■~ ﺷﺮﻗﮯ ~■ #روآيات_أنثى_شرقيةه 💚 (مكتملة)💚

الحلقة7

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
■~ ﺷﺮﻗﮯ ~■
ﺍﻟﺤﻠﻘﻬﻪ ﺍﻟﺴﺎﺑﻌﻬﻪ ~
ﻳﻮﺳﻒ : ﻣﻌﺘﺰ ﺭﺩ ﺑﺎﻟﻚ ﻋﺎﺩ
ﺍﻧﺎ : ﻣﺎ ﺗﺨﻔﺶ ﻭ ﺑﺈﺫﻥ ﺍﻟﻠﻪ ﺭﺣﻤﻪ ﻩ ﺗﻜﻮﻥ ﻣﻦ ﻧﺼﻴﺐ ﻳﻮﺳﻒ : ﺃﻥ ﺷﺎﺀ ﺍﻟﻠﻪ ﻭ ﻋﺸﺎﻥ ﺧﺎﻃﺮﻱ ﺧﻼﺹ ﻓﻮﺕ ﻭﺟﻴﺞ ﺍﻟﺒﻨﺎﺕ ﻭ ﺃﺛﺒﺖ ﻉ ﻭﺣﺪﻩ
ﺍﻧﺎ : ﺣﺎﺿﺮ ﺣﺘﻲ ﺍﻧﺎ ﺣﺴﻴﺖ ﺭﻭﺣﻲ ﻣﺴﻤﻄﻬﺎ
ﻳﻮﺳﻒ : ﻳﻌﻨﻲ ﺗﺒﻲ ﺗﺮﺯﻥ ﺟﺪﻳﺎﺕ ؟
ﺍﻧﺎ : ﺑﺈﺫﻥ ﺍﻟﻠﻪ
ﻳﻮﺳﻒ : ﻛﺬﺍﺏ ﻋﺎﺭﻓﻚ
ﺍﻧﺎ : ﻻ ﺧﻼﺹ ﻧﺒﻲ ﻧﻌﻘﻞ ﻭ ﻧﺨﻄﺐ
ﻳﻮﺳﻒ : ﺗﺨﻄﺐ ﻣﻼﻙ !
ﺃﻧﺎ : ﻣﻼﻙ ﻧﺒﻲ ﻧﻮﺭﻳﻬﺎ ﺑﺲ ﻛﻴﻒ ﺗﻔﻮﺗﻨﻲ ﻭ ﺑﻌﺪﻫﺎ ﻧﻔﻮﺗﻬﺎ
ﻳﻮﺳﻒ : ﺗﺒﺼﺮ ﺻﺎﺡ ؟
ﺍﻧﺎ : ﻓﻮﺕ ﺗﻮﺍ
ﻭ ﻗﻌﺪﺕ ﻧﻬﺪﺭﺯ ﺍﻧﺎ ﻭ ﻳﻮﺳﻒ ﻋﻨﺪ ﺍﻟﻔﺠﺮ ﻣﺶ ﻋﺎﺭﻑ ﻛﻨﻲ ﻧﺤﻜﻲ ﻭ ﻧﺨﺮﻁ ﺗﻘﻮﻝ ﺳﻜﺮﺍﻥ
ﺭﻏﻢ ﺃﻧﻲ ﻣﻌﺶ ﺣﻄﻴﺘﻪ ﻓﻲ ﻓﻤﻲ ﻣﻦ ﺃﻳﺎﻡ ﻣﺸﻴﺘﻲ ﻟﻤﺼﺮ ﺑﻌﺪ ﻗﺼﺔ ﻓﺎﻃﻤﻪ
ﻭ ﻛﻨﺖ ﻋﺎﺑﻲ ﺗﺎﻧﻲ ﻳﻮﻡ ﻧﻤﺸﻲ ﻟﻠﺠﺎﻣﻌﻪ ﺑﺲ ﻧﻀﺖ ﻉ ﺍﻟﻌﺼﺮ
ﺍﻣﻲ : ﺻﺢ ﺍﻟﻨﻮﻡ
ﺍﻧﺎ : ﺳﻠﻤﻚ
ﻫﻨﺎﺩﻱ : ﺣﻲ ﻗﺼﺪﻙ ﻋﻨﺪ ﺗﻮﺍ ﺭﺍﻗﺪ
ﺍﻧﺎ : ﺃﻫﺎ ﻭ ﺭﺍﺳﻲ ﻗﺮﻳﺐ ﻳﻨﻔﺠﺮ
ﻟﻴﻠﻲ : ﻧﺪﻳﺮﻟﻚ ﻓﻨﺠﺎﻥ ﻗﻬﻮﺓ ؟
ﺍﻧﺎ : ﻳﺎ ﻋﻠﻴﻚ ﺑﺮﺍﺩﻩ ﻉ ﺍﻟﺼﺒﺢ
ﺍﻣﻲ : ﻫﻬﻬﻬﻬﻪ ﺃﻱ ﺻﺒﺢ ﻫﺬﺍ
ﺍﻧﺎ : ﻫﻨﺎﺩﻱ ﺻﺒﻲ ﺣﻄﻴﻠﻲ ﻏﺪﺍﺀ ﻭ ﺟﺒﻴﻪ ﻟﻴﺎ ﻓﻲ ﺍﻟﻤﺮﺑﻮﻋﻪ ﻫﻨﺎ ﺣﺲ ﺭﻭﺣﻲ ﺍﻧﺨﻨﻘﺖ
ﻫﻨﺎﺩﻱ : ﺣﺎﺿﺮ ﻫﻲ
ﻭ ﻣﺸﻴﺖ ﻏﺴﻠﺖ ﻭﺟﻲ ﻭ ﻭﻟﻌﺖ ﺳﺒﺴﻲ ﻭ ﻗﻌﻤﺰﺕ ﻧﺮﺍﺟﻲ ﻓﻲ ﺍﻟﻐﺪﺍﺀ ﻭ ﻣﺴﻜﺖ ﻧﻘﺎﻟﻲ ﻭ ﻟﻘﻴﺖ ﻗﺮﻳﺐ 8 ﻣﻜﺎﻟﻤﺎﺕ
3 ﻣﻦ ﺃﺣﻤﺪ ﻭ 2 ﻣﻦ ﺁﻣﺎﻝ ﻭ 3 ﻣﻦ ﺭﺍﻧﻴﺎ ﻭ ﺭﻧﻴﺖ ﻉ ﺃﺣﻤﺪ
ﺃﺣﻤﺪ : ﺗﻲ ﺑﺎﻟﻲ ﺇﻻ ﺭﺩﻳﺖ ﻧﺤﺴﺎﺑﻚ ﻣﺘﺖ
ﺍﻧﺎ : ﺗﻔﻮ ﻉ ﺍﻟﺼﺒﺢ
ﺍﺣﻤﺪ : ﺻﺒﺢ ﺷﻨﻮ ﻳﺎ ﺍﻣﺒﻠﺪ
ﺍﻧﺎ : ﻫﺬﻩ ﺍﻟﻨﻮﺿﻪ ﻳﺎ ﻃﻴﺮ
ﺃﺣﻤﺪ : ﺧﺰﻱ ﻭ ﺍﻧﺎ ﻧﺤﺴﺎﺏ ﻓﻲ ﺣﺎﺟﻪ
ﺍﻧﺎ : ﻧﻌﻠﻴﺎ ﺗﻘﻮﻝ ﺻﺎﺣﺒﺘﻲ ﻭ ﺧﺎﻳﻔﻪ ﻋﻠﻴﺎ
ﺍﺣﻤﺪ : ﺑﺎﻩ ﻭﺟﻚ ﻳﺎ ﻣﻌﻔﻦ
ﺍﻧﺎ : ﻫﻬﻬﻬﻬﻬﻪ ﺯﻋﻞ ﺯﻋﻞ
ﺍﺣﻤﺪ : ﻭﺭﺍﻳﺎ ﻣﻮﺿﻮﻉ ﺗﻮﺍ ﺑﻌﺪﻳﻦ ﻧﺘﻼﻗﻮ ﻓﻲ ﺍﻟﻤﺰﺭﻋﺔ
ﺍﻧﺎ : ﺗﻢ ﻳﺎ ﺑﺮﻭ
~
~
~
ﺳﻜﺮﺕ ﻣﻨﻪ ﻭ ﺧﺸﺖ ﺍﻣﻲ ﻋﻠﻴﺎ ﺏ ﺳﻔﺮﻩ ﺍﻟﻐﺪﺍﺀ
ﺍﻧﺎ : ﻟﻴﺶ ﺍﻧﺘﻲ ﺟﺎﻳﺒﺘﻬﺎ ﻭﻳﻦ ﻫﻨﺎﺩﻱ
ﺍﻣﻲ : ﺍﻧﺎ ﺑﻠﻌﺎﻧﻲ ﻗﻠﺖ ﻧﺠﻴﺒﻬﺎ ﻋﺸﺎﻥ ﻧﺒﻲ ﻧﺤﻜﻲ ﻣﻌﺎﻙ ﺷﻮﻳﻪ
ﺍﻧﺎ : ﺃﻥ ﺷﺎﺀ ﺍﻟﻠﻪ ﺧﻴﺮ ﺍﺣﻜﻲ
ﺍﻣﻲ : ﻋﻤﺘﻚ ﺳﻌﺎﺩ
ﺍﻧﺎ : ﻛﻨﻬﺎ
ﺍﻣﻲ : ﺟﺎﻳﻪ ﺑﻜﺮﺍ ﻣﻦ ﺍﻟﺒﻴﻀﺎﺀ ﻭ ﺗﺒﻲ ﺗﻘﻌﺪ ﻛﻢ ﻳﻮﻡ ﻫﻨﺎ
ﺍﻧﺎ : ﻭ ﻟﻴﺶ ﺗﺒﻲ ﺗﻘﻌﺪ ﻋﻨﺪﻧﺎ ﺗﻤﺸﻲ ﻋﻨﺪﻫﺎ ﺃﺧﺘﻬﺎ ﻭ ﻻ ﺧﻮﻫﺎ ﺍﻵﺧﺮ
ﺍﻣﻲ : ﻋﻴﺐ ﻣﻬﻤﺎ ﻛﺎﻥ ﻫﺬﻩ ﻋﻤﺘﻚ
ﺍﻧﺎ : ﻋﺎﺭﻓﺘﻴﻨﻲ ﻣﺎ ﻧﺤﺒﻬﺶ
ﺍﻣﻲ : ﻋﺸﺎﻥ ﺧﺎﻃﺮﻱ ﺗﺤﻤﻠﻬﺎ ﻛﻢ ﻳﻮﻡ ﺑﺲ ﺗﻲ ﻟﻬﺎ ﺳﻨﺘﻴﻦ ﻣﺎ ﺟﺘﻨﺎ
ﺍﻧﺎ : ﻣﺎ ﻟﻬﺶ ﻋﻴﻦ ﺗﺠﻲ ﺍﺻﻼ -.-
ﺍﻣﻲ : ﺑﺎﻫﻲ ﺷﻦ ﻩ ﻳﺼﻴﺮ ﺗﻮﺍ
ﺃﻧﺎ : ﻧﻤﺸﻲ ﻧﺒﺎﺕ ﻋﻨﺪ ﺃﺣﻤﺪ ﻟﻌﻨﺪ ﻣﺎ ﻳﺮﻭﺣﻮ
ﺍﻣﻲ : ﺟﺎﻳﻴﻦ ﻣﻌﺎﻫﺎ ﺍﻟﺒﻨﺎﺕ ﻭ ﺍﻟﺸﺒﺎﺏ ﻭ ﺗﻮ ﻳﺴﺎﻟﻮ ﻋﻠﻴﻚ ﻋﻴﺐ ﻋﺎﺩ
ﺍﻧﺎ : ﺗﻮﺍ ﺷﻦ ﺍﻟﻤﻄﻠﻮﺏ ﻣﻨﻲ
ﺍﻣﻲ : ﺗﺴﺘﻘﺒﻠﻬﻢ ﻭ ﺗﻔﺮﺩ ﻭﺟﻚ ﻗﺪﺍﻣﻬﻢ
ﺍﻧﺎ : ﺗﻢ ، ﺃﻱ ﺃﻭﺍﻣﺮ ﺁﺧﺮﻩ
ﺍﻣﻲ : ﺍﻟﻠﻪ ﻳﺮﺑﺤﻚ ﺩﻧﻴﺎ ﻭ ﺁﺧﺮﻩ ﺭﺩ ﺑﺎﻟﻚ ﻋﺎﺩ
ﺍﻧﺎ : ﺗﻲ ﺧﻼﺹ ﻗﺘﻠﻚ ﺗﻢ -.-
ﺍﻣﻲ : ﺧﻼﺹ ﻧﺴﻴﺒﻚ ﺗﺄﻛﻞ
ﺍﻧﺎ : ﻉ ﺃﺳﺎﺱ ﻣﺎﺯﺍﻝ ﻋﻨﺪﻱ ﻧﻴﻪ ﻧﺄﻛﻞ ﺧﻼﺹ ﺧﻮﺫﻱ ﺍﻟﺴﻔﺮﻩ
~
~
~
ﺻﺒﻴﺖ ﻏﻴﺮﺕ ﺩﺑﺸﻲ ﻭ ﻃﻠﻌﺖ ﺷﻮﺭ ﺍﻟﻤﻘﻬﻰ ﻭ ﺭﻧﻴﺖ ﻉ ﺃﺣﻤﺪ ﻭ ﻗﺎﻝ ﺟﺎﻱ ﻓﻲ ﺍﻟﻄﺮﻳﻖ
ﻗﻌﺪﺕ ﻧﺪﺧﻦ ﻓﻲ ﺷﻴﺸﻪ " ﺍﺭﻗﻴﻠﻪ " ﻋﻨﺪ ﻣﺎ ﺟﺎ ﺃﺣﻤﺪ
ﺃﺣﻤﺪ : ﺍﻭﻭﻭﻩ ﺷﻴﺸﻪ ﻭ ﺟﻮ ﺷﻦ ﻓﻲ
ﺍﻧﺎ : ﻏﺎﻣﻪ ﻳﺎ ﺭﺍ
ﺃﺣﻤﺪ : ﺣﺴﻴﺖ ﻣﻦ ﺻﻮﺗﻚ ﺍﺻﻼ
ﺍﻧﺎ : ﻋﻤﺘﻲ ﺳﻌﺎﺩ ﺟﺎﻳﻪ
ﺃﺣﻤﺪ : ﺃﻫﺎ ﺗﻲ ﻋﻠﻴﻚ ﻗﺼﻪ
ﺍﻧﺎ : ﻭ ﺍﻣﻲ ﺗﺒﻴﻨﻲ ﻧﺴﺘﻘﺒﻠﻬﻢ ﻭ ﺟﻮ
ﺃﺣﻤﺪ : ﺗﻌﺎﻝ ﺍﻗﻌﺪ ﻋﻨﺪﻱ ﺑﺎﻩ
ﺍﻧﺎ : ﺗﻲ ﻗﺘﻠﻚ ﺍﻣﻲ ﻣﺴﻜﺮﻩ ﺭﺃﺳﻬﺎ
ﺃﺣﻤﺪ : ﺗﺤﻤﻞ ﻭ ﺧﻼﺹ
ﺍﻧﺎ : ﻧﺘﺤﻤﻞ ﺷﻨﻮ ﻭ ﻻ ﺷﻨﻮ
ﺃﺣﻤﺪ : ﻋﺸﺎﻥ ﺧﺎﻃﺮ ﺍﻣﻚ ﻳﺎ ﺭﺍ
ﺍﻧﺎ : ﺃﻥ ﺷﺎﺀ ﺍﻟﻠﻪ ﺧﻴﺮ
ﺃﺣﻤﺪ : ﺑﺎﻫﻲ ﻗﺘﻠﻚ ﻋﻨﺪﻫﺎ ﺷﺒﺎﺏ ﺻﺎﺡ ؟
ﺍﻧﺎ : ﺃﻫﺎ 3 ﺷﺒﺎﺏ ﻭ ﺑﻨﺘﻴﻦ
ﺃﺣﻤﺪ : ﺭﺩ ﺑﺎﻟﻚ ﻳﺸﻮﻓﻮ ﻫﻨﺎﺩﻱ
ﺍﻧﺎ : ﻳﺎ ﻏﻴﻮﺭ
ﺍﺣﻤﺪ : ﻓﻜﻨﻲ ﻣﻦ ﺍﻟﺒﺮﺍﺩﻩ ﻧﺤﻜﻲ ﺟﺪ
ﺍﻧﺎ : ﻛﻮﻥ ﻫﺎﻧﻲ ﻳﺎ ﺑﺮﻭ
ﺃﺣﻤﺪ : ﺑﺎﻩ ﻧﺒﻲ ﻧﺮﻭﺡ ﺍﻣﻲ ﺗﺒﻴﻨﻲ ﻧﺸﻴﻠﻬﺎ ﻋﻨﺪ ﺧﺎﻟﺘﻲ
ﺍﻧﺎ : ﺗﻤﺎﻡ ﻭ ﺍﻧﺖ ﻣﺎﺷﻲ ﺷﻮﺭ ﺍﻟﻤﺰﺭﻋﺔ
ﺃﺣﻤﺪ : ﻻﻻ ﻓﻮﺕ ﺍﻟﻴﻮﻡ
ﺍﻧﺎ : ﻟﻴﺶ ؟
ﺃﺣﻤﺪ : ﻣﻦ ﺑﺪﺭﻱ ﻛﻠﻤﻨﻲ ﺇﺳﻤﺎﻋﻴﻞ ﺍﺻﻼ
ﺍﻧﺎ : ﺣﺘﻲ ﺍﻧﺎ ﻛﻠﻤﻨﻲ
ﺃﺣﻤﺪ : ﺗﻲ ﺍﻟﻴﻮﻡ ﻳﺒﻮ ﻳﺴﻜﺮﻭ ﻓﻮﺕ ﺍﻟﻮﺟﻴﺞ
ﺍﻧﺎ : ﺍﻭﻭﻭﻩ ﻋﻠﻴﻚ ﺟﻮ
ﺍﺣﻤﺪ : ﻣﻌﺘﺰ ﺃﺯﻓﺖ ﻣﺎ ﺗﺸﻐﻠﻨﻴﺶ ﻋﻠﻴﻚ ﻭ ﺃﻣﺸﻲ ﻟﻠﺤﻮﺵ
ﺍﻧﺎ : ﻋﺎﺭﻓﻨﻲ ﻣﻌﺶ ﻧﺤﻂ ﻓﻲ ﺍﻟﺴﻢ ﻫﺬﺍ ﻓﻲ ﻓﻤﻲ
ﺃﺣﻤﺪ : ﺑﺎﻩ ﺻﺒﻲ ﻗﺪﺍﻣﻲ ﻭ ﺍﻃﻠﻊ ﻟﻠﺤﻮﺵ
ﺍﻧﺎ : ﺗﻢ ﻳﺎ ﻋﻤﻲ ﺍﻟﺤﺎﺝ
ﺃﺣﻤﺪ : ﻫﻴﺎ ﺳﻼﻡ ﻭ ﺑﻴﻨﺎﺗﻨﺎ ﺁﻟﻮ
ﺍﻧﺎ : ﺑﺎﻩ
~
~
~
ﺭﻭﺣﺖ ﻟﻠﺤﻮﺵ ﻭ ﺷﻔﺖ ﻫﻨﺎﺩﻱ ﺗﻘﺮﺃ ﻭ ﻧﺎﺻﺮ ﻳﻘﺮﺃ ﻭ ﻳﻮﺳﻒ ﻳﻠﻌﺐ ﻣﻊ ﺟﻮﺭﻱ ﻭ ﺍﻣﻲ ﻭ ﻟﻴﻠﻲ ﻳﺪﻳﺮﻥ ﻓﻲ ﺍﻟﻌﺸﺎﺀ
ﺍﻧﺎ : ﺃﻣﻲ ﺷﻦ ﺍﻟﻌﺸﺎﺀ ؟
ﻟﻴﻠﻲ : ﻣﻜﺮﻭﻧﻪ
ﺍﻧﺎ : ﺗﻘﺮﻳﺒﺎ ﻗﻠﺖ ﺃﻣﻲ ﺍﻧﺎ ﺻﺎﺡ - ، -
ﺍﻣﻲ : ﻭ ﻛﺎﻥ ﺟﺎﻭﺑﺖ ﻓﻜﻨﺎ ﻣﻦ ﺍﻟﻤﺸﺎﻛﻞ
ﻟﻴﻠﻲ : ﺩﻳﻤﺎ ﻣﻈﻠﻮﻣﻪ ﻳﺎ ﻋﻤﺘﻲ
ﺍﻧﺎ : ﻧﺰﻟﻲ ﺩﻣﻌﺘﻴﻦ ﺑﺎﻟﻤﺮﻩ
ﺍﻣﻲ : ﺧﻼﺹ ﺑﻄﻞ
ﺍﻧﺎ : ﺧﻠﻴﻬﺎ ﺗﻔﻮﺗﻨﻲ ﺧﻴﺮﻟﻬﺎ
ﻟﻴﻠﻲ : ﻭ ﺍﻧﺎ ﺷﻦ ﺩﺭﺕ ﺑﺲ
ﺍﻧﺎ : ﺗﻲ ﺣﺘﻲ ﺻﻮﺗﻚ ﻣﺴﺘﻔﺰ
ﻳﻮﺳﻒ : ﻣﻌﺘﺰ ﺗﻌﺎﻝ ﻧﺒﻴﻚ
ﺍﻧﺎ : ﻫﺎ ﻛﻨﻚ
ﻳﻮﺳﻒ : ﻧﺒﻴﻚ ﻓﻲ ﺍﻟﺪﺍﺭ
ﺍﻧﺎ : ﺗﻢ ﺟﻴﺘﻚ ﻫﻲ
ﻧﺎﺻﺮ : ﺑﺎﻟﻚ ﺗﻔﻜﻨﺎ ﻣﻦ ﻟﺴﺎﻧﻚ ﺍﻟﻄﻮﻳﻞ
ﺍﻧﺎ : ﺳﻜﺮ ﻓﻤﻚ ﻭ ﺍﻗﺮﺃ
ﻫﻨﺎﺩﻱ : ﻫﻬﻬﻬﻬﻬﻬﻪ ﻣﺰﻟﻂ
ﺍﻧﺎ : ﺣﺘﻲ ﺍﻧﺘﻲ ﻏﻤﻲ ﻓﻤﻚ ﺭﺍ ﻧﺠﻴﻚ
ﻳﻮﺳﻒ : ﺗﻲ ﻳﺎ ﺭﺍ ﺗﻌﺎﻝ
ﺍﻧﺎ : ﻫﺎ ﺷﻦ ﺗﺒﻲ
ﻳﻮﺳﻒ : ﻛﻨﻚ ﻛﻠﻤﻪ ﺏ ﻛﻠﻤﻪ ﺍﻧﺖ ﻭ ﻟﻴﻠﻲ
ﺍﻧﺎ : ﺧﻠﻮﻫﺎ ﺗﻔﻮﺗﻨﻲ ﻣﻌﺶ ﻧﺠﻲ ﺷﻮﺭﻫﺎ ﺑﻜﻞ
ﻳﻮﺳﻒ : ﻣﻬﻤﺎ ﻛﺎﻥ ﻣﺮﺍﺕ ﺧﻮﻙ ﻫﺬﻩ
ﺍﻧﺎ : ﺯﻣﺮ ﻻ ﻣﺮﺍﺕ ﺧﻮﻳﺂ ﻻ ﻧﻢ ﻓﻮﺗﻨﻲ
ﻳﻮﺳﻒ : ﻳﻌﻨﻲ ﺣﺘﻲ ﻗﺪﺍﻡ ﻋﻤﺘﻚ ﺑﻜﺮﺍ ﺗﺒﻲ ﺗﻘﻌﺪ ﻫﻜﻲ
ﺍﻧﺎ : ﻣﺎ ﺗﺬﻛﺮﻧﻴﺶ ﻳﺮﺣﻢ ﺑﻮﻙ
ﻳﻮﺳﻒ : ﻣﺎﺯﻟﺖ ﻣﺎ ﻧﺴﻴﺘﺶ
ﺍﻧﺎ : ﻛﻴﻒ ﻧﻨﺴﻰ ﻭ ﻫﻴﺎ ﻓﻲ ﺍﻟﻌﺰﺍﺀ ﺗﻘﻮﻝ ﻣﻌﺘﺰ ﻫﻮﺍ ﺇﻻ ﻗﺘﻞ ﺑﺎﺗﻪ
ﻳﻮﺳﻒ : ﻛﺎﻧﺖ ﻣﺤﺮﻭﻗﻪ ﻉ ﺧﻮﻫﺎ ﺑﺲ
ﺍﻧﺎ : ﺣﺮﻳﻘﻪ ﺗﺤﺮﻗﻬﻢ ﻛﻠﻬﻢ ، ﻋﻴﻠﻪ ﻣﻌﻔﻨﻪ ﻭ ﻣﺎﻓﻴﻬﺎﺵ ﺧﻴﺮ
ﻳﻮﺳﻒ : ﺃﺷﻘﻰ ﺏ ﻗﺮﺍﻳﺘﻚ ﺧﻴﺮﻟﻚ
ﺍﻧﺎ : ﻻ ﻧﺒﻲ ﻧﻤﺴﻚ ﺭﻭﺣﻲ ﺟﺪﻳﺎﺕ ﻧﺒﻲ ﻧﺼﻔﻲ ﻣﻮﺍﺩﻱ
ﻳﻮﺳﻒ : ﺻﺪﻗﺘﻚ ﺭﺍ
ﺍﻧﺎ : ﻣﻠﺢ ﺑﺎﻩ - ، -
~
~
~
ﻃﻠﻌﺖ ﻟﻠﻤﺮﺑﻮﻋﻪ ﻭ ﻗﻌﺪﺕ ﻧﺪﺧﻦ ﻭ ﻧﺴﻤﻊ ﻓﻲ ﺍﻏﺎﻧﻲ ﻭ ﻧﺬﻛﺮ ﻓﻲ ﺇﻻ ﺻﺎﺭ ﺃﻳﺎﻡ ﻋﺰﺍﺀ ﺑﺎﺗﻲ
" ﺑﻌﺪ ﺍﻧﺘﺸﺮﺕ ﻓﻲ ﺍﻟﻤﻨﻄﻘﻪ ﺍﻧﻪ ﻓﻲ ﺣﺎﺟﻪ ﺑﻴﻨﻲ ﻭﺑﻴﻦ ﻓﺎﻃﻤﻪ ﻭ ﻭﺻﻞ ﺍﻟﻜﻼﻡ ﻝ ﺑﺎﺗﻲ ﻭ ﻫﺰﺑﻨﻲ ﻭ ﻫﻜﻲ ﻭ ﻓﻬﻤﺘﻪ ﻛﻞ ﺷﻲ ﺑﻌﺪﻫﺎ ﺏ ﺷﻬﻮﺭ ﻣﺮﺽ ﻳﻌﻨﻲ ﻣﺶ ﻣﻨﻲ
ﺑﺲ ﻋﻤﺘﻲ ﺑﻌﺪ ﺳﻤﻌﺖ ﺍﻟﻘﺼﻪ ﻣﻦ ﻟﻴﻠﻲ -.- ﻗﻌﺪﺕ ﺗﺒﻜﻲ ﻭ ﺗﻘﻮﻝ ﻓﻲ ﺍﻟﺨﻴﻤﻪ ' ﻣﺎ ﺣﺪ ﻗﺘﻞ ﺧﻮﻳﺂ ﻏﻴﺮ ﻣﻌﺘﺰ ﻭ ﺍﻻ ﺩﺍﺭﻩ ﻓﻲ ﺑﺎﺗﻪ ﻭ ﻭﻃﻰ ﺭﺃﺳﻪ ' ﻭﻗﺘﻬﺎ ﻛﻨﺎ ﻧﺎﺧﺬﻭ ﻓﻲ ﺍﻟﻐﺪﺍﺀ ﻭ ﺧﺸﻴﺖ ﻓﻲ ﻭﺳﻂ ﺍﻟﺨﻴﻤﻪ ﻭ ﻓﻠﻤﺖ ﻋﻠﻴﻬﺎ
ﻭ ﻛﻨﺖ ﻧﺒﻜﻲ ﺑﺸﻜﻞ ﻏﺮﻳﺐ ﻭ ﺧﺶ ﻳﻮﺳﻒ ﻭ ﻃﻠﻌﻨﻲ ﻭ ﻣﻦ ﺑﻌﺪ ﺍﻟﻌﺰﺍﺀ ﻋﻤﺘﻲ ﻣﻌﺶ ﺧﺸﺖ ﺣﻮﺷﻨﺎ
ﻣﺶ ﻋﺎﺭﻑ ﻫﻞ ﻋﺸﺎﻥ ﺍﻧﺎ ﻗﺘﻠﺖ ﺧﻮﻫﺎ ﻭ ﻻ ﻋﺸﺎﻥ ﻓﻠﻤﺖ ﻭ ﻫﻜﻲ "
ﻫﻨﺎﺩﻱ : ﻣﻌﺘﺰ ﺗﻌﺎﻝ ﻫﻴﺎ ﺣﻄﻴﻨﺎ ﺍﻟﻌﺸﺎﺀ
ﺍﻧﺎ : ﺍﻟﺴﻮﺳﻪ ﻣﺎﺯﺍﻟﺖ ﻗﺎﻋﺪﻩ ﺟﻮﺍ !
ﻫﻨﺎﺩﻱ : ﻫﻬﻬﻬﻪ ﺃﻫﺎ
ﺍﻧﺎ : ﻣﻌﻨﺎﻫﺎ ﺣﻄﻴﻠﻲ ﺑﺮﻭﺣﻲ
ﻫﻨﺎﺩﻱ : ﺣﺎﺿﺮ
ﻭ ﺟﺎﺑﺘﻠﻲ ﻫﻨﺎﺩﻱ ﺍﻟﻌﺸﺎﺀ ﻭ ﺗﻌﺸﻴﺖ ﻭ ﺍﻟﺠﻮ ﻣﺸﻰ
ﺷﻮﻳﻪ ﻫﻜﻲ ﻭ ﺭﻥ ﻧﻘﺎﻟﻲ ﻭ ﻟﻘﻴﺘﻬﺎ ﺁﻣﺎﻝ ﺗﻲ ﻛﻨﻬﺎ ﺳﻜﻨﺖ ﻫﺬﻩ
ﺁﻣﺎﻝ : ﺍﻟﺴﻼﻡ ﻋﻠﻴﻜﻢ
ﺍﻧﺎ : ﻋﻠﻴﻜﻢ ﺍﻟﺴﻼﻡ
ﺁﻣﺎﻝ : ﺭﻧﻴﺖ ﻋﻠﻴﻚ ﻣﺎ ﺭﺩﻳﺘﺶ ﺑﻜﺮﻱ
ﺍﻧﺎ : ﺃﻫﺎ ﻛﻨﺖ ﻣﺴﻴﺐ ﺍﻟﻨﻘﺎﻝ ﻓﻲ ﺍﻟﺤﻮﺵ
ﺁﻣﺎﻝ : ﻧﺒﻲ ﻧﻘﻮﻟﻚ ﺣﺎﺟﻪ ﺳﻤﺤﻪ
ﺍﻧﺎ : ﺃﻥ ﺷﺎﺀ ﺍﻟﻠﻪ
ﺁﻣﺎﻝ : ﺭﺣﻤﻪ ﻋﺮﻓﺖ ﺍﻧﻲ ﻧﺤﻜﻲ ﻣﻌﺎﻙ
ﺍﻧﺎ : ﺗﻤﺎﻡ ﻭ ﺑﻌﺪﻫﺎ !
ﺁﻣﺎﻝ : ﻣﻌﺶ ﺷﺎﻓﺎﺗﻚ ﻓﻲ ﺍﻟﺠﺎﻣﻌﻪ
ﺍﻧﺎ : ﺃﻫﺎ ﺃﺷﻐﺎﻝ ﻣﺎﻩ - ، -
ﺁﻣﺎﻝ : ﻉ ﺍﻟﻌﻤﻮﻡ ﻗﺎﻟﺘﻠﻚ ﻣﻮﺍﻓﻘﻪ ﻉ ﺧﻮﻙ ﻭ ﻉ ﺃﺳﺎﺱ ﺗﻮ ﺗﻌﻄﻴﻚ ﺭﻗﻢ ﺑﺎﺗﻬﺎ
ﺍﻧﺎ : ﺟﺪﻳﺎﺕ ﺗﺤﻜﻲ ؟
ﺁﻣﺎﻝ : ﺃﻫﺎ ﻭ ﺍﻟﻠﻪ
ﺍﻧﺎ : ﺗﻲ ﻧﻘﺎﻧﻚ ﺻﻘﻊ
ﺁﻣﺎﻝ : ﻫﻬﻬﻬﻬﻪ ﺗﺴﻠﻢ
ﺍﻧﺎ : ﺻﺤﻴﺘﻲ ﻭ ﺗﻌﺒﺘﻚ ﻣﻌﺎﻳﺎ
ﺁﻣﺎﻝ : ﻻ ﻋﺎﺩﻱ ، ﺗﺼﺒﺢ ﻉ ﺧﻴﺮ ﺗﻮﺍ
ﺃﻧﺎ : ﺗﻼﻗﻲ ﺍﻟﺨﻴﺮ ﻭ ﻣﻨﻮﺭﻩ
~
~
~
ﺳﻜﺮﺕ ﻣﻨﻬﺎ ﻭ ﺧﺸﻴﺖ ﻟﻠﺼﺎﻟﻪ ﻭ ﻟﻘﻴﺘﻬﻢ ﻛﻠﻬﻢ ﻗﺎﻋﺪﻳﻦ
ﺍﻣﻲ : ﻛﻤﻠﺖ ﻋﺸﺎﺀ
ﺍﻧﺎ : ﺃﻫﺎ ﺍﻟﺤﻤﺪ ﻟﻠﻪ
ﻧﺎﺻﺮ : ﻛﻨﻚ ﻣﺒﺘﺴﻢ
ﺍﻧﺎ : ﻳﻮﺳﻒ ﻧﺒﻲ ﺍﻟﺒﺸﺎﺭﻩ
ﻳﻮﺳﻒ : ﺑﺸﺎﺭﺓ ﺷﻦ !
ﺃﻧﺎ : ﻛﻢ ﺗﺪﻓﻊ ﻗﺒﻞ
ﺧﻠﻴﻞ : ﺷﻦ ﻓﻲ
ﻳﻮﺳﻒ : ﺗﻲ ﺍﺣﻜﻲ ﺑﻼ ﺑﺮﺍﺩﻩ
ﺍﻧﺎ : ﺻﺎﺭ ﺑﺮﺍﺩﻩ ﻣﻌﻨﺎﻫﺎ ﻣﻠﺢ
ﺍﻣﻲ : ﺗﻲ ﺍﺣﻜﻲ ﺭﻋﺸﺖ ﺧﻮﻙ
ﺍﻧﺎ : ﺭﺣﻤﻪ ﻣﻮﺍﻓﻘﻪ D:
ﻳﻮﺳﻒ : ﺍﺣﻠﻒ !
ﺃﻧﺎ : ﻭ ﺍﻟﻠﻪ D:
ﺍﻣﻲ : ﺭﺣﻤﻪ ﻣﻦ ﻫﺬﻩ !
ﻟﻴﻠﻲ : ﻛﻴﻒ ﻣﻌﺘﺰ ﻳﺒﻲ ﻳﺨﻄﺐ
ﺧﻠﻴﻞ : ﻣﺶ ﺷﻮﺭﻙ ﺑﻴﻪ
ﻫﻨﺎﺩﻱ : ﺗﻲ ﺣﺪ ﻳﻔﻬﻤﻨﻲ : ‏(
ﺍﻧﺎ : ﺭﺣﻤﻪ ﻩ ﺗﻜﻮﻥ ﺧﻄﻴﺒﺔ ﻳﻮﺳﻒ D:
ﻧﺎﺻﺮ : ﻣﻦ ﻭﺭﺍﻳﺎ D:
ﺍﻣﻲ : ﺃﻥ ﺷﺎﺀ ﺍﻟﻠﻪ ﺭﺑﻲ ﻳﺘﻤﻤﻠﻜﻢ ﺑﺨﻴﺮ
ﻳﻮﺳﻒ : ﺁﻣﻴﻦ ﻳﺎ ﺭﺏ
ﻫﻨﺎﺩﻱ : ﺃﻥ ﺷﺎﺀ ﺍﻟﻠﻪ ﺗﻜﻮﻥ ﺳﻤﺤﻪ ﻛﻴﻒ ﺍﻭﺳﻴﻔﺎ
ﺍﻧﺎ : ﻗﺼﺪﻙ ﻗﻮﻟﻲ ﺃﻥ ﺷﺎﺀ ﺍﻟﻠﻪ ﺗﻜﻮﻥ ﻛﻮﻳﺴﻪ ﻓﻲ ﺍﻟﻔﻌﻞ ﻣﺶ ﻛﻴﻒ ﻧﺎﺱ v:
ﺍﻣﻲ : ﺃﻣﺘﻲ ﻧﻤﺸﻮ ﻧﺸﻮﻓﻮﻫﺎ
ﺍﻧﺎ : ﺑﻜﺮﺍ ﻧﺄﺧﺬ ﺭﻗﻢ ﺑﺎﺗﻬﺎ ﻭ ﻧﺘﻼﻗﻮ ﻣﻌﺎﻩ ﻭ ﺑﻌﺪﻫﺎ ﺳﺎﻫﻞ
ﺍﻣﻲ : ﻋﻠﻰ ﺑﺮﻛﺔ ﺍﻟﻠﻪ
ﻳﻮﺳﻒ : ﻛﻴﻒ ﻋﺮﻓﺖ ﺑﻌﺪ ﺧﻄﺮﻫﺎ
ﺍﻧﺎ : ﺗﻌﺎﻝ ﻓﻲ ﺍﻟﺪﺍﺭ ﻧﺤﻜﻴﻠﻚ ﻣﺎ ﻧﺒﻴﺶ ﺍﻷﻋﺪﺍﺀ ﻳﺴﻤﻌﻮ D:
ﻳﻮﺳﻒ : ﻫﻴﺎ ﺑﺎﻩ D:
ﻭ ﺧﺸﻴﺖ ﺍﻧﺎ ﻭ ﻳﻮﺳﻒ ﻭ ﻧﺎﺻﺮ ﻟﺪﺍﺭ ﻭ ﺣﻜﻴﺘﻠﻪ ﺇﻻ ﺻﺎﺭ ﻭ ﺃﻧﻪ ﺑﻜﺮﺍ ﻣﺎﺷﻲ ﻟﻶﺩﺍﺏ ﻭ ﺗﻮ ﻧﺄﺧﺬ ﺭﻗﻢ ﺑﺎﺗﻬﺎ ﻭ ﻳﻮﺳﻒ ﻛﺎﻥ ﻗﺮﻳﺐ ﻳﻄﻴﺮ ﻣﻦ ﺍﻟﻔﺮﺣﻪ v:
ﺳﻬﺮﻧﺎ ﺷﻮﻳﻪ ﻭ ﺑﻌﺪﻫﺎ ﺭﻗﺪﻧﺎ ﻭ ﻧﻀﺖ ﺗﺎﻧﻲ ﻳﻮﻡ ﺑﺪﺭﻱ ﻋﺸﺎﻥ ﻧﻄﻠﻊ ﻗﺒﻞ ﻣﺎ ﺗﺠﻲ ﻋﻤﺘﻲ ×:
ﺍﻛﻴﺪﻩ ﻣﺘﺴﻘﺪﻳﻦ ﻣﻦ ﺍﻟﺒﻴﻀﺎﺀ ﺑﺪﺭﻱ ، ﻭ ﻃﻠﻌﺖ ﻣﻊ ﺍﻟﺴﺎﻋﻪ 9 ﻭ ﻃﺒﻌﺎ ﻣﺸﻴﺖ ﻟﻠﻌﻠﻮﻡ ﻗﺒﻞ ﻭ ﻛﻠﻤﺖ ﺃﺣﻤﺪ ﻭ ﻟﻘﻴﺘﻪ ﻗﺎﻋﺪ ﻗﺪﺍﻣﻲ ﻏﺎﺩﻱ
ﺣﻜﻴﻨﺎ ﺷﻮﻳﻪ ﻭ ﻣﺸﻴﻨﺎ ﻟﻶﺩﺍﺏ ﻭ ﺭﻧﻴﺖ ﻉ ﺁﻣﺎﻝ ﻭ ﺟﺘﻨﻲ ﻋﻨﺪ ﺍﻟﺸﺠﺮ
ﺍﻧﺎ : ﺷﻨﺠﻮﻙ ﺍﻟﻴﻮﻡ
ﺁﻣﺎﻝ : ﺍﻟﺤﻤﺪ ﻟﻠﻪ ﺗﻤﺎﻡ ﻭ ﺍﻧﺖ
ﺍﻧﺎ : ﻟﻮﺯ ﺍﻟﻠﻮﺯ 3:
ﺁﻣﺎﻝ : ﺍﻛﻴﺪﻩ ﺗﺒﻲ ﺗﺤﻜﻲ ﻣﻊ ﻣﻼﻙ
ﺍﻧﺎ : ﻻﻻ ﻧﺒﻴﻚ ﺗﺮﻧﻲ ﻉ ﺭﺣﻤﻪ ﻭ ﺗﺠﻲ ﻋﺸﺎﻥ ﻧﺘﻔﺎﻫﻢ ﻣﻌﺎﻫﺎ
ﺁﻣﺎﻝ : ﺗﻢ ﺣﺎﺿﺮ
ﻭ ﺭﻧﺖ ﺁﻣﺎﻝ ﻋﻠﻴﻬﺎ ﻭ ﺷﻮﻳﻪ ﻫﻜﻲ ﻭ ﺟﺖ ﺭﺣﻤﻪ ﻭ ﻣﻼﻙ ﻛﺎﻧﺖ ﻣﻌﺎﻫﺎ ﻭ ﺩﺍﻳﺮﻩ ﺭﻭﺣﻬﺎ ﻣﺶ ﻋﺎﺭﻓﻪ ﺍﻧﻪ ﺍﻧﺎ ﺇﻻ ﻧﺒﻲ ﺭﺣﻤﻪ 3:
ﻉ ﺃﺳﺎﺱ ﺗﻔﺎﺟﺌﺖ ﺑﻌﺪ ﺷﺎﻓﺘﻨﻲ ﻭ ﺑﺮﻣﺖ ﻭﺟﻬﺎ
ﺍﻧﺎ : ﻣﺎ ﻋﻨﺪﻙ ﻟﻴﺶ ﻗﺎﻟﺒﻪ ﻭﺟﻚ ﺭﺍ ﻧﺒﻲ ﺭﺣﻤﻪ ﻓﻲ ﻣﻮﺿﻮﻉ ﻭ ﻣﺶ ﺷﻮﺭﻙ
ﻣﻼﻙ : ﺭﻭﺭﻭ ﺑﻌﺪ ﺗﻜﻤﻠﻲ ﺭﻧﻲ ﻋﻠﻴﺎ " ﻭ ﺑﺎﻳﻦ ﻋﻠﻴﻬﺎ ﺍﻧﻬﺎ ﻣﻀﺎﻳﻘﻪ ﻋﺸﺎﻥ ﺯﻟﻄﺘﻬﺎ D: "
ﺭﺣﻤﻪ : ﺑﺎﻩ
ﺁﻣﺎﻝ : ﻧﺘﻼﻗﻮ ﻳﺎ ﻣﻌﺘﺰ
ﺍﻧﺎ : ﺑﺈﺫﻥ ﺍﻟﻠﻪ ﻳﺎ ﻋﺴﻞ ^^
ﺁﻣﺎﻝ : ﻣﻮﻛﺎ ﻫﻴﺎ
ﻣﻼﻙ : ﻫﻴﺎ ﻫﻲ 3:
~
~
~
ﺍﻧﺎ : ﻛﻠﻤﺘﻨﻲ ﺁﻣﺎﻝ ﺃﻣﺲ ﻭ ﺣﻜﺘﻠﻲ
ﺭﺣﻤﻪ : ﺃﻫﺎ ﺍﻧﺎ ﺍﺗﺼﻠﺖ ﺑﻴﻬﺎ ﻻﻧﻲ ﻣﻌﺶ ﺷﻔﺘﻚ
ﺍﻧﺎ : ﺃﻫﺎ ﺳﺎﻣﺤﻴﻨﺎ ﻏﻴﺮ ﺷﻮﻳﺔ ﺃﺷﻐﺎﻝ
ﺭﺣﻤﻪ : ﻭ ﻻ ﻳﻬﻤﻚ
ﺍﻧﺎ : ﻭ ﻉ ﻓﻜﺮﻩ ﻳﻮﺳﻒ ﻓﺮﺡ ﺑﻜﻞ D:
ﺭﺣﻤﻪ : ﻫﻬﻬﻬﻬﻪ " ﻭ ﻣﺘﺤﺸﻤﻪ "
ﺍﻧﺎ : ﺗﻮﺍ ﻋﻄﻴﻨﻲ ﺭﻗﻢ ﺑﺎﺗﻚ ﻭ ﻣﺶ ﻩ ﻧﺠﻴﺒﻚ ﻓﻲ ﺍﻟﻘﺼﻪ ﺑﻜﻞ ﻣﺎ ﺗﺨﺎﻓﻴﺶ
ﺭﺣﻤﻪ : ﺍﻧﺎ ﺍﺻﻼ ﺣﻜﻴﺖ ﻝ ﻣﺎﻣﺎ ﻭ ﻣﺎﻣﺎ ﻗﺎﻟﺖ ﻝ ﺑﺎﺑﺎ ﻛﻞ ﺷﻲ ﻭ ﻗﺎﻝ ﻟﻮ ﻳﺒﻴﻬﺎ ﺟﺪ ﺧﻠﻴﻪ ﻳﺄﺧﺬ ﺭﻗﻤﻲ
ﺍﻧﺎ : ﺗﻲ ﻧﻘﺎﻧﻚ ﻛﺒﺮﺗﻲ ﻓﻲ ﻋﻴﻨﻲ
ﺭﺣﻤﻪ : ﻃﻮﻝ ﻋﻤﺮﻱ ﻣﺘﻌﻮﺩﻩ ﻛﻞ ﺣﺎﺟﻪ ﻧﺤﻜﻴﻬﺎ ﻟﻴﻬﻢ
ﺍﻧﺎ : ﻛﻢ ﺑﻨﺖ ﻭ ﻛﻢ ﺷﺎﺏ ﺍﻧﺘﻮ !
ﺭﺣﻤﻪ : ﺍﻧﺎ ﻭﺣﻴﺪﺓ ﻫﻠﻲ
ﺍﻧﺎ : ﻫﻬﻬﻬﻬﻬﻪ ﻭ ﻧﺤﻦ ﺣﻮﺷﻨﺎ ﻣﺎ ﺷﺎﺀ ﺍﻟﻠﻪ D:
ﺭﺣﻤﻪ : ﻣﺎ ﺗﺨﻮﻓﻨﻴﺶ ﻣﻦ ﺗﻮﺍ D:
ﺍﻧﺎ : ﻣﺎ ﺗﺨﺎﻓﻴﺶ ﻭ ﻛﺎﻥ ﺭﺑﻲ ﻛﺎﺗﺒﻠﻚ ﺗﻘﻌﺪﻱ ﻛﻨﺘﻨﺎ ﺗﻮ ﺗﻨﺴﺠﻤﻲ ﻣﻌﺎﻧﺎ
ﺭﺣﻤﻪ : ﺃﻥ ﺷﺎﺀ ﺍﻟﻠﻪ
ﺍﻧﺎ : ﺧﻼﺹ ﻫﺎﺗﻲ ﺭﻗﻢ ﺑﺎﺗﻚ ﻭ ﺗﻮ ﻧﺤﻜﻲ ﻣﻌﺎﻩ ﺍﻧﺎ ﻭ ﺧﻮﺗﻲ
ﺭﺣﻤﻪ : ﺗﻢ *******091
ﺍﻧﺎ : ﺗﻤﺎﻡ ﻫﻴﺎ ﻋﻴﻨﻚ ﻣﻦ ﺭﻭﺣﻚ
~
~
~
ﺑﻌﺪ ﻣﺸﻴﺖ ﻣﻦ ﺟﻨﺐ ﺭﺣﻤﻪ ﻭ ﻣﺸﻴﺖ ﺷﻮﺭ ﺃﺣﻤﺪ ﺍﺫﻛﺮﺕ ﺍﻧﻲ ﻋﻤﺮﻱ ﻣﺎ ﻗﻠﺖ " ﻋﻴﻨﻚ ﻣﻦ ﺭﻭﺣﻚ ﺇﻻ ﻝ ﺗﺎﻣﻲ " ﻻﻧﻲ ﻛﻨﺖ ﻋﺎﺭﻓﻬﺎ ﺑﻨﺖ ﻧﻈﻴﻔﻪ ﻭ ﻣﺶ ﻣﺘﺎﻉ ﻭﺟﻴﺞ ﻭ ﻛﻨﺖ ﻧﻘﻮﻝ ﻓﻴﻬﺎ ﻭ ﻃﺎﻟﻌﻪ ﻣﻦ ﻗﻠﺒﻲ ، ﻭ ﻣﺎ ﻗﻠﺘﻬﺎ ﻝ ﺭﺣﻤﻪ ﺇﻻ ﻻﻧﻲ ﺣﺴﻴﺘﻬﺎ ﻧﻈﻴﻔﻪ ﻭ ﻣﺤﺘﺮﻣﻪ ﻭ ﺃﻥ ﺷﺎﺀ ﺍﻟﻠﻪ ﺗﻘﻌﺪ ﻣﻦ ﻧﺼﻴﺐ ﺍﻭﺳﻴﻔﺎ v:
~
~
ﺃﺣﻤﺪ : ﻫﺎ ﺷﻦ ﺻﺎﺭ !
ﺃﻧﺎ : ﺗﻤﻴﺖ ﺍﻟﻤﻮﺿﻮﻉ
ﺃﺣﻤﺪ : ﻧﻘﺎﻟﻚ ﻫﺰﺍﺯ ﺷﻮﻓﻪ
ﺍﻧﺎ : ﺍﻣﻲ ﻫﺬﻩ
ﻭ ﺭﺩﻳﺖ ﻋﻠﻴﻬﺎ ﻭ ﻛﺎﻧﺖ ﺗﺤﻜﻲ ﺑﺼﻮﺕ ﻭﺍﻃﻲ D: ﻭ ﻗﺎﻟﺖ ﻫﻴﺎ ﺭﻭﺡ ﻟﻠﺤﻮﺵ
ﻃﻠﻌﺖ ﻣﻦ ﺍﻟﺠﺎﻣﻌﻪ ﻭ ﻣﺸﻴﺖ ﺷﻮﺭ ﺍﻟﺤﻮﺵ ﻭ ﺃﻭﻝ ﻣﺎ ﺧﺸﻴﺖ ﺍﻟﺸﺎﺭﻉ ﺷﻔﺖ ﺳﻴﺎﺭﺓ ﻭﻟﺪ ﻋﻤﺘﻲ 3:
ﻓﺘﺤﺖ ﺍﻟﺒﺎﺏ ﻭ ﺧﺸﻴﺖ ﻭ ﺍﻻﺑﺘﺴﺎﻣﻪ ﺍﻟﻌﺮﻳﻀﺔ ﻉ ﻭﺟﻲ : ‏)
ﻭ ﺃﻭﻝ ﻣﺎ ﻭﺻﻠﺖ ﻟﻠﺼﺎﻟﻪ ﻟﻘﻴﺖ ﻟﻴﻠﻲ ﻃﺎﻟﻌﻪ ﻣﻦ ﺩﺍﺭﻱ O.o
ﻳﺘﺒﻊ . . .
#ﺷﺮﻗﻴﺔﻩ
#روآيات أنثى شرقيةه