منا ناس
ردت احجي كالتلي نارو اشش ولاحجاية منا ناس اجه السيـد ودخلوا يردون يفهمون اني دموعي كامن ينزلن وكلت شسويتي بنفسج ي غيد راح تنفضحين فضيحه
نارة كالت ححننفضح جرت ايدي وبـاوعت ل زيد
زيد
بعدين نحجي
جرتني من ايدي درت وجهي وباوعتلة واني ابجي وكتلة اكررررهكك بس باشاره بدون حجيي
رحنـة للبيَت ونارة ضلت تحجي ويـاي قنعتنـي بعد ما جنت اني رافضـة فكره اضل ويا ومقتنعة هايهيه تشوفلي غيَر خط متخبَلة منـة
نارة تكلي ع ملابسي واني اطبب منا واطلع منا ولا يهمني
نايمة ع الفراش وافكر ش البس باجر واغيضة وغصبا علة وعلة عشيرتـة الي البسه البسه ومادخلة
بعدهه كلت لازم البس عدل وشي في سبيـل بلكت ينسه ومايكل ل ناره ف ثاني يوم لبست زين هوه ماحجه اي شي ولا اني حجيت ويـا
مرت الايام واني ويـا نتعارك مرات حته احس نفسي اريد اضربه بس ماكدر ابن العالم نوب يروح يوكع ونبتلي بي شسويله
ضلينـه نتعارك اني ويا وصلت بينـه انو اروح من يمه والسيد كام ياخذني واني استحي من السيد ف البس صدريه وقميص طوال وعمده اراوي انو انـي يم سيد هيج بس يمه لا بعناده بس شكم اسبوع ورجعوني ويـا كوة عليه
تعاركنـه فد يوم اني ويا عركه حيـل جبيره ف من رجعت للبيت
اختاريَت ملابَـس اصلا ملابسي كلهه نفس الشي اجة اليوم الثاني اني متحمسـة حيل بس خايفه لا يكل لنارة ع الي صار
نارة دوامهم صار من صُبح ف راحت مستعجلة كوة كمت اريد العب ع اعصـابة بدلت و اكلت طلعتله لكيتـة واكف بالباب بسيارته
زيد
موو صارررلي سااعه وينج
اي اي اجيت
طلَعت كلي لان جنت ماده راسي باوعلي من فوگ لجوة ودار وجهه للطريق استغربت شسالفة شو ما حجه شي
يلا يلا بعد احسن يطبة مايطبة
صعَـدت ويا ساكت كلشي ميحجي أصلا جبنـة البنـات خابر مدري منو يكلة الخياط واريد اتوبة واني اعلمة وليش يحرگ دشاديشنة واني كل ضني حصير عركة
وصلنـي للمـدرسة مشة الوقت صار وقت الطلعـة داطلَع شفَت صدديقتي الي وياية بالخط ماكو سالت البنات كالت ركبَت وي سايق كلتتت عزا شنووو نـاسنني!!!
انتضرتـه واني افرك باصابيعي وخـايفة ضليت اخر البنـات خابرتة من الحارس كلي هسه اجي
انتضرتـة واني متحلفتـلة من يجي شوية والحارس سد المدرسة وراح لان محد بقة غيري والوقت تاخر
دامـشي بالمكان الي يصفَ سيارتة بيـهه ماحسَ غير انشلت من الگاع بسرعة اريد اصيحح ماكو راسا نحطت وصلة ع حلگي وعيوني
ماسمع اي شَي حطني ورا وصـار يسوق اني متتت ضليت بس ابجيييي وارجججف ماكو اعتقد 3 د ونـزلني بسـرعة
اكو نفس درجات نزلت منهمَ واني فاحطة بجي كوة جرني اني ماريد انـزللل
ندفعت ع فررراش تخبَلت اني شوية ونحطت سجينة ع رگبتي
صوووت خشنننن حيللل بس الصوووت ماعرف ليش حسيتـة مار علية
گالي
اذا تلبسين هيج بعـد اموتج
ابجي واتوسلة
حباب والله مالبس هيج والله حباب بس عوفني واللله اختي تضل تبجي عليه اذا اموت حبابب عوفني بداعت امك
احجي وابجي سمعت صوت ضحگة الصوووت مو غريب علية بسس اني وينن بذيج الحـالة بًسس ابجي ومختـرعة
خابرلـي نارة ضليت اصيَح سـده وطلَع حالتي حالة ضامـة نفسي وخايفة وارجف سنوني سن يطگ بسن من الخوف
رجعلي مره ثانية وكالي
تدرين اذا تلبسين هيج قناص احطة براسج وبراس اختج وبراس هذا السيد خوش صيري خوش بنية
صوتة يخوف هزيت راسي واصيح اي واللة اي
كال
يلا راح اشرد اني
كل هل وقت وهوه صام عيوني بحيث كولشي ماشوف ابددد بس احجي وحاط سجينة يم ركبتي يككلي بس تحجين اذبحج واموتج واني اموت من البجي والخوف
رررجع ربط حلگي وراحَ بسرعة شوية وحسَيت نفسي عيوني غوشن وبعد ماگدر ماحسيت بشي بعدهه غير ع مي ينـزل علية
فتحت عيوني شفَت زيد گاعد يمي من الخوف والقلق حضنتـة بسررعه واني ابجي
زيدد زيدد خطفوووني
زيد
اششش هايهيه لكيتج هايهيه صارلي شكد ادور عليج رجليه راحت
ا انت شون وصلتلي
زيد
ها اجتني رساله ع موبايلي خوما اذاج
وخرت راسي منة وكتلة
لا بس هوه ليش سوه هيج
زيد
اني موكتلج يا غيد همه ذولا عصابة بكربلاء اي وحده ماتلبس عدل يخطفوهه ويطوهه قوانين اذا ما التزمت بيهن راسا قناص يطيرولهه راسهه
گال هيج اني شهگت وحطيت ايدي ع صدري
يمة صدك زيد
زيد
قابل جاي اجذب عليج روحي لاصدگين
راد يكوم لزمت ايده وكمت ويا
و ويننن رايح حباببب لاتروح خليكك يمي
شويـة حسَيت الباب نفتحح طفرررت
يمة زيد رجع
لبدت وره ديد سمعت صوت السيد
زيد صار يضحگ طبت نارو حضنتـهه واني ابجي
اباوع ل نارو تريد توگع ونوب تباوع ل زيد مدري شبيهه كتلهه حبابه لاتكولين للشرطة يقتلنة حبابه كام تضحك
وني اكلههه اريد صايتج ماااطلع ابددد خلي يطبووون لايقتلهم طب السيد ضل يكلي ولج شبيج شلون تطيجياهه
كلت للسيد
ما ما يامن عنده قناص ويقتلني ماطلع هيج حباب
اباوع لزيد واكف بالباب واكتف ادي ويصحك بصوت عالي
حجيت عليه وكتله متستحي وهوه ضل يكلي اني اصعد كيه واكل للسايق رجعلي خمسميتي شكد نرفزتي
صاح بي السيد وهوه يكلي تره اني نقذتج ردت اموتة بساعتها
بلگوة طلعت واني التفت وانزل راسي ماعولت اوصل للبيت
بيومهه حيل خفت ورعبة وضليت بس ابجي واكل لنارو هذا نفسة الحرامي الي طفر عليج
صرت اخاف حيلللل ومستحيل ابقة وحدي اذا اروح للتواليت اكل لنارو تعـاي روحيي وياية اخاف
كل ضني صدگ وبـديت البس صدريه وقميص طوال للمـدرسة واكل ل زيد حباب لاتتاخر وهوه يكلي من عيوني
صارت بيهه رهبـه حيَل وخوفـة كلشش خفَت بوقتـهه
مشَة الوقت وعـادي زيد صار يحجي وياية وحالي حال لكل بس اني ابد ماحب اختلط بي اصلا اكرهه و لسة
مرات اصفن الصوت الضحگة كلهن اعرفهن بس منو ماعرف ماجنت افرزَن انـو هاي ضحگة منو او صووت منـو بس الي اعرفة انو اني اعرفهه وسـامعتـهن
بابا چاان دوم دووم وياي ويحاجيني ووهيج مطيرني وبابا شتردين وبابا اشتريلج بيت وغرفة ونطلع للخارج ل اخوج لؤي ونطلع نارو ويانه
بهاي الايام انـي كلش فرحت وجنت مرتاحـه نفسيا
باليوم الي راحَت نارو حتـة تعرفَ من المختـار اهلَهه بليل اليوم الي قبلـة خابرني بابا نارو جانت بغرفة وني بالاستقـبال صرنـة نحجي واصَر عليـة كذالك بس اني ابـد ماجنت اقَبل واگلة بعـدين كلي افر كربلا فر والكاج وباجر اني بكربلا وسد الموبايل كلت مستحيـل هذا بس يحجي
دوامَت وراهه باليوم الثاني ونارو راحت كذالك للمختـار رجَعت من دوام ونصمَدت بنارو گاعده بالاسَتقبال وحاطة اديهه ع عيونهه ومـدده ايدهه بيـهه دددم ويمـهه سجينـة وتحجي بحجييي خلااني انصددم .... يتبعع
اريد توقعاتكم الحلـوه؟
🚫اليـوم دور نارة ماكو حتـة اساوي بين الادور، والقصـه حقيقيه والنشر يومي مع البارتات المفاجئه ،انتضروني ابارت باجر اذا تردون بارت مفاجئ واللة من عيوني بس كل واهس ماكو ع هذا التفاعل اتفاعلوا خلي يصيرلي واهس تصويت تعليق رائيكم كلشي اكتبوا ♥️