الزنبقة _ السوداء
داليا_ المسلم
الحلقة_20_
┈┉┅━❀. 🍃🌸🍃. ❀━┅┉┈
رجعنا للبيت وطول الطريق. بيداء تلغي. المعلمة
سمنانة. والمعلمة تنورتها. مشكوكة.
وصلنا للبيت الباب مفتوح اتعجبت. شعجب
احنا عدنا بس بيداء تتركة. مفتوح. دخلنا
واشوف. مداسات اباب الديوانية. اتعجبت شكو وصوت زلم يحجون. بساع فتت للمطبخ اشوف أمي تبجي وحبوبتي تنعي. بصوت ناصي. شكوو يمة. شبيكم
شذرة .. ابوج. سودا بوجهي. اندعم. ورجلة. انكسرت
وهاي نايم بالديوانية جابو صدقانة مجبرينة
أمونة ... امي تبجي وتحجي
يمة لطمت صدري. وهسا خما بي
شيء كمت ابجي كلشي ولا ابوي منو النا من
عمري لعمرة كون. طبيت ذبيت هدومي وهدوم اخوتي
مشى النهار واحنا حالتنا حالة. كل اشوية ناس جاية اشوف ابوي ما فضينا منا لليل
دخلت عليه. لكيته وجها اصفر ونايم. حبيته من راسة
وطلعت اخوتي. وطلعت أمي. ادال متقوي
روحها. على موده. لا. هيَ هم تمرضت عليه
مر اسبوع اوبوية عصبي ومايتحاجى ابد
ضلت أمي اداري بيه. بس هو تغير وصارت
روحة بخشمة كل واحد يحجي يعيط بيه
ويطكة خو. بيداء خنست بعد هل الخنسة
اجت خالتي شهلا وياها
عيالها ومن ضمنهم ابن حماها الرادني
ضلو يمنا. اتلث ايام. بيوم باليل طلعت انظف ا
البراني. بالنهار مدرسة ودارسة عندي
وخطار. بالليل محد اكو كلت اغسلة
كمشت السطل. وارش. وغيداء تكنس. بالمكناسة
جنت مشكلة ثوبي منا ومنا. ومدنكة ارش ماي
رفعت رأسي. وصار بوجهي الولد. ابن حما خالتي
فزيت نزلت ثوبي بساع. وكصيبتي طالعة من
ربطتي. ردت افوت بس جاني صوتة. سلم
مؤيد ... اشونج. أمونة
... رفعت راسي وصارت. بعيني. زينة الحمدلله
اشون يباوع بجرئة. ولايستحي . ابد. تعديته
همسلي
.... احبنج. يازينت گل البنات احبنج
حيييييل حني حني لو شوية
... رجف كلبي بخوف منه. حجيت أنه وافوت
يا قليل الناموس. لاتنسى. البيت البي انتَ
أنه عرضى. عفته وفتتت. صحت. غيداء
الحكيني. صار بوجهي ابوي. وخالي كافل
متجيلة ايطلعة
ومؤيد صار. وراي بس بساع راح. للشارع طلع
الحيوان . أنه. احس الدم يبس بعروكي
والمصيبة الربطة مالتي مفتوحة رجعت ليورى بخوف
لان عيونة ابوي صارت بكصته. حجى بعصيبية
... يابت الجلب شسوين بالبراني. ولج
... والله بوية جنت جنت اغسل. بيها هاي ويايه
غيداء التفتت ماكو. هاي. ماحسيت بس على
ضربة بالعوجية مالته. على كتفي احس روحي
شاغات نزلت دموعي تتسابق
كافل... اصبر ابو علي. صدفة صارت صدفة
شوف الولد بساع طلع. مامتنبه الها
... حجى ابوي بعصبية. لا. هاي الزمالة
كالت أبوي تكسر. بعد العب بذيلي. وعلى احركج
حرك جلبة
... صابتني الرجفة من الخوف. لا بوية أنه تربيتك
مااسويها انتَ ماتعرفني. والله ماادري بيه طلع والله
كاله خالي
... اشش فوتي يالله. فوتي
... دخلت اركض. للحجرة جانن كاعدات امي وجدتي وخالتي. انه ركضت بحظن. جدتي وضليت ابجي
احس صدري قبط من النشغة ابوي ابد ماضاربني ابد اول مرة يسويها دوم يكلي. انتِ عزيزتي
جدتي فزعت ... شبيج ولج منو طاكج
غيداء ... ابوي. طكاها. بالعوجية. حيل
شذرة... ليش. شسويتي حقي مايضرب ابدون سبب
احجي لا اضلين ساكتة كولي
غيداء ... جنا نغسل بالبراني. وطلع مؤيد سلم على
أمونة. وابوي همات طلع. وشافاها
حسبالة جاي اسولف وياه
.... كامت أمي راحت وحبوبتي ضلت اسكت بيه
ضليت على فد دمعة خالتي. رادت تحجي كتلهن
عوفني بوحدي ماريد احد. لفيت رأسي ونمت
اجاني محسن يبجي ايريد انومة. دفعته. وظربته
رووووح. لـ أبوك يالله ولو مني ولوو. ماريدكم
عاطت بيه جدتي
... ولج أمونة. زمالة اشون. تبجين محيسن مو يحبج
ايكلج يمة. ماتغزر. بيج. احضني يالله لاتقهري
... التفتت الى صافن عليه ويبجي. سحبته
بحضني . ونمت هو يمسح بدموعي. ويكلي احبج
اسكت اسكت. كلها تحبني مااريد احد يحبني ماريد
نمت وأنه دمعتي بعيني
....
شذرة طلعت اشوفن. حقي انه ادري بيه
من وكع لليوم وهو روحه بخشمة كاره اهدومة. العليه
لكيت كافل جاي يمددا على القريولة حطيناله
بالديوانية ادنيت يمة. كافل. خله طلع
... اروح انام أنه. تصبحون على خير
... خوية فرشتلك بالهول انتَ ومؤيد
.... خوش
حقي... روح وانتَ من اهل الخير.
شذرة ... طلع. كافل وسد الباب شلت الغطة
وذبيته على حقي هاا حبيبي. شبيك. يوجعك شيء
... رجلي هواي. توجعني بالليل. تعبت منها
أمونة وين راحت
... نامت
... بعدها تبجي مو. أنه طكيتها. شاطت روحي
من شفتها. كصيبتها مدندلة. والربطة مفتوحة
.. وعلي خطية مو قصدها. لكتني اغسل بالبراني
وماقبلت عليه وطلعت كملتها انه عفتها ودخلت
يم شهلا أنه الصوج بيه
... مرة ثانية لاتخليها تخطي باب المطبخ من يجي
أحد ماريدن احد يشوفها. ويجي يخطبها اريدها
تخلص دراستها. شذرة. هاي جماعتنا. لو حطوها ابالهم. ايلزكون بيه لزك منا لما ياخذوها مني
لاحسبالج محد يخطبها كبل أسبوع أبو عاطف
كالي عليها لاأخو الصغير. وأنه كتله ماانطيها
علميها شذرة
... رفعت الغطة منه وذبيت شيلتي ونمت بصفة
بسته من صدرة. انتَ بس لا اضوج. كلشي اتريده
ايصير شعدنا غيرك. لا يصيبك مكروه وعلي اموت روحي وراك رفع راسي من صدرة
... تحبيني شذرتي. تحبيني يابعد كل هلي وناسي
ماضوجين لو. نعابت رجلي ودكرمت
... رفعت راسي وحبيته. من شفايفة. وضحكت ليش كل واحد ينكسر. رجلة تنعاب وبعدين حقي
انتَ ابوي وامي واهلي وناسي وگل دنيتي. الله ياخذني اذا بيوم ضجت منك. تذكر. من عفتني خمس سنين
.... تنهد وكال اي نقطة سودا هاي بحياتي. لحد هسه من اذكر السويتة وطلعتي. منكم
اكل ابروحي اكل. ماريد الله يعيبني ابناتي. با الي سويته بيج
... اشش خليت ايدي على حلكة اسمة الله.
انتَ لا عدالك أنه كرهتك. لا. خمس سنين. وعيني
على الباب. كل يوم. اكول راح يفوت عليه. تدري
مو بس عازة لا حب احبك. هووواي. عمر كلبي ما كرهك صدك. انقهرت منك. بس ماكرهتك.
لا بس الصدك. ضحكت
... اي كولي الصدك
... عقلي كرهك. من كثر ما كلبي اشتاق الك. ادورك
بين كل الوجوه حقي اهلي ماتو. وأنه وحدي حسيت روحي غريبة وحيدة محد. الي اتمنيت انتَ موجود. ااه يالله زمان وله. وراح
.... احبج تدرين. شكد او لو ينعاد بينا. الزمن
اختارج من بين كل النسوان. او ماعوفج . ابد. اسف
شذرة ولو حييل متأخر
... اكلك انتَ كلما اضوج. تعيد نفس السالفة
ماريد شيء بعد والله ماريد. نسيتها وراحات
انتَ وجهالي واخوي عندي تسون كل الزعل وكل
الكون. حضنته واني احبن. بيه. حضني. واخذني لغير. عالم. عالم بس أنه. وياه. كل لمسة منه تعبر عن. تعب سنين ضيعهن بعيد عني.
.....
فات وسد الباب
كافل ... هاا نمت مؤيد ابو. الدكايك شكتلك
أنه مو لاتطلع. ليش اسوي هيج.
مؤيد ... عمي والعباس ابو فاضل. حتن بيت اخليلها
وحدها بس كون ترضى. عمي شتريد. انتِ مو بحسبة عمي. انتَ. اريدك . اتقنع عمي حقي
... اسكت اسكت. يابة ماينطيها ابوها ماينطيها
للعرب. تسكن هنا يمهم. لو تسكن. بالمدينة
تطلع من اهلك. وتترك الفلاحة تكدر
... لا مااعوفن اهلي ولا كاعي ولا ناسي لجل
حرمة. بس اظلن وراكم الا ماخليت عمي حقي ينطينياها وانتَ تقنعى
.... نام بوية نام. احلامك. مسيسة بالماي
او مشحوفك مكسور نام نام
.....
أمونة ...
كعدت من الصبح ماريدن اشوف ابوي مقهورة منه هواي. لكيت أمي مسوية ريوك وابوي كاعد هو وحبوبتي. جاي يتريكون
صباح الخير حجيت ودنكت راسي وضليت واكفة احتراماً لـ أبوي. رغم انه زعلانة عليه ضحك وصاحني
... تعاي بوية تعاي. أمونتي زعلانة على ابوها
... مشيت ليمة. مدلي ايده كضيتها وبستها
هو حضني من اكتوفي. وكعدني يمة
... انه. ماكرهج. بنيتي بس من حرصي عليج
ماريدان احد يشوف هذا الحسن. اريدن الناس تتحصر. على طولج ادري بيج. خوش.
بنية وحبابة اريدج دوم هيج مثل كاغد ابيض.
اتعيشين وتموتين. راية بيضة والناس تتمناها. اوو موكل واحد يستاهل هذا الجمال لا. اريدلج الي يقدرج. ويحطج ملكة على رأسه
... ان شاءالله بوية بسته وكمت
. انه اروحن للمدرسة اتأخرت. كمت وكلت لااخوتي يالله. حطت أمي الفلوس بيدي مصرف الي ولااخوتي. طلعنا.
وهيج كضت ايامنا ابوي. يوم زين وعشرة
ضايج. وصياح وعياط واليحجي لازم يلوحة طشار
أمي كالتلة خلنا نطبخ مااعارض. راح خالي اسوك
وامي خيطت النا هدوم سود. لبستنا
وطبخنا للامام الحسين. جانت. جدتي.
تلكط بالحنطة واحنه. وياها. وتحجي اشون
انكتل الامام. وانسبت عيالة. واشون المرآه لازم
تتحمل. كلشي. يجرا. على اهلها بصبر وتقوة
وعزيمة وإيمان وتبقى صاينة روحها. حتى لو
كتلو اهلها وشردوهم دكوللنا خلن. السيدة
زينب اسوا النا. وعبرة. لانها جبل من الصبر
كتلو اخوتها واهلها كدامها. وحافظت. على الباقين
او ماجزعت. صح حزنت. بس ابدون جزع
طول محرم احنا مجرجفين التلفزيون. ابوي وجدتي
يكولون مايجوز حرام. احنا حزانة على ال الرسول
صل الله عليه وسلم. ولا ناكل حب شمسي. ولا نعلج
لانه كل يوم جنه انجيب. نص كيلو حب شمسي
من تطلع غوار الطوشي. حت بيت أم عاطف
يجون يمنا من انكسر تلفزيونهم. ماشترالهم
بعد ابوهم
كمل محرم. ....
وهلت فرحة الزهره كمنا انحضر
خالي كافل. الفرحة. ما سايعته. راحن أمي
وجدتي وخالاتي. الهم عدن الكي ( افلوس المهر)
وبعد شهر العرس كالن خالاتي وأمي متفقات
وياهن
خالي كال. لاابوي وأمي
كافل... أنه راح اجر بيت هنا منا لما ابني كاعي
واكملها
حقي... مع الاسف عليك. شنهي. مسمعينك
حجي. مو عيب عليك هذا بيتك. ازوج. واستقر
بين ما تبني گاعك وهاا غرفتك علية. نجرتها الك هدية عرسك
كام خالي. وحب راس ابوي
كافل... مشكور. ابو علي ماتقصر. طول عمرك
شايل همنا افضالك ماانساها
حقي ... والله عيب عليك شهل الحجي الماصخ
التفت لاامي. شذرة ترحين للسوك انتِ وياه
وجهزين غرفته. من كلشي. وتحضرين كلشي للعرس
وبدينا نحضر للعرس
ابوي بهل الفترة
فتح صب رجلة. ورجع صبها لنها بعدها ما جابرة
بس اعصابة حيل حيل تعبت.
نجحنا بنص السنة. وعطلنا. وهم عرس خالي
بيوم أم عاطف سوت عيد ميلاد ابنها الصغير. كل سنتين تخلف واحد هههه خاطر تاخذ اجازة طويلة بدلنا كلنا ورحنا
بس أمي. بقت يم أبوي جدتي راحت ويانة من دخلنا جانت أم عاطف لابسة. ثوب لماعي . وكصير. وحلو حيل جنها اجنبية من ذني اليطلعن بالتلفزيون. مالتنى
شغلت الراديون . و طلع المذيع كال المطرب الشعبي صاحب الحنجرة الذهبية عبادي العماري اغنية
ما دام نجمك فالي زيد الدلال. وغالي
نتمنا لكم اوقاة ممتعة
كمنا انصفك. وكام يغني المطرب اغنية حيل حيل حلوة وردة بت أم عاطف ذبت لحم غيداء كامت هم تركص. جرن بيداء. وجان تدفر. وردة لزكتها بالقنفة
بيداء ... امشي لج شني كالولج أنه كيولية والله يالله
عيديها انوب وعلي ادفنج. هنا بحديقتكم.
... عطت بيها لان أم عاطف بقت تباوع. عليها وضحكت كمت عليها. كومي نرد للبيت ياله أمشي
بيداء... دجيبي الكيك والحلويات. ونمشي على شنو جايين. على ثوب أم عاطف الملمع
... ولج انطمي عيب امشي اخذت الجهال وطلعت
جدتي كالت هسا اجي. وراج
دخلنا للبيت. وبيداء تفر بيدها. كالت لاأمي
شذرة ... هاا شو رديتو. ليش
بيداء ... اكلج يمة انتِ ليش متلبسين مثل أم عاطف
اشو النهار كله لافة شيلتج. ليش
شذرة ... اضحك على عقلها. بويدا. أنه كضيت
عمري هذا لبسي ابوج شكد حاول. وياي. البس
مثلهن بس أنه مااكدر وما عشت حياة مثلهن مترفة
اشو كضيت شبابي. من لطمة حزن. للثانية
اشفت بس القهر. واحمد الله وأشكره. الله
عوضني بيكم.
امونة .. حضنت أمي. وانتِ احلى أم والله من عمري لعمرج. يمة. حضنتني او باستني
خلصنا ترتيب غرفة خالي من كلشي وكل اشوية
جاية وحدة من الجيران طاشة جكليت وتهلهل للغرفة
اهدوم العيد مالتنى جديدات. حضرناهن للعرس
اجه وكت عرس خالي. سوينا حنة بيناتنة مارضى يعزم احد خالي فقير وحباب. ماجان عندا اصدقائ
هواي لانه يكضيها من الدوام. للعيادة مالتى
صار العرس والجيران كلمهم. اجوي وكراباتة الي بالعمارة بيت عم ابوي وخوال خالي كلهم
ابوي كال اسويلة احلى عرس
كبل ابيوم راح خالي للحمزة جاب حبوبة أم غايب
بعد ما مات جدي ابو غايب راحت يم بنت اختها
ماخذاها ابن حماها. كالت اعيش يمهم. شكد أمي
وابوي اتوسلو بيها تجي يمنا مارضت
صح هيَ عجوز حيل. بس بيها حيل. وجها كله
نور وبشوشة. كل اشوية وباستنة. اكثر واحد
بينا تحبة. بيداء. تموت عليها
بيوم الزفة كلنا تحضرنا نروح لبيت. العروس
أنه لبست ثوب لون اجويتي. جابته الي خالتي
شهيدا من العمارة كالت جبته الج مخصوص
كاعدين بالهول نركص ونهوس ننتظر الزفة
نمشي للعروس. سحبت ايدي مرية. التفتت الها. عرفتها
مرت. ابن عم أبوي
.... شنهاي صايرة عروس. بت حقي. ماتنطينياها
ياشذرة احنا اولى بيها بيت عمها. من خوال
كافل وتباوع صفح لبيت اهل جدتي
... ردت أمـي الها
والله خية مو قصة منو اولى من منو لا بس ابوها
مايزوجها ايكول بعدها صغيرة خلها تعبر العشرين يالله. اصير واعية او راكزة. تعرف شنو عرس
شنو رجال. ماينطيها
ردت الا أمي
.... جاا خوش خلها تعنس احسن
أم مؤيد ... جاا ليش احنا غربة وانتِ اولى. من عدنا
اقلها ابني كال احطلها بيت. واعزلها وشتريد تامر
بيه
أمونة ... الجو انشحن. اشوية واصير. بكلاصات
الشربت وانس تظرب ناس عاد جدتي
عاطت. بيهن وسكتن بس ضلن وحدة محنفشة
على الثانية.
طلعنا زفة. جبنا العروس وجينا وصلنا للبيت
كعدو جدتي كامت تهوس. بعباتها
مسلام. بالله. يبني الطيبات علومة.
مسلام. بالله. يبني الطيبات علومة.
وها وها
كامت أمي وكابلاتها. وتدبج ودكلة حتى مامت تبجي من الفرحة
وجينا انوفيها اليوم الخوه. وجينا انوافيها
ها وها وها وها
كابلتها أم عاطف. وتدبج وتغني
واليوم اسمع طك رجلينا واليوم ابابك مرينا
وها وها وها
واليوم اسمع طك رجلينا واليوم ابابك مرينا
وخلاتي ذبن فلك. ماكعدن. بس يدبجن. مامصدكين خالي عرس.
زفو خالي. لغرفته بهوسات زفيناك بصاية
حيدر. وزفيناك بصاية حيدر
والوادم تعشت ومشت. بس خالت العروس وعمتها ضلن يمنا ما راحن
أنه وخلاتي تحزمنا وطلعنا. كفينا الجداري
والصياني مال الاكل وكعنا صفح نحجي
على. اخت العروس. اجت وياها خطية. بيها
شمرة كل اشوية ودايرة وجها صفح وفاتحة حلكها
شهيدا ... وعلى أمي كامت ادك. وتلطم ادكو فروخ كافل كلمهم. يطلعون بيهم شمرة من رحنا خطبنة ما طلعوها هاي العوجة ليه
شهدا .. شنهي أمي شجاها طلعت الفرحة من خشومنة. وعلي. ولا تعوفها بحالها وكولن كلت الجن
جيبي الجلافة ولج بويدا لا جلفين . بالحايط
بيداء ... اكلجن هاي. عروس كفيل نزلت تمشي اعوج. او حقي خذا كفيل وراح للديوانية. والعوجة نزلت
أمونة ... ضحكتنة خايبة. سدي حلكج. يمصخمة
شهدا ... وعلي دواكم. بويدا. بعد خالتج تعاي احبج
انه شايله هم. للزلمة الياخذج امة غاضبة علية
شهيدا ... صلاوات نزلو اروح. الهم كملن انتً لا احد تجي
أماني ... طبن خالاتي كامن يهلهلن ولحكتهن
بيداء. المدهورة بكلشي. نابصة روحها اني التهيت انظف. واخوتي الزغار يمي. فضة تضحك. وترش ماي.
... ادلج امونة. أنه همات اليدن اصير عروس
ردها. حسين
... غير ابوي يكطعج تكطع. وبويدا ماترضى
احد تعرس كبلها دالت. مرت خالي. الا ماتكطعها
باجر. من أمس تحلفت بيها اطكها
أمونة... ضحكوني اشون جهال بلا بيكم كافي اسكتو عيب تحجون هيج ابوي لو سمع. يجويكم
على حلوكم زين. سكتو وظلو يضحكون
كملت كلشي وجبت وصلة المسح امسح الكاع
محد طلعت الي بعد. سمعت صوت صياح
وجداي عاطت. كل حيلها. دخيلك يالله
ذبيت من ايدي ودخلت اركض.
وللحكاية بقية. ان شاء الله
اختكم. داليا المسلم ❤️
ءءء