مسٌاء الخير حبايبي
مستمرين رغم الابلاغات والمضغوطين 🔥😂
__________________
الصُبح وصلنـي زيد السيد كلة جوعانين روح جيبلنـة ريوگ النة كل احنـة شغل سيـارتة وراَح شويـة مانحَس غير صووت كلشش عالي صوت صدم سيـارات
طلعنـة بسررعة نرگض شفنـة سيـاره زيد مگلوبة وواحـد بالدراچة واگع
يمةة اني من شفت المنضـر متتت اريد اوگف ماگدرر شفَت العـالم طلعوووا يرگضون السيد سوه الطريق خطوتيـن
اهلَ المحلات التمت كلهه مشيت بسرررعة واني اندعي مصاير شي لزيد
رگضوا لزيد اهل الشركه كلهم و الناس التموا ع الولَد رگضت ويٌاهم واني كلبي طايح السيد حاط راس زيد بحضنـة الدم ماتعـرفة منين مامنيـن
السيد تخبل ضل يصيحح بكل صووتة يررريد من زيد يصحة ماكو
الضربـة مانعرفهه وين مجرد الدم مله جسمه ملي
الي نعرفة زيد فاتح الباب وطافر من السيـاره واگع ع الرصيف
شالـوا بسرعة صعدوا بسـياره وطارووا بي ابو الدراچة كذالك هم اخذوا النـاس
اني ضليتت ارجف دموعي ينـزلن واندعي زيد مايصيرلة شي
بوقتهه الخوف جان جبيررر انعادت بية المعـاناه كلهه اغمض عيونيي واگول خاف هم نفس لؤي وامـي ويوسف
زيد خلال هاي الفتره حيللل اتتقرب مني صرررت اعتبره نفسس اخوية الصغيـر يحجي ويشكي يحجي ع كلشي بحيث صار يفتح كلبه الي لدرجه حته ع امة وخباثتهه وطمعها يحجيلي !
صافنـه وي روحي واكول
شكد انـي فكر لعد
احس كل ما اطب لحيـاه احد اخربها اله
شارعنـة الي ع العام صدفة تمـر بي سياره الصبح اصلا الصبـح مـابي سيارات هواي ابد يعني لو تخطف وحده لو ماكو هنـة سايدين
زيد يمشي سريع وابو دراچة جاي سريـع ابو دراجة لازم يجي ع للسايد الي يمنـة بس هوه مخالف اكو فرع يطل ع البيوت مقابل شارع العام
زيد يمشي سريع ابو دراچة طالع منـة وهم سريع واحـد ضارب اللخ
اباوع سيـاره زيد مشموره وين ومدمره ممروده الدراچة حيل تاذي اباوع للسياره وابجي
محد بقة بالشركة غير اني وغسق و خالد
خالد ضَل يلح ع غسق حتة تروح راحَـت اني گاعده وداعي انو مايصيرلة شي
احرمص لخالد يگلي ماندل ليا مستشفة خبلنـي ونوب اني كلشي ماندل بس ابچي
دگ موبايلة گال هسه اچي ماخليت اية ماقريتـهه گلبي يدگ سررريع والهث وخايفة حيللل ما بالي غير زيـد شراح يصير بي وشون
تصير صورتة گبال عيني ضحكتة شقا كلشي بي اضل بس ابجي
، انـي بطبيعتي اذا انسـان مات واني ماعرفه احط روحي مكان اهله وافرفح من البجـي وتخيل دور امه شون كلبها مكطوع عليه دور اخواتها واضل ابجي
خوما زيـد الي عاشرته وحسيت بي صله من عندي ومني وبيه
شوية وشفَت الكهربـاء طفَت استغربت الكهرباء أبد متطفة بالشركة ليش طفَت اشتميـت ريحة نفس الحرگ هيج شي بس ماهتميَت لان اني جنت بس ابجي
اجة خـالد ضل گاعد شوية فد 5 دقايق ونوب گال
خالد
نارة اني لازم اروح حاليا لان امي حيل متخربطة
عزه شبيهه
خالد
سكرهه مرتفع واني لوحيد لاهلي وابوي هسه خابرني لازم اروح محد الهم
اي اي رووح وطمني عليهم
خالد
نشاللة يلا رايح اني
ردَت أسالة ع كهربا مـآكو راسا طلَع ضليـت گاعده وافكر شسوي
ريحـة الحرگ قوووت موبايلي مو يمي الشركة ضلمة كلش شوية وأجت الكهرباء
مشيت اريد اشوف شنو السالفـة باوعَت مكتب السيد طالع ريحـة منـة فتحتَ البـاب ونصـدمتتت
المكتبة مال الاوراق جاييي تحترك اني نصدمت رحت بسرعه للحمام فوگ گمت اجيب مي وادير عليهه اصعددد وانزززل وابجي
صعدت حتة اجيب مي اخر درجة ووكعت ع ركبتي حيل تاذيت كلشش حاولَت اگوووم ماگدر اباوع للغرفة النار گام تطلع منها صرت بس ابچي لا اكدر اكوم ولا اكدر اعوفها
گوة گمت واطفي بنـار اصعد وانزل واضغط ع رجلي كوه امشي عليهه
المكتبـة وجت ونطفتت اباوع الاوراقق صايرات رمـاد لون المكتب ابيض صاررر اسـود الفراش محترگ الي جوة
مادري بذيج الساعه شسوي كل الي اعرف بـي انو الاوراق وكلشي مهم بيـهه اقساطات الناس فلوس اوراق مهمه كلشي موجود
احاول اشوف شي ماصاير بي شي ماكوو كلهه محتـرگة
گعدت بالگاع وصرت ابجي ع نفسي ع حضي الي ماييجبلي غير المشاكل هسه اذا دره السيد شيكول
اني غبيه اني غبيه ليشش ماكمتت من البدايه ليش يارربي
سمعَت صوت موبايلي يدك گمت بسرعة اخذتته من القسم باوعت المتصل السيد جسمي يرجف للحضة كلت الوو واني ارجف
السيد
ناره المفتاح تلگينـة بالمجرات سدي الشركة واطلعي زيد بخيـر ماعنـده شَي بـس فاقد وعيه جان واصابات عنده تتعالج
ردت احجي ويا سمعت صوت ناس يمة نوب غلق الموبـايل ضليتتت حايررره
ياربي دخيلك اني شبيـدي ش اگدررر اسويي هسه واللة لووو دررره السيد والله اصلا يجوز ميخليني بكربلا كلها
امشي منا ومنا وابجي وافرك ب اديه وحايره شسوي
ركتبي موووتتني وجع كارررثي گوة امشي عليهه دگيت ع السيد مره ثانية ماكو ميرد احتاريت شسوي
لا اگدر اطلع واعوف الشركة ولا اگدرر ابقة
هوه هـذا حظي سوده بوجهي ع هاي السـواية
گلَت اسد الشركة واروح للمستشفة واتفاهم وي السيد غير حل ماعندي
سديتـهه وطلَعت اخابر السيد ميـرد تعبت من الوگفة اخر شي رد
السيد
ها شكو
سيد انت بيا مستشفة اريد احاجيك
جنت ابجي واحجـي
السيد
شكو شصاير نارة اكو شي
لا ماكوو يس بالي ع زيد واريد احاجيك
ماتشجعت اكله ع اي شي ع الموبايله خفت من رده فعله
السيد
زيد كلش زين واللة بس براسـة 3خيطات لاتخـافين ماكدر احجي هسه ارجعي للبيت وبعدين نتفاهم يمي نـاس باي
سد الموبايل وخلاني حايره حتـه مانـدل مستشفياتهم هنـا
رجعَت للبيـت وحتة مامريت ع غيد رحَت للبيت گعدت بالغرفة وابجي
ياربي اذا دره السيد شراح يسوي واللة مو انـي واللة
ضليـت ابچي والوم بنفسي حدمااا نمـت بمكاني
گعدت من النـوم اباوع السـاعه بال4 اوف شگد نايمة ياربـي
أتذكرت غيد گمت بسرعة جبتـهه ضلت تحجي عليه گتلهه واللـة نسَيت حجيتلهه ع زيد وشلـون سوه حـادث انقهرت عليـة
ضليت افتر بالبيَت وخايفة ياربي هسه شنو الي بيدي شنو الي أسوي هسة ياربي اني حايره دليني ع الطريق الصحيح
امـشي ومرتبكة واحجي والدموع بعيوني
اخـابر ع السيد ميرد زيد موبايلة مغَلق ضليـت كاعده وأكل بروحي وماعرف شسوي
بـ5 تقريبا خابرني السيد فززز كلبي ساعه اكول اجاوب ساعه اكول لا .ساعه اكول عرف وشراح يسوي كومة افكار ابالي
رديت علية واني ارجف
الوو
السيد
ها نارة هلا ستوني فرغت واللة خوماكو شي
سيد تكگدر تجي هسه للشركة
السيد
ليش انتي باالشركة
ل لا بس لازم تجي عندي موضوع وياك مهم
السيد
تمام جاي هسة راح امر عليج
للا سيد اني حطلع هسة ماكو داعي تزحم نفسك
سديت الموبايل بسرعة اجذب اذا ماكول خايفة اي خايفة خاف يوصل قبَلي ماعرف رده فعلة شحتكون
بدلت بسرعة اباوع للفون يدگ علية ماهتميَت گلت لغيد ابقي بالبيت ماطول اني
اخذت تكسي و رحَت للشركـة الحمدلله وصَلت قبلـة مافتحتـهه ضليت واكفة منتضرتـة
شويـة واچة صفَ سيارتة گبالي كلبي يدگ سررريع خايفة حيللل الدموع بعيوني
نـزل وهوه عاقج حواجبه وبوجهه علامات استفهام ويباوعلي دنكت راسي من نضـراتة
اچة يمـي باوعلي وكال
السيد
شنو السالفة ليـش مستعجلة هيج؟!
سكتت ماحجيَت شي باوعلي بشَك انطيتة المفاتيح الي عندي وهوه عنـده فتح الشركـة وطَب
طبيت ورا وانـي ارجف للحضة اگلة سيد اطلع ماريده يطب ويشوف المنضر خايفه وماريد اواجه الي راح يصير
خايفة ومتوتره سحَب الكرسي الي بنـص الشركه مال الحسابات وكعد
السيد
شكو نـاره اشو مبين بيج شي صايرلج شي احد متعرضلج احجي
من كلي هيج مباشرتا نـزلت دمعتي باوعتلة
سيد و واللة ..
اجة وگف گبالي يباوعلي بخوف
السيد
نارة احجي شكوو ليشش تخبليني اكو واحد موضج شكو احجي
رفعت راسي وباوعتلة ودموعي تنـزل غمضت عيوني واحاول اصنـع القوه
غمضت عيوني وحجيت
سيد مكتبك احترك و واللة ...
جاي احجي ماحس غيرر. گال بصوووت عالي شنوو وطفرر للمكتب
جسمـي يررررجف ماكدررر اشيَل نفسي مشيت ورا اباوعلة صـافن يباوع للاوراق يگلب بيهن كلهن محتركات
حجة ببرود عكس مامتوقعـة اني بس اباوعلة العيـون حمـر صامم ايده
السيد
شحرگهن
احجي وابجي
من انتم رحتـوا خالد راح امة تخربَطت الكهربا انطفت مادري ليش ش شوية شتميت ريحة حرك ب بس ماكمت ل لان
بعدنـي احجي هوه حجه بصوت مو عصبي لا صوت فوك العصبي بحيث گمزني
السيد
وانتي ليش ماكمممتي ليش لااان شنو نارة انتي صدك تحجين لا لا راح اتخبل نارة انتي تعرفين شنو اهمية هل اوراق ، كلهه عقود كلههه اقساطات لج الاقساطاتتت مال الناس كلهه بيههه كلهه، وكلهه راحت نتيجة اهمالج انتي
مغمضة عيوني وابجي وهوووه يحجي اريد احجي ماينيطيني مجال
سيد....
اني مستنـده ع الحايط وهوه گبالي رررفع ايـده بتهديد وغمض عيووونة وباوعلي
السيد
اش لاتحجين لاتتحجين شي
لج اخ لووو انتي رجال اااخ جااان عرفت شصرف
نارة اني ماضمنن الي اسوووي خلقتج لاتراوينيااهه بعد فهمتيني
سيد بس افهمني االلة يخليك انـي مستعده ادفعلك كل التعويض والله
السيد
انتي مخبله لوشنوو جاي اكلج اقساطات الدنيـا كلهه هنا يعني ممكن الناس تكلي اقساطنا مكمل وهوه ستوهم بدوا ، العقود كلهه راحت ، اوراق ملكيـه الشركه كلشي راح بسببج كلشي
بـس والله ماجنت ادري اني
السيد
خلقتج ماريد اشوفهه ناره اتجفي الشر وروحي عني
اجه وكف كبالي وهوه يكلي يلا طلعي اباوعله وجهه احمر صار ويتنفس كوه ويحجي من العصبيه طلعت.
سد الباب بوجهي حيلل اسمع صووت تكسيرر
اريد ادك الباب ماگدر لا اگدر اطلع ولا اگدر ابقة گاعده ولامة نفسي وابجي
صـار هدوء شوية وطلَع باوعلي وكال
السيد
لسة ماطالعة انتي ليشش ماتستوعبين الحجي
سيد اسمعني بس خل اكمل والللة
السيد
اشش ع حب النبي ماريد شي هايهيه اتفضلي اطلعي وبالمنـاسبة ماكو داعي تجين بعـد
غمضـت عيوني مسحت دموعي وباوعتـلة
لاينطيني مجال احجي ولاشي الحجي كلت الـة لهنا وكافي هواي جريت روحي
هزين راسي وگتلة
براحتك سيد بس صدگني السبب مو من عنـدي
عفتـه ورحَت بسرعة امشي ودموعي ينزلًن
حجايتة ابالي من يگلي لاتجين بعد
أجرت تكسي وصعـدت احس ابو تكسي ضل يباوعلي لان بس دموعي ينـزل ماهتميَت
طبيت للبيـت تلگتني غيد عفتـهه وصعـدت للغرفه لفيت روحي بالغطـا وصرت ابجي من كلبي ماصارلي اسبووعين من بديت اشتغل وهيج يصير
كلة مني كلة مني بسببب غبائي
اجت غيد تريد تحجي وياي كتلهه اريد انااام عوفنيي
ضَليتتت بس ابجي وافكر بالسيد
زين هسه اني ليش هيج ليشش دابجي ع شنووو منزلة نفسي هوووه موو كال بعـد ماريد تجين ماريد اشوف خلقتج اني ليش هيج داسوووي ليشش كلما اذكره هيج يحجي اموووت واضل اشاهك بالبجي
غيد حتارت شسويلي بالاخير عافتني تعرفني ارتاح من ابجي
صارت ال10 تقريبا واني بس ابجي هديت شوية مسحت دموعي بس الافكاررر لسة من اذكر من گالي ماريد اشوفج ولاتجين احس اريد اموووت
هه الخلقة ماخلق غيره شايف نفسة حملني غلط اني مو مسؤله بي اكرههه اكرهه
حاولت انسي نفسي طبيت ع اليوتيوب طلعت كبالي اغنيه لياس خضر فتحتـهه بسرعة وندمجت وياهه
هم رجع گلبي يحن ماكفة جرح البيه
ضاگ المر من حبة الفات ريت الله يهدي
اسمعهه واحس الاغنيـه علية مفصله الي صاروا گبال عيني يوسف وسيد بشعور لا ارادي
وگفت الفيديو وصافنـة ع نفسي اني شلون اقارن يوسف ب السيد اصلا السيد مستحيلل يجي ل يوسف
ليلـة مشئومة مليـانه حـزن وبجي اريد اعرف ليـش مادري نمـت واني مو داريه ع نفسـي
گعدت من نوم غيد نايمة يمي اووف حته عشا يجوز مامتعشيـة
فتحت موبايلي مابي ولا مكالمة سديتـة واني كارهه كلشي
سويتَ چاي و طلعت گيمـر جاي اكل وافكـر اذكرت زيد خلي اخابره واشوفة شلونة
معقولة هوه هم حيكون نفسَ اخو ههه اي اكيد اخو بعد شاريده مثلا يصفگلي ويگلي عفية
حطيت اديه ع راسي واحجي
الصوج بيج نارة لاتنكرين هالشي شما سوه حقة حقة انتي ليش ماگمتي اخ اخ زين ليش احتركت شلون واللة ماجاي استوعب
مَـر أليـوم مدري شلـون خلصنـا بَليل تقريبا زيد اتصَل گلت حالة حال اخو حيضل يحجي وشي ما اشيلـه احَسن ليش اذل روحي
ضل يد مرتين ثلاثة نوب عـافة
ألمـدارس مابقالـهه شَي غيد تلح عليه شلون شلون گتلهه واللة هل اسبوع انسوي اوراق النقَـل
افكر بالصارلي افكر بالديصيرلي افكر بالحيصيرلي
افكار تاخذني افكار اتجيبني اهلي وين شديسون ابوية اخوية كل هل افكـار تجي ابالي
مرت 3 ايام ضبط زيد يدگ واني ولا اشيلـة ماطلَعت من باب البيـت
صارت بينـة وبين بيت الحجي طبة وطلعة ناس كلش طيبيـن وهواي وگفولنـة
صرت افكر بالييد هواي مرات اگول نطيتـة اكبر من حجمة ومرات مـاعرف غصبا عني افكر بي جان هالشي موبيدي
يوم من الايـام اندگَت الباب الصبح گلت يجوز الحجيه لان بهلوقت تجينه فتحت الباب بدون ما اكول منو وجان انصدم بزيد
باوعتـلة ارتبكَت
زيد
زيد بابتسامة
اختـي ما ناويـة تطمن علية ما نـاوية تگول اخوية شلونة الضـاهر نسيتني
اباوعلة راسـة مشدود ويباوعلي ويبتسم مباشرتـا دمعتـي نـزلت حسيت بوقتهه والله العضيم ردت احضنـه هيج حسيت لؤي واكف كبالي مو انسان مابينه صله قرابه
زيد وواللة ...
البَـسي خلي نطلع عندي حجي وياج
طبيت للبيـت ودموعي ينـزل ماعولت البس صايتي وصيت غيد وطلَعت
جاي ب سياره السيد صعدت ويا حرك سيـارته وگف يم حـديقة عامة
زيد
شنو الشي الي يخليج ما سألين علية ؟
زيد صدكني صدكني بالي يمك صدكني من اصلي بس اندعيلك واللة العضيم واندعي من اللة بسرعة تطيب زيد انت موهين علية والقران نفس اخوية واللة بس ...
دنگت راسي وعيوني مدمعـات من اذكر السيد احس هيج اريد اموت
زيد
بس شنو نارة صدك ضجتت يعني اني حاسبج اختي الجبيره ومنتضرج ادگين علية لا وفوكاهه ادك ومترد اني توقعت حته تجين تشوفيني
زيد انت تدري شصـار
زيد
شصار
حجيتـلة كلشي وانـي مقهوره واحجي ويا
زيد
اوگفي اوگفي خل اجمع
ضـل ساكت نوب فز من صفنته وكالي
تدريَن خالد اكبر عـدو للسيد يموت منـة
حجالي ع خالد و ع الي سوا بالسيد
ش شنو يعنـي معقولة هوه
زيد
جا منووو حرك انتم شبيكم واگول الييد شبي بالة مويمنة وبس يتافف ومالة خلگ
كل هذا ومو من حقة هيج يسوي اصور حته ماسمعني ماكملت حجيي واللة
زيد
حقة نارة حقة لج انتي ماتدرين شنو الاوراق كلهه اقساطات وعقود وهواي سوالف ربج السنـد اني الي اعرفه مستنسخـة ونشالله كون مصاير شي
اوف مـادري انت شلونك
زيد
واني شدخلني بالموضوع
كل ضني حتخابرني وترزلني نفس اخوك
ضحك علية سالني ع غيد گتلة زينة غيرلي نفسيتي شوية كال اني احجي وي السيد وحلوا الموضوع
كتلة ابد اصلا مستحيل ارجع اشتغل كال يصير خير
حجالي ع الولَد شلون متـإذي خطية
السيد متكلف كل العلاج مالتة وفوگاهه يردون فَصل گال السيد يكول ما افصل ثنينهم تاذو ومحد عايل وعمامنة مناك يكولون افَصل والسيد يكول لو متعارك زيد وضاربة جان افصل وعلى عيني بس همه ثنينهم تاذوا والولد هوه الي عايل بالمخطط
الصراحة الحق وي السيد وزين ماسوه شنو يفصل افة ناس يربي اصلا فلوس الفصل حرررام نار جهنم الا ان كان ع ميت اسم اللة لاولاده
زيد
بس اكو ناس تكيف ع هاي السـوالف
المهَـم دگ ع زيد السيد ضل يعيط بالموبايل اسمعه مدري زيد شبي گال يلا ناره خلي اوصلج واروح كتلة اني اروح وحدي هوه قريب
هوه هم نخبص مادري شبي وخله وراح
نـزلت وتمشَيت لبيتنة شوية نفسيتي تحسنـت بليل حجيت وي زيد وگالي السيد يكول مستحيل هالشي مومكن خالد يسويهه وهالشي صار بسبب اهمال نارة رحنـه للشركة حاولنة لكامرات نشوفهم بس الكهربا جانت مطفية وهذا شي غريب لان الكهربا متطفة
كرَهت السيد هواية وكلت لزيد كافي لتضل تلح. وهايهيه هوه أعـرف
مَر الوقت ورجلي موتتني قررت اروح للمستشـفة كعدت صبح خليت غيد نايمة احس نفسي كووة امشي عليـهه بدلت ملابسي لبست بنطرون وقميص صح قصيـر فوك الركبه بس ماعندي ملابس غيرهه وختنكت من الصايه ماكدر امشي بيهه مامتعوده عليهه
وصلت للمستشفة طبيَت ونصـدمت ب السيد من راد يطلَع من المستشفة
باوعَلي ونـزل راسة لرجلي الي اعرج من وراهه عفتـه و مشَيت ماهتميتلة بس گلبي يفوررر جان
دخيلك ربي وين ماروح الكا جنه مشاكلـي وين ماروح الكاهن
امشي بالممر وصلَت لقسم الكسور طبيَت لدكتور
اجة الدور الي كالي الدكتور شبيج شرحتلـه حالتي كال مدي رجلج داشوفهه
مـديتهه بس اني ميته خجل لـزم الركبة مالتي اني متت ردت انـط
ضل يسوي بيـهه وانـي ميتتة اخير شي گال روحي سوي اشعة الهه وتعـاي احس مابيه حيل اگوم
داطلَع شفت السيد موجود استغربت من وجوده بس ماهتميـت سمعت صوت ينادون ب اسمي درت وجهي
درَت وجهي باوعـت السيد
السيد
شبيج؟
طبعا اني كلششش اسفة ماجنت ادري انت بهاي المستشفة اعرف انت گتلي بعد ماريد اشوف وجهج بسس صدفهه
غمض عيونـة وتنهـد
السيد
ساعهه عصبيـه مو اكثر انتي ماتدرين شگد راح اخسر من وره هسالفـة
سيد رجاءا الفلوس الي حتخسرهن اني انطيكياهن بَس عوفني ولتضل ذكرني وتحملني المسوليه
درت وجهي لزمني من ايدي من طرفهه بس مو لزمه احس جسمي كله كام يوجعني رَجلي وجعتني
اخ سيد شبيككك
السيد
ش شبيج توجعتي
مابيه شي مابيهه بس عوفني اللة يخليك
عفتـه ولزمت ركبتي گوة امشي وصلت لغرفة الاشعة أچـة الدكتور كلي المن كتلة لرجَلي بهساعه كلش خفت ردت واحد يمي الزمـة
كالي نامي ع سـدية نمَت ومـديت رجَلي مغمضة عيوني حسَيت واحد يمي باوعت السيد بكل جرئة اخذ ايدي
سيد اتركنـي
سيد
كمل دكتـور
للزم ايدي حَط الغطا علية وطلع بس رجَلي مع انو الشغلة متـأذي ابد بس حيل خفت حط الجهاز واخـذ اكثر من لقطـة گال تمام هايهيه
گمَت باوعلي السيد وگال
السيد
نارة انتي شايفه نضرات الدكتور شون تقزز ماعرف شون مقتنعه بلبسج يعني لو ما شايفني ويـاج الله اعلم شراح يحجي
سكتت ماحجيت شي عدلت نفسي رجلي توجعني حيل
السيد
توجعج؟
لاا اتركني اللة يخليَك
رحَت كعدت بغرفة الانتضار اباوعله يريد يحجي ومدري شبي متردد ضل يطلع ويطب كل ساع اكول خلاص راح نوب يجي اخر شي اجه كعد يمي وكال
نارة لا الف ولا ادور وياج انتي غلطتي واني غلطت وكافي
سيد لاتخبلني بس كلي بيمن غلطت بيمن انت حته ماطيتني مجال احجي اصلا متعرف القصة كلهه
السيد
حجالياهه زيد وفهمَت وبلحضتـهه جنت معصب
تنهدت ودرت وجهي
السيد
تدرين هسه الي ماخذين من يمي الاقساطات همه وضميرهم لو يضموهن علية لو ضميرهم يشتغل ويطون تدرين الشركه شكد خسرت؟
بس سيد صدكني سويت الي أگدر علية!
السيد
ماشي نارة اني مؤمن بالقضاء والقدر صـار الخيَر مصار شي كلشي بي صالح اني مامتعود اعتذر ولا احب الاعتذار بس اني اعتذر لان عليت صوتي عليج مو بعادتي اعلي صوتي ع مره اعتذر مره ثـانيه صارت بساعه عصبيه وقهر
لا تعتذر
انٌي الي اسفه سيد
ابتسم وماحجة شي افكر بيني وبين نفسي هم حقة لعد شاريده يسويلي ضلينة ساكتين هوه يلعب بفونة گتلة روح كلي ماعنـدي شَي اجيت علمـود اشوف الولد الي تضاربوا هوه و زيد هنانه
المهم أخذنة الاشعة ورحنه لدكتور كال بيهه تمـزق ومالهه حل غير التمـريغ والدهَن
علاج ما الهه كال خليلهه دهون طبيعيـة طلعنة من المستشفة الييد كال اني اوصلج رفضت ماقَبل كال اصعـدي
صعدت والصمت سيد الموقف وصلني للبيـت ردت انـزل كاالي وهوه يباوعلي
السيد
صافي ياللبـن؟
صافي
ابتسمَلي بدالتـه الابتسامة وصاني ع رجلي ونـزلت
مر شكم يوم و السيد يراسلني ويوصيني ع رجلي ويسألني واني احس نفسي حيل مرتاحه وفرحانه
المهَم اني موووتني رجَلي بس بالدهَن وتمريغ صارت زينـة
هاي الاحداث تقريبا صارت بالاسبوع صارت رجلي زينة كلـي السيد يلا داومي گال اني امر عليج
صدمنـي من كال هيـج ماعرفت ش اكله ردت اكله لا او اي شي ونوب تذكرت
انـي ليش ازرع حقد ومشاكل وهاي سوالف اني جايه حته احقق الي اريده واشوف اهلي بعد شنو لازم اعيش بهل شكم شهر ماراح الكالي شغل حلو كد الشغل الي اني بي
كتلة لا ماكو داعي تمرون عليه گلي ع طريقي وبحسابزيد
صدك واللة اليوم الثـاني دگوا البـاب طلعنة اني غيد هوه وزيد موجوديـن اسمع زيد مدري شيحجي وي السيد ويباوعلنة ويبتسم
كتلهم ثواني ورحنـة اني وغيد وديتهه يم بيت الحجي واجيتهم صعـدت وياهم
صباح الخيـر
گالو صباح النـور
رحنـة للـشركة خالد حقدت علية هواي مدري ليش السيد ميصدك وهلكد يحبه
تركت التفكير بي هوه همزين فوگ وماشوف خلقته
مـر كم يوم والسيد يوصلني ويرجعني يكلي انتي مو متفقه وي زيد انو كخط ياخذج وهسه زيد ماعنده سياره ف خومايعوف خطه
المهم زيدمرات مايجي احس السيد صار يضحگ ويشاقة واني جنت ماعرف ليـش مايلة الة هووواية
مَر شهـر وانـي ويـاهم ايام كلش حلـوه صـارت بعيده عن هدوء نارة وبعيد عن السيد المعقد ايام كلش حلوووه صارت گدرت اكتشف السيد الثاني ابو گلب الطيب يضحگ ويشاقة مرات ينكت ويحشش اگلة عود انت ليـش هيج بس وياي ليش متضحگ يم الكل يكلي بس انتي راويتج الوجه الثاني اگلة ليش يكلي الناس مو امان واذا ضحگتيلهم يبجوج انطيهم العين الحمـره يمشـون عَـدل
مابقة لدوام المدارس شَي غير كم يوم گلت ل السيد اريد أجازه اريد اروح لبغداد كلي شكو گتلة اريد ازور قَبر أمي و انقَل غيد من حجيت هيج تفاجئ
السيد
ليش امج مادافنينهه بمقبره النجف
ها لا دفناهه بمقبرتنه ليش مثلا ندفنهه بالنجف
ماحچة شَـي الحمدلله طلع مو من ذولا الساده المتعصبين يدري بيه سنيـه بس ابد ماكالي ع هذا الشي
گال انتضـري الثلاثاء عندي روحـة لبغداد وروحي ويـاي كتلة ابـد مستحيَل كلي ماعليج اني اخذج
المهم رجعت للبيت ضليت احجي ع نفسي واني هذا معناه استغلال گلت باجر اروح احسن شي راسلت السيد وكتله مالي خلگ اداوم اليوم
صدگ رحَت لبغداد بالفورتات وصلنة اووووف ياريحـة هلي بوجهنـه لامـي لقبرهه حطينـة علي مي وشترينة ورد جديد ضلينه يمهه وبعدين رحنه
ورحَت للمـدرسة اني ماخذتلهه قَبول من مدرسة بكربلاء
كملتلهه كل الاجراءات ورجعنـة ل كربلاء تقريبـا ب6 المغَرب
موبايلي ناسيتـه بالبيت رجعت تعبانه بسرعة نممَت گعدت من صبـح زيد ماكو هل ايام تعبان مايطلع هواي بس يغير جو مرات
المهم اجه اليوم الثاني اجه عليه السيد
اباوع السيد ضايج وديت غيد واجيتـة كلت صباح الخير رد من وره خشمة نسيت السالفه كلهه اني
حبيت اكطع الصمت الي احنه بي وكتله
شبيك سيد خوماكوشي
السيد
وين جنتي البارحة ادك وماكو
يااا وربي رحت لبغداد وفوني ناسيتة بالبيت
من كتله باوعلي بنضـره استغراب
ررحتـي لبغداد
ها اي سيد اسكت وربي ماكدر ازحمك كافي صرت هواي ثگيلة عليكم وبالمنـاسبة اجة راس شهر وسلمتوني راتب وفلوس مال خط زيد موجودات تره
السيد
ليشش رحتي لبغداد مو ع اساس مالج خلگ
سيد ميصير استغلك زياده عن لزوم هايهيه اني ماعندي شي رحَت وجيت
السيد
الكذب مو حلو واني اكرهه
سكتت ماحجيت شي وصلنه للشركـة وهوه غنـدب مـدري شبـي مـر اليوم والشركة مابيهه غراض عن قريب السيد يروح لتركيا يجيب
رجَعت وي السيد وهوه مغنـدب اصلا وصلني للبيت وراَح كل مره يكلي محتاجة شي اله هل مره اني سكَتت
وصلَت لبيتنـة قريب ماردت اوصـل طلعت الفلوس وحطيتهن ع السيـاره وكتله وصلهن ل زيـد
ماردت اسمعه شراح يحجي بـس احسن شي اسوي ماريد احد يمن عليه
رحت جبت غيد وجيت ذبيت روحي نـمت گعدت من نوم ع صوت موبايلي يدگ اوف
شفتـه رقـم ماسمجلته هـاي منـو فتحَت خط وگلت خلي يحجي بالاول حته اشوفه منو سمعت صوته الجان صاعقه بنسبه الي ! وجان انصـدم بصوت .........يتبع
ماوصيكم ع الدعـم ♥️