#بين_الفقر_والطغيان
بارت١١
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 11 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﺭﺣﻨﻪ ﻟﻠﻤﻄﺒﺦ ﻧﺮﻛﺾ
ﻭﺟﺎﻥ ﻧﻠﻜﻴﻬﺎ ﺗﺮﺟﻒ
ﺷﻜﻮ ﺷﺒﻴﺞ
ﻫﺎﻱ ﻓﺎﺭﻩ ﺗﻔﺘﺮ ﺑﺎﻟﻤﻄﺒﺦ ﻭﺻﻌﺪﺕ ﻉ ﺭﺟﻞ ﻧﻈﻮﺭﻱ
ﺍﻧﻲ ﻋﻴﻮﻧﻲ ﺻﺎﺭﻥ ﺑﻜﺼﺘﻲ
ﻳﻌﻨﻲ ﻫﺎﻱ ﻣﻦ ﻛﻞ ﻋﻘﻠﻬﺎ ﻫﻴﺞ ﺗﺴﻮﻱ
ﻟﺞ ﻛﻠﺒﻪ ﺣﻘﻴﺮﻩ ﻋﺒﺎﻟﻲ ﺍﻟﻄﺒﺎﺥ ﺍﻧﻔﺠﺮ ﻋﻠﻴﺞ ﺣﺘﻰ ﻧﺨﻠﺺ ﻣﻨﺞ
ﺯﻳﻨﺐ : ﻫﻮﺍﻱ ﻛﺎﻋﺪ ﻳﺤﺴﺴﻨﻲ ﺑﺎﻻﻫﺎﻧﻪ ﺣﻴﺪﺭ
ﺍﺑﺪ ﻣﺤﺒﻴﺖ ﺷﺨﺼﻴﺘﻪ
ﻣﻐﺮﻭﺭ ﺑﺸﻜﻞ ﻭﺍﻧﺎﻧﻲ
ﻭﺷﺎﻳﻒ ﻧﻔﺴﻪ ﺷﻮﻓﻪ
ﻋﺒﺎﻟﻚ ﻓﺪ ﺷﻲ ﻫﻮ ﻛﻠﻪ ﻇﺎﺑﻂ 😏😏
ﺑﺲ ﺍﻟﻈﺎﻫﺮ ﻫﻤﻪ ﻧﻔﺲ ﺍﻟﻄﺒﻊ ﻫﻮ ﻭﻣﺮﻭﺍﻥ
ﻋﻜﺲ ﻣﺤﻤﺪ ﻭﺍﻣﻴﺮ ﺣﻴﻞ ﻣﺜﻘﻔﻴﻦ
ﺭﻏﻢ ﺩﻛﺎﺗﺮﻩ ﺑﺲ ﺑﺴﻴﻄﻴﻦ
ﻣﻦ ﻃﻠﺐ ﻣﻨﻲ ﺍﺟﻴﺒﻠﻪ ﺟﺎﻱ ﺣﺎﺭ
ﺻﻌﺪﺕ ﺟﺒﺖ ﺗﺮﻣﺰ ﻧﻀﻮﺭﻱ
ﻭﻓﻮﺭﺕ ﻣﻲ ﻭﺧﻠﻴﺘﻪ ﺑﺎﻟﺘﺮﻣﺰ ﻭﺧﻠﻴﺖ ﻓﻮﻛﺎ ﺍﻟﺠﺎﻱ ﻭﺍﻟﻬﻴﻞ
ﻣﻦ ﻧﺮﻭﺡ ﻟﻠﺰﻳﺎﺭﻩ ﻫﻴﺞ ﺍﺧﺪﺭﻩ ﻟﻠﺠﺎﻱ ﻳﺼﻴﺮ ﻃﻴﺐ ﺣﻴﻞ
ﺩﺯﻳﺘﻪ ﺍﻟﻪ ﻭﺟﺎﻥ ﻳﻔﻮﺭ
ﺍﻟﺤﻤﺪ ﻟﻠﻪ ﻣﻌﺘﺮﺽ ﻋﻠﻲ
ﺑﺲ ﺑﺪﻩ ﻳﺴﻤﻌﻨﻲ ﺣﺠﻲ ﻳﺴﻤﻢ ﺍﻟﺒﺪﻥ
ﻃﻠﺐ ﻣﻨﻲ ﺍﺳﺪﻩ ﺍﻟﺒﺎﺏ
ﺍﻧﻲ ﺧﻔﺖ ﺍﻟﺼﺮﺍﺣﻪ ﺍﺧﺎﻑ ﻳﺴﻮﻳﻠﻲ ﺷﻲ
ﻭﺍﺧﺠﻞ ﻣﻦ ﺍﻟﻮﻟﺪ ﺧﺎﻑ ﻋﺒﺎﻟﻬﻢ ﺍﻧﻲ ﺍﻟﻲ ﺍﺫﺏ ﻧﻔﺴﻲ ﻛﻮﻩ ﻋﻠﻲ
ﺍﺻﻌﺐ ﻣﻮﻗﻒ ﺧﻼﻧﻲ ﺑﻲ
ﻣﻦ ﻃﻠﺐ ﻣﻨﻲ ﺍﺫﺏ ﺍﻻﺳﻮﺩ ﻭﺑﻨﻔﺲ ﺍﻟﻮﻗﺖ ﻣﻼﺯﻡ ﺍﻟﺒﺲ ﺫﻧﻲ ﺍﻟﺠﺎﺑﻨﻬﻦ ﺍﻟﺒﻨﺎﺕ
ﺣﺮﺕ ﺷﺎﺳﻮﻱ
ﺍﺧﺮ ﺷﻲ ﺭﺣﺖ ﻟﺨﺎﻟﻪ
ﻃﻠﺒﺖ ﻣﻨﻬﺎ ﺩﺷﺪﺍﺷﻪ ﻛﺎﻟﺖ ﻟﻴﺶ ﻣﻌﺠﺒﻨﺞ
ﻻﻭﺍﻟﻠﻪ ﺧﺎﻟﻪ ﻛﻠﺶ ﺣﻠﻮﺍﺕ
ﺑﺲ ﺍﻟﻠﻮﺍﻧﻬﻦ ﺻﺎﺭﺧﻪ ﻭﺍﻧﻲ ﺍﺳﺘﺤﻲ
ﻣﺎﺍﻛﺪﺭ ﺍﻟﺒﺴﻬﻦ ﻛﺪﺍﻡ ﺍﻟﻮﻟﺪ ﻭﺑﻌﺪﻧﻲ ﻣﻤﺘﻌﻮﺩﻩ ﻋﻠﻴﻬﻢ
ﺭﺍﺣﺖ ﻟﻠﻐﺮﻓﻪ ﻭﺭﻩ ﺷﻮﻳﻪ ﺟﺎﻳﺒﺘﻠﻲ 3 ﮔﻠﺘﻠﻲ ﺫﻧﻲ ﺟﺪﺩ ﻣﻤﻠﺒﻮﺳﺎﺕ ﺍﺑﺪ
ﺍﻟﺒﺴﻴﻬﻦ ﻟﻤﻦ ﺍﺟﻴﺒﻠﺞ ﻏﻴﺮﻫﻦ
ﺣﻴﻞ ﻓﺮﺣﺖ
ﺍﺗﺸﻜﺮﺕ ﻣﻨﻬﺎ
ﺭﺣﺖ ﻭﻟﺒﺴﺘﻬﻦ ﺷﻔﺘﻬﻦ ﻋﺮﻳﻀﺎﺕ ﻋﻠﻴﻪ ﻭﻣﺴﺘﻮﺭﺍﺕ
ﻭﺍﻟﻠﻮﺍﻧﻬﻦ ﻋﺎﻗﻼﺕ
ﻓﻌﻼ ﺳﺒﺤﺖ ﻭﻧﺰﻋﺘﻪ ﻟﻼﺳﻮﺩ
ﺧﺒﺮﺕ ﻣﺎﻣﺎ ﻭﻛﺘﻠﻬﺎ ﺣﻴﻞ ﻓﺮﺣﺖ
بيج قصص عراقيه حقيقيه من واقعنا.روعه الطائي
ﻻﻥ ﺟﺎﻧﺖ ﺩﺍﺋﻤﺎ ﺗﺤﺠﻲ ﻋﻠﻴﻪ
ﺍﻟﺒﻨﺎﺕ ﻣﻘﺒﻠﻦ ﻋﻠﻴﻪ
ﻛﻠﻠﻲ ﻟﺞ ﻟﺘﺼﻴﺮﻳﻦ ﻋﻮﺑﻪ
ﻃﺎﻟﻌﻪ ﺟﻨﺞ ﺑﻴﺒﻲ
ﺍﻟﺒﺴﻲ ﻭﻋﻴﺸﻲ ﺣﻴﺎﺗﺞ
ﻭﺍﻟﻠﻪ ﺍﺫﺍ ﻣﻴﻜﻮﻡ ﺣﻴﺪﺭ ﻳﺘﻮﺳﻞ ﺑﻴﺞ ﺷﻮﻓﻲ
ﻭﺍﻟﻠﻪ ﺍﻧﻲ ﻣﺎﺍﺭﻳﺪ ﺣﻴﺪﺭ ﻳﺘﻮﺳﻞ ﺑﻴﻪ
ﻣﺎﺍﺭﻳﺪﻩ ﻭﺣﻴﻞ ﺍﺧﺎﻑ ﻣﻨﻪ
ﺍﺭﻳﺪﻩ ﺑﺲ ﻓﺘﺮﻩ ﻭﻳﻄﻠﻜﻨﻲ
ﺷﻮﻑ ﺍﻟﺜﻮﻟﻪ ﻟﻌﺪ ﺍﻧﺖ ﻣﺘﻌﺮﻓﻴﻦ ﺣﻴﺪﺭ ﺯﻳﻦ
ﻣﺴﺘﺤﻴﻞ ﻳﻄﻠﻜﺞ ﻭﻳﺨﻠﻴﺞ ﺗﺎﺧﺬﻳﻦ ﺍﺑﻨﺞ
ﺍﺫﺍ ﻃﻠﻜﺞ ﻣﻌﻨﺎﻫﺎ ﻳﺎﺧﺬ ﻧﻈﻮﺭﻱ ﻣﻨﺞ
ﻟﻮ ﺍﻣﻮﺕ ﻣﺎﺍﺗﺨﻠﻰ ﻋﻦ ﺍﺑﻨﻲ
ﻟﻌﺪ ﺍﻛﺴﺒﻲ ﻟﺰﻭﺟﺞ ﺍﺣﺴﻦ
ﻻﻥ ﺍﺫﺍ ﺑﻘﻴﺘﻲ ﻫﻴﺞ ﺗﺒﺘﻌﺪﻳﻦ ﻋﻨﻪ
ﺭﺍﺡ ﻳﺸﺪ ﻭﻳﺎﺝ ﺍﻛﺜﺮ
ﻣﻮ ﻣﻬﻢ ﺍﺗﺤﻤﻞ ﺍﻫﻢ ﺷﻲ ﺍﺑﻘﻰ ﻳﻢ ﺍﺑﻨﻲ
ﺑﻘﻴﻨﻪ ﺳﻬﺮﺍﻧﻴﻦ ﻫﻮﺍﻱ ﺍﻓﺮﺡ ﻣﻦ ﻳﺠﻦ
ﻧﻤﺖ ﻭﻛﻌﺪﺕ ﺍﻟﺼﺒﺢ
ﻭﺟﺎﻥ ﻳﻮﻡ ﺟﻤﻌﻪ
ﻻﺯﻡ ﺍﺟﻬﺰ ﺍﻟﻐﺪﻩ
ﻟﻜﻴﺖ ﻋﻤﻮ ﺟﺎﻳﺐ ﺳﻤﻚ
ﺟﻬﺰﺗﻪ ﻭﺧﻠﻴﺘﻪ ﺑﺎﻟﻔﺮﻥ
ﻭﺳﻮﻳﺖ ﻭﻳﺎ ﺗﻤﻦ ﻭﻃﺮﺷﻲ ﻭﺧﺒﺰ ﺣﺎﺭ
ﺍﻟﻜﻮﻝ ﻛﻌﺪ ﻳﺘﻐﺪﻩ ﺳﻮﻩ ﺍﻟﻪ ﺍﻟﻐﺜﻪ ﻫﻤﺰﻳﻦ
ﺍﻧﻲ ﻟﺤﺪ ﺍﻻﻥ ﺍﺳﺘﺤﻲ ﻣﻨﻬﻢ
ﻣﺎﺍﻛﻞ ﻭﻳﺎﻫﻢ ﺍﻃﻠﻊ ﺣﺠﺘﻲ ﺑﺎﺑﻨﻲ
ﺍﻧﻲ ﻣﺎﺍﺣﺐ ﺍﻟﺴﻤﻚ ﺍﺑﺪ
ﻛﻠﺘﻠﻲ ﺧﺎﻟﻪ ﺟﻴﺒﻴﻠﻲ ﻣﻮﺍﻋﻴﻦ ﺍﻋﺰﻝ ﺍﻟﺞ ﻭﻟﺤﻴﺪﺭ
ﻛﺘﻠﻬﺎ ﺧﺎﻟﻪ ﺍﻧﻲ ﻣﺎﺍﺣﺐ ﺍﻟﺴﻤﻚ ﺍﺑﺪ
ﻟﺘﺨﻠﻴﻠﻲ ﻣﻦ ﺍﺟﻮﻉ ﺍﻧﻲ ﺍﺳﻮﻱ ﻏﺪﻩ
ﺑﻘﻪ ﻋﻤﻮ ﻳﺤﺠﻲ ﻋﻠﻴﻪ
ﻟﺞ ﺑﺎﺑﺎ ﻫﺎﻱ ﺷﺒﻴﺞ ﻟﺘﻨﺴﻴﻦ ﺍﻧﺖ ﻣﺮﺿﻊ
ﻣﻴﺼﻴﺮ ﻫﺬﺍ ﻻ ﻭﻫﺬﺍ ﻣﺎﺍﺣﺒﻪ
ﻋﻠﻴﻤﻦ ﻋﺎﻳﺸﻪ ﻣﺘﻜﻠﻴﻠﻲ
ﻭﺍﻟﻠﻪ ﻋﻤﻮ ﻟﺤﺪ ﺍﻻﻥ ﻣﻤﺎﻛﻠﻪ ﺍﻟﺴﻤﻚ
ﺍﺑﺪ ﻣﺎﺍﺣﺒﻪ
ﻉ ﺭﺍﺣﺘﺞ ﺑﺎﺑﺎ
ﻋﺰﻟﺖ ﺧﺎﻟﻪ ﻟﺤﻴﺪﺭ
ﻛﻠﺘﻠﻲ ﺩﻳﺮﻱ ﺑﺎﻟﺞ ﺗﻨﻄﻴﻦ ﺍﻻﻛﻞ ﺑﺎﺭﺩ ﻟﺤﻴﺪﺭ ﻳﺘﺨﺒﻞ
ﻫﻤﺰﻳﻦ ﻛﻠﺘﻠﻲ
ﺻﻌﺪﺕ ﻟﻐﺮﻓﺘﻲ ﺍﺭﺗﺎﺡ ﻧﺎﻡ ﺍﺑﻨﻲ ﻭﻧﻤﺖ ﻭﻳﺎ
ﺑﻌﺪﻳﻦ ﺍﺟﺘﻲ ﻧﻮﺭ ﺧﻄﻴﻪ ﻋﺪﻫﺎ ﻭﺍﺟﺒﺎﺕ ﺍﻟﻪ ﺍﻧﻲ ﺍﺭﺗﺐ ﺍﻟﺪﻓﺎﺗﺮ ﻳﻠﻪ ﺗﻜﺘﺐ
ﺑﻌﺪﻧﻲ ﻫﺴﺘﻮﻧﻲ ﺑﺪﻳﺖ ﺍﺭﺗﺒﻬﻦ
ﺍﺟﺎﻧﻲ ﻣﺴﺞ ﻣﻨﻪ
ﻉ ﻣﻮﺩ ﻏﺪﺍ
ﺣﻤﻴﺖ ﺍﻟﺘﻤﺖ ﻭﺍﻟﺴﻤﻚ ﺧﻠﻴﺘﻪ ﺍﻟﻪ ﺑﺎﻟﻤﺎﻳﻜﺮﻭ
ﺣﻤﻴﺖ ﺍﻟﺨﺒﺰﻩ ﺍﻟﻪ ﻭﺟﻬﺰﺕ ﻛﻠﺸﻲ
ﺧﻠﻴﺘﻪ ﻛﺪﺍﻣﻪ
ﻛﻠﻲ ﻋﻔﻴﻪ ﺑﺎﻟﺸﻄﻮﺭﻩ
ﻃﺒﻌﺎ ﻣﺎﺍﻋﺮﻑ ﻟﻮﻳﺶ ﺣﻴﻞ ﺍﻧﺮﻋﺐ ﻣﻨﻪ
ﻣﺎﺍﺭﺗﺎﺣﻠﻪ ﺍﺑﺪ
ﻛﻤﻠﺖ ﻛﻠﺸﻲ ﻭﺻﻌﺪﺕ ﻗﺮﻳﺖ ﻧﻮﺭ ﻭﻛﺘﺒﺘﻬﺎ
ﻃﺒﻌﺎ ﻧﻮﺭ ﻣﻄﻴﻌﻪ ﺑﺸﻜﻞ ﻭﻫﺎﺩﺋﻪ
ﺑﺲ ﺟﺎﻧﺖ ﻳﻤﻜﻦ ﻣﺎﻛﻮ ﺍﺣﺪ ﺍﻟﻲ ﻳﻮﺟﻬﺎ ﺻﺤﻴﺢ
ﻣﻔﺘﻘﺪﻩ ﺟﺎﻧﺖ ﻟﺤﻨﺎﻥ ﺍﻻﻡ
ﻟﺤﺪ ﺍﻻﻥ ﻣﻌﺮﻓﺖ ﻟﻮﻳﺶ ﻣﻄﻠﻜﻴﻦ ﺍﻣﻬﺎ ﻭﺍﺑﻮﻫﺎ
ﺑﺲ ﺍﻛﻴﺪ ﺧﻄﻴﻪ ﻫﺠﺖ ﻣﻦ ﻇﻠﻤﻪ ﻭﻗﺴﻮﺗﻪ
ﻟﻠﻌﺼﺮ ﻧﺰﻟﺖ ﻭﻱ ﺍﻟﺒﻨﺎﺕ
ﺍﺟﻪ ﻫﻮ ﻣﺒﺪﻝ ﻭﻣﺨﻠﻲ ﻋﻄﺮ ﻳﻤﻜﻦ ﺍﻟﻤﻨﻄﻘﻪ ﻛﻠﻴﺘﻬﺎ ﺗﺸﺘﻤﻪ
ﺷﺪﻋﻮﻩ ﻫﻴﺞ ﻳﻤﻜﻦ ﺷﻴﺸﺔ ﺍﻟﻌﻄﺮ ﻛﻠﻬﺎ ﻣﺨﻠﻴﻬﺎ
ﻛﺎﻝ ﻟﺘﻨﺘﻈﺮﻭﻧﻲ
ﺑﺲ ﻗﺒﻞ ﻟﻴﻄﻠﻊ ﺣﺠﺖ ﺧﺎﻟﻪ ﻭﻳﺎ
ﻭﺍﻟﻠﻪ ﻣﺎﺍﻋﺮﻑ ﺑﻴﻬﻢ ﻳﺮﺩﻭﻥ ﻳﻄﻠﻌﻮﻥ
ﺍﻧﻲ ﻣﻦ ﺟﻨﺖ ﻋﻨﺪ ﺍﻫﻠﻲ ﻣﺎﺍﺣﺐ ﺍﻟﻄﻠﻌﻪ ﺍﺑﺪ ﻭﻻ ﺍﺣﺐ ﺍﻻﻣﺎﻛﻦ ﺍﻟﻤﺰﺩﺣﻤﻪ
ﺍﺣﺐ ﺍﻟﻬﺪﻭﺀ ﻭﺍﻻﻣﺎﻛﻦ ﺍﻟﻬﺎﺩﺋﻪ
ﻫﺴﻪ ﻣﻮ ﺑﺲ ﻣﺎﺍﺣﺐ ﺍﻟﻄﻠﻌﻪ
ﻻ ﻣﺴﺘﺤﻴﻞ ﺍﻓﻜﺮ ﺍﻃﻠﻊ
ﻣﻮ ﻻﻥ ﻫﻮ ﻣﻴﻘﺒﻞ
ﺑﺲ ﻣﺎﺍﻛﺪﺭ ﺍﻃﻠﻊ ﻣﺒﻮﺷﻪ ﻭﺍﺻﻼ ﻣﺎﺍﻋﺮﻑ ﺍﺷﻴﻠﻪ ﻻﺑﻨﻲ ﻭﺍﻧﻲ ﻣﺒﻮﺷﻪ
ﻭﺛﺎﻧﻴﻪ ﻭﺑﻌﺪ ﻧﻔﺴﻴﺘﻲ ﺯﻓﺖ
ﻣﺎﺍﻟﻲ ﻭﺍﻫﺲ ﻟﻜﻠﺸﻲ
ﺍﺷﻮ ﻫﺬﺍ ﺗﺨﺒﻞ ﻣﻘﺒﻞ ﻭﻋﺒﺎﻟﻪ ﺍﻧﻲ ﺍﻟﻲ ﺍﺭﻳﺪ ﺍﻃﻠﻊ
ﺍﻟﺒﻨﺎﺕ ﺿﺎﺟﻦ ﻋﻠﻴﻪ ﻭﻛﺎﻟﻦ ﻣﻨﺮﻭﺡ
ﻛﺘﻠﻬﻦ ﻭﺍﻟﻠﻪ ﺍﻧﻲ ﻣﺎﺍﺭﻳﺪ ﺍﻃﻠﻊ
ﺭﻭﺣﻦ ﺍﻃﻠﻌﻦ ﻣﺎﻋﻠﻴﺠﻦ ﺑﻴﻪ
ﻣﻘﺒﻠﻦ ﺑﺲ ﺍﻧﻲ ﺍﺗﻮﺳﻠﺖ ﺑﻴﻬﻦ ﻭﺭﺍﺣﻮﺍ
ﺑﻘﻴﺖ ﺑﻮﺣﺪﻱ ﺻﻌﺪﺕ ﺑﻐﺮﻓﺘﻲ
ﻧﻤﺖ ﻣﻦ ﻭﻗﺖ
ﻣﺤﺴﻴﺖ ﺑﻴﻬﻢ ﻣﻦ ﺍﺟﻮﻱ
ﻭﺛﺎﻧﻲ ﻳﻮﻡ ﻛﻌﺪﺕ ﺟﻬﺰﺕ ﺍﻟﻐﺪﻩ
ﺍﻟﻜﻞ ﻳﻤﺪﺡ ﺑﺎﻛﻠﻲ ﻭﻫﺬﺍ ﺍﻟﺸﻲ ﻓﺮﺣﻨﻲ ﺣﻴﻞ
ﺭﻭﺣﻲ ﻭﻋﻘﻠﻲ ﺑﺎﻟﻤﻄﺒﺦ
ﻳﻌﻨﻲ ﺷﻐﻞ ﺍﻟﻤﻄﺒﺦ ﻏﺴﻞ ﺍﻟﻤﻮﺍﻋﻴﻦ ﻭﺗﺮﺗﻴﺒﻪ ﻟﻠﻤﻄﺒﺦ ﻭﺗﺠﻬﻴﺰ ﺍﻻﻛﻞ
ﻓﻤﻴﻬﻤﻨﻲ ﺍﻟﻄﺒﺦ ﺍﺑﺪ
ﺟﻬﺰﺗﻠﻬﻢ ﺍﻟﻐﺪﻩ
ﻫﺎﻟﻤﺮﻩ ﺍﻣﻴﺮ ﻣﺎﻫﻮ ﺑﻌﺪﻩ ﻧﺎﻳﻢ
ﻛﻌﺪﺕ ﺍﺗﻐﺪﻳﺖ ﻭﻳﺎﻫﻢ
ﺑﻌﺪﻫﺎ ﻛﺎﻟﻦ ﺍﻟﺒﻨﺎﺕ ﺧﻞ ﻧﺮﻭﺡ ﻟﻤﺮﻛﺰ ﺍﻟﺘﺠﻤﻴﻞ
ﻳﺼﺒﻐﻦ ﺷﻌﺮﻫﻦ ﻭﻳﻨﻈﻔﻦ ﻭﺟﻬﻦ
ﺧﺎﻟﻪ ﺗﺮﻭﺡ ﻭﻳﺎﻫﻦ
ﻻﻥ ﻣﺘﺠﻤﻌﺎﺕ ﺳﻮﻳﻪ ﻳﻮﻣﻴﻪ ﻳﻄﻠﻌﻦ
ﻛﺎﻟﻦ ﺍﻟﻴﻮﻡ ﻻﺯﻡ ﻧﺠﺒﺮﻩ ﻟﺤﻴﺪﺭ ﻭﻧﺨﻠﻲ ﻳﺨﻠﻴﺞ ﺗﺮﻭﺣﻴﻦ ﻭﻳﺎﻧﻪ
ﻣﺎﺍﺭﻭﺡ ﻭﻋﻔﻴﻪ ﺍﺫﺍ ﺗﺤﺒﻨﻲ ﻟﺘﻜﻠﻠﻪ
ﺍﻭﻝ ﺷﻲ ﺷﻌﺮﻱ ﻣﻴﺤﺘﺎﺝ ﻟﻮﻥ ﻭﺛﺎﻧﻲ ﺷﻲ ﻭﺟﻬﻲ ﻣﺎﺍﻟﻤﺴﻪ ﺍﺑﺪ
ﻋﺎﺟﺒﻨﻲ ﻫﻴﺞ ﺍﺑﻘﻰ
ﻋﺎﻓﻨﻲ ﻭﺭﺍﺣﻦ
ﺧﺎﻟﻪ ﻛﻠﺘﻠﻲ ﺍﻟﻴﻮﻡ ﻳﺠﻮﻥ ﺍﺯﻭﺍﺟﻬﻦ ﺑﺎﻟﻠﻴﻞ ﻳﺘﻌﺸﻮﻥ ﻭﻳﺎﺧﺬﻭﻧﻬﻦ
ﺟﺎﺑﻮ ﺩﺟﺎﺝ
ﺗﺒﻠﺘﻬﻦ ﻭﺟﻬﺰﺗﻬﻦ
ﺑﻌﺪﻫﺎ ﺍﺟﻨﻲ ﺍﻟﺒﻨﺎﺕ ﺑﺲ ﻋﺼﺒﻴﺎﺕ
ﻭﻳﺤﺠﻦ ﻉ ﺍﺧﻮﻫﻦ ﻭﻳﻜﻮﻟﻦ ﻣﻴﺼﻴﺮ ﻫﻴﺞ ﻳﺴﻮﻱ
ﻋﺮﻓﺘﻬﻦ ﻣﺤﺎﺟﻴﺎﺗﻪ ﺍﻛﻴﺪ ﻭﺭﺍﻓﺾ
ﻭﺍﻟﻠﻪ ﺷﺎﻳﻒ ﻧﻔﺴﻪ ﺷﻮﻓﻪ
ﺭﺍﺣﻦ ﻛﻠﻴﺘﻬﻦ
ﺑﻌﺪﻫﺎ ﺩﺯﻟﻲ ﻣﺴﺞ ﻉ ﻣﻮﺩ ﻏﺪﺍ
ﻧﺰﻟﺖ ﺟﻬﺰﺗﻪ ﺍﻟﻪ ﻭﺻﻌﺪﺕ ﺭﺩﺕ ﺍﺷﻮﻑ ﺍﺑﻨﻲ ﺍﺧﺎﻑ ﻳﻜﻌﺪ ﻭﻳﻮﻛﻊ ﻣﻦ ﺍﻟﻜﺮﻳﻜﻮﺕ
ﺩﺯﻟﻲ ﻣﺮﻩ ﻟﺦ ﻉ ﻣﻮﺩ ﺍﻟﺠﺎﻱ
ﻗﺮﺭﺕ ﺑﻌﺪ ﻣﺎﺍﺻﻌﺪ ﻟﻤﻦ ﻳﺸﺮﺏ ﺍﻟﺠﺎﻱ ﻳﻠﻪ
ﻳﻤﻜﻦ ﻣﻤﺼﺪﻙ ﻋﻨﺪﻩ ﺷﺨﺺ ﻳﺘﺎﻣﺮ ﻋﻠﻲ
ﻭﻃﻠﺒﺎﺗﻪ ﻛﻠﻴﺘﻬﻦ ﻣﺠﺎﺑﻪ
ﻣﺘﻌﺠﺐ ﺑﻨﻔﺴﻪ
ﺑﺪﻳﺖ ﺍﺟﻬﺰ ﺍﻟﻌﺸﻪ
ﺳﻮﻳﺖ ﺍﻟﻬﻢ ﻣﻘﺒﻼﺕ ﻭﺍﺷﻜﺎﻝ ﻭﺍﻟﻠﻮﺍﻥ
ﺍﻟﺒﻨﺎﺕ ﺣﻴﻞ ﺣﺒﺎﺑﺎﺕ ﺍﺗﺸﻜﺮﻥ ﻣﻨﻲ ﻭﺑﻮﺳﻨﻲ
ﺍﻟﻤﻐﺮﻭﺭ ﻃﻠﺐ ﻣﻨﻲ ﺍﺑﺪ ﻣﺎﺍﺩﺧﻞ ﻳﻤﻬﻢ
ﺑﻘﻴﺖ ﺍﻧﻲ ﻭﺍﺑﻨﻲ ﺑﺎﻟﻤﻄﺒﺦ
ﺍﺑﻨﻲ ﺑﺎﻟﻤﺸﺎﻳﻪ ﻣﺎﻟﺘﻪ
ﻭﺍﻧﻲ ﺍﺭﺗﺐ ﺑﺎﻟﺼﻴﻨﻴﻪ ﻣﺎﻟﺖ ﺍﻟﺠﺎﻱ
ﻓﺠﺄﻩ ﻭﺟﺎﻥ ﺍﺷﻮﻓﻪ ﻓﺎﺭﻩ
ﻃﺒﻌﺎ ﻧﻘﻄﺔ ﺿﻌﻔﻲ ﺍﻟﺤﻴﻮﺍﻧﺎﺕ ﻛﻠﻬﻦ
ﺧﻮ ﺍﻟﺰﻭﺍﺣﻒ ﻭﺍﻟﺤﺸﺮﺍﺕ ﺍﺗﺨﺒﻞ ﻳﻤﻜﻦ ﺍﺻﻴﺢ ﻭﺻﻮﺗﻲ ﻳﻮﺻﻞ ﻟﺴﺎﺑﻊ ﺟﺎﺭ ﺑﺲ ﺍﺷﻮﻓﻬﻦ
ﺍﺷﻮﻑ ﺍﻟﻔﺎﺭﻩ ﻛﺪﺍﻣﻲ ﻭﺻﻌﺪﺕ ﻉ ﺭﺟﻞ ﺍﺑﻨﻲ ﺍﻧﻲ ﺍﺗﺨﺒﻠﺖ
ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ ﻻﻥ ﺣﻴﻞ ﺍﺧﺎﻑ
ﺍﻧﻲ ﺣﺘﻰ ﺍﻟﺒﻠﺒﻞ ﺍﻻﻟﻴﻒ ﺍﺗﺨﺒﻞ ﻣﻨﻪ ﻭﺍﻟﻠﻪ ﺍﺧﺎﻑ ﻋﺒﺎﻟﻚ ﺭﺍﺡ ﻳﻌﻀﻨﻲ ﻭﻳﺎﻛﻠﻨﻲ
ﺣﺮﺕ ﺷﺎﺳﻮﻱ ﻭﻣﺎﺍﻛﺪﺭ ﺍﺻﻴﺢ
ﻫﺎﻱ ﻟﻮ ﺍﺑﻴﺖ ﺍﻫﻠﻲ ﺟﺎﻥ ﻛﻠﺒﺖ ﺍﻟﺪﻧﻴﺎ ﺑﺎﻟﺼﺎﻳﺢ
ﺑﺲ ﻫﻨﺎ ﻣﺘﺮﻫﻢ ﻋﻴﺐ
ﻭﺍﻟﻤﺼﻴﺒﻪ ﻋﻴﺐ ﻣﻦ ﻧﺴﺎﺑﺘﻬﻢ ﻫﻨﺎ
ﺍﺟﻴﺖ ﻣﻦ ﺑﻌﻴﺪ ﺍﻃﺮﺩ ﺑﻴﻬﺎ ﻭﻻ ﻛﺎﻧﻮ
ﻳﻤﻌﻮﺩﻩ ﻭﺍﻟﻠﻪ ﻣﻮ ﻭﻛﺘﺞ ﺣﺒﺎﺑﻪ ﻋﻮﻓﻲ ﺍﺑﻨﻲ ﻭﺭﻭﺣﻲ
ﺭﺩﺗﻬﺎ ﺑﺲ ﺍﺗﻮﺧﺮ ﻋﻦ ﺍﺑﻨﻲ
ﻣﺘﺤﻤﻠﺖ ﺻﺤﺖ ﺧﺎﻟﻪ ﻋﻤﻮ ﺗﻌﺎﻟﻮ ﺍﻟﺤﻜﻮﻧﻲ ﻻﻥ ﺳﻤﻌﺖ ﺍﺑﻨﻲ ﺻﺮﺥ
ﻳﻤﻜﻦ ﻋﻀﺘﻪ
ﺍﺟﻮﻱ ﺧﻄﻴﻪ ﻳﺮﻛﻀﻮﻥ ﻋﺒﺎﻟﻬﻢ ﺷﻮ ﺷﺒﻴﻪ
ﻣﺎﺍﺗﻮﻗﻌﺖ ﺍﻟﻜﻮﻝ ﺭﺍﺡ ﻳﺠﻲ
ﺍﻟﻐﺜﻪ ﻭﺻﻞ ﺍﻭﻝ ﻭﺍﺣﺪ ﻭﺑﻌﺪﻫﺎ ﺍﻟﻜﻞ ﺍﺟﻪ ﺣﺘﻰ ﻧﺴﺎﺑﺘﻬﻢ
ﺳﺎﻟﻮﻧﻲ
ﻛﺘﻠﻬﻢ ﻓﺎﺭﻩ ﺑﺎﻟﻤﻄﺒﺦ
ﺍﺷﻮ ﻫﺬﺍ ﻓﺸﻠﻨﻲ ﻛﺪﺍﻡ ﺍﻟﻜﻞ
ﻟﺞ ﺛﻮﻟﻪ ﻭﺗﺒﻘﻴﻦ ﺛﻮﻟﻪ
ﻋﺒﺎﻟﻲ ﺍﺣﺘﺮﻛﺘﻲ ﻭﻧﺨﻠﺺ ﻣﻨﺞ
ﺛﻮﻝ ﺍﻟﻪ ﻳﺮﻳﺪ ﻳﺨﻠﺺ ﻣﻨﻲ ﻉ ﺍﺳﺎﺱ ﻧﺎﻳﻤﻪ ﻉ ﻛﻠﺒﻪ
ﺭﺯﻟﻨﻲ ﺭﺯﺍﻟﻪ ﺗﺴﻮﻩ ﻋﻤﺮﻱ ﻭﺣﻴﺎﺗﻲ
ﻭﺍﻟﻠﻪ ﺣﻴﻞ ﺧﺠﻠﺖ
ﻋﻴﺐ ﻣﻦ ﺍﻟﻮﻟﺪ
ﻫﺴﻪ ﺍﻧﻲ ﺷﻮﻫﺪﻧﻲ ﻭﺻﺤﺖ
ﺑﺪﻭﺍ ﻳﺪﻭﺭﻭﻥ ﺑﺲ ﻣﺪﺭﻱ ﻭﻳﻦ ﺷﺮﺩﺕ
ﺍﺑﻨﻲ ﻣﺎﺕ ﻣﻦ ﺍﻟﺒﻮﺍﺟﻲ ﺧﻄﻴﻪ ﻳﻤﻜﻦ ﺍﺧﺘﺮﻉ ﻟﻮ ﻋﻀﺘﻪ
ﻛﻠﻠﻬﻢ ﺭﻭﺣﻮﺍ ﻋﻤﻲ ﻛﻤﻠﻮ ﺍﻛﻠﻜﻢ ﻫﺎﻱ ﻭﺣﺪﻩ ﺍﻟﻠﻪ ﻣﺸﻮﺭ ﺑﻴﻬﺎ
ﻣﺨﺒﻠﻪ ﻣﻮ ﺑﻴﺪﻫﺎ
ﻭﺍﻟﻠﻪ ﻣﺘﺖ ﻣﻦ ﺍﻟﺨﺠﻞ
ﺭﺟﻌﻮﺍ ﻛﻠﻬﻢ
ﺍﺷﻮ ﻫﺬﺍ ﺍﺟﻪ ﻋﻠﻴﻪ ﺿﺮﺑﻨﻲ ﺭﺍﺟﺪﻱ
ﻭﻫﺎﻱ ﺍﻭﻝ ﻣﺮﻩ ﻳﻤﺪ ﺍﻳﺪﻩ ﻋﻠﻴﻪ
ﺣﺴﺎﺑﺞ ﻭﻳﺎﻱ ﺭﺍﺡ ﻳﻜﻮﻥ ﻋﺴﻴﺮ
ﺳﻮﻳﺘﻲ ﻫﺎﻱ ﺍﻟﻬﻮﺳﻪ ﺑﺲ ﺣﺘﻰ ﺗﺸﻮﻓﻴﻦ ﺍﻟﻮﻟﺪ
ﻫﻴﺞ ﻣﺘﺘﺤﻤﻠﻴﻦ ﺍﻟﻪ ﺗﺸﻮﻓﻴﻬﻢ
ﻟﻮ ﻫﺎﻱ ﻣﺘﻌﻮﺩﻩ ﻋﻨﺪ ﺍﻫﻠﺞ ﻉ ﻫﺎﻱ ﺍﻻﺧﻼﻕ ﺍﻟﺴﺰ
ﺣﻴﻞ ﺿﻮﺟﻨﻲ ﻭﻧﺮﻓﺰﻧﻲ ﻣﻦ ﺣﺠﻪ ﻫﻴﺞ
ﻛﺘﻠﻪ ﺑﺲ ﻣﺎﺍﻟﻚ ﺣﻖ ﻫﻴﺞ ﺗﺤﺠﻲ ﻋﻠﻴﻪ
ﺑﻌﺪﻧﻲ ﻣﻤﻜﻤﻠﻪ ﺍﺷﻮ ﻫﻢ ﺿﺮﺑﻨﻲ ﺭﺍﺟﺪﻱ ﻣﺮﻩ ﻟﺦ
ﺩﻳﺮﻱ ﺑﺎﻟﺞ ﻣﺮﻩ ﺛﺎﻧﻴﻪ ﺗﺠﺎﻭﺑﻴﻨﻲ ﻟﻮ ﺗﺤﺎﻭﻟﻴﻦ ﺗﺮﻓﻌﻴﻦ ﺻﻮﺗﺞ ﻋﻠﻴﻪ
ﻭﻫﺴﻪ ﺍﺧﺬﻱ ﺍﺑﻨﺞ ﻭﺍﺧﺘﻔﻲ ﻣﻦ ﻭﺟﻬﻨﺎ ﻣﺎﺍﺣﺐ ﺍﺷﻮﻓﺞ ﺑﻌﺪ
ﻻ ﺍﺩﻓﻨﺞ ﻋﺪﻟﻪ
ﺻﺪﻙ ﺍﺧﺬﺕ ﺍﺑﻨﻲ ﻭﺻﻌﺪﺕ
ﺑﺲ ﺍﺑﻨﻲ ﺑﺲ ﻳﺒﺠﻲ
ﺍﺧﺬﺕ ﻣﻼﺑﺲ ﺍﻟﻲ ﻭﻣﻼﺑﺲ ﻻﺑﻨﻲ ﻭﺩﺧﻠﻨﻪ ﻟﻠﺤﻤﺎﻡ
ﺳﺒﺤﺘﻪ ﺧﻄﻴﻪ ﺑﺲ ﻳﺒﺠﻲ
ﺍﻧﺘﺒﻬﺖ ﻉ ﺭﺟﻠﻪ ﺍﺛﺮ ﺳﻨﻮﻥ
ﻳﻤﻜﻦ ﻋﺎﺿﺘﻪ ﺍﻟﻔﺎﺭﻩ
ﻃﻠﻌﺖ ﻣﻦ ﺍﻟﺤﻤﺎﻡ
ﺍﺟﻨﻲ ﺍﻟﺒﻨﺎﺕ ﻭﻳﻀﺤﻜﻦ
ﻛﺎﻟﻦ ﻭﻟﺞ ﻋﻴﺸﺘﻴﻨﻪ ﺑﺮﻋﺐ ﻣﻮ ﻃﺒﻴﻌﻲ
ﻭﻛﻞ ﻫﺬﺍ ﻉ ﻣﻮﺩ ﻓﺎﺭﻩ
ﺍﻧﻲ ﺑﺠﻴﺖ ﻛﺘﻠﻬﻦ ﻭﺍﻟﻠﻪ ﺭﺍﺩﺕ ﺍﺗﺎﺫﻱ ﺍﺑﻨﻲ
ﺷﻮﻓﻲ ﺭﺟﻠﻪ ﻳﺎﺳﺎﺭﻩ
ﺧﻄﻴﻪ ﻫﻮ ﺑﺲ ﻳﺒﺠﻲ
ﺷﺎﻓﺘﻬﺎ ﺗﺨﺒﻠﺖ
بيج قصص عراقيه حقيقيه من واقعنا.روعه الطائي
ﻛﺎﻟﺖ ﻭﻟﺞ ﻫﺎﻱ ﻋﺎﺿﺘﻪ ﺻﺪﻙ
ﻭﺍﺧﻮﺟﻦ ﺍﻟﺒﻄﺮﺍﻥ ﻋﺒﺎﻟﻪ ﺍﺭﻳﺪ ﺍﺛﻴﺮ ﺍﻻﻧﺘﺒﺎﻩ ﻉ ﻣﻮﺩ ﺍﺯﻭﺍﺟﻦ
ﺍﺧﺬﺗﻪ ﻓﺎﻃﻤﻪ ﻭﻧﺰﻟﺖ ﺑﺴﺮﻋﻪ
ﻭﺭﻩ ﺷﻮﻳﻪ ﺟﺎﺑﺘﻪ ﻣﻌﻘﻤﻪ ﺍﻟﻪ ﻣﺤﻤﺪ ﻭﺷﺎﺩﻫﺎ
ﺧﻄﻴﻪ ﺭﺿﻌﺘﻪ ﻭﻧﺎﻡ
ﺑﻮﺳﻨﻲ ﺍﻟﺒﻨﺎﺕ ﻭﺭﺍﺣﻦ
ﺛﺎﻧﻲ ﻳﻮﻡ ﻭﻻ ﻛﺎﻧﻮ ﺣﺘﻰ ﻣﻔﻜﺮ ﻳﻌﺘﺬﺭ
ﻭﻳﻜﻮﻝ ﺻﺪﻙ ﻓﺎﺭﻩ ﻣﺎﻗﺼﺪﻫﺎ ﺷﻲ
ﺑﻘﻪ ﺧﺸﻤﻪ ﻳﺎﺑﺲ ﻭﻳﺎﻳﻪ
ﺍﻧﻲ ﻭﻻ ﺍﻫﺘﻤﻴﺖ
ﺧﺎﻟﻪ ﺟﺎﺑﺘﻠﻲ ﻣﻼﺑﺲ ﺑﺲ ﺍﻟﻠﻮﺍﻧﻬﻦ ﻋﺎﻗﻠﻪ
ﺍﺑﺪ ﻣﺨﺘﻠﻄﺖ ﺑﻴﻬﻢ ﺑﺲ ﻓﺎﻃﻤﻪ ﻭﺧﺎﻟﻪ
ﻫﺬﺍ ﺍﻟﻐﺜﻪ ﻣﻼﺑﺴﻪ ﻋﻠﻴﻪ ﻭﺍﻧﻈﻒ ﺑﻴﺘﻪ
ﻭﺍﺟﻬﺰﻟﻪ ﺍﻻﻛﻞ ﻭﻣﺨﻠﻲ ﺷﻲ ﻳﻨﻘﺺ
ﺣﺘﻰ ﻣﻴﺤﺠﻲ ﻋﻠﻴﻪ
ﺣﻴﺪﺭ : ﺍﺗﻮﻗﻌﺘﻬﺎ ﺟﺬﺍﺑﻪ ﻭﺣﺎﺑﻪ ﺑﺲ ﺗﺜﻴﺮ ﺍﻻﻧﺘﺒﺎﻩ
ﺣﺘﻰ ﻧﺴﺎﺑﺘﻨﻪ ﻳﺠﻮﻥ ﻟﻠﻤﻄﺒﺦ ﻭﻳﺸﻮﻓﻮﻫﺎ
ﻻﻥ ﻣﺘﻮﻗﻌﺖ ﺍﻛﻮ ﺻﺪﻙ ﻓﺎﺭﻩ
ﻭﺣﺘﻰ ﻟﻮ ﺻﺪﻙ ﻣﻤﻌﻘﻮﻟﻪ ﻫﻴﺞ ﺗﺨﺎﻑ ﻣﻨﻬﺎ
ﻛﻤﺖ ﺍﺣﺠﻲ ﻋﻠﻴﻬﺎ ﻭﻫﻨﺘﻬﺎ ﻭﺿﺮﺑﺘﻬﺎ
ﻫﺎﻱ ﺍﻭﻝ ﻣﺮﻩ ﺍﺿﺮﺑﻬﺎ
ﻭﻛﺘﻠﻬﺎ ﺍﺻﻌﺪﻱ ﻓﻮﻙ
ﺩﻭﺭﺕ ﺍﻟﻤﻄﺒﺦ ﻭﻣﺠﺎﻥ ﺍﻛﻮ ﺷﻲ
ﻛﻠﺖ ﺍﻛﻴﺪ ﺟﺬﺍﺑﻪ
ﺑﺲ ﻣﻦ ﻧﺰﻟﺖ ﻓﺎﻃﻤﻪ ﻧﻀﻮﺭﻱ ﻭﻋﺎﺿﺘﻪ ﺻﺪﻙ ﺍﻟﻔﺎﺭﻩ
ﺍﺫﻥ ﺷﻜﻲ ﻣﻮ ﺑﻤﺤﻠﻪ ﺍﺑﺪ
ﻳﺒﺠﻲ ﺧﻄﻴﻪ ﻭﺍﻟﻌﻀﻪ ﻭﺍﺿﺤﻪ ﻋﻠﻲ
ﺍﺧﺬﻩ ﻣﺤﻤﺪ ﻭﻋﻘﻢ ﺍﻟﻤﻜﺎﻥ ﻭﺷﺪﻩ ﺍﻟﻪ
ﺭﺟﻌﺘﻪ ﻓﺎﻃﻤﻪ ﻭﻛﺎﻟﺖ ﻧﺎﻡ ﺧﻄﻴﻪ
ﻟﻌﺪ ﺍﻧﻲ ﺷﻜﺪ ﺗﻔﻜﻴﺮﻱ ﻭﺳﺦ 🠾
ﺑﺲ ﺭﻏﻢ ﻛﻠﺸﻲ ﻣﺴﺘﺤﻴﻞ ﺍﺗﻨﺎﺯﻝ ﻭﺍﻋﺘﺬﺭ ﻣﻨﻬﺎ
ﺍﻟﻜﻞ ﻛﺎﻡ ﻳﺤﺠﻲ ﻋﻠﻴﻪ ﻻﻥ ﺑﻘﻴﺖ ﺍﺻﻴﺢ ﻋﻠﻴﻬﺎ
ﻛﺘﻠﻬﻢ ﺯﻭﺟﺘﻲ ﻭﺣﺮ ﺑﻴﻬﺎ ﻣﺤﺪ ﻳﺪﺧﻞ
ﻋﺠﺒﻨﻲ ﻭﺿﻌﻲ ﺍﻟﺤﺎﻟﻲ
ﻣﻼﺑﺴﻲ ﺍﻟﻜﻴﻬﻦ ﻣﻐﺴﻮﻻﺕ ﻭﻣﻜﻮﻳﺎﺕ ﻭﻣﺮﺗﺒﺎﺕ
ﺑﻴﺘﻲ ﺍﻟﻨﻈﺎﻓﻪ ﻭﺍﺿﺤﻪ ﻋﻠﻲ
ﺑﻨﺘﻲ ﺣﻴﻞ ﻣﻌﺘﻨﻴﻪ ﺑﻴﻬﺎ
ﻭﺍﻛﻠﻲ ﻭﺷﺮﺑﻲ ﻧﻔﺲ ﻣﺎﺍﺭﻳﺪ ﻭﺍﻛﺜﺮ
ﻭﺍﻫﻢ ﻣﻦ ﻛﻠﺸﻲ ﺍﺑﻦ ﺍﺧﻮﻳﻪ ﻛﺒﺎﻝ ﻋﻴﻨﻪ
ﻫﺎﻱ ﺍﻻﻣﻮﺭ ﻛﻠﻬﺎ ﺧﻠﺘﻨﻲ ﻣﺎﺍﻓﻜﺮ ﺍﻃﻠﻜﻬﺎ
ﻣﺮﺗﺎﺡ ﻣﻦ ﻧﺎﺣﻴﺘﻬﺎ
ﺑﺲ ﺍﻧﻲ ﺍﻛﺮﻫﺎ ﻛﺮﻩ ﻣﺴﺘﺤﻴﻞ ﺍﺣﺪ ﻳﺘﻮﻗﻌﻪ
ﻣﺎﺍﻋﺮﻑ ﺍﻟﺴﺒﺐ ﺑﺎﻟﻀﺒﻂ
ﻫﻞ ﺧﻴﺎﻧﺘﻬﺎ ﻻﻫﻠﻬﺎ ﻭﺯﻭﺍﺟﻬﺎ ﺍﻟﻲ ﺑﺎﻟﺴﺮ
ﺍﻭ ﻏﻴﺮ ﺷﻲ ﻣﺎﺍﻋﺮﻑ ﺑﺎﻟﻀﺒﻂ
بيج قصص عراقيه حقيقيه من واقعنا.روعه الطائي
ﺍﺣﺴﻬﺎ ﻣﻮ ﺭﺍﺣﻪ ﺑﺲ ﺗﺨﺎﻑ ﻣﻨﻲ
ﺍﻧﻲ ﻣﺎﺍﺣﺘﺎﺟﻬﺎ ﻙ ﺯﻭﺟﻪ ﺍﻟﻲ ﻭﻗﺖ ﺷﻬﻮﺗﻲ
ﻻﻥ ﺷﻮﻛﺖ ﻣﻴﻌﺠﺒﻨﻲ ﺍﺭﻭﺡ ﺍﺳﻬﺮ ﻭﻱ ﺍﻟﺸﺒﺎﺏ
ﻳﻌﻨﻲ ﻣﺎﺧﺬ ﻛﻔﺎﻳﺘﻲ
ﺑﺲ ﻫﺎﻱ ﺍﻟﺒﻨﻴﻪ ﻣﺎﺍﻋﺮﻑ ﻟﻴﺶ ﺍﺩﻭﺭ ﻉ ﺯﻟﻪ ﻋﻠﻴﻬﺎ
ﺑﺲ ﺍﺣﺐ ﺍﻫﻴﻨﻬﺎ ﻭﺍﺭﺯﻟﻬﺎ
ﺍﺟﻴﺖ ﻣﺮﻩ ﺑﻮﻗﺖ ﻣﺘﺎﺧﺮ
ﻟﻜﻴﺖ ﺿﻮﻩ ﻣﻄﺒﺦ ﺍﻫﻠﻲ ﻣﻔﺘﻮﺡ
ﻛﻠﺖ ﻳﺠﻮﺯ ﻧﺎﺳﻴﻨﻪ
ﺟﺎﻧﺖ ﺍﻟﺴﺎﻋﻪ ﺗﻘﺮﻳﺒﺎ ﺏ 1 ﺑﺎﻟﻠﻴﻞ
ﺩﺧﻠﺖ ﻭﺟﺎﻥ ﺍﺷﻮﻓﻬﺎ ﻫﻲ ﻭﺍﻣﻴﺮ ﺑﺎﻟﻤﻄﺒﺦ
ﻋﻘﻠﻲ ﻃﺎﺭ ﺍﺗﺨﺒﻠﺖ
ﺷﻌﺪﻫﺎ ﺑﻬﻴﺞ ﻭﻗﺖ ﻧﺎﺯﻟﻪ
ﻭﻓﻮﻛﺎﻫﺎ ﺑﺲ ﻫﻲ ﻭﻳﺎ ﺑﻮﺣﺪﻫﻢ
ﺍﻧﻲ ﻭﺍﺛﻖ ﻣﻦ ﺍﻣﻴﺮ ﻣﺎﻋﻨﺪﻩ ﺷﻲ ﻭﻻ ﻳﺤﺎﻭﻝ ﻭﻟﻮ ﺑﺎﻟﺠﺬﺏ ﻳﻔﻜﺮ ﺑﻴﻬﺎ
ﺑﺲ ﺍﻛﻴﺪ ﻫﻲ ﺍﻟﻲ ﺗﻔﻜﻴﺮﻫﺎ ﻭﺳﺦ
ﻣﺤﺴﻮﺍ ﺑﻴﻪ
ﺟﺎﻧﺖ ﺗﺤﺠﻲ ﺑﺎﻟﻤﻮﺑﺎﻳﻞ
ﺍﻣﻴﺮ ﻳﻠﻘﻨﻬﺎ ﻭﻫﻲ ﺗﺤﺠﻲ
ﺟﺎﻥ ﺗﻜﻮﻝ ﻣﺎﻛﻮ ﺩﺍﻋﻲ ﺗﺘﺎﺳﻒ ﺍﺧﻮﻳﻪ
ﻣﺼﺎﺭ ﺷﻲ
ﺣﺘﻰ ﺍﺧﻮﻳﻪ ﺍﺗﺼﺮﻑ ﻣﺜﻠﻚ
ﺍﻱ ﺍﻧﻄﻴﻨﻴﺎﻫﺎ
ﻫﻠﻮ ﺯﻫﻮﺭﻩ
ﻟﺞ ﺍﻧﻲ ﻫﻤﻴﻦ ﺣﺼﻠﺘﻠﻲ ﻛﺘﻠﻪ ﻣﻦ ﺍﺧﻮﻳﻪ
ﻋﺒﺎﻟﻪ ﺍﺣﺠﻲ ﻭﻱ ﻭﻟﺪ
ﻳﻠﻪ ﺣﺒﻲ ﺑﺎﺟﺮ ﻧﺘﺨﺎﺑﺮ ﻭﻃﺒﻜﺘﻪ
ﺍﻧﻲ ﺻﺤﺖ ﻫﺎﻱ ﻭﻳﺎﻣﻦ ﺗﺤﺠﻴﻦ
ﻃﻔﺮﻭﺍ ﺍﺛﻨﻴﻨﻬﻢ
ﻛﺎﻣﻮﺍ ﻳﻤﺘﻤﺘﻮﻥ ﺍﺛﻨﻴﻨﻬﻢ
ﺍﺣﺠﻲ ﺍﻣﻴﺮ ﻫﺎﻱ ﻭﻳﺎﻣﻦ ﺗﺤﺠﻲ
ﺗﻌﺎﻝ ﺍﻛﻌﺪ ﻭﺍﻧﻲ ﺍﻓﻬﻤﻚ
ﻣﺎﺍﻛﻌﺪ ﺍﺣﺠﻲ ﻻﻭﺍﻟﻘﺮﺍﻥ ﺍﺑﺘﻠﻲ ﺑﻴﻜﻢ ﺍﺛﻨﻴﻨﻜﻢ
ﻭﺍﻟﻠﻪ ﻛﺎﻋﺪ ﺍﺣﺠﻲ ﻭﻱ ﺑﻨﻴﻪ ﻗﺒﻞ ﺷﻮﻳﻪ
ﻭﻟﻜﻔﻬﺎ ﺍﺧﻮﻫﺎ ﺧﻄﻴﻪ
ﻭﻛﺎﻟﺘﻠﻪ ﻭﻱ ﺻﺪﻳﻘﺘﻲ
ﻭﺣﺐ ﻳﺘﺎﻛﺪ ﺻﺪﻙ ﻟﻮ
ﻛﻔﺮﺕ ﻛﻔﺮﻩ ﻫﺰﻳﺖ ﺑﻴﻬﺎ ﺍﻟﻌﺮﺵ
ﺿﺮﺑﺘﻪ ﺑﻮﻛﺲ ﺧﻠﻴﺖ ﺣﻠﻜﻪ ﻳﺠﺮﻱ ﺩﻡ
ﻭﺍﻧﺖ ﺷﻠﻮﻥ ﻛﺪﺭﺕ ﺗﺨﻠﻴﻬﺎ ﺗﺤﺠﻲ ﻭﻱ ﻭﻟﺪ ﻏﺮﻳﺐ
ﻟﻚ ﺳﻜﻂ ﻣﺘﺴﺘﺤﻲ ﻉ ﻧﻔﺴﻚ
ﺳﻜﺖ ﻣﺤﺠﻪ ﺷﻲ ﻭﻳﺎﻳﻪ
ﺷﻌﻨﺪﻙ ﺗﺎﻟﻲ ﺍﻟﻠﻴﻞ ﺗﺨﺎﺑﺮ ﻭﺗﺨﻠﻲ ﺑﻨﺎﺕ ﺍﻟﻌﺎﻟﻢ ﺑﻬﻴﺞ ﻣﻮﻗﻒ
ﻭﻟﻮ ﺍﻟﻌﺘﺐ ﻣﻮ ﻋﻠﻴﻚ
ﺍﻟﻌﺘﺐ ﻋﻠﻴﻬﻦ ﻫﻦ ﺍﻟﻲ ﺳﺎﻗﻄﺎﺕ
ﻟﻮ ﻣﺎ ﺳﺎﻗﻄﺎﺕ ﻣﺴﻮﻭﻥ ﻫﻴﺞ ﻭﻳﺨﻮﻧﻦ ﺍﻫﻠﻬﻦ
ﺍﻟﺘﻔﺘﺖ ﻉ ﺯﻳﻨﺐ
ﻭﺟﺎﻥ ﺍﻟﺨﻮﻑ ﻭﺍﺿﺢ ﻋﻠﻴﻬﺎ
ﻛﺘﻠﻪ ﻻﻣﻴﺮ ﺭﻭﺡ ﺍﺧﺘﻔﻲ ﻣﻦ ﻭﺟﻬﻲ ﻻ ﺍﺑﺘﻠﻲ ﺑﻴﻚ
ﺑﺲ ﻗﺒﻞ ﻻ ﺍﺭﻭﺡ ﻋﻠﻴﻚ ﺍﻟﻠﻪ
ﻟﺘﺎﺫﻳﻬﺎ ﻟﺰﻳﻨﺐ
ﻭﺍﻟﻠﻪ ﺍﻧﻲ ﺍﻟﻲ ﻟﺤﻴﺖ ﻋﻠﻴﻬﺎ
ﺭﻭﺡ ﻣﻦ ﻳﻤﻲ ﻭﻟﺘﺪﺧﻞ ﺍﺑﺪ
ﻋﻴﻨﻚ ﻉ ﻧﻈﻮﺭﻱ ﻟﻤﻦ ﺗﺠﻴﻚ
ﺍﻓﻮﺭ ﺩﻡ ﺑﻬﺎﻱ ﺍﻟﻠﺤﻀﻪ
ﻻ ﻣﺎﺍﺭﻭﺡ ﻭﻻ ﺍﺻﻌﺪ ﺍﻟﻪ ﺗﺨﻠﻴﻬﺎ ﺗﺮﻭﺡ ﻗﺒﻠﻲ
ﺍﻣﻴﺮ ﻟﺘﺨﺘﺒﺮ ﺻﺒﺮﻱ
ﺭﻭﺡ ﻻ ﻭﺍﻟﻘﺮﺍﻥ ﺍﺭﺗﻜﺐ ﺟﺮﻳﻤﻪ ﺑﺤﻘﻚ
ﻣﺎﺍﺳﻮﻱ ﺷﻲ ﺑﺲ ﺍﺣﺠﻲ ﻭﻳﺎﻫﺎ
ﺟﺮﻳﺘﻬﺎ ﻣﻦ ﺍﻳﺪﻫﺎ ﻭﺭﺣﺖ ﻟﻠﺒﻴﺖ ﻣﺎﻟﺘﻲ
ﻣﺎﺍﺿﻤﻦ ﻧﻔﺴﻲ ﺷﺮﺍﺡ ﺍﺳﻮﻱ ﺑﻴﻬﺎ
ﺩﺧﻠﺘﻬﺎ ﻭﻗﻔﻠﺖ ﺍﻟﺒﺎﺏ
ﺍﻧﻲ ﺷﻜﺎﻳﻠﺞ ﻗﺒﻞ
ﻣﻮ ﻛﺎﻳﻠﺞ ﻣﺘﺘﻘﺮﺑﻴﻦ ﻻ ﻉ ﺍﻣﻴﺮ ﻭﻻ ﻉ ﻣﺤﻤﺪ
ﻭﺍﻟﻠﻪ ﻣﻤﺘﻘﺮﺑﻪ ﻉ ﺍﺣﺪ
ﺑﻌﺪﻫﻲ ﻣﻤﻜﻤﻠﻪ ﺿﺮﺑﺘﻬﺎ ﺭﺍﺟﺪﻱ
ﻟﻌﺪ ﺷﺘﻔﺴﺮﻳﻬﺎ ﻫﺎﻱ
ﺍﻟﺴﺎﻋﻪ ﺏ 1 ﺑﺎﻟﻠﻴﻞ ﻭﺣﺪﻛﻢ ﺑﺎﻟﻤﻄﺒﺦ
ﻻ ﻭﻓﻮﻛﺎﻫﺎ ﺗﺤﺠﻴﻦ ﻭﻱ ﻭﻟﺪ ﻏﺮﻳﺐ
ﺩﻓﺮﺗﻬﺎ ﺩﻓﺮﻩ ﻭﻛﻌﺘﻬﺎ ﺑﺎﻟﻜﺎﻉ
ﺧﻞ ﺑﺲ ﺍﺷﺮﺣﻠﻚ ﺍﻟﻲ ﺻﺎﺭ
ﻫﻴﺞ ﻣﻦ ﺭﺑﺞ ﺑﻨﺖ ﺍﻟﻜﻠﺐ ﺷﺘﺸﺮﺣﻴﻦ
ﻓﻜﺮ ﺑﻨﺖ ﺍﻟﻔﻜﺮ
ﻟﺞ ﻣﻦ ﺍﻛﻮﻝ ﻋﻠﻴﺞ ﻛﺢ ...... ﻣﺤﺪ ﻳﻘﺒﻞ ﻋﻠﻴﻪ
ﺍﻧﻄﻴﻨﻲ ﻓﺮﺻﻪ ﺑﺲ ﺍﺣﺠﻲ
ﻣﺎﺍﺭﻳﺪﺝ ﺗﺤﺠﻴﻦ ﺑﻨﺖ ﺍﻟﻜﻠﺐ
ﺍﻟﻈﺎﻫﺮ ﻣﺘﻌﻮﺩﻩ ﻉ ﺍﺗﺼﺎﻻﺕ ﻧﺺ ﺍﻟﻠﻴﻞ
ﻟﺞ ﺑﻴﺎﺻﻔﻪ ﺗﺤﺠﻴﻦ ﻭﻱ ﺍﻟﻮﻟﺪ ﺍﻟﻐﺮﻳﺐ ﻫﻴﺞ
ﻭﻛﻔﺖ ﻛﺒﺎﻟﻲ
ﺑﺲ ﺍﻧﺖ ﻣﻴﺼﻴﺮ ﻫﻴﺞ ﺗﺤﻜﻢ ﻋﻠﻴﻪ ﺑﺪﻭﻥ ﻣﺘﺴﻤﻊ ﻣﻨﻲ
ﺿﺮﺑﺘﻬﺎ ﺭﺍﺟﺪﻱ ﻗﻮﻱ ﺭﺍﺳﻬﺎ ﺍﺟﻪ ﺑﺎﻟﺤﺎﻳﻂ
ﻣﺎﺍﺣﺐ ﺍﺳﻤﻊ ﻣﻨﺞ ﻧﻔﺲ ﻭﺍﺣﺪ
ﻭﻫﺴﻪ ﺗﺴﻤﻌﻴﻨﻲ ﺯﻳﻦ
ﻭﺍﻟﺨﻠﻘﺞ ﻭﺣﻖ ﻛﻞ ﻧﺒﻲ ﻣﺮﺳﻞ
ﺍﺫﺍ ﻣﺠﺮﻳﺘﻲ ﻋﺪﻝ ﻭﺳﻤﻌﺘﻲ ﺍﻟﺤﺠﻲ
ﺍﻃﻠﻜﺞ ﻭﺍﺧﺬ ﺍﺑﻨﺞ ﻣﻨﺞ
ﻭﻋﻮﺩ ﺫﺍﻙ ﺍﻟﻮﻗﺖ ﺭﻭﺣﻲ ﺧﺎﺑﺮﻱ ﺍﻟﺸﺒﺎﺏ ﻧﺺ ﺍﻟﻠﻴﻞ
ﻭﺍﻛﻌﺪﻱ ﻭﻱ ﺍﻱ ﺷﺨﺺ ﻳﻌﺠﺒﺞ ﺏ 1 ﺑﺎﻟﻠﻴﻞ ﺑﻮﺣﺪﻛﻢ
ﺳﻜﺘﺖ
ﻛﺘﻠﻬﺎ ﻗﺴﻤﺎ ﺑﺎﻟﻠﻪ ﺍﺫﺍ ﻟﻤﺤﺘﺞ ﻭﻱ ﺍﻣﻴﺮ
ﺍﻟﻪ ﺍﺫﺑﺤﺞ ﻉ ﺍﻟﻘﺒﻠﻪ
ﻻﻥ ﺍﻋﺮﻑ ﻧﻮﺍﻳﺎﺝ ﻛﻠﺶ ﺯﻳﻦ
ﻻﻥ ﺍﻧﺖ ﻛﺢ ..... ﻭﻣﻴﻬﻤﺞ ﻫﺬﺍ ﺣﻤﺎﺝ ﻟﻮ ﻻ
ﻭﻻ ﻳﻬﻤﺞ ﺷﻲ ﺣﺮﺍﻡ ﻟﻮ ﻻ
ﺍﺫﺍ ﺻﺎﺭﺕ ﺏ 10 ﺑﺎﻟﻠﻴﻞ ﻭﺍﻟﻤﺤﺞ ﻭﻟﻮ ﺑﺎﻟﻐﻠﻂ ﺟﻮﻩ
ﻣﺘﻠﻮﻣﻴﻦ ﺍﻟﻪ ﻧﻔﺴﺞ
ﻭﻫﺴﻪ ﺍﻃﻠﻌﻲ ﺑﺮﻩ ﺑﻨﺖ ﺍﻟﻔﻜﺮ
ﻻ ﺍﺑﺘﻠﻲ ﺑﻴﺞ
ﺣﻴﻞ ﺿﻮﺟﻨﻲ ﻣﻨﻈﺮﻫﺎ
ﻣﻴﻬﻤﻨﻲ ﺍﻟﺴﺒﺐ ﺍﻟﻲ ﺧﻼﻫﺎ ﻫﻴﺞ ﺗﺴﻮﻱ
ﻣﺎﻛﻮ ﺩﺍﻋﻲ ﺗﺘﻮﺍﺟﺪ ﺟﻮﻩ ﺑﻬﻴﺞ ﻭﻗﺖ
ﺣﻴﻞ ﺍﻛﺮﻫﺎ ﻟﻬﺎﻱ ﺍﻟﻤﺨﻠﻮﻗﻪ ﻭﺣﺎﻗﺪ ﻋﻠﻴﻬﺎ ﺑﺸﻜﻞ
ﺣﺘﻠﻮ ﻣﺎﺍﺣﺐ ﺍﺗﻘﺮﺏ ﻋﻠﻴﻬﺎ
ﺑﺲ ﺗﺒﻘﻰ ﺯﻭﺟﺘﻲ ﻭﻣﺴﺠﻠﻪ ﺑﺎﺳﻤﻲ
ﺳﻤﻌﺘﻬﺎ ﻣﻦ ﺳﻤﻌﺘﻲ
ﻣﺎﺍﺣﺐ ﻳﺼﺪﺭ ﻣﻨﻬﺎ ﺍﻱ ﺷﻲ ﻣﺸﺒﻮﻩ ﻭﻣﻮﺯﻳﻦ
ﻛﻮﻩ ﻛﺪﺭﺕ ﺍﻧﺎﻡ ﺑﺬﻳﺞ ﺍﻟﻠﻴﻠﻪ
ﺗﻔﻜﻴﺮﻱ ﺭﺍﺡ ﻟﺒﻌﻴﺪ
ﺍﻛﻴﺪ ﺷﺎﻓﺘﻨﻲ ﻣﺎﺑﻴﻪ ﺍﻣﻞ ﻭﺻﺎﺩﻫﺎ ﺑﺸﻜﻞ
ﺣﻮﻟﺖ ﻉ ﺍﻣﻴﺮ ﺗﺤﺎﻭﻝ ﺗﺘﻘﺮﺏ ﻋﻠﻲ
ﺍﻛﻴﺪ ﻫﺎﻱ ﻣﺮﻳﻀﻪ ﻧﻔﺴﻴﺂ
ﺑﺎﻟﻨﺴﺒﻪ ﺍﻟﻲ ﻟﻮ ﺗﺠﻴﻨﻲ ﺑﻬﻴﺄﺕ ﺣﻮﺭﻳﻪ
ﻣﺎﺍﻟﻲ ﻧﻔﺲ ﺑﻴﻬﺎ ﻭﻻ ﺭﺍﺡ ﺍﺿﻌﻒ ﺍﻣﺎﻣﻬﺎ
ﺛﺎﻧﻲ ﻳﻮﻡ ﺣﺠﻴﺖ ﻭﻱ ﺍﻣﻴﺮ ﻭﺣﺬﺭﺗﻪ ﻳﺤﺠﻲ ﻭﻳﺎﻫﺎ
ﻭﻛﺘﻠﻪ ﻭﺍﺫﺍ ﺍﺫﺍ ﻟﻤﺤﺘﻚ ﻭﻟﻮ ﺳﻼﻡ ﺗﺴﻠﻢ ﻋﻠﻴﻬﺎ
ﺭﺍﺡ ﺍﻧﻬﻲ ﻋﻼﻗﺘﻚ ﺑﻴﻪ
ﻃﺒﻌﺎ ﺯﻋﻞ ﻣﻨﻲ ﻭﻛﻠﻲ ﻣﻴﺠﻮﺯ ﻫﻴﺞ ﺗﺸﻚ ﺑﻴﻨﻪ
ﻭﻋﻴﺐ ﻫﺎﻱ ﻣﺜﻞ ﺍﺧﺘﻲ ﻭﻋﺮﺿﻲ
ﻣﺴﺘﺤﻴﻞ ﺑﺎﻟﻲ ﻳﺮﻭﺡ ﻟﺒﻌﻴﺪ
ﻭﻫﻲ ﺍﻟﺒﻨﻴﻪ ﻫﻤﻴﻦ ﺣﺒﺎﺑﻪ ﻭﻣﺆﺩﺑﻪ
ﻭﻣﺼﺪﺭ ﻣﻨﻬﺎ ﺍﻱ ﺷﻲ ﺳﻮﺀ
ﻣﻬﺘﻤﻴﺖ ﺍﻟﻪ ﺍﺑﺪ
ﻛﻤﺖ ﻣﺎﺍﺷﻮﻓﻬﺎ ﺑﺲ ﻭﻗﺖ ﺍﻻﻛﻞ ﺗﺠﻬﺰﻩ ﻭﺗﺨﺘﻔﻲ
ﺍﺟﺘﻲ ﻋﻄﻠﺔ ﻧﺼﻒ ﺍﻟﺴﻨﻪ
ﻭﻛﻠﻲ ﺍﺑﻮﻳﻪ ﺧﻄﻴﻪ ﺩﺯﻫﺎ ﻻﻫﻠﻬﺎ ﻫﻲ ﻭﻧﻮﺭ
ﺍﻋﺘﺮﺿﺖ ﻛﺘﻠﻪ ﻣﺎﺍﺧﺬﻫﺎ ﺍﻧﻲ ﻟﻮ ﺍﻣﻮﺕ
ﻛﻠﻲ ﻋﻴﺐ ﻣﻴﺼﻴﺮ ﻣﻦ ﺍﻫﻠﻬﺎ
ﻭﺍﻧﺖ ﻟﺤﺪ ﺍﻻﻥ ﻣﻤﺘﻌﺮﻑ ﻋﻠﻴﻬﻢ
ﻣﻴﺠﻮﺯ ﻫﺴﻪ ﺷﻴﻜﻮﻟﻮﻥ
ﺷﻴﻜﻮﻟﻮﻥ ﺧﻞ ﻳﻜﻮﻟﻮﻥ ﻣﻮ ﻣﻬﻢ ﻋﻨﺪﻱ
ﺑﻌﺪﻳﻦ ﻛﺎﻡ ﻳﻠﺢ ﻋﻠﻴﻪ ﻭﺯﻋﻞ ﻭﺍﻓﻘﺖ
ﺍﻛﻴﺪ ﻫﻲ ﺍﻟﻲ ﻛﺎﻳﻠﺘﻠﻪ
ﺍﺣﺘﻤﺎﻝ ﻧﺎﻭﻳﺘﻠﻲ ﻏﻴﺮ ﻧﻴﻪ
ﺑﺲ ﺍﻧﻲ ﻣﺴﺘﺤﻞ ﺗﻀﺤﻚ ﻋﻠﻴﻪ
ﺩﺯﻳﺘﻠﻬﺎ ﻣﺴﺞ
ﻫﺎ ﺗﺮﺩﻳﻨﻲ ﺍﻧﻲ ﺍﻭﺩﻳﺞ ﻻﻫﻠﺞ ﺑﻴﺪﻱ
ﻟﻴﻜﻮﻥ ﻣﺼﺪﻛﻪ ﺍﻧﻲ ﺯﻭﺟﺞ ﻣﻦ ﺻﺪﻙ
ﻭﺍﻟﻈﺎﻫﺮ ﺍﻫﻠﺞ ﻣﻤﺼﺪﻛﻴﻦ ﺑﻨﺘﻬﻢ ﻣﺘﺰﻭﺟﻪ ﻣﻦ ﻭﺍﺣﺪ ﻇﺎﺑﻂ ﻭﻏﻨﻲ
ﻭﺣﺎﺑﻴﻦ ﻳﺘﺒﺎﻫﻮﻥ ﺑﺮﺍﺳﻲ
بيج قصص عراقيه حقيقيه من واقعنا.روعه الطائي
ﺑﺲ ﺧﻞ ﻳﻜﻮﻥ ﺑﻌﻠﻤﺞ
ﻟﻮ ﺗﻤﻮﺗﻴﻦ ﻣﺎﺍﻋﺘﺮﻑ ﺑﻴﺞ ﻙ ﺯﻭﺟﻪ ﻭﻻ ﺍﻋﺎﻣﻠﺞ ﻙ ﺯﻭﺟﻪ
ﻭﻻ ﺍﺳﻤﺤﻠﺞ ﺍﻃﻠﻌﻴﻦ ﻣﻦ ﺍﻟﺒﺎﺏ
ﺩﺯﺗﻠﻲ
ﻣﻨﻮ ﻛﻠﻚ ﺍﻧﻲ ﺣﺎﺑﻪ ﺗﺎﺧﺬﻧﻲ ﺑﺎﻳﺪﻙ
ﻭﺍﻟﻠﻪ ﻟﻮ ﺗﺒﻘﻰ ﺑﺲ ﺍﻧﺖ ﺑﺎﻟﺪﻧﻴﻪ ﻣﺎﺍﺣﺐ ﺍﻃﻠﻊ ﻭﻳﺎﻙ
ﺣﻠﻮ ﺍﻟﻌﺼﻔﻮﺭﻩ ﻃﺎﻟﻌﻠﻬﺎ ﺭﻳﺶ ﻭﺻﺎﻳﺮﻩ ﺗﺠﺎﻭﺏ
ﻟﻌﺪ ﺍﺭﻳﺪ ﺍﺷﻮﻑ ﻣﻨﻮ ﻳﺨﻠﻴﺞ ﺑﻌﺪ ﺗﺮﺣﻴﻦ ﻻﻫﻠﺞ
ﺑﺲ ﻣﻴﺠﻮﺯ ﻫﻴﺞ ﺗﺴﻮﻱ ﻣﺎﺍﻟﻚ ﺣﻖ ﺗﻤﻨﻌﻨﻲ ﻣﻦ ﺍﻫﻠﻲ
ﺍﺧﻠﻲ ﻋﻤﻮ ﻳﺎﺧﺬﻧﻲ ﻣﺜﻞ ﻛﻞ ﻣﺮﻩ
ﺑﺲ ﺍﻧﻲ ﻣﻤﻮﺍﻓﻖ ﺍﻃﻠﻌﻴﻦ ﻭﺍﺭﻳﺪ ﺍﺷﻮﻑ ﺷﻠﻮﻥ ﺗﺮﺣﻴﻦ ﺑﺪﻭﻥ ﻣﻮﺍﻓﻘﺘﻲ
ﺍﻧﺖ ﻣﺘﺨﺎﻑ ﻣﻦ ﺍﻟﻠﻪ ﻣﻦ ﻫﻴﺞ ﺗﺴﻮﻱ
ﻣﻤﺴﻮﻳﻪ ﺷﻲ ﻏﻠﻂ ﺣﺘﻰ ﺗﻤﻨﻌﻨﻲ
ﻫﻮ ﺍﻧﻲ ﻣﺎﺍﻃﻠﻊ ﻣﻦ ﺍﻟﺒﺎﺏ ﻣﺤﺒﻮﺳﻪ ﺑﻴﻦ ﺍﺭﺑﻊ ﺣﻴﻄﺎﻥ
ﻭﻣﻤﻌﺘﺮﺿﻪ ﻭﻣﺎﻋﻨﺪﻱ ﻣﺎﻧﻊ
ﺑﺲ ﺗﻤﻨﻌﻲ ﻣﻦ ﺍﻫﻠﻲ ﻣﻤﻘﺒﻮﻟﻪ ﻣﻨﻚ
ﻫﺬﺍ ﺍﻟﻤﻮﺟﻮﺩ ﺍﻟﻌﺠﺒﺞ ﻭﺍﻟﻤﺎ ﻋﺠﺒﺞ ﻳﻄﺒﺞ ﻣﺮﺽ
ﻫﺎ ﻭﺩﻳﺮﻱ ﺑﺎﻟﺞ ﺍﻃﻠﺒﻴﻦ ﻣﻨﻲ ﺗﺮﺣﻴﻦ ﻻﻫﻠﺞ
ﺯﻳﻨﺐ : ﺑﻘﻴﺖ ﺑﻌﻴﺪﻩ ﻋﻦ ﺍﻟﻜﻞ
ﺍﺳﻮﻱ ﺷﻐﻠﻲ ﻭﺍﺻﻌﺪ ﻳﻢ ﺍﺑﻨﻲ
ﺍﻣﺎ ﺍﻟﻐﺜﻪ ﺍﺳﻮﻳﻠﻲ ﺍﻱ ﺷﻲ ﻳﺨﺼﻪ ﻭﻣﺎﺍﺣﺠﻲ ﻭﻳﺎ
ﻓﺪ ﻳﻮﻡ ﺟﻨﺖ ﻛﺎﻋﺪﻩ ﺑﻮﺣﺪﻱ ﻻﻥ ﻓﺎﻃﻤﻪ ﻣﺎﻫﻲ ﺑﺎﻳﺘﻪ ﺍﺑﻴﺖ ﺍﺧﺘﻬﺎ
ﺍﻛﻠﺐ ﺑﺎﻟﻔﻴﺲ
ﻃﺒﻌﺎ ﺍﺑﺪ ﻣﺎﺍﻋﻠﻖ ﻭﻻ ﺍﻧﺸﺮ ﺑﺲ ﺍﺗﺎﺑﻊ
ﻭﻣﺮﺍﺕ ﺍﺗﺎﺑﻊ ﻗﺼﺺ
ﺍﺗﻔﺎﺟﺄﺕ ﺍﺟﺘﻲ ﺭﺳﺎﻟﻪ ﻉ ﺍﻟﻔﺎﻳﺒﺮ
ﺟﺎﻥ ﺭﻗﻢ ﻏﺮﻳﺐ
ﻛﻠﻲ ﻫﺎ ﺯﻧﻮﺑﻪ ﻧﺎﻳﻤﻪ ﻛﺎﻋﺪﻩ
ﺍﺳﺘﻐﺮﺑﺖ ﻣﻨﻮ ﻫﺬﺍ ﺍﻟﺸﺨﺺ ﻭﺷﻴﺮﻳﺪ ﻣﻨﻲ
ﺩﺯﻟﻲ ﺍﻧﻲ ﺍﻣﻴﺮ ﻋﻨﺪﻱ ﺷﻐﻠﻪ ﻭﻳﺎﺝ ﺿﺮﻭﺭﻳﻪ ﺍﺧﻴﺞ ﺍﻧﺰﻟﻲ ﺍﺫﺍ ﻛﺎﻋﺪﻩ
ﻧﺰﻟﺖ ﻭﺍﻟﺼﺮﺍﺣﻪ ﺧﻔﺖ ﻣﻨﻪ ﺷﻴﺮﻳﺪ ﻣﻨﻲ ﺑﻬﺎﻟﻮﻗﺖ
ﻟﻜﻴﺘﻪ ﺑﺎﻟﻤﻄﺒﺦ
ﮔﻠﻲ ﺍﺧﻴﺞ ﺗﻌﺎﻱ ﺍﻟﺤﻜﻴﻨﻲ
ﺷﻜﻮ ﺷﺒﻴﻚ
ﻛﺎﻋﺪ ﺍﺧﺎﺑﺮ ﺑﺒﻨﻴﻪ ﻭﻳﺎﻱ ﺑﺎﻟﻜﻠﻴﻪ
ﻭﻓﺠﺄﻩ ﻃﻠﻊ ﺍﺧﻮﻫﺎ ﻭﺳﻤﻌﻨﻲ ﻛﻠﺖ ﺍﻟﻮﻭﻭ
ﻭﻫﺴﻪ ﺍﻟﻠﻪ ﺍﻟﻴﻌﻠﻢ ﺷﺮﺍﺡ ﻳﺴﻮﻱ ﺑﻴﻬﺎ
ﻟﻮ ﻓﺎﻃﻤﻪ ﻫﻨﺎ ﻣﺎﻛﺘﻠﺞ ﻉ ﺷﻲ
ﺑﺲ ﺣﻀﻲ ﺍﻟﻴﻮﻡ ﻣﺎﻫﻲ
ﺷﺘﺮﻳﺪ ﺍﺳﻮﻱ
ﺑﺲ ﺩﻛﻲ ﻉ ﺭﻗﻤﻬﺎ ﻭﺧﻠﻲ ﻳﺴﻤﻊ ﺻﻮﺗﺞ ﻭﻳﺘﺎﻛﺪ ﻣﻨﺞ
ﻛﻠﻴﻠﻪ ﻫﺬﺍ ﺍﺧﻮﻳﻪ ﻫﻢ ﺷﻚ ﺍﺣﺠﻲ ﻭﻱ ﻭﻟﺪ ﻭﺣﺐ ﻳﺴﻤﻊ ﺍﻟﺼﻮﺕ
ﺍﻧﻄﺎﻧﻲ ﻣﻌﻠﻮﻣﺎﺕ ﻋﻨﻬﺎ ﺍﺳﻤﻬﺎ ﻭﻛﻠﻴﺘﻬﺎ ﻭﻏﻴﺮﻫﺎ
بيج قصص عراقيه حقيقيه من واقعنا.روعه الطائي
ﺑﺎﻟﺒﺪﺍﻳﻪ ﺭﻓﻀﺖ ﻛﺘﻠﻪ ﻭﺍﻟﻠﻪ ﺍﺫﺍ ﻋﺮﻑ ﺍﺧﻮﻙ ﺭﺍﺡ ﻳﺬﺑﺤﻨﻲ
ﻭﺍﻧﺖ ﺗﻌﺮﻓﻪ ﻛﻠﺶ ﺯﻳﻦ
ﻭﺍﻟﻠﻪ ﺍﺩﺭﻱ ﺑﺲ ﺧﻄﻴﻪ ﻭﻣﺤﻤﺪ ﺍﻟﻠﻪ ﺍﻟﻴﻌﻠﻢ ﺷﺮﺍﺡ ﻳﺴﻮﻱ ﺑﻴﻬﺎ ﺧﻄﻴﻪ
ﺍﺧﻴﺞ ﻫﻨﻪ ﺍﺣﺠﺎﻳﺘﻴﻦ ﻭﺑﺲ
ﻗﻨﻌﻨﻲ ﻭﻛﻠﺖ ﺧﻄﻴﻪ
ﻭﻓﻌﻼ ﻃﻠﻊ ﺍﻟﻮﻟﺪ ﻭﻗﻨﻌﺘﻪ
ﻭﺍﻋﺘﺬﺭ ﻣﻨﻲ
ﻭﺣﺠﻴﺖ ﻭﻱ ﺍﻟﺒﻨﻴﻪ ﻭﺍﺗﻔﺎﺟﺄﺕ ﻣﻦ ﺣﺠﻴﺖ ﻭﻳﺎﻫﺎ ﻫﻴﺞ
ﺍﺗﻮﻗﻌﺖ ﻓﺎﺗﺢ ﺣﺎﻛﻴﻪ ﺍﺧﻮﻫﺎ
ﻟﻬﺬﺍ ﺍﻟﺴﺒﺐ ﻛﺘﻠﻪ ﺍﻧﻲ ﻫﻤﻴﻦ
ﺑﺲ ﻃﺒﻜﺘﻪ ﻭﺟﺎﻥ ﺍﻧﺼﺪﻡ ﺑﺎﻟﻤﻐﺮﻭﺭ ﻛﺒﺎﻟﻲ
ﺍﻧﻲ ﺍﻧﺘﻬﻴﺖ ﺍﻟﺼﺮﺍﺣﻪ
ﺟﺴﻤﻲ ﻛﺎﻡ ﻳﺮﺟﻒ ﻣﻦ ﻓﻮﻙ ﻟﺠﻮﻩ
ﺭﺟﻠﻴﻪ ﺑﻌﺪ ﻣﺎﺍﺣﺲ ﺑﻴﻬﻦ
ﺍﻭﻝ ﻣﺮﻩ ﺍﺷﻮﻓﻪ ﻫﻴﺞ ﻋﺼﺒﻲ
ﺿﺮﺏ ﺍﻣﻴﺮ ﻭﺧﻠﻪ ﺍﻟﺪﻡ ﻳﺠﺮﻱ ﻣﻦ ﺣﻠﻜﻪ
ﻟﻌﺪ ﺍﻧﻲ ﺷﺮﺍﺡ ﻳﺴﻮﻱ ﺑﻴﻪ
ﺍﺧﺬﻧﻲ ﻟﺒﻴﺘﻪ ﻭﺿﺮﺑﻨﻲ ﻭﺍﺫﺍﻧﻲ ﺣﻴﻞ
ﺑﺲ ﻣﻮ ﺑﺎﻟﻀﺮﺏ ﺍﺫﺍﻧﻲ
ﻻ ﺑﺎﻟﺤﺠﻲ ﺍﻟﻲ ﻳﺴﻤﻢ ﺍﻟﺒﺪﻥ
ﺭﺩﺕ ﺍﺩﺍﻓﻊ ﻋﻦ ﻧﻔﺴﻲ ﻭﺍﺷﺮﺣﻠﻪ ﻣﻮﻗﻔﻲ ﺑﺲ ﻣﻨﻄﺎﻧﻲ ﻣﺠﺎﻝ ﺍﺑﺪ
ﻫﻢ ﻣﻐﺮﻭﺭ ﻭﻫﻢ ﺍﻧﺎﻧﻲ ﻭﻫﻢ ﻏﺜﻪ
ﻳﻜﻮﻡ ﻭﻳﻜﻌﺪ ﻭﻳﻜﻠﻲ ﺿﺎﺑﻂ ﻭﻏﻨﻲ
ﻋﺒﺎﻟﻪ ﻓﺪ ﺷﻲ ﻫﻤﺰﻳﻦ ﺍﺣﻘﺮ ﺧﻠﻖ ﺍﻟﻠﻪ ﻫﻢ ﺍﻟﻀﺒﺎﻁ
ﺍﻣﻮﺕ ﻣﻨﻪ
ﻳﻤﻜﻦ ﻣﺮﻭﺍﻥ ﺟﺎﻥ ﺍﺭﺣﻢ ﻣﻨﻪ
ﺍﺻﻌﺐ ﻣﻮﻗﻒ ﻳﻤﺮ ﻋﻠﻴﻪ ﻣﻦ ﻳﺴﺐ ﺑﺎﺑﺎ
ﻭﻣﻴﻜﻠﻲ ﻏﻴﺮ ﻛﺢ .......
ﺑﻘﻴﺖ ﺑﻌﻴﺪﻩ ﻋﻨﻪ ﻭﺍﺗﺠﻨﺒﻪ
ﺣﺘﻰ ﺍﻣﻴﺮ ﺧﻄﻴﻪ ﺍﺑﺘﻌﺪ ﻋﻨﻲ
ﺩﺯﻟﻲ ﻣﺴﺞ ﺍﻋﺘﺬﺭ ﻣﻨﻲ
ﻭﻛﻠﻲ ﻫﺬﺍ ﺭﺟﻠﺞ ﻣﺨﺒﻞ ﻣﻨﻌﻨﻲ ﺣﺘﻰ ﺍﺳﻠﻢ ﻋﻠﻴﺞ
ﻛﺘﻠﻪ ﺣﺘﻰ ﺍﻧﻲ ﻳﺎﺭﻳﺖ ﺍﻧﺖ ﺍﻟﻲ ﺗﻌﺬﺭﻧﻲ
ﻻﻥ ﺑﻌﺪ ﺣﺘﻰ ﺳﻼﻡ ﻣﺮﺍﺡ ﺍﺳﻠﻢ
ﻭﺍﻟﻠﻪ ﻋﻴﺐ ﻣﻦ ﺍﻟﻮﻟﺪ ﻉ ﺍﻋﺼﺎﺑﻲ ﻫﻴﺞ ﺣﺠﻴﺖ
ﻗﺼﺘﻠﻲ ﻓﺎﻃﻤﻪ ﻗﺼﺘﻪ ﻫﻮ ﻭﺍﻡ ﻧﻮﺭ
ﻭﻛﺎﻟﺖ ﻫﺴﻪ ﻣﻴﺜﻖ ﺑﺎﻱ ﻭﺣﺪﻩ ﻭﻫﻴﺞ ﻳﺘﺼﺮﻑ
ﺍﻛﻮﻝ ﺷﺒﻲ ﻣﻌﻘﺪ ﺍﺛﺎﺭﻱ ﻣﻦ ﺍﻟﺨﻴﺎﻧﻪ
ﺍﻧﻲ ﻫﺬﺍ ﺍﻟﻮﺿﻊ ﻣﺮﻳﺤﻨﻲ ﻣﻦ ﻣﺎﻳﺘﻘﺮﺏ ﻋﻠﻴﻪ
ﺑﺲ ﺣﻜﻤﻪ ﺍﻟﻲ ﻣﺎﺫﻳﻨﻲ
ﺍﺟﺘﻲ ﻋﻄﻠﺔ ﻧﺼﻒ ﺍﻟﺴﻨﻪ ﻭﻃﻠﺒﺖ ﻣﻦ ﻋﻤﻮ ﻳﺎﺧﺬﻧﻲ ﻻﻫﻠﻲ
ﻭﻛﻠﻲ ﺭﺍﺡ ﺍﺧﻠﻲ ﺣﻴﺪﺭ ﻳﺎﺧﺬﺝ
ﻣﺤﺠﻴﺖ ﺷﻲ
ﺑﺎﻟﻠﻴﻞ ﺩﺯﻟﻲ ﻣﺴﺞ ﻭﻋﺒﺎﻟﻪ ﺍﻧﻲ ﺍﻟﻲ ﻃﺎﻟﺒﻪ ﻣﻦ ﻋﻤﻮ ﻫﺬﺍ ﺍﻟﺸﻲ
ﻣﺎﻳﺪﺭﻱ ﻣﺜﻞ ﻣﺎﻫﻮ ﻣﻴﻄﻴﻘﻨﻲ ﺍﻧﻲ ﻫﻤﻴﻦ ﻣﺎﺍﻃﻴﻘﻪ ﺍﺿﻌﺎﻑ
ﺑﺲ ﻣﻨﻌﻨﻲ ﻣﻦ ﺍﻫﻠﻲ 😢😢😢
ﻟﻮ ﺍﺩﺭﻱ ﻣﺤﺎﺟﻴﻪ ﺷﻲ
ﺳﻜﺘﺖ ﻣﺠﺎﻭﺑﺘﻪ ﺑﻌﺪ
ﺳﺎﻟﻨﻲ ﻋﻤﻮ ﻭﻛﺘﻠﻪ ﻣﺎﺍﺭﻭﺡ
ﺳﺎﻟﻨﻲ ﻋﻦ ﺍﻟﺴﺒﺐ ﻛﺘﻠﻪ ﻫﻴﺞ ﺑﺪﻭﻥ ﺳﺒﺐ
ﻳﻤﻜﻦ ﻋﺮﻑ ﺑﻲ ﻫﻮ ﺍﻟﺴﺒﺐ
ﺧﻠﺼﺖ ﻣﻦ ﺍﻟﻌﻄﻠﻪ ﺍﺳﺒﻮﻉ
ﻭﺍﻧﻲ ﺑﺎﻗﻴﻪ ﻉ ﺍﻋﺼﺎﺑﻲ
ﺑﺲ ﻣﺘﻨﺎﺯﻟﺖ ﺍﺑﺪ ﻭﻻ ﻃﻠﺒﺖ ﻣﻨﻪ ﻳﻮﺩﻳﻨﻲ
ﺑﺎﻟﻠﻴﻞ ﺩﺯﻟﻲ ﺍﻧﺰﻟﻲ ﺳﻮﻳﻠﻲ ﻋﺸﻪ
ﻧﺰﻟﺖ ﺟﻬﺰﺗﻠﻪ ﺍﻻﻛﻞ ﻭﺣﻤﻴﺖ ﺍﻟﺠﺎﻱ
ﻛﻠﻲ ﻟﻴﺶ ﺗﺮﺣﻴﻦ ﺗﺸﺘﻜﻴﻦ ﻻﺑﻮﻳﻪ ﻭﺗﻜﻮﻟﻴﻠﻪ ﻣﺎﻳﺎﺧﺬﻧﻲ
ﺍﺑﺪ ﻭﺍﻟﻠﻪ ﻻ ﺷﺎﻛﻴﻪ ﻭﻻ ﻛﺎﻳﻠﺘﻠﻪ
ﻟﻌﺪ ﻣﻨﻮ ﻛﻠﻪ ﻏﻴﺮﺝ
ﻣﺎﺍﻋﺮﻑ ﻭﺍﻟﻠﻪ
ﺍﺳﻤﻌﻴﻨﻲ ﻭﻟﺞ
ﺟﻬﺰﻱ ﻧﻔﺴﺞ ﺑﺎﺟﺮ ﻣﻦ ﺍﻟﺼﺒﺢ ﺍﻭﺩﻳﻜﻢ
ﺍﻟﺞ ﻣﻬﻠﻪ ﺑﺲ ﻳﻮﻣﻴﻦ ﻭﺗﺮﺟﻌﻴﻦ
ﻣﺎﻛﻮ ﺩﺍﻋﻲ ﻣﺎﺍﺭﻭﺡ
ﻟﺘﺒﻘﻴﻦ ﺗﺘﻌﻴﻘﻴﻠﻴﻦ ﻓﻮﻙ ﺭﺍﺳﻲ
ﺟﻬﺰﻱ ﻧﻔﺴﺞ ﻭﺍﻧﺠﺒﻲ ﻭﺍﺳﻜﺘﻲ
ﺟﻬﺰﺕ ﻧﻔﺴﻲ ﺍﻧﻲ ﻭﻧﻈﻮﺭﻱ ﻭﻧﻮﺭ
ﻓﻌﻼ ﺛﺎﻧﻲ ﻳﻮﻡ ﻭﺩﺍﻧﻪ
ﺻﻌﺪﺕ ﺑﺎﻟﻮﺭﻩ
ﻭﻫﻮ ﺑﺎﻟﺼﺪﺭ
ﺍﺑﺪ ﻣﺤﺠﻴﻨﻪ ﺑﺎﻟﻄﺮﻳﻖ
ﺑﺲ ﻭﺍﺟﻬﺘﻨﻪ ﻣﺸﻜﻠﻪ ﻟﻤﻦ ﻭﺻﻠﻨﻪ ﻟﻠﻤﺤﺎﻓﻈﻪ
ﻣﺎﺍﻧﺪﻝ ﺍﻫﻠﻲ ﺑﺎﻟﻀﺒﻂ ﻭﻳﻦ
ﻻﻥ ﻛﻞ ﻣﺮﻩ ﻋﻤﻮ ﻫﻮ ﺍﻟﻲ ﻳﻨﺪﻝ
ﻭﺍﻧﻲ ﻻﻥ ﻣﺒﻮﺷﻪ ﻣﺎﺍﻛﺪﺭ ﺍﺭﻛﺰ
ﺑﺲ ﻛﺘﻠﻪ ﻣﺎﺍﻧﺪﻝ ﻭﻳﻦ ﺍﻫﻠﻲ
ﻭﺟﺎﻥ ﻳﺸﺨﻂ ﺍﻟﺴﻴﺎﺭﻩ ﺣﻴﻞ ﻭﺟﺎﻥ .......
ﺗﻮﻗﻌﺎﺗﻜﻢ ﺷﺮﺍﺡ ﻳﺴﻮﻱ
ﻟﺘﻨﺴﻮﻥ ﺍﻟﺘﺼﻮﻳﺖ ﺍﺫﺍ ﻋﺠﺒﺘﻜﻢ ﺍﻟﻘﺼﻪ
ﻭﺍﻃﻠﺐ ﻣﻨﻜﻢ ﺍﻟﻤﺘﺎﺑﻌﻪ ﻟﺤﺴﺎﺑﻲ ﺣﺒﺎﻳﺒﻲ ﻓﻀﻼ ﻭﻟﻴﺲ ﺍﻣﺮﺍ
ﺗﺤﻴﺎﺗﻲ ﻟﻠﺠﻤﻴﻊ 😘😘
#بين_الفقر_والطغيان
بارت١٢
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
ﺑﺲ ﻗﺒﻞ ﻻﺍﺑﺪﻱ ﺑﺎﻟﻘﺼﻪ ﺍﻧﻮﻩ ﺍﻟﻌﻨﺪﻩ ﺿﻐﻂ ﻭﺍﻟﻴﻮﻡ ﺿﻐﻄﻪ ﺻﺎﻋﺪ ﻟﻴﺘﺎﺑﻊ ﻫﺬﺍ ﺍﻟﺒﺎﺭﺕ 😔😔
ﻻﻥ ﺭﺍﺡ ﻳﺮﺗﻔﻊ ﺍﻛﺜﺮ ﻭﺍﺣﺘﻤﺎﻝ ﻳﻨﺠﻠﻂ ﻣﻦ ﻭﺭﻩ ﻗﺼﺘﻲ ﻭﺭﺍﺡ ﺍﻧﻲ ﺍﺑﺘﻠﻲ ﻭﺗﻌﺎﻝ ﻳﻌﻤﻲ ﺷﻴﻠﻨﻲ 😜🤣🠾🤣
ﻫﺬﺍ ﺍﻟﺒﺎﺭﺕ ﺑﻲ ﺍﻫﺎﻧﻪ ﻛﺒﻴﺮﻩ ﺑﺤﻖ ﺑﻄﻠﺘﻨﺎ 😭😭😭
🦋🌹 ﺍﻟﺒﺎﺭﺕ 12 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﻟﺞ ﺍﻧﺖ ﺷﻨﻮ ﻏﺒﻴﻪ ﺛﻮﻟﻪ
ﻟﻮ ﺗﺮﺩﻳﻦ ﺗﺴﺘﻐﺒﻴﻦ ﻋﻠﻴﻪ
ﺍﻛﻮ ﻭﺣﺪﻩ ﻣﺘﻨﺪﻝ ﺍﻫﻠﻬﺎ
ﻭﺛﺎﻧﻴﻪ ﻭﺑﻌﺪ ﺍﻋﺘﻘﺪ ﺗﺬﻛﺮﻳﻦ ﺍﻧﻲ ﺍﺟﻴﺖ ﻭﻱ ﺍﻫﻠﻲ ﻣﻦ ﺟﺒﻨﺎﺝ ﻭﻳﺎﻳﻨﻪ ﻟﺒﻴﺘﻨﻪ
ﺍﻋﺘﻘﺪ ﺍﻧﺖ ﺍﻟﻲ ﺍﻧﻄﻴﺘﻴﻨﻲ ﺍﻟﻌﻨﻮﺍﻥ ﻣﻮ ﻭﺍﺣﺪ ﻏﻴﺮﺝ
ﻣﻮ ﺍﻧﺘﻘﻠﻮ ﺍﻫﻠﻲ ﻟﻐﻴﺮ ﺑﻴﺖ
ﻭﺍﻧﻲ ﻣﺒﻮﺷﻪ ﻣﺎﺍﻛﺪﺭ ﺍﺭﻛﺰ ﺑﺎﻟﻄﺮﻳﻖ
ﻭﻫﺴﻪ ﺷﻠﻮﻥ ﺑﻠﻪ
ﺧﻞ ﺍﺗﺼﻞ ﺍﺑﺎﺑﺎ ﻭﺍﺣﺠﻲ ﻭﻳﺎ ﺍﻧﺖ ﻭﻫﻮ ﺍﻟﻲ ﻳﺪﻟﻴﻚ
ﺑﺲ ﺍﻧﻲ ﻣﻴﺸﺮﻓﻨﻲ ﺍﺣﺠﻲ ﻭﻱ ﺍﺑﻮﺝ ﺍﻟﻲ ﻣﻌﺮﻑ ﻳﺮﺑﻴﺢ ﺯﻳﻦ
ﻟﻌﺪ ﺧﻠﻲ ﻧﺮﺟﻊ ﺑﻄﻠﺖ ﻣﺎﺍﺭﻭﺡ ﻻﻫﻠﻲ
ﺑﻨﺖ ﺍﻟﻜﻠﺐ ﺷﻨﻮ ﻛﺎﻋﺪ ﺗﻠﻌﺒﻴﻦ ﻋﻠﻴﻪ ﺍﻧﺖ
ﺗﻌﺎﻝ ﻭﺩﻳﻨﻲ ﻻ ﺭﺟﻌﻨﻲ ﺷﻨﻮ ﻟﻴﻜﻮﻥ ﺍﺷﺘﻐﻞ ﻋﻨﺪﺝ ﻟﻮ ﻋﻨﺪ ﺍﻟﺨﻠﻔﻮﺝ
ﺑﻘﻪ ﻳﺴﺐ ﻭﻳﻐﻠﻂ
ﺍﺗﺼﻞ ﺑﻌﻤﻮ ﻭﻛﻠﻪ ﻫﺎﻱ ﺍﻟﺜﻮﻟﻪ ﻃﻠﻌﺖ ﻣﺘﻨﺪﻝ ﺍﻫﻠﻬﺎ
ﺩﺯﻟﻲ ﺍﻟﻤﻨﻄﻘﻪ ﻭﺍﻗﺮﺏ ﻧﻘﻄﻪ ﺑﺮﺳﺎﻟﻪ ﻓﺪﻭﻩ ﻳﺎﺑﻪ ﺍﺳﺘﻌﺠﻞ
ﻻﻥ ﺭﺍﺡ ﺍﺭﺗﻜﺐ ﺟﺮﻳﻤﻪ ﺑﺤﻘﻬﺎ ﻭﻣﺤﻤﺪ
ﻳﺎ ﺍﻋﺼﺎﺑﻲ ﻫﻲ ﺧﻠﺖ ﺍﻋﺼﺎﺏ ﻋﻨﺪﻱ
ﻳﺎﺑﻪ ﺍﺫﺍ ﻣﺘﻨﺪﻝ ﻟﻴﺶ ﻣﻜﺎﻟﺖ ﻭﺍﺣﻨﻪ ﻫﻨﺎﻙ
ﺟﺎﻥ ﺍﺧﺬﺕ ﺍﻟﻌﻨﻮﺍﻥ
ﻃﺒﻌﺎ ﺍﻧﻲ ﺩﻣﻮﻋﻲ ﺗﺠﺮﻱ
ﻫﻤﺰﻳﻦ ﻣﺒﻮﺷﻪ
ﺍﺑﻨﻲ ﻛﺎﻡ ﻳﺒﺠﻲ
ﻭﻫﻮ ﺑﺲ ﻳﺼﻴﺢ ﻋﻠﻴﻪ ﺳﻜﺘﻲ
ﻣﺎﺍﻋﺮﻑ ﺍﺭﺿﻌﻪ ﻫﻨﺎ ﺻﻌﺐ ﻋﻠﻴﻪ
ﻛﺘﻠﻪ ﻣﻮ ﻳﺮﻳﺪ ﻳﺮﺿﻊ
ﺍﻱ ﻣﺘﺮﺿﻌﻴﻨﻪ ﻭﺗﻨﺠﺒﻴﻦ
ﺍﻟﻐﺴﻞ ﻛﻞ ﺍﺳﻠﻮﺏ ﻣﻌﻨﺪﻩ
ﺩﻭﺭﺕ ﺑﺎﻟﺠﻨﻄﻪ ﻫﻤﺰﻳﻦ ﻋﻨﺪﻱ ﻧﺴﺘﻠﻪ
ﺑﺪﻩ ﻳﺎﻛﻞ ﻭﺳﻜﺖ
ﻭﺻﻠﺖ ﺍﻟﺮﺳﺎﻟﻪ
ﻭﻛﻒ ﺍﻟﺴﻴﺎﺭﻩ ﻭﻧﺰﻝ ﻳﻤﻜﻦ ﻳﺴﺎﻝ
ﺻﻌﺪ ﻛﺎﻝ ﻫﺎﻱ ﺍﻭﻝ ﻣﺮﻩ ﻭﺍﺧﺮ ﻣﺮﻩ ﺍﺟﻴﺒﺞ
ﻫﻮ ﺍﻧﻲ ﺍﻟﻲ ﻟﻮ ﺍﻣﻮﺕ ﺑﻌﺪ ﻣﺎﺍﺟﻲ ﻭﻳﺎﻩ ﻃﺒﻌﺎ ﺑﻜﻠﺒﻲ ﺣﺠﻴﺖ
ﻣﺸﺖ ﺍﻟﺴﻴﺎﺭﻩ ﻭﺟﺎﻥ ﻳﻮﻛﻒ
بيج قصص عراقيه حقيقيه من واقعنا.روعه الطائي
ﮔﻠﻲ ﺍﺭﻓﻌﻲ ﺍﻟﺒﻮﺷﻴﻪ ﻭﺷﻮﻓﻲ ﻭﻳﻨﻪ ﺑﻴﺘﻜﻢ
ﻛﺘﻠﻪ ﻫﺬﺍﻙ ﺑﻴﺘﻨﻪ ﻳﻤﻜﻦ
ﻟﺞ ﺷﻨﻮ ﻳﻤﻜﻦ ﺍﻛﻮ ﺣﻴﻮﺍﻧﻪ ﻣﺘﻨﺪﻝ ﺍﻫﻠﻬﺎ
ﺍﻛﺺ ﺍﻳﺪﻱ ﺍﺫﺍ ﻣﻄﻠﻊ ﻫﻮ
ﺍﺗﻘﺮﺏ ﺍﻛﺜﺮ ﻛﺘﻠﻪ ﺍﻱ ﻫﺬﺍ ﺑﻴﺘﻨﻪ
ﻛﺎﻝ ﻳﻌﻨﻲ ﺗﻮﻗﻌﻲ ﻃﻠﻊ ﺑﻤﺤﻠﻪ
ﻓﻜﺮ ﺑﻨﺖ ﺍﻟﻔﻜﻮﺭ ﻫﻮ ﻫﺬﺍ ﺑﻴﺘﻜﻢ
ﻋﻤﺮ ﺍﻟﻔﻘﺮ ﻣﻜﺎﻥ ﻋﻴﺐ ﻭﻻ ﺣﺮﺍﻡ
ﻭﺍﺫﺍ ﺍﻟﻠﻪ ﻣﻔﻀﻞ ﻋﻠﻴﻚ ﻣﻮ ﻣﻌﻨﺎﻫﺎ ﺗﻜﻮﻥ ﻣﻐﺮﻭﺭ
ﻭﺗﺴﺘﻬﻴﻦ ﺑﺎﻟﻔﻘﻴﺮ
ﺑﻼ ﻟﻐﻮﻩ ﺯﺍﻳﺪﻩ ﺍﻧﺰﻟﻲ ﻭﺍﻧﺠﺒﻲ
ﻳﻌﻨﻲ ﺷﻨﻮ ﻣﺮﺍﺡ ﺗﻨﺰﻝ ﻭﻳﺎﻱ
ﺷﻨﻮ ﺍﻧﻲ ﺍﻧﺰﻝ ﻟﺒﻴﺖ ﺍﻫﻠﺞ
ﺷﻨﻮ ﺗﺨﺒﻠﺖ
ﻟﺞ ﺍﻧﻲ ﺣﺘﻰ ﺣﺬﺍﺋﻲ ﺍﺧﺎﻑ ﻋﻠﻴﻬﺎ ﺍﺫﺍ ﺩﺧﻠﺖ ﻟﺒﻴﺘﻜﻢ ﻫﺬﺍ
ﺍﺧﺎﻑ ﺗﺘﻮﺳﺦ
ﻣﻮ ﺍﺩﻭﺭ ﺍﻧﻲ ﻭﻣﻼﺑﺴﻲ ﻟﺞ ﺑﺎﺑﺎ ﺍﻧﻲ ﻣﻴﺸﺮﻓﻨﻲ ﻫﻴﺞ ﻧﺎﺱ ﺍﺩﺧﻞ ﻟﺒﻴﺘﻬﻢ
ﺣﻴﻞ ﻫﺎﻧﻲ ﻭﺍﻟﻤﺸﻜﻠﻪ ﻣﺎﺍﻛﺪﺭ ﺍﺟﺎﻭﺑﻪ
ﻻﻥ ﺍﻟﻈﺎﻫﺮ ﻣﻐﺮﻭﺭ ﻭﺍﻧﺎﻧﻲ ﺍﻛﺜﺮ ﻣﻦ ﺍﻟﻼﺯﻡ
ﻣﻮ ﻋﻴﺐ ﻣﻦ ﺍﻫﻠﻲ ﺍﺧﺎﻑ ﻳﺴﺎﻟﻮﻧﻲ
ﻣﻮ ﻣﺸﻜﻠﺘﻲ ﺍﻧﺰﻟﻲ ﻭﺍﻧﺠﺒﻲ
ﻧﺰﻟﺖ ﺑﺲ ﺷﻨﻮ ﺍﺗﻤﻨﻴﺖ ﺍﻟﻤﻮﺕ ﺑﻬﺎﻱ ﺍﻟﻠﺤﻀﻪ
ﺭﺍﺡ ﺍﺣﻘﺪ ﻋﻠﻲ ﻣﺪﻯ ﺍﻟﻌﻤﺮ
ﻣﺮﺍﺡ ﺍﻧﺴﻰ ﻫﺎﻱ ﺍﻫﺎﻧﺘﻪ ﻟﻠﻤﻮﺕ
ﻧﺰﻟﻨﻲ ﻭﺑﺎﻟﻠﺤﻀﻪ ﺷﺨﻄﺖ ﺍﻟﺴﻴﺎﺭﻩ ﻭﻣﺸﻪ ﺳﺮﻳﻊ
ﺩﻛﻴﺖ ﺍﻟﺒﺎﺏ ﻭﺣﺎﻳﺮﻩ ﺷﺎﻛﻞ ﻻﻫﻠﻲ
ﺍﻫﻠﻲ ﺗﻔﺎﺟﺌﻮ ﺑﻴﻪ ﻻﻥ ﺑﻮﺣﺪﻱ
ﻫﻢ ﻳﻌﺮﻓﻮﻥ ﺑﻴﻪ ﺍﺟﻴﻬﻢ ﺑﺲ ﻣﻤﺘﻮﻗﻌﻴﻦ ﺑﻮﺣﺪﻱ
ﺩﺧﻠﺖ ﻭﺳﺎﻟﻨﻲ ﺑﺎﺑﺎ ﻟﻴﺶ ﺑﻮﺣﺪﺝ
ﻛﺘﻠﻪ ﺟﺎﺑﻨﻲ ﺯﻭﺟﻲ ﺑﺲ ﻣﺴﺘﻌﺠﻞ ﺣﻴﻞ ﻭﻛﻠﻲ ﺍﻋﺘﺬﺭﻳﻠﻲ ﻣﻨﻬﻢ
ﺍﻧﻲ ﻣﺘﺎﻛﺪﻩ ﻣﺼﺪﻛﻮﻧﻲ ﺑﺲ ﺳﻜﺘﻮ
ﻫﻮ ﺍﺻﻼ ﺩﺍﺋﻤﺎ ﻳﺴﺎﻟﻮﻧﻲ ﻋﻦ ﺣﻴﺪﺭ ﻭﺍﺗﺤﺠﺞ ﻭﺍﻗﺪﻡ ﺍﻻﻋﺬﺍﺭ
ﻟﻠﻌﻠﻢ ﺣﺘﻰ ﺷﻜﻠﻪ ﻟﺤﺪ ﺍﻻﻥ ﻣﺸﺎﻳﻔﻴﻨﻪ
ﻣﺎﻣﺎ ﺧﻄﻴﻪ ﻟﺤﺖ ﻋﻠﻴﻪ ﻭﺳﺎﻟﺘﻨﻲ ﺑﻌﻼﻗﺘﻲ ﺑﻲ
ﻭﺍﻛﺪﺕ ﺍﻟﻬﺎ ﺍﻧﻲ ﻭﻳﺎ ﻋﻼﻗﺘﻲ ﺯﻳﻨﻪ
ﺑﺲ ﻫﻮ ﻣﻌﻨﺪﻩ ﻣﺠﺎﻝ ﺍﺑﺪ ﻭﻳﺠﻲ
ﻛﺘﻠﻬﻢ ﺗﻌﺮﻓﻮﻥ ﺿﺎﺑﻂ ﻭﺩﻭﺍﻣﻪ ﻣﺘﻌﺐ
ﺍﻫﻠﻲ ﺧﻄﻴﻪ ﺑﻌﺪﻫﻢ ﻳﺮﻭﺣﻮﻥ ﻟﺴﻴﻮﻓﻲ ﺍﻟﻠﻪ ﻳﺮﺣﻤﻪ
ﻃﻠﺒﻮﺍ ﻣﻨﻲ ﺍﺭﻭﺡ ﻭﻳﺎﻫﻢ ﻭﺭﻓﻀﺖ ﻣﺜﻞ ﻛﻞ ﻣﺮﻩ
ﻛﺘﻠﻬﻢ ﻣﻴﻘﺒﻞ ﺣﻴﺪﺭ ﺍﻃﻠﻊ ﺍﺑﺪ
ﻭﻫﻮ ﺩﺍﺋﻤﺎ ﻳﺎﺧﺬﻧﻲ ﻟﻠﻨﺠﻒ ﻭﺍﻣﺮ ﺑﻲ
ﻻﻥ ﻣﺎﺍﻋﺮﻑ ﺷﺎﻛﻮﻟﻬﻢ
ﻛﻠﻮﻟﻲ ﺣﺎﻭﻟﻲ ﻭﻳﺎ ﺑﻠﻜﻲ ﻳﻘﺒﻞ
ﺑﺎﻟﻠﻴﻞ ﺩﺯﻳﺘﻠﻪ ﻣﺴﺞ ﺑﻠﻜﻲ ﻳﺨﻠﻴﻨﻲ ﺍﺭﻭﺡ
بيج قصص عراقيه حقيقيه من واقعنا.روعه الطائي
ﻣﺮﺣﺒﺎ
ﺧﻴﺮ ﺷﻜﻮ
ﺛﻮﻝ ﺍﻟﻚ ﺣﺘﻰ ﺍﺳﻠﻮﺏ ﻣﻌﻨﺪﻙ ﻉ ﺍﻻﻗﻞ ﺭﺩ ﺍﻟﺴﻼﻡ
ﻃﺒﻌﺎ ﺣﺠﻴﺖ ﺑﻜﻠﺒﻲ
ﺍﻫﻠﻲ ﻳﺮﺩﻭﻥ ﻳﺮﻭﺣﻮﻥ ﻟﻠﻨﺠﻒ ﻋﻔﻴﻪ ﺍﺭﻭﺡ ﻭﻳﺎﻫﻢ
ﺣﺘﻰ ﺍﻛﺴﺮ ﺭﺟﻠﻴﺞ ﻭﻣﺤﻤﺪ
ﻣﻦ ﺍﻟﺒﺎﺏ ﻣﻄﻠﻌﻴﻦ ﺍﻓﺘﻬﻤﺘﻲ
ﺍﻟﻐﺴﻞ ﺍﻟﻲ ﻟﻮﻳﺶ ﻓﺸﻠﺖ ﻧﻔﺴﻲ ﻭﺣﺠﻴﺖ ﻭﻳﺎ
ﺍﺩﺭﻱ ﺑﻲ ﻣﻴﻘﺒﻞ ﻟﻴﺶ ﻫﻴﺞ ﺳﻮﻳﺖ ﻣﺎﺍﺩﺭﻱ
ﺧﻄﻴﻪ ﻣﺮﺍﺣﻮﺍ ﻛﺎﻟﻮ ﻣﻨﺨﻠﻴﺞ ﺑﻮﺣﺪﺝ
ﺛﺎﻧﻲ ﻳﻮﻡ ﺧﺎﺑﺮﻧﻲ
ﺭﺣﺘﻲ ﻭﻱ ﺍﻫﻠﺞ
ﻻﻭﺍﻟﻠﻪ ﺣﺘﻰ ﻫﻤﻪ ﻣﺮﺍﺣﻮﺍ
ﻋﺒﺎﻟﻲ ﺣﺘﻰ ﺍﺳﻮﺩ ﻋﻴﺸﺘﺞ ﺍﺫﺍ ﻃﻠﻌﺘﻲ
ﺍﻧﻄﻴﺖ ﻟﻤﺎﻣﺎ ﺍﻟﻔﻠﻮﺱ
ﻻﻥ ﻣﺎﺍﻛﺪﺭ ﺍﻧﻄﻴﻬﻦ ﻟﺒﺎﺑﺎ ﻳﺮﻓﺾ ﺍﻛﻴﺪ
ﺧﻄﻴﻪ ﺣﻴﻞ ﺗﻌﺒﺎﻥ ﻭﺍﺣﺴﻪ ﻛﺒﺮﺍﻥ ﺷﻜﻢ ﺳﻨﻪ
ﻣﻤﺘﻌﻮﺩ ﻉ ﻫﺎﻱ ﺍﻟﺤﺎﻟﻪ ﻳﺸﻮﻑ ﺑﻴﺘﻨﻪ ﺗﻌﺒﺎﻥ
ﺑﺲ ﻣﺠﺒﻮﺭ
ﺛﺎﻧﻲ ﻳﻮﻡ ﻃﻠﺒﺖ ﻣﻦ ﺭﻧﺎ ﺗﺮﻭﺡ ﻭﻱ ﻣﺎﻣﺎ ﻟﻠﺴﻮﻙ
ﻉ ﻣﻮﺩ ﻳﺸﺘﺮﻟﻲ ﻣﻼﺑﺲ ﺍﻟﻠﻮﺍﻥ
ﻓﻌﻼ ﺟﺎﺑﻨﻬﻦ ﺍﻟﻠﻮﺍﻥ ﺣﻠﻮﺍﺕ ﻭﺣﻴﻞ ﻧﺎﺯﻛﺎﺕ
ﺩﻙ ﻋﻠﻴﻪ ﺑﺎﻟﻠﻴﻞ
ﻭﺣﺠﻴﺖ ﻃﺒﻴﻌﻲ ﻛﺪﺍﻡ ﺍﻫﻠﻲ
ﻭﺣﺠﻪ ﻭﻱ ﻧﻮﺭ
ﻛﻠﻲ ﺑﺎﺟﺮ ﺟﻬﺰﻱ ﻧﻔﺴﺞ ﺍﺟﻴﺞ ﺍﻟﺼﺒﺢ
ﺧﻞ ﻳﺠﻴﻨﻲ ﻋﻤﻮ
ﻭﻟﻴﺶ ﻳﺎﺑﻪ ﻟﻴﻜﻮﻥ ﻣﻮ ﺑﻤﻘﺎﻣﺞ ﺍﻧﻲ
ﻻ ﻣﻮ ﻫﺬﺍ ﻗﺼﺪﻱ ﺑﺲ ﻣﺎﺍﺭﻳﺪ ﺗﺤﺮﺟﻨﻲ ﺍﻛﺜﺮ
ﺍﺳﻤﻌﻴﻨﻲ ﻣﻦ ﺍﻻﺧﻴﺮ ﻣﻦ ﺍﻟﻤﺴﺘﺤﻴﻞ ﺍﻓﻜﺮ ﺍﺩﺧﻞ ﻟﺒﻴﺘﻜﻢ
ﻻﻥ ﻣﻴﺸﺮﻓﻨﻲ ﺍﺍﺩﺧﻞ ﺑﻴﺘﻜﻢ
ﻭﻻ ﻳﺸﺮﻓﻨﻲ ﺍﺳﻠﻢ ﻉ ﺍﺑﻮﺝ ﺍﻟﻔﻜﺮ
ﻭﻻ ﻳﺸﺮﻓﻨﻲ ﺍﺣﺴﺒﺞ ﺯﻭﺟﻪ ﺍﻟﻲ
ﺍﺣﺲ ﺍﻟﺪﻧﻴﺎ ﻛﻠﻬﺎ ﻃﻠﻌﺖ ﻣﻦ ﻋﻴﻨﻲ
ﺣﻴﻞ ﺿﺠﺖ ﻭﻛﺎﻋﺪ ﻳﺜﺒﺖ ﺍﻟﻲ ﻳﻮﻡ ﺑﻌﺪ ﻳﻮﻡ ﺍﻧﻮ ﻫﻮ ﺣﻘﻴﺮ ﻭﺍﻧﺎﻧﻲ
ﺣﻴﻞ ﻛﺮﻫﺘﻪ ﻭﻳﻮﻣﻴﻪ ﻳﺰﻭﺩ ﻛﺮﻫﻲ ﺍﻟﻪ
ﻉ ﺍﻋﺼﺎﺑﻲ ﺩﺯﻳﺘﻠﻪ ﻻﻥ ﻣﺠﺒﻮﺭﻩ ﻣﺎﺑﻴﺪﻱ ﺣﻞ
ﺩﺳﺖ ﻉ ﻛﺮﺍﻣﺘﻲ
ﻛﺘﻠﻪ ﻣﺎﺍﻋﺘﻘﺪ ﺍﺳﺘﺎﻫﻞ ﻛﻞ ﻫﺎﻱ ﺍﻟﻘﺴﻮﻩ ﻣﻨﻚ
ﺍﻧﻲ ﻣﻤﺴﻮﻳﻪ ﺍﻟﻚ ﺷﻲ ﺗﺨﻠﻴﻚ ﺗﻌﺎﻣﻠﻨﻲ ﻫﻴﺞ
ﻟﻌﺪ ﺷﻠﻮﻥ ﺗﺮﺩﻳﻦ ﺍﻋﺎﻣﻠﺞ ﻣﺜﻼ
ﺍﻧﻴﻤﺞ ﺑﺤﻀﻨﻲ ﻭﺍﺑﻮﺳﺞ
ﻟﻮ ﺗﺤﺒﻴﻦ ﺍﺗﻘﺮﺑﻠﺞ
ﻟﻮ ﺍﺩﺧﻞ ﻻﻫﻠﺞ ﻭﺍﻫﻨﻴﻬﻢ ﻉ ﻫﺎﻱ ﺍﻟﺘﺮﺑﻴﻪ ﺍﻟﺤﻠﻮﻩ
ﺍﻛﻠﻬﻢ ﻳﺸﺮﻓﻨﻲ ﺍﻛﻮﻥ ﻧﺴﻴﺒﻜﻢ ﻭﻳﺸﺮﻓﻨﻲ ﺑﻨﺘﻜﻢ ﺍﻟﻲ ﺍﺗﺰﻭﺟﺖ ﺑﺎﻟﺴﺮ ﺗﻜﻮﻥ ﺯﻭﺟﺘﻲ
بيج قصص عراقيه حقيقيه من واقعنا.روعه الطائي
ﺍﻋﺘﺮﻓﻲ ﺷﻨﻮ ﺍﻟﻤﻌﺎﻣﻠﻪ ﺍﻟﻲ ﺗﺤﺒﻴﻦ ﺍﻋﺎﻣﻠﺞ ﺑﻴﻬﺎ
ﻟﻴﺮﻭﺡ ﺑﺎﻟﻚ ﻟﺒﻌﻴﺪ
ﺍﺧﺮ ﺷﺨﺺ ﺍﻓﻜﺮ ﺑﻲ ﻫﻮ ﺍﻧﺖ
ﺑﺲ ﺍﻧﻲ ﺍﺧﺠﻞ ﻛﺪﺍﻡ ﺍﻫﻠﻲ ﻣﻦ ﺗﺠﻲ ﻭﺗﻮﻛﻒ ﺑﺎﻟﺒﺎﺏ
ﻭﻣﺘﺪﺧﻞ ﻟﺠﻮﻩ
ﻣﻌﻨﺎﻫﺎ ﺍﻧﺖ ﺗﺴﺘﻬﻴﻦ ﺑﻴﻨﻪ ﻭﻛﻞ ﻫﺬﺍ ﻻﻥ ﺍﺣﻨﻪ ﻧﺎﺱ ﻉ ﻛﺪ ﺣﺎﻟﻨﻪ
ﺑﺲ ﻣﻮ ﻫﺬﺍ ﺍﻟﺴﺒﺐ ﻓﻘﻂ
ﻻ ﻻﻥ ﺍﻧﺘﻮ ﻋﺎﺋﻠﻪ ﻣﺸﺒﻮﻫﺎ ﻭﺍﻟﻌﻴﺎﺫ ﺑﺎﻟﻠﻪ
ﻣﻌﺮﻓﺖ ﺷﺎﺟﺎﻭﺑﻪ ﺑﻌﺪ ﺳﻜﺘﺖ
ﺧﻞ ﻳﻮﻟﻲ ﻣﻴﺴﺘﺎﻫﻞ ﻭﺍﺣﺪ ﻳﻜﺒﺮ ﺭﺍﺳﻪ ﻭﻳﺠﺎﻭﺑﻬﺰ
ﺑﻌﺪ ﻣﺠﺎﻭﺑﺘﻪ
ﺛﺎﻧﻲ ﻳﻮﻡ ﺍﻟﺼﺒﺢ ﺧﺎﺑﺮﻧﻲ ﻭﻫﻤﺰﻳﻦ ﺟﺎﻥ ﺑﺎﺑﺎ ﺑﺎﻟﺪﻭﺍﻡ
ﺳﻮﻳﺖ ﻧﻔﺴﻲ ﺣﻤﺎﻳﻪ ﺍﻟﻲ ﺍﺟﺎﻧﻲ ﻣﺎﺍﺩﺭﻱ ﺑﻲ ﻉ ﺍﺳﺎﺱ ﺍﺟﺎﻧﻲ ﻓﺠﺄﻩ
ﻃﻠﻌﺖ ﺍﻧﻲ ﻭﻧﻮﺭ ﻭﺍﺑﻨﻲ
ﻭﻟﻜﻴﺘﻪ ﻭﺍﻛﻒ ﺑﺮﺍﺱ ﺍﻟﺸﺎﺭﻉ
ﺣﺘﻰ ﻣﻜﻠﻒ ﻧﻔﺴﻪ ﻭﻭﻛﻒ ﺑﺎﻟﺒﺎﺏ
ﺭﺣﺖ ﺍﻟﻪ ﻭﺻﻌﺪﺕ ﻭﺭﻩ
ﺑﻮﺱ ﻧﻮﺭ ﻭﻧﻈﻮﺭﻱ
ﻫﺎ ﺑﺎﺑﺎ ﺍﺷﻮ ﺿﻌﻔﺎﻧﻴﻦ
ﺍﻛﻴﺪ ﺟﻨﺘﻮ ﺟﻮﻋﺎﻧﻴﻦ
ﺍﻛﻴﺪ ﻣﺤﺪ ﺟﺎﺑﻠﻜﻢ ﺣﻠﻮﻳﺎﺕ
ﺧﻞ ﺍﺷﻮﻑ ﻣﺤﻞ ﻭﺍﺷﺘﺮﻳﻠﻜﻢ
ﻣﺤﺠﻴﺖ ﻭﻻ ﺣﺮﻑ
ﻻﻥ ﻣﻦ ﺻﺪﻙ ﺣﻘﻴﺮ
ﻣﺸﻴﻨﻪ ﻭﻓﻌﻼ ﻭﻛﻒ ﺍﻟﺴﻴﺎﺭﻩ ﻭﻧﺰﻝ ﻧﻮﺭ ﻭﻳﺎ ﻭﻛﺎﻡ ﻳﺒﺠﻲ ﻭﺭﺍ ﻧﻈﻮﺭﻱ
ﺍﺟﻪ ﺍﺧﺬﻩ ﻭﻳﺎ ﻭﺭﺍﺡ ﻟﻠﻤﺤﻞ
ﻭﺭﻩ ﺷﻮﻳﻪ ﺭﺟﻌﻮﺍ ﻭﺟﺎﻳﺒﻠﻬﻢ ﻛﻮﻣﻪ ﺣﻠﻮﻳﺎﺕ
ﺍﻧﻲ ﺿﺪ ﺍﻟﺤﻠﻮﻳﺎﺕ ﻟﻼﻃﻔﺎﻝ ﻻﻥ ﻣﻮ ﺯﻳﻦ ﻉ ﺻﺤﺘﻬﻢ ﻭﻉ ﺍﺳﻨﺎﻧﻬﻢ
ﺑﺲ ﻫﻮ ﺍﻟﻈﺎﻫﺮ ﻫﻤﺠﻲ ﻭﻣﻴﻌﺮﻑ ﺑﻬﺎﻱ ﺍﻻﺷﻴﺎﺀ
ﻋﻮﺩ ﺍﻭﺻﻴﺞ ﻫﻢ ﻟﺘﻨﻄﻴﻬﻢ ﻭﺟﻮﻋﻴﻬﻢ ﺣﺘﻰ ﺗﺎﻛﻠﻴﻬﻦ ﺍﻧﺖ
ﺍﺩﺭﻱ ﺑﻴﺞ ﺟﻮﻋﻴﻪ ﻭﺑﻨﺖ ﻓﻜﺮ
ﻋﻮﺩ ﻟﻮﻳﺶ ﻛﺎﻋﺪ ﺗﺘﺒﺎﻫﺎ ﺑﻔﻠﻮﺳﻚ
ﻳﻌﻨﻲ ﺷﻨﻮ ﺑﺲ ﺍﻧﺖ ﺍﻧﺴﺎﻥ
ﻭﺍﻟﻔﻘﻴﺮ ﻣﻮ ﺍﻧﺴﺎﻥ ﻣﺜﻼ
ﺍﻟﺤﻤﺪ ﻟﻠﻪ ﻓﻘﺮﻩ ﺑﺲ ﻻﻧﺴﺮﻕ ﻭﻻﻧﺪﻭﺭ ﺣﺮﺍﻡ ﻭﻣﻘﺘﻨﻌﻴﻦ ﺑﻌﻴﺸﺘﻨﺎ
ﺩﻧﺠﺒﻲ ﻭﺍﺳﻜﺘﻲ
ﻫﻢ ﺳﻜﺘﺖ ﺍﺣﺴﻦ
ﺣﻴﺪﺭ : ﺍﻧﻲ ﺍﺑﺪ ﻣﺠﺎﻧﺖ ﻧﻴﺘﻲ ﻣﺎﺍﺧﻠﻴﻬﺎ ﺗﺮﻭﺡ ﻻﻫﻠﻬﺎ
ﺑﺲ ﺷﻔﺖ ﻟﺴﺎﻧﻬﺎ ﻃﻮﻻﻥ
ﻭﺣﺒﻴﺖ ﺑﻠﻜﻲ ﺗﺘﻮﺳﻞ ﺑﻴﻪ ﺣﺘﻰ ﺍﺩﺯﻫﺎ
ﺍﺗﻮﻗﻌﺘﻬﺎ ﺗﺒﻘﻰ ﺗﺘﻮﺳﻞ ﺑﺲ ﻛﻮﻥ ﺍﺧﻠﻴﻬﺎ
ﺑﺲ ﻫﺎﻱ ﺍﻟﻈﺎﻫﺮ ﺧﺸﻤﻬﺎ ﻳﺎﺑﺲ
ﺍﺟﻪ ﺍﺑﻮﻳﻪ ﻭﻃﻠﺐ ﻣﻨﻲ ﺍﻭﺩﻳﻬﺎ
ﻛﺎﻝ ﻋﻴﺐ ﻣﻦ ﺍﻫﻠﻬﺎ
بيج قصص عراقيه حقيقيه من واقعنا.روعه الطائي
ﻭﻻ ﻣﺮﻩ ﺭﺍﻳﺢ ﺍﻟﻬﻢ
ﻫﺴﻪ ﺷﻴﻜﻮﻟﻮﻥ ﻣﻴﺼﻴﺮ ﻫﻴﺞ
ﻭﺍﺧﺎﻑ ﺍﺣﺪ ﻳﺸﻚ ﻋﻴﺐ ﺑﺎﺑﺎ
ﻗﺮﺭﺕ ﺍﺧﺬﻫﺎ ﺛﺎﻧﻲ ﻳﻮﻡ
ﻭﻗﺮﺭﺕ ﺍﺩﺧﻞ ﻭﻳﺎﻫﺎ ﻻﻫﻠﻬﺎ
ﺑﺲ ﺿﻮﺟﺘﻨﻲ ﻣﻦ ﻛﻠﺘﻠﻲ ﻱ ﻣﺎﺍﻧﺪﻝ
ﻳﻌﻨﻲ ﺍﻛﻮ ﻭﺣﺪﻩ ﻣﺘﻨﺪﻝ ﺍﻫﻠﻬﺎ
ﻭﺍﺳﺘﻔﺰﺗﻨﻲ ﻣﻦ ﻛﻠﺘﻲ ﺭﺟﻌﻨﻲ
ﺍﻧﻲ ﺍﻧﺴﺎﻥ ﺑﺴﻴﻂ ﻭﺍﺣﺐ ﺍﺳﺎﻋﺪ ﺍﻟﻤﺤﺘﺎﺟﻴﻦ ﻭﻋﻤﺮﻱ ﻣﻜﻨﺖ ﺍﺗﺒﺎﻫﺎ ﺑﻤﻨﺼﺒﻲ ﻟﻮ ﺑﻔﻠﻮﺳﻲ
ﺑﺲ ﻭﻱ ﻫﺎﻱ ﺍﻟﻤﺨﻠﻮﻗﻪ ﻏﻴﺮ ﺍﺣﺐ ﺍﺗﺒﺎﻫﺎ ﺑﻤﻨﺼﺒﻲ ﻭﻓﻠﻮﺳﻲ
ﻣﺎﺍﻋﺮﻑ ﻟﻴﺶ ﻫﻴﺞ ﺍﻧﻲ ﻭﻳﺎﻫﺎ ﻗﺎﺳﻲ
ﻣﺎﺍﻋﺮﻑ ﻟﻴﺶ ﻫﻴﺞ ﺣﺠﻴﺖ ﻭﻳﺎﻫﺎ ﻭﻗﻠﻠﺖ ﻣﻦ ﺷﺎﻧﻬﺎ
ﻭﻫﻨﺘﻬﺎ ﻳﻤﻜﻦ ﺑﺎﻟﻐﺖ ﺷﻮﻳﻪ
ﻃﺒﻌﺎ ﻣﺎﻧﺰﻟﺖ ﻭﻳﺎﻫﺎ
ﺑﻌﺪﻫﺎ ﺭﺟﻌﺖ
ﺍﺣﺲ ﺍﻟﺒﻴﺖ ﻓﺮﻍ ﺣﻴﻞ ﻭﺣﺸﻪ ﻉ ﻧﻮﺭ ﻭﻧﻈﻮﺭﻱ
ﻭﺍﻧﻲ ﻫﻢ ﺍﺗﻌﻮﺩﺕ ﻉ ﺍﻟﺨﺪﻣﻪ 24 ﺳﺎﻋﻪ ﺍﺑﺪ ﻣﻨﺎﻗﺼﻨﻲ ﺷﻲ
ﺧﻠﺼﺖ ﻫﺎﻟﻴﻮﻣﻴﻦ ﺳﻬﺮ ﻭﻭﻧﺴﻪ
ﺑﻌﺪﻫﺎ ﻛﺘﻠﻬﺎ ﺟﻬﺰﻱ ﻧﻔﺴﺞ
ﻫﻢ ﻃﻠﺒﺖ ﻣﻨﻲ ﺍﺧﻠﻲ ﺍﺑﻮﻳﻪ ﻳﺠﻲ ﻳﺎﺧﺬﻫﺎ
ﺍﻧﻲ ﺍﻋﺮﻑ ﻗﺼﺪﻫﺎ ﺗﻨﺤﺮﺝ ﻣﻦ ﻣﺮﺍﺡ ﺍﺩﺧﻞ
ﺑﺲ ﻳﻌﺠﺒﻨﻲ ﺍﺣﺮﺟﻬﺎ ﻭﻳﻌﺠﺒﻨﻲ ﺍﺭﺍﻭﻳﻬﺎ ﺣﺠﻤﻬﺎ ﺑﺎﻟﻈﺒﻂ
ﺣﺘﻰ ﻣﺘﻔﻜﺮ ﺗﺨﻮﻥ ﻓﺪ ﻳﻮﻡ
ﺍﻧﻲ ﺗﻮﻗﻌﺖ ﺭﺍﺡ ﺗﺤﺎﻭﻝ ﺗﺘﻘﺮﺑﻠﻲ
ﺑﺲ ﻇﻬﺮ ﺍﻟﻌﻜﺲ
ﻭﻻ ﻛﺎﻧﻮ ﻛﺒﺎﻟﻬﺎ ﺍﺑﺪ ﻣﺘﺠﺎﻫﻠﺘﻨﻲ 24 ﺳﺎﻋﻪ
ﺭﺣﺖ ﺛﺎﻧﻲ ﻳﻮﻡ ﻭﺍﺗﻌﻤﺪﺕ ﺍﻧﺘﻈﺮﻫﺎ ﺑﺮﺍﺱ ﺍﻟﺸﺎﺭﻉ
ﺍﺟﺘﻲ ﻭﻣﻨﻄﻘﺖ ﻭﻻ ﺑﺤﺮﻑ
ﺍﻛﺜﺮ ﺷﻲ ﻳﺰﻋﺠﻨﻲ ﻣﻦ ﻣﺘﺠﺎﻫﻠﺘﻨﻲ ﻭﻻﻛﺎﻧﻮ ﻛﺒﺎﻟﻬﺎ
ﺣﺎﻭﻟﺖ ﺍﺳﺘﻔﺰﻫﺎ ﺑﺎﻟﺤﺠﻲ
ﻭﻓﻌﻼ ﻧﺠﺤﺖ ﻭﺣﺠﺖ ﻭﻳﺎﻳﻪ
ﺑﺲ ﺭﺩﻫﺎ ﺩﺍﺋﻤﺎ ﺣﻠﻮ
ﻳﻌﻨﻲ ﻣﺘﺮﺍﺩﺩﻧﻲ ﻫﻮﺍﻱ ﻛﻠﻤﻪ ﻛﻠﻤﺘﻴﻦ ﻭﻣﻦ ﺍﺻﻴﺢ ﻋﻠﻴﻬﺎ ﺗﺴﻜﺖ
ﻭﺻﻠﻨﻪ ﻟﻠﺒﻴﺖ
ﺑﻌﺪ ﻣﺎﺍﺷﻮﻓﻬﺎ ﺑﺎﻟﻠﻴﻞ ﺍﺑﺪ
ﺍﻟﺼﺮﺍﺣﻪ ﺍﺑﺪ ﻣﺸﺎﻳﻒ ﻋﻠﻴﻬﺎ ﺷﻲ
ﺑﺲ ﺍﻧﻲ ﻟﻬﺴﻪ ﺣﺎﻗﺪ ﻋﻠﻴﻬﺎ
ﻻﻥ ﺍﻛﻮﻝ ﻣﻦ ﺍﻟﻤﺴﺘﺤﻴﻞ ﻭﺣﺪﻩ ﺗﺘﺰﻭﺝ ﺑﺎﻟﺴﺮ ﺑﺪﻭﻥ ﻋﻠﻢ ﺍﻫﻠﻬﺎ ﻭﺍﻫﻠﻪ
ﻭﻫﻲ ﺷﺮﻳﻔﻪ
ﻭﺛﺎﻧﻴﻪ ﻭﺑﻌﺪ ﻳﺎﻣﺎ ﺣﺠﻴﺖ ﻋﻠﻴﻬﺎ ﻭﺍﻃﻌﻦ ﺑﺸﺮﻓﻬﺎ ﻣﺎﻳﻮﻡ ﺟﺎﻭﺑﺘﻨﻲ ﻟﻮ ﺩﺍﻓﻌﺖ ﻋﻦ ﻧﻔﺴﻬﺎ
ﻟﺤﺪ ﻫﺎﻱ ﺍﻟﻠﺤﻀﻪ ﻣﺎﺷﻔﺘﻬﺎ ﺑﻴﻮﻡ ﺑﻼ ﺣﺠﺎﺏ ﻭﻻ ﻟﺒﺲ ﻣﻮ ﻻﺋﻖ
ﺍﻧﻲ ﺟﻨﺖ ﻣﻌﺘﻘﺪ ﺗﺨﺎﻑ ﻣﻨﻲ
ﻭﻫﺬﺍ ﺍﻟﺸﻲ ﻓﺮﺣﻨﻲ ﻻﻥ ﺗﺴﻤﻊ ﺍﻟﺤﺠﻲ ﻭﻣﺘﻌﺎﻧﺪ
بيج قصص عراقيه حقيقيه من واقعنا.روعه الطائي
ﺧﻠﺼﺖ ﺍﻟﻌﻄﻠﻪ ﻭﺩﺍﻭﻣﺖ ﻧﻮﺭ
ﺑﻴﻦ ﻓﺘﺮﻩ ﻭﻓﺘﺮﻩ ﺍﺭﻭﺡ ﺍﺳﺎﻝ ﻋﻠﻴﻬﺎ
ﺗﺠﻴﻨﻲ ﻣﻌﻠﻤﺘﻬﺎ ﻭﺍﺳﺎﻟﻬﺎ
ﻭﺗﻜﻮﻝ ﺍﺷﻄﺮ ﻃﺎﻟﺒﻪ ﻭﺍﻧﺰﻙ ﻃﺎﻟﺒﻪ ﻋﻨﺪﻱ
ﺣﻴﻞ ﺍﻓﺮﺡ ﺑﻴﻬﺎ
ﺑﺲ ﺍﻧﻲ ﺍﻛﻮ ﺧﻮﻑ ﻣﻦ ﻧﺎﺣﻴﺔ ﻗﺮﺑﻬﺎ ﻟﺰﻳﻨﺐ
ﺍﺧﺎﻑ ﺗﺠﺮﻓﻬﺎ ﻭﺗﺮﺑﻴﻬﺎ ﻧﻔﺲ ﺗﺮﺑﻴﺘﻬﺎ
ﺍﻟﻴﻮﻡ ﺟﻨﺖ ﺑﺎﻟﺪﻭﺍﻡ ﻭﺍﺟﺎﻧﻲ ﻣﺴﺞ
ﻭﺟﺎﻥ ﻣﻦ ﺍﻣﻬﺎ ﻟﻨﻮﺭ
ﻃﻠﺒﺖ ﻣﻨﻲ ﺗﺸﻮﻓﻬﺎ
ﻛﺘﻠﻬﺎ ﻋﺎﺩﻱ ﺍﺩﺯﻫﺎ ﻟﺒﻴﺖ ﺟﺪﻫﺎ ﻳﻮﻡ ﺍﻟﺠﻤﻌﻪ ﺍﻟﺼﺒﺢ
ﻭﺍﺭﺟﻊ ﺍﺧﺬﻫﺎ ﺑﺎﻟﻠﻴﻞ
ﺍﺗﺸﻜﺮﺕ ﻣﻨﻲ ﻭﺳﺪﺗﻪ
ﻓﻌﻼ ﻳﻮﻡ ﺍﻟﺠﻤﻌﻪ ﺩﺯﻳﺘﻬﺎ
ﺑﺲ ﺍﺷﻮ ﻫﺎﻱ ﻛﻞ ﺷﻮﻳﻪ ﺩﺍﺯﺗﻠﻲ ﺭﺳﺎﻟﻪ
ﺍﻧﻲ ﺍﺳﻔﻪ ﻭﺍﻧﻲ ﻣﺘﻨﺪﻣﻪ ﻉ ﻛﻠﺸﻲ ﺳﻮﻳﺘﻪ
ﺑﺪﺕ ﺗﺘﻮﺳﻞ ﺑﻴﻪ ﺍﺭﺟﻌﻬﺎ
ﻋﻘﻠﻲ ﻳﻄﻴﺮ ﻣﻦ ﺍﻟﻤﺮﻩ ﺍﻟﻲ ﺗﺘﻮﺳﻞ ﺑﺎﻟﺮﺟﺎﻝ ﻣﻬﻤﺎ ﻳﻜﻮﻥ ﺍﻟﻄﻠﺐ ﻭﺍﻟﺴﺒﺐ
ﺍﻟﻤﻔﺮﻭﺽ ﺍﻟﺮﺟﺎﻝ ﻫﻮ ﺍﻟﻲ ﻳﻄﻠﺐ ﻭﻳﺘﻮﺳﻞ ﻣﻦ ﺍﻟﻤﺮﻩ ﻣﻮ ﺍﻟﻌﻜﺲ
ﻻﻥ ﺍﻟﺜﻜﻞ ﺣﻠﻮ ﻟﻠﺒﻨﻴﻪ ﻣﻬﻤﺎ ﻳﻜﻮﻥ
ﻭﺍﻟﺒﻨﻴﻪ ﺍﻟﺨﻔﻴﻔﻪ ﻣﺘﻌﺠﺒﻨﻲ ﺍﺑﺪ
ﺍﺗﻌﺎﺭﻛﺖ ﻭﻳﺎﻫﺎ ﻭﻛﺘﻠﻬﺎ ﻣﺘﺠﻮﺯﻳﻦ ﻣﻦ ﺳﻮﺍﻟﻔﺞ
ﻭﻟﺞ ﻣﻮ ﺍﻧﺖ ﺑﺬﻣﺔ ﺭﺟﺎﻝ ﻫﺴﻪ
ﻣﻮ ﻣﻬﻢ ﻻﻥ ﺍﻧﻲ ﺍﺣﺒﻚ ﺍﻧﺖ
ﻭﻛﻠﺒﻲ ﻳﻮﺟﻌﻨﻲ ﻉ ﻓﺮﺍﻛﻚ ﻭﻓﺮﺍﻙ ﺑﻨﺘﻲ
ﻛﻤﺖ ﺍﺿﺤﻚ ﻋﻠﻴﻬﺎ
ﺍﻧﺖ ﺍﻟﻈﺎﻫﺮ ﺍﻟﺨﻴﺎﻧﻪ ﺗﻤﺸﻲ ﺑﺪﻣﺞ
ﻭﻳﻦ ﺟﻨﺘﻲ ﻋﻦ ﺑﻨﺘﺞ ﻣﻦ ﺧﻨﺘﻴﻨﻲ
ﻭﻳﻦ ﺟﻨﺘﻲ ﻣﻦ ﺗﺮﻛﺘﻴﻬﺎ
ﺍﻧﺖ ﺍﻡ ﻓﺎﺷﻠﻪ ﻟﻬﺬﺍ ﻣﺘﺼﻠﺤﻴﻦ ﺯﻭﺟﻪ ﺻﺎﻟﺤﻪ
ﻭﻫﺴﻪ ﺭﺍﺡ ﺍﺟﻲ ﺍﺧﺬﻫﺎ ﺑﻨﺘﻲ
ﻓﻌﻼ ﺭﺣﺖ ﻭﺭﺟﻌﺘﻬﺎ ﻧﻮﺭ
ﻛﺎﻟﺖ ﺑﺲ ﺗﺒﺠﻲ ﻣﺎﻣﺎ
ﻉ ﺷﻨﻮ ﺗﺒﺠﻲ
ﺗﻜﻮﻝ ﻣﺘﻨﺪﻣﻪ ﻻﻥ ﻋﻔﺘﺞ ﻭﺍﻧﻲ ﺍﺣﺒﺞ
ﻭﺍﻧﺖ ﺷﻜﻠﺘﻴﻠﻬﺎ
ﻛﺘﻠﻬﺎ ﺍﻧﻲ ﺍﺣﺐ ﻣﺎﻣﺎ ﺯﻳﻨﺐ
ﻻﻥ ﺗﺤﺒﻨﻲ ﻭﻣﻌﺘﻨﻴﻪ ﺑﻴﻪ
ﻭﺍﺩﺭﺳﻨﻲ ﻭﺗﻤﺸﻄﻠﻲ
ﺑﺲ ﻫﻲ ﺿﺎﺟﺖ ﻛﺎﻟﺖ ﺍﻧﻲ ﺑﻌﺪ ﻣﺎﺍﺣﺒﺞ ﻭﻻ ﺍﺩﺯ ﻋﻠﻴﺞ
ﻭﺿﺮﺑﺘﻨﻲ ﺭﺍﺟﺪﻱ
ﺍﻧﻲ ﺑﻌﺪ ﻣﺎﺍﺭﻭﺡ ﻳﻤﻬﺎ ﺍﺑﺪ ﺍﻧﻲ ﻣﺎﺍﺣﺒﻬﺎ
ﺍﻳﺎ ﺑﻨﺖ ﺍﻟﻜﻠﺐ
ﻟﻔﺖ ﺍﻟﺴﻴﺎﺭﻩ ﻭﺭﺟﻌﺖ ﻉ ﺑﻴﺘﻬﻢ
ﻃﻠﻌﻠﻲ ﺍﺑﻮﻫﺎ
ﻛﺘﻠﻪ ﻣﻨﻮ ﺳﻤﺤﻠﻬﺎ ﺗﻀﺮﺏ ﻧﻮﺭ
بيج قصص عراقيه حقيقيه من واقعنا.روعه الطائي
ﻭﻉ ﺷﻨﻮ ﻻﻥ ﺣﺠﺖ ﺍﻟﺤﻘﻴﻘﻪ
ﺑﺪﻩ ﻳﻬﺪﺋﻨﻲ ﻭﻳﻜﻮﻝ ﻫﻲ ﺍﻣﻬﺎ ﻗﺎﺑﻞ ﺗﻜﺮﻫﺎ
ﻛﺘﻠﻪ ﺧﻞ ﻳﻜﻮﻥ ﺑﻌﻠﻤﻬﺎ ﺗﺤﻠﻢ ﺑﻌﺪ ﺗﺸﻮﻓﻬﺎ ﻟﻨﻮﺭ
ﺭﺟﻌﺖ ﻭﺍﻋﺼﺎﺑﻲ ﺗﺎﻟﻔﻪ
ﻟﻜﻴﺖ ﺯﻳﻨﺐ ﻛﺒﺎﻟﻲ
ﺟﻬﺰﺕ ﺍﻻﻛﻞ ﻭﺧﻠﺘﻪ ﻛﺒﺎﻟﻲ
ﻣﻨﺎﻗﺼﻪ ﺷﻲ ﺑﺲ ﺍﻟﻤﻲ ﻣﺎﻛﻮ
ﺻﺤﺖ ﻭﺭﺍﻫﺎ ﻫﻴﻮﻭﻭ ﺟﻴﺒﻲ ﻣﻲ
ﺍﺷﻮ ﻭﻻ ﻛﺎﻧﻮ ﻣﻌﺒﺮﺗﻨﻲ
ﻛﺘﻠﻬﺎ ﻛﻮﻣﻲ ﻧﻮﺍﺭﻩ ﺣﺒﻴﺒﺘﻲ ﺟﻴﺒﻲ ﻣﻲ
ﻛﻠﺘﻠﻲ ﻫﺴﻪ ﻣﺎﻣﺎ ﺗﺠﻴﺐ
ﻟﺞ ﺍﻣﺞ ﺍﻟﻈﺎﻫﺮ ﻃﺮﻣﻪ ﻣﺘﺴﻤﻊ
ﻫﻲ ﻛﺎﻋﺪ ﺗﺴﻤﻌﻨﻲ
ﺭﺍﺣﺖ ﺟﺎﺑﺖ ﺍﻟﻤﻲ ﻭﺩﺧﻠﺖ ﻟﻠﻤﻄﺒﺦ
ﺟﺎﻧﺖ ﺣﺎﻃﻪ ﮔﺪﺭ ﺑﻲ ﻣﻲ ﻳﻔﻮﺭ ﻭﺑﻲ ﻛﺒﻪ
ﺍﻟﻈﺎﻫﺮ ﻛﺎﻋﺪ ﺗﺴﻮﻱ ﻛﺒﻪ ﺳﻠﻚ
ﺻﺒﺘﻠﻲ ﺟﺎﻱ ﻭﺟﺎﻥ ﺣﺎﺭ
ﺷﺮﺑﺖ ﻭﺧﻠﺼﺖ ﻛﻤﺖ ﻳﻤﻬﺎ ﻳﻢ ﺍﻟﻄﺒﺎﺥ
ﻛﺘﻠﻬﺎ ﻫﺎﺝ ﺍﻟﻜﻼﺹ ﺍﻏﺴﻠﻲ
ﺑﺲ ﻣﺠﺎﻭﺑﺘﻨﻲ
ﺍﺧﺬﺗﻪ ﻏﺴﻠﺘﻪ ﻭﺭﺟﻌﺖ
ﻫﺎﻱ ﺷﺪﺗﺴﻮﻳﻦ
ﻣﺎﻛﻮ ﺟﻮﺍﺏ
ﻛﺘﻠﻬﺎ ﻫﻴﻮﻭﻭﻭﻭ
ﺷﻨﻮ ﻣﺘﺴﻤﻌﻴﻦ
ﺟﺎﻥ ﺗﻜﻮﻝ ﺍﻳﺪﺑﻠﻲ ﻃﺮﻣﻪ ﻣﺪﺍ ﺍﺳﻤﻊ
ﻓﻮﺭﺕ ﺩﻣﻲ ﺍﻛﺜﺮ
ﻛﻠﺒﺖ ﺍﻟﮕﺪﺭ ﻉ ﺍﻟﻄﺒﺎﺥ ﻭﻛﻊ ﻉ ﺍﻳﺪﻫﺎ
ﺑﺲ ﺷﻠﻮﻥ ﺍﺟﻪ ﻉ ﺍﻳﺪﻫﺎ ﻣﺎﺍﻋﺮﻑ
ﺫﺑﻴﺖ ﺍﻟﻜﺒﻪ ﺍﻟﻤﺴﻮﻳﺘﻬﻦ ﻛﻠﻬﻦ ﺑﺎﻟﮕﺎﻉ
ﻓﻘﺪﺕ ﺑﻠﺤﻈﺘﻬﺎ
ﻛﺴﺮﺕ ﺍﻟﻤﻮﺍﻋﻴﻦ
ﻳﻤﻜﻦ ﺫﺑﻴﺖ ﺣﺮﻛﺖ ﺍﻡ ﻧﻮﺭ ﺑﻴﻬﺎ
ﻛﺎﻣﺖ ﺍﻃﻔﺮ ﻣﻦ ﺍﻻﻟﻢ ﺍﻛﻴﺪ
ﺷﻔﺘﻬﺎ ﺭﻛﻀﺖ ﻟﺒﺮﻩ ﺑﺲ ﺗﻜﻤﺰ
ﺷﻔﺘﻬﺎ ﺭﺍﺣﺖ ﻟﻠﻨﻔﻂ
ﺩﺧﻠﺖ ﺍﻳﺪﻫﺎ ﺑﻲ
ﺷﻨﻮ ﻫﺎﻱ ﻣﺨﺒﻠﻪ ﺗﺮﻳﺪ ﺗﺤﺮﻙ ﺍﻳﺪﻫﺎ
ﻭﺭﻩ ﺷﻮﻳﻪ ﺍﺟﺘﻲ ﺍﻣﻲ ﻭﺍﺑﻮﻳﻪ
بيج قصص عراقيه حقيقيه من واقعنا.روعه الطائي
ﻟﻜﻮﻫﺎ ﺗﻜﻤﺰ
ﻛﺎﻟﻮﻟﻬﺎ ﺷﺒﻴﺞ
ﻛﻠﺘﻠﻬﻢ ﻭﻛﻊ ﺍﻟﻤﻲ ﺍﻟﺤﺎﺭ ﻉ ﺍﻳﺪﻱ
ﺑﻬﺎﻻﺛﻨﺎﺀ ﺍﺟﻪ ﺍﻣﻴﺮ ﻭﻓﺎﻃﻤﻪ
ﺍﺗﻮﻗﻌﺘﻬﺎ ﺗﻜﻮﻝ ﻫﻮ ﺍﻟﻲ ﺟﻮﺍﻧﻲ
ﻣﺎﺍﻋﺮﻑ ﻟﻴﺶ ﻫﻴﺞ ﺳﻮﺕ
ﺍﻧﻲ ﻫﺪﺋﺖ ﺑﻌﺪﻫﺎ ﺣﺴﻴﺖ ﻉ ﻧﻔﺴﻲ ﺷﺴﻮﻳﺖ ﺍﻧﻲ
ﺧﻠﺖ ﻣﻌﺠﻮﻥ ﺍﺳﻨﺎﻥ
ﺑﻌﺪﻫﺎ ﺍﻣﻲ ﺧﻠﺘﻠﻬﺎ ﻣﻌﺠﻮﻥ ﻃﻤﺎﻃﺎ
ﺍﻣﻴﺮ ﻛﺎﻝ ﺍﻟﺪﻫﻦ ﻣﺎﻟﺖ ﺍﻟﺴﻤﺴﻢ ﺯﻳﻦ
ﻣﺨﻠﺖ ﺷﻲ ﻣﺨﻠﺘﻪ ﻉ ﺍﻳﺪﻫﺎ
ﺑﺲ ﺍﺣﺴﻬﺎ ﺍﺷﺘﻌﻠﺖ ﺷﻌﻞ
ﺍﻟﻜﻞ ﻋﻴﻨﻴﻪ ﻋﻠﻴﻪ ﻭﻛﺎﻧﻮ ﻳﺘﻬﻤﻮﻧﻲ
ﺍﺟﺖ ﻧﻮﺭ ﻛﺎﻟﺖ ﺟﺪﻭ ﻭﺍﻟﻠﻪ ﺑﺎﺑﺎ ﺍﻟﻲ ﺫﺏ ﺍﻟﻤﻲ ﺍﻟﺤﺎﺭ ﻋﻠﻴﻬﺎ
ﺍﻳﺎ ﺑﻨﺖ ﺍﻟﻜﻠﺐ ﻭﻛﺘﺞ ﻫﺴﻪ ﺍﻧﻲ ﺍﻋﻠﻤﺞ
ﺭﺍﺡ ﻳﻨﻮﻛﻞ ﻛﻠﺒﻲ ﺍﻛﻞ
ﻛﺎﻡ ﻳﺼﻴﺢ ﻋﻠﻴﻪ ﺍﺑﻮﻳﻪ ﻛﺘﻠﻪ ﻣﺤﺪ ﻛﻠﻠﻬﺎ ﻣﺘﺴﻤﻊ ﺣﺠﻴﻲ
ﻭﺍﻟﻒ ﻣﺮﻩ ﻣﻨﺒﻪ ﻋﻠﻴﻬﺎ ﻻ ﺗﺮﺍﺩﺩﻳﻨﻲ ﻭﻫﻲ ﻭﻻﻛﺎﻧﻮ
ﺍﻟﻜﻮﻝ ﻛﺎﻣﻮﺍ ﻳﺤﺠﻮﻥ ﻋﻠﻴﻪ
ﻫﻲ ﺻﻌﺪﺕ ﻟﻔﻮﻙ
ﻭﻓﺎﻃﻤﻪ ﺻﻌﺪﺕ ﻭﺭﺍﻫﺎ
ﺑﻘﻪ ﺍﻟﻜﻞ ﻳﺮﺯﻝ ﺑﻴﻪ
ﺑﺲ ﻋﺎﺩﻱ ﺍﻫﻢ ﺷﻲ ﺭﺍﺡ ﺍﺗﻮﺏ ﺣﺘﻰ ﻣﺮﻩ ﻟﺦ ﻣﺘﺤﺠﻲ ﻭﻳﺎﻳﻪ ﺍﻟﻪ ﺗﺤﺴﺐ ﺍﻟﻒ ﺣﺴﺎﺏ
ﻋﻔﺘﻬﻢ ﻭﺭﺣﺖ ﻟﺒﻴﺘﻲ
ﺑﺲ ﺍﻟﻌﺠﻴﺐ ﻣﻜﺪﺭﺕ ﺍﻧﺎﻡ ﺍﻓﻜﺮ
ﺍﻛﻮﻝ ﺍﻧﻲ ﻟﻴﺶ ﻫﻴﺞ ﺳﻮﻳﺖ
ﻟﻴﺶ ﻫﻴﺞ ﺗﺼﺮﻓﺎﺗﻲ ﻭﻱ ﻫﺎﻱ ﺍﻟﻤﺨﻠﻮﻗﻪ ﺑﺎﻟﺬﺍﺕ
ﺭﺟﻌﺖ ﻛﻠﺖ ﺣﻴﻞ ﺗﺴﺘﺎﻫﻞ ﻣﻨﻮ ﻛﻠﻠﻬﺎ ﻫﻴﺞ ﺗﺤﺠﻲ ﻭﺗﺴﺘﻔﺰﻧﻲ
ﺍﻧﻲ ﻃﺒﻌﻲ ﻋﺼﺒﻲ ﻧﺎﺭ ﺑﺲ ﻭﺭﻩ ﺷﻮﻳﻪ ﺗﺮﻭﺡ ﻣﻨﻲ
ﺑﺲ ﻳﺒﺘﻠﻲ ﻉ ﻋﻤﺮﻩ ﺍﻟﻲ ﻳﺼﻴﺮ ﻛﺒﺎﻟﻲ ﻭﺍﻧﻲ ﻋﺼﺒﻲ
ﻃﻠﻌﺖ ﺑﺎﻟﺤﺪﻳﻘﻪ ﻻﻥ ﻣﺠﺎﻧﻲ ﻧﻮﻡ
ﺍﻟﺴﺎﻋﻪ ﺻﺎﺭﺕ ﺏ 3 ﻭﺍﻟﻀﻮﻩ ﺍﻟﻲ ﺑﻐﺮﻓﺘﻬﺎ ﻣﺸﻌﻮﻝ ﻟﻬﺴﻪ
ﻳﻌﻨﻲ ﺍﻛﻴﺪ ﻣﻨﺎﻳﻤﻪ ﻟﻬﺴﻪ
ﻳﺎﺍﻟﻠﻪ ﺍﻧﻲ ﻟﻴﺶ ﻫﻴﺞ ﻗﺎﺳﻲ ﻭﻳﺎﻫﺎ
ﻣﺎﺍﻛﺪﺭ ﺍﺗﻨﺎﺯﻝ ﻭﺍﺣﺠﻲ ﻭﻳﺎﻫﺎ
بيج قصص عراقيه حقيقيه من واقعنا.روعه الطائي
ﺑﻌﻤﺮﻱ ﻭﺣﻴﺎﺗﻲ ﻣﻤﻘﺪﻡ ﺍﻋﺘﺬﺍﺭ ﻻﻱ ﺷﺨﺺ
ﺭﺟﻌﺖ ﻟﺒﻴﺘﻲ ﻭﻛﻮﻩ ﻛﺪﺭﺕ ﺍﻧﺎﻡ
ﺛﺎﻧﻲ ﻳﻮﻡ ﺻﺎﺩﻑ ﺳﺒﺖ ﻭﻫﻢ ﻣﺎﻋﻨﺪﻱ ﺩﻭﺍﻡ
ﻛﻌﺪﺕ ﻳﻤﻜﻦ ﺏ 3 ﺩﺧﻠﺖ ﻟﻠﺤﻤﺎﻡ ﻭﺳﺒﺤﺖ ﻭﺑﻌﺪﻫﺎ ﺭﺣﺖ ﻻﻫﻠﻲ
ﻛﻠﺖ ﻣﺎﺍﺭﺍﺳﻠﻬﺎ ﺍﻛﻴﺪ ﺍﻳﺪﻫﺎ ﻣﺎﺫﻳﺘﻬﺎ ﺍﺧﻠﻲ ﻓﺎﻃﻤﻪ ﺗﺼﺒﻠﻲ ﻏﺪﻩ
ﺩﺧﻠﺖ ﻟﻠﻤﻄﺒﺦ ﻭﺟﺎﻥ ﺍﺷﻮﻓﻬﺎ ﻛﺒﺎﻟﻲ
ﻭﻻﻛﺎﻧﻮ ﺷﻲ ﺻﺎﻳﺮ
ﺟﻬﺰﺕ ﺍﻟﻐﺪﻩ ﻉ ﺍﻻﺻﻮﻝ
ﺍﻧﻲ ﺳﻜﺘﺖ
ﻗﺮﺭﺕ ﺑﻌﺪ ﻣﺎﺍﺫﻳﻬﺎ ﻭﻻ ﺍﻟﻲ ﻋﻼﻗﻪ ﺑﻴﻬﺎ ﺭﺍﺡ ﺍﻫﻤﻠﻬﺎ
ﻓﻜﺮﺕ ﻛﻠﺖ ﻓﻮﻙ ﻣﺘﺨﺪﻣﻨﻲ ﺍﻧﻲ ﻭﺑﻨﺘﻲ ﻭﺍﻫﻠﻲ
ﻭﻓﻮﻛﺎﻫﺎ ﺍﻧﻲ ﻣﻘﺎﺑﻞ ﻋﻠﻴﻬﺎ
ﺭﺩﺕ ﺍﺳﺎﻟﻬﺎ ﺷﻠﻮﻥ ﺻﺎﺭﺕ ﺍﻳﺪﺝ
ﺑﺲ ﺻﺒﺖ ﺍﻟﺠﺎﻱ ﻭﺍﺧﺘﻔﺖ
ﻛﻠﺖ ﺧﻠﻴﻬﺎ ﻫﻴﺞ ﺍﺣﺴﻦ
ﻛﻤﻠﺖ ﻏﺪﺍﻳﻪ ﻭﺍﺗﻔﻘﺖ ﻭﻱ ﺍﻟﺸﺒﺎﺏ ﻉ ﺳﻬﺮﻩ
ﻭﻓﻌﻼ ﺳﻬﺮﻧﻪ ﻟﻠﺼﺒﺢ ﻳﻠﻪ ﺭﺟﻌﺖ ﻭﺟﺎﻥ ﺍﺗﻔﺎﺟﺊ ﺑﺎﺑﻮﻳﻪ ﺑﺎﻟﺒﻴﺖ ﻣﺎﻟﺘﻲ
ﺑﺪﻩ ﻳﺤﺠﻲ ﻋﻠﻴﻪ ﻭﺷﻨﻮ ﻣﻌﻨﺎﻫﺎ ﻳﻮﻣﻴﻪ ﺳﻬﺮﺍﻥ ﺑﺮﻩ
ﻛﻠﻲ ﻣﻴﺼﻴﺮ ﻋﺎﻳﻒ ﻣﺮﺗﻚ ﻣﺜﻞ ﺍﻟﻮﺭﺩ ﻭﺗﺴﻬﺮ ﻭﻱ ﺍﻟﻜﺢ ......
ﻣﻴﺼﻴﺮ ﻫﻴﺞ ﻟﻮ ﺗﺘﻘﺒﻠﻬﺎ ﻙ ﺯﻭﺟﻪ ﻟﻮ ﺍﻃﻠﻜﻬﺎ
ﺍﻧﻲ ﻓﺎﺭ ﺩﻣﻲ ﻣﻦ ﺣﺠﻪ ﻫﻴﺞ
ﻛﺘﻠﻪ ﻻ ﺍﻃﻠﻜﻬﺎ ﻭﻻ ﺍﺗﻘﺮﺏ ﺍﻟﻬﺎ
ﻳﻌﻨﻲ ﺷﻠﻮﻥ ﺗﻌﻮﻑ ﺑﻨﺖ ﺍﻟﻨﺎﺱ ﻫﻴﺞ ﻣﻌﻠﻜﻪ
ﺑﺤﺎﻟﻪ ﻭﺣﺪﻩ ﺍﻃﻠﻜﻬﺎ
ﻣﻨﺘﻈﺮ ﺗﻌﻮﻑ ﻫﻨﺎ ﻭﺗﺘﻨﺎﺯﻝ ﻋﻨﻪ ﻳﻠﻪ
ﻫﺎﻱ ﺷﻠﻚ ﺑﻴﻬﺎ ﺣﻴﺪﺭ
ﺍﻧﺖ ﻛﺎﺗﻠﻚ ﺍﻟﻄﻔﻞ ﻟﻮ ﺣﻠﺘﻠﻚ ﺍﻟﺨﺪﻣﻪ ﻭﺍﻧﺖ ﺣﻈﺮﺗﻚ ﻣﻌﺎﺟﺒﻚ
ﻳﺎﺑﻪ ﻟﺘﻌﺒﻨﻲ ﻭﻟﺘﻌﺐ ﻧﻔﺴﻚ
ﻻ ﺍﻃﻠﻜﻬﺎ ﻭﻻ ﺍﺗﻘﺮﺏ ﺍﻟﻬﺎ
ﺍﻧﻲ ﻣﻮ ﺍﺗﻔﻘﺖ ﻭﻳﺎﻛﻢ ﻣﻦ ﺍﻟﺒﺪﺍﻳﻪ
ﻛﺎﻡ ﻳﺴﺐ ﻭﻳﻐﻠﻂ ﻋﻠﻴﻪ
ﻋﺎﻓﻨﻲ ﻭﻃﻠﻊ
ﺍﻧﻲ ﻫﻢ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ ﻭﺭﺣﺖ ﻟﻠﺪﻭﺍﻡ
ﺭﺟﻌﺖ ﻭﻟﻜﻴﺘﻬﺎ ﻣﺠﻬﺰﻩ ﻏﺪﺍﻳﻪ
بيج قصص عراقيه حقيقيه من واقعنا.روعه الطائي
ﻋﺮﻓﺖ ﻭﻗﺘﻲ ﺑﺎﻟﻀﺒﻂ
ﺍﺗﻐﺪﻳﺖ ﻭﻛﺘﻠﻬﺎ ﻣﻤﻨﻮﻉ ﺍﺣﺪ ﻳﺪﺧﻞ ﻟﺒﻴﺘﻲ ﻭﻳﺰﻋﺠﻨﻲ ﻻﻥ ﺣﻴﻞ ﻧﻌﺴﺎﻥ ﻭﺗﻌﺒﺎﻥ
ﻻﻥ ﺍﻟﺼﺮﺍﺣﻪ ﺻﺎﺭﻟﻲ ﻳﻮﻣﻴﻦ ﻣﺸﺎﻳﻒ ﺍﻟﻨﻮﻡ
ﺯﻳﻨﺐ : ﻛﺮﻫﻲ ﻟﻬﺬﺍ ﺍﻟﺸﺨﺺ ﻳﻮﻡ ﻋﻦ ﻳﻮﻡ ﻳﺰﺩﺍﺩ ﻭﺑﺪﻳﺖ ﺍﺣﻘﺪ ﻋﻠﻲ
ﻻﻥ ﻣﻴﻌﺮﻑ ﻳﺮﺍﻋﻲ ﻣﺸﺎﻋﺮ ﺍﻻﺧﺮﻳﻦ
ﻋﺒﺎﻟﻪ ﺍﻧﻲ ﻓﻜﺮ ﻣﻦ ﺻﺪﻙ
ﻣﻴﺪﺭﻱ ﺟﻨﻪ ﺍﻏﻨﻪ ﻧﺎﺱ ﺑﻤﺤﺎﻓﻈﺘﻨﻪ ﻭﺍﻟﻨﻪ ﺻﻴﺘﻨﻪ ﺑﻴﻦ ﺍﻟﻨﺎﺱ
ﺑﺲ ﻉ ﻟﻤﺢ ﺍﻟﺒﺼﺮ ﻛﻌﺪﻧﻪ ﻉ ﺍﻟﺤﺪﻳﺪﻩ
ﻫﺬﺍ ﺍﻻﻧﺴﺎﻥ ﻣﻌﺮﺽ ﻟﻜﻠﺸﻲ
ﺍﻫﻢ ﺷﻲ ﺍﻟﺼﺤﻪ ﻻﻥ ﻣﺘﺘﻌﻮﺽ ﺍﺑﺪ
ﺑﻴﻨﻤﺎ ﺍﻟﻔﻠﻮﺱ ﺗﺮﻭﺡ ﻭﺗﺠﻲ ﻭﻛﻠﻬﺎ ﻭﺳﺦ ﺩﻧﻴﻪ
ﺭﺟﻌﻨﻪ ﻣﻦ ﺍﻫﻠﻲ ﺑﻌﺪ ﻣﻬﺎﻧﻲ ﺍﻫﺎﻧﻪ ﺗﺴﻮﻩ ﻋﻤﺮﻱ ﻭﺣﻴﺎﺗﻲ
ﺑﻌﺪ ﺍﻟﺘﻮﺑﻪ ﺍﺫﺍ ﺍﺭﻭﺡ ﻭﻳﺎ ﻻﻱ ﻣﻜﺎﻥ
ﺑﺪﻳﺖ ﺍﺿﻮﺝ ﻣﻦ ﻭﺿﻌﻲ ﺣﻴﻞ
ﻳﻌﻨﻲ ﻣﺎﺍﻟﻪ ﺣﻖ ﻳﺤﻜﻤﻨﻲ ﻫﻴﺞ
ﻟﺒﺴﻨﻲ ﺑﻮﺷﻴﻪ ﺑﻌﺪ ﻟﻮﻳﺶ ﻣﺎﺍﻃﻠﻊ
ﺑﺎﻟﺒﺪﺍﻳﻪ ﺍﻧﻲ ﻣﺎﺍﺣﺐ ﺍﻃﻠﻊ ﻭﻣﻮﺍﺟﻬﺖ ﻣﺸﻜﻠﻪ
ﺑﺲ ﻫﺴﻪ ﻻ ﺑﺪﻳﺖ ﻫﻮﺍﻱ ﺍﻧﺰﻋﺞ ﻣﻦ ﻭﺿﻌﻲ
ﻻﺯﻳﺎﺭﻩ ﻻ ﻃﻠﻌﻪ ﻟﻠﺴﻮﻙ
ﻣﻴﺼﻴﺮ ﻫﻴﺞ
ﺑﺲ ﻳﻠﻪ ﺍﺧﺪﻣﻲ ﻭﺍﺳﻜﺘﻲ
ﻣﺎﺍﻟﻲ ﺣﻖ ﺍﻃﻠﺐ ﺍﻟﻄﻼﻙ
ﺑﺲ ﺍﻣﻨﻴﺘﻲ ﻳﻄﻠﻜﻨﻲ ﻣﻦ ﺫﺍﺗﻪ
ﺑﺲ ﺍﺑﻨﻲ ﻣﺎﺍﺗﻨﺎﺯﻝ ﻋﻨﻪ ﻭﺍﻧﻄﻴﻬﻴﺎ ﻟﻮ ﺍﻣﻮﺕ
ﻣﺮﺍﺕ ﺍﻛﻮﻝ ﻟﻮ ﻣﺎ ﺍﺑﻨﻲ ﺟﺎﻥ ﻣﺘﺖ ﻭﺍﻟﻠﻪ
ﻫﻮ ﺳﺒﺒﻲ ﺍﻟﻮﺣﻴﺪ ﺍﻟﻲ ﻳﺨﻠﻴﻨﻲ ﺍﺗﻤﺴﻚ ﺑﺎﻟﺤﻴﺎﺓ ﻻﺟﻠﻪ
ﻗﺒﻞ ﻟﺘﺼﻴﺮ ﺍﻟﺴﺎﻋﻪ ﺏ 10 ﺑﺎﻟﻠﻴﻞ ﺍﺧﺘﻔﻲ
ﺑﺪﺕ ﺍﻟﻤﺪﺭﺳﻪ ﻭﺍﻟﺘﻬﻴﺖ ﻭﻱ ﻧﻮﺭ ﺍﺩﺭﺱ ﺑﻴﻬﺎ
ﺍﺗﻔﺎﺟﺎﺕ ﻣﻦ ﺍﺟﺘﻲ ﻧﻮﺭ ﻭﻛﻠﺘﻠﻲ ﺑﺎﺟﺮ ﺍﺭﻭﺡ ﻟﻤﺸﻮﺍﺭ ﺑﺎﺑﺎ ﻳﺎﺧﺬﻧﻲ
ﻭﻳﻦ ﻳﺎﺧﺬﺝ
ﻟﺒﻴﺖ ﺟﺪﻭ
ﻣﺎﻣﺎ ﺗﺮﻳﺪ ﺗﺸﻮﻓﻨﻲ
ﺍﻧﻲ ﺭﻓﻀﺖ ﺑﺲ ﺑﺎﺑﺎ ﻣﻘﺒﻞ
ﻣﻴﺼﻴﺮ ﺣﺒﻴﺒﺘﻲ ﺗﺮﻓﻀﻴﻦ
بيج قصص عراقيه حقيقيه من واقعنا.روعه الطائي
ﻫﺎﻱ ﺗﺒﻘﻪ ﺍﻣﺞ ﻭﺍﻛﻴﺪ ﻋﺪﻫﺎ ﻇﺮﻭﻓﻬﺎ ﺍﻟﻲ ﺟﺒﺮﺗﻬﺎ ﺍﺗﺮﻛﺞ
ﺍﻧﻲ ﺍﻟﺼﺮﺍﺣﻪ ﺍﺗﻌﺠﺐ ﻉ ﻫﻴﺞ ﻭﺣﺪﻩ
ﺷﻠﻮﻥ ﺍﻧﻄﺎﻫﺎ ﻛﻠﺒﻬﺎ ﺗﺘﺮﻙ ﺑﻨﺘﻬﺎ
ﻟﻮ ﺍﻣﻮﺕ ﻣﺎﺍﺳﻮﻳﻬﺎ
ﺛﺎﻧﻲ ﻳﻮﻡ ﺻﺎﺩﻑ ﺟﻤﻌﻪ ﻭﺟﻬﺰﺗﻬﺎ ﻭﺍﺧﺬﻫﺎ ﺍﺑﻮﻫﺎ ﻭﺟﺎﻧﻦ ﺍﻟﺒﻨﺎﺕ ﻳﻤﻨﻪ
ﺍﻟﺒﻨﺎﺕ ﻣﻦ ﻳﺠﻦ ﻳﻄﻠﻌﻮﻫﻦ ﻋﻤﻮ ﻭﺧﺎﻟﻪ
ﺻﺪﻓﻪ ﻳﺒﻘﻦ ﺑﺎﻟﺒﻴﺖ
ﻳﻄﻠﻌﻦ ﺍﺳﻮﺍﻕ ﻭﻣﻮﻻﺕ ﻭﺍﻟﻠﻌﺎﺏ ﻭﻏﻴﺮﻫﺎ
ﺍﻧﻲ ﻫﺎﻟﻤﺮﻩ ﺍﺗﺮﺟﻴﺘﻬﻦ ﻣﻴﺤﺠﻦ ﻭﻱ ﺍﺧﻮﻫﻦ ﺍﺑﺪ
ﻻﻥ ﺟﻮﺍﺑﻪ ﻭﺍﺿﺢ
ﺑﺎﻟﻠﻴﻞ ﻧﻮﺭ ﻭﺍﺑﻮﻫﺎ ﺭﺟﻌﻮ
ﺟﻬﺰﺕ ﺍﻻﻛﻞ ﺍﻟﻬﻢ ﺑﺲ ﺍﻟﻐﺜﻪ ﺣﺴﻴﺘﻪ ﻋﺼﺒﻲ ﺯﻳﺎﺩﻩ
ﺍﻧﻲ ﺟﻨﺖ ﺍﺳﻮﻱ ﻛﺒﺔ ﺑﺮﻏﻞ
ﺧﻠﻴﺖ ﺍﻟﻤﻲ ﻳﻔﻮﺭ ﻭﺟﻬﺰﺕ ﺍﻟﻜﺒﻪ
ﻭﺧﻠﻴﺖ ﺍﻻﻛﻞ ﺍﻟﻬﻢ
ﺑﺲ ﻣﺠﺒﺖ ﻣﻲ ﻗﺒﻞ ﻟﻴﺤﺠﻲ ﺍﺗﺬﻛﺮﺕ ﺭﺟﻌﺖ ﺻﺎﺣﻨﻲ ﻣﺠﺎﻭﺑﺘﻪ
ﻻﻥ ﻋﺮﻓﺘﻪ ﻉ ﺍﻟﻤﻲ
ﺑﺲ ﺣﻴﻞ ﺿﻮﺟﻨﻲ ﻣﻦ ﻛﻞ ﻟﻨﻮﺭ ﺍﻣﺞ ﻃﺮﻣﻪ
ﻣﺠﺎﻭﺑﺘﻪ ﺟﺒﺖ ﺍﻟﻤﻲ
ﻭﺍﺟﻪ ﻟﻠﻤﻄﺒﺦ ﺑﻘﻪ ﻳﺤﺠﻲ
ﺑﺲ ﻣﺠﺎﻭﺑﺘﻪ
ﻛﻠﺖ ﺧﻠﻲ ﺍﺗﺠﺎﻫﻠﻪ ﺍﻓﻀﻞ
ﻭﻛﻔﺖ ﻳﻢ ﺍﻟﻄﺒﺎﺥ ﻭﻛﺎﻋﺪ ﺍﻃﻠﻊ ﺍﻟﻜﺒﻪ
ﻛﻠﻲ ﻣﺘﺤﺠﻴﻦ
ﻛﺘﻠﻪ ﻣﻮ ﻃﺮﻣﻪ ﻣﺎﺍﺳﻤﻊ
ﺍﺷﻮ ﻫﺬﺍ ﺗﺨﺒﻞ ﻭﮔﻠﺐ ﺍﻟﮕﺪﺭ ﺍﻟﻲ ﺑﻲ ﻣﻲ ﻳﻔﻮﺭ
ﻭﻛﻊ ﻉ ﺍﻳﺪﻱ ﺑﺲ ﺷﻨﻮ ﻛﻤﺖ ﺍﻃﻔﺮ ﻣﺘﺖ ﻣﻦ ﺍﻻﻟﻢ
ﺣﺴﻴﺖ ﺍﻳﺪﻱ ﺍﻧﺸﻠﻊ ﻣﻨﻬﺎ ﺍﻟﺠﻠﺪ
ﺭﻛﻀﺖ ﻟﺒﺮﻩ ﻟﻠﻨﻔﻂ ﻭﺧﻠﻴﺘﻬﺎ ﺍﻻﻳﺪﻱ ﺑﻴﻬﺎ
ﻣﺮﻩ ﺳﺎﻣﻌﻪ ﻣﻦ ﺑﻨﻴﻪ ﺻﺪﻳﻘﺘﻲ ﺗﻜﻮﻝ ﺍﻟﻨﻔﻂ ﺯﻳﻦ ﻟﻠﺠﻮﻱ
ﺳﺎﻟﻮﻧﻲ ﻋﻤﻮ ﻭﺧﺎﻟﻪ
ﻛﺘﻠﻬﻢ ﻭﻛﻊ ﺑﻮﺣﺪﻩ ﻋﻠﻴﻪ
ﻻﻥ ﺧﻔﺖ ﻣﻨﻪ
ﺑﺲ ﻧﻮﺭ ﺧﺒﺮﺗﻬﻢ
ﻫﻤﺰﻳﻦ ﻛﻠﺘﻠﻬﻢ
ﺣﺮﺕ ﻭﻳﻦ ﺍﺧﻠﻲ ﺍﻳﺪﻱ ﻣﻦ ﺍﻻﻟﻢ
بيج قصص عراقيه حقيقيه من واقعنا.روعه الطائي
ﻭﻫﺬﺍ ﺍﻟﻐﺜﻪ ﻭﻻ ﻛﺎﻧﻮ
ﺳﺤﺒﺖ ﻧﻔﺴﻲ ﻭﻋﻔﺖ ﺍﻟﻜﻞ ﻳﺮﺯﻝ ﺑﻲ
ﺳﻮﻟﻔﺖ ﻟﻠﺒﻨﺎﺕ ﻭﺍﺗﺨﺒﻠﻦ
ﻟﺞ ﺩﻳﺮﻱ ﺑﺎﻟﺞ ﺗﺠﺎﻭﺑﻴﻨﻪ ﻭﻫﻮ ﻋﺼﺒﻲ ﻳﻔﻘﺪ
ﺍﺫﺍ ﻋﺼﺐ ﻣﻴﺸﻮﻑ ﺩﺭﺑﻪ ﺍﺑﺪ
ﺑﻘﻴﺖ ﻟﻠﺼﺒﺢ ﻣﻜﺪﺭﺕ ﺍﻧﺎﻡ ﻭﻻ ﻟﺤﻀﻪ ﻭﺣﺪﻩ ﻣﻦ ﺍﻻﻟﻢ
ﺍﺗﻮﺳﻠﻮﺍ ﺑﻴﻪ ﻳﺎﺧﺬﻭﻧﻲ ﻟﻠﻤﺴﺘﺸﻔﻰ ﻭﺍﻧﻲ ﺭﻓﻀﺖ
ﻣﺼﺪﻛﺖ ﺍﻟﺼﺒﺢ ﺻﺎﺭ
ﻛﺪﺭﺕ ﺍﻧﻢ ﻓﺪ ﺳﺎﻋﻪ
ﺑﻌﺪﻫﺎ ﻛﻌﺪﺕ ﻣﻦ ﺍﻻﻟﻢ
ﺭﺟﻊ ﺍﻻﻟﻢ ﻋﻠﻴﻪ ﻗﻮﻱ ﺣﻴﻞ
ﺍﻧﻲ ﺍﻟﺼﺮﺍﺣﻪ ﺧﻔﺖ ﺍﻳﺪﻱ ﺗﺸﻮﻩ ﻣﻦ ﺍﻟﺤﺮﻙ
ﺑﺲ ﺍﻟﺤﻘﻴﻘﻪ ﺍﺗﻔﺎﺟﺄﺕ ﺑﺎﻳﺪﻱ ﺑﺲ ﺣﻤﺮﻩ
ﻣﺎﺍﻋﺮﻑ ﻣﻦ ﺍﻟﻨﻔﻂ ﻣﻦ ﺍﻟﻤﻌﺠﻮﻥ ﺍﺳﻨﺎﻥ ﻟﻮ ﻣﻌﺠﻮﻥ ﺍﻟﻄﻤﺎﻃﻪ ﻟﻮ ﺯﻳﺖ ﺍﻟﺴﻤﺴﻢ
ﻻﻥ ﻣﻦ ﺿﻴﻤﻲ ﺧﻠﻴﺖ ﻣﻨﻬﻦ ﻛﻠﻬﻦ
ﺭﺟﻌﺖ ﻧﻤﺖ ﻭﻛﻌﺪﺕ ﺏ 10 ﺍﺑﻨﻲ ﻳﺒﺠﻲ
ﺣﻴﻞ ﺣﻴﻞ ﻋﺎﻧﻴﺖ ﺑﺎﻟﺮﺿﺎﻋﻪ
ﺟﺎﻧﺖ ﺣﻴﻞ ﺻﻌﺒﻪ ﻋﻠﻴﻪ
ﻛﻮﻩ ﻛﺪﺭﺕ ﺍﻛﻤﻞ ﺭﺿﺎﻋﺘﻪ
ﺑﻌﺪﻫﺎ ﻛﻌﺪ ﻭﺍﻧﻲ ﻧﺰﻟﺖ ﺍﺳﻮﻱ ﺍﻟﻐﺪﻩ
ﻻﻥ ﻣﺤﺪ ﺑﺎﻟﺒﻴﺖ
ﺍﻟﺒﻨﺎﺕ ﻃﺎﻟﻌﺎﺕ ﻣﺎﺍﺩﺭﻱ ﻭﻳﻦ
ﻟﻜﻴﺖ ﺍﻻﻛﻞ ﺟﺎﻫﺰ ﻣﺎﺍﻋﺮﻑ ﻣﻨﻮ ﺍﻟﻄﺎﺑﺦ
ﻭﺻﻠﻴﺖ ﻭﺍﺧﺬﺕ ﺍﺑﻨﻲ ﻭﺻﻌﺪﺕ ﻧﻤﻨﻪ ﺍﺛﻨﻴﻨﻪ
ﺑﻌﺪﻫﺎ ﻛﻌﺪﺕ ﻣﻮﻋﺪ ﺭﺟﻮﻉ ﺍﻟﻐﺜﻪ
ﻧﺰﻟﺖ ﻭﺑﺪﻳﺖ ﺍﺟﻬﺰ ﺍﻟﻐﺪﻩ ﺍﻟﻪ
ﻣﻜﻠﻒ ﻧﻔﺴﻪ ﻭﺳﺎﻝ ﻋﻠﻴﻪ ﻟﻮﺍﻋﺘﺬﺭ
ﻣﺸﺎﻳﻔﻪ ﻫﻴﺞ ﻭﺍﺣﺪ ﻏﺜﻪ ﻭﻣﻐﺮﻭﺭ ﺷﻜﺪ ﻣﻜﺮﻭﻩ
ﻃﻠﺐ ﻣﻨﻲ ﻣﺤﺪ ﻳﺰﻋﺠﻪ ﻟﻮ ﺷﻴﺼﻴﺮ ﻻﻥ ﻳﺮﻳﺪ ﻳﻨﺎﻡ
ﻛﺘﻠﻪ ﻧﻮﻣﻪ ﺑﻼ ﻛﻌﺪﻩ ﺍﻥ ﺷﺎﺀ ﺍﻟﻠﻪ
ﻭﻫﻮ ﻣﻨﻮ ﻳﺘﺠﺮﺃ ﻭﻳﺠﻲ ﻳﻜﻌﺪﻙ
ﺧﺒﺮﺕ ﺍﻟﺒﻨﺎﺕ
ﺍﻟﻴﻮﻡ ﺳﺒﺖ ﻭﺑﺎﻟﻠﻴﻞ ﻳﺠﻮﻥ ﺍﺯﻭﺍﺟﻬﻦ ﻭﻳﺮﺣﻦ
ﺭﺍﺣﻦ ﻟﻼﺳﻮﺍﻕ ﺍﻟﻲ ﻳﻤﻨﻪ
ﻭﻃﻠﺒﺖ ﻣﻨﻬﻦ ﻳﺸﺘﺮﻟﻲ ﻏﺮﺍﺽ ﻣﺤﺘﺎﺟﺘﻬﻦ ﻣﻦ ﺍﻟﺸﺮﻛﻪ
ﻓﻌﻼ ﺭﺍﺣﻦ ﻭﺟﺎﺑﻠﻲ ﻭﺻﻴﺘﻬﻦ ﻉ
ﺧﺒﺰ ﺻﺎﺝ ﻭﺟﺒﻦ ﻣﻮﺯﺭﻻ ﻭﺍﻭﺭﺍﻕ ﺳﻤﺒﻮﺳﻪ ﻭﻓﻨﻜﺮ ﺟﺎﻫﺰ
ﺟﺎﺑﻠﻲ ﻛﻠﺸﻲ ﻃﻠﺒﺘﻪ
ﻭﺻﻦ ﺍﻣﻴﺮ ﻳﺠﻴﺐ ﻛﺺ ﻉ ﻣﻮﺩ ﺣﺸﻮﺓ ﺍﻟﺼﺎﺝ
ﻃﺒﻌﺎ ﺍﻧﻲ ﻣﻤﻨﻮﻉ ﺍﺣﺠﻲ ﻭﻳﺎ ﺍﻣﻴﺮ
ﺟﺎﺑﻠﻲ ﻭﺍﺟﻪ ﺧﻄﻴﻪ ﻣﺘﺠﻨﺒﻲ ﻣﻦ ﻭﺭﻩ ﺍﻟﻤﻐﺮﻭﺭ
ﺑﺪﻳﺖ ﺍﺟﻬﺰ ﺑﺎﻟﺼﺎﺝ ﻭﺍﻟﻤﻘﺒﻼﺕ ﻻﻥ ﺍﻛﻮ ﺧﻄﺎﺭ
ﻛﻤﻠﺖ ﺍﻟﺼﺎﺝ ﻭﺑﻌﺪﻫﺎ ﻛﻤﻠﺖ ﺍﻟﺴﻤﺒﻮﺳﻪ
ﺟﻬﺰﺕ ﻛﺒﺎﺏ ﻭﻛﺒﻪ ﻭﺍﻟﺒﻨﺎﺕ ﻭﻳﺎﻳﻪ ﻳﺴﺎﻋﺪﻧﻲ
ﻃﺒﻌﺎ ﻳﻤﺪﺣﻦ ﻫﻮﺍﻱ ﺑﻄﺒﺨﻲ ﻭﺑﺸﻐﻠﻲ ﻭﻫﺬﺍ ﺍﻟﺸﻲ ﻳﻔﺮﺣﻨﻲ ﻫﻮﺍﻱ
ﻧﻈﻮﺭﻱ ﻧﻌﺲ ﺻﻌﺪﺕ ﺭﺿﻌﺘﻪ ﻭﻧﻴﻤﺘﻪ ﻭﻧﺰﻟﺖ
ﻣﺘﺠﻤﻌﻴﻦ ﻛﻠﻴﺘﻨﻪ ﺑﺎﻟﻤﻄﺒﺦ ﻭﺟﺎﻥ ﻧﻬﺎﻳﺔ ﺍﻟﺸﺘﺎﺀ
ﺍﻟﺠﻮ ﻣﻐﻴﻢ ﻭﺑﺎﺭﺩﻩ ﺑﺲ ﻣﻮ ﻛﻠﺶ
ﻓﺠﺄﻩ ﺑﺪﺕ ﺗﻤﻄﺮ ﺑﺲ ﻗﻠﻴﻞ
ﻉ ﻓﺠﺄﻩ ﻭﺳﻤﻌﻨﻪ ﺻﻮﺕ ﻧﻮﺭ ﺗﺒﺠﻲ ﻭﺗﺼﻴﺢ
ﺭﺩﻧﻪ ﻧﻄﻠﻊ ﻧﺸﻮﻑ ﺷﻜﻮ
ﻭﺟﺎﻥ ﻳﺠﻴﺒﻬﺎ ﺍﺑﻮﻫﺎ ﺳﺤﻞ ﻣﻦ ﺷﻌﺮﻫﺎ
ﻭﻳﻀﺮﺏ ﺑﻴﻬﺎ ﺑﻜﻞ ﻣﻜﺎﻥ
ﺍﻧﻲ ﺭﻭﺣﻲ ﺭﺍﺣﺖ ﻣﻦ ﺷﻔﺘﻪ ﻳﻀﺮﺑﻬﺎ ﺑﻘﺴﻮﻩ
ﻋﻴﻮﻧﻬﺎ ﻋﻠﻴﻪ ﻭﺗﺘﻮﺳﻞ ﺑﻴﻪ
ﻣﺎﻣﺎ ﻓﺪﻭﻩ ﺧﻠﺼﻴﻨﻲ
ﻧﺮﻳﺪ ﻧﻔﻬﻢ ﺷﻜﻮ ﺷﺼﺎﻳﺮ
ﻣﻮﺗﻬﺎ ﺧﻄﻴﻪ
ﺟﺎﻥ ﻳﻜﻠﻬﺎ ﻣﻨﻮ ﻛﻠﺞ ﻫﻴﺞ ﺗﺴﻮﻳﻦ
ﻓﺪﻭﻩ ﺑﺎﺑﺎ ﺑﺲ ﻭﺧﺮ ﻋﻨﻲ
ﺍﺣﺠﻲ ﻣﻨﻮ ﻛﻠﺞ ﻭﺍﻧﻲ ﺍﻋﻮﻓﺞ
ﻳﺒﺎﻭﻉ ﻋﻠﻴﻪ ﻭﻳﺤﺠﻲ
ﺟﺎﻥ ﺗﻜﻮﻝ ﻣﺎﻣﺎ ﺯﻳﻨﺐ ﻛﻠﺘﻠﻲ
ﻭﺟﺎﻥ ﻳﻬﺠﻢ ﻋﻠﻴﻪ ﻣﺜﻞ ﻣﻴﻬﺠﻢ ﺍﻻﺳﺪ ﻉ ﺍﻟﻔﺮﻳﺴﻪ
ﺍﺭﻳﺪ ﺍﻓﻬﻢ ﺷﻨﻮ ﺍﻟﻤﻮﺿﻮﻉ
ﺷﻜﻮ ﺷﺼﺎﻳﺮ
ﻭﺟﺎﻥ ﻳﻜﻮﻝ ........
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﻜﻮ ﻭﺷﺼﺎﻳﺮ ﻭﻧﻮﺭ ﺑﻨﻮ ﺗﻬﻤﺖ ﺯﻳﻨﺐ
ﻟﺘﻨﺴﻮﻥ ﺍﻟﺘﺼﻮﻳﺖ ﺍﺫﺍ ﻋﺠﺒﺘﻜﻢ ﺍﻟﻘﺼﻪ ﺣﺒﺎﻳﺒﻲ
ﺗﺤﻴﺎﺗﻲ ﻟﻠﺠﻤﻴﻊ 😘😘