صبـاح الخير حبايبي
نارة
___________
لاتنسـون التصوَيت ♥️
والتعليق الحلو
گعَدت من نوم لگيت السيد مخابرني كومة و وياهن رسـائل فتحَتـهم رسـائل حلوه كاتب بيـهن اشكال والـوان خوف ع حُب مافتهمتـهن خابرتـة أطمَن عليـة وسديتـه بعـدهه
المغَرب تقريبـا اشوف السيد يكتب ومتصل وميكتب ماعرف شنو الي يخلي يكتب ويمـسح صَليت وكملَت لكيـت كاتبلي رسالة انصدمَت بيـهه
🏷️هـواي بگلبي حجي هواي
انصَدمت من رسـاله شنو معنـاهه شوية نمسحت الرسالة رأسـا شسالفهه السيد شبي كتبتلة واني ارجف وميت سؤال ببالي
🏷️وانـي مستعـده اسمعة
راسا قراهه كتبَلي
🏷️ عَن قريب
🏷️شلونـج
انتهَت محادثتنة بالرسمـيات
حطيت راسي ع المخده وصـافنة
اني ليش داسوي هيج ليـش هيج اني حـرام عليـة اعلق روحي بـأنسان واعلقة بية
ههه لازم نستيي ناره انو الزواج ممنوع عليج انو مستحَيل تجيبين اطفال
اني ليـش داسوي هيج يـاربي بس واللة ماعرف اكو فد شي شنو اريد اعرفة مادري
فززني صوت غيد وهيه تگول
غيد
انتي هم بشر حالج حالنَة يوسف اللة يرحمـة مات هسـه وشهـيد وفجان المفروض منج تفرحين وشوفين حياتج واذا ع الاطفال هيه مو مشكله اني اعرف صديقتي بيهه قلب بس مو بالشغاف مثلج يعني اخطر وولَدت صح صعبة بس تخطتهه وانتـي مو فتحة بقلبج لا بالشغاف وشي بسيط هذا واكيد ربج راح يحلهه والي يحبج راح يتقبَلج بعيوبج وبسيئاتج نارو ابد لاتحجين هيَج
درت وجهي الهه وتنهَدت مثل لخجلانه من روحي مـدري شبيـة
مـَر الوقت واني افكر بالسيد بشي لا ارادي افكر بكَلشي بي وهنا اكتشفت بروحي انو اني صدك حبيته بس اكوشي بيه ومتردده
عقجة حواجيه ادي من يكتفهن ويخليهن ورا ويمـَشي نضـراتة الغريبة ثگلة ترتيبه كلشي بكلبي
احسهن كَلهن اخذن گلبي أي انـي اعترف حبيتـة حبيتـة ماعرف العواقب وماعرف الي ممكن يصَير ماعرف كلشي غير أنو اني حبيتـة
ماعرف عليش اني أجيت وعليـش حبيتة
ماحسَبت حسـاب عواقَب الاختلاف بينة
مذهَبـي!
حياتي الي ماعرف شنو عنهه!
اهلي الي ماعرفهم منو!
مرضي!
معقولـة السيد حيتقَبلنني زين يجوز اني يتخيلي هيج يجوز هوه مو هيج لا لا ماعتقد؟!
بس نضراتـه، اهتماماتة،ضحگة،سوالفة،حنيتـة
شنو معنـاهن من يا دافَع!
استحَلت راسي هل افكار بس السيد مستحل كلبي اكثر
اني بالنهاية انساانه موبيدي الي اسـوي وموبيدي مشاعري ما فكرت بعواقَب كلشي
يوسـف تعلقَت بي اي تعَلقت بي بالنهايه من شفَته جنت خايفة هسه لا ماخايفة
ماجان اي شعور تجاهه عنـدي الة بعد هوايية كلش تعلقت بي هووواي لان اجاني بعـد ضروف صعبة
يجوز لان قَبلني بكلشي وقَبلته بكلشي
السيد غيَر كلش غَير احسـة شي مختلف
اصفن بي ابتسم اذكر ضحگتة و اضحگ ويـاهه
صَرت نفس المخبلة اغسل اماعين افكر بي انام افكر بي
صار عقلي عباره عن السيد من اشوفة يخابرني او يراسلني اطير من الفرح
بس بنفس الوقَت كلبي يضل يدك حيللل اريد افتح المحادثه ماگدر
هذا الشي الي يخليني اگابل الموبايل ومافتح الرسـائل اخاف
🏷️جاي اراسلج ليش ماتردين شكووو!
چفلتني رسالتة مدري ارد مدري لا جسمي يرجف بسررعة فتحَت المحادثهه
ش ارد ش اكتب ضليت صافنـَه شوية وخَابر
رَديتت وانـي مرتبكة
ها سيد
السيد
بعد وكت
شجنتي سوين
اخابر وماتردين
شنو السالفه ناره
شو صايره مدري شلونج
داومي احسن مما كاعده بالبيت اذا صارلج شكد متصلة مدري ويامن
يحجي وصوتة مثل بحة الغضب بوقتهه حسيت نفسي خفيفه الضحگة حصرتني ع نفسي لمَن كلت بگلبي واني موحاسه بروحي
فدوه اروح"
ماكدرت احصر ضحگتي ضحگت وجاوبتة
لا واللة مو هيج بس شسمة اا احم ماعرف شرد واللة
حچة بهدوئ واحس الابتسامة مبينة من نبرته
السيد
وليش ماتعرفين تردين يابه
واللة مادري يا سيد شلونكم شخباركم
ضحك وكال
السيد
زينين بخير انتي شلونج خو ما صخونة شي
لا كل الوضَع تمام انشاللة باچر ابدي اداوم
السيد
منتضريج احر من جمر ست نارة
ابتسمت ع حجايتة ونسطَرت ماعرفت ش احجي
اترخص وسد الخط اليوم الثاني بَدلت اجه بسرعة طلعت جنت متلهفه لشوفتة هواي
منزل الجامـة باوعلي وابتسـَم دنگت راسي وگلبي يدگ بسرعة صعَدت ويـا سديت الباب حسيته يريد يحجي شي بس خجلان من يومها عرفت بي انو هوه من نوع ال كلش خجول هواي مرات يريد يحجي اشياء ويسكت
حسيت اكو كلام يريد يطلع من حلكه ويسكت اخٌر شي كال
السيد
واخيـرا نور صباحي
ابتسمت وباوعتلة بادلَني الابتسامة
وصلنـة للشركة شفَت غسق تحمدتلي ع السلامة جنت مشتاقتلهه هواي
ضلينـة نحجي شوية وطلع السيد مدنگ ع الاوراق ويمشي لاحمد
غسق
اووففف باعي الاصفَر عليـة باعي الجمـال
باوعت تحجي ع السيد نرفزتني حيَل
غسق شهل نضرات حته حرام مركزه ع كلشي شبيج
غسق
اوف ناره شو اسكتي
عافتنـي وراحت واني ودي اموتهه واللة
اشوفهه تعَدل روحـهه حجة السيد وي احمد وطب للغرفة
غسق
خومابية شي
شكو غسق
غسق
اريد اطب ل سيـد
مخبلة واللة
عفتـهه ومشَيتت اباوعلهه طبت لغرفته فررت نـارر اعرفهه شلون تلزك
رحَت سويتـلة چاي ونـزلَت
اباوع لسـة ماطالعة تنرفزت حيلل
دگيت الباب وطبيـت السيد يباوع بالاوراق وهيه گاعده وتباوعلي خزرتني ماهتميتـَلهه
اتفَضل سيد
باوعلي وابتـسم وكال
السيد
عبالي نسيتيني
غسق
واللة اني ردت اسويلك هسه بس
بس اني سويتـلة
باوعلنـة السيد وعقج حواجبـه شكد يعقج بحواجبه دخيل النبي محجيت شي ترخصَت وطلعَت
بس شنـو احس العصبية حتموتني
شگد حقيره غسق لعـَد اجتي وراي وگالتلي
غسق
شبيج نارة يعني اني يمة ليش تجين
مارديت عليهه عفتـهه ورحَت لقسمي هيه سكَتت
كاعده واهز برجلي وافكر شحجت ويا واهمس
شكد حقيره تتغزل بي ال... شوية وجفلني السيد واگف فوگ راسي
رفعَت راسي حاصرتة الضحكة لازم كلاص الچاي ويحجي
السيد
شكوو شبيج
كمت بسرعة وكتلة
ها لا ماكو شَي هيج واللة خو ماعندك شي
السيد
لا ماعنـدي شَي
ارتبكت من نضـراتة گمَـت ارتب بالغراض حسيتة صار وراية درت وجهي اله كال
السيد
شبيهه هاي صديقتج
باوعتتلة وگتلة
شبيهه
السيد
البنـية واصلـة مرحلة
گالهه وضحگ بوجهي اباوعلة ردت ابجي بوقتهه
اي وشسووي اني شعلية بيهه
لاعليهه كليلهه شيلي السيد من راسـج بما انج صديقتها وشي
غمـزلي وراحَ
ياربي هذا واللة غريب شنـو قصـده
خَـلص الدوام وطلعنـة سوى
اباوعلة صـدگ يضوي بالاصفَر طالع استغفراللة ضليت مغنـدبه طول اليوم علية
زين اني شجاني واغار هيج؟شبيَة؟
وصلـَت للبيت مر كم يوم واني يوم بعـد يوم علاقتي بالسيد تكبر وتعلقي يـزيد بي
صرت متعلقة بي هواي ومرت الايام وزيد يوصل غيد و غيد ملتهيه فون وقرايـة وانـي مـاشَي شغـلي
بيوم عيـد الحُب بشهَر ال 2 بيومـهه اجة علية السيد لابس لبـس رسمي
أبتسمَـت وصعـدت ويا طبعا اني الاسود مانـزعتـة أبد طول الطريق فاتح اغنـيه ويسمـع بيهه والابتسامة بحلگة
وصلنـة للشركـة حضرت غسق لابسـه احمر ومكياج طوووخ طبعا علاقتي انتهَت وياهه نهائي لان صارت حيل خفيفه خاصتا وي السيد
سويتـلة گلاص چاي وطبيـت لغرفته انطيتهيـا واحس الابستامة متفارك وجهه ماعرف ليـش بس احسه حيل فرحان
السيد
شُكرررا
ابتسمتـلة وگتلة
العفـو تَدلل
أبتسمَلـي اني طلَعت
گاعده وصافنـة بـي
فَززني صوت رفعَت راسـي ولَد واگف
...السلام عليكم
گمت من مكاني
وعليكم السلام اهلا
...اهلا بيـچ
باوع للقسـم وابتسـم
...اريدج اساعديني
بشنـو اتفضَل؟
...اريد اشتـري هدية ل خطيبتـي ومحتار شـأشتري شتنصحيني
اها هيه شتحَب مثلا هدايـا او ذهبَ او شنـو
...لا هيـة بسيطة تحب الهدايا البسيطة ومحتار شـأشتري ياريت اساعديني بما انو أنتي بنية وتفهمين البنات
هههه اوكي تـدلل ههسه اشوف
صَرت اراوي بالشغلاَت وهوه يگلي للا للا
تره هاي كلش حلوه واللة
...واللة محتار اخاف متعجبهه متوتر
اذا هية تحبك وانت تحبـهه ف اي شي بسيط حتحبة صدگني
...تحبني تحبني بس ميعجبهه العجب
هههههه
ضحگت ودرت وجهي اذكرت شي كلش حلو داشوف الي وراي شفَت السيد اتقدم تجاهنـة ابتسمتلـة
صار واكف بس بعيد عنه شوي صليت اطلع للولد اخر شي حسيته ماتحمل و اجه
السيد
نارة اكو اوراق بمكتبي ماجاي الكاهن ويـن حطيتيهن من رتبتي الاوراق انتي
ادور بالغراض واحچي
تمام بس دقايق دامـشي لولد
تقدمَلي أكثر وباوعلي وعيـونة بيهن شي غريب بس بحلَگة ابتسامة
الييد
اني هنـانه
...اا بلا زحمـة ممكن تبقة هية لان ضروري أريدهه هيه
حسيت الولَد جفص بحجايتة من گال اريدهه هيه
غمضـت عيوني وباوعت للسيد تقدملة واباوع لايده صامـهه ويحجي بس بهدوء وبنفس الوقت غضب
السيد
شنوو قصدكك تريدهه هيهه
...اقصـد اريد بنيـة مو ولَد لان تعرف البنـات يفهمون البنـات
حَسيت الوضع ارتبك
اا استـاذ تمام مصـار شي اني بس اطلعله الي يـريدهه واجيلك تگـدر تروح
جفصَت اني هم باوعَلي وسكت
يمة ارتبكَت واللـه
همـه هذوله الساده اذا طكت عدهم تطك دخيل النبي وترني
اتقربت من يمة وسويت نفسي ادور بالغراض وحجيت بصوت ناصي
سيد شجاك حطيـر الولد
السيد بهمس
صبرني عليها يخو زينب
انت مو شاطر غير ب صبرني عليها يخو زينب
السيد
لوعتي چبـدي
طلَعت الكارتونـة الولد منتضر انطيتهيـا
... حلوه حيل شتگولين راح تعجبـهه
اباوع لسيد يباوعلي ويباوعله
ا اي واللة حلوه
...تمام حلوه اخذهه نقـدي ماكو داعي اقصـاط
السيد
الحساب يم ذاك الولَـد مو يمـهه
...تمام شكرا ماقصرتي تعبتج وياي
ابتسمتـلة وسكتت اباوع للسيـد حيٌل ضايج اخذ نفس رخه الدگمـه مال قميصـه وگال بهدوء عكس الي موجود بداخله
السيد
تگدرين تجين شوي
مشـة بسرعة مشيت ورآ وانـي خايفة ومستغربة اني ماسويَت شي شبي هلگد عصبَي
وگف يم باب مكتبة ويهز برجلة ويباوعلي
السيد
طبي
شبيك سيد
السيد
جاي اگلج طبي! شبيج تخافيـن طبي خل اسد الباب
شنـو سيد خبالات الساده اشتغلت عندك الضاهر -كلتهه بكلبي وسكتت-
طبيَت سد الباب ورآ رگعـة بقوه شوي
چفَلت من صوت رگعة الباب باوعتلة اجه عصبي باوعلي وگال
السيد
ليشش الة انتيي ليش مافهمت شنو غايته
سيد شبيككك تره ماكووو داعي حتة تسووي هيجج قابل شنووو يعني اكلني
السيد
ناره اسكتي لاااتحجَين احسلج تمامم! استغفرااللة
اكعدي هنـا
گعـد ع الكرسي هوه اني كعدت كباله باوعلي وصفن بوجهي ويفتر بالكرسي
دخيـل الله ولله يخوف هذا شبي ع ساعه يصفن بوجهي
السيد:ناره
حبيٌت اكسر حاله القلق وكتلـه
اعيونهه
السيد
لا تكوليلي هيج وانسه سالفـتي
هههههه يله هااا
السيد
لا موهيج
ههههههههههه هاي خوش سالفه هاي سيـد
راد يحجي بس نفس الشي متردد جـان ف اني هماتين ترخصت وطلعت
لگَيت غسـق واگفة استعداد تباوع للباب عفتـهه ومشَيـت عدلت روحهه وطبت واني اراقب
شوي وطلع السيـد وهوه يضحگ وبعبين طلعت غسـق ويٌا اجـه الي تقدم وگال
غسق اليـوم تروح ويانه تريد ببيت خالتهه وبيت خالتها قريب علينه ف راح اوصلهه ويانه هزيت راسي وسكتت
احس اريد اطگ گعدت بقسمي وافكر
أحسَن شي اروح للبيـت هسه لا اريده يوصلني ولا شي ومابقة لدوام شي واني ضجت وتعبتت وراي روحـة لدكتور
زين لازم اروح احاجي واگلة اذا هيج لا خل ابقة يخَلص الدوام واطلع ولا انتضره ولا شَـي
مـر الوقَت وهوه ولاطلَع واني ولاتحركَت
شويـة وطلع ولايباوعلي وحواجبـة معقوجات ووجهه مايگصة السيف راح حجه وي احمد وباوعلي وطَـب
احس گلبي نحرگ حرگ واشوف غسق تطب وتطلع وتضحگ متت ماعولَت يخلص االدواَم طلع احمـد ، رأسا اني طلَعت
حاجاني احمـد گلي ليش مانتضرتي السيد گتلة ماكو داعي أجرت تكسي ورحَت للبيَـت بس اني ميتـة من الحرگة نـزلت وغيد شوية واجتي صايره لاشوفهه ولاتشوفني
حطيت راسَـي ع المخده وضايجه حيل نمـت گعدت العصـر گلت هسه حارگ الموبايل علية فتحَت لگيـت ولا مكالمة و ولا رسـالة حَيل ضجت ونقهرت حيـل
بَدلت وگلت لغيد بَدلـي نروح للـدكتور ومناك انروح للامام شويـة نتونس
لابسـة صاية او عباية ع الكتف انـي وشاالي مضبطتة الة غيد شالعة كلبي ماحبيت اضغط عليهه هواي گلت تكبر وتفهم
طلَعت من وقت اخذت تكسي ورحَت السيد يدري بية اليوم اجي لدكتـور
نَزلنة من تكسَي وطبيـت گالوا بعـده ماجاي الدكتـور
انتضَرنـة شوية وطبَ اتفاجئـت السيد طب ويا يحجي ويـا وملتهي
غيد
نارو باعي شلون الدكتور اسمَروالسيد ابيض
وانتي ع شنـو مركزه ماعليج
غيد
لا بس ولا جنهم اخوان
عادي نفسنه هههههه
طبَ ويا للغرفـة 5 د وطلَع باوعلنـة واخذ نفس واجـه.
اتقـدم وحجه برود
السيد
ها اجيتي
اي
السيد
محتاجهه شَي
لا تسلملي تگدر تروَح
خلة وراح طبوا الي گبالي طبيت وراهـَم الدكتور حباب طيب احسـة مادري بس حيل متواضًع ويسولف ويطمن بيـه اخذلي فحوصـات گلبي وگالي انشاللة خير العلاج نفسة بس لازم اراقب كلشي
المهم طلَعنة لگيـت سياره السيد موجوده بس ماعرف ان جان هوه بيهه او لا
اشتريت الدوه من الصيدلية داروح سمعت صوت هورن نزلَ الجامة وگال اصعـدي
شكرا تكدر تروح انـي ادبر نفسي
درت وجهَي شفتتـه نَزل يمشي وراي ويحجي
السيد
شبيـج ليوم نارة داكلج اصعدي تره مو علمودج علمود غيد ماريدهه تتعب
باوعتلة ودموعي بعيني هذا شيريد مني يعني
السيد
يللا شبيج
اني ما مجبورا اصعد وياك اگدر اصعد تكسي
السيد
صعدين وي ذول ومصعدين وياي شبيج ناره
نرزفنـي من گال هيَج باوعتـلة وخزرته بعيوني وگتلة
الحمدلله الي حـدود معينـة واعرف شَصرف خوش وبعدين شبيـهم ذوله تره كلهم ع باب الله
السيد
استغفراللة شلون راح تصير سالفة بشارع صبرني عليهه يخو زينب يلا شو غيد تعاي اصعدي وعوفيها
بصفَتك منو واصعـد وياك شبيـك انت
السيد
بصفتـي كلشي يله اصعـدي صبري خلَص ترره. !
يلا غيد اصعـدي
اشو ماحس غيـد صعدت وهي تضحك
أحس الكل يباوعلنة انجبرت اصعـد صعدنة بالوره اني وغيد باوعتلهه و ضلًيت ساكتة بس أفور صعـد
ضَل ساكـت حرك السيـاره حيَل ضليت احجي وادردم بيني وبيـن نفسَي شوية هـده أحسة صـار يحچي هوه و غيد ويسـألهه ع دراستـهه اني فورت اول مرهَ هيج يسوي ويجاهلني و ولا كانمـا ردت ابجي
وصلنـة للبيت نـزلت بسرعة جان بعـدهه يوم جمعـة يعني استراحة حتة ما خلانـا نزور طبينـة للبيت واني ولاااا الي خلگ
غيد
الله فدوه باعيلة شلون يغار
انتي اخرررر شخص ممكن يحجي شون تصعدين وتحرجيني هيج ها و اسكتي احسلج شيغار متكليلي
غيد
لعد شنـو؟ والنبي يغار عابت كلشي متفتهمين نيالج علية يول نيالج دولي ترديني اضل بالشمس مصگوعه عما تكملون حديثكم
تضحگ وتحجي يمي مخده شمرتهه عليهه صعـدت تقره اني افكر بي وافكـر بحجية
زيـن معقولة يغار علية اي لعـد ليـش هوه هيج سوى ليش عصب
ابتسمت لا ارادي وضَليت افكـر معقولة يحبني معقولة الي دافكر بَي صح
اخذني تفكيري لعالم الخيـال وكعدت اتخيل سوالف ماعتقدت تصير،
نايمة والعب بشعري ومبتسمة وافكر بي نشمرت علية مخـده نززيت
اخ عابتت شبيج
غيد
وينن صافنة تفكرين يحبج لو لا عمي يحبج يحبج مبين واللة المطي يفهمهه كلش واضح حجت هيج وغمـزت
رجعتلهه المخده وگتلهه انجبي والله طالعه عينج روحي اقري احسن الج
ضليت صافنـة لليَل اباوعلة متصَل طبعا عرفت صفحتـة اشوف منشوراتة صوره وابتسم واراقبـة، اراقب تعليقـاتة شَي شَي ماكو بنـات ابد كلة ولَد صدفة الگي بنيـة اصدقائة كلهم بنـات يعني اني السيد اصدقائة بال 3 الف صديق اني مدوره بيهم خـاف أكو بنيـة
صفحتـي وصفحـة رنـد بسَ ماكو غيـرهم وهالشي يخليني اموت من الفرح
انتضرت انتضرت وگلبي يريد يطگ علية اوف ياربي ليش لسة ماكو كل مره يراسلني ويسـال ليش هيج
ضليت ضايجه طول الوقَت اني هم مدري شلوني
كل مره هوه الي يبـادر وهوه الي يسـأل خليني هل مره انـي الي ابادر
دزيتلة رسالة بعـد تفكير طويَل
🏷️لا تزعـل سيد
أنقَرت الرسـالة رَد علية ب
🏷️عادي مصـار شي
قريتهه وماجاوبت اووف ياربي شسوي هسـة شلون
🏷️ويـن انت؟
🏷️بالكوفي يم اصدقائي
🏷️تمام بس ترجع رجعلي خبـر
🏷️ اوكي
انتضـرتة يرجع تقريبا ل10 دزَ
🏷️ ها نارة
اني جانت بنيتي اخابره بس من شفَت الدنيا ليل خجلت وگلت ما اخابره عيب هسه
🏷️ها سيد شلونك
🏷️زين اخذتي دواج
🏷️اي الحمدلله
🏷️ شبيك سيد اني اسفة واللـه ليش هيج دسوي؟
🏷️ هايهيه نارة تصبحين ع خيـر
🏷️ ههه داحس نفسي ذابـة روحي عليك
🏷️ براحتك سيد وأنت من اهلً الخيـر باي
مـادز شي بس شاف الرسائل ضليت اكل بنفَسـي اكل ليـش هيج يسوي! يعني اني ماغلطانه وداعتذر وهوه ولا جنة! شجا ياربي رحت بسرعه مسحت الرسائل
ضَليت ضايجخ وسهرانة حـدما نمت صادف يوم عطلـة لا راسَل ولا خابر ابد
صفنت وي نفسي اني ماغلطت بشي يجوز صح غار يجووز بَس موذنبي اعتذرتلة ع شي مالة وجود وموذنـبي وهوه لسة بكيفة هايهيه
مـر اليوم اليوم الثـاني الصًبح داتريَگ راسل
🏷️ صباح العافية لا تطلعين وحدج اني جاي
كتبتلة ماكو داعي قراهه ومـارد شوية سمعت صوت سيارتة كمت اتافف وطلعـت وجهه يضحگ ياربي شگد غريب هذا واللٌه ماجذب الكال الساده طكاتهم طكات
صَبح علية وبـده سوالف وضحگ و ولا كانهُ اني اباوعلة وساكتـة
لاواللـة؟
ضحگ بوجهي وگاال
السيد:أزعل وحدي وارضة وحـدي لاتخافين يعني مانتضر احد يصالحني
عقجت حواجبي وكتله
هسه ع اساس اني مسويه ذنب ؟
سكت واخذ نفـس وگال
السيـد
اغارُ فيحسِب الحَبيبُ أَني مُتسلِطا ،
ليتهُ يعلم بحجم غيرتي لَيتَهُ
صدمنـي بحجايتة هاي هواي باوعتـلة وهوه مبتسـم ماحجيت شي درت وجهي واحس گلبي يريد يطلع من مكانة توترت حيللل حجايتة هيج احسهه مووتني فرحَ ردت ابجي من الفرحة صحيت ع نفسي واني اگول اثگلي نارة اثگلي ...
وصلنـة للشركة ومـر اليوم والسيد ناسي زعلة بس حجايتـة ابالي كل ما اذكرهه ابتسـم بشعور لا اردي
مـرت الايام ومشَت حياتنـة طبيعيـة حيَل والسيـد صار يفاجئني بحجايات هواي مره يگلي شكد اكبت براكين غيره بداخلي مره صحتج تهمني مره اخاف عليج حجايات هواي يخلني افكر بـي دوم
لؤي اتواصل ويـا ويـدرس وماتهي بالدراسـة
غيد كذالك تقَره وموبايل وصفنـات
رنـد اتواصَل وياهه ونفسيتهه هل ايام متغيره
غسـق ومـا ادراك ما غسـق اجيتهه وگلت ما اخلي هشي يخرب علاقتنة وصـدتني عفتـهه
مره من المرات دنطلع سوى للشغل باوعلي السيد وكال
السيد
ناره اني بهل اسبوع ضروري احضر نفسي ل تركيا واريدج ترحين وياي
صدمنـي من گال هيج دائما جان يحجي هيج بس ماجنت ادري انو يحجي صـدك!
شنو سيد انت شدتحجي عود صدك
السيد
اي واللة صدك قابل اشاقة وياج
سيد مستحيل هل شي صدك جذب مستحيل وماكدر اسوي هيج
السيد
ليش اني مو جنت اكلج وتكليلي انشاللة
جنت حسبالي شقة محسبالي هيج سيد احنه نجذب ع روحنه ماكدر اروح
السيد
رايحين بشغل نارة مو رايحين نلعب
لا سيد فدوه عوف هسالفة مستحَيل اكدر اروح وياك لتركيا ووحدنة لا لا ابد مستحيَل
السيد
نارة بس!
لا سيد فدوه للاا وبعدين غيد شلون
السيد
تروح يم رنـد
شو سيد انت مكمل امورك جنك لا لا مستحيَل غيد تستغرب حيل اختي واعرفهه وعدهه سادس واحجيلكياهه من الاخير بس متزعل اني مستحيل اعوفهه ابيت بي ولد
عقچ حواجبة وباوعلي
السيد
مثاقة بيـنة
مو مسـألة ثقة بس مستحَيل اسوي هالشي سيد انت ليش تعرف وتحرف انت اكثر واحد يدري الي ابالي
السيد
يعني افهم من حجيج متروحين مو
اي ماگدر اصلا ماعندي جواز
السيد
ادبرهه اني
سيد شجاك حتلا عندي فمستحَيل مستحَيل اصلااا اذا اگل ل لؤي ميقَبل وربك يعني مستحيـل يفكر بسالفه غيد تبقه وحدهي يم بيت بي شباب واني مو وياهه واصلا شنـو اني شداحجي حتلا لؤي قَبل اني مستحيل اقبل ومستحيل اوافق ومستحيل افكر بهيج شي ابد ابد ابد
حسيتـَه ضاچ گال
السيد
هسه ابـد؟
شيلهه من راسك اصلا
سكت ماحچة شي شويَة وگتلة
وهسـَة؟
السيد
شنو وهسه نارة ماتكليلي اني كل ضني تروحين وياي هسه اني حسيت روحي مضحكه يعني انتي جنتي تكولين اروح واروح وهسه تكليلي غيد لؤي مادري شنو
حباب لاتضوچ موبيدي واللة مستحَيل اگدر مستحَيل وماجنت اعرف تحجي صدك
باوعلي وتنهـد وابتسم بنـفس الوقًت
السيد
توقعت هيج
مافهمت حجايتة گتلة شنو
السيد
ولاشَـي المهم اني عگب باجر رايـحَ أسبوع واجي انتي تكلفـي كلشي ماوصيـج بالنسبـة للروحة والجية اني وصيـت زيد عليج تمام هوه ياخذج ويجيبج وديري بالج ع نفسج زين
أبتسمـت ع حجيـة بنفس الوقَت احس نفسي حيللل ضجت كلت اوف وباوعتلة
السيد
تحسسيني من هل اوف راح تشتاقيلي
ضحك بخفة بس نرفزنـي باوعتلة وگتلة بشي لا ارادي
وهسٌه انت منو كلك مراح اشتاقلك ؟
فزززني نضـراتة وهوه صافن علية صفَنت بوجهه وگمت ماعرف شسوي ضليت صافنه نفس الثوله فززنـة صوت السيارات كال نعلت الله عليك يالشيطان وساق
ضلوا يحجون علية السواق وهوه گوة لازم نفسـة بس سكَت اعرف السيد سكت لان يدري بنفسة غلطان
نمـشي اذكَرت. الموقف ضحگت
السيد
هاع شنو تضحكين
ضحگت بوجهه عرف السالفه ضحگ وياي
السيد
ماكملتي حجيج
ها لاا ماعندي شي
ضحگ وسكت وصلنـي للبيت وراَح طبيت للبيت واضحگ وي نفسي شوية واچت غسد ضايجة سالتهه كالتلي تعبانه خلت وصعـدت اني هم صعدت تعبـانة نمت وانـي أفكرر بـي
گعـدت من نوم السيد كاتبلي رسالة ب2 تقريبا راح أنـام اني خوما رايده شي ابتسمَت وكتبتلة نوم العافيـة
مـرت الايام واني ويـا نحجي سوى مخابره ومراسلة شگد استحي جنت من يوسف ومن يخابرني اتحجج واروح بس السيد لا احس نفسي اريد احجي ويا هواي هيج حسيت نفسي طايره بحبـة بدون ماحسب لعواقب هذا الحُب
أچـة اليوم الي يـروح بـي السيد للمَطـار سفَرتـة ب8 بَليـل
بيومـهه بَليـل ضلينـة نحچي سوى تقريبـا ل3 گالي راح اشتاقلچ ضليت صافنه بحجايته هٌاي مكدرت اكله واني هم ضليت ساكته ، حيل ضل يوصَي بيـة اني أحس نفسي اريد اطگ علية حيَل ضجت بس مـاردت اضوجه وياي
اجة اليوم الـي بعـده واني اوصيَ بي ع نفسـة ماگدرت اروح ويـا للمطار لان مستحَيل شلون وللنجف بعيـده
رمشَلي السـاعة ب6 گلي يلا اطلعي طلعت موجود ع رأس الشـارع بسيـارتة
صعـدت ويَا واني ميتـة من الضوجه اباوعلة ودي ابجي
السيد
ماوصيـچ بعـد نارة انتبهي ع نفسج حيَل لا تتهاونين ابـد الشركة بيدچ واريدچ تكونين گدها علاجج كلشي
باوعتـلة وعيوني مـدمعـات ضَل صافن علية مسح وجهه وكال
السيد
شبيج
م مابيه شي
السيد
نارو
اول مرة يكلي هيـج باوعتله وكتله ها؟
تنهـد وگال
السيد
ماكو شَي يلا ماضَل وقت عندج شي؟!
انتبه ع نفسك زيـن
احچي وغصة ببلعومي شلون ما راح اصبح بوجهه شلون ما. راح اشوفه
حتاخذ سياره وياك
السيد
اخليهه يم صديقي بنجف حته من ارجع ارججع بيـهه يلا رايـح اقفلي البـاب زين ماوصيچ انزلي خل اوصلج واروح
نزلت ونزل وياي امشي وهوه يمشي گبالي وصلني للبيت وراحَ
ضليت ابجي علية ماعرف شبيـة بس حَيل ضچَـت علية
بعـدهه مسحَت دموعي وگلت مايصير انگ ورا شبية أنـي
ضلينة نتراسل اني ويـا ع الخط عنـده نت حدما وصًل ضل ينتضر ويصورلي حدما صعد بالطياره گال بس تطير ينگطع النت تره طارت طيارتهم وعبروا الحدود العراقية انگطع النَـت عنـة
ألمهم انتضَرت ضليت گاعده حدما وصل كتبلي وصلَت هسه اني بالفندق تعبان راح انام اطمنَت عليـة
مرت الايام وانـي امشي وي زيد وارجع وي زيد خالد مدري شـبي وياي مرات احسة حتة يراقبنـي يضًل يسأل هيج نارة هيج نارة ابوج وين نارة ليش عايشه وحدج نارة هيج اسالتة ماعجبتني اني الغبيهه حاجية كلشي من جنه كاعدين سوه كل احنه كلت كلشي بدون تردد
المهم السيد و اندو سوى مرات هوه يفتـح كلمرا صـار يغورني ويحجيلي ع الاتراك ودي انطلة من الكاميرا شكد ماحاول اضم بس تطلع عليه هوه يضل بس يضحگ علاقتنة جانت عفوية كلششش الى ابعـد حَد يصورليَ كلشي ويحجي ويكلي اشتريَت هيج وهيج لشركة وياخذ رائيي بهواي شغـلات
حيجي الشهر ال3 واني بكربلاء واهلي ماعرف عنهم شَـي مرات اگول ابوية اكيد تندم واكيد لسة يذكرنة ومناسينـة
صرت مفتحـة عيوني ع كلشي بالشركة واخاف لايصير شي غرفة السيد مفتاحهه بيدي سادتهه بس من يجي واحـد وياخذ اقساط افتحـهه اشطب ع الدفتر مالة وارجع اسـدهه
مره خالد راد شغله طبيت ويا ضل يتحجج يريدني اروح گتلة ماگدر اروح
خالد
يعني شنوو عود متثقيـن بيه؟؟ هوه الصوج مو بيج الصوج بالسيد الي كبر راسج
امانه تسلمت ب ايدي ماگدر ارجـعهه صاير بيهه شي
خالد
انتي شجاي تحجين
ضاج وخابر السيد ويعيط شنو ماعدهه ثقة وانت ليش تسلم بيـدهه
طلع من المكتب وهوه يكول
اني اعلمج
السيدخابرني فهمته ع كلشي گلي مايسوي شي هوه گتلة اي ميسوي شي هوه بية لا تـأمن كتلة ماطولك انطيتني مسولية الي حمشي بقراري مو بقرار احـد من تجي انطيك كلشي وبعدهه شسوي سوي اني مو علمود شي بس اذا صار شي كلهه حذبهه ابلاي
خالد ضل ينـرفزني بسوالف واني ساكتـة عنـة مطنشتـة اخـر شي خله وطلع من شركه اجاني احمد
احمد
اشو هذا بكيفه يطب وبكيفه يطلع والقسم مالته تايه شون اذا اجه واحد شنسوي مثلا نضل نتراكض
شمدريني شايف روحـه
احمد
السيد كلش منطي مجال
اي وللـه صح حجيك
غسق
احمد نارة شبيكم تحجون ع السيد من ورآ شكد انتم ناكرين للجميل
احمد
جميل ايش غسق؟ وبعدين منو حجه ع السيـد تره جاي نحجي لمصلحته
غسق
لا وهاي الي مسويه روحهه ملاك يمـه وانت عود صديقه ولله كلكم متتأمنون اني راح اوصلكم كل حجيكم
هوه شتوصليله انتي شبيـج
عافتني وراحَت ضليت الوم بروحي خاف تروح وتحور والسيد يصدك اوف
رحت ل بيتنـه وگاعده شوي وخابرني السيد
بعدنـي مكايله هلاو حاجاني راسا
السيد
اني منطي مجال ل خالد مو نارة؟
انتي شبيج نارة شنو مشكلتج وي خالد ليش هيج دائما ويـا تره هوه صديقي واني مارضـه عليه خوش ف هذا الحجي اذا تكرر نتخـارب
سده بوجهي واني بعدني لا كايله ولا حاجيه شگد مسموومه راسا كالتله
بعدهه اني ماحاجيتـه ولارديت كلت لو هوه صدك جان افتهمني وسالني مو راسا صدگ بيهه
احمد خطيه يكلي السيـد يكلي زعلان عليك وضايج من غسق
مـر 5 أيام ع روحة السيد ل تركيا حيل مشتاقتلة وامنيتي بأسرع وقَـت يجي وبهالوقت احنه ابد ماحجينن سمعت باجرر يجي من زيد واني طايره من الفرح
خَلص االدوام وصلنـَي زيد للبيـت غيد عدهه اضافي درس گال اتغده وامرلهه جان ماخذهه هي وبنيه وياهه بالمدرسه وثنين بنات من الكليـه
راح زيـد و اني فتحَت باب البيـت وطبيـت اباوع انـي باب الي يطب بي لجوه سادتة اشو مفتوح سمَيت بسم الرحمن وگلت لا اني ناسيتـة طبيت ولگيـت الدنيـا مگلوبة فوگ ع جوة الفراشات كلشي منفوش اني تخبلت داصيح وجان ماحس الة ........ توقعاتكم
بـارت طويل لعيونكم