عيد سعيـد عليكم حبايبي ينعاد عليكم بالصحـه والعافيه والفرحـه الماتفارق كلبكم ابد ♥️
سمعـت منكم تردون عيديـه واني كريمه تره 😁
يـله وانتم هم انطوني عيديتي بالتفـاعل خنشوف عيديتي شكد توصل بلـه 😏😂
____________________
لمحت السيد طلع وكف باب صاالة واشرلي اجي محد انتبـه استغربت ضليت كاعده باوعلي وكال
السيد
نارة اريد اسالج ع شكم شغله بالشركه تعاي شوي
گمَت واني مستغربة من حركته هاي شيريد
ضلمة دنيـا ليَل اضاءتهم خافتـة دا التفت انجرت ايدي بهدوء التفت شفَت السيد
صرت ع الحايط صار گبالي ولازم ايدي يباوعلي واني اباوعلة ومرتعبـة
ش شبيك سيد اترك ايدي
مبعد روحه مني بس اديه شابكهن وي اديـه
السيد
مو كتلج قبل ب كلبي حجي هواي اريد احجي الج
تگدر تكوله وانت بعيد عني سيد وخرت ايده من ايدي احس راح اوكع من توتر والثول اللصابني بساعتهه
السيد
يا نارو شو چن كلبي كلش هاويج وعقلي حيل رايدج
شبك اصابعـه ب اصابعي وكلي
من گال هيج جنت مغمضة عيوني حيل من توتر
فتحت عيوني بسرعة ,گلبي ضَل يدگ بسرعـة لحضَات واني رجعت غمضَت عيوني نفس الخايفه
شعور غريَـب حسيت بنفسي ماعرف شنو اسوي يباوعلي بنضرات عاطفيه حيل ردت احجي احس لسـاني مدري شصارله عفته وطبيت
ماطابة للجوه يم البَنات بالمطبخ و لازمة گلبي ياربي معقوله نفس ماگال يحبني يعني يحبني
السيد
ماجنت مصدگ حته بروحي بس هسه خلص تاكدت اني رايدج ع سنه الله ورسولـه
اباوعله و اني مومصـدگة نفسي ردت اوكع من طولي واللة جسمي يرجف مادري شنـو بس شعـور غريَب
طبيَت للصالة واني احاول ابين قوتـي
غيد يلا گومي لازم نروح للبيَت
شذى
بعد وقَـت
لا وللة هايهيه يلا غيد
گامَت غيد سلمنـة عليهم دنطلع السيد واگف بالباب و بيده موبـايلة
باوعلنـة وأبتسم گال يلا اوصلكم مشـة ويانـة هوه باب بالباب شي مقابيـل شي اصلا
طبيَنـة للبيت راسا رحَت للغرفـة حضنت المخـده ونمَت أذكر وابتسمَت لا ارادي
أفكر من يگلي احبج و ودي أبوس كل حرف من حروفـة
شوية واجتنـي رسالة منـة
🏷️السكـوت علامـة الرضـا؟
أبتسَمت ع رسالتة فززني صوت غيد
غيد
نارة ما اخذتي علاجج
من كالتلي هيج ملامحي تغيرت اباوع ذكرت الي اني بـي! انـي شبية صدگ احجي! معقولة هيج اسوي! كل هل اشياء المحاطة بيهـَن وهيج أسوي يوسف مرضي اهلي حقيقتي كل هل شَي ما افكر بـي
السيد مستحيل يتقبلني بكل هل اشيَاء واذا هوه قبلني اهله مستحيل يقبلون بوحده نفسي لا اصل ولا فصل
صافنـة وافكر فززتنـي رسالتة الثانية
🏷️سمعتـيهه زين لو اعيدهه
🏷️تمام الضاهر ماسمعتي زين
🏷️نارة اني احبج ورايدج مارايدج لعب رايدج ع سنه للبه ورسوله وهل مره اني فايت بزودي من اكول هيج
مافتهمت معنه رسالته شنو
أچَت غيد وهيه تگلي
غيد
قريت لفاتحة ل ماما ونسيَت يوسف تعاجزت اقراها نوب تذكرت من جان يجينة ويضحك ويسولف كلت علمود نارو لان هيه حيَل تحبة
اباوع ل رسائل السيد واباوع ل حجي غيد!
أبتسمتلهه وراحَت تقره وگعن دموعي مباشرتـا السيد ضل يدگ ويراسل ويراسلني ويكلي ردي ما ردي صرت ابجي واني اذكر كَلشي احس غيد كلش زادتهه عليه سديت الموبايل وضليت ابجي اريد اعرف اتصرف ماگدر احس راسَـي صَدع فتحت الموبـايل كومة رسـائل من السيد قويت نفسي وكتبتلة
🏷️ الشَـي مو بكيفي
انـت تستـاههل الاحسَـن مني سيد صدگني! اني ما استـاهلَك ولا أناسبك
قره الرسالة راساااا كانما ينتضرني ارد عليه راساا دگ علية اباوع للموبايل وابجي احس نفسي عاجزه شسوي السيد اذا دره بعلاقتي بيوسف شلون!
ضَل يدگ واني ماشَيل اخر شَي كتبلي
🏷️نارة لااااا تضنيـن اني ماعرف شي جاوبي يلاااا
دگ واني مارد كتب رساله لخ
🏷️صبريي بده يخلص
جاييي اكلج اعرف كلشي، كلشي اعرفـة اهلجج و مرضج و حياتج كلششي نارة اني قابل بيج بكلشي
🏷️ اني صدگ احس روحي احبج وروحي صارت بيج
🏷️نارة راح اجيج هسه و اللة گمت هسه اريد اشوفج اريد احجي ويـاج اريد افهم مشكلتج شنو وشيصير خلي يصير
حاطة اديه ع عيوني واشوف رسائلة وابجي بال5 د وسمعَت دگت الباب اني فزيت معقولة اجة
حطيت شال ع راسي سمعت صوت غيد وهيه تكول منوو اريد احاجيه هيه طفرت فتحت الباب صار وجهي بوجه السيد
السيد
ها نارة اريد احاجيج
مسحَت دموعي وگتلة
تمام اني اخابرك منا ناس سيد
السيد
لاتخليني اكفر هسه بالناس نارة بسرعة البسي وتعاي نطلع
سيد ماگدر نحجي غير وقَت
السيد
بروح امج تعاي نارة
غيد قنعيها مانطول عليج بسياره ل راس الشارع مانطول واذا تردين اجيبلج رند هسه خاف تخافين
غيد
لا ما اخاف والله عادي
اي نارو روحي وتتعاي اني داقره لاتخـافين
السيد
يلا نارة منتضرج
اباوعلـة ودموعي بعيوني رحَت جبت صايتي لبسـتهه وطلعَت صعدت بسيـاره صعـد هوه دموعي ماگدر اضمـهن
السيد
ليش تخليني انعل السااععه الي گتلج بيهه هذا الحجي نارة كليلي شنو تكرهيني وهيجج كمتي تبجين لو تحبيـن شخص غيري لوشنو كوليلي موو جنتي جنج ورد واذا جان السبب مقنع والله اتنازل عنه اني ماحب اشوفج تتاذين بسبب حبي الج
نارة افهمي افهمي اني قابلج قابلج بكلشي قابلججج حتهه بعيوبج وبكل شي بيج
ابجي واحجي ويا
لا سيد واللة ما استاهلك انت تستاهل لاحسن مني
ضرب الستيرن قوي وگال
السيد
ليش هيه منية الاحسن منج منية ليش تخبليني بس اريد اعرف ليش تبجين مجاي اعرف يعني انتي لو متحبيني ترفضيني هسه انتي بس تبجين اريد اعرف ليش لج نارة افهمي احبجج جاي تفتهمين
ا انت ماتعرف شنو عواقب هل حب ماتعرف
السيد
شنو عواقبة هااا انو ماا اكون اب! لوو شنو انتي دگين وتنوحين ع هاي ادري بيج
علاوي يگول بشغاف بشغاف افهمي يعني ميضَر ميضَر نارة احبج واللة حبيتـچ كافي تسوين هيج كافي بجي هايهيه
ابجي واحجي ويا اباوعلة شلون يحاجيني ويرجع يجيني امل واذكر وارجع ابجي
بس سيد اكو شغلات انت ماتعرفهن عني واللة
يمشي بسياره وگف سياره ويحجي
السيد
شوفي منـا العباس وحق العبـاس وحق اخته زينب مايهمني أي شي من ماضيج اني علية بحاضرج لج ماضيج ميهمني ميهمني كل احنه عدنة ماضي كل احنه اني عندي ماضي وانتي عندج محد ماعده احنه نمشي حياتنة منضل ننگد ع الماضي ونعيد الغلط! نارة وحـق ذاك العبـاس اول مرة احب بهطريقه شخص
اباوعلة ودموعي ينـزلن بهدوء من گال هيج احس رتاحيَت نفسيـا بس بقة بگلبي الموضوع
ز زين واذا ماگدر احجيلك شَي عليه شلوون هاا
حط ايده ع ايدي وباوعلي وگال
السيد
ما راح اضغط عليج أبد تمـام ارتاحي واني موجود يمتـة ماتردين يوم اسبوع شهر سنـة سنتين عـادي اصلا حتة لااا لمن يصير عدنة جهال يلا تحجيلي الي بگلبـج تمام! يمتة ماتحسَين نفسج مستعـده احجيليـا بس هسـة گليلي شنو ؟
اباوع لعيـونة مـد ايده ومسح دموعـي بيـده وگال
السيد
وجهيني ع عزائيل ولا ع عيونج دموع !
درت وجهَي وضحگت بخفـة احس هم وانـزاح عَنـي
الييد
شو لاتدورين وجهج واللة أحس روحي حتركَت من وراج بنص الليل ثايره علية
باوعت صدگ الدنيا ليل حيل
عَزززه سيد رجعني حباب غيد وحدهي اعرفها تخاف رجعنـي
ابتسم وتنهـد بنفس الوقَت وگلي
السيد
تمام يلا مرجعج
الچو بارد حلَو فتحت الجامـة وشغَل اغنيـة اباوع للشارع واسمع لكلمات الاغنيـة والابتسامة شاگة حلگي
حسَيت ايده مرت ع ايدي اباوع حاط ايده ع ايدي باوعلي وابتسم
السيد
من اليوم وجاي !
وخرت أيدي وگتلة سيددد
ضحگ وضل لازم ايدي بقوه واني احاول اوخرهه
اخخ وخرر
اتلاوه ويا وهوه يضحگ
السيد
هاا هااا شعدهه النمله تتحوش بالهايشة
من گال هيج ضحگت حيلل باوعتلة وگتلة يربي شلووون تشبيـه
ضحگ وياي وگال
السيد
اسكتي لج غير احترامـات عندج بدال متكليلي حشاك سيد
هههه اي تمام حشاك سيد بس يله اتركلي ايدي يلة
عود اذا بيج خير عود انتي وخريها
هاا تتحـداني باع لعَد
صرت اتلاوه ويـا واريد بس افلت ايدي منة ماگدرت وصلنـة للشارع وهوه يضحگ علية حدما وصلنة لباب البيت ضحگ وكال
السيد
يكولون الطرف الثالث يخرب ههه
هوه الطرف الثاني ميگدر يبعـدني عنـة نوب يجي واحد ويدخل
أبتسمت ع سوالفـة سحبت ايدي ونـزلت بسرعة أحس نفسي حيًل خجلت
ضل واگف لمن طلعت غيد ضلت تحجي علية اعرفهه تخاف گتلهه مو انتي گلتي تگلي ستحيَت اني شمدريني هيج تتاخرون
گعدت وياية ضليت احجيلها ع الي صـار وهيه الفرحة ما ساعتهـا
غيد
يولي واللة ابن ناس بعد شترديـن وهيج كلج ميهمني ماضيج ولاشَي بعـد شنو يا نارو ويوسف اللة يرحمـة والحياه اكثر من فرصة لاتسوين هيج وأبدي حيـاه جديده وبعدين هوه من كلج مايهمني ماضيج واني عندي ماضي هم معقوله يعرف بسالفه يوسف
اكيد لج يكلي اعرف كلشي بماضيج يعني سالفه يوسف يعرفهه بس منين
غيد
متصعب عليه بس زين تدرين احسن مما بعدين يدري انتي ضامه عنه
گرصت خدهه وگتلهه
وكبرانة واللة
ضحگت وتكلي لعد شعبالج ضلينة نحجي شويـة نضفـنة البيَت و ضلينة نحجي اني وياهه واحنهه نضَف
افكر بيني وبين نفسي الراتب يجي راسا ل للايچـار لان هذا غالي زين مصرفنـة شلون؟! غيد يرادلهه ملازم يرادلهه اشكال والـوان! زين هسـهه شسوي اللفلوس راحَن اصلا لازم اشتغـل اي خلي ارجع للطلبيـات مال الاكل احسن شي
فتحَت موبايلي السيد مراسلني گتلة جنت انضف ضلينـة نحجي ك العـاده وكلساع وگالي حبيبتي واني استحي اضل ش ارد اخجل
🏷️هههههههه سيد والله ماعبالي انت تدور هيج سوالف كل ضني انت تهتم لعملك وبس
🏷️وهوه هيج تره بس انتي مادري حسيتج مختلفه بهواي مواقف شفتج وجربتج بيهه
احس رسائلة طيرتني من الفرح راسا وبدون تردد گتبتلة
🏷️سيد احجيلي شلون حبيتني هواي أسالة ابالي هواي مواقف صارت ابينـة اريدك تحجي عنهن وتگلي كلشي
🏷️راح احجيلج كلشي بگلبي وشلـون حبيتچ بس ع شرط
شنوو
🏷️اتصال اريد اسمـع صوتج الحلو
اوكي انت احجي واني اسمعـك
دگ عليـة وگال يلا خل احجيلج
السيد
بس خاف تنغرين
ضحگت ع حجايتـه بده يحجيلي
السيد
اول ماشفتج بالمكـتب مادري حسَيت نفسي شايفج بفد مكان معيـن و اصلا جنتي تحجين واني شبـه أسمـع الج جنت اكره شي اسمـهه نسوان أكره هالشَي
تنهـد وگال
المهمَ شايـف وعايف من جمال شايف الكرديات وشايف الجنوبيات شايف حته الاجنبيات
لاااا لااا اوكف نسيت بعد نسيت التركيات
ضحگ بصوووت عالي حيللل
السيد
دخليني اكمل لج يابه مانگعت بگلبي غير هالسمره مدري الحنطاويه الي اخـذت گلبي مو بجماالهه لااا بطيبتـهه بخجلـهه بسوالفهه بمستحـاهه ب اشيائهه الي مالكيتهه يم اي شخص
وصلت للبيت اريد اشيلج عن بالي متننشالين صورتج مرسومة بعيني
اجة اليوم الي راح تشتغلين بي اني مادري شبية گعدت بحماس ليش شلون ماعرف كل الي ع بالي اليوم انتي اداومين!
لبست وطلعت بسيارتي حته ماتريگت من كثر ما مستعجل گاعد ومنتضر ل8 وانتي ماكو اني تخبلت صارت ال9 صارت ال10 گلت لا هاي مهملة ومن سابع المستحيلات اخليهه عندي
ضليت معصب الي يحجي وياي اريد بس اتعارك ويا كلش ضجت هههههههههههه
برطمت وگتلة
بس واللله زيد....
الييد
خل اكمل ولج هههههههههههههه اعرف المهم من اجيتي شفتج طبيتي رزلتج ونوب جمالة زيد وراج طب اتخبلت الي اعرفة زيد اخوي واعرفه شون بسرعه ينسق
بس تره اني اكبر من زيد شهالتفكير
السيد
بوية ع التعليق دخل نحجي راح تخليني اسكت وماحجيلج
لاااا لااا احجي
السيد
سمعت انو اجيتي وي زيد بين الضجت لان صاعده ويا ويحجي ب اسمج وبيـن المتندم لان نزلت دمعتج ماعرف شعور متلخبط
شفتج ضجتي ودرتي وجهج ومشيتي ودي اروح واگلج اوكفي بس اكو شي يمعني!
ضليت واگف و اهز برجلي من الضوجه شوية وشفتج طبيتي من طبيتي فرحت بداخلـي مادري شعور صابني لا ارادي
باوعت لعيونج بتركيز ورحَـت للمكَتب ضليـت ضايج اگلب بالاوراق اريد افتهم شي اريدج تروحين عن بالي ماكو ضَليـتي ابالي
اضوج واتاففف من نفسـي احاول اطلعج ماكو لازگة هههههههههههه
ضحگت ويا وكمل حچي
طلعَت من المكتب شفت زيد واگف بقسمج حيل ضجت گلت جا هيه شنو شغلهه شفتج منا منا ماكو شوية شفتج طبيتي للشركة
اجيتي ومن كتلج شهل ميانه وي زيد وصرتي تحجين وتلهثين خوفتيني عليج مادري ليش
خلص الدوام مارضيت ترحين بتكسي كتلج اصعدي وي زيد شلعتي كلبي يلاا صعدتي وعجبتيني بهاي الشغله
مرت الايام وانتي ماترحيَن عن بالي صار عقلي وفكري كلة يمج
طبعا تدرين باامناسبة نسيت شي اكلج طعمة بحلگي ولا راح من حلگي لسة صح اكلت من ايدج هواي مرات بس اول مره لسة ابالي يا يابه ماحجيلج شون ضجت من كاموا يمدحون بالاكل واني ماكدر اكلج شي
من دريت انو عندج فتحهه بالقلب هواي ضجت اصوري رجعت للبيت كاعد وي علاوي ونحجي بموضوع الفتحة وهوه يكلي شكو ولك خوفتني عليك
گتلة عليج ووصيتة حتـه تروحيلة
طبعـا بيومهه مارضيًت اخليج تمشين اخذتج وياي ورحنة بيومهه كتلج ع لبسج اكو ولد ضل يباوع عليج ضجت حيل وكتلج ع لبسج والي عجبني بيج بسرعة كلتي ماشي
كتله
شلون تذكر كل هاي السوالف
السيد
مستحيـل انساهن ابد كل شي بيهن مانسا
واكو موقف لسـه بالي مستحيل انسا ومن عنده اني نعجبت بي تذكريـن من كتلج ع اسمج وشي
ضليت اذكر ورجعني لتفكير لوره لمن اجيت لمكتب السيد احجي ويا ع الاقساط
السيد جان يحجـي وياي وهوه كاتف ادي ويباوعلي بتمعن
السيد
صـح اسمج ناره؟
اي اسمي ناره
السيد
شنـو معنه اسمج يا ناره (كال هل جملـه وركز ع ناره)
- ارتبكت وصرت افرك ب اديـه وحاولت اجمع قوتي حته احجي ويا ابـد مامتعوده احجي وي ولد وكون هلگد قريبه منـه بعد يوسف ، احس اكلت شفتي من الخجل
معنى اسمي هوه قطعه من الجمـر او النار
السيد
اسمـج ناره بس ميلوكلـج ابد
رفعت راسي وكتلـه ؛ شلون؟
السيد
يعنـي اني اكول يلوكلج اسم جليـد ديسمبر مثلا؟
اي صح بيومهه حيـل تنرفزت وكلت هذا شبي هيج يكولي ومافهمت بعدين قصدك ديسمبر شهر ال ١٢
السيد
هههههه تره وللـه صدك مو جذب جاي احجي المهم خل اكمل الج
من ارتبطتي وي زيد بالخط حيل فرحَت عاد اخلص من سالفهه التكاسي ما تكاسي لان صراحه اني احس تعاطفت وياج من ناحيه انتي جايه ومو وياج احد وماردت اي مشكله تصير الج
كلهه تصيحلي بشغل سيد بس انتي جنتي تصيحيلي استاذما حبيتج تصيحيلي استاذ ماعرف ليش بس حبيت اسمي يكون بحلگج بصوتج
الي عجبني بيـچ خجلج مع انو البيئة الي عايشة بيهه عادي بس من اجيتي لهنا غيرتي كلشي عجبتيني حيل بتوترج وانتي تكليلي لا خل انزل وازحمك
هاي اول نقطة ثاني شي حبيتج ع انج مو استغلالية من ذفعت الكشفة و انتي اصريتي وانطيتيني الفلوس حيللل عجبتيني بهل شي مع انو ضجتت بس بعدين اكتشفت انو انتي مو استغلالية
الشي الي جان حيل مضوجني كعدتجن بالبيت وحدجن اصوري وحق اللة ورسول اللة وهشي ماحاجي اني بس راح احجي
جنت اجي للبيت الساعهه ب1 مرات ب3 واللة العلي العضيم سالفهه تاخذني وسالفهه تردني ها بنات ووحدهن ها هيج ها هيج
حبيت اهتمامج بغيد حيللل ك انج امهه مو اختـهه حسيتج مختلفة عن الكل بنية بسيطة متباوع للفلوس ولا لأي شي گلبهه طيب تخجل ترتبك حبيتج هواييي حبيت كلشي بيـچ
هوه يحجي واني طايره من الفرح بـداخلي ميتـة يحجيلي واحس هيج ودي اطير ع گد ما فرحـانة احس الكاع ما تشيلني
السيد
الو هاي وياي انتي لو شنو
ها اي اي وياك
السيد
ههههههههههههه ماحچي اني بعـد الة تعترفيـن گليلي ناره
شنو اكلك سيد
السيد
تحبيني ؟
ارتبكت من گالي هيج ماعرف شحجي ويا كمت اتأتأ
ها سيد سد الموضوع
السيد
ماتحبيني مو
چا تمام عليمن ذاب روحي وصارلي ساعه احجي يلا اترخص اسف ع الازعاچ
گال هيج واني كل ضني جد سد الموبـايل بوجهي اني فزيت من ثولي كل ضني صدگ راسا خابرتة واحجي
لا لا سيد شبيك
السيد
شبيـه يعني ناره اذا انتي متحبيني اني شسوي بعد
ومنو كلك اني ماحبك
السيـد
اني طباب كلوب حته اعرف لو اشتم كفه ايدي ناره
سكتت ماعرفت شحجي
السيـد
هسه؟
اي سيد اي
السيـد
شنو هوه ال اي
الي كلت عليه اي وحباب هايهيه
السيد
هههههههههههه اروح فـدوه لليحبني منين اللة جابج اللي ماتكليلي انتي احله هـديه من ربس لو اعرف بأمي تدعيلي جان كلت داعيتلي بليله القـدر
سكتت واني خجلانة من حجية ماعرف ش ارد بس شنـو ميتـة من الفرَح
السيد
احجي شبيج سكتي
هسه يله كمل الي جنت تحجي
السيد
نكمل اي ليش لا
بس اكلج شتردين بعد شتردين تعرفين اني حبيتـج وخلص
لااا احجيلي ليـَش هيج سويت من طردتني ع سالفهه الحرگ و اني واللة موبيدي وكعدت اعتذرلك وانت ابد لسه هاي السالفه بكلبي
السيد
اوف لاذكريني بهل يوم المشؤوم نارة عبالج اني مكيف نارة بعد سالفهه صارت ومو هينـة لا مليون ولا مليونين ولا ثلاثة لج عقوود واقساطات اخ نارة اسكتي اعرف موبيدج بس شسوي بس لو نرجع للواقع ولله انتي هم ثوله شنو شتميتي ريحه وماكمتي
ولله ماجنت اعرف بالي مشوش ع زيد جان
تدري شگد بجيت بيومهه ونقههرت حيَل
السيد
هسه ع اساس اني الي ماضجت ومانقهَرت بس شسوي المهم بَدلي موضوع
ممم يلااا سيد اني نعست داريد انام
السيد
اعترفلج بشـي بمناسبه الحجي البغدادي العال كلبي عل
اي كولي بلـه
السيد
كولي چـا ؟ دائما امنيتي تنطقيهه بس تخيبين امالي ب لعد مالتج
ضحگت عليـة وگتلة
چـا شبية بويية قابل ماعرف
طحگهه بضحگة واني اضحگ ع ضحگتة وامنيتي ماتخَلص هل ضحگة
السيـد
أغـارر ماريد احـد يشوف ضحگتج ولايشوف وجهج ولايسمـًع حجيج اريدج بس أليـة اغار من كل بشر يشوفچ اخخ من اجة هذا الولـد بيوم عيد الحُب بوية ودي اخنگة خاصَتـا من رادج انتـي
لتكون متملك بهلشكل
السيد
لا جذب مو لهل درجه هذا تعبير مجازي بس ولله مادري المهم
يكولون الساده غوارين زايد
السيد
اييي دمنه حار بويه
اي الله يسلمكم حار دمكم وها وبالمناسبه الولد قصده..
السيد
اعرف نارة كافي
امم وروحـة تركيا
السيد
الغيرج تكيف اللة وكيلج وتروح وتسافر وميهمهه شَي بس انتي نگعني بگلبي وحبيتج اكثر بقرارج مع انو ضجت لاان ماترحيَن
تنهـدت وابتسمت ع حجية
السيد
نارة اريد اخطبج اليوم قَبل باجر اريدج يمي
سيد نطيني مجال يخَلص شي وانوب انشاللة
السيد
شنو هل شَي
سيد سالفة لا تضغط علية بس تخلص انشاللة كلشي يصيـر خيَر ورسمي انشاللة
ابتسمَت واني احجي وهوه تنهَد مادريي ليش ماكتلة ع اهلي مادري بس ماحبيت يعرف حدما الكاهم ويجي المختار
السيد
ماريدج تشتغلين تحَز بنفسي وعلي بسس بنفس الوقت احبج وانتي معتمده عله روحج بكلشي بس تكونين يمي ماراح اخليج بحاجه شغل
سيد الشغل مابي عيب تره
السيد
اعرف بـس اني احب اعيشج بدلالي وهسه وبعد نـارة بس نطيني راس موضوع وكوليلي ماريد
لا سيد مستحيل اني منين اعيـش نفسي بس گلي تدري اني اريد هسه اشتغـل ع الطلبيـات
السيد
اسكتي ناره عوفي هل موضوع من بالج وكلشي يدبـر وبنسبـه للقضيه لاتخافين جاي اشتغل بيـهه
لاااا سيد الحياه تريددد
يالسيد
واني موجود!
مستحيـل بهلوضع سيـد
السيد
انـي اول و تالي كتلج احبج لانج معتمده ع نفـسج وشغل كملي ماريد اضايقج ابـد واتحكم بيـج لا هسه ولا بعد مانزوج والفلوس ربج يحـلهه تمام كافي تفكرين
تنهـدت وكتلة تمـام
صَرت احجيلة ع هواي شغلات ع راشد و ع حياتـي احجي ع عركات راشد اخر شي تنهـدت قطَع حجي وهوه يگلي
السـيد
الله يوفقني
ضليت صافنـهه ش أحجي
ع شنو وشلون وليش؟
السيد
حتـه اكدر اعوضج عن كلشي صارلج
ابتسمـت ابتسامه كلش جبيـره
ضلينـة نحجي حدما نعست اني من أنعـسَ اسحب خارجي مادري اضل احجي كلشي گعدت من نوم موبايل ع خدي عززه يمتة نمت شلووون
بَدلَـت وكعدت غيد تنام بالاستقبال سوده علية لان تقره تريگنة شوية وندگت الباب
طلعتـلة شفت السيد صبحت علية وطبيت وگلت لغيد شوية ويجيج زيد
السيد موگف سيـاره وفاتحـهه شَفت ابو السيد طلع صبحت عليـة
سلام:طبعا البارحـة ردت اقره الفاتحة لامج وماعرفت اسمهه كليلي اسمهه حتة اقرالهه الفاتحـة
تسلم عمو اسمـهه رسـل بت عائشـة
حجبت هيج اباوع الرجال ملامحـة تغيرت يباوعلي ومثَل الصفـن
عمو بيك شَي
سلام
ها للا انتي بتهه؟
تنهدت وذكرت امي شهناز بس بعد كلت امي رسـل كتله
هههه ي عمو لعد بتمَن
ضحك وگال اعرف وحده هيج اسم من قبل اجة السيد قاطع حـديثنـة
زيد ويـَن بويه
سلام
طاب اگعده ماكو ميقَبل يگعد و ورآ خط
طب السيد يگعده اباوع لسلام يريد يحجي شي بس ماعرف شنو استغربت شوية وطلع السيد
ركبنـة بسيـاره ضحگ وگال
السيـد
تحبيني ولج تحبيني كولي بعد عيديهه؟
باوعتلة وعقجت حواجبي وكتله
اصبحنـا واصبح الملك لله
السيد
وتقلد حجيي هم
البـارحة بَليل وانتي نعسـانة حجيتي اسرار خطيـره
عزززه شنـوو بربك
السيد
غلسي ههههههههههه
لااا بربك احجي شحجيت
ضلينـة طول الطريق احاول يحجيلي وهوه ابد بس يضحگ وصلنـة للشركة نـزلنة واني غنـدبت علية طبيت لقسمـي وهوه راح للمكتب شويـة واجاني وگف وراي وهمَس
السيد
شبي لحلو مغنـدب؟
ياااا وخر منا عالم
السيد
اي ولله موخر بس لاتغندبيـن
اباوع ل غسـق تباوعلنـة وبعيونـهه غضَب ع حقد ماعرف شنـو
همست لسيد يروح لان غسق تباوعلنة ضل يحجي عليهه ويكول لو مااخوهه وامهه كلش وي امي ولا اشغلهه بلگوة قلعتـه من يمي
اجتني غسـق
غسق
نارة
صباح النور
غسق
عوفي صباح ما صباح نارة شنو العلاقهه الي بينج وبين السيد شووو مطوره!
غسق انتي مادخلج بهالشي تمام رجاءا خليج بعيده عن الموضوع والسيد صديق لا اكثر
غسق
نارة انتي تعرفيني كلش زين شلون أحبـه لسيد ف ديري بالج تسوين اي حركة
انتي وحده بللا عقل الحجي ويـاچ مالة داعي
عفتـهه ومشَت بس ضايچة شوية و السيد گال اريد جاي غـسق گامت تريد تسويلة
لا نارة تسويلي بلاا زحمة نارو
ابتسمت وگتلة تدلل اباوع لغسق تريد تموت بين الضايجة ع صديقتي هيج يصير وياهه بين الفرحانه ع حب السيد ألي مادري سويتـلة ووديَتلة ويريدني أبقة يمة كوة رحت من يمـة
مَـر يومين ثلاثة وعلاقتي وي السيد تخبَل ألي عرفتـه بعدين انو عمو سلام بيد مرتـة جان زيد يحجيلي بس هلمره اشوف بعيوني
هوه رجال كلش حباب بس مرتـة حيل تدلل
علي ماكو اطيب منـة وهوه ونسوانة موت من الضحگ عليـهم
يوم عن يوم وانـي فضولي قاتل يمتة يجي المختـار من السفَر ومنتضـره هل يوم بفارغ الصـبر
خابرت الحچي ابو عمـاد وگالي حالتة متخربطة وعمليته متلوثة ويحتاجلهه نقاهه ويراقبون حالتـة ويرادلـة شهَرين زيـاده
من گالي هيج متت من الضوجخ ضليت بيومههه حته ردت ابجي ع ضيمي بس جان السيد يسد هل مكان الي بي حَزن!
يگلي ماعرف الي بيج واتمنه اسمعـة بس اني يمج بكل الاحوال من اسمع هيج حيل افرح وانسـة همومي كَلـهه
مرت االايام وغيد ضاغطة ع نفسهه كلش بالدراسـة وهيه من نوع الي اذا درجه ناقصة تموت من القههر وهالشي حيل مضوجني بيـهه
صَار خشمهه بس يطگ دم مره طلعنة العصـر لصيدلية و ويأنة السيد طلع ضغطهه مرتفع تخبلت عليهه
ضليت اصيح عليهه بشارع وكله من ورا الدراسـة السيد ضل يرزل بيه لان هيه هم گامت تبجي
مشَـت أيامنـة واني اتعلق ب السيد مره اكثر من مره اذا اگول ماحبيتـة ف لاجذب
جنت دائما انام ع رسـائلة و ع صوتـة لوبيده يبقة للصبح وياي واني انام ماتحمل
غسـق مووتني صرت اغار منهه حيَل لبسهه يجرئ وكلشي والسيد شگد يحجي وهيه ولا جنـهه جنت ازعل واضوچ بس بعـدهه
السيد من يگلي انتي بس بعيوني ماشوف غيرج انسة دنـيا والبيـهه
يوم من الايـام
داصعـد للشركـة اسوي چاي ل للسيد سمعت خـالد يحجي بالموبايل موطبعـي اصَنت ع الحـديث صابني فضول اسمعـة
تقربت وچان اسمعـة يحجي وي ..يتبععع
توقعاتكم حبايبي
عيديتي لا تنسووهه 😏😂