انـآا معـگ تلـگ الجملہ تریحنـآا ، تـزیل نصف التـعب الـذی نحملہ .!" شگـرآا لـ گـل مـن قالھآا وھـو {صآادق} بھا
كنت نخاف عليك اكثر من روحي خوف غير طبيعي خوف مرضي معيق يعيق , ياسامي انت كنت مدخن واني كنت نتعذب لما نتفكر الامراض والسرطانات وكل شيء
ياتلك الطفله البريئه اللي كانت اضن انه الدخان والامراض اللي يسببها هيا اللي حتبعدك عنها هيا حتخليك تفارقها وتسيبها ، ياريتها كانت تعرف وقتها انه فراقك محتوم ومافيش منه مهرب حتي لو احتجزاتك في قفص ....
تتفكر شن كنت نقولك
النيكوتين حيلعب معاك لعبة قذرة ذنيئة ....كل مانت حتحاول انك مادخنش يبدا يضغط عليك باعراض الانسحاب ويسببلك في وجع باش يجبرك انك ترجع تحت سيطرته تعرف كأنه حاكم وانت مجرد عبد عنده كل متفكر مجرد تفكير انك تخرج عن امره وسيطرته حيعذبك نيييييييين ترجعله وهوا هكي حيكون المنتصر عليك والفائز بالحرب ياسامي..... لكن لو انت اتحملت الوجع للايام وتحط قدام عيونك طرييييييق الحرية انت حتنجح ....النيكوتين مقيدك بأغلال ومخليك مسجون عنده وانت لازم تكون قوي وشجاع وصبور باش تفك هادي القيود وتتحرر من هذا السم ......
لازم تقدم تضحيات من اجلك ومن اجلي ومن اجل مستقبلك وعيلتك واهلك وناسك ......انت لازم تربح انت لازم تفوز وتهزمه وماتخليشي يتحكم فيييك بعد اليوم .........
سامي صدقني مش صعبة 21 يوم بس وتكون طليق و21 يوم وتتحرر من النيكوتين ...انت بس محتاج هادي الفترة وتتخلص من كل النيكوتين اللي في جسمك رد بالك تضعف سامي ....سيجارة وحدة في لحظة ضعف يمكن تهد كل شيء انت بنيته .....
سامي انت لازم تكون صبببور. تتحمل كل الالم اللي حيسببهولك النيكوتين بإ رادتك وبإيمانك الكبير بربي انت لازم تهزمه صدقني حتهون. ايام وحيتم كل العذاب ايام وحتصير حر فكر في كمية السعادة اللي حتشعرها بعد تخلصك من هذا السم القاتل ....انت كل شيء فيييك حلو ماتخليش الشيء اللي يعيبك ويقلل منك هوا الدخان ....شوف للمدخنين بنظرة شفقة لانهم قاعدين تحت سيطرته ماتشوفلهمش بنظرة ضعف وشغف ......كل يوم مادخنش فيه اعرف ان امشيت خطوات لتحقيق هدفك ......ماتضعفش وماتستسلمش كون اقوي من كل شيء يعرقل سعادتك ومستقبلك وصحتك.......انت تقدر صدقني تقدر ياسامي تقدر تستغني عليه للابد زي ماقدرت اتصوم 18 و19 الساعة في رمضان تقدر توا تستغني عليه 24 علي 24 ساعة يعني المهمة مش مستحيلة ......ومادقولش" سيجارة واحدة ماادير شيء وخلي نتخلص من الصداع الحاد واني تعبان خلي ناخد واحدة بس "انت هكي حترجع روحك لنقطة الصفر ولا كأنك درت شيء تسمع فيا سيجارة واحدة حتخرب كل شيء درناه .....
ماتضعفش ....ماتضعفش ....اني واثقة انك قوي
وانك علي خاطري حتسيب الدخان زي ما أني ضحيت بهلبا حاجات باش نكون معاك جي دورك باش اضحي ....
ناس ملوحة في السجون وتتحمل في العذاب ويضربوا فاها ويمرمطوا فاها وقادرة انها هيا تصبر وتتحمل الوجع نييين ربي يفرجها وييتحروووا من السجن ......وانت حتي انت محبوس في سجن اسمه النيكوتين ....واول ماتفكر تهرب حيعذبك وحيوريك الويل وحينسيك النوم
فأنت هل ترجع تنسجن وتقعد عمرك كله آسير عنده.....والا تتحمل الالم والعذاب باش تهرب ومعادش ترجعله نهائيا .........
اني حنكون معاك عمري ماحنسيبك عمري ماحنتخلي عليك اني حندعمك وانكون بحانبك نيييييييين تتخلص من هالادمان ....مش حلو تكون سامي ولد العيلة المربي العاقل الطيب وآخر الكلام يقولو المدمن .....كلمة مدمن اللي بتنحط بجنب اسمك اني مانرضاهالكش .....ولا انت حترضاها علي نفسك ......انت نبضي لو سمحت ماتخليش نبضي يوقف بسببك ....سامي تخيل اليوم اللي بتسيب فيه الدخان شووووووف كمية الفرحة اللي حتزرعها في قلبي وقلب وامك واهلك وقلبك انت ......سامي اني مانبي نخسرك والدخان امداير حيط بيني وبينك انت لازم تهد الحيط باش نوصلو لبعض
وسامحني علي الاطالة ........واني حندعيلك في كل ركعة انه ربي يعطيك الطاقة والصبر والتحمل انك تسيب الدخان
💔💔💔
كنت ادقولي مافيش حاجة حتفرقنا الا الموت ، وينك ياموت تعالا اضحك تعالا دير اي ردة فعل رد اعتبارك حتي ، حاسبينك انت اللي تفرق في الاحبه ، مدايرينك انت اللي تسلب في الفرحه وانت اللي تحطم في الوعود وانت اللي تنزل في الدموع، اااااه ياموت رااك مظلوم راك مسكين بين البشر ،....
تتفكر لما غلطت فيا وقتلك قولي اسف قداش عيطت وقداش هنت وقداش درت فيا وقداش وقداش ..... وببساطه بعد ماكملت تهزيب وعياط سكرت في وجهي ورقدت ومعاش بيت ترد عليا نهائي واني مخليني نتصل ونبكي زي الحمارة........ااااااااه💔
لدرجة اهيا كلامي يوجع فيك لدرجة اهيا كلامي ثقيل عليك ، علي فكرة اني قتلك قول آسف ببصارة لكن ماتوقعتش انك تستتقل ادقولهالي ....عمره ماكان الاعتذار علي الخطأ مذلة ولا ضعف ولا تقليل من الكرامة ، واصلا مش مفروض يكون بيني وبينك كبرياء وكرامة ، اني عمري ماحطيت لهالكلام هذا اعتبار وميزان ، ديما انحب انكون مجردة قدامك من كل شيء حتي من كرامتي لان مافيش كرامة بين حبيب وحبيبته. اني لما كلمتك علي كرامتي كان هذا مع امك مع اي حد غيرك تهمني كرامتي لكن معاك مش مهم ....اني انحببببك تعرف شن معناها انحبببك يعني اني انت وانت اني ...احني شخص واحد علي فكرة ..مش مفروض يكون في بيناتنا هادي الاعتبارات ...اني انحب نحكي معاك علي طبيعتي ...مانحبش نجمل الكلام ونساويه باش يعجبك او يجرحك .... انت تعامل فيا كأني عدوة ...اي كلمة او تصرف مني مش مقبول وتزعل .... راهو الحياة مش هكي وعمره ماكان الحب هكي ...اني عندي انت رقم 1 في حياتي يعني تهمني اكثر من نفسي وماناخدش منك موقف علي خاطر كلمة ...
علاش كل كلمة انقولهالك تتحسس منها لدرجة هادي اني كلامي ثقيل علي قلبك لدرجة هادي اني نجرح فييييك ، ياريتني انموت ونريحك مني ومن همي ، اني لما نقولك مانتحملش اتسيبني مضايقة وترقد ...اني نقصدها راهو ... اقسم باآيات الله الوجع اللي نحس بيه جسمي ماليشي طاقة يتحمله ، ورب العزة اني انسانة منتهية ومعادش عندي طاقة علي الاستمرار ... راهو اني منتحملش نكبت دموعي في وقتها باش ماينزلوش لان مش من حقي نبكي ونعيط ونرتاح لازم نخليهم مدسوسات باش نفرغهم في نص الليل علي مخدتي وعلي الصامت باش مايحسش بيا حد ...راني نحس في روحي منتفجر قلبي يتقطع انفاسي تتلاشي راني نتمني في الموت الف مرة مش علي خاطر منتوجعش ، لا ،علي خاطر منوجعكش ،اني انسانة ياسامي راهو واللهي ماعاد قادرة نتحمل تعببببببببببببت تعببببببببببببببببببببببببببببت حتي النوم مش شابعة فيه ولا المآكلة انحس بطعمتها كأني ناكل في سم غصبا عني تاني لاني لازم ناكل حتي اشوية باش مايشك حد فيا اني خلاااااااااااص وصلت لنهايتي نقسملك بالله اني انسانة مريضة وماتتحمل الضغط هذا راني حتي النخصات امتع هبوط السكر رجعولي ترببببببح راني تعببببببت ......
قلتهالك بدل المية الف اني الزعل والمشاكل مانتحملهمش ومانتحملش تسيبني مهمومة وفي عز الخلاف وترقد راني نتعذب مش نرقد .....
اسمع اني اللي شفته في حياتي والمشاكل والهموم كافية انها تخليني جسد بلا روح ...
انت بس اللي حسيت الدنيا عوضتني بيك ..حسيتها قدمتلي جائزة علي صبري وتحملي ....مادجيش انت تكتب نهايتي ....اني نبي نحارب بيك الدنيا كلها ....مش تكون انت والدنيا عليا ....راني متت راني تعذبت ... والله ماليا طاقة كل كلمة انقولهالك تقعد نحسب فاها وانقول بالك يفهمني غلط وبالك ماتعجباش ...انت ملكي ليا اني وبس ...اني الوحيدة اللي من حقي انقولك اي شيء وانت تتقبله تسمع فيا انت روحي وقلبي وإحساسي انت اللي مفروض نحكي معاك بكل راحة ويسر مش نقعد نحسب فاها مليون مرة قبل مانطلع حرف علي قوله بالك يزعل وبالك يفهمها بطريقة تانية ...
ااااااااااااخ ااااااااااااااخ تراني اللي شفته في حياتي كفيل انه يخليني ننتحر واللهي مانبالغ لاني انحطيت في مواقف وحاجات فوووووووق طاقتي بهلباااااا .
راهو اللي يحكي معاي ويسمعني يقولي انحس فيك أكبر من عمرك بهلبببا كلامك ووجعك اكبر من عمرك مايصدقوش اني قاعد عمري 17 السنة ماكملتش 18 حتي...
لو انت تبيني نتكلم معاك بالرسميات بس خلاص عادي براحتك لكن المشكلة لما منعيشوا في نفس الحوش هل حنقدر نعيش بهادي الطريقة ..انت قتلي نبيك تكوني اسعد انسانة في العالم هل في رآيك هادي السعادة لما نبدا نحسب في الكلمة مع راجلي وحبيبي الف مرة قبل مانطلعها وياويلي كان قلت كلمة هكي ولا هكي الحرب نعتبرها ابدت ....
سامي اني من كل قلبي نحبببك ومانرضاش بزعلك ولو انت تبي تحافظ عليا وماتبينيش انموت ناقصة عمر نحي كل الحواجز اللي بيناتنا كل شيء خليك قدامي واضح ومجرد من كل شيء ريحني تربح راهو معادش ليا قدرة علي تحمل الوجع
انحببببببك ❤❤❤
.انتهت الحلقه
كل كلمه موجودة في روايتي كاتبتها اني مش مقتبستها
تابعوني الروايه قويه هلبا راهو واني قاعدة في البدايه كأنها مقدمه للحلقات الجايه
ديرو مشاركه للقصه