SHUYIN 3: Royalties of Ybragon
RYEN EVE'S POV:
Huminto kami sa gilid ng medyo malapad na platform na dalawang talampakan lang yata ang taas. Nakatuntong doon ang limang naggagandahan at naglalakihang silya na parang inukit talaga para sa mga maharlika. Gawa iyon sa kahoy at brown ang kulay ng mga 'yon.
Ngayon ay mayroon nang nakaupo sa magkakatabing silya na kakaiba ang disenyo. Suot nila ang kagaya nung damit ni Azul, maliban na lang sa isang magandang babaeng naka-ball gown na kulay pula at kapang kulay pulang hinaluan ng silver.
Mula sa kaliwa, nakaupo si kuya Angelo.
Ang manly masyado ni kuya. Miss ko na yung mala-anghel niyang aura!
Ang upuang katabi ni kuya Angelo sa kaliwa niya ay bakante pa. Next, si King Hendrix, ang ama ng tatlong prinsipe ng Ybragon. May kapa din siyang kulay pula pero gulay gold naman ang victorian prints nun. May suot na din siyang pang-haring korona ngayon—para na talaga siyang hari kung ikukumpara kanina. Nasa kaliwa ni King Hendrix ang babaeng tinutukoy ko kanina. May suot din siyang koronang ginto pero pambabae talaga ang disenyo nun.
I am sure she is the queen...
My namja's...real mother...
At ang nasa kabilang dulo...
Ang mahal kong...si Adam Zein...
Sobrang gwapo niya... Bagay na bagay nga sa kanyang maging prinsipe. Para tuloy akong nahihiyang lumapit sa kanya. Parang hindi na siya yung Azul na naging boyfriend ko. Parang hindi ko na siya kayang abutin...
Tulala lang siya habang nakatingin sa mga taong nasa harap niya. Siguro ay nababagot na siya dahil hindi niya kasama si Persephone. Nandoon kasi sa baba ng platform yung upuan ng haliparot na yun, dun sa may gilid ni Azul.
"Zein!" Biglang tawag ni Xeven kay Azul kaya naman nataranta ako!
"Hoy? Anong ginagawa mo? Akala ko ba—"
"Kalma lang... And remember our plan. Do not say anything."
Tsk!!!
Tumingin sa amin si Azul at agad na tumayo, tapos lumapit...
LORD! TULONG!!!
Parang si Flash na itong puso ko. Sobrang bilis kung tumibok!
Papalapit na siya! Oh my gaaaad!
Napalunok ako sabay palihim na paghigpit ng pagkakahawak ko sa braso nitong kasama ko!
"Oh, Xeven." He uttered...blankly...
Shutek, mukhang sinapian ka naman yata ni Zethe, namja?!
PERO SHEEET! HINDI AKO MAKAPANIWALANG KAHARAP NA TALAGA KITA!
TOTOO BA 'TO?!
HINDI BA AKO NANANAGINIP?!
SOBRANG NA-MISS KITA, NAMJA!
Gustung-gusto kong magsalita. Gusto ko siyang hawakan, kausapin, ngitian... Gusto kong maging AKO... Pero putek...hindi ko magawa...
Kung pwede lang sana kitang yakapin...
"Tayo partner mamaya ah, sa Waltz de Eschanger." Seryosong pahayag ni Xeven na akala mo naman ang dali-dali lang nung pabor na hinihingi niya!
Jusko naman! Ano yung Waltz de eshushu na yun?
Di pa ako pwedeng magtanong, putek!
Agad namang napatingin sa'kin si Azul, dahilan para manginig sa nerbyos ang mga labi ko. Tapos bigla siyang napahinto habang nakapako yung tingin namin sa isa't isa.
Uwaaaaaaaaaahhh! Wag kang magpahalata, Ryen Eve!
Nahahalata ba niya ako?
Gustuhin ko mang OO, wag na lang muna sana! Baka magkagulo pa!
"Uy, bro. Ano na? Game?" Buti na lang umepal itong kasama ko!
"Ah, sige. No problem." Bahagyang ngumiti ang EX ko.
Huhuhu! NOOO! Ayoko siyang maging EX! Gusto ko kami pa rin!
"Nice. Sige, kain muna kami—"
"Seryoso ka? Magsisimula na ang announcements. Dapat nandun ka na sa upuan mo ngayon." Ang seryoso talaga ni namja. Parang hindi na talaga siya yung namja ko...
"Fine. Susunod agad ako. Mauna ka na."
"Geh." Dinaanan pa'ko ng matalim na titig ni Azul bago siya bumalik dun sa upuan niya.
Agad kong nilingon si Xeven at binigyan ng isang makabuluhang tingin.
"Ano ba'ng pinaplano mo, Mahal na Prinsipe?" Sarkastiko kong tanong sa kanya, pero pabulong lang. "Ayaw niyo akong mabuking tapos nilalapit mo'ko sa kanya?"
Gusto ko naman yun pero...baka kasi hindi na ako makapagtiis!
"Hindi mo kelangang lumayo sa kanya. If you wanna be with him despite your pretense, get used to having him around you—near you. Kontrolin mo ang sarili mo para makalapit ka pa rin sa kanya. You don't really have to watch him from literally afar. Hindi mo naman siguro gustong lumayo nang lumayo na lang, noh? I'm actually doing you a favor, so you're welcome." Litanya ng gunggong pero gwapong prinsipeng 'to.
Huhuhu! Ambait mo rin pala, Xeven!
"Alright, thank you." I lost the debate! Charot! "Pero ano yung Waltz de Eshushu?"
Muntik na siyang matawa sa pagsabi ko ng ESHUSHU! Wahahaha! Kaso pinigilan niya, ang KJ!
"Waltz de Eschanger. Sigurado akong marunong kang mag-waltz, yung basics lang. Sasayawin natin yun mamaya. Don't worry, I'll guide you. Sa ngayon kelangan ko nang umakyat dun kasama nina Zein. Feel free to eat, food is free. Basta balik ka agad sa spot na 'to before the giant clock strikes 8." Hilig magspeech nitong si Xeven.
Pero napalingon ako doon sa giant clock na sinasabi niya at—shet! GIANT NGA!
Nakadikit iyon sa malapad at mataas na pader nitong palasyo. Sobrang laki na parang sinasampal talaga sa'yo kung anong oras na!
"Alright. Thank you and see you later." Tangi kong sagot sa kanya sabay thumbs up pa.
Tumango na lang din siya at umakyat na dun sa platform, at umupo na rin siya dun sa bakanteng silya kanina.
And they are finally complete.
The de Valence family...
---------
Humakot muna ako ng mga pagkain mula sa gilid ng hall dahil gutom na talaga ako. Buffet pala ito kaya tiba-tiba na naman ako. Naghanap ako ng upuan at salamat naman at mababait pala ang mga taong nandito. Sila pa nga ang nagsasabi kung saan ako pwedeng umupo.
Habang lumalafang ay nakinig na din ako sa pinagsasabi ni Xeven na siyang nagsasalita na ngayon sa gitna ng platform. Tutuk na tutok talaga ang lahat sa mga maharlika.
"Please rest assured na ginagawa ko din ang lahat ng makakaya ko para ayusin ang namumuong tensiyon sa pagitan natin at ng Krysanthemum. Ang mga kapatid ko ang nakatutok sa Hifrit at Orfell. Ako naman sa Krysanthemum, dahil alam kong isa ako sa mga dahilan ng pag-aalsa ng nito."
Nagreact ang mga tao. Mukhang nabigla sila sa impormasyong yun.
Andaming pangalan, hindi ko magets. Maliban sa Ybragon at...Crysanthemum? A flower?
"Alam kong nakakabigla. Ako din mismo ay hindi makapaniwala, pero isa nga itong malaking posibilidad. Ilang buwan ang nakakaraan, ipinadala ako ng aking ama't ina sa Mansion of Crowns para maging isa sa limang prinsipeng maglalaban para sa puso ni Prinsesa Zoey Bretton ng Ydrasil."
HUWAT?! Nakipaglaban siya para makuha ang isang prinsesa?! Uso talaga yun dito?!
"Unexpectedly, ako yung pinili ni Prinsesa Zoey at dahil doon, nagalit ang isang prinsipe ng Krysanthemum—si Black Ryder. Sa pagkakakuwento ni Prinsesa Zoey nag-iibigan sila ni Prinsipe Black noon, pero unti-unting nawala ang pagmamahal niya dito dahil sa malaking pagbabago ni Black. Alam naman nating lahat ang nangyaring 1st Royal Murder na naging dahilan ng pagka-paralisa ng hari ng Krysanthemum. Yun ang naging sanhi ng pagbabago ni Prinsipe Black. Ayon sa mga nakausap kong naging doktor nito dati ay nagkaroon ito ng Post-Traumatic Stress Disorder dahil sa nangyari, at hanggang ngayon ay hindi pa rin ito nagagamot. Ang sakit ni Prinsipe Black Ryder ay isa sa mga nakikita kong rason ng pag-aalsa nito laban sa atin. Hindi nito kayang kontrolin ang galit nito, kaya napunta tayo sa ganitong sitwasyon. At ang pangatlong dahilan, ang kasinungalingan ng Hifrit at Orfell. Pinalabas ng dalawang mag-alyadong kaharian na isa sa heneral ng ating kaharian ang mastermind ng 1st Royal Murder incident. Walang katotohanan iyon. Sa katotohanan, kaharian pa natin ang unang rumesponde noong naganap ang krimen. Sa ngayon ay sinusubukan kong kumalap ng impormasyon mula kay Prinsesa Zoey, dahil kilalang-kilala niya si Prinsipe Black. Sinusubukan na din naming kausapin ang nakababatang kapatid ni Prinsipe Black na si Prinsipe Gray, at gagawin namin ang lahat para itigil nila ang pag-aalsa."
Hala...seryoso nga talaga ang giyerang posibleng maganap. Wala akong masyadong maintindihan pero meron naman akong konting na-gets. May sakit sa pag-iisip ang prinsipeng kalaban nila. At...tatlong kaharian talaga ang makakalaban nila...
Sunod na nagsalita ang mahal ko.
Maikli lang yung speech niya, sobra. Sabi lang niya, sinusubukan pa rin daw niyang makipag-usap sa hari ng isang kahariang nakalimutan ko ang pangalan. Yung kahariang yun ang magiging ka-alyado nila, kasama ang kaharian ng haliparot na si Persephone. Ang paghahanap ng kasamang kaharian ay para na daw sa worst case scenario, at yun ay kapag natuloy ang digmaan.
Kahit na puno ng tensiyon ang speech nina Xeven at Azul, nakikita ko pa rin ang postibong aura sa mga taong nasa royal ball.
"Magdasal pa tayo, at tulungan natin ang mga maharlika sa pagsubok na ito. We can do this together." Dinig kong sabi ng isang matandang babaeng ka-table ko sa kasama niyang lalaki.
"Yes. And sometimes it takes a bit of sacrifice..." Sagot naman ng lalaki...
Sometimes...it takes a bit of sacrifice...
Kapag nagkamali ako ng kilos, maaaring mawasak ang pag-asang namumuo sa puso ng mga taong 'to, na magiging maayos ang lahat... Gaya ng pagkawasak ng pag-asa sa puso kong makakasama ko na ulit nang tuluyan si Azul...
I will do everything...to help these people...
Even if that everything could mean...letting you fall in love with Persephone again, namja...
[A/N]: Inagahan ko yung update mga besh kasi andami kong gagawin mamayang gabi. Hihi! Ayoko namang paghintayin pa kayo. Char lang, as if naman may naghihintay Hahaha! Sana po nagustuhan niyo itong chapter na ito! If nahalata niyo, slow paced yung kaganapan. Gusto ko lang i-emphasize ang bawat moment ng muli nilang magtatagpo! Ayoooon, sige God bless us all!
Read. Vote. Comment. Support.
#babaengbully