الفصــل الثـآلث والعشرون ..]
[ تألمت كثيرآ بطفولتي فاصنعت درعآ يقيني من كل شيئ
درع يحميـني كثيرا من المشاعر العـآبره , والأحـآديث اللتي تكشف هشاشتي
الآن أو في هذه اللحظـه فقـط
اريــد ان أرمي درعي قليــلآ لكنه أصبــح مصقولآ على جســـدي
لاأستطيــع نزعـــه , لاأستطيــع ان أعــود كمـآ كــنت سـآبقـآ ]
ونـــرجع للوقت الطبيــعي ..]
مــآدد يــده على ذراع الكنبــه يحرك اصـآبعه وكأنـه بيعــزف على البيــآنو , دليل كبيـر على توتــره
مروى اخدت كوب قهوتــها من على مكتبـها وجات جلسـت في الجلسـه المزويـه في غرفتــها
ثلاث كنب منفرده طاولـه دائريــه في للمنتــصف : إيش ساير .؟
مـآلك: فين أبـويآ ؟
مروى : يعني ماتوقع احد عنده جواب للسؤال
مآلك عدل نظـآرته يحاول يخفي توتــره : ويآمن؟
مروى : إيش فيه يامالك؟
مـآلك : بسئل لو
قاطعتـه مروى : لك هنـآ قد إيش ماجتمعنـآ على طاولة اكل ولا سئلت عن أحـد فينـآ !_ سكتت وقبل لايعلق قالت _ إنتا جيت لكن لدحين بتشرد مننا
مـآلك : حاسه راحـه بوجودنـآ ؟
حركت راسها بنفي : لا ..كنت اتــمنى ترجعو بس لما رجعتــو أتمنيــت إنو امنيتيي ماتحققت , أتوقعت كل شي حيتصلح برجعتكم
مـآلك : لقيتي جوآبي في كلامك
مروى ابتسـمت : انا كنت اباكم ترجعو حٌبــآ فيكم انتا رجعت لأسباب شخصيــه
مآلك : وايش هيا اسبابي !
مروى : مالك انا اعرفك لدرجــه حاسه انك مشتاق وبنفس الوقت تبى تكسر عينهم انتا رجعت لكن مو عـآرف تميل لأي اتجآه
مآلك : ودام عارفتني لدي الدرجه ليش ماعذرتيني
مروى : لأنو صعبه كل مره اديــك مبرر وانتا مابتفسر اذا كلامي صح ولا غلــط في مرحله يوصلها الوآحد يششتري نفسـه ويبعد عن الكل , راحة بالي كآنت في لحظـه من اللحظات اهم منك ومن يآمن
مـآلك : كلنا اشترينـآ رآحة بـآلنـآ , اديتك خيـآر تجي معايا ولا تعيشي معـآهم إنتي طلبتي تجلسي , دا اختيارك يامروى
مروى : ومو ندمـآنه عليــه انا مرتـآحه جمب ماما حتى لو هيا غلطـآنه بس خلاص بدأت اتعود سار مايفرق معايا تصرفاتها لكن يـريحني وجودها
مـآلك كآن بطرف لسـآنه العتــب
بطرف لسـآنه انتي سمعتي ماشوفتي بعيــنك
انا شوفتها مره ومرتيـــن وثلاثــه مع وآحد غير ابويـآ
شوفت تفاصيــل لدحين تدور برآسي
اتنهـد : في النهـآيه الحيـآه ماشيــه
مـروى : الحمدالله _ شربت من كوب القهوه ورجعتـه على الطاولـه _ اتوقع ماجيت من هنـآ عشان نتكلم بدي المواضيـع
مـآلك بتوتر يحاول يخفيـه لكن واضح بحركـة يده : لو ..قلتلك ..موضوع يخصني أنـآ ورهف..._ سكت للحظـآت طويلـه حاسس بصعوبـه الكلمـه
غير طريقـة جلسـتـه باارتبـآك
كآن حينسـحب لكن شكل رهــف المرسوم في بـآله خلآه يقول بصعوبـه واضحه : تقدري تسـآعديني؟
الدهشــه واضحه على ملامــح وجههـآ
توتره وطلبــه ولأول مرا انو احد يوقف معـآه
تركت كوب قهوتها بااهتمام وخوف : اكيــد ..ايش سـآير
حرك نظارتـه الطبيـه ...عينه على مروى بس لسى صـآمت
30 ثـآنيـه وقالت مروى : مآلك !
رفع حوآجبـه الإثنيـن ..ثواني مرت وبعــدها وقـف
نادتــه لكن مشــي باإتجـآه الباب
قامت من مكـآنها
مشيــت وراه
مسكت ذراعه ووقفت قدآمــه كآنت حتتكلم إلا انصدمت لما شافت دموعـه بعينـه
بصوت حـآد ومـآزال يتمـآسك : نتكلم في وقت ثاني
خــرج من غرفتــها ...وكل اللي في راســه
كلامــه وهوآ صغيــر
مشــآعره وهوا صغيــر
لكن حـآليا مو إتجـآه سلوى
اتجـآه نفســه
كره سلوى لدرجهة ســآر نسخــه منــها
فاهم كل مشاعر رهــف لدرجة يخجل إنو يتعـآمل او يتصـرف معـآها
رجـع لقسمــه سمـع صوت بكـآها ماقدر يجلس ثانيــه في المكــآن
خرج من البيــت بكبـره , ركب سيـآرتـه , اتوجه لشقـتــه
جلس على الكنبــه , ورجولــه يحركــه بطريقــه سريــعه
يحتــآج حــل
يحتــآج شي يخرجه من الجنــون اللي يعيشـه حاليـآ
حآليــآ أتذكر كيــف كآنت اياديــها حوليـن جسمــه
تبــعده
تضـــربه
رجـع البيت ورقبتــه مشوهه من اظافرهـآ
حاليا استشعر بلمسـآتها كيــف كآنت
بكل قوتــها عـآرضت , بكل قوتها صــرخت
لكن حـآليا بــس بدأ يحس بتلك اللحظــآت
أمـها كآن حـــله ..
حيوقف قدآمها ويتكلم ماعنــده قوه
يحتـآج قــوه تخليــه يتكلم , قوه إنــو يعتــرف بغلـطه
هوآ مو نفــس سلــوى
دي الفكــره حتقتــله
اتــوجـه للحمـآم حبوبـه مرمى في الأرض
ماكان دا المهدئ الوحيـد اللي عنـده
فتح الدولاب سحب باأيادي تتنـآفض علبتيــن
دخل المطبـخ خرج قاروره مويا من الثلاجـه
واخد حبتيــن من كل علبــه
كثيــر لكــن يبـآ ينسى نفســه
دا الدرع مــحد يقدر ينتشلـــه غيــر حبوبــه
مشي بااتجـآه الصـآله , جلس على الكنبـه , وحــركة رجولـه مستمــره
دقـآيق وبدأت تخـــف ,حط نظارته على الطـآوله
وجهه شـآحب
اخد جوآله , فتح الواتس وكتب لمروى "اطمني على رهف "
ودقــآيق واتصـل على ام رهف ..
ردت .. فز قلبها ..خافت إنو يكون ســآر شي فاردت
: الو
مـآلك وقــف :هلا
من ورى قلبها : خيرر !
مآلك مشي بتوتر ,يمرر يده على شعره وذقنـه كل شويـآ
ايش يقووول
كيف يبـدآ !
للمره المليون الإعتذار اسووء
: أنا ورهف حننفصل
كآن الصمت طويل من ناحيتها بعدها علقـت : وأنا إيش دوري بزبـط !
: حتـرجعلك
: ماشاءالله مين قرر إنتا ولا هيـآ
مـآلك : ممكن تسمعيني ؟
: لا سمعتك مره وماحسمعلك تـآني قرارها تتحمل نتايجـ
قاطعهابدون مقدمـآت طويله : أنـآ أتبليت عليـها _ ماسمع صوتها فاكمل _ مقاطع الصوت انا ركبتـها هيا مانطقت ولا حرف , خرجت معايا عشان تقولي مابى اكمل معآك لكن انا سحبتها من السياره ودخلتها البيت وسويت كل شي غصبا عنها ... ماكان باإرادتها ,حاولت تبعدني لكن خلصت اللي اباه ورميتها لكي, اتصلت عليا بعد فتره قالتلي انا حـآمل و
قاطعتــه بصوت مهزوز : إنتا ايش بتقول !!!
كمــل وكأنه ماسمعها : مآكفـآني اللي سويتــه قررت اتزوجهـآ وماحقدر اتزوجها برضاها لكن برضاكم حقــدر
خلص !
انتهى بكل سهولـه سرد معاناه أم وبنتــها بكل دم بــآرد !
ماكان فيه تفــآصيل مـآكآن فيــه ندم , مآكآن فيه اي شي يخلي الوآحد يستوعب إنو كلامــه صح !
ام رهف ضاعت الكلمـآت منها : إنتا ... لو .. ايش ايش بتقووول ...انتا بعقلك !! ... الكلام اللي بتقوله انتا سامعه ولا لأ
كآن يبــكي
كآن يبكي لكن صووتــه على وتيــره وحده ولا أتهز
مآلك جالس على الكنبه ضاغط على عيونه بيده اللي ترجــف: تبا ترجعلك
: شووف ...لو ...لو دا فلم إنتا وهيــآ مس
قاطعها : من البدايه حآولت تفهمك لكن سمعتيلي ماسمعتيلها
صرخت : صددقت الشي اللي سمعته باأذني صدقت الشي اللي شوفته بعيني بنتتتي حامل وكآنت تقولك بصوتها تعال لللبيت ايش
مـآزال يقاطعها : إحنا في زمن حتى الصوت ماسار دليل قاطع على صحتـو
باانفعـآل : هوآآآ إنتا لللليش بتتكلم بدا البرووود
مآلك : كلامك حيكون مع بنتـك اليوم حتجيكي
:أسسسمع والله والله لو كلامك اللي بتقولـه طلع صح صدقني ماحيسكتني غير سجنـك
مـآلك : أقرأي الإسم اللي بعد اسمي مزبــوط بعدها فكري بكلامك
: والله لو إنو ابوك حــآكم البلــد لو بنتي أكدتتتلي كلامك ماحرحمكم كلــكم
: عندك شك بكلامي ! مع إنو رهف اكدت كلامـها قبل كدآ ليش دحين حتصدقيها ؟ حتستقبليها وتقوليها حكيني كل شي ! ولا حتستقبليها وتعتذريلها لأنك ماسمعتيلها !
عـآرف امـها قاسيـه
حتفــهم الكلام منهآ اول ورهـف مو ف وضع انها تعيـد وتتكلم ..
ام رهف مو قـآدره تستوعب اي كلمـه , جسمها ينتفض ..ازعـآج سار فجاه حوليـها قالت بصوت يحاول يتمـآسك : انا ححجز اليوم حشوف متى رحلتي واكلمها
: كلميني انا
زادت الاصوات حوليـها قفلت من غير اي كلمـــه
اما هوآ ارسلها اسم برنـآمج الصوت وكتبلها " ابحثي عنـه "
صورلها اخر محادثاتــه كلها مع رهف وكتبلها "دا اخر كلام بيني وبينها قبل لاتخرج من عندك "
ورمـى جوالـــه
سنــد جسمــه على الكنبـه , مسـح دموعـه
وفضل بجمــود وألم داخلي لحــد مالحبـوب اتمكنت منــه ونآآم بنفس الوضعيـه
,.
دخــلت منـآال العمـآره وقبل لاتطلع الدرج امهـآ دخلت وراها ونـآدتها : مننال
منال طالعت فيـها : ايوا ؟
امها : فين نظارتك !
منال : مو قلتلك بعدين احكيكي خلاص روحي لخـآله
امها : شكلك مو عاااجبني ليش ملابسك وشعرك بدي الطريقـه
منـآل : ياماما خرجت عند وحده اعرفها وطحت في المسبح بس !
امـها بنظرة شك : مين دي ؟
منـآل : شهـد
امها حركت راسها : طيب بعدين نتكلم
منال ماصدقت تطلــع بيتها , تغير ملابســـها
وتنـآم , ابتســآمه ودخلت في سابع نومـــه
,
ومــرت 6 سـآعــآت على الكـــل ...]
فــراس بيــن شـآدي ورجـآله وارتـآح نفسيــآ لما اتكنسلت عمليـة اليوم وحيأجلوها لبكـــرآ
قصي مــآزال في الكـآفي وصبـآ معــآه
مــآلك فتح عينـه , حرك رقبته باألم , دقـآآت قلبه سريــعه
خمول وتنـآحه للحظـآت عشان يستوعب كل شي يمر فيـــه
سحب جوالـه , قرا كلام مروى "انا خرجت من البيت فيه شي؟ "
قام بردة فعـل سريــعه
يطالع يمين ويســآره بيا سويتش السياره
انعمى للحــظآت ...
مرر يدو على جبينــه , موطبــعه يرمي بعشوائيــه
لكن لما وصل كآن بدون عقــل
ودور في البيت كلو لحد مالقـآه في المطبـخ ..اخد النظـآره علب حبوبــه
خرج بخطوات سريــعه ركب سيارته واتوجــه لبيت اهلــه
صدآع , زغلله بعينـه , دقات قلبــه على نفس الســرعه , غثيـآن , كئااااابــــــه
يضغط على طـآرة السياره عشان تخف رجفــة اياديـه
الحبوب لاعبــه بنفسيــته لعــب
وصــل ...
اتـوجه لقسمــه على طول , لمح امــه , لمح يااامن
لكن كمــل طريقــه بااتجـآهها
الباب مفتــوح
دخل بردة فعل سريــعه ولقى مرووى جالسه على طرف السرير
ورهف مغطى باللحـآف
مروى دارت راسها لما حست بدخول احد واول مالمحــت مآلك وقفت وعينها تنطــق عتب , قهر
صدره يرتفع وينخفض بطريقـه ملحوووظــه , جات لحـــده قالت بهمــس وعدم استيعـآب : ايش سويت في البنت !
مروى اشرت على الباب : يااامن جابها كآنت تصرخ تحت تبــآ تخرج _ دفتــه بقهر _ انتا مجننننون !!! قووولي هااا
ارتفــع صوتها ومـآلك بتشتت اترفعت عدسة عينه على رهف : اطلعي برآآ
مروى : إنتا اسووووء من باباا بمليووون مرره احمد ربــك البيبي اللي في بطنــها نزل ولا كآن حيعيش اسوء من حييياتتتك
مـآلك :مروى انكتتتتمي واخرجي من
مروى انفجرت اكتفت منــه : إنتا اللي نباك تخرج من حياتنــآ , قبل لاتجي تتتتلوم احد من اهلك طـآلع وحاسب نفســك , شوف قد ايش انتا سيئ , انتا سبب تفكك العيله كلــها , لاتحط اللوم في ماما وبابا انتا لو سكت وخليت كلامك لنفسك كان كلنــآ مازالنا هنــآ ومبسوطيــن إذا انتا ماكنت مرتــآح دي مو مشكلتنآ إذا انتا كنت محتاج ام واب زي اي عيلــه مو مشكلتنـآ إنهم مو على مزآجك إحنا رضينــآ وإنتا مارضيت فاليش فرقتنــآ_ اشرت على سرير رهف _ هاا إنتا كنت حتبدأ عيلــه بطريقــه ابشــع من ماما وبـآبا
صدمتــه !
كآنت تبــآه يحتفــظ بســر يامن !
كــآنت تبى اخوهــآ يكبــر وهوا مو عـآرف انو دا مو ابــوه !
تدور السعـآده حتى لو كآنت كــذب
وجــآت تلومــه !
بعد معـآنــآته كلــها سار هوآ السبب !
باعد عن شفـآيفــه وقال بصوت شبه متمـآسك : قولي للخدم يلمو عفشــها , لما أمهـآ تكلمني حديكي خبــر
اترفعت عدســة عينــه بااتجـآه السرير , شايف بس هيئة جسمــها
قلبــه قبضــه
كآن دا ودآعــه لهــآ
دي آخر مــرا حيشوفــها فيها ..
دار جسمـه حيخــرج إلا مروى وقفتــه بصوتـها : لاترجع يامـــآلك
مشــي ...خرج للمــر الطويــل زي اخــر مره خــرج فيـها من دا المكــآن
كـآن يتوقــع انو ماحيرجع لكــن اشتــآق ورجــع
اتوقــع لو خرج اللي في راسـه وعــآقبهم حيرتــآح
لو جننهم شويــآ زيي ماجننوه حيرتتتتاح
لكـــن خرج اسوء من اخــر مرآ
نزل الدرج ويـآمن طــآلع
مــحد جات عينــه على الثــآني , كل وآحد راح باإتجــآه معــآكس
خرج دي المره وهوآ مجــرم بعيــن الكــل ...
,',
في الكـــآفي ...]
يُمــر الوقــت ببطئ مو طبيـــعي ,,يحتـــآج يتكلم معــآها
له 7 ســآعات مخـه مو راضي يخرجها من راســه
تفاصيــل اليوم واللحظـآت االلي بينــهم اول ماتتعـآد براسه يبتسـم ويحـآول يتذكر انو حوليـه نـآس وتختفي ابتسـآمتـه
حضنــها لوحده شي اخده لـعـآلم آخــر ...
حيحــآول يوقـف الهــوس دآ كآن قانونــه وآضــح
لأنــه مشـتاق ماحيتصــل عليـها ... ولا حيسئــل
وكآن فيه جانب لطيف جوتــه يديـه مبرر لعدم اتصـآله ويقول " خليها ترتــآح "
والجــآنب الثـآني اإللي مآزال لدي اللحظـه متمـآسك "اساسا ماحتصــل "
وبـــدأ الصرآع الدآخلــي لمشـآعره ..
أغآني ... اصوات همسـآت ... المكـآن بدي يميـل للهدوء
أنفتــح بـآب الكـآفي ودخـــل .. اتوجه لحد صبا وقصي وهوا يدور بعينــه عليـها ...
قصي غير الاغنيــه حط الجوال على جنب وشــآفه !!
رفع حاجبــه
ماطلــب شي يامن رفــع جوالـه واتصـل ..: هلا منـآل ...كيفك ... ايش بو صوتك ! ...أووه سلامتــك ..لا جيت الكافي مالقيـتك قلت اشوف فينك ماتوقعتك تعبـآنه _ طالع في قصي واشرلو بيده على قطعه الحلى وأشر بصباعه يعني قطعه وحده واندمج بالمكالمــه _ كآن نفسي اشوفك بس يلا ماعليـه ... عادي نتكلم هنآ .._ شد على حواجبـه وطالع في قصي اللي ماتحرك وسار يأشرلو تـآني بنفس الحركه _ روحت شوفت الموقع اليوم ماعجبني ..مدري قلت مو خسران يمكن يكون ليا نصيب فيها لكن برضو على نفس موقفي _ بنرفزه _ دقيقه دقيقه يامنــآل _ طالع في قصي _ هييي انا بهــرج معـآك !
قصي عـآد كلمـه هيي بصدمــه : هيييي !!
يامن : مرتين بقولك الطلب
قصي علق على نفس الكلمه وكأنو يدور حرش : هييي !!
يامن : يخخخي لو سمممحت المهم فكني وجبلي طلبي
قصي : قوول للسنيوريتا المريــضه تنزل تديك طلبك يمكن تفهم لغة الإشاره احســن مني _ سحب جواله بنرفزه حاول يشغل نفسه بقدر الإمكان عشان لايتمشكل معاه _
صبـآ سلمت طلب القهوه وعينها كل شويا على قصي ويامن
قصي لو ماسك الكآفي حيشــرد نص النـآس جات لحد يامن بااعتذار : معللليش ايش هوا طلبك ؟
يامن مآزالت عينه على قصي بحقـــد , رفع حواجبه عدم استيعاب وطالع في صبــآ وقال طلبــه
امــآ منــآل
وقف قلبـها لما سمعت صوت قصي , ماصدقت يـآمن يرجع يقولها : ايوا
منـآل : ايش فيــه
يامن خرج من الكـآفي وهوا متنرفز : دا الي يشتغل معاكم مرا وقــح
منـآل ابتسمت عارفه طبـعه وحاليا كل عيوبـه حابتها : ايش بـو ؟
يامن حكـآها بتفاصيـل وهيا ضحكت : طيب عيب يعني تتعـآمل معانا كدا
يامن : انتي بصف ميـن
منـآل : انا بصفك وصفـه يعني في النص فاهم هوا اوفر وانتا المفروض ماتسوي كدا
يامن:ههههههههه دحين سؤالل هوا ليش حشرك في الموضوع !وإيش عرفــو اصلا اني بكلمك !!
منـآل :مدري
يامن : المهم خليا فينا , مافكرتي في الموضوع
منـآل غمضت عينها بتعب وفتحتـها : لا .. انسى يايامن موضوع إني اخرج معاك ولو فتحتو تـآني بجد حتضايق
يامن : ايش مشكلتك ؟
منال : مشكلتي اني ماحب دي الحركـآت ومالها داعي
يامن : ايش فرقت عن جيتي للكـآفي ماكلها وآحد
منال : انتا جيت مو انا اللي جيتك
يامن : اهاااا
منـآل : تفرق كتير
يامن : بنسبه ليا ماتفرق دام بنجلس مع بعض في النهايه
منـآل : مآقد جلست معاك انتا بتجي تسلم وتمشي
يامن : ههههههههههه عشان تعرفي اني طيب لدرجه اني مافكرت بحركاتك
منال : ههههههه بجد يعني مالها داعي انا اتوتر ترا
يامن : طيب عشان كدا احب اشوفك
منال سكتت وهوا قال بتبرير : اسمعي خلاص انا فهمت عقليتك وإنتي فاهمه عقليتي لما اتكلم زيي كدا مو معنـآته ابا شي منك او حب او
قاطعتـه : طيب لاتقولو خلاص دام مالو هدف
يامن : ماعلينـآ حكبت احسـآسي
منال : كويس برضو
يامن : انتي ليش شايفه نفسـك !
منال بتفاجئ : انااا !!
يامن : ايوا ماتفكري تكلميني إلا لو انا كلمتك
منآل :على فكره انا ماحب امسك جوالي كثير
يامن: هههههههه يعني ماتحبي تمسكي الجوال ولا تحبي تخرجي الواحد كيف يتواصل معـآكي
منـآل : هههههه مدري ,,اهو اتصلت رديت عادي
يامن : وبعدين تقوليلي مو شايفه نفسي
منال مستغربه من الانطبـآع الي تركتـه لكن حبـته
هيـآ جميلـه جدآ بعين دا الشخــص
هيا شخصيتــها معقــده ويحـآول يتقرب منهـآ عشان يفهمهــآ
كل الاشياء اللي كـآنت ماتحبها بنفسـها يامن يعلق عليـها وتلفتـو
دايما نقاشاتـه عن مسلسلات او افلام او عملـه الخـآص
حيــآته مستحيــل تعرف شي عنــها وماعندها فضول تعــرف
فيــه شخص غيره اخد حيـز كبيـر في تفكيـرها
قفلــت من يـآمن , سحبت منـآديــل ومررته على خشمـها
حولينها كلو منــآديل مرمى في الارض على الكومدينــه
الزكمــه قاتلتها
اتربعـت على سريرها ورفعت اللحـآف على راســها واتغطت وكأنه جاكيــت
وجوالـها بيـدها , ابتسمت لما اتذكرت كلام قصي
نرفزتــه كآنت غيــره , اسلوبـه انو عـآرف يامن يكلمها على إنو فجعها لكن واضح إنو متنرفز
اتصــلت عليــه مارد!
فضلت جالسـه وتستنـآه يرجع يتصـل
طالعت في الوقت , حيكون انتهى من نص سـآعه
لكن برضـو استنتــو يتصـل ..
قصــي أتوجــه لشقتــه ,قفل الباب إلا دق جوالــه ,شاف اسمــها رمى الجوال بنرفزه على الكنبــه : خليــه ينفعــك
دخل لغرفتــه شغل لاب توبــه واتصل على سليم عن طريق احد برامج الإتصـآل
لبس السماعات , ووصلـه صوت سليــم : إيوا ؟
قصي : جا دورك
سليــم : فين ومتـى ؟
قصي: بعد يوميـن في نفس مكـآن التسليـم
سليـم : طيب
قفــل من سليــم , اتصفح مواقــعه المهمـه , ماكان فيـه شي ملفت وجديد
خرج للصـآله اخد جوالـه اتنرفز لما لقى بس إتصـآل وآحد
اتصل على شـآدي واداه خبــر ... وبدأ تحت صـرآعه الآخر
منـآل
يتصـل
يطنــش
وفجأه سار عيــب يطنش وحيتصل بس لأنــه هيا اللي بـآدرت
اتصـل ..ووصلـه صوتها المريـض : الو
ووصلـها صوتــه المتنرفز : هلا ...كيفك
: تمام وانتا كيفك
: كويس
سكــت
غمضت عينها بااحراج وقـآلت : انا افهم لغة الاشاره ؟
رفع حاجبــه وقدم جسمه لطرف الكنبه سحب بكت السجــآير من على الطـآوله وماعلق عليـها
سحب السجـآره من البكت , رمى البكت على الطاوله ولع السجـآره وببببببببببعدها قــآل : جيبيه تــآني وشوفي ايش حسوي فيـه
فجعها كآنت اخده الموضوع ببلاهه : ترى موضوع سخيـف حتى هوآ اخده بسطحيـه م
قاطعها بنرفزه لما جابت سيرته : إيش دخل أمي فيـه , قلتلك لو جــآ ثاني شوفي ايش حسوي فيــه
يحــرك رجولــه , اتمنى ماتصــل , مو قادر يتحــكم بنفسـه مو قادر يتحكم باأفكــآره وهوا عــآرف انو داك الشخص متجنن عليــها
يبــآ ينهي الإتــصــآل
لا يبــآها اوول تعــرف إنو هيـآ مالها صلاح , نفس الشخص مو عــآجبـه كآن حيتكلم إلا هيـآ قالت : مو فاهمـه ليش دآ كلو
قصي قرب السجاره من فمو وسحب نفس , شي يديــه شويـة كنترول على تصرفــآته لكن كآن جدآ صعب بعد تعليقـها الثاني : يعني إنتا بتشتغل في المكـآن وهوا جاي يشتري ماتبى تتعامل معاه لاتتعـآمل
بااسلوب تحذيــر بنبرة صوت فجعتـها : عيدي كلامك ثــآني
قلبــها فجأه دق بطريقــه سريــعه , غيرت جلستها بتوتر : ماحبك تدخل في مشـآكل مايستاهل تعصب عشان شي تافه
قصي :واضح إنو اشتكى كثيــر
يبـآاها تقولو لا , ماتكلمنا اساسا كثيــر اي شي يهجده شويــآ
منـآل : قـآل عنك عصبي وترى دافعت عنـك
قصي بااستهزاء : ياااشيـــخه
منال ابتسمت وهيا تتكلم بنفس النبره وعارفه انو بيتنرفز : كنت للأمـآنه حياديه غلطك وغلطتــو
ماعلـــق
مــــآعلــــق
بتلعب في منطقــه غلــط
منطقـه ابدآ مو منطقتــها ... حاول بقدر الإمكـآن يمسك اعصـآبـه : لما نتقـآبل بكرا يسيـر خيـر
منال وسعت عينها بصدمــه , تبا تضــحك على خوفها من بكــرا لكن تبا تضحك حاليـآ
قفــــل منها لأنه قــآعد يجيب العيــد معـآها
مو قــآدر يتحكم بااسلوبـه ونبرة صوتــه
طفى السجــآره بدون مايخلصــها , مررر يده على وجهه
إللي قـآعد يسـيــر معاه غلــط جدآآآ غلــط
ايش اللي سـآر في المنتصف مايدري فجأه وصــل لدي المرحلــه ..كيف مايــــدري
قرآره اليوم ..
بكرا ماحيفتح الموضوع
كويس فيه شخص بينـــهم ..
زفر بتــوتر
خرج من شقتــه ..يحتـآج شويــة هوى
وصــل لحــد باب العمـآره
انتبـه لسيـآرة مـآلك في الشارع المقـآبـل .. جلس على الدرجـآت
وأخدتــه الأفكــآر لبــعيـد ... 20 دقيـــقه جالس ويفكر بالكل
فراس , شادي ,عدنان , اهله ,همــآم
مو خــآيف من أحــد , بس خـآيف مايقدر يآخد حقــه
دا رعبــو في حيـآته ..
رفع عدســة عينـه على سيـآرة مـآلك , مـآزالت الكشـآافات الأماميـه مفتــوحه
رفــع جوالـه واتصـل على مـآلك بس مآرد ..
مو عـآرف هوا وسط السياره ولا ناسي السياره مفتــوحه !
قرب من سيـآرته
مضللــه مستحيل يبـآن ششي جوتــها جـآ لحد مقـعد مـآلك دق على النـآفذه
كآن حيمشي بس بتردد حط يدو على الباب فتحــه وفجأه انددددفع الباب بكل قوتــه
شد بذراعه الباب دخل يده ومســك جسم مـآلك , فتح الباب لما حس إنو مـآلك اتحرك بصعوبه وسنـد جسمـه على الكرسي
كآن قصي حيتكلم بس انصدم من علب الادويـه اللي في الكنب اللي جمبـه واحد مكبوب والثـآني مقفـل
نقل عدسـة عينـه على مـآلك :إنتا كويس؟
مالك : كويس
قصي مـآزال يطـآلع فيــه وهوا يفتح عينـه ويغمضهـآ , يتنفس بشكل متوآصــل
مد يدو بااتجــآهه : تعــآل ادخل
مآلك : لا ...مافيا ..شي
قصي مسك ذراع مـآلك : قووم
كآنت القوه حــل إنو مايعــآرض , وقف ومسك في الباب المفتــوح , دخل قصي جسمــه واخد المفاتيح وجوآل مـآلك
وقبـل لايخرج مسك علبـة الدوآ المفتــوحه وقرأ إسمــها وسحب جسمــه ... قفل الباب مسك ذراع مـآلك بس مآلك صمم انو يقــدر يمشي
وفي نص الطريــق قصي مسكــه لما قال مآلك : مو شايف طريقي
اتوجــه لشقتــه فتح الباب ودخلــو , فتح الاضائــآت
مـآلك مد ذراعه بااتجـآه الجدآر , كآن يبـآ يهدى الحبه والحبتين متأثر ماتتتسوي شي 6 حبــآت اخدها مره وحده
وحاليا كل شي يحــس فيــه مو طبيــعي , مشي بصعوبــه ورجع قصي مسكه , مشي معـآه لحد الحمام شغلــو الإضــآءه
ووقــف قصي مصدوووم !!!
اتوجــه مـآلك يحاول يستــفرغ ويخرج الحبوب
اما قصي عينــه على الدولاب المفتوح فوق المغسله وفيـها 7 علب ادويــه
على المغسله االلي فيها برضو حبــوب مرمى , علبه فاضيه مرميـه في الارض !
ياأللــه كيف مظهـــره خدآآع
شقتــه المأثثه باأفخــم الاثاث , سيـآرته , لبســه ومظهره في النهــآيه دي الحــآجات ماتعكس شخصيـة مـآلك
الجزء دا من بيتــه الدولاب الصغير المليئ بالعلب المهدئـه هوا فقط الشي الوحيـــد اللي يعبــر عن مـآلك
مــآلــك مــآزال مــآلك ..!
في المـــآضي ...]
السـآعه 3 الليل في شقــة عدنــآن ..
مـآلك قـآم من على الســـرير خرج من الغرفــه وعينه تبحــث عن حسـآم
يدخل غرفـه غرفــه , اتوجه للمطبـخ , للحمـآم
وبعدها لمــح باب الشقـه مفتـوح
مشي بخطوات ســريعه ااتجـآه الباب نزل من الدرج وشــآفه يمشي : حسسسسسام
حسام جا بااتجـآه مـآلك وقال بصوت واطي : إيششش جابك
مالك بعصبيه : فيين رايــح
حسـآم : حعرف كل شي بنفسي
مالك : طيب حجي معـآك حندور على كل شي مع بعض , انا مصدقك بس لاتخليني وتمشي
حسـآم بتردد : بس اهلك حيزعلو عليـك
مآلك : كم مره اقولك محد حيحس
حسام طـآلع برجول مـآلك الي بدون جزمـه وببجـآمتـه : مايسير تخـرج كدآ
مـآلك : اصلا مايسير تخرج بدون فلوس واكل
حسـآم رفع حاجبه : مو لازم اكل
مآلك : اسمع انا عندي فكـره بكرا حرجع البيت حجيب فلوس ونــروح مــع بعض
حسام : ماحتشتـآق لأهلك ؟
مآلك حرك راسـه بنفي
حسام بصوت مهزوز : حتسـآعدني حتى لو خوفت ؟
مآلك : إنتا خـآيف؟
حسـآم اشر راسـه بالإيجـآب ودموعه بعينــه
مـآلك بلع ريقــه وقال بكذب : انا مو خــآيف ..خلينا نرجع دحين وبعديـن حسوي كل شي تبـآه
وطلــعو الدرج مــره ثانيـه , ورجعـو لغرفتــهم ...
7 شهــور مــرت وهمـآ بنفس البيــت
مسدوح كل وآححد على ســريره ويطـآلع في السـقف
حسـآم : مآلك
مآلك : نعم
حسـآم : ليش خال عدننان كذب عليـآ
مآلك : مدري بس أنا متأكد إنو الرجال مايشتغل في الشرطه
حسام: هوا خلاني أحكيه كل شي وقال خلاص سيب الموضوع عليهم
مآلك : مدري بس خالي عدنان يحب امك وابـوك هوا كمـآن يبا يعرف الحقيقه
حسام جلس على السرير : انا لو شوفت الرجال اللي دخل بيتنـآ حعرفــه وحجيبـو بنفسي ماححتاج احد
حسام فجأه اترمت عليـه مخده بالظلام : هههههههههه اقصد بس إنتا
مـآلك : ايووا
حسام قام بسـرعه من على سريره وجلس على سرير مـآلك : مـآلك ليش انتا ماتحب أهلك
مآلك دار جسمـه وغطى نفسـه باللحـآف : ابا انـآم
حسـآم سحب منــه اللحـآف : كيف حنروح مع بعض واانا ماعرف اسرارك
مـآلك رجع اتغطى باللحـآف : ماعندي اسرار
حسـآم سحب بقوه اللحـآف : والله احلف بعدين امشي بدون ماتدري
مـآلك مااخد اللحـآف وحسام مســكه : قوم اجلس خلينا نتكلم
جلس مـآلك بتردد : ماعندي اسرار ماعندي شي اقوله
حسام : كذاب حتقولي ولا
مـآلك : خلاص طيـب
حسـآم :ها !
اضائه خافتــه , جالسين قبال بعض على السرير عيونهم بااتجـآه بعــض
ويترقب حسـآم قصــة مـآلك
كـيف يقــول لمرآهق زيــو شغالتنـآ تتحرش فيـآ ... او أمي تدخل صاحب ابويـآ البيت بغيابـه , أو موضوع يـآمن ! .. ولا إنو ماعندي اساسا ام واب يسئلوني كيفك او حتى يعبروني
كل موضوع يجي في راســـه ويحس بصعوبـــه إنو يقولو
يحس انو حرااام شخص بعمره يعــرف دي المواضيــع
بـــكي
غطى وجهه وبكي
حسـآم انصدم قال بتوتر: مآلك ايش بك
مـآلك بين انهيـآره قال : لا تقــولي ثاني حكيني ...انا ابا اشــرد من بيت اهلي ..حروح معــآك فين ماتــروح
حسام جا لعنده : خلاص طيـب لاتبـكي مابى اعرف اسرارك
مآلك مسح دموعه وقال الشي اللي يقدر عليـه : انا احس بخوف هنـآك , احس إني مخنــوق ومو قادر اتنــفس لو عشت هنـآك زيـآده ماعرف ايش حيسير فيـآ
الآن ..]
خــرج قصي من الحمام وانتظــره في الصــآله
يطـآلع باارجـآء البيت , منــظم ومهووس نفس نظـآفته وهوسـه وهوا صغيــر
محد فيــهم اتغيــر ..
قبـل ســنــه ..]
في بيــت همـآم
جالس حسـآم على الكنبـه ومادد رجولـه لنهايتــها ومعـآه ريموت التلفزيون
جـآه همـآم جلس على الكنــبه إللي قبــآله : حسـآم
بدون مـآيطـآلع فيـه : هممم
: لقيتلك شقـه قريبه من الكـآفي
: طيب
همام : قفل اللتلفزيون واجلس بتكلم معاك في موضوعع
نبــرة همام دي تخليــه يرمي كل شي بيــده و لا يفكـر
جلس بردة فعـل سريـعه : هلا
همام : اخترت دي العمـآره بذات لسببين الاول إنتا عـآرفه الثـآني في دي العمـآره سآكن مآلك
شد على حوآجبـه : مين مآلك !
همـآم : مآلك سلـطآن ولد اخت عدنان
أتوسـعت عينــه بصدمـه , رفع صباعه بتحذيـر : أصحك تحطني قدآمه أصحححك
همـآم : أسمعني مآلك دكتور , تخصصـه قريب من تخصص خـآله ماحيككون اختاره من فرآغ لـ
وقف حسـآم : انا قلتلك ماحوقف قدام اي شخخخخص كنت اعرفـه زمـآن
همام : لاتعصب قبل لاتفهم الموضوع مآلك حاليا مو نفس مآلك اللي كنت تعرفــه
حسام : ماهمني ايش ســآر كنسل اوم الشقــه
همام : استئجرتها خلاص انا مابخيرك لاتفكر بعــآطفتك كم مره اقولك دا مو طريقـك
حسام : تتوقع ماحيعرفني ! تتوقع في يوم ماحيوقف قدامي ويسئلني اذا انا حسام ولا لا
همـآم : فاهوآ مجنــون مو مشكلتك ! حسام مـآت وسؤآلــه يدل ل
حسام قاطعـه بعصبيــه : يدل على ايش !! سيبك منـــو انا ايش تتوقع درة فعلي لو سئللني دا السؤال , كيف حررد على وآحد عارف اني ميـــت لكن شافني في شخخخص قدامــه فكر فيا على الأقل
همـآم باإصرار :اعرف انو صعب كل شي بتسويــه مقدره ياحسام لكن مآلك قريب من خـآله , خلينـآ نفترض إنو يشتغل بدا المجـآل معـآه أفرض انو هوا الشخص الوحيـد اللي ممكن يسهلك الموضوع !
حسام حرك راسـه بنفي : حسوي كل شي إلا إني أقرب من اشخاص كآنو يعنولي في يوم
همام : ليش عدنان ايش كآن بنسبه لأبوك !
حسام اتحرك بقلة صبـــر في الغرفــه ,حرك يده على شعره بتوتر : مآلك ماحيشتغل مع
همام قاطعــه ورفع صوووتــه : إنتتتتا ليش تحسسني إنو مآزلت عآيششش معــآه كل النـــآس نسو وجووودك كل النـآس اتغيرت لاتكون زي ابــــوك و
حسام بعصبيـــه صرخ بكل صوتــه : خلآآآآآص ابوووك اببببوك ذلللليت أمممي في ابببوك _ اشر على نفسـه _ يخخخي انااا ماااقدر, انا مشتـــآق لكل النــآس اللي كآنو حوليــآ هما نسوووني بس انا لسى مانسيت احدد هما ماحيتذكروني لكن انااا حتذكر كل تفاصيلي معــآآهم , تتتوقع انك حاقد اكثر مني ولا تبى تجيب حق اهلي اكثر منــي !!! تتوقع ماتجيني لحظـآت نفسي اوقف قدام عدنان واقتلــــه وانتهي من كل شي انا اخترت دا الطريق بنفسي انا اختترت اجيب حقـــهم واقول لكل النـــآس ميــن قتلـــهم انا ماشي بدا الطريق باإرادتي عشان اكشـــف ايش ذنب امي وابـــويا في التجــآره الوسخــه , لكن مآلــك الشخص الوحيــد اللي وقف معايا بعد وفاتهــم ماحقدر ببسـآطه اوقف قدآمه واكذب عليــه
همـآم ضاع االكلام منـه وحسام جلسسس ودموعه بعينــه قال بصعوبــه : انا بتعــب وربي بتعــب بس بحـآول اوصل للي أباه لكن مو بدي الطريقــه
همآم بصوت خـآفت : اللي يرضيــك _ قام من مكـآنه حط على الطـآوله مفتـآح _ دا مفتـآح الشقــه لو قررت تفكر بعقــل خد المفتـآح لو تبا تمشي ورا راحتك خليــه على الطـآوله
وانسحــــب همــآم ...
ومن متــى كآنت راحتــه طريقــه ..!؟
3 دقــآيق وقـآم من الكرسي ودموووعه محبوسه في عينــه سحب المفتـآح ودخــل لغررفتــه ...
,.'
فــي غرفـه رهف , إثنيــن من الخــدم يلمــو كل الأغراض في شنــط رهــف
ومــروى وأم مــآلك جمب سرير رهــف ..مروى جلست جمبـها : رهــف شوفيهم بيلمو أغراضك عشان ترجعي لأهلك أمك تبـآكي
من بــــعد ماكلموهــآ الف مره ,حركة عدسـه عينها لما جـآت بااتجـآه مروى كآنت اول ردة فعـل
مروى ابتسمت باألم : انا ومــآمآ نباكي تقومي تآكلي وتغيري ملابسك مانبآكي ترجعي بدآ الشكل
رهـف وجهها شــآحب , سواد تحت عينها , شعرها نآشف , ضعف , ألم , نســآنه منكســره
شكلــها يٌقــتل مو قـآدرين يخلــوها تــرجع كدا
أم مـآلك ضمت اياديها بتوتر لبــعد : لو مو عشـآنك عشان امك لاتفجعي قلبــها
عدسـه عين رهف اتوجهت بااتجاه ام مـآلك الواقفــه
مروى كآنت على وشك البكى : اسمعي مآلك خرج مستحيل يرجع تـآني طردنـآه من البيت إحنا بجد اسفين ماكنـآ عارفين ايش بيسير معـآكم
رهف ماطالعت فيها ماتبى تسمع إسمــه ...
مروى : تبي تروحي ؟
رهف واخيــرآ نطقت بصوت مٌتعب , متقــطع : انـ آ ..تـ عبـآنه
مروى نبرة صوتها أهتزت : انا اسفــه لو كآن ليا يد بالموضوع , الله يخليكي قومــي كٌلي عشان ترتـآحي وتقدري ترجعي
رهف كل اللي سوتـه بعدت شويا اللحـآف لتحت صدرها
ماقــدرت تقوم ماقدرت ترفع نفسها عن المخدآت
مسكت مروى يــدها وقومتـها , نزلت رجولها من السرير وجلست للحـظآت
الدنيـآ كلها تدور فيــها
مو شايفــه غير اضائات بيضــآ وسط الظلام
قامت بمسـآعدة مروى , ماتدري لفين بتمشي , كآنت بتمشي معاهم وبس
تبــآ أمها وحتسوي اي شي عشان تروحلـها
قبل لاتخرج من القسم الخآدمه سئلت مروى : دا كلو احطو بشنطه
مروى طالعت في الارض, كلها اغراض رهف : كل شي في الغرفتين حقتها
وخـــرجت ودخلت الخـآدمــه للغرفه الثانيــه وكآن الشي الوحيـد الموجود فيـها
اشرطة التسجيل مرميـه على الكنبــه
شالتها وحطتها في شنط رهف ...
امـآ في الغرفه المجـآوره .. جلست على الكنبه وقدامها اكل
مالها نفس تآكل شي
شفايفها جااافه , عيونها تحتـآج الرآحه , يدها ثقيله ومافيها حيل ترفعها
وسدت اياديها بين فخذها وعينها عل الاكل
مروى جلست جمبـها وأم مـآلك قربت صحون الاكل منها : كٌلي الله يسعــدك
حركت راسـها بنفي : ماليا نفس
مروى: اغصبي نفســك لو ماأكلتي والله ماحتفوقي وحتمرضي زيـآده
ام مـآلك : لو مو عشــآنك عشان أمك لاتفجعيها فيــكي
طالعت فيـها رهــف , الجملــه حركت شي جوتــها
مو قادره تبــكي لأنها انهـآرت داخليـها لدرجة الجمود دا حـآليا
بس امــه جدآ مهتمــه ونظرتها فيها خــوف وقلق
لو كآن مـآلك موجود كآن فسرها كـآلعـآده " خايفه من كلام النـآس , خايفه تمشي وتفضحهم "
لكن الشي الوآضح بنسبه لرهف غير كدآ تمــآمآ
حـآولو معـآها لحد ماأكلت اول لقمــه , وثاني لقمــه وثالث لقمـه
وخــرجت ام مـآلك وسابت مروى مع رهــف
اتوججهت لغرفتـها بخطوآت متتآليـــه قفلت الباب بكل قوتــها
مررت يدها على شفايفــها بتوتــر وكل اللي يدور برآســها " سٌمــعتــهم اتلطخــت "
حتحــآول بقدر الإمكـآن تودع رهف بااسلوب لطيــف
حتحــآول بقدر الإمكــآن تقولــها تحتفــظ بكل شي سمعتــه وشافتــه بدا البيت لنفسـها
" ولــدها مريــض نفسي دا اللي لآزم تعرفـه وهمـآ متعاطفيـن وخجلانيــن منــها "
تحاول ترتب كلآمــها الي المفروض تودع فيــه رهف
تحـآول بقدر الإمكــآن تحـآفظ على مكـآنتها وتبررلها بدون ماتقلل من نفسـها
قطعت اظافــرها باأسنــآنها
ومــآزالت تختـآر جملـها بعنـآيــه ....
,,,.
سحب المنشفـه الصغيره ومررها على فمـه وذقنــه , خرج بخطوات ثقيلـه من الحمـآم
أتــوجه للصـآله ولقــآه جـآلس على الكنبــه ..
وقبل لايتكلم مـآلك قال قصي : كيفك دحيـن ؟
وجه مـآلك كآن يعبــر عن الإختنـآق , حرك راسـه بدون تعليــق
قصي وقـف : أنـآ ماشي لو احتجت شي كلمـني
بصوت أقرب للهمس : شكرآ
انسحــب قصــي من الغرفــه ومـآلك مـآزال واقــف عند باب غرفتــه
دقيقــه دقيقتـــين واتوجـه للكنبــه ونـآم عليـها
مـآكآنت الوحيــده رهـف تحـآول تشـرد من واقعهـآ
كآن قرار النــوم شرود من نفســه , شي صعب إنك تعيــش وانتا عـآرف انك جبروت
النقــآش النفسي اللي بيسيــر جوتــه ماكفتــه الحبوب المهدئـه
حس بلحظـآت من الجنون وهوآ في السيــآره
حبتيـــن وحـآول يهدى
حبتيـــن ثانيــه والوضــع بيـزيــد
حبتيــن ثالثــه ومآزال مخنــوق من نفسـه
كيـــف يصلــح غلـطـو , رجعتها لأهلها ابدآ ماحيغفرلــه فعلتــه ..
[ في المــآضـي ]
في غرفتــه اخد محفظتــه وخرج الفلوس على السرير وبدأ يعدها للمره الرابــعه
جدآ سعيــد بالمبلـغ اللي عنــده
حيكفيــه هوا وحســآم ,
طالــع في السـآعه المعلقـه , رجع الفلــوس في المحفظــه دخلها في جيبــه
وقـآم من مكـآنه آندي دخلت عليه الغرفـه وهوا مبتســم
ابتسمت غصبـآ عنها من النـآدر تشوف الابتســآمه اللي من قلبـه : ماتصـل خالي ؟
آندي : لا
: أوووف مرا اتأخر خلاص انا حروح استنـآهم قولي للسواق يجهز السياره
آندي : إنتا يتأخر ولا ممكن يجي دا اسبوع
مـآلك كآن مبتسـم نفسـه يقولها بس يعرف مزبـوط يحآفظ على اسراره الخـآصه : مدري انا حكلمك
اندي حركت راسـها أخدت شنطتــه اللي في الأرض وخــرجت ...
امـآ هوآ طـآلع بغرفتــه , حيودعها اخيــرآ , مايبى يرجعلــها
ســـلوى آخيــرا حتخرج من حيــآته
اخيرا لمســآتها ماحيحس فيــها
اخيرا حينــآم مرتــآح , اخيــرآ كوابيــسه حتوقــف
أتــوجه باتجــآه الباب ولأول مــرا يكون الأمل بعينــه
فتــح الباب ولقى ابــوه قدآمــه
ارتبـآك طغى عليـه وهوآ يحـآول يحافظ على ســره وخطتــه لاتنكشــف
لكن كآن الطرف الثاني مرتبـك اكثر منــه , قرب لنـآحيتــه وحوط يده حوليـن كتفـه ودخلـه ثاني الغرفـه : تعآل بتكلم معـآك
قٌربــه ماحبــه , رافع اكتـآفه بتوتــر ويدعي جوتــه إنو يبــعد
جلســو على الســرير وانسحبت ايادي ابوه من عليــه ..سكت للحظظـآت وغير جلســته ودلت على اهتمام اكثــر : خآلك عدنان دوبـو كلمني .. _ رجعت سكت _
مآلك كمـل: هوا لما يتصـل انا اروحلو بس اليوم اتأخر من الظهر استنـآه ودحين الساعه 9 الليل
ابو مـآلك مد يدو وحطـها على ذراع مـآلك بااهتمام وحرك يــده : أنا ابا اتكلم معاك في موضوع أعرف انو حيضايقك ويبكيك لكن قبل كل شي فكر إنو دا القطـآر كلنا حنمشي فيه يوم من الأيام
دقـآت قلبـه اتسـآرعت ليش مايدري مو فاهم اساسا المقدمـه الغريبـه لكن ابــوه مايمسكه بدي الطريقــه
ابوه مايتكلم بدي النبره معـآه
قال مـآلك بصوت خـآفت : إيش فيــه
ابوه الإرتباك طفى على وجهه رفع يده لكتـف مآلك وقـآل : الفتره الأخيره علاقتـك سايره كويسـآ مع حسآم لكن انتا عارف انو مشتـآق لأمه وابــوه صح ؟
حرك راسـه بدون تعليــق
ابــوه : حسـآم .... أتوفى في العصـر ... رآح لمـكآن أأمن راح لأمــه وابوه
ابوه سكت ومـآلك مـآزال ملامحه طاغي عليـها الصدمـه ..
ماعلق .. ماتكلم... ماستوعب
ابوه بهدوء وتفهم قـآل : لو إنتا تحبــه فكر فيـه وفكر إنو هوآ حاليا في مكـآن احسن من هنـآ جمب اكتر شخصيـن كآن يتمنى وجودهم
مآلك بصوت مهزوز : ماحشــوفو ..تاني ؟
ابوه : في الجنـه حنتقـآبل كلنـآ تاني تتوقع انا مو مشتـآق لأمي وابويآ بس بصبـر نفسي للحظه اللي ربي يآخد فيها امانتـه واقآبلهم ثاني
مـآلك انفاسـه تزيــد وخشمـه يميـل للإحمرار
مرر يده على جيبـه , ضغط على المحفظــه
وأحـــلامــه وأحـــلآم حســآم كلها رآآحت
حســآم سابــه بعد مارسم بعينــه الأمل
اسئله كثيـر جات براســه بس خانتـه دموعــه
نزل راســه على فخووذ ابــوه وبككي فجأه بكل صوووتــه
,.'
أكـلت , استحمــت , غيرت ملابسـها , لكن برضو كل شي واضح على وجهها
التعب , الإنكسـآر , الإرهـآق , الألـــم
كلها اترسمت في تعــآبير ملامحـها ...
نزلت من الدرج والخادمـآت قدامها شايلين شنطــها
دموعهـآ بعينــها
ماتخيلت انها حتخرج بدا الشكــل !
مافي فرحه بقلبــها لرجوعها لأمها وبنفس الوقت ماتبى تجلس هنـآ ثانيــه
كدآ تتأمل كل شي حولــها وتكمل مشي
اتذكرت اول لحظـه دخلت البيــت
شافت مآلك في كل الأمـــآكن
شــآفت اللي سلب روحهـآ برغم عدم وجوده !
بكل ســهوله اختفــى!
انتهى منــها واختفى !
هيا دي لعبتــه بمجرد ماتكتشـف سر وجودها ينسحب ..!
دا اللي كآنت تسمعه من اهله يبـآ يستفزهم يحرقهم يأذيهم ..!
قلبــه من إيش مصنــوع ..!
خـرجت للحديقــه , شنطها دخلت في السيــآره
ووقفــت قدآمـها ام مـآلك مسكت اياديـها الإثنين ووجهها طغى عليـه الحزن : قلبي يوجعني انك خارجه من بيتي بدي الطريقـه , اسمحيلي اعتذرلك اول شي لأنو مافكرت اتدخل في حياتكم الخـآصه لكلن شوفتي بعينك علاقتنـآ مع ولدي , _ سكتت وقالت بتوتر _ أتمنى إللي سـآر مع مالك يفضل بينك وبينـه , إحنا اللي بنشوفه منـه يكفينا فلاتظلمينـآ بسببه فاكره لما اتجمعنـآ وكآن يباكي تسمعي كل شي هوآ مؤلفه عشان لما تخرجي من هنـآ تنقلي الكلام لاتديه الشي اللي يبا يوصلــه , ردة فعلك
قاطعتها رهـف بتعب : مالكم صلاح بللي سـآر
سحبت رهف يدها مالها خلق تسمع كلام تــآني , مالها خُلق تشوف اللطـآفه سواء طبيعيه او ومصطنعه لكن متأأأخره جدآ
مشيت وهيا عارفتـه إنو امـه مازالت تبا تتكلم لكن مادتــها مجـآل
السواق واقف فاتحلــها الباب
اتذكرت الجنتل مـــآن مآلك لما يفتحلـها الباب
مشيت وقلبها يوووجعها زيـآده وزيـــآده ركبت وانقفـــل الباب
اتحركت السيــآره ودموعهــآ تزيــد
شايفـه البوابــه تقرررب وتقـــرب
اااخيــرا حتخرررج
مسحت دموعها قبل لاتنزل
تبــآ تشووف السياره وهيـآ تعدي البوابـــه
وععععدت البوابـــه ...
ااااخيرا عددت
دقـــآيق مرت
وبرضو ماحست بسعـآده
كيـــف حتحس بسعـآده وهوا المنتصــر ..!
هوا رمـآها في اللحظـه اللي اكتفــى منــها
في اللحظـه اللي سارت ماتقدر تصــرخ او تضــآرب
كآن يقولها ردات فعلــك أتوقعها
تعببببت كثيـــر عشان تكون ردات فعلها غير متوقعــه
لكن ماجا في بـآلها انو حيكون السبب في تغيــرها
حاليا هوآ ماحيتوقع ردات فعلـها ..!
حاليا هيـآ مو عـآرفه ايش الجمود اللي تمر فيـه ..!
أنتــصر مآلك ..
سانده جسمـها على الكرسي وتطـآلع في الطــرق , لو أحد سئلها ايش مــر عليكي ماحتعرف
بتطـآلع بس مو شـآيفه شي
بتفكــر بس حاسه بنفس الوقت فراااغ وسـط راسـها
بتتألم بس مو قــآدره تعبــر ..
كآت عـآرفه إنو لحــظه انهيـآرها لما تشـوف امهـآ فاكتفت بالجمود طول الطريــق
وحست بهبــوط قلبها لما وقفت السياره قدآم بيتــهم نزلت
مدت يدها المهتزه اتجـآه الجرس , وفتحت امها بضغطة زر من الداخل الباب
دفت الباب قلبها عصـــرها من الألم
خـــآلد هنــآ شالها وسلمـــها لشخص اسوووء منـــه
هنـآ اتنــآقلوهــآ غصبــآ عنها
فجاه اندفع جسمها للخلف لما امها جررررت وحضنتها
ماشافتها لما خرجت ماشافتها وهيا تجي لناحيتها
فجأه فاااقت من افكـآرها بحضن امـــها
امها بكككيت بكل صوووتها
بس هيـآ مابكيت ...! دموعها مجمعه بعينها بس مابكيت !
,.'
ويــوم جديــد ..
مــر بنــوم رهف المتقــطعع على سرير امهــآ , وأمها ماغفت عينها من الفجعه على بنتها , عيونها مورمـه من البكــى
منــآل زآدت عليــها الزكمـه والتعب وماراحــت الجـآمعه
مـآلك حبيـــس شقتــه ...
في الكــآفي ... وبتحديــد في العصــر ... هوآ وصبــآ موجوديـــن
راســه صدع من التفكيــر مو قادر يفكر في موضوع شــآدي بسبب موضوع منـآل
ليش ماجات الصبـآح
ليش مانزلت لدحيــن
ايش قصــــدها امس بكلامهــآ
عمره مـآكآن بدي السطحيـــه ... يفكر في اسئله سخيـــفه لكن اخده حيز كبيــــر في راســه ومشاعره
يسئل السؤال بقهـــر وكأنه يتقــآرن بسؤال لو شـــآدي رفع سلاحـه ثاني عليـآ كيف اخليـه ينزلــه
بدأ يخــآف من نفسـه لأنه حاسس انو الكفتين متســآويـه
السؤاليــن متســآويــه !!!!!!
دخل بااتجـآآآه الحمام فتح المويـآ البارده وغسل وجهه مرتيــــن
يبـــآ يفووق من جنــون افكـآره
مافي شــــي ممكن يســآوي سنين عمــره اللي ضيــعها للإنتقــآم
مـــآفي
طالع في نفسـه بالمرآيـــه وحــآجبـه المشطوب تذكـــآر لأسوء لحــظه مرت فيـه بحيـآته
مانخلقـــت لســى اللي ممكن تـــهز أفكـــآره , تشتتــه عن هــدفــه
قفــل المويـآ , زفر بتوتـــر , وفتــح الباب وخـــرج
وشــآفهاااا
وفـــز قلبـــه
أنسلب مخــه في ثـــآنيــه
وقف للحظــآت زي المخـــدر يطــآلع فيــها
دي اللحظـه بذات
مـــر في رآســـه كل تحذيـــــرآآآت همآآم
لكن دقــآت قلبــه أعـــلى بكثيــر من صوووت همام
يبــآ يتـــرآجــع لكن مو قااادر يرخي عينــه من عليــها
يبــآ يحط حـــد لكن حاسس إنو مو بيــده !
لو اتحاشى وجودها ماحيغيــر من إحساســه إتجـآهها !!
دي البـــنت اللي استـهـــون بوجودهآ
مـــرعوب بدي اللحظـآت من قوة تأثيرها عليــه
مشي بخطوآت ثقيـــله إتجــآهها , وقف في مكـآنه وهيا طالعت فيه وابتســمت : مسـآء الخير
: مسـآء النور بدري !
عكس كل إحســـآســه بنبرة صوت حــآده , جــآفـه
منـآل : دوبني فكيــت ولــ _ وفجاه رفعت المنديل بااتجاه وجهها وعطست _
قصي : الله الله على البكتريا ليش ياماما جايه روحي انسدحي
صبـآ : هههههههه ماعليكي البسي كمامـه واجلسي انا طفشت لوحدي
منـآل : اساسا جايه عشـآنك
قصي رفع حاجبه , ودارت جسمــها وادتو ظهرها وكملت هــرج مع صبـآ
صبا فتحت شعرها ورجعت تلمو وتتكلم بملل : والله بجد طفــش ماسرت عارفه ايش اسوي
منـآل : طيب ايش رايك بعد الدوآم تجي عندي البيت
صبا بااحراج : ماحيكون الوقت متأخر ؟
منـآل : عادي اكون صاحيه
صبا : شويا اتصـل على فراس واردلك
منـآل حركت راسـها : طيب
صبا : فين نظـآرتك
منـآل : ضاعت ممشيـه حالي بعدسات نظر
صبا ابتسمتلـها : بدون نظـآره شكلك احلى
ومالحقت تعــلق من القروب اللي بدأ طلبــآت ورى بعــض .. واستمــر المكـآن بالزحمــه لمده سـآعه ونــص وبدأ الهدووء من جديد
ومنـآل كل شويـآ تكتب بالواتس وتنــزل يــدها
وقصي كل تفكيـــره محصــور في " يـــآآآمن "
ملامحـها مايله للتفكير الشديد قبـل لاتكتب اي تعــليق
وآضــح الموضوع جدآ جدي ..
ودخلت للغرفـه وبشكل ملحوظ جدآ لحقــها وقبل لاينقفل الباب حط يدو ودخل
طالعت وراها لما حست بوجوده , ابتسمتله وبعدها جلست على الكرسي ورفعت جوالـها وبرضها بدأت تكتب
اتوجه للدواليب الحديد اللي قبــآلها, فتح دولابــه ورجــع قفــله ونقل عدسـة عينــه عليـها ومـآزالت ناسيه نفسـها وتكتب
: ايش اللي شاغلك ؟
طالعت فيـه : ايش !
حرك راسـه بدون مايعلق باتجـآه جوالها
: اها _ مررت يدها بااحراج على حاجبها قفلت اضاءه الجوال وحطتـه جمبـها على الكرسي _ اول شي بقولك شكرا مرا تانيه على امس
: ماسويت شي
منـآل وجهها طغى عليـه الخجل : برضو شكـرا بنسبه ليا سويت شي مستحيل انسـآه
قصي يباها ترد على سؤاله : وتاني شي ؟
منآل رفعت كتفها : هوآ مايخصك الموضوع لكن يخص احداث امس
قصي : ايوآ ؟
منـآل : كلمني وآحد اسمو كرم دا مع نهى ويـآسر, هوا اللي ساعدني لما طحت في المسبح حتى لما خرجت جا ورايا وكان يبا يوصلني لكن مارضيت فادحين من اول يكلمني وبيعتذر حتى اتضارب مع ياسر _ رفعت اكتآفها _ المشكله بحاول اقفل الموضوع وهوا مازال يعتذر _ اتنهدت براحه _ المهم مبسوطه لأنه كآن دا بس يضايقني وافتكيت منـه
قصي ساااااب كل الكلام وقـآل: كيف سـآعدك لما طحتي في المسبح !
منـآل رفعت حواجبهاا الإتنين ..ماعلقت الا لما صمتــه طول وكأنو مستني جواب : نط في المسبح وسحبني !
حرك راسـه بتفاجئ : اوه .. وكيف مسكك لما سحبك ؟
نظرتــه , نبرتــه , فجعتــها
دقات قلبها بدون سبب زادت : كنت حغرق !
: جاوبي على سؤالي
سحبت جوالها ووقفــت : أسئلتك غريبه ..حروح لصبآ
كالعاده ماوقفها بكلامــه وقفـها لما وقــف قدامها : كم مره اقولـك لاتخرجي وإحنا بوسط نقـآش
منـآل باارتباك : إنتا تبا اجوبـه لأشياء واضحه ..قصي بجد مو فاهمه ايش الغرض من اسئلتك لكن عارفه انو في النهايه حتنقلب مشكله بيننا وانا مآبـى
حـآول يقفل النــقآش , حـآول يتنــآزل
في نفس اللحظـه دق جوآلهـآ وطلع في الشـآشه " كـرم "
عينه من جوالها عليـها اترفعت , لاشعوريـآ قالت : ايش بك كدآ تطـآلع !
: ليش ماتبي تردي ؟
منـآل صمتت الجوال : لأنو مابى اتكلم معآه خلاص اعتذر يروح بحـآله
: بس هوا مايبى ؟
منـآل مافهمت : مايبى ايش؟
: يعني يبـى يدور اي هرجه عشان يتكلم معآكي صح ؟
منـآل : تقريبآ
رفع حاجبـه وعينه مانزلت من عليـها ورجع جوالها دق للمره الثانيــه , قرب منها وقال بنبرة تحذير : لاتلعبي باأعصابي يامنـآل , لاتخليني ادخل في منطقه ماضمن فيها ردات فعلي !
خــرج بااتجـآه صبـآ
وهيـآ مازالت واقفـه !!!!
حراره تسري بكل جسمـها
مشاعرها مختـــلطه لو فعــلآ دا حٌب فاحتى حٌبــه مجنــون ويخــوف !
خرجت وكآن الوضــع متــوتر بينهم
هيا خايفــه تتعـآمل معـآه وهوا ملامحـه مايله للعصبيــه ...
فــي مكــآن بعيــد عن عيــون النـآس , بعيــد عن الإنسـآنيــه
بدأت اول مجــزره
فراس عقــم اياديـــه لبستـه الممرضـه اللبس المعقـم والقلوفز , ورفع الكمـآمه على فمـه وخشمــه
ممرضتيـن دكتـور تخديـر , دكتور فريـد وفراس ...
صوت جهاز القلب طـآغي على المكـآن..
فريــد وجه كلامـه لفراس : افتح مكـآن العمليـه
جمـــود !
تبـــلد !
بدأ يهدي نفسـه بكلمـه دي برضـآها حتسوي العمليــه
وأخد المشـــرط من يد الممرضــه , يده اهتــزت
شــد على قبضـة يده وآتحكم بمسكة المشـرط
وبـــدقـــه ضغط على المنطقه المعقمــه بشكل متقطــع
اول طبقـــه جلـــد وخرج الدم
وفتــح طبقــآت الشحــم بحــذر طبقه طبقـــه
لما انتهـى رفع عدســة عينــه على الدكتـور فريــد وبدأت عمليـة الاستئصــآل ...
نســي فراس نفسـه للحــظـآت , نسي انو اللي يسويـه غير قانوني وكآن كل تركيزه في العمليـه
ودقــآيق طويـــله بتعدي فراس يرفع عدسـه عينه كل شويـآ على فريــد
اكتشـــف إنو دكتور مجنـــون , حركـة يده سريــعه لكن دقيقه جدآ
طول الوقت مــركز معــآه بتوتــر مو طبيعي
وتم استئصآلها وكآنت لحظـآت بسيـــطه وسلم فريـد الحـآله لفراس : خيــط
واتــوجه للكلــى على الصحن الحديد وعقمهـآ قبل لايتم نقلها للحـآفظــه
فراس خيــط طبقــه طبقــه
اخد وقــت طويــل منـــه , وبــعد عن السرير بتعب واضح على ملامحــه
سحب القلوفز ورمـآه في السله , وبعدها البلوزه الصفرا البلاستيــك
غسل اياديـه , وخرج بردة فعل ســريعه وكآن باب غرفه العمليـه الثانيـه مفتــوح
السرير فاضي , كل شي يدل على إنو سـآرت عمليـه بدا المكـآن
لكن الشخص مو موجود
وصلت اصووواتهم المحتفلـه لعندو فتح الباب ودخــل عليـهم وكلهم واقفيــن
والإبتســآمه طاغيه على وجوههم
انفــآسـه متســآرعه
قرب بخطوات هاديه برغــم جنون دقات قلبـه
حآول يكون طبيعي , حاول يكون يشبههم بدي اللحظــه وقال : ايش سار على المريض الثاني
شـآدي علــق قبلــهم : اخدو جزء من الكبد واستئصلو الكليـه
سلممــآن جلس على الكنبـه وقال بتعمــد : قصدك الكليتين
ملامح الصدمـه في وجه فراس واضحــه , فريد وحـآتم طالعو في سلمــآن وكأنه يبـآ يأكدلهم على موضوع سار بينــهم
فراس جلس على الكنبـه , حس بخطر نظرآتهم , حس بتهديد غيــر مبـآشر وكأنهم خايفيــن منــه
حـآول يكون طبيعي .. يضغط على قبضــه يدده وعينه تتفحصـهم
سلمـآن مآزال يعــلق تعيقات تخرج فراس عن طوره : بكرا حالتين حتستلموهآ وضع البنات شاردين من اهاليهم يقولك يبو فلوس عشان يعيشو بعيـد عنهم
فريـد : انا ماتهمني التفاصيل سلموني الحـآله وكل وآحد يروح في حآلــه
همـآ يتكلــمو , وفراس كل تفكيــره سارت عمليـة قتــل ثالثـــه
ثالث شخــص ينقتــل وهوا أختـآر الصمت
قدم جسمـه لطرف الكنبـــه , يحتــآج شي يخفي احساســه حاليــآ
اخد قارورة الشراب اللي على الطــآوله , صب في الكـآسه الفاضيـه
شـــرب من غير محد يقلــو اشرب
خــآيف يبكي
ينهــآر
وكملــو حوارهــم وهوآ كل بعد دقــآيق يميــل القاروره بااتجـآه الكـآسـه ويشــرب
مشــروب خفيــف لكن كفيــل إنو يشتت تفكيـره عن الإنهيــآر حاليا
انتهت اول عمليتيــن وكل وآحد راح في طريقــه
شغل فراس جوالــه في الطريــق اتصـل على صبـآ كآن حيقولها حسهر اليوم عند قصي إلا سبقتــه بطلبـها
قفــل منـها ومرر يده على جبينــه , مصددددع
كــتب لقصي " رايح شقتـك "
مــآزال الوضــع في الكـآفي متــوتر
ووصـل التوتر لصبـآ .. الوقت ثقيـــل جدآ ثقيـل على الكل
ماااصدقــو ينتهــي الوقت خرجت صبـآ ومـنـآل مع بعض ..
صيـآ بس دخلت عمارتهم بدأت تخـآف
قشعريره سرت بجسمها كلووو
خايفه من الدرج من الشقق الكثيره حاولت تبتسم بتصنــع
وتخفي خوفها جوتــها .. فتححت منــآل الشقــه وكآن شعورها كليـآ غير عن صبا
شعــــور فرحـــه لأول مره تدخل احد بيتها بدون ماتنحرج
ماتخــآف احد يلمح قوارير ابــوها , ريحــة بيتهم المعروفـه وتشمها من قبل لاتدخل الشقــه
قفلت باب الشقــه وجلسـو في غرفة الضيــوف في البدايه
كآنت صبـآ مو مرتــآحه , عكس وجودها في الكـآفي كل شويا تطـآلع بااتجـآه الباب
حاسه إنو ممكن احد يدخــل غريـب
حاسه بمشاعر غريبــه بس بتحـآول تهدي نفسها
لحد مامنـآل قالتلها : نجلس في غرفتـي ؟
كآن خيـآر ثاني ممكن يريحها قالتلها طيــب
ودخلت لغرفــه منـآل قفلــو الباب جلست صبا على الكنبـه ومنال على السرير
غرفتها مريحــة
الوانها مريحــة
سندت جسمها على الكنبه والباب مقفــل مريحها نوعآ مآ
اسئله عن بعــض بيتعرفو على بعض اكثر
اغلب الاجوبـه صبا كذبت فيها
لأول مرا تكتشف انو ماتبى تتعرف على احد جديد لأنو حتقضي حيـآتها تألف كذبه ورى كذبـــه
ووصل العشـآ خرجت منـآل تستلمه , دفعت الفلوس ودخلت تـآني لصبـآ ادتها وجبة البرقر والبطـآطس وهيا ادت وجبتها
صبـآ من الجوع فكت العلبه وقالت لاشعوريـآ : اساسا طول الوقت في الكآفي ابا اقولكم حخرج اشتريلي عشا لكن وضعك إنتي وقصي مايساعد _ رفعت البرجر بتآكل إلا انتبهت لنظرة منال المصدومه قالت بااجراج صبـآ _معليش بجددد _ رجعت البرجر في علبته واعتذرت تاني _ مو قصدي والله اتدخل لكن جلست اليوم مرعوبـه منكم يعني بجد علاقتكم سارت توترني
منال رجعت شعرها باارتباك ورى اذنها :عادي
صبا : اسفه
منال حركت راسها بنفي وجهها طاغي عليـه الإحراج : والله عادي _ اخدت البرجر تخفي توتــرها _
وصبااا كرهت نفسـها ندمت انها جــآت
منـآل اكلت شربت شويـة بيبسي ,حطت الأكل من يدها وسئلت بتردد: ايش اللي شايفتـه ؟
صبا بااستغراب : مافهمت
منآل : يعني ... بتقولي علآقتكم ... ايش العلاقه اللي شايفتها وموترتك !
بلعت ريقها وقلبها يدق بجنون , اتعدت حدودها بالكلام ,,,لكن قصي حيجنننها تبا تشوف احد شايف اللي بتشوفـه !!! ولا هيا وصلت لحد الجنون معـآه
صبا: من ناحيتك ولا ناحيته ؟
منـآل ضحكت بخجل : من ناحيته
صبا : الواضح بنسبه ليا إنو يحبـك
منآل الكلمــــه قلبت مشااعرها , غيرت جلستها باارتبـآك وقالت : ايش اللي خلاكي تحكمي؟
صبا وسعت عينها وكأنه خطرت في بالها مواقف كتير ومو عارفه تقولهم , حاولت حاولت تتذكرت رفعت يدها : فاكره اول ماتوظفت جا واحد يعرفك عيونـه ملونـه
وصفـــه دايما " عيونــه ملونـه "
منـآل : ايوا ؟
صبا : اامس جـآ كنت متوقعه في اي لحظـه حينضرب من قصي ,ههههههههه والله كآن يطــآلع فيه بنظرة مرعبــه سرت ابا احصن الولد عشان يخرج سليــم
منـآل : ههههههههه
صبا: يعني في مواقف , فيه نظرات واضحه جدآ جدآ واضحه
منال تضحك والإحمرار طاغي على وجهها , سعيــــده بكلام صبــآ بشكل محد يقدر يتخيــله
تحس انها تحلـــم ....
منـآل : طيب وانا ؟
صبا عقدت حوآجبها : إنتي ثقيله
منـآل لانت ملامحهـآ بصدمـه وقالت بعدم استيعاب : انا ثقيله !!!
صبا : إيوا يعني كل ماتدخلي الغرفه احس مايصدق يدخل وراكي عشان يقدر يتكلم معـآكي ولما تخرجي بس تشتغلي وبالك مو معـآه هوا طول وقتــه باله معـآكي
منـآل ضحكت بصدمــه ورجعت تقول : بلله دا اللي انتي شايفته دحيــن !!!
صبا : إيوا !
منـآل ثاني مره تــعرف انو هيا بتترك انطبــآع قوي برغم ضعف شخصيتــها !!!
منال بصوت وحده دوبها تكتشف : يعني دحيــن انتي تشوفي قصي يحبني بس انا ثقيله ومو مديته وجه
صبا : إيوا
منــآل ضحكت حست باانتصــآر مو طبيعي : هههههههههههههههههههههه بلله دا تفسيرك !
صبا : هههههههههه هوا انتي ليش بتضحكي
منـآل : مدري فاجئتيني
صبا : انا معـآكم نص يومي غصبا عني سرت اتفرج عليكم واشوف ايش جديدكم اليوم
منال : هههههههههههههه صراحه حبيت نفسي بعينك
كآن كلام صبــآ لمنــآل قوووه مو طبيعيه , قصي يحبها ومكشوف قدام الكل إيش تبــآ اكثر من كدا
مو قادره تتخطى دي الجملــه غصبا عنها مبتسمــــه طول الوقـــت وتحس انها تبا تطلع فوق سريرها
تصرخ وتنطنط لكن كات سعادتها بتنعكس في حواراتها وضحكها مع صبـــآ
ام منــآل في غرفتــها صوت ضحك صبـآ ومنــآل واصل لعندها , بيلعبـو " سيكونس "
مبسوطــه إنو منـآل اخده راحتــها
,,'.
قصي بمجــرد ماقفــل الكـآفي اتوجــه لشقته ,فتح الباب , لقى فراس جالس على الكنبـه
راكز آكوآعه على فخذه وضاغط على راســه , علبــة حليب قدامــه على الطـآوله
قفل الباب : ايش ساااير
رفع فراس راســه وكآن احمرار وجهه دليل كبــر على سوء حالتــه: مــو قادر اكمل.. مو قآدر
قصي اتوجه للكنبه اللي قباله جلس وقـآل :فهمني ايش بيسير
فراس بجــنون يهرج : عندي شهر وآحد ياأتحمـلــه وانقتل في النهايه يامن دحيـن تكون عندي ردة فعـل واحمي ناس مالهم ذنب
قصي شد حواجبه : ايش الهرجه فهمني
وفراس سردلــه الموضوع كآمل : شادي عمره مآكآن دا طريقــه , اللي بيسويه حاليا جنون
فراس : إللي معـآه كٌلهم شراكــه أنـآ الوحيـد اللي بسوي كل شي غصبا عني ودا الشي مو عاجبـهم شايف بعينهم التوتــر حاسس باأي لحظـه حيترفع سلاح واحد فيهم وينهيني انا مو ضامنهم ولو ضمنتهم مو ضامن شادي
قصي اتذكر ردة فعل أم فراس واتوتر
شكل ولدها وصوووتها خلى قصي يضرب الف حسااااب لكل شي بيسويــه حاليا
قصي سنــد جسمـه على الكنبــه , يحاول يفكر في اي شـــي , باأي حل
فعلآ وضع فراس مخيـــف
لو فــعــلآ سلـمـآن اللي يشتغل مع شـآدي فـ ذا اكبــر جزآر
مــرت ســآعه ,, وقصي كل اللي جا في بـآله : مافي غير انو يتقدم بلاغ على المكـآن
فراس : وكيف حعرف الموقع , فكرت من كل النوآحي , ياقصي انا روحت مركزالشرطه وبلغت على شادي بكبـــره ووصل البلاغ لشادي !
قصي : انتا بتتفتش صح ؟
ففراس : ايوا
قصي سكت للحظـآت وبعدها قـآل : بكرا قبل لاتروح مر عليا في الكآفي
فراس : ليش
قصي : بكرا نتفــآهم دحين حنزل انادي مآلك وحـ
قطعه فراس : وربي ماليا خٌلق اجامل احد
قصي : مآعليــك خلي كل شي عليــآ
ونــزل قصي , رفض مـآلك إنو يطــلع لكن بعد إصرار قصي طلــع معـآه
كآن لابس تيشيرت رمـآدي وشورت رمـآدي خطوط بيضـآ في طرف الأكمـآم وطرف نهايه الشورت
نظارتـه الطبيــه , سـآعه في نهايه ذراعــه
أجتمعــو حوليــن الطآولــه علب مشروبات غازيـه , شبســآت , علبة السـجـآير ولاعــه كل شي فوق بعضــه
مرت 20دقيقه وهما يتكلمــو ورهـف مو راضيه تخرج من راســه
كيفــها ..؟
تعبـآنه ..؟
اعتذرلها ..؟
نقاش هادي , هادي , هادي ووصلــه كالعـآده للحظـه اللي يتكلم فيها مـآلك ببرود , وتبـآن فرق الطبقـآت بشكل مجنـون
مآلك : المشكله يافراس اول اختبار ضاع عليـآ لأنو اليوم اللي بعده زوآج عمي وكآن صعب اني ماحضره
فراس : طيب قبلها بيوم , يعني كآن قدرت تضغط على نفسك
مـآلك : لا الزوآج في رومـآ حاولت اتحجج لكن كآن حاجز التذكره والفندق ماسبلي مجـآل اعترض
فراس : أووف وربي ورطه , هوا عايش هنـآك
مآلك : لا
قصي فتح علبـة البيبسي وقال وهوا يستنتج حيـآة اهل مـآلك وبذات اعمـآمـه : طبـعا مجرد مناسبه ورجعتو ؟
مآلك : إيوا
فراس : ههههههههههههههههه بس ؟! انتا ضيعت اختبارك عشان تحضر زواج في رومـآ ورجعت !
مـآلك على نفس النبرة : عمي عنده اجواء معينه في راسـه
قصي يطـآلع في فراس : هههههههههه احتفظ بتعليقك لنفسـك
فراس مو قادر : ههههههههههه لا المووضوع يبـآله نقـآش انا لو حجزت القاعه بعيـد عن بيتنـآ بساعتين محد يحضرلي .هوا مين بزبط إللي حضر لعمك ؟
قصي : ههههههههههههههههههههههههههه
مـآلك : هههههههه كٌل المقربيـن
فراس: انتو ميــن بزبـط ؟
مآلك بااستغراب : ماتعرف ابويـآ !
فراس :طبعا اعرفـه اقصد اهل ابوك بشـكل عآم
مآلك : فيه من التجـآر للوزرآ
قصي باستهزاء : ويجيك مـآلك يقولك انا بنيت نفسي من الصفر
مـآلك : ههههههههههه والله مو عـآرف ايش مشكلتك
فراس : ياولدي انتا فاهم دي الهرجه غلط _ اشر على صدره _ انا أعتبر شخص بنى نفسـه من الصفر _ اشر على قصي _ حتى دا الأدمي مشكوك في أمره بس برضو نقول تقريبآ بصفي
قصي : هههههههههههههههههه لآزم النجـآسه مايسير تركز في وآحد
فراس حط صباعه في طرف خشمـه : لما اخلاقي تكون هنـآ سيبوني افصل على الكل _ رجع طـآلع في مآلك _ اتمنى اعرف كيف بنيت نفسك من الصفر
مآلك : هههههههه يخي والله تعبــت في حياتي
فراس : حكيني ابا اعرف
مآلك : حاليا اتعوودت
قصي ضحك لأنو مـآلك يمـآطل في الرد عارف انو حينحش : هههههههههههههههه تفاااااصيل
فراس : ههههههههههه مكسوف حتى تقول معاناتك
مآلك : والله مو مكسوف بس بعينك حتكون شي سخيـف لكن كآنت كبيـره بعيني
فراس : احتاج اسمعها
مـآلك : طيب خدلك اسوء شي واول شي إني استأجرت شقــه وناس ماعرفهم يشاركوني نفس العمـآره !!! اخرج واشوف اكياس مرمى في الدرج اضطريت اخد شقـه في دور ارضي عشان ماركز واسيـر اخرج بسـرعه على الشارع
كآنو مستعــدين يسمعــو اي شــي
اي شي في الحيـآه غير دا التعــــليق ..
مـآلك : غير اني ادور موقف لسيارتي طول الوقــت , معاناة الملابس ووالأكل دي كلها تعبتني
قصي : ههههههههههههههههه _ سحب نفسه لطرف الكنبـه وبااسلوب جدي _ هوا إنتا كنت اول مرا تعرف انو فيه عماره يشاركوك فيها ناس ماتعرفهم
فراس: هههههههههههههههههههههههههههه
مآلك : هههههههههه ياسامج إنتا وهوا متعود على الأنظمه الفندقيـه مايكون كدا بعشوائيـــه
فراس وقصي ميتيــن ضحك لأنو العمـآره جديده وبعينهم جدآ جميــله
مآلك بتبرير لعل وعسى يفهموه : ترى لما تكون في مستوى بيئي معيــن وتنزل مو مرحله ولا مرحلتيــن تنزل بشكل مههوووول فجأه تستنى راتب نهـآية الشهر وتصرفه في اسبوع شي صعب لكن أقلمت نفسي عليــه
قصي : انتا لوحدك مو مكفيك ولا بتصرف على احد !!!
مآلك : لا لوحدي ! حاليا الحمدالله وضعي تمـآم
قصي طالع في فراس وقال : فراس باأول راتب عزمني على عشره مطـآعم
فراس : ههههههههههههههه حسيت إني غني اللعـنه مو عارف كيف اصرف الفلوس
مآلك : هههههههه انا وإنتو في دي النقااشات ماينفع نكمــل فيها
قصي : هههههههههه انا مستمتــع صراحه ماعندي اشكـآل نكمل
قصـي وقــف إلا فراس من كتر مو فاصل على مــآلك قلــو : مـآلك لو انتا اتزوجت ايش تتوقع افخم هديه ممكن توصـلك ؟
مآلك عقــد حوآجبـه مرر اصابـعه على طرف اذنه وهوا يفكر وبعدها قـآل : مدري لكن لما اتخرجت من الطب ابويـآ اهداني شاليــه
قفراس بين ضحكتـه قال : وفين الشاليه دحين ؟
مـآلك :ههههههههههه أجرتـه
فراس : لاتقولي انو راتب المستشفى والشاليـه هوا اللي اقلمت نفسك عليك وعايش بصعوبـه
مـآلك رفع حاجبه وكآن جوابــه بنظرتـــه
خلاص قصي وفراااس انقتلــو ضحككك
مآلك : هههههههههه لازم ادور احد يقدر معاناتي
فراس : ههههههههههههههههههه آآه يااقلبي أنا مو عارف الموضوع اوفر ولا انا فاصل اليوم
قصي : ههههههههههه
مـآلك سار يضحك لضحكهم قال بصوت متقطــع بين ضحكتتــه : ترى عندي دخل ثالث
فراس قام من مكــــآنه ورفع اياديــه : خلاااااص قفل الموضوع ههههههه رجائا قفل الموضوع
قصي كآن وآقف انخنــق من انفعال فراس , سحب 3 منـآديل ورا بعــض وحطها على فمــه واتغطى خشمــه
ويكــح ووجهه طاغي عليــه الإحمرار وفراس ومـــآلك يضحكــو
طالع فيــه مـآلك ووقف ضحكتــه , ابتسـآمه بسيطـه على وجهه
رمى قصي كومةة الممناديل في السله ووجه كلامـه لفراس : بطططل اسلووبك الغبي دا
فراس : ههههههههههه
مـآلك : قصي تصدق من يوم ماشوفتك دي ثالث مره اشوف فيك إنسـآن كنت اعرفــه من فتره طويــله
قصي انمحت ابتسامـه : اشباهي في كل مكـآن
فراس : أمي ماتقول دي الكلمـه إلا وتطلـع ماشاءللله تقربلهم من سابع جد
مالــك : ههههههههههههه ماتوقع _ شد حوآجبه _ تعرف واحد اسمو حسام مجدي , او أبوه كآن دكتور لقبهم اتوقع *****
قصي حرك راسـه بنفي وجا بااتجـآه الطـآوله اخد مشروب البيبسي ورجعو انقلبت العلبه واتدحرجت لنهـآيه الطاوله ومسكها قصي , اخد الولاعــه وجلس , رجع قام سحب علبـةة السجـآير وجلس
فراس كآن مو مركز
تشتت قصي خلاه يطــآلع فيه
وفجأه اتذكـــر البواب لما مشي ورا قصي وناداه " حـٌـــســـآم "
مازال مو مستوعب انو هوآ نفس الشخص لكن قصي مو اي شي يخليــه يرتبك بدا الشككـــل !
ركككككككزز بكل حـــركه تصدر من قصــي
اما مالــك مرر يده على جبينــه بتشتت : اساسا الولد واهله مــآتو _ حرك يده بعشوائيـه _ على العمــ
قاطعه فرآس بصدمـه : العيله كلها !
مـآلك : إيوا
قصي سحب السجاره وولعهـآ , يحتــآج يقوم قبل لايدخــلو بالتفــآصيــل
مـآلك ماحيتكلم إلا لو فيــه وآحد يسئـــل
وفراس ماقصــر : حادث !
مـآلك : امـه وابوه في حريـق وولدهم بعدها بسنـه في حـآدث
فراس : أوووف يقربولك ؟!
مـآلك : لا أصحاب خالي عدنان
قصي سحب بقوه نفس من السجــآره وعينــه على مـآلك
ملامحــه طاااغي عليـها الجمــود يطـآلع في مـآلك ويستنــآه يسكـــت
كآن حينتهي الموضوع إلا مـآلك سحب علبـه البيبسي اللي قدآمه وقال بنقــآش عشان يشرد من التفكير برهـف : بالأصح انقتلـو
فراس سحب نفسـه لطرف الكرسي ..وقال : كيــف !
مالك بتبسيط واسلوب استفز قـــصي , بتأثير صوتي وكأنه رصـآصه : بو بووو رصاصتيــن وولعو فيهم المكـآن وانتهت القصـه
دق جوآل مـآلك لما شاف الاسم وقف: دحين اجيكم
وكآنت عيـــن قصـــي تلحــق ورآآآه , بقـــلب يشتعـــل
" بو بووو رصاصتيــن وولعو فيهم المكـآن وانتهت القصـه "
السجــآره بيطيح رمـآدها على الكنبـه وهوا يطـآلع في مــآلك البعيـــد يتكلم وصوتــه مو مسمــوع
فراس : قصي .!
: قصي؟
:قــ
وسسكت لما انحرق صبــآعه ورمى السجاااره في الطفـآيه وقــآم باتجــآه غرفتــه وقفل البــآب
الجممممله حرقتــه انتشلللللته ورمتـــه من جديـــد وســط الحريـــق
في الخــآرج ..]
مآلك بااستغراب يتكلم بالجوال : ميـن ؟
صوت خافت , مايل للخوف: انا سليـم
مآلك عقـد حوآجبـه : ايش بك ؟!
: احتـآج اقابلك دحيــن
مآلك : خليها بكــرا طيـ
قاطعه : ماقدر ماعندي وقــت طويل ..
مـآلك زاد استغرابـه وتوتــره : طيب فين اجيك ؟ولا إنتا حتجي ؟!
: لا لا إنتا تعــآل
مــآلك قفــل منـه دخل للصـآله : انا لازم امشي , فين قصي ؟
فراس : دخل غرفتـه
مالك سحب جوالـه من على الطـآوله : طيب اديـه خبــر لأني مستعجل واعتذرلي منــه
فراس حــرك راســه ومـآلك خــرج ...وفراس زادت مدت جلوســه لوحده في الصـآله
مرر اياديـه في بعضــها وافكاره محصوره في الموقف اللي سار من لحظـآت
قصي في الغرفــه مو قادر يخــرج
العصبيـه تســري في جسمــه , وجهه فاضـــحه , يفتح قبضة يده ويقفلــها
دقات على باب غرفتــه ووصلـه صوت فراس : قصي حتتأخر ؟ مآلك خرج
قصي فتح الباب ودخل بااتجـآه الاب توب وشغلــه : اتذكرت عندي موضوع ابا اخلصــو
فراس شايف بس ظهر قصي سكت للحظــآت وبعدها قال : طيب اجل انا حمشي
قصي حرك راســه , وجلس على الكرسي وماعلق على فراس
,,
في مكــآن مظلموبالتحديد في الحارات العشوائيـه سليم مدخل اياديـه في جيبــه , لابس كاب على راســه
مـآلك وقــف سيارتــه وعيون النــآس تراقبــه من يوم مادخل الحـآره
سيارتــه وجودها جدآ غلـــط هنـآ
سليــم فتح الباب وقال باارتباك : امشي
مـآلك حرك السياره وزاد توتره : على فين
سليـم : اخرج بس من الحاره ابا اتكلم معـآك في السياره
مآلك : ليا فتره احاول اوصلك مو قـآدر
سليـم : أسمعني رجـآل عدنـآن قريبين منــي , لو عشت دا الاسبوع ماحعيش الاسبوع الجـآي
مـآلك : قلتلك اللي بتسويه غلـط
سليـم : عشـآن كدا حسلم نفسي لشـآدي
مـآلك فجاه طالع فيه بصدمــه : نععم !!!
سليـم : انا وصلت للنهـآيه يامـآلك حوآجهه لو حمـوت , حموت وانا رافع راسـي مو خـآيف
مـآلك : دي مو موآجهه انتا ماشي للمشنقــه فكر بعقــل
سليــم : شـآدي ماحيقتلني على طول شادي حيآخد كل جزء فيا وبعدها يقتلني
مآلك : مافهمت لإيش حتوصــل !!!
سليــم : حيكون عندي وقــت اقدر اهرب منـه او احد ينقذني لكن حخرج بدليل , حجيب حق أبويا واروان وامــه
مآلك : ونسبة نجـآتك 3 % انتا مو متأكد اذا حيقتلك ولا لأ وبرضو مو متأكد
قاطعه سليـم : ولو كآن 1% خلاص تعبت
مـآلك معقـد حوآجبـه : جايبني لهنـآ عشان ايش ياسليــم !
سليـم : أروان مـآت وانتا مصمم إنو خـآلك كآن بريئ وحمــوت وانا برضو ابا اثبتلك دا لشي عشان اضمن إنو فيه شخص حيحاربه حتى لو انا مو موجود
مآلك ملامحه مايله للعصبيــه وعينه على الطريـــق
سليــم : عدنــآن حيقتلك حيجي دورك بس لأنك شككت فيـه كيف لو كنت متأكد !
مـآلك : أبـوك ايش كآن وضعه مع خـآلي
سليـم : شريـكه
مـآلك طالع فيه بصدمــه : نعم !
سليـم : اعرف انو غلـط عشان كدا ماتكلمت لك ولأروان عن اسبابي , خـآلك في لحظــه من اللحظـآت قتل كل شركاءه وبدأ من جديد لوحده ! بكل بــرود ! لمجرد انهم قررو الخروج من الموضوع
مـآلك : سئلتك اكثر من مره ايش مصلحتك من قصة اروان لكن مآكآنت عندك اجابه ليش دحين اتكلمت
سليــم : إنتا الوحيـد اللي تعرف ســري ولو حموت حيندفن ســري معايآ انا اسمي محمــد فوآز الـ **** خـآلك قتـل ابويـآ وقتل شريكتــه عبيـر ومريـم وقتل برضـو زوج عبيـر لأنو عرف بكل الموضوع
اتوسسسسسعت عيــن مـــآلك بصدمـــه ,فجأأأأه اندفع جســم سليـم للأمــآم بسبب توقف السياره
وقف سيـــآرته مالك في نص الطريـــق
طالـــع في سليــم وقـآل : ايش تقووول إنتــآ !!!!!!
سليـم : امشي يامـآلك دحين وانا ححكيك
مـآلك اشر بيد مهتزه على نفسـه : خالي قتــل اصحـآبـه !!! خالي قتل أهل حسام وحــرق فيهم البيت !!!!
سليم عقد حوآجبـه : ماعرف مين تقصـد لكن قلتلك كلهم كآنو شرآكـه أبويـآ ومريـم وعبيـر وكلهم انقتلـه بطريقـه بشعه
مـآلك : إنتا بتستنتج ولا متأكد !!!
سليـم : يوم مقتـل عبيـر اتصلت على ابويـآ وقالتــله عدنان مو بعقلـو اتوقع سار بينهم سوء تفاهم حاولت تحذره لكن ابويا ماتوقع يوصل الموضوع للقتـل
مـآلك مرر يده على شعره
سليـم : انتا تعرفهم !
مـآلك حرك راســه ومـآزالت الصدمـه طاغيـه عليـه
قال سليـم بصوت مهزوز: ابويا سارلو حـآدث سيـآره كآن متعمــد جدآ واضح انو مخطط
مآلك جسمــه ينتفـــض , الفكره لوحدها راعبتــه قتــل مجدي وعبيـر واخد ولدهم يربيــه !
لما ولـــدهم بدأ يتمـــرد ويجيــب اسامي ويبحــث سارلو فجأه حـآدث ! هل الحـآدث اللي ســآر لأبو سليـم نفسـه سار لحسـآم !
مخـــه بدأ يربــط كل شي في بعضــه لكن يوصــل لمرحلــه " لا كيف قدر يقتــل بدا البرود ! "
ســآعه كــآملــه مع سليـــم , سليــم قال كل اللي يعــرفه لمــآلك
اتكلم ودمــوعه تنــزل وفي النهــآيه اداه اســم " قصي " شخص حيسـآعده مقـآبل الفلوس ..
كآنت صدمـآته في النـآس مازالت مستمــره !!! ...
,
رجــع مآلك , اتــوجه لشقتــه لكـن ماقدر يدخــل , طلع الدرجــآت , دق باب شقــة قصي
قصـي فتــح الباب , مابتســم , قال بحده : نسيت شي ؟
: ممكن ادخـل
فتح الباب قصي , مــآلك دخل , والاشتعــآل يزيــد في قصـي
قفل الباب واتوجه للكنبـه جلسو مقــآبل بعض ونظرة قصي مانزلت من على مــآلك
مـآلك : عرفت انك تشتغل مع سليـم !
قصي انصدم لكن رفع حاجبـــه وقال : طيب !
مآلك سكت للحظـآت وبعدها قال : اعتبرني معـآك
شد على حواجبـه : ضد خـآلك !
مآلك مآزال تحت تأثير الصدمـه من كلام سليــم : ابا اعرف الحقيقــه
: حقيــقة إيــش !
مـآلك بيد مهتزه حرك يده على جبينــه : اباك تعرف اذا خـآلي قتــل حسـآم مجــدي واهله ولا مجـرد كلام فاضي سمعتـه , حديك المبلغ اللي تطلبـه
مــآنســآه ..!
حتـى وهوا متأكد انو حسـآم ميــت مـانسي الوعــد اللي بينــهم ..!
سنــد جسمـه على الكرسي وحاول يتمــآسك : حيكلفــك كثيــر
مـآلك : ماحنختلف _ماقدر يدخل بالتفاصيل حاليا وقف _ بيننآ كلآم .
محتــآج ينسحب حاليا " اندي , حســآم " خسـرهم من نفس الشخص !
وخــرج مــآلك ووصــل لقصي صوت باب الشقـه لما انقفــل
جسمــه متصلب على الكنبــه , مو قـــآدر يتحـــرك
دمـــوعه أتجمعت بعينــه
كلمتيــن لكن خنقــه الحوآر
خنقـــه منظر مــآلك
نهاية الفصل