مذكرات عاشقه

الحلقه 21💋💋

الحلقه 21💋
بسم الله الرحمان الرحيم
(اللهم أصلح لي ديني الذي هو عصمة أمري وأصلح لي دنياي التي فيها معاشي وأصلح لي آخرتي التي فيها معادي وأجعل الحياة زيادة لي في كل خير واجعل الموت راحة لي من كل شر )

فتحو عليا الباب واني نبكي ونترجي فيهم يرخوني ، وهما لارحمه ولا شفقه ، باللهي اعليكم ربي يستر عرضكم استروني ، عندكم خوات سألتكم بالله خلوني نمشي ، ضربني واحد منهم كف وقالي سكري فمك مادجيبيش سيرة اختي بفمك الخامر ، ورحمه والديكم ارخوني ،اني الصادق حطني ، اني اخته ، وهما يشركو في حوايجي ومطامعهم القذرة؛ فوق كل ترجياتي باسمك ياربي ...👆🌹
في عز وجعي ومعافرتي في 2  ، و2يتفرجو لكن حكم قعدة بحوايجي ونخبش ونعيط وهما مستمتعين بآلمي ووجعي ، الانسان لما تتحكم فيه غريزته الحيوانيه ، تستعبده ~، تخليه مايفرقش علي الحيوان الا بشكله 🌺
الصادق يجري ويخبط علي الدومان بجهد جهده ويعيط وصل للاستراحة في لمح البصر انزل يجري وخلا الباب مفتوح ، يخش يلقي أسوء منظر ممكن يشبحه حد في الدنيا ، اخته في ايدين الاوباش وتتعرض لاغتصاب ، شاف قداش الدنيا صغيرة وحقيرة وفعلا دوارة واللي داره في الرخيص لقاه في الغالي ، بايديه سلم شرفه وعرضه وواقف يتفرج ، بدون وعي قام سلاحه وضرب طلقتين في الهواء وقفو كلهم ويشبحوله واني طحت علي الوطا وابديت نبكي ،وابدي يضرب في الرصاص عليهم ويبكي ويقوللهم اختتتتتتي هاااااااااااااادي اختي عرضي شرفي شرفففففففففففييييييي ياكلااااااااب قتلهم كلهم والبنت اللي معاه هربت ، اني مشيت اتلبطه  وهوا قعد مصدوم وبعده اتلبطني بايد واحدة ،اني واللهي انحبك ياوخييي واللهي ياصادق مادرت حاجة غلط وااللهي نترجاك معاش تسيبني ياوخيي اني ماليا غيرك ياوخيي انسي اللي فات ونبدو من جديد اني سامحتك واللهي سامحتك ، ونسمع صوت طلقه تانيه ويطيح الصادق بين ايديا ، لاااااااااااااااااا ياربي لاااااااااااا ، علاش خليتني ياصااااااااااااااااااااااااااااادق علاااااااااااااااااش ، علااااااش ياوخيي قتلت روحك غر علاش علااااااااااااااش، وابديت ننذب ونبكي ونعيط
" ألم تكسرك أشد أشيائك حبا ؟ ألم تستيقظ ليلا لتفكر ماذا فعلت حتي تنال كل هذا ؟ هل فارقك الامان منذ ذلك الحين أم أنني الوحيد من شعر بتلك الاشياء ؟ قد صبرت حتي فاق الصبر أضلعك لتنال الذي لطالما أردته ولكن ماتريده لايريدك وهذا المحزن ، لملم شتات نفسك لأنه ليس لديك الأن أعز عليك منك "

  كركرته بجهدي الطايح للسيارة ونسوق في الظلام في هذيكا الصحراء حتي الطريق مانعرفها وحوايجي مشركات وشكلي ايحشم ، ماوصلت لجهتنا نيين روحي طلعت ، مشيت لام سامي نبكي ونعيط وهيا المسكينه ماقصرت معاي ، آوتني ان شالله ربي يقدرني ونردلها جميلها ، قلت للشيخ ودار اجراءات الدفن واني خلاص لا عاد عندي ظهر ولا سند ، ومن امتي كنت ظهري وسندي ياصادق ؟؟👌💛🌹
الله يرحمك ويسامحك
جو الناس ٣ ايام عزوني في حوش سامي وخلاص ، تالت يوم جي راجل يسأل عليا طلعتله ، قالي واخيرا تفكينا منه هالصايع الضايع وربي تفكره ، حمقني وبديت نلعلع عليه ، مهما كان الصادق خوي ومانرضي فيه شيء ، قالي هذا لسانك بعون الله حنقصهولك يلا خودي حوايجك واطلعي قدامي ، اني عقلي استاكه قتله انت شن تخرط ، اكيدة خرفت ، تي مني انت اصلا ، قالي اني عمك ، هيا ماتكتريش معاي الدوة ، هه قتلي عمك ، وينه عمي لما توفي بوي ، وينه عمي لما توفت امي ، وينه عمي لما انحبس الصادق وقعدنا بروحنا ، انت لا عمي ولا نعرفك ، برا اتسقد طريقك خضراء ، شدني  من دراعي وقربني لوجها ، بالك تحسابيني مستاحشك ولا من كثر مانحبكم جاي مناخدك ، لا راهو ، اني من قصه خوك والعمله اللي دارها تبرينا من بوك وعيلتكم كلها .

[ولكن جرب أن تنظر إليهم كمرضي !
سيختلف موقفك كليا
وسينقلب غضبك منهم إلي شفقه إليهم !]

فكيت منه ايدي ، ونعم الاصل ياااااا ياعمي ونعم الاصل ، واضح ماشالله انه صله الرحم عندك حاجة مقدسه ، وكأنك لا تقرا في قران ولا تعرف انه قطع صله الرحم من الكبائر ، وانه لللي يقطع رحمه ، كأنه قتل الناس جميعا ،
قالي يلا وماتتفلسفيش عليا يابنت فاهمه ولالا ، ياللي اسمك عمي ، اني مش متحركه من مكاني واعلي مافي خيلك اركبه ، قالي مستقويه بمني ، قتله مستقويه بربي ، برا زينه الله لايسلم فيك عظمه وقربعت الباب في وجها .
ام سامي مقعمزة تقرا في قران ، واني فايته علقت في وذني آيه (ولا تيآسو من رحمه الله )
توضيت وقعدت نصلي وندعي ، فعلا ماهياش هيا نقعد مع ام سامي وأصلا المراة بتمشي لاختها ويبو يتونسو ببعض ، باهي وانتي يامريم بتقعدي عايشه بروحك ، مطمع لكل كلب داشر ، باهي اختي اللي من لحمي ودمي علاش ماجتش لا في وفاة امي ولا  في وفاة الصادق ، باهي بالك صايرلها حاجة ، خديت قراري انه لازم نمشي نطمن علاها في الاخير هيا من لحمي ودمي ، هيا اللي من ريحه رحم امي 🌺🌺🌺🌺
نضت الصبح ووتيت حوايجي وودعت ام سامي وبست علي راسها ، لقيتها موتيتلي سندوتشات ناكلهم  في الطريق ، قلت لواحد من جيرانا يدلني علي مدينتها وطريقها ، عزمت العزم وشديت الطريق ....🌹
ضعت شويه لكن اللي يسأل مايتوهش ، والحمدالله وصلت للمدينه ، نبي نستفسر علي الحوش واللي نسأله علي اسم راجل اختي يطبس راسه ويمشي ،  خشيت لمحل غدائيه ،لقيت راجل كبير في العمر شويه  سألته ياعمي باللهي اعليك دلني علي فولان الفولاني ، قالي يابنتي خليني الله يربحك ، مانبي مشاكل اني عندي عيله ، خش وراي شاب واني مستمرة نسأل ياعمي سألتك بالله دلني عليه ،  نبيه ضروروي ، كلمني الشاب واول ماتلفتله سرحت في عيونه كانو بحر ولاول مرة نعلن هزيمتي قدام راجل
"وأسألك بنور  وجهك الذي أضاءت به قلوب العارفين ، ألا تتركني في ميادين الحيرة ، وتدلني إليك بعجلة قلب ، يخاف أن يضيع "
قالي انتي شن تقربيله ، قتله اني اخت مرته ، حسيته راقيله ومتعصب ، قتله شن فيه اختي فاها حاجة ، اتنهد وقالي الحقيني في السيارة ، قتله اني عندي سيارتي ولو بتوديني لاختي تمام ، كنهذا اني نتآسف منك مش حنمشي وراك ، قالي اني سلف اختك والحقيني بلا تكتير  دوة ، لحقته زي البنت الشاطرة نيين وصلنا لمنطقه ابصر كيف ، اشرلي ننزل واني خايفه ، ياحليلي هذا وين رافعني ، نزلت وخشيت للعمارة ونسمع في صوت عياااط مراة ....
انتهت الحلقه ....
نبي تعليقات الحلقه الجايه نااااار نارررر ،🔥🔥🔥🔥🔥🔥🔥
ضيفو الروايه في قائمه القراءة الحلقات الجايه نار وتبي قلوب قويه