ليهـ..؟؟!
آنـآفي[ دفتر ]آيـآمك سطر ..!
ودفتري . . .
مـآإآإآإبهـ لـآحد غيرك" مجـآل " ~
في الريــآض
كآنوآ طآلعين من الموعد ...مخبيه عيونهآ بنقابهآ الساتر ودموعهآ متعلقه برموشهآ الصمت هو السائد بينهم ...حرك السياره ببطئ وهو متضايق من الكلام اللي سمعه من الدكتوره
فهد : شــوق
نعم بحده : نعم أيش تبي بعد
فهد عقد حوآجبه بأستغراب ولف عليها:خير علامك قالبه علي
شوق بتأفف:مالي خلق أتكلم أجل الموضوع لو سمحت
فهد يصبر نفسه:ويش مضآيقك
شوق بصوت مخنوق: ويش تتوقع مضايقني
فهد بحنيه: أذكري ربك ماتدرين وين الخيره لك
شوق قامت تبكي:تدري أيش معنى زآد الورم يعني رجعت حالتي صعبه من أول وجديد
فهد وقف بسبب الأشاره ولف عليها :شوق ياقلبي تحملي شوي ماكنتِ كذآ جزوعه وين صبرك وأيمانك
شوق تلف على الجهه الثانيه وتكمل مسيره بكآئهآ بصمت مبتور
تأملهآ وهي تبعد عنه بعض السنتيميترات بحجابها الكامل مو باين منهآ ولا شي بتاتا غمض عيونه وهو يتألم على حالتها اللي كل يوم تزداد سوء اكثر وأكثر
فهد:وين ودك نروح؟
شوق : البيت اذا ماعليك أمر
فهد :خلينا نغيـ..
شوق تقاطعه:أنا تعبانه وابي أرتاح في بيتي
فهد:طيب بوصلك للبيت
ربع ساعه ووصلو للبيت بعد زحمه الشارع الغير عاديه ..نزلت بسرعه ومشت بأتجاه الباب الخشبي الكبير ودخلت اختفت عن نظره اعطى مفتاح سيارته لأحد العمال في الحديقه ولحقها في البيت ..دخل وسكر الباب انتقلت عيونه على الدرج الحلزوني لكنه ماشافها دورها بالدور الاول تاكد انها طلعت لجناحهم طلع بسرعه لها وفتح الباب بهدوء
:::
:::
:::
جآت من الجآمعه تعبانه مره دخلت الغرفه ونآمت حتى غدآء ماتغدت
رغد :ايش فيها سحر ماتجلس معنا على الاكل تنام واذا صحت تذاكر لين تنام مره ثانيه
مهآ ابتسمت:يمكن خايفه على مستوآهآ اذا كانت جوعانه تسوي لها اكل
هنادي:وكيف المدرسه يامهاوي
مها :زينه الحمدلله اخر الأسبوع راح أرجع بيتي
سمر:أفا ياذا العلم ليه بترجعين ؟
مها :زوجي بيرجع لازم اروح انظف وأبخر وأسنع البيت قبل يوصل
رغد تضحك:أموت على السنع ياختي
سمر:أحس من زمان عن ريم وشهد
رغد :شهد كلمتها وأنا في الجامعه
مها بأهتمام:كيفهآ ؟
رغد: الحمدلله مآعليها بس تعرفينهآ يوم تعبانه ويوم أحسن
هنادي:الله يقومهآ بالسلامه
الكل : أمين
سمر بعد مآخلصت اكل: تدرون عاد امس قمت من النوم مفجوعه
الكل لف عليهآ بأهتمام وبصوت واحد: ليش؟
سمر تتكي على الجدآر:شفت حلم غريب مره بشوق وهنآدي وشهد
رغد :ايش الحلم
مها بحده:اذا يخوف لاتقوليه مو زين
سمر بخوف:بس أنا خايفه أحس قلبي قابضني منه
هنادي: هذا كابوس من الشيطآن انسيه وقبل تنامين قولي الأذكار وفكيني من شرك لاعاد تتحلمين فيه
سمر:أمممم مهآ أنا شفت أمي تقوم من قبرهآ وتوسع فيه سألتها ليش قالت شوق بتعيش عندي
مهآ صرخت : أعوذ بالله منك كم مره اقولك لاتقولين الحلم
سمر قامت تبكي:مقدر أنا لازم افسره اكيد له تفسير انا خايفه على شوق وهنآدي
هنآدي بدت تخاف:سمور هذي وساوس لاتخليها تسيطر عليك
رغد قامت ومسحت على سمر:حبيبتي اذكري ربك وأقري قرآن قبل تنامين وقولي الاذكار وماعاد تجيك كوآبيس هذا زي ماقالت هنادي من الشيطآن
سمر اقتنعت بكلامها :طيب
مها عصبت وحاولت تمسك أعصابها:سمر حبي اذا شفتي كوآبيس لاتقولي لأحد لآن الحلم برجل الطير واذا قلتيه يتحقق سواء شين أو زين
سمر وقفت تبي تهرب منهم:بروح أنام
مها ابتسمت لها:اوكي نوم العوافي ياقلبي
::
::
بهذآ الوقت في بيت يوسف
جاء من الشغل تعبان وشافهآ جالسه تتفرج على مسلسل
يوسف جلس جنبهآ وباسهآ على خدهآ : سلآم
شهد :وعليكم السلام
يوسف يتفحص وجههآ المصفر:كيفك اليوم
شهد تغمض عيونهآ:الحمدلله
يوسف حط يده على دقنهآ ورفع وجههآ:شهد ويش فيك باين عليك التعب
شهد :مافيني شي بس أحس بأرهاق
يوسف:قومي أوديك المستشفى
شهد :لامايحتآج ..انت تعبان وغدآك جآهز يالله بدل ملابسك عشان تأكل
يوسف :خليك مني احسك مو على بعضك
صحت من الساعه 9 وهي تحس بألألآم فظيعه تنهشهآ وتقطع أحشائهآ و ظهرهآ وأوجاعهآ تزيد حده كل ساعه:قلت لك مآفيني شي يالله أدخل الغرفه ملابسك على السرير مجهزتهآ
يوسف وقف ومشى للغرفه يبدل ملابسه وهي وقفت بكل عنآء ورآحت للمطبخ تحط الغدآء وكل دقيقه تحس بأنقباض حآد يكآد يقتلهآ ويقطع أنفآسهآ ...شآلت صحن السلطه بتحطه على طاولة الأكل طاح من يدهآ وصرخت بقوه من الانقبآض القوي اللي شد كل عضله في جسمهآ
يــــــــــــــوووووســـــــــــف
كآن طالع من باب الغرفه سمع صوت الصحن اللي طآح وصرختهآ وركض لهآ بسرعه دخل المطبخ وشآفها متمسكه بالكرسي اللي قبالها وتبكي بشده
يوسف أرتعب :شهد أيش صار
شهد تبكي وتصارخ بسبب الألم الحآد اللي تحسه يذبحهآ:بموت يايوسف بموت آآآآهـ
يوسف تلخبط وقرب منهآ وجلسهآ على الكرسي:شنو تحسين فيه
شهد تتمسك فيه وتصرخ فيه:آآآآهـ وجع فظيع سآعدني بموت
مشى بسرعه للغرفه لبس ثوبه واخذ عبايتهآ وودآهآ لأقرب مستشفى وقلبه ينبض من شده الخوف واطرآفه ترتجف بشده مامرت عليه وانفاسه ضاقت عليه ويحس انه بينخنق
:::
:::
:::
فتح الباب بهدوء شافهآ راميه عبايتهآ وشنطتها على الأرض ..جالسه على السرير ودآفنه وجهها بين رجولها وتبكي ..سكر الباب وقرب من السرير ..جلس على طرف السرير وحط يده على شعررهآ ومسح عليه بهدوء
فهد: شوق يكفي بكاء كذا تتعبين نفسك زيآده
شوق رفعت راسها وصرخت عليه:انت ماتحس ايش القلب اللي جوآتك أطلع برآ مابي أشوفك
فهد عقد حوآجبه بحده وقال بصوت عالي:أيش ؟!..مآسمعت اللي قلتيه
شوق بعدت عنه واعطته ظهرها:مابي أشوفك اللي فيني كله بسببك
فهد مسكهآ مع ذرآعهآ بقوه ولفهآ عليه:هذآ جزآي ياشوق
شوق كانت منهاره صرخت بوجهه: كل مالي أقرب من الموت أكثر وانت مو حاس فيني
قامت بعيد عنه وشهقت من بكائها الحاد:مآ أضن يهمك زآد عمري وألا نقص
لفهآ عليه وبكل قوته أعطهآ كف ...تعلقت عيونهآ فيهآ توقف كل شي فيهآ لثآنيه او لأجزآء من الثانيه
فهد بعصبيه: مابقى فيك عقل وصعب التفاهم مع ناس مافيهآ
عقل دفها بعيد عنه وطلع برى الجنآح
كآنت شبه مصدومه كأنها غائبه عن الوعي ماتخيل ان فهد يتصرف معهآ هذآ التصرف ..سمعت صوت الباب يتسكر وسار على خدهآ سيل من الدموع الحزينه بصمت ...رمت نفسها على سريرها الاحمر الوآسع ضمت وسادتها لحضنها صارت تصرخ وتبكي ...لكن محد يحس فيهآ سواء أكوآم من الجمآدات التي تشاركهآ بعض من الزوآيا
نزل منقهر منهآ ومن تصرفاتها معه ضغط بقوه زر المصعد انفتح الباب وطلع وصرخ في الصاله
فهد:مــيــــري .....ليـــزآ
دقايق وكآنوآ قدآمه اعطهم مجموعه تعليمآت ..طلع وتركهآ وحيده في القصر الشبه خالي الا من التحف النادره والمناظر التي توحي بذوق صاحبها الفريد والرفيع
بآلمدينه
كآن ينتظرهم برى والخوف هو الشعور المسيطر عليه كان يروح ويرجع يروح ويرجع ساعه كامله مرت عليه ماحس فيهآ وهو على هذا الحال وعيونه تحاول تسرق الانظار لكن دون اي فائده وقلبه مع زوجته اللي ملكت كل احساسه تعاني في دآخل هذا القسم من أشد الألأم التي قد تمر فيهآ أي انثى في هذآ الكون..أسودت الدنيا بعينه ضرب الجدآر بكفه سند رآسه عليه وتنهد ..غمض عيونه وأخذ نفس طويل ..ماحس الآ باب غرفه العمليات الاوليه مفتوح ..ركض للدكتور بسرعه
يوسف:بشرني يادكتور
د:اسف اني ابلغك المدآم حالتهآ صعبه مررره لاتتأمل أن الطفل يعيش لان الولاده متعسره
يوسف طلعت عيونه قدآم مسك يد الدكتور:المهم عندي شهد يادكتور
د:المدام جاتها ولاده مبكره والحين مانقدر نسوي لهآ عمليه مافي الا اننا ننتظر ونشوف
يوسف :يعني ويش مافهمت ؟
د:زوجتك يا أستاذ من الصباح تحس بأعراض الولاده لكنها تجاهلتها وهذا الشي أثر عليها لو جات من بدري ماكآن صار اللي صار الحين مضطرين ننتظر لاتخاف معها دكتوره صباح وان شاء الله تحاول تساعدهآ في ولادتها
يوسف جلس على الكرسي وخبى وجهه وكلام الدكتور يتكرر برآسه جلس يبكي ..
فجأه طلعت نيرس سعوديه :دكتور ألحق علينا دكتوره صباح محتآجتك ..ركضوآ بسرعه لجوآ القسم وانقفل الباب ورآهم وتركوآ يوسف شبه منهآر من شكل الممرضه اللي يخوف ويبعث على الرهبه حس بقلبه يهوي من بين أضلاعه تذكر كل لحظآتها وهمساتها له
" وحــشتــني سوسي"
"أحبك وربي الكون أحبك "
"أحـــــبـــك بــجــنوون"
{يوسف }
معقوله أفقد شهد معقوله مآعآد اشوفها بهذي الدنيآ ...انا مقدر أعيش بدونهآ ما أتخيل حياتي وهي مو معي ياررب ردهآ لي يارب لاتحرمني منهآ وكون معهآ في أشد لحظآتها حاجه لك
بعد ساعتين كانت مثل الدهر على يوسف طلع الدكتور والدكتوره ..قام لهم يوسف وهو مايحس بأي من أعضائه ينتظرهم يصعقونه بالخبر قرب أكثر من الدكتوره مسح دموعه بطرف شماغه
الدكتوره:مبروك جآك ولد زي القمر مشاء الله
يوسف حس بروحه ترجع له من جديد همس بصوت يكاد يسمعونه:وزوجتي ؟
الدكتور:زوجتك لازم تجلس في العنايه المركزه ثلاث أيام تحت الملاحظه والطفل طبعا يكون بالحضانه الين يكمل شهره التاسع
يوسف:يعني زوجتي بخير
الدكتوره ابتسمت له:ايه بس حالتها مو مستقره مجرد ماتستقر نخرجها
يوسف فرح بالخبر:اقدر أشوفهآ
الدكتور:بس يودوهآ للعنايه تقدر تشوفهآ
مشى من عندهم وفتح جواله اتصل على امه يبشرهآ بالخبر واتصل على ابو مهآ
ابو مهآ بخوف:كيف شهد ولدت؟..بس هذا مو موقتها ولدي ؟
يوسف:جاتها ولاده مبكره بس الحمدلله هي بخير
ابو مها:مبروك ياولدي وان شاء الله العصر جايكم
يوسف:لاتعب نفسك ياعمي بيدخلونها العنايه
ابو مهآ شهق من الخوف:ويش عنايه لايكون بنت اخوي بها شي
يوسف :لا ان شاء الله ياعمي انا بشوفها وارجع اتصل عليك
ابو مها:ماراح اقول للبنات لين تطمني ياولدي تعرفهم راح يتنكدون لو دروآ انهآ بالعنايه
يوسف: زين ياعمي ارجع اتصل عليك الحين أنآ رايح لها
ابو مها : الله يقومها لك بالسلامه ..مع السلامه
قفل من عمه وأتجه لقسم العنايه المركزه ودخل عليهآ حس أنه غلطان اللي قدآمه انسانه ثانيه بتقريب الملامح وجههآ شآحب لدرجه غير معقوله والمغذي بيدهآ واليد الأخرى دم لانهآ نزفت كثير شعرهآ على وجههآ بشكل عشوآئي ..قرب منها وهو مو مصدق اللي يشوفها بعد شعرها عن وجهها وكانت نايمه ..مرر يده على خدها باسها على جبيتها مسك يدها اللي فيها المغذي رفعها بشويش لعند شفايفه وباسها بخفه ...كان جالس عندها ينتظرها تصحى مرت ساعه ونص وهي ماصحت راح للدكتوره وسألها
الدكتوره:عادي الالم اللي مرت فيه مو طبيعي عادي لو تنام وقت طويل
يوسف: اخاف مخدرينها ؟
الدكتوره ابتسمت:شكلك متزوجها عن حب ماقد مر علي زوج زيك
يوسف انرسمت على شفايفه ابتسامه:مو أي حب يادكتوره اخذ من عمري واعطيها
الدكتوره:الله يخليكم لبعض ويهنيكم تطمن اخ يوسف ان شاء الله ترجع تحصلها صحت
رجع للغرفه وجلس ينتظرها تصحى بعد ربع ساعه فتحت عيونها
شهد كانت شبه غائبه عن الوعي:يوسف ..فز بسرعه لها
جلس جنبها وباسها: ياقلبه وعيونه الف الحمدلله على سلامتك
شهد بدت تستعيد وعيها وتتضح رؤيتها:آآه بطني تألمني كل جسمي يوجعني
يوسف:ياقلبي انتي توك خارجه من غرفة الولاده
شهد عقدت حواجبها وحطت يدها على بطنها تتحسسها:انا ولدت ؟
يوسف ابتسم لها:ايه وجبتي ولد يجنن
شهد مسكت يد يوسف وجلست تبكي ضمها لحضنه أكثر:ويش تحسين فيه ياقلب يوسف
شهد تحس بجفاف :عطشانه ابي مويه
راح صب لها مويه وشربها بعدها جاب لها اكل عشان تأكل
شهد بدون نفس:يوسف شيله عني مالي نفس مو قادره أحرك اي شي بجسمي
يوسف يغصبها:لازم تاكلين ياحبي مايصير انتي نزفتي دم كثير
شهد:مابي شي ابي أشوف ولدي الله يخليك جيبه لي
يوسف: ارتاحي بالأول وراح اجيبه لك ؟
شهد بتعب وترجي:يوسف الله يخليك جيبه أنآ ماشفته
يوسف ماقدر يردها:ابشري ياعمري بروح اجيبه بس لاتتحركين لين اجي
طلع للحضانه واتصل على ابو مها يطمنه على شهد
:::
:::
:::
في بيت ابو مها
رغد صرخت ..اما مها جلست تبكي وهنادي وسحر وسمر فرحانين
رغد بخوف:يبه شهد كيفها؟
ابو مها:يقول يوسف انها بخير
مها تمسح دموعها:ياعمري عليها انا بروح لها
ابو مها:اجل البسي بأخذك معي أنا رايح لها
رغد: وانا بروح
سحر :خساره عندي اختبار
ابو مها:انتي ياسحر وسمر وهنادي بكره تروحون ارجعوا ذاكروا واتصلوا على ريم وشوق بشروهم
لبسوآ رغد ومها بسرعه وقبل يخرجون
مها:هنادي انتبهي لرنيم اوك
هنادي:سلموا على شهد وباركوا لها
أتجهوآ للمستشفى مع أبوهم
عند شهد ويوسف
جآب لها ولدهآ وكآن صغير مره وأحمر كل شي فيه صغير وعيونه مغمضه..شآلته بين يديهآ
النيرس: مدآم لازم سوي رضاعه
شهد ابتسمت لها: طيب برضعه بس خلوه عندي
يوسف:مايصير رضعيه عشان يرجعوه للحضانه نسيتي انه ماكمل الشهر الثامن ولازم يكون بالحضانه
النيرس:يس مدام لازم رجع بيبي حضانه
شهد:طيب برجعه بس خليه شوي عندي
يوسف لف للنيرس:خلاص روحي عشان مدام سوي رضاعه
طلعت النيرس وساعدهآ يوسف عشان تجلس شوي
يوسف:مرتاحه كذا
شهد تحس بالم بأسفل بطنهآ وظهرهآ اللي مآتحس فيه بسبب المخدر: ايه اعطيني البيبي ..أخذته لحضنهآ وباسته وضلت دقايق تتأمله
شهد: يوسف شوف كيف يهبل
يوسف أبتسم لها وحط يده على كتفها وقربها أكثر لصدره:طالع على أمه اللي تجنن
شهد :برضعه قبل تجي هالنيرس وتدوشني
طلعت صدرهآ وبدت ترضعه صرخت على طول لف عليها يوسف
يوسف:أيش فيك
شهد :أتوجع خلاص مابي أرضعه
يوسف عقد حوآجبه:اقول شهد رضعيه يالله رجعي صدرك له
شهد عبست وتحملت الوجع اللي تحس فيه شوي وأختفى الالم وبدت تبتسم لطفلها بحنآن ماقد حست فيه وعينهآ ماتفارقه أمآ يوسف جنبهآ بعد شوي وصورهآ مع ولدها
شهد عبست:يوسف مو وقته
يوسف يضحك:شكلك يجنن وانتي ترضعينه
شهد :طيب لوسمحت ابي ارضع طفلي ممكن تخلينا لوحدنا
يوسف : بدينا انسي بس ...جلس جنبها وباس ولده على خده وطل في شهد اللي حمر وجههآ بعد خمس دقايق دخلت رغد ونزلت راسها على طول
رغد اللي ارتبكت من اللي تشوفه قدآمه نزلت رآسها: أحم احم
يوسف بعد عن شهد ووقف على جنب:ماتعرفين تدقين الباب
رغد فطست ضحك وركضت شهد وضمتها :أنت ماتتركهآ بحالهآ حتى وهي وآلده وتعبآنه .."قربت منه "الحمدلله على سلامتك ياكل دنيتي
شهد بحب لهذي الأنسانه اللي تعتبرهآ روحها:الله يسلمك
رغد تطالع البيبي:ياناسوو هذا ولدك يجنن
شهد:شوفي كيف صغير ...سحبته رغد لحضنها وباسته وبعدهآ باست شهد على خدهآ
دخلت مها وأبوها :السلام عليكم
الكل :وعليكم السلام
ابو مها:الحمدلله على السلامه مبروك ماجاكم
يوسف يسلم على عمه ويبوس يده وراسه:الله يبارك فيك ياعمي
مها: مبروك يايوسف يتربى بعزك
يوسف نزل راسه: الله يبارك فيك تسلمين
ابوها سلم على شهد وباسها على جبينها واخذ الولد من رغد وجلس على الكرسي يأذن بأذنه ويقرأ عليه ... اما مها ضمت شهد وباستها وقامت تسألها عن الالم اللي تحس فيه
رغد :مبروك يوسف يتربي بعزك وعز امه وعز خالته
يوسف يضحك:بدري اول وحده دخلت انتي واخر وحده باركتِ
رغد:يوه عاد توي تذكرت
يوسف :ماعليش رغد ابي اكلمك برى شوي
رغد استغربت وطلعت معه برى الغرفه
رغد:خير في شي؟
يوسف: رغد ابي بكره امرك ونروح نشتري سرير لشهد تعرفين تعبانه وبتجي عندكم وابيك بعد تكتبين كل الاغراض اللي تحتاجها هي والبيبي
رغد انحرجت:الاول مقدور عليه بس الثاني والله مدري شقولك ما اعرف ويش تحتاج بس بسأل مها وارسلك مسج فيه كل الاغراض
يوسف:الله يسعدك يارغد حاولي تكتبين كل شي تحتاجه شهد بفترة النفاس ولا اوصيك عليها
رغد: شهد بعيوني لاتوصيني عليها
يوسف: نردها لك ان شاء الله
رغد حمر وجهها: ان شاء الله في شي ثاني والا ارجع
يوسف:لا انا رايح للدكتور قال لي امره
رجعت عند شهد وشافتها تضحك اخذت الملف اللي جنب السرير وشافت معدلاتها الحيويه
رغد:شهد ضغطك مره نازل لازم تاكلي وكمان عندك فقر دم حاد
شهد:يوه رغد ما افتكيت من يوسف تجين انتي
رغد قامت تضحك:توه يوصيني عليك والله ما افكك بعدين شوفي كيف صايره صفره مافيك دم اكيد اعطوك ابره
شهد:ايه اعطوني
مها: رغد دامك دكتوره تدربي فيها
رغد :شكله كذا
جات النيرس اخذت الطفل وجاء يوسف
ابو مها:ليه بيأخذونه ؟
يوسف:لازم يظل بالحضانه اسبوع عشان يخلص الشهر الثامن بعدين نخرجه
شهد تحسب:ايوه انا كان باقيلي اسبوع وادخل التاسع
رغد :يبه انا بنام عند شهد الليله اكيد تحتاجني
يوسف باعتراض:لا يارغد انتي وراك جامعه وطب مو سهل روحي انا اخذت اجازه اسبوعين وبنام اليوم عندها خصوصا انها غرفه خاصه
مها: طيب براحتك بس بكره ترى انا بنام عندها
شهد:يبه كلم شوق قولها اني ولدت يمكن يجيبها زوجها
ابو مها : ابشري يبه
:::
:::
:::
الساعه 9 بتوقيت الرياض
نزلت تاكل لها شي لانها هلكت نفسها في البكاء من الصباح الين المغرب وبعدها نامت بدون ماحس والحين صحت ميته جوع ...طلبت ميري تسوي لها اكل ورجعت للغرفه تصلي العشاء وتقرا قرآن ..طلعت لها الاكل في جناحهم وبعد ماخلصت اخذت الادويه الجديده وبدت فيها ..طلت في الساعه وكانت 10 استغربت ان فهد مارجع للبيت وتأخر بعدها جلست على الـ tv
أما عند فهد ماحب يرجع البيت تذكر اخته أم ليان مرالسوق يأخذ لـ ليان هديه بمناسبة ولادتها من فتره لكنه هو أنشغل ومازآرهآ هو وشوق ...مر بيت أخته أخذ نفس طويل وانفتحت البوابه الحديديه ودلخخ بسيارته لحديقه قصر أخته ...ثوآني وكان عند الباب
فتحت له الخدآمه
فهد: وين أم ليان ؟
الخدآمه : ماما مع ضيوف مدام ليان
فهد مد لها أكياس الهدآيآ : طيب وصلي لهآ هذي الأغراض قولي من فهد
سمع صوت أخته
ام ليان بصدمه: فهد ؟..ياحيا الله اخوي حياك تفضل
دخل فهد وسلم عليها بحراره: كيفك يام ليان ويش أخبارك ؟
ام ليان : بخير وعافيه انت كيفك وشخبارك من زمان ماشفناك ولامريت علينا قطعتنا اعوذ بالله
فهد ابتسم لها : انشغلت تدري كل وقتي سفريات ما افضى
ام ليان: حياك تفضل خلنا ندخل بالصاله الداخليه
فهد:مابي اعطلك عن ضيوفك
ام ليان : لا والله ماتروح ماحسبت بشوفتك يالغالي .. تفضل عشاك اليوم عندي تفضل انت بروح أنادي أمي وندى عشان يسلمون عليك
فهد ابتسم لها ومشى للصاله الجانبيه وبعد مسيره طويه وصل لهآ وجلس ينتظرهم جات الشغاله وضيفة عصير بارد
ندى بفرحه : فهودي أخوي ..,ركضت له وضمته بقوه
فهد "ياحبي لك ياندى والله انك أبرك العائله كلهآ":كيف حال قمرنآ
ندى:بخير انت كيفك وينك ماصرنا نشوفك انت وزوجتك يالقاطعين
فهد:مشاغل ..جات خالته وسلمت عليه
ام رياض:يمه شخبارك والله اني مشتاقه لك
فهد يبوس يدها:تشتاقلك العافيه
ام رياض:وينك يايمه لاحس ولاخبر مايصير اللي تسويه
فهد ابتسم لها: الدنيا الهتني ياخالتي
ام رياض:قولي يمه ليش طلقة رزان واختفيت من بعدها ؟
فهد عقد حواجبه وتغير مزاجه وبدأ يعصب:خاله لاتجيبين لي سيرتها اصلا زواجي منها غلطه
ندى بكره:احسك وقتها مو بعقلك او انك مستخف والا ذيك الحيه أحد يتزوجها ولا بعد مرتزه جوآ عند ليان مسويه رآعية وآجب
امها بتهديد: ندى ماتعرفين تسكتين
فهد يضحك:خليها تطلع اللي بقلبها
ندى:اقول فهد مشتاقه لشوق شخبارها ؟
فهد : بخير الحمدلله مادرت اني جاي هنا والا تجي
ام رياض:والله مبطين عنها ياولدي جيبها خلنا نشوفها
فهد:أبشري ياخالتي ان شاء الله بجيبها لليان وانتي بعد زورينا ماعمرك جيتونا
ندى:حنا ندري عنكم انتم بالرياض والا على كوكب الأرض اصلا
فهد انطلقت منه ضحكه رنانه: هههههههههههههههههه
ندى : ياباسط ماقلت شي يخليك تكركر كذآ
ام رياض توقف :بروح أجيب لك بنت ليان تشوفهآ
بعد دقايق جآت ليآن ومعهآ بنتهآ ...كآنت لابسه قميص وردي مزين بدانتيل سكري وبنتهآ نفس لبسهآ وورآهآ الشغاله الخاصه فيهآ تساعدهآ
ليان تسلم عليه بشوق وحراره:مشتاقه لك ياخالي
فهد:والله حتى انا ياليان مشتاق لجلستكم
ليان تمد "ريتال" بنتها وابتسمت لفهد
فهد يشيلهآ : بسم الله مشاء الله ويش هالزين والحلا تهبل الله يحفظها لك
ليان :عيونك الحلوه ياخالي
أم رياض:عقبال ما اشيل عيالك بين يدي ياولدي وافرح فيهم
فهد ( آآآخ ياخالتي لو تدرين ان شوق مريضه وكل اللي ابيه بهالدنيا انه تتشافى ) :الله يسمع منك ياخالتي
ندى: فهيدآآن شد الهمه وجيب لنا واحد مزيون مثلك يطيح قلوب البنات
فهد :ههههههههههه ابشري
ليان:شوف خالي اذا جبت ولد تزوجه بنتي المثل يقول اخطب لبنتك قبل ولدك
فهد ضحك من قلب على كلامهم :خلاص تم
طلع من محفظته ثلاث ألآلآف ريال وحطها جنب ريتال وبعدهآ قام وأعطاهآ ليان وباسها على خدها ومد لهآ كيس فخم يحتوي على علبه فيها عقد المآس
ليان :ليش كلفة على نفسك ياخالي
فهد :لا كلفه ولاشي اذا مااهديتلك انتي وبنتك أهدي لمين
دخلت ام ليان : ماتقصر ياخوي عساك على القوه ان شاء الله
فهد: أنا استئذن تأخرت على البيت ..توصون على شي
الكل :سلامتك
ندى:سلم على زوجتك القاطعه
ام رياض وام ليان:خلها تزورنا
فهد ابتسم لهم وهو يودعهم : ابشروآ اشوفك على خير ...طلع من عندهم وسكر الباب القصر ورآه شآف رزآن واقفه على جنب تنتظر سوآقها مع امها
ام رزان:هذا الواطي طليقك
رزان كانت كاشفه وجهها لعلمها ان فهد موجود وتمنت انها تشوفه بالصده وتحققت امنيتها ...تلاقت عينه بعينها حس انه توتر وبدأ يعصب بس من مجرد شوفتها قدامه ..نزل الدرج بيمشي لسيارته
رزان : السلام لله
فهد بدون نفس: السلام عليكم
رزان وامها: وعليكم السلام
رزان: كيفك يافهد
فهد بدون مايلف عليها كان واقف: زي ماتشوفين بألف خير
ام رزان:دامك مع حية التبن اكيد بتكون بخير لانك تبيها ياحسرتي على بنتي اللي رميتها زي الخرقه الباليه
فهد عصب: أسئلي بنتك عن سواتها الشينه بعدين استحي على وجهك انتي وبنتك ولاتضنون اني غبي وتمشي حركاتك الغبيه علي
رزان: سبحان الله غيرتك السحليه ذيك مدري ويش عاجبك فيها
فهد: ابرك منك مليون مره ..استئذن
طنشهم ومشى لسيارته وهو حاس نفسه مخنوق من شوفتها هي وامها ومشى بسرعه متجه لقصره ...اخير دخل حدود قصره نزل يلف شوي بالحديقه قبل مايدخل القصر ينتظر وقت نومها عشان يتحاشى أي احتكاك معها ممكن يأزم الأمور بينهم أكثر
طالع ساعته اللي صارت 12 ونص ..طلع لجناحهم فتح الباب وشافها جالسه على الأريكه تقرأ مجله وتتابع برنامج تضيع فيه طفشها وتغير جوها المشحون ..رفعت راسها وشافته قبالها دخل على طول قسم الملابس ودخل الحمام اخذ شور سريع ولبس له بجامه قطنيه شافته ماشي بأتجاه السرير متجاهلها تماما رجعت تتابع برنامجها وكأنه مو موجود أبدآ بعد ساعه طفت التلفزيون والأضاءه ورآحت للقسم الثاني وشافته شبه جالس على السرير كانت تضن انه نام لكن انصدمت لما شافته صاحي ..قربت وانسدحت في مكانها واتحلفت بالشرشف طفت الابجورآت
فهد:بعدك زعلانه ؟!
ماردت عليه وطنشته لانه قهرها لما ضربها كف وهو عارف ان نفسيتها كل مالها في تدهور مستمر ...عرف أنها تطنشه وماتبي ترد عليه انسدح بعد يوم متعب وشاق
تفكيره محصور فيها وبنفسه وحيآتهم الغريبه
{فهد}
مابقى بعمري شي المصايب تجيني ورى بعض شغلي وأعمالي وحتى حياتي الخاصه مشاكلها تكبر اكثر...ودي أكون عائله ابي أشوف عيالي يكون عندي بنات وأولاد ارجع من شغلي ألعب معهم وأسافر وأستمتع بتربيتهم ...طول عمري وحيد تزوجت أمي وتركتني عايش لحالي بين المربيات وجابت باسل وتركته يعاني مثلي ولكن بمعاناه أقل مني جدي ماقصر علي بعرف العز والاموآل هذي كلها بتروح لمين بعدين ؟..اشتغل واتعب وأكون ثروه وكلها مالها وريث أخوي ابوه مستشار وجدي كون له جزء خاص فيه وانا احترفت بالتجاره وصرت رجل أعمال مشهور بس كلها مافادتني بشي ..تزوجت وانا نآوي أنتقم منهآ وأعذبها وأذلها لكن تغيرت حياتي من دخلت فيها خلت لها طعم ولون تعذبت معها لكن ارتاح بقربهآ مقدر أحملها شي هي مو قده هذي قسمتي معها أننا نعيش محرومين... أحبها وأحترمهآ لكن أحيان تقهرني بتصرفاتها اللي مالها مبرر الله يصلحك ياشوق تعصبيني وتخليني امد يدي عليك وأزعلك
مقدر يظل جنبهآ وهو يحس بتأنيب الضمير ...قام ورآح لغرفه ثانيه عشآن ينام ويرتاح لانه لو جلس عندهآ مستحيل ينام وراح يظل طول الليل يفكر فيهآ
رآقبته لين طلع من جناحهم قهرها تصرفه ..جلست تبكي ضمت وسادته ودموعها بللتها
{شــوق}
ليه يافهد تقلب علي فجأه بدل ماتخفف عني تزيد أوجاعي ...عشقت وحبيتك لكن للأسف كل يوم تطعني أكثر ..لو حضنتني سآمحتك وأعتذرت منك بس تصرفآتك غريبه أكره غرورك وغبائك ..مآشفت بحيآتي مثلك ولآ رآح أشوف غيرك أحبك وربي أحبك
غمضت عيونهآ وقامت تبكي أكثر دفنت وجههآ بوسآدتهآ البارح كآن يقآسمهآ الفرآش واليوم تركه لهآ خالي ...بكت على حظهآ وندبته مليون مره مرت ليلتهآ طويله مؤلمه وكئيبه لأن عشيقهآ المتفرد بحبهآ له أبتعد عنهآ وتركهآ وحيده تعاني من قسوته وجفاه لهآ
:::
:::
:::
صبآح اليوم الثاني
كل شخص مشغول بنفسه ودرآسته
عبير: مبروك هنوده الف مبروك
هنادي والبسمه على شفايفه الورديه:الله يبارك فيك حدي ولهانه أشوفه
عبير تدقهآ :يؤؤؤؤ كل هذآ لهفه اصبري شوي بتجي عندكم وتغثكم
هنادي:هههههههههه اي والله ماكذبتي
عبير: بشري مآ اتصل أمس ؟
هنادي ميلت فمهآ: لالالا
عبير ضحكت: هههههههههه الله لايبلانا اركدي مسكتي طرف الخيط اصبري بتشوفين بعدهآ النتيجه
هنادي لفت عليها وقالت بأهتمآم:عبير تهقين ان اللي قلت لك عليه يصير
عبير :شوفي هنادي هذا احساس ممكن يصيب ممكن يخيب
هنادي :يمكن بس كل الأشياء تخليني متأكده من أحساسي مليون بالميه
عبير :انتي أدعي واللي فيه الخير بيصير ماتدرين الخيره وين
هنادي تتنهد وتغمض عيونها:احسك تقولين دُرر ..تدرين عبوره احس اني أحلم بس أخاف اصحى من الحلم على وآقع مر وصعب
عبير : تفائلي بالخير ولاتسيطر عليك الوساوس
هنآدي ضحكت : صايره غريبه هذي اليومين
عبير :قومي نروح نتمشى مليت من الجلوس
هنآدي توقف : مشينآ
بزآويآ ثانيه
{ سحر }
أنآ ضايعه مشتته ماني قادره أركز بأي شي خايفه أتخذ قرآري وأندم في الأخير ..واخاف اضيع هذي الفرصه من يدي واكون خسرت خساره فادحه في حياتي ...استخرت كثير بس أحس ماني قادره أعرف ميولي ..هو اثبت لي صدقه وخطبني بس متردده ...آآآه ياربي ويش أسوي انا لازم اقرر خلاص وأعطي عمي الجوآب يآ أيه أو لا
صحت من سرحانها على صوت رغد وأسيل
رغد: وين وصلتي ياعسل
سحر رفعت رآسها وأبتسمت لها:قريب ياقلبي ...بشري
أسيل :خلاص من بكره بنروح على المستشفى ونتدرب
سحر :الله يوفقكم يارب
رغد تمد لها عصير:تفضلي
سحر بحب:الله يخليك لي يارغودتي
رغد : امين يارب
أسيل : تدرون أغبطكم على علاقتكم احس علاقتكم أقوى من الأخوه وبينكم حب وتفاهم
رغد تضحك: ياحبي لك يعني تصير مشاكل بس خفيفه
أسيل: المشاكل ملح الحياه اتمنى عندي خوآت كثيرات مو وحده ومتزوجه بعد
رغد وسحر:ههههههههههههههههههه
سحر: لو تدرين ان طول اليوم مناقره وهواش على الفاضي والمليان
اسيل:اسمه عندك احد كرهت اني اخر وحده متى اتزوج وافتك
رغد: غني ياليل ما أطولك
سحر توقف:يالله شوي وتبدا محاضرتي سيو
بآلمستشفى
يوسف :هلا يمه حيآك
ام يوسف : مبروك يمه مبروك ماجاك
يوسف:الله يبارك فيك يالغاليه
ام يوسف تسلم على شهد وتبوسها: كيفك ياشهد
شهد والتعب باين عليها: الحمدلله ياخالتي بخير
ام يوسف:يمه وجه زوجتك مصفر
يوسف: ايه فيها فقر دم واليوم بيحطون لها كيس بعد
ام يوسف: الله يقومك بالسلامه يابنتي عاد لما تطلعين تجين عندي فترة نفاسك
شهد : لا ياخالتي بروح عند خوآتي مابي اثقل عليك
ام يوسف:انتي مرة ولدي ولازم اقوم فيك خواتك يدرسون ماهم فاضين لك
شهد بعناد:لا ياخالتي هم مجهزين لي الغرفه واغراضي كلها هناك ويوسف بيجيب لنا شغاله شهر من المكتب يعني الحمدلله مافي شي
ام يوسف: على راحتك يابنتي بس ترى كل يوم وأنا عندك..وانت يمه كل اللي تحتاجه مرتك تجيبه لها مو تهملها
يوسف:افا عليك يالغاليه هي بعيوني وقلبي
ام يوسف: ويش بتسمون الولد
شهد ويوسف بنفس الوقت: مشاري "طلوا ببعض مستغربين هي ماشاورته وكانت مخبيه عليه جنس الجنين وهو كان يبي يفاجئها ويقولها انه يبي يسمه مشاري لانها كانت متعلقه بميشو الله يرحمه "
ام يوسف: أجل متفقين على الأسم
شهد تضحك: ايه خالتي متفقين
أم يوسف:وينه مشاري ابي أشوفه
يوسف: بالحضانه مانقدر نطلعه عشان الفيروسات وهو مناعته ضعيفه اسبوع ويخرج
ام يوسف: اهم شي أنه بخير وعافيه
شهد: أقول يوسف مآقالوآ متى أخرج
يوسف: أحتمال بكره أوبعده
شهد: على خير أن شاء الله
:::
:::
:::
على طاري ,,
صباح الخير [ وكوب القهوه المرّه !!
فـ بٌعدك :
ماعرفتالخير ,,
و لاصبّحت .. بـ المرّه !!
أخذت لهآ كوب حليب وطلعت للحديقه وجلست قريب من المسبح طول الليل مآنآمت تفكر بفهد وبنفسهآ وحيآتهم التي تزيد سوء ...أنتبهت لنغمه جوآلهآ
شوق : هلا وغلا بمهآوي
مهآ:صباح الخير
شوق: ياصباح النور ..كيفك حبي
مها:بخير انتي كيفك ؟
شوق:الحمدلله كيف خوآتي شخبارهم
مهآ: كلنآ بخير دآقه ابشرك أمس شهد ولدت
شوق انتفضت وكأن كهرب لمستهآ:ايش تقولي شهد ولدت ؟
مهآ:اي هي بخير وكمان طفلها
شوق نزلت دموعهآ:بس هذآ مو شهرهآ شلون ولدت
مهآ: ولدت زي كل بنت ماتولد ايش فيك ياشوق بعدين هي بالثامن وعلى أخره والحمدلله قامت بالسلامه
شوق صارت تبكي:اكيد صار معهآ شي اللي خلاها تولد بدري
مها:شوقه وربي مافيهآ الا كل خير بس حست بألم وأنتهت
شوق: مهآ لا أوصيك عليهآ حطيهآ بعيونك
مهآ:ابشري مابقصر عليها بس قلت اتصل اقولك ..يالله انا في المدرسه الحين مع السلامه
شوق قفلت الجوال وبدت تبكي اكثر وأكثر ...حست بأحد ورآهآ
فهد: خير مين كان يكلمك ؟
شوق رفعت راسها ومسحت دموعها: محد
فهد:سمعت كل شي ويش فيها اختك "سحب الكرسي وجلس "
شوق:اختي شهد ولدت وابي اروح للمدينه
فهد يفتح الجريده :مبروك بس الروحه أجليها شوي لما اخلص اشغالي وأوديك
شوق:متى بالتحديد؟
فهد: مدري على حسب
شوق مسحت دموعها وكملت كوب الحليب اللي في يدها وهي تتأمله وهو يقرأ بالجريده ويشرب من كوب الكوفي حقه ..وقف بيمشي لف عليها ووقفت
فهد: تبين شي؟
شوق :سلآمتك
فهد :مع السلامه ...مشى لحد الباب الزجآجي
شوق بلهفه: فهد رآح تجي على الغدآء
فهد : لا ...مشت بأتجآهه وهو مشى لدآخل القصر ولحقته بسرعه
شوق: يعني أتغدى لحالي
فهد بينهي الموضوع :أيه
شوق :طيب ماراح ترجع ترتاح
فهد :برضوآ لا ..مع السلامه "طلع وسكر الباب الخشبي الكبير ورآه "
شوق انقهرت منه (معقوله مافهم قصدي الآ اكيد فهمه مو غبي لهذي الدرجه بس نآوي يجفاني ..هين يافهد أنا أوريك ) طلعت الغرفه وحدهآ معصبه من تصرف فهد معآهآ
جلست بالغرفه وطلعت جوالهآ وأتصلت على شهد
شهد :هلا وغلا
شوق:السلام عليكم
شهد بلهفه: وعليكم السلام
شوق تهدج صوتها:الحمدلله على سلامتك ياقلبي
شهد: الله يسلمك
شوق: بشريني كيف صحتك
شهد : بخير...آه ياشوق ماتوقعت أن الولاده كذآ
شوق نزلت دموعهآ على خدهآ وارتسمت ابتسامه على شفتهآ من كلام شهد:ليش على بالك لعب أطفال
شهد تضحك: كنت متوقعه ألم لكن مو كذآ وربي شفت الموت ماظنيت أني أعيش
شوق:بسم الله عليك من الموت لاتقولي كذآ
شهد :انتي أخبارك ويش مسويه بحياتك
شوق: الحمدلله على حطت يدك ماتغيرت
شهد :شوقه صوتك مو عاجبني فيك شي
شوق تضحك: كنت ابكي عليك
شهد :الله لايحرمني من طيبتك ومن قلبك الكبير فديت قلبك لاتشيلين همي انا بخير
شوق :يالله لاتتعبين عمرك وانتبهي لنفسك زين
شهد: أن شاء الله
شوق : مع السلآمه ياقلبي
شهد: مع السلآمه
غمضت عيونهآ بعد ماحطت الجوآل على الكمودينه وتذكرت كآبوسهآ اللي دمرهآ كآنت تعاني كثير لحالهآ محد كآن يشاركهآ ألامهآ حتى أصعب لحظآت حيآتهآ خسرت أبوهآ وقطعه من روحهآ حتى وأن كآنت حرآم
شوق(يوم كآن بالحرآم مآبغيته ..يوم صآر بآلحلآل بغيته يآرب فرح قلبي بطفل يملي علي حيآتي وأهديه أحلى أوقاتي يآآآرب )
بعد مآتعوذت من الشيطآن قامت ورتبت غرفتهآ وغيرت شرشف السرير كالعاده وفتحت النت تشوف جديد الصحف هذآ الصبآح وبعدهآ أخذت تتجول بين المنتديآت وتضيع وقتهآ بشي يفيدهآ ويغير جوهآ البآرد ...مآحست بنفسهآ الا يأذن الظهر قآمت وتوضت وصلت بعدهآ قرأت حزبهآ اليومي من القرن الكريم والأذكآر طوت سجآدتهآ وحطتهآ في مكآنهآ وقفت قبآل المرآيآ تتأمل وجههآ الصآفي وخدودهآ المتورده حست بشوية حر قررت أنهآ تأخذ لهآ شور يروقهآ ويبرد عليهآ
أمآ عنده
{فــهــد}
خلصت كل أشغالي بدري اليوم ..الوآحد اذا كآنت معصب يخلص كل أشغاله بسرعه مآ يتوقعهآ ابدآ ..طيب الحين بجلس في الشركه لحالي لالا لازم ارجع البيت أتغدى وارتآح شغل اليوم ماعآد بقى منه شي ..تذكرتك يآشوق فآهم أنك تبين تتقربين مني بس مو بذي السهوله أسامحك على كلامك وأتهآمتك بكل الأحوال لي
طلع جواله من جيبه وأتصل عليهآ ..وقتها كآنت خارجه من الحمام وتنشف شعرهآ راحت لجوالهآ وأستغربت اتصاله عليها
شوق : الو
فهد:السلام عليكم ؟
شوق:وعليكم السلام
فهد: جهزي الغدآء الساعه 2 اكون في البيت
شوق:زين اللي تأمر فيه
فهد: مع السلامه
قفلت منه وهي تحس بجفافه وتتوعده في نفسهآ ...طلت في شكلهآ كان باقي ساعه الا ربع على وصوله يادوب تسوي اللي في رآسهآ
:::
:::
في المدينه
تحديدآ في بيت أبو مهآ على سفرة الغداء
هنآدي :دآيخه والله مآ أشوف من الحر بحط رآسي وأنآم
سحر: نسيتوآ اننآ بنروح لشهد
سمر: بس مو قبل المغرب نروح لانهآ بجنآح الخاص
مهآ:يالله أنتم نآموآ الحين ولما تصحون نتفق
رغد تقوم عن السفره: الحمدلله ...يالله بروح أنآم
هنآدي تشيل صحون السلطه :وأنآ بعد بغسل الاوآني وانام
سمر تساعدهآ بسرعه عشآن تنآم وترتاح بعد المجهود اللي بذلته
أمآ مهآ كانت تجهز غرفة شهد لما تطلع من المستشفى وتكون جاهزه ..بعدهآ راحت تاخذ لها غفوه هي وبنتها
نرجع للرياض التي تجمع أقوى قلبين في اوراقنا
كآنت بغرفتهآ سمعت صوت البوري "الزمار" لسيارته قربت من الشباك الزجاجي الكبير وبعدت الستاره التي تحول بينها وبين رؤيته .. رآقبته لما اعطى المفتاح لأحد خدمه في قصره الكبير شافت ملامحه الحآده حتى وهو تحت الشمس بنظارته السودآء المغطيه معظم ملامحه خلفهآ دخل القصر ركضت للمرايا تعطرت وغرقت نفسهآ فيه وهي تلقي أخر نظره على شكلهآ الفاتن طلعت من الغرفه وسمعته يكلم ليزآ
فهد : طالع اغير ملابسي ابي انزل واحصل الغدآء جاهز اوكِ
ليزآ :أوكٍ سير
وقفت على أول الدرج الحلزوني بعدت شعرهآ البني اللي مجعدته ورآفعته من قدآمه بنفخه خفيفه ركزت عيونها فيه وحست أنه رآيق مو معصب
شوق وهي بمكآنهآ: مسآء الخير
رفع رآسه لمصدر الصوت المرتفع شآفهآ وآقفه على بدآية الدرج مشى للدرج وبدأ يخطي اول خطوآته عليه
فهد: مسآء النور ..تفحصها بنظرآته اللي شوي وتأكلهآ كانت لابسه بجآمه برمودآ عودي سآتآن مفتوح من عند الجوآنب وعلى طرفه فيونكه سكري صغيره وبدي عاري سكري فيه تطريز فخم بالعودي وشعرهآ مجعدته بعشوآئيه وحاطه ميك أب بسيط وروج أحمر لآمع وبلاشر مشمشي وريحه عطرهآ تفوح بكل المكآن
شوق: احط لك الغدآء
فهد يتعدى من جنبهآ وكأنه يتجاهلها:ياليت
شوق : طيب لاتتاخر عشان لآ يبرد ...نزلت وضغطها مرتفع منه ومن بروده اللي يتصنعه دخلت غرفه الطعام وجلست على الكرسي وعصبيتها مجنونه
ميري حطت جنبهآ صحن صغيره عليه دوآهآ وجنبه كوب مويه
شوق ابتسمت لها: ميرسي ميري
ميري: مآمآ انت وآجد حلو زي ماما نسرين
شوق حطت يدها على خدها اللي حمر من الأحراج وبدآخلها فضول: ماما نسرين كان حلو
ميري: مره كآن حلو زي بابا فهد بس بابا فهد في أسمر شوي ماما لا
شوق ضحكت:عندك صوره لها ؟
ميري تهمس لها:يس في صور كثير بعدين يروح بابا انا في جيبي بس هو مافي يعرف بعدين في عصب كسر بيت
شوق ابتسمت: طيب خلاص يالله جيبي الغدآء ميري
بعد عشر دقايق اكتملت السفره بوجبه الغدآء طلت في ساعتها حسته تأخر ثوآني مرت ودخل سحب الكرسي وجلس بهدوء
شوق : تبي كبسه ؟
فهد يطالعها وهو مستغرب تصرفاتها:أيه وحطي جنبها سلطه ...حطت له طلبه ومدته حطت لنفسهآ وجلست
شوق: بسم الله ...بدأت تأكل وهي تتنحرق من نظرآته اللي ماتغيب عنهآ وكأنه فريسه قدآمه وهو يفكر كيف يفترسهآ
شوق تبي تقطع توترها والصمت:غريبه قلت انك مو جآي للبيت ايش اللي غير رآئيك
فهد ببرود يطالع في صحنه:خلصت شغلي بدري قلت اجي أتغدى وأرتاح في مكان رآحتي
شوق: أنآ قلت غريبه كيف تخليني أتغدى لحالي مو من عادتك
فهد بيقهرها: لو ماخلصت شغلي كان ماشفتيني هنآ
عرفت انه يبي يقهرها طنشته وكملت أكلهآ بعدهآ اخذت دوآهآ ووقفت
شوق: بروح أنآم عن أذنك .. مشت وعينهآ في عينه وقفت قبل تطلع
شوق:شآيف شي غريب قدآمك ؟
فهد أبتسم:لآوالله بس مبطي مآ شفت هالقوآم الرشيق بذآ الشكل
شوق رفعت حآجبهآ:هو أنت شآيفني أصلا
طنشته ومشت لغرفتهآ بدون مآتزيد أي كلمه ...فتحت باب غرفتهآ حست بدموعهآ مجتمعه في عيونهآ لكنهآ تمآلكت نفسهآ ومآسمحت لدموعهآ تتمرد وتسقط بسبب شي او اللأشي
جلست على طرف السرير وهي تخمن أنه بيلحقهآ أو بيتركهآ
شوق( ماراح احسسه أنه كل دنيتي لازم هو يركض ورآي مو أنآ أركض ورآه كذآ راح يحس بضعفي ويذلني بحركته كل مآزعل مني ويأخذهآ طبع من اطبآعه الي تعذبني)
صحت على صوت الباب ينفتح دخل وسكره ورآه
فهد وقف عند قسم الملابس نزل بلوزة البجامه ومشى بأتجآههآ ...أمآ هي جلست في مكآنهآودخلت رجولهآ تحت الشرشف وسحبته لنص بطنهآ
فهد :صحيني الساعه 5
شوق : هذ أذا أنآ صحيت ...أنسدحت وهي خايفه من ردة فعله عليهآ
أنسدح في مكآنه بدون مآيرد عليهآ بعد دقايق قال:مو من عادتك تنامين الظهر
شوق تطالعه بنص عين: عاد اليوم نعست عندك مآنع
فهد ضحك:ليه أمآنع ودي تنآمين جنبي بذي الكشخه اللي تخلي الوآحد يحلم بأشياء حلوه
شوق بحده: وقــح
فهد عقد حوآجبه:خير ان شاء الله ليش وقح ؟
شوق تصر على اسنآنهآ:مدري عنك شوف قصدك ايش؟
فهد قرب منهآ وحط اصباعهآ على رآسهآ:شسوي لك أذا هذآ"يقصد تفكيرهآ" خربان
شوق عصبت:خربآن ..الحين تفكيري خربآن ..دفته على صدره بعيد عنهآ
فهد صرخ بحده: آآآه أوجعتي قلبي
شوق بسخريه: أفا انا الرقيقه اوجعتك اجل ويش فايدة ذي العضلات والا بس منظر بدون فايده
فهد رجع انسدح في مكآنه وهو ماسك نفسه لا يضحك عليهآ:والله عاد منظروالا غيره عاجبتني
شوق تلف عنه وتعطيه ظهرها:زين ادوشت رآسي ابي انآم رجاء اسكت
فهد يسحب الشرشف ويحوسهآ فيه:طيب فكيني من شرك ماتشبعين نكد انتي
شوق جلست وبعدت الشرشف وشعرها ووجهها احمر:أنآ اللي ما أشبع نكد وألا أنت ؟
فهد جلس قبالها:طيب فهيني ويش أرتكبت عشآن تنقلبين علي؟
شوق جلست على ركبهآ ولمت شعرهآ على جنب وقربت منه حيل وخدهآ قبال وجهه
شوق:وهذآ أمس شنو سويت فيه والا ماتذكر؟
فهد بآسهآ بقوه على كآن الكف: كذآ سويت فيه
شوق بعدت بسرعه عنه وقالت بحده:تستهبل حضرة جنابك
فهد يضحك:شنو أسوي لك طيب ؟
شوق:لاتظن أني بنسى كفك أو نومتك أمس برى ذآ المكآن
فهد عقد حوآجبه:زين لاتنسين برآحتك اذا علي نسيت كلامك لي ولا أخذت عليك لانك تعبانه
شوق تتخصر:صدق والله فيك الخير
فهد احتد صوت:شوق تسنعي وأنت تكلميني
شوق تميل فمهآ:فهمني ليش أمس تركتني لحالي
فهد : لآني لوجلست رآح تزيد الطين بله اعرفك اذا اخلاقك خايسه تدورين اي شي عشان تتمشكلين فيه قلت ابعد انتي ترتاحين وانا بعد ارتاح من كلامك اللي ترمينه علي بدون رحمه
شوق حنت عليه: بس عشان كذآ
فهد :بعدين شلت همك عشان مديت يدي عليك
شوق تقلب عيونهآ:ايه صح مو أنت متى مآطن برآسك كفختني ...شوف فهد أنا اتحمل اي شي منك الا شي وآحد ما اقدر اتحمله
فهد ضحك:عارف اني امد يدي عليك بس انا اذا عصبت مآ أحس بتصرفاتي
شوق بدلع:يهون عليك تضربني
فهد ابتسم لهآ يموت عليهآ وعلى غنجهآ ونعومتها:لآ والله مآيهون علي يأميرتي أمد يدي عليك عساها للقص
شوق بخوف قربت منه وضمته: بسم الله عليك لاتقول كذآ على نفسك
فهد يلف يديه عليهآ:يعني صافيه لبن
شوق ضحك: عسل يآ قشطه
:::
:::
:::
العصر الساعه 5 ونص
صحوآ البنات
سمر: متى نروح لشهد ؟
هنآدي: بعد المغرب نصلي ونروح
سحر: أيه عشآن لمآ نرجع يكون عمي موجود
هنآدي: ليش ويش تبين بأبوي ؟
سمر ابتسمت بخبث:لايكون وآفقتي على معآذ
سحر توردت خدودها:مالك صلاح
سمر نقزت:شفتي أني اكشفك على طول
هنآدي بفضول:يعني وآفقتي والا لا بسرعه جاوبي
سحر:الشور شور عمي
سمر تضمهآ:يعني موآفقه بلا في شكلك
سحر تضحك وتبعدهآ لآنها خنقتها:بعدي بتقتليني
هنادي تبتسم وتبوس سحر:الف مبروك الله يقدم لك اللي فيه الخير
سحر من قلب قالت: عقبالكم ياررب
دخلت مهآ وهي تشوفهم مبسوطين وفرحانين:دوم الفرحه بس شنو السبب؟
سمر:سحر وافقت على معاذ
مها فرحت :صدق سحر متأكده من قرآرك
سحر هزت رآسها بالأيجاب وزآد أحرآجهآ ...قآمت من عندهم ورآحت للغرفه تكلم ريم اللي لهآ فتره ماكلمتهآ
ريم:أحلفي ..مآني مصدقه أنك وآفقتي
سحر :ههههه لاصدقي
ريم :نفسي أصرخ من الفرحه مابغيتي
سحر تضحك:خلاص ياختي لآ أتراجع عن قرآري
ريم بسرعه ولهفه:لالالا ماصدقنا ياختي من زمان مافرحنآ هذي شهد ولدت من جهه وأنتي وآفقتي من جهه
سحر:ياساتر اذكري ربك لاتطقينا عين ونتدهور
ريم : بسم الله علينا اللهم صلي على سيدنآ محمد لاتتفاولين علينا
سحر:أقول متى بتجينا ترى لك اسبوع ماشفنا وجهك
ريم :خلاص بطلب سيف واردلك خبر
سحر بعصبيه: ياحبكم لأخذ الأذن اووف بس يالله بروح اتجهز قبل يروحون عني
ريم:باي
صحت رغد على أزعاج خوآتها معصبه
رغد تصارخ على سمر: يعني الواحد مايرتاح في نومته أووف يآآآه
سمر خافت منها لانها اذا صحت من النوم تكون شرسه مره:لابس ادور اغراض لشهد في درجها
رغد تغطي رآسها ببطانيتها:اخلصي علي ولاتزعجوني ابي انام وراي مذاكره تهد الحيل وطلعه للمستشفى من بدري
سمر: أيه نسيت ان بكره يبدأ التدريب يالله خلاص ماعاد نزعجك الأغراض واخذتهآ
رجعت للصاله بعد مآسكرت باب غرفة رغد وأخذوآ الأغراض اللي موصيتهم عليهآ
هنآدي:يالله تأخرنآ
سحر تلبس عبايتهآ هي وسمر ويلحقوهآ للسياره
بآلمستشفى
شهد تجلس بمساعده سمر اللي سلمت عليها
شهد: الله يسلمكم طمنوني كيفكم
سمر: الحمدلله بخير "ضمت شهد" وحشتيني
شهد تلف يدهآ عليها:وانتي بعد وحشتيني قوليلي كيف درآستك؟
سمر بعدت عنها وسمحت دمعتها قبل شهد تشوفها:الحمدلله ماشي الحال
هنآدي: كيفك انتي يقولون تعبانه
شهد تضحك:ليش كل هذآ وماني تعبانه
هنآدي: هههههههه ماقصدي بشري كيف الحين؟
شهد ابتسمت لها: الحمدلله بخير جهزوآ نفسكم بكره خارجه عندكم
سحر: تنورين البيت بدخلتك أنتي وولدك فيه
سمعوآ صوت الباب يندق وبعده بدقايق دخلت غدير
غدير تزغرط: كلوووووش الف الف الف مبروك "حطت باقه الورد وصحن الشوكولا الفخم على الطاوله وسلمت على شهد بحرآره"
غدير: الحمدلله على سلامتك يالغاليه شخبارك
شهد ضحكت على حركاتها وفرفشتهآ وروحها الحلوه: بخير الحمدلله انتي كيفك
غدير:تمام وين البيبي بشوفه قال يوسف سميتوه مشاري
شهد :ايه سميناه مشاري
هنادي وسمر صفروآ بصوت وآحد وسحر فرحت بالخبر
غدير لفت على البنات وسلمت عليهم ...بعد السؤال عن الحال واخر الاخبار
غدير:ماعليه بنات ماجد برى يبي يسلم على شهد ويتحمد لها باسلامه ممكن تتغطون
شهد تلبس طرحتها وتتلثم وخوآتهآ نفس حالها بعدوآ ورآحو بزآويه
غدير :مآجد حياك أدخل
..: أحــم أحــم يآولـــد
شهد:حيآك ماجد تفضل
مآجد دخل ونزل رآسه بالأرض:السلام عليكم
الكل : وعليكم السلام
ماجد: الحمدلله على السلامه
شهد بحياء وصوت يادوب ينسمع:الله يسلمك
ماجد: يتربى بعزكم يارب
شهد: أمين ..عقبال عندك
ماجد ضحك: مانكره والله
غدير بلقافه:عروسته جاهزه بس هو يترك عناده ويوافق
ماجد ابتسم على كلامها: وين مشاري ابي أشوفه
شهد: بالحضانه ممنوعه عنه الزياره
غدير بتحطم:خساره خاطري أشوفـه
شهد تضحك:راح تملين منه بس اصبري شوي
ماجد:قدآمك العافيه أستئذن الحين
شهد: تونا خلك شوي
ماجد: انا برى انتم خذوآ رآحتكم
غدير:ترى بطول هنا جاك العلم
ماجد يسترق النظر لمح هنآدي من بعيد اللي سرحت فيه وبملامحه اللي حفظتها بكل منحنياته وتتأمل جسمه واسلوبه اللطيف اللي اول مره تعهده عليه ...طلع برى الغرفه وهي تحس بأنفاسهآ تتسارع أكثر بسبب قربه منهآ ووجوده بنفس مكانها ماخفت عليه نظراته اللي تحاول تلمحها بأي طريقه
غدير:أفرآج يابنات تفضلوآ يالله بقهويكم
سمر:لا والله أنا اضيفكم ارتاحي بس
شهد تضحك:يالله صبي قهوه مشتهيتها مع الشوكولا
هنادي تجلس وتفتح الصحن وتضيف مع سمر:يمي شكلها يشهي بس شهد ماراح تأكلين منها يمكن تضرك
شهد تتخصر ونست المغذيات والدم اللي بعروقها:جد والله اقول هاتي بس وربي نفسي فيها
سحر شهقت:شهد لاتحركي يدك ناسيه المحلول اللي فيها والا الدم والله انك ماتراعي نفسك ابد
غدير بتهديد:ياويلك من يوسف بفتنه عليك
شهد عبست :طيب نفسي بشوكولا
سمر تمد لها قطعه:وحده بس احلمي بغيرهآ
غدير: أيوه بنآت وأخر اخباركم كيف مع الدرآسه
هنآدي بتأفف: يوووه قسم بالله تعب مع ذآ الحر تحسين المعلومآت مايمديها تدخل رآسك الا تتبخر
الكل:هههههههههههههههه
هنآدي كشرت:والله أني صادقه
شهد :الحمدلله اني تركت الدرآسه والحين خلاص ماعاد برجع لهآ مالي شدة عليها
غدير:ياكرهي للبنت اللي تتزوج وتترك الدرآسه
شهد تضحك:بالأول قلت حياه جديده لآزم افهمه ويفهمني واهتم بالبيت وبأخوك بعد الحمل كنسلت فكره الدرآسه بربي ولدي أسنع لي
سمر:ريحتي راسك مستقبلي يشبه مستقبل بس وقت يجي فارس أحلامي
هنادي:ههههههههههه تدرون على أني دآجه وأكره الدرآسه على أن الفكره هذي عمرهآ ماجآت برآسي
غدير فطست ضحك:يارب تسعدك هذا يعني ان تفكيرك سليم مو زي بعض النآس
سمر تتخصر:ويش قصدك غديروه
غدير لآزالت تضحك:أبد سلامتك
:::
:::
:::
بعد يومين
عند رغد في دوآمهآ كانت توهآ دآخله المستشفى وتدعي في قلبها ان اليوم يبدون لأنهم تأخروآ عن القروبآت اللي قبلهم بيومين وهذآ يأثر عليهم ...شافت اسيل تنتظرها عند الرسبيشن
رغد تعدل طرحتها: صباح الخير سوسو
اسيل تسلم عليها :صباح النور ماشاء الله ويش ذآ الزين وجهك منور
رغد :بالله وربي مو حاطه ولاشي عشان ما افتن ابوي موصيني ما احط روج وكحل
أسيل تضحك: نفسي اخوآني كل وآحد يعطيني محاضره بالأخلاق والتربيه والحجاب يبوني طول اليوم متغطيه ومكتومه
رغد تضحك: ياربي شنسوي اذا ربي خلقنا جميلات
اسيل ميته ضحك:اقول ويش مفطره اليوم مزآجك عال العال
رغد بأنشرآح:مدري شنو السبب بس قلبي يقول اليوم بيكون حلو ورآح نبدأ فيه
أسيل تطالع الساعه كانت 8:30 صباحاً :شكل مافي زي امس وقبله شوفي الساعه كم
رغد : مآ اضن أمشي نشوف القسم اللي كآتبين فيـ..."قاطعهآ صوت جوالهآ وكآنت بنت من القروب اللي معهآ تقول لهآ ان الدكتور له نص ساعه بآدي المحآضره وهم تأخروآ "
أسيل بخوف: يؤؤؤ معقوله بدوآ وأحنآ ماندري
رغد: شفتي لو أروى مآ اتصلت رحنآ فيهآ امشي نلحق تقول قبل قسم الجرآحه
جري رآحو لمكآن محاضرآتهم وقبل يدخلون دقوآ الباب ودخلوآ
د:نــعـم ..مين حضرتكم
أسيل خآفت منه ومن هيبته :حــ.."ودقت رغد
رغد بثقه: أحنآ طالبات من نفس القروب
طالعهآ بأستغراب بعدين طالع ساعته: تدرين كم الساعه الحين
رغد : أسفين دكتور بس تونآ درينا عن المكآن تعرف احنا جُدد على هذآ المكآن فضعنآ فيه
صرخ الدكتور في وجههآ: عُذر أقبح من ذنب
رغد وأسيل فزعوآ من صرخته وتفشلوآ لآنه بدأ تهزيئهم قدآم الطلاب والطالبات اللي مايتعدى عددهم 15 طالب وطالبه
رغد بقوه: بالعربي يادكتور ندخل والا نرجع مكآن ماجينا
الدكتور رفع حآجبه بحده:أمممم بعدي لك اسلوبك الوقح معي لآنك ماعرفتي منو أنآ أسئلي البقيه عن الاشياء اللي قلتهآ لهم ..تفضلي انتِ وزميلتك"قالهآ بصوت ساخر "
رمت عليه نظره احتقار وقالت بصوت شبه مسموع:اسلوب رخيص وجلست
اسيل همست لهآ:اووش وربي حطنا براسه من أول مره
د صرخ في القاعه: بدون كلام أضن أحنآ مو أطفال نتهامس اعطوآ صحباتكم من الأورآق اللي بيدكم
وكمل المحآضره وكل شوي يطالع رغد وأسيل اللي بالهم مو يم المحآضره بالأخير بعد ماطلبهم كذآ بحث سأل عن أعرآض لمرض مجهول عند الكثير من الموجودين في القاعه
رغد رفعت يدهآ وعلى طول سمح لهآ تتكلم ...أبهرته بالمعلومآت اللي قالتهآ وهي كآنت نآويه تقهره زي ماهزئهآ قدآم زميلآتهآ والطلاب المتوآجدين معهم كون أن التدريب مختلط
أنتهت المحاضره وطلعت رغد على طول ومعها أروى وأسيل
رغد :الحمدلله انك اتصلتي علينا والا ايش يفكنا من هذا الدكتور المتوحش اووف مارمانا حظنا الا عنده
اروى:وآحد من الشباب يقول انه شديد مره اصلا من دخل وهو يهدد ويتوعد بأن اللي مايطبق مزبوط رآح يطرده ويدور له دكتور ثاني يتدرب عنده
رغد عصبت:شنو يحسب نفسه المستشفى مستشفى أبوه
أروى بخوف: وربي مرعب ذآ الدكتور شكلي برسب عنده لامحال
أسيل :شخصيته دكتاتوريه مايتفاهم أكره ذآ الاسلوب الغبي
رغد :اقول ايش الاوراق اللي اعطاكم
اروى تضحك: أنظمة وقوانين نطبقها ...من اول يوم زفت
رغد عبست وقالت بصوت مُكره:دكتور متوحش
كآن ورآهآ وسمع كلامهم وحشهم فيه ضحك بنفسه على اسلوب البنات وضعفهم تعدى من جنبهم وكأنه مآسمع شي متجهه للمرضى اللي مسؤول عنهم وعن حالاتهم
اسيل ترتجف : تهقون سمعنا
رغد بحقد: خليه يسمع ..الا ويش اسمه ذا المتوحش
اروى تضحك:هههههه اسمه وليد
رغد ميلت فمها: مو لايق عليه مرآآ امشوآ نشوف المحاضره الثانيه لا نأكل تهزيء قدام
البنات والاولاد ويطيح وجهنا زياده
في الرياض
صحت من النوم وماحصلته جنبهآ تأكدت أنه في الشغل سحبت جوالهآ وكانت الساعه 11
شوق قامت :معقوله نمت كل ذا الوقت بدون مآ أحس
قامت غسلت وغيرت بجآمتهآ ونزلت تفطر عشان تأخذ دوآهآ وتسوي ريآضه زي ما قالت لهآ الدكتوره لأنهآ رآح تفيدهآ في أستعادة صحتهآ وتخفف من الورم شي فـ شي
بعد مآخلصت من الرياضه تذكرت ميري ...رآحت للصاله ونآدتهآ ثوآني وكانت قدآمهآ
شوق بأبتسامه: ميري تعالي أجلسي بأتكلم معك
ميري انصاعت لأمرهآ وجلت قبالها :يس مدآم
شوق بدت تتوتر أعصابهآ:ميري وين صور مآمآ نسرين ؟
ميري ابتسمت:مع أنآ جوى غرفه حق أحنا
شوق: طيب جيبيها لي
ميري ابتسمت وبسرعه طارت للغرفه تجيب الصندوق اللي محتفظه في من سنين طوآل أخذته لمآ رمآه فهد وهو بعمر الـ23 وسط الزباله وأنتم بكرآمه بعد مآفقد أمه وأحرق كل ذكرى لهآ معه أو مع جده أو مع أخوه باسل ورمى كل أغراضهآ وملابسهآ وتبرع جده بمجوهراتها وذهبهآ
دقايق مرت بلمح البصر ورجعت ميري بصندوق خشبي فخم متوسط الجحم منحوت عليه كلمآت وحروف أنقليزيه واطرآفه معدن ذهبي ..أخذته شوق ووقفت
شوق:بأخذه فوق للغرفه أشوفه بعدين أرجعه زين ميري
ميري هزت رآسها ورجعت تنظف باقي التحف والمرآيآ وتنفض الغبار المترآكم عليهم هي وباقي الخدم
أمآ شوق أخذت الصندوق اللي حست بثقله وطلعت لغرفتها قفلت الباب وجلست على السرير
تتأمل الصندوق ونبضاتها بدت تزدآد قوتهآ وتتسارع أكثر بدت أعصابها توتر وهي تتوقع صورة المراءه اللي حملت بزوجهآ وعآنت في ولادته وربته حتى لو مآكانت تهتم فيه كآنت رآسمه لهآ صوره في مخيلتهآ ماتدري اذا هي نفس توقعهآ أو مختلفه ...تمنت أنها تكون عايشه عشان تونسها في وحدتها وغربتهآ في هذا القصر الوآسع والفارغ الا منها هي وزوجهآ وخدمهم ...أخذت نفس طول وضغطت على نفسهآ فتحت الصندوق كآنت مبطن من الدآخل بقطيفه كُحلي لآمع في بعض المجوهرآت سحبت خآتم كان فخم جدا ماقد شافت مثله في حياتها مرصع بالألماس وياقوته في منتصفه ..لمحت زي الدرج الصغير سحبته كان فيه عقد ذهب نآعم وبعض الصور الصغيره لشخص كآن في مرحلة الطفوله أخذت تقلب فيها ملامحه تعرفهآ وتشبه عليهآ لفت الصوره وتأكدت بأنهآ صورة لفهد من عمر السنه الى عمر 18 وأغلبهآ مقاساتهآ صغيره ومكتوب عليها كلام باللغه الأنجليزيه مافهمته لان لغتها ضعيفه جدآ
بدأ فضولهآ يزيد وتفتش الصندوق شالت كل المجوهرات وحطتها على جنب شآفت البوم متوسط الحجم تحت المجوهرات اخذته وخفقان قلبها يزداد أكثر ..فتحت أول صوره اللي كانت على الغلاف ...صوره رجل وسيم خمنت أنه في اوآخر الأربعين نظرته ثاقبه وملامحه حاده تشبه ملامح فهد بقليل ..قلبت الصفحه شافت صوره لفهد وخلفه برج ليزآ في أيطاليا وعمره حوالي الـ 12 بجانبه أمرآءه بيضاء طويله جسمها كأنه مجسم منحوت بأحترآف لفنآن تشكيلي ملامحهآ مستنسخه من فهد شعرهآ بني لنص ظهرهآ فآتنه جدآ ...ظلت تتأملهآ لفتره من الزمن بعدها أخذت تتصفح الصور حست ان كل صوره تنقلها لبلد غير المملكه صور قديمه وكلها خلف معالم تاريخيه او مناظر طبيعيه أخآذه وجميله ..كل الصور كانت لـتلك النسرين بجميع أحوآلهآ كانت كالأميرآت الفاتنات بجمالها وجسمهآ وضحكتهآ الساحره صورها مع وآلدهآ وأبنهآ ارجفت قلب البريئه التي تتأملهآ تنقلت بين مئآت الصور بدون اي شعور منها وبدون ان تشعر بمرور الوقت وأقترآب رجوع صآحب ملامح القاتله...رجعت كل شي في مكانه وهي تحس بان قلبها يتفطر على زوجها كل الصور توحي بحبه لأمه وتعلقه بها .. ذرفت دموعهآ عليه وهي تسترجع أصعب موقف مر عليهآ وهي ترى دموعه تنساب علي خده بسببهآ ..جرح قلبه لايبرى وهي أيضا تشفق عليه وتقاسمه ذلك الأحساس القاسي المؤلم
شوق ( يآلله مآتوقعتهآ بالجمال والفتنه هذي حطمت توقعي ....تمنيت أنهآ عايشه فضولي بمعرفتهآ غريب في شي يشدني لهآ يمكن لآنهآ أم فهد يمكن؟! ...بس الأكيد أنهآ جآبت خآطفي اللي خطفني من الزمن وقتلني بالمذله وأمتهني ورجع لي عزتي بوقت ظنيت أني ميته )
قامت رجعت الصندوق عند ميري عشان فهد لآيشوفه ويصير شي مآتتمنآه ..ماتبيه يرجع لأوجاعه القديمه ويتحطم بعد مآقدر انه يتجآوز هذي العتبه بكل قوه وشموخ وكبريآء.
:::
:::
:::
ببيت أبو مها
رجعت هنادي بدري من الجامعه لأن مآعندهآ الآ محاضره وحده قبل تدخل الغرفه اللي فيهآ تذكرت انها شافت سيارة يوسف عند باب العماره دخلت غرفتها وبدلت ملابسهآ وأنسدحت على السرير تريح جسمها من التعب والأرهاق ... بعد نص ساعه قامت للمطبخ تسوي غدآء للبنات لما يرجعون ولشهد حتى تأكل منه خصوصا انها بفتره محتاجه للأكل حتى تستعيد قوه جسمها ..فتحت الثلاجه
هنادي :وآآآآآو انواع الفوآكه والخضار شي ياليت كل يوم شهد تولد خخخخ رآحت للفريز اللي على شكل دولاب طويل فتحته وطلعت الاغراض لآنهآ نآويه تسوي مسلوقه بالخضروآت ومكرونه وسلطة يونانيه ..شدت همتها وبوقت قياسي جهزت كل شي
هنادي تجلس على الكرسي: صراحه انجآز اني سويت هذا الغدآء يالله استمتعت وضيعت وقتي ..على بال مايطبخ ويستوي اشوف شهد يارب يكون زوجها راح
قربت من غرفة شهد وقالت: في أحد
شهد : لا يوسف من شوي رآح
دخلت هنادي وكانت الغرفه بارده :زوجك هذا نشبه الله يعينك عليه المفروض يتركك فترة النفاس مو مرزوع معك بكل وقت كأنه هو اللي وآلد مو أنتي
شهد ضحكت على كلام هنادي اللي قالته بغيض:يحبني شنو أسوي الله يرزقك بوآحد يحبك يطلع عيونك
جلست هنادي جنبهآ وصارت ترتب الطاوله اللي كان مسويه يوسف وحاط عليها فطورهم:يعني لو زوجي يحبني بيحطني فوق راسه
شهد ابتسمت لها:ايه بس انتي بعد لازم تكسبينه وتكونين طيبه معه وتخدمينه وتحسسينه بحبك له هو نفسه بيحترمك ويموت عليك
هنادي :بس بس مابي اتزوج اخدم والبي طلباته ومدري ويشوه خليه عند امه شنو ابي فيه يقرفني بعيشتي حطي سوي والا ينشب بحلقي مثل بعلك مايخليني اتنفس ذرة اوكسجين براحتي
شهد انفجرت ضحك :انتي متى تتعدلي ترى صرتي في الـ 20 وتفكيرك لسى صبياني
هنادي عبست: مو صبياني بس انا مو راعية مسؤليه غصب بتزوجوني طيب خلوه المعرس يجي بالأول بعدين افكر
شهد :زين ترى أشم ريحة أكل أنحرق
هنآدي نقزت تصرخ: طبخي لآحرآآآآم ..وجرت على المطبخ
شهد ضحكت عليهآ: الله يعقلك ياهنآدي
رجعت عندهآ وأذن الظهر: ماحسيت بالوقت رغم اني راجعه بدري
شهد : يمكن عشان دخلتي المطبخ واشتغلتي
هنادي ترمي نفسها على الجزء الفارغ من سرير شهد :مو يمكن أكيد
:::
:::
:::
بالمستشفى
طلعت من المحآضره معصبه قهرهآ هذآ الدكتور تسلط عليهآ من أول مره كيف رآح تتعامل معه وهو حآطهآ برآسه وأبسط شي يهزئهآ رغم أنهآ اكثر وحده متفوقه بين قروبهآ ...طلعت وهي مو شآيفه أحد من اللي قدآمهآ..لحقتهآ أسيل وأروى
أروى تمسك يدها:رغد أستني وين رآيحه
رغد بكل عصبيتهآ اللي خلت كل القروب حولهآ: بروح أغير القروب دآم دكتور متوحش يدرسني مستحيل نتفق
وآحد من الطلاب: استهدي بالله وطنشيه
رغد: شفته أنت كيف يهزئني بشيء وبدون شي وكأني المسؤوله عن كل صوت وحس في القاعه الله يستر بكره عند المرضى شنو بيسوي فيني
أسيل:ماعليه أمسحيهآ فيني طولي بالك يارغد
...:يابنت الناس تعوذي من الشيطان اللي بيننا وبينه درجات وتقييم لاأقل ولآ أكثر
طلع الدكتور وشآفهم مسوين شكل دآئري حول رغد جآء وبعدوآ عنه
د: ليش التجمهر
رغد تلف تبي تمشي لكن كلمته وقفتها:أنتي ألحقيني على مكتبي
رغد لفت عليه وهي نفسها تقتله ومغتاضه منه: أضن لي أسم ينآدوني فيه
أبتسم ببرود:ويش أسمك
رغد ودهآ تموته بأرضه: رغد ..رغد محمد القايد أي استفسار ثاني
لف عنهآ ومشى ولحقته وهي بقمه عصبيتها دخل مكتبه في قسم الجرآحه ودخلت ورآه
جلس على كرسيه ولف عليها ينتظرها تجلس لكن هي كآنت مآسكه كتبهآ وآقفه
د: تفضلي
رغد: شكرآ مرتاحه كذآ
د: أجلسي لآن كلامي معك طويل ..سمعت كلامه وجلست
د: أول شي أنا مامر علي طالب أو طالبه تصرف معي مثلك
رغد عدلت جلستهآ وقالت بنفس نبرته: وأنا عمر مامر علي أنسان يحكم على الأشخاص من أول مره مثلك
رد عليهآ وهو متفاجئ من قوتها:شوفي يارغد اللي صار اليوم أنسيه وانا أعتذر عن أي تصرف صدر مني أزعجك أنآ ما أحب أي تهآون أو تأخير في الشغل لولآ حرصي عليكم وأنتكم بتكون دكآتره في المستقبل مآكآن شديت عليكم
رغد:وأنا اعتذر كمآن بس قهرني تصرفك وأسلوبك معي أنآ وأسيل بالرغم اننا مو مثل حكمك علينا
د:الايام جايه وهي رآح تخليني أحكم عليكم ولعلمك أنآ المسؤول عنك أنتي وزملآئك حتى في السنه القادمه بلغيهم ذآ الشي لانه غاب عني
رغد توقف: يوصل أستئذن ..مع السلامه
بكل برود: مع السلامه
طلعت من عنده وظغطها وصل مليون ..جوآ البنات يسألونهآ أيش قال لها ..بعد مآرآحوآ بقت أسيل
أسيل تضحك: خلاص حصل خير اعتذر انسي زي ماقالك
رغد: متعجرف مغرور قال أيش انا مسؤول مالت عليه ...شفتي النحاسه يعني لاصق بخشتي حتى السنه الجايه الله يعين بس
أسيل ضحكت: يابنت الناس انسي يالله تأخرنا على بيوتنا وصراحه انا جوعانه مره
رغد ضحكت: تدرين توي تذكرت أني مآ اكلت شي من الصباح ...اشوفك بكره بآآي
أسيل : بآآي حياتي
في الرياض
رجع من الشركه تعبان الشغل اليوم أرهقه بالأضافه الى الاجتمآعات ودرآسة الصفقات
شوق: هلا حبيبي
فهد يرمي نفسه على الأريكه بتعب:شوق الله يخليك خليهم يجيبون الغدآء هنا فيني تعب مو طبيعي
شوق قربت منه :ياعمري انت باين عليك
فهد يغمض عيونه:حآس أني مُرهق مره
شوق ترفع التلفون اللي جنبهآ وكلمت ميري بعدهآ جآت ورى الأريكه وبدت تسوي له مسآج خفيف لرقبته وظهره
فهد : آآآآآه كسبتي أجري يآشوق
شوق ابتسمت :فدآك يالغالي أهم شي عندي رآحتك
فهد يآدوب يفتح عيونه:حآس أني تخدرت أبي أنآم
شوق :والغدآء شكلك مصفر وتعبان مو زين لك انت ترهق نفسك كثير لآزم تأكل
فهد: مالي نفس أبي أنآم
شوق قالت بصيغة أمر:مآفي نوم الآ بعد مآتتغدى وانا رآح أأكلك بيديني
فتح عيونه وضحك: أذا كذآ ماعندي مآنع أتغدى واتعشى بعد لو تبين
شوق ضحكت وقامت تفتح باب الغرفه لميري وليزآ عشآن يدخلون عربية الغدآء جوآء بعد مآطلعوآ قفلت الباب ورجعت له
شوق : يالله عاد جهز نفسك رآح تأكل من أيديني
فهد عدل جلسته وقرب منهآ:وأنآ جاهز يالله ترى حدي جوعان وبموت بعد
شوق: بسم عليك من الموت ..يالله سم بالله
سمى وصآرت تأكله وهي تضحك على شكله اللي يغنض شوي ويفتح عينه شوي والأرهاق كفيل أنه يزيد تعبه أضعاف
بعد الغدآء غسل ورجع بسرعه للسرير أول ماحط رآسه غآب عن الدنيآ وأبحر في عالم الأحلام
أمآ هي شالت الغدآء ونزلته للخدم وتركته ينآم بدون أي أزعاج وهي جلست تحت ترتب بعض التحف وتغير أماكنهآ وتساعدهم في التنظيف
في مدينتي
دخلت البيت والساعه 2 ظهراً رمت اغراضهآ على الكنب ورآحت تسلم على شهد مشتاقه لها
شهد: هلا والله هلا بحبي
رغد ضحكت:ماشاء الله الوجه صاير زي التفاحه الله لايغير عليك
شهد ابتسمت:انتي اللي باين انك متضايقه شنو صاير معك
رغد ضحكت: بقولك كل شي بس لما اصحى في الليل الحين بأكل وبأهجم على النوم
شهد ضمتها وباستهآ:نوم العوآفي
رغد: تبين أحطلك معي
شهد:لاهنوده اليوم مغديتني لايفوتك طبخهآ صاير يطلع معهآ اشياء وأشياء
رغد مشت بسرعه للغرفه نزلت ملابسهآ ولبست بجآمتهآ البرمودآ الفوشي وركضت للمطبخ فتحت الثلاجه وشافت السلطه اللي تعشقهآ ووأكلها على جنب
رغد: ياعساني أفدآك ياهنوده حآطته ومجهزته في الصحون عشان بس أكل الله لايحرمني منك
دخلت شهد على دعوآتهآ وكآنت يآدوب تقدر تمشي وتتمسك بالجدآر أو الباب
رغد سحبت لهآ كرسي وساعدتهآ تجلس عليه:شهودتي ترى مو زين تجلسين وتتحركين كثير ترى لسى ماصارلك أربع أيام
شهد: الحمدلله انا احس اني زينه
رغد:ويش درآك انتي ترى يضرك أكثر خصوصا هذي الأيام "وبدت تأكل " يم يم ويش ذا الطبخ ..على قولتك يطلع منها النتفه
شهد: ههههههه هنآدي ربة بيت درجه أولى بس كسوله لو نضغط عليها بتبهرنآ
رغد تطالعها بنص عين:الله عليك أقول ولدك متى بيطلعونه
شهد :يوسف يقول أتصل عليهم وقالوآ أحتمال بكره أو بعده لان صحته الحمدلله زينه
رغد :الحمدلله ..شاركيني الأكل
شهد: والله مافي مكآن فليت بالأكل اليوم ياعمري يوسف ماخلى شي في سوق الخضار الا وجابه
رغد تحك رآسه: شفت الكرآتين تحت عند الباب وأقول تونآ بأول الشهر لسى بدري على المقاضي
شهد ابتسمت: يقول تغذي وعوضي الدم اللي رآح
رغد ضحكت:يالبيه يايوسف يهبل الله يرزقني بوآحد زيه
شهد :أميــن
رغد بعد مآ أكلت وشبعت غسلت الأوآني:يالله بروح أخمد لاحد يصحيني الا العشاء
شهد: خمدة العوآفي
رغد تدفهآ وهي تصرخ: حتى انتي أخمدي العصر يجونك ضيوف
شهد قالت بالأم: مين ياحسره هذآك لو عندنآ أم يمكن أحد يفكر يزورنآ غير خالتي وخواتي واحتمال عمآتي لاتشرهين أن أحد يجي
رغد حزنت عليهآ:ليش تقولين كذآ...يالله روحي ريحي نفسك وأنا بروح انام
كل وحده فيهم رآحت لغرفتهآ
العصر
جآت أم عبير وأم هديل وأم خلود
مهآ: حيا الله من جآنآ
أم هديل: الله يحيك .. كيفك ياشهد الحين؟
شهد ابتسمت بتعب: بخير الحمدلله انتي ياعمتي شخبارك واخبار هديل
ام هديل: تسلم عليك كانت بتجي بس عندها اختبار
شهد :الله يسلمها ويوفقها
أم عبير: وولدك كيفه
شهد: بكره يطلع
ام خلود:الله يبلغك فيه ..ويش سميتيه؟
شهد: مشآري
مهآ:هي وزوجهآ أتفقوآ يسمونه مشآري
أم عبير: مآهو مهم الأسم أهم شي صحته
شهد: على قولك ياخاله .."قاطعهم دخول أم يوسف وبنتهآ مريم وأم محمد زوجة أخو يوسف الكبير
ام يوسف: السلآم عليكم
وقفوآ الكل عآد شهد اللي منسدحه على سريرها:وعليكم السلام
مريم: الحمدلله على السلآمه
ام محمد: يتربي بعزكم
شهد: تسلمون
ام يوسف سلمت على شهد وبآستهآ على جبينهآ وحطت صينية الحلى اللي من أفخم محلات الحلويات في المدينه :كيفك اليوم
شهد ابتسمت لهآ: الحمدلله بخير
مريم وأم محمد جلسوآ جنب أم هديل وقامت مهآ تضيفهم وتقوم بوآجبهم ..أمآ أم يوسف جلست جنب شهد وتهمس لهآ بكلام بدون مآحد يسمعه
مهآ: كيفك يامريم
مريم: بخير مآشين في الدنيآ
أم هديل: وانتي يآم محمد كيف زوجك وعيالك
ام محمد: كلهم بخير وعآفيه
وكآنت جلستهم تبادل أخبار وسوآلف عاديه
عند البنات في غرفتهم
وصلت ريم ودخلت عندهم بدون ماتمر من عند غرفة شهد
سحر تضمهآ: وربي أشتقتلك
ريم تضحك:شوي شوي علي وربي خنقتيني
هنآدي:ريمآ أبشرك سحير وآفقت على معآذ
ريم شهقت من الصدمه :جد "ضمت سحر بقوه" مــبرووك
سحر حمر وجههآ: الله يبارك فيك
ريم تغمز لهآ:اجل موآفقه هآه ..يومك تتغلين علينآ وتعذبينآ معآك ليش؟
سحر تضحك:أممم فكرت وأستخرت حسيت اني مرتاحه وقلت لعمي وفرح مره
ريم :أكيد بيفرح أبوي وربي معاذ شآب أدمي وينحب وفوق هذآ مزيون لو أنه أسمرآني
هنآدي: الشكل مو مهم الأخلاق هي المهمه
سمر ترفع رآسهآ من الكتآب:هنآدي صايره تقولين حِكَمْ
هنآدي: أكبر منك بيوم أعرف منك بسنه
سحر تقفل كتابها:ريوم أعطينآ اخبارك شو عامله مع زوجك وحياتك
ريم: مستانسه حيل سيف مو مقصر علي بشي الله يخليه لي
هنآدي وهي تلعب بشعرهآ وتظفره:بكره سحر خآنوم تجينا وترجنآ مثلك بزوجهآ كل وحده تتفدآ زوجهآ من جهه شهد مو شايفه غير يوسف وشوق ماخذ عقلهآ فهد ومها مشتاقه للدفش بندر وأنتي ماتنشافين بسبب سيف الله يخلف علينآ بس محد يتذكرنآ من تزوجتوآ البيت فضى مابقى فيه أحد
ريم :هنآدي عارفه كم موضوع دخلتيهم ببعض
هنآدي تحك رآسها: أممم مدري
ريم ضحكت: الله يخلف عليك بس ..قومي سوي شاهي
هنآدي: دور سمر مو دوري اليوم سويت الغدآء
سمر تقوم: خلاص بقوم أسوي شاهي لاتجلسين تذلينا بغدآك
هنآدي تمد لسانها: طسي المطبخ عن يمينك
^^^
^^
أي مفآجئآت ستكون في البآرت القادم ؟
هل ستتغير جميع الموآزيـن أم تبقى على حالهآ دون حرآك؟
قد أصف هذآ البآرت بهـدوء مآقبل العآصفه
ولكــن أي عآصفه تكون وعلى أي أبطال من أبطآلنآ ؟
تغيرآت جذريه ستحل وقلوب ستموت وأخرى تحيآ
ويبقى الاهـم ..كيـف ستأؤل اليهآ النهآيه...~!
بأنتظآر أرآئكم وتقييمكم لهذآ البآرت