بين الفقر والطغيان

32-33

#بين_الفقر_والطغيان
بارت٣٢
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 32 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﺣﺒﻴﺒﺎﺗﻲ ﺑﺎﻟﻨﺴﺒﻪ ﻟﺸﺒﻴﻬﺔ ﺯﻳﻨﺐ ﺫﻛﺮﺕ ﺑﺎﻟﺤﻘﻴﻘﻪ ﻫﻮﺍﻱ ﺍﺣﻠﻰ ﻣﺎﻟﻜﻴﺖ ﺍﻟﻬﺎ ﺷﺒﻴﻬﺎ ﺍﺑﺪ ﺑﺲ ﻫﺬﻩ ﺍﻗﺮﺏ ﻭﺣﺪﻩ ﻟﻤﻼﻣﺤﻬﺎ ﺍﻟﻌﻴﻮﻥ ﻧﻔﺴﻬﻦ ﻭﺍﻟﺸﻌﺮ ﻧﻔﺴﻪ ﺑﺲ ﻃﻮﻳﻞ ﻭﺍﻟﺮﺷﺎﻗﻪ ﻧﻔﺲ ﺍﻟﺸﻲ
ﺍﻫﻮﺍﻱ ﻛﺎﻟﻦ ﻋﻠﻴﻬﺎ ﻣﻮ ﺣﻠﻮﻩ ﺗﺒﻘﻰ ﺑﺎﻟﺤﻘﻴﻘﻪ ﺍﺣﻠﻰ ﺑﻬﻮﺍﻱ ﻭﺍﺭﺟﻊ ﻭﺍﻛﻮﻝ ﺍﻟﻨﺎﺱ ﺍﺫﻭﺍﻕ ﻭﻛﻠﻤﻦ ﺍﻟﻪ ﺫﻭﻗﻪ ﺍﻟﺨﺎﺹ
ﻭﺟﺎﻥ ﺍﻧﺼﺪﻡ ﻣﺎﻛﻮ ﻣﺎﻫﻲ ﺑﺎﻟﺤﻤﺎﻡ ‏( ﻟﻴﺶ ﺗﻔﻜﻴﺮﻛﻢ ﻣﻨﺤﺮﻑ ‏) 😂😂😜
ﻋﺒﺎﻟﻜﻢ ﻏﻴﺮ ﺷﻲ
ﻟﻌﺪ ﻭﻳﻦ ﺭﺍﺣﺖ
ﺟﻮﻩ ﻣﺎﻛﻮ ﻛﻠﺖ ﻳﺠﻮﺯ ﻳﻢ ﻓﺎﻃﻤﻪ
ﻋﻔﺘﻬﺎ ﻭﻧﺰﻟﺖ
ﻭﺟﻨﺖ ﺿﺎﻳﺞ ﻻﻥ ﺭﺍﺡ ﺍﺭﻭﺡ ﺑﺪﻭﻥ ﻣﺎﺍﻭﺩﻋﻬﺎ
ﺭﺩﺕ ﺍﻃﻠﻊ ﻣﻦ ﺑﺎﺏ ﺍﻟﻤﻄﺒﺦ
ﻭﺟﺎﻥ ﺍﻧﺼﺪﻡ ﺑﻴﻬﺎ ﻣﺠﻬﺰﺗﻠﻲ ﺍﻟﺮﻳﻮﻙ ﻭﺍﻟﺠﺎﻱ
ﺳﻠﻤﺖ ﻭﺭﺩﺕ ﺍﻟﺴﻼﻡ
ﻓﺮﺣﺘﻲ ﻣﺘﻨﻮﺻﻒ ﺍﺑﺪ
ﻭﺑﻨﻔﺲ ﺍﻟﻮﻗﺖ ﺩﻭﺧﺘﻨﻲ ﺑﺘﺼﺮﻓﺎﺗﻬﺎ
ﻣﻦ ﻧﺎﺣﻴﻪ ﺗﻘﻮﻡ ﺑﻮﺍﺟﺒﻲ ﻭﺷﻨﻮ ﺍﻟﺸﻲ ﺍﻟﻲ ﺍﺣﺒﻪ ﺗﺴﻮﻱ
ﻭﻣﻦ ﺟﻬﺎ ﺛﺎﻧﻴﻪ ﺗﺒﺘﻌﺪ ﻋﻨﻲ ﻭﻣﺘﺮﻳﺪ ﺗﺘﻘﺮﺑﻠﻲ ﺍﺑﺪ
ﻟﻮﻳﺶ ﺗﻌﺒﺘﻲ ﻧﻔﺴﺞ ﻭﺑﺎﻗﻴﻪ ﻟﻬﻴﺞ ﻭﻗﺖ
ﻫﻮ ﺍﻧﻲ ﺍﺻﻼ ﻳﻮﻣﻴﻪ ﺍﺑﻘﻰ ﻛﺎﻋﺪﻩ ﻟﻬﻴﺞ ﻭﻗﺖ
ﺻﺒﺘﻠﻲ ﺟﺎﻱ ﻭﻛﻌﺪﺕ ﺍﺗﺮﻳﻚ ﻭﺍﻧﻲ ﻣﺪﻧﻚ ﺍﺑﺪ ﻣﺎﺑﺎﻭﻋﺘﻠﻬﺎ
ﺑﺲ ﺍﻟﺼﺮﺍﺣﻪ ﻉ ﺍﻋﺼﺎﺑﻲ
ﻛﻤﻠﺖ ﻭﻏﺴﻠﺖ ﻭﺍﺗﺼﻠﻮ ﺑﻴﻪ ﻭﺻﻠﻮﺍ
ﺩﻳﺮﻱ ﺑﺎﻟﺞ ﻉ ﺍﻟﺠﻬﺎﻝ
ﻭﺭﻭﺣﻲ ﻟﻠﺤﻨﻪ ﻭﻟﻠﺰﻭﺍﺝ ﻣﺎﻟﺖ ﻓﺎﻃﻤﻪ
ﺳﻜﺘﺖ ﻣﺤﺠﺖ ﺷﻲ
ﺍﻧﻲ ﻣﺘﺎﻛﺪ ﻣﺮﺍﺡ ﺗﺮﻭﺡ
ﻃﻠﻌﺖ ﻭﺟﺎﻥ ﺗﺼﻴﺢ ﻭﺭﺍﻳﻪ
ﻫﺎﻱ ﺍﻟﻌﻼﻛﻪ ﻧﺴﻴﺘﻬﺎ
ﺍﺧﺬﺗﻬﺎ ﻉ ﺍﻟﺴﺮﻳﻊ ﻭﺧﻠﻴﺘﻬﺎ ﺑﺎﻟﺠﻨﻄﻪ
ﺷﻜﺮﺍ ﻭﺩﻳﺮﻱ ﺑﺎﻟﺞ ﻉ ﻧﻔﺴﺞ ﻭﺍﻟﺠﻬﺎﻝ
ﻃﻠﻌﺖ ﻭﺭﺍﻳﻪ ﻭﺭﺷﺖ ﻣﻲ ﻭﺍﻧﻄﻠﻘﻨﺎ ﻟﻠﺘﺎﺟﻲ
ﻭﺻﻠﻨﻪ ﻭﻓﺘﺤﺖ ﺍﻟﺠﻨﻄﻪ ﺟﻨﺖ ﻣﺘﻠﻬﻒ ﺍﺭﻳﺪ ﺍﺷﻮﻓﻬﺎ ﺷﻤﺨﻠﻴﻪ ﺑﺎﻟﻌﻼﻛﻪ
بيج قصص عراقيه حقيقيه من واقعنا.روعه الطائي
ﺍﻟﻌﻼﻛﻪ ﺣﻴﻞ ﺟﺒﻴﺮﻩ ﻭﺛﻜﻴﻠﻪ
ﻓﺘﺤﺘﻬﺎ ﻭﺟﺎﻧﺖ ﺑﻴﻬﺎ ﻛﻠﻴﺠﻪ ﻛﻤﻴﻪ ﺟﺒﻴﺮﻩ
ﻭﻧﻔﺲ ﻫﺬﺍ ﺍﻟﻲ ﻣﺴﻮﻳﺘﻪ ﻣﺎﺍﻋﺮﻑ ﺍﺳﻤﻪ
ﻭﻣﺨﻠﻴﺘﻠﻲ ﻋﺴﻞ ﻋﻠﺒﻪ ﻭﻟﺐ ﺟﻮﺯ ﻛﻤﻴﻪ
ﺿﺤﻜﺖ ﻫﺎﻟﻤﺮﻩ ﻣﻤﺨﻠﻴﻪ ﻛﺮﺯﺍﺕ
ﺑﺲ ﻭﺍﻟﻠﻪ ﺍﻟﺼﺮﺍﺣﻪ ﺍﺣﺴﻦ ﻣﻦ ﺣﻨﺎﻥ ﺑﻤﻴﺖ ﻣﺮﻩ
ﺣﺘﻰ ﻟﻮ ﺗﻜﺮﻫﻨﻲ ﺍﻫﻢ ﺷﻲ ﺫﻛﺮﺗﻨﻲ
ﺣﻴﻞ ﺍﻓﺮﺣﺖ ﻭﺑﺪﻳﺖ ﺩﻭﺍﻣﻲ ﺑﻨﺸﺎﻁ ﻭﺣﻴﻮﻳﻪ
ﺍﺗﺼﻠﺖ ﺑﻤﺤﻤﺪ ﻭﻃﻤﻨﺘﻪ
ﺑﺪﻩ ﻣﺸﻮﺍﺭ ﻋﻤﻠﻲ ﻭﺧﻠﺼﺖ ﺍﻝ 10 ﺍﻳﺎﻡ ﺑﺘﻌﺐ ﻭﺍﺭﻫﺎﻕ
ﺛﺎﻧﻲ ﻳﻮﻡ ﻛﺎﻥ ﺍﺳﺘﺮﺍﺣﺘﻲ
ﻓﻌﻠﺖ ﺍﻟﻨﺖ
ﺍﺗﺼﻠﺖ ﺑﻴﻬﻢ ﻛﻠﻬﻢ
ﺑﺲ ﻫﻲ ﻻ
ﻛﻠﺖ ﺑﻠﻜﻲ ﺗﺤﻦ ﻋﻠﻴﻪ ﺗﺸﺘﺎﻗﻠﻲ
ﺑﻠﻜﻲ ﻫﻲ ﺍﻟﻲ ﺗﺘﺼﻞ
ﺑﺲ ﻭﻻﻛﺎﻧﻮ
ﻟﻠﻴﻞ ﺍﻧﻲ ﺍﻧﺠﺒﺮﺕ ﺍﺭﺍﺳﻠﻬﺎ
ﻻﻥ ﻣﻴﻨﻄﻴﻨﻲ ﻛﻠﺒﻲ
ﺍﺣﺲ ﻣﺸﺘﺎﻗﻠﻬﺎ ﺣﻴﻞ
ﺍﻟﻮﻭﻭﻭ
ﺍﻟﻮﻭﻭﻭ
ﺷﻠﻮﻧﺞ ﺯﻳﻨﺐ
ﺍﻟﺤﻤﺪ ﻟﻠﻪ ﻭﺍﻧﺖ
ﺗﻤﺎﻡ ﺍﻟﺤﻤﺪ ﻟﻠﻪ
ﺍﻟﺠﻬﺎﻝ ﺷﻠﻮﻧﻬﻢ
ﺯﻳﻨﻴﻦ ﺍﻟﺤﻤﺪ ﻟﻠﻪ
ﺍﺗﺰﻭﺟﺖ ﻓﺎﻃﻤﻪ
ﺍﻱ
ﺭﺣﺘﻲ ﻟﻠﺤﻨﻪ
ﻻ
ﻟﻮﻳﺶ
ﻫﻴﺞ ﻣﻴﻌﺠﺒﻨﻲ ﺍﻃﻠﻊ
ﺍﻟﻌﻦ ﺍﻟﺴﺎﻋﻪ ﺍﻟﺸﻔﺘﺞ ﺑﻴﻬﺎ ﺷﻜﺪ ﻋﻨﻮﺩﻳﻪ ﻟﺨﺎﻃﺮ ﺭﺑﺞ
ﻣﺠﺎﻭﺑﺖ ﺷﻲ
ﺍﻫﻠﺞ ﺷﺎﻟﻮ
ﺍﻱ
ﺍﻛﻴﺪ ﻫﻢ ﻣﺎﺭﺣﺘﻲ ﺍﻟﻬﻢ ﻟﻬﺴﻪ
ﺍﻱ ﻣﺎﺭﺣﺖ
ﻟﻮﻳﺶ ﻳﺎﺑﻪ ﺍﻥ ﺷﺎﺀ ﺍﻟﻠﻪ ﻫﻢ ﺭﺍﺡ ﺗﻘﺎﻃﻌﻴﻦ ﺍﻫﻠﺞ
ﻻ ﻣﻮ ﻫﻴﺞ ﺑﺲ ﻣﻨﺘﻈﺮﺗﻚ ﺗﺮﺍﺳﻠﻨﻲ ﺣﺘﻰ ﺍﻛﻠﻚ ﻭﺍﺭﻭﺡ
بيج قصص عراقيه حقيقيه من واقعنا.روعه الطائي
ﻫﻨﻴﺎﻧﻲ ﻋﻠﻴﺞ ﺍﻱ ﻭﺍﻟﻠﻪ
ﻟﺞ ﺷﻨﻮ ﺍﻧﺖ ﻣﻦ ﻃﻴﻨﻪ
ﺍﻧﻲ ﻣﻮ ﻛﺘﻠﺞ ﺍﺫﺍ ﺷﺎﻟﻮ ﺭﻭﺣﻲ
ﺧﻔﺖ ﻻ ﺗﺴﻮﻳﻠﻲ ﺳﺎﻟﻔﻪ ﻻﻥ ﻣﺎﻛﺘﻠﻚ
ﺍﻟﻠﻬﻢ ﻃﻮﻟﺞ ﻳﺎﺭﻭﺡ
ﻳﻌﻨﻲ ﻣﺘﻌﺮﻓﻴﻦ ﺗﺨﺎﺑﺮﻳﻨﻲ ﺗﺮﺍﺳﻠﻴﻨﻲ ﻟﻮ ﺣﺮﺍﻡ
ﻣﻮ ﻛﻠﺖ ﺧﺎﻑ ﻣﺸﻐﻮﻝ ﻭﻣﺎﻋﻨﺪﻙ ﻣﺠﺎﻝ
ﺍﻱ ﻋﺎﺩﻱ ﺣﺘﻠﻮ ﻣﻦ ﻳﺼﻴﺮ ﻋﻨﺪﻱ ﻣﺠﺎﻝ ﺍﻗﺮﻩ
ﺷﻨﻮ ﺍﻧﺖ ﻣﺘﻀﻮﺟﻴﻦ ﻣﻦ ﻛﻌﺪﺕ ﺍﻟﺒﻴﺖ
ﺑﺲ ﺍﻟﻠﻪ ﺍﻟﻴﻌﻠﻢ ﺷﻜﺪ ﻋﺎﻧﻴﺖ ﻭﺷﻜﺪ ﺍﺗﺎﺫﻳﺖ ﻣﻦ ﻛﻌﺪﺕ ﺍﻟﺒﻴﺖ
ﺑﺲ ﺍﻛﺪﺭ ﺍﻛﻮﻝ ﻫﺴﻪ ﺍﺗﻌﻮﺩﺕ ﻭﻛﺮﻫﺖ ﺍﻟﻄﻠﻌﻪ
ﺷﻨﻮ ﻧﺴﻴﺖ ﻧﻔﺴﻚ ﻣﻦ ﻣﻨﻌﺘﻨﻲ ﺍﻃﻠﻊ ﻣﻦ ﺍﻟﺒﺎﺏ
ﺷﻨﻮ ﺍﻟﻐﻴﺮﻙ ﻫﺴﻪ
ﻭﻟﻮ ﻳﻤﻜﻦ ﺟﻨﺖ ﻓﻜﺮ ﺑﻨﺖ ﻓﻜﺮ ﻣﺎﺍﻟﻲ ﺣﻖ ﺍﻃﻠﻊ
ﺑﺲ ﻫﺴﻪ ﻣﻦ ﺗﺤﺴﻨﺖ ﺣﺎﻟﺘﻨﻪ ﺍﺧﺘﻠﻒ ﺍﻟﻮﺿﻊ
ﺍﺣﺴﻬﺎ ﺳﺠﻴﻨﻪ ﻭﺩﺟﺘﻨﻲ ﺑﻴﻬﺎ
ﺻﺪﻙ ﺍﻧﻲ ﻣﻨﻌﺘﻬﺎ ﻻﻥ ﺟﻨﺖ ﺍﺷﻚ ﺑﻴﻬﺎ ﺑﺎﻟﺒﺪﺍﻳﻪ ﻭﺑﻌﺪﻫﺎ ﻛﻤﺖ ﺍﻏﺎﺭ ﻣﺎﺍﺣﺐ ﺍﺣﺪ ﻳﺸﻮﻓﻬﺎ ﻣﻮ ﻻﻥ ﻓﻘﻴﺮﻩ ﻭﺍﻟﻠﻪ
ﺟﺎﻭﺑﺘﻬﺎ
ﺧﻞ ﻳﻜﻮﻥ ﺑﻌﻠﻤﺞ ﺍﺧﺮ ﻫﻤﻲ ﺍﻟﻔﻠﻮﺱ
ﻣﺘﻬﻤﻨﻲ ﺍﺑﺪ
ﺑﺲ ﺟﻨﺖ ﺑﺎﻟﻨﺴﺒﻪ ﺍﻟﻴﻪ ﻏﺎﻣﻀﻪ
ﻭﻣﺎﺍﻋﺮﻑ ﻋﻼﻗﺘﺞ ﺑﺎﺧﻮﻳﻪ ﺍﻟﻠﻪ ﻳﺮﺣﻤﻪ ﺷﻨﻮ
ﻣﻦ ﻋﺮﻓﺖ ﺍﻟﺤﻘﻴﻘﻪ ﺗﻐﻴﺮﺕ ﻧﻈﺮﺗﻲ ﺍﻟﺞ
ﻣﻮ ﺍﻟﻔﻠﻮﺱ ﺍﻟﻐﻴﺮﺗﻨﻲ
ﺑﺲ ﺍﻧﻲ ﺑﺎﻟﻨﺴﺒﻪ ﺍﻟﻲ ﻣﺮﺍﺡ ﻳﺘﻐﻴﺮ ﺷﻲ
ﻻﺑﻌﻼﻗﺘﻲ ﻭﻳﺎﻙ ﻭﻻ ﺑﺎﻟﻄﻠﻌﻪ
ﺍﺑﻘﻰ ﺑﺎﻟﻨﺴﺒﻪ ﺍﻟﻚ ﻓﻜﺮ ﺑﻨﺖ ﺍﻟﻔﻜﺮ ﻭﺫﻳﺞ ﺍﻟﺴﺎﻗﻄﻪ ﺍﻟﻲ ﺍﻫﻢ ﺷﻲ ﻋﺪﻫﺎ ﺍﻟﻔﻠﻮﺱ
ﻭﻟﺘﻨﺴﻰ ﺍﻧﻲ ﺍﻟﻜﺬﺏ ﻋﻨﺪﻱ ﻳﻤﺸﻲ ﻭﻱ ﺩﻣﻲ
ﺗﺪﺭﻳﻦ ﺑﻨﻔﺴﺞ ﺍﻟﻲ ﻳﺤﺠﻲ ﻭﻳﺎﺝ ﺗﺰﻳﺪﻳﻦ ﻫﻤﻪ ﻭﺗﻜﺼﺮﻳﻦ ﻋﻤﺮﻩ
ﻣﺘﺮﻳﺤﻴﻨﻪ ﺍﺑﺪ
ﻟﺞ ﻭﺍﻟﻠﻪ ﺻﺎﺭﻟﻲ 10 ﺍﻳﺎﻡ ﺑﺎﻟﻈﻴﻢ
ﻭﺣﺒﻴﺖ ﺍﺣﺠﻲ ﻭﻳﺎﺝ ﺣﺘﻰ ﻳﺨﻒ ﻫﻤﻲ ﻭﺗﻌﺒﻲ
ﺑﺲ ﺍﻧﺖ ﺑﺎﻟﻌﻜﺲ ﺯﺩﺗﻴﻠﻲ ﻫﻤﻲ
بيج قصص عراقيه حقيقيه من واقعنا.روعه الطائي
ﻛﺘﻠﺞ ﺍﺳﻒ ﻭﺍﻟﻠﻪ ﺍﺳﻒ
ﻭﺩﺍﻋﺖ ﻧﻈﻮﺭﻱ ﻣﺘﻨﺪﻡ ﺣﻴﻞ ﻉ ﺍﻟﺴﻮﻳﺘﻪ ﺑﻴﺞ
ﺍﺗﻤﻨﻰ ﺗﺴﺎﻣﺤﻴﻨﻲ
ﻫﻴﺞ ﺍﺑﺴﺎﻃﻪ
ﺗﺬﻛﺮ ﻣﻦ ﺗﻬﻤﺘﻨﻲ ﺑﺎﻟﺴﺮﻗﻪ
ﺗﺬﻛﺮ ﻣﻦ ﻃﺮﺩﺗﻨﻲ ﻣﻦ ﺍﻟﺒﻴﺖ
ﻟﻮ ﻻ ﻫﺎﻱ ﻛﻠﻬﺎ ﻫﻴﺞ
ﺗﺬﻛﺮ ﻣﻦ ﻣﻦ ﺿﻐﻄﺖ ﻉ ﻧﻔﺴﻲ ﻭﺍﻋﺼﺎﺑﻲ
ﻭﺑﺪﻟﺖ ﻭﺍﺟﻴﺖ ﻭﻗﺮﺭﺕ ﺍﻓﺘﺢ ﺻﻔﺤﻪ ﻭﻳﺎﻙ
ﻟﺨﺎﻃﺮ ﺍﻟﺠﻬﺎﻝ
ﻭﺍﻧﺖ ﺷﺴﻮﻳﺖ ﻫﻨﺘﻨﻲ ﻭﻃﺮﺩﺗﻨﻲ ﻭﻓﻀﺤﺘﻨﻲ ﻛﺪﺍﻡ ﺍﻟﻜﻞ
ﺗﺬﻛﺮ ﻣﻦ ﻛﺘﻠﻲ ﺍﻧﺖ ﻣﺘﺼﻠﺤﻴﻦ ﻻ ﺍﻡ ﻭﻻ ﺯﻭﺟﻪ
ﻓﻌﻼ ﺑﻬﺎﻱ ﻭﻳﺎﻙ ﺣﻖ
ﺍﻧﻲ ﺍﺻﻠﺢ ﻣﺮﺑﻴﻪ ﻭﺑﺲ
ﻻﻥ ﺻﺪﻙ ﻣﺴﺘﺤﻴﻞ ﺍﺻﻠﺢ ﺯﻭﺟﻪ ﻻﻥ ﻫﺎﻱ ﺍﻟﺴﺎﻟﻔﻪ ﻣﺎﺍﺑﺎﻟﻲ ﺍﺑﺪ
ﻟﻮ ﺗﺬﻛﺮ ﻣﻦ ﺗﺸﻚ ﺑﻴﻪ ﻭﻱ ﺍﺧﻮﺗﻚ ﺗﺨﺎﻑ ﺍﺣﺎﻭﻝ ﺍﺳﻮﻱ ﻋﻼﻗﻪ ﻭﻳﺎﻫﻢ
ﺍﻧﺖ ﺣﺘﻰ ﻟﺒﻴﺖ ﻣﺤﻤﺪ ﻣﺘﻘﺒﻞ ﺍﺭﻭﺡ
ﺷﺎﺗﺮﺟﻰ ﻣﻨﻚ ﺑﻌﺪ
ﻟﻌﺪ ﺷﻜﺪ ﺣﺎﻗﺪﻩ ﻋﻠﻴﻪ ﺍﻧﺖ ﻭﺗﻜﻮﻟﻴﻦ ﻣﺴﺎﻣﺤﺘﻚ
ﺍﻱ ﻣﺴﺎﻣﺤﺘﻚ ﺻﺪﻙ ﻣﺠﺬﺑﺖ ﻋﻠﻴﻚ
ﺑﺲ ﻣﻮ ﻣﻌﻨﺎﻫﺎ ﺍﺗﻘﺒﻠﻚ ﺯﻭﺝ ﺍﻟﻲ ﺣﻘﻴﻘﻲ
ﻻ ﺍﻧﺖ ﺑﺎﻟﻨﺴﺒﻪ ﺍﻟﻲ ﺍﺑﻮ ﻻﺑﻨﻲ ﻭﺑﺲ
ﻳﻌﻨﻲ ﻫﺬﺍ ﺍﺧﺮ ﻛﻼﻡ ﻋﻨﺪﺝ
ﺍﻱ ﺍﺧﺮ ﻛﻼﻡ
ﻭﻟﺘﺸﻮﻓﻨﻲ ﻣﻌﺎﻣﻠﺘﻲ ﻭﻳﺎﻙ ﻫﻴﺞ
ﻭﺍﻟﻠﻪ ﻭﻱ ﺍﻟﻜﻞ ﺍﻧﻲ ﻫﻴﺞ
ﺍﻟﺼﺮﺍﺣﻪ ﺍﻧﺖ ﻭﺍﺧﻮﻙ ﺣﻮﻟﺘﻮﻧﻲ ﻟﺤﻄﺎﻡ
ﺧﻠﻴﺘﻮﻧﻲ ﺷﺒﻪ ﺍﻧﺴﺎﻧﻪ
ﺧﻠﻴﺘﻮ ﺣﻴﺎﺗﻲ ﺑﺪﻭﻥ ﻣﻌﻨﻰ
ﺍﻟﺸﻲ ﺍﻟﻮﺣﻴﺪ ﺍﻟﺤﻠﻮ ﺑﺤﻴﺎﺗﻲ
ﻧﻈﻮﺭﻱ ﻭﻧﻮﺭ
ﺍﻟﺼﺮﺍﺣﻪ ﺣﻴﻞ ﺿﺎﻳﺞ ﻣﻦ ﻧﻔﺴﻲ
ﺻﺪﻙ ﺣﺠﻴﻬﺎ ﺻﺤﻴﺢ
ﺍﻧﻲ ﺍﺑﺪ ﻣﺎﺍﺳﺘﺎﻫﻠﻬﺎ
ﻣﺸﻜﻠﺘﻲ ﺍﻏﺎﺭ ﻋﻠﻴﻬﺎ ﻏﻴﺮﻩ ﻣﻮ ﻃﺒﻴﻌﻴﻪ
ﻭﻋﺸﻘﺘﻬﺎ ﻋﺸﻖ ﺧﻴﺎﻟﻲ
بيج قصص عراقيه حقيقيه من واقعنا.روعه الطائي
ﺍﻛﻮﻡ ﺍﻛﻌﺪ ﺻﻮﺭﺗﻬﺎ ﻛﺒﺎﻟﻲ
ﺍﻛﻞ ﺍﺷﺮﺏ ﻫﻲ ﺍﺑﺎﻟﻲ
ﺑﻌﺪ ﻣﻜﺪﺭﺕ ﺍﺟﺎﻭﺑﻬﺎ
ﻛﻤﺖ ﺑﺲ ﺍﺷﺮﺏ ﺟﻜﺎﻳﺮ
ﻫﺎﻟﻤﺮﻩ ﺗﺨﺘﻠﻒ ﻋﻦ ﺍﻭﻝ ﺍﻟﺘﺤﺎﻗﻲ
ﺟﻨﺖ ﻣﺘﻠﻬﻒ ﺍﺷﻮﻓﻬﺎ
ﻣﺸﺘﺎﻗﻠﻬﺎ ﺣﻴﻞ
ﺑﺲ ﻫﺴﻪ ﻻ ﺣﻴﻞ ﺧﺠﻼﻥ ﻣﻨﻬﺎ
ﻭﺍﺳﺘﺤﻲ ﺍﺭﻭﻳﻬﺎ ﻭﺟﻬﻲ
ﺭﺍﺳﻠﺖ ﺍﻣﻴﺮ ﻭﺟﺎﻥ ﻣﺴﺎﻓﺮ
ﺍﻣﻲ ﻭﺍﺑﻮﻱ ﻭﺣﻨﺎﻥ ﺣﺎﺟﺰﻳﻦ ﺑﻴﻮﻡ ﻧﺰﻭﻟﻲ ﻳﺴﺎﻓﺮﻭﻥ
ﺍﻡ ﺣﻨﺎﻥ ﻭﺍﺑﻮﻫﺎ ﻭﺍﺧﺘﻬﺎ ﻭﻳﺎﻫﻢ
ﺯﻳﻨﺐ : ﻣﻦ ﺣﺠﻴﺖ ﻭﻱ ﺣﻴﺪﺭ ﻛﺎﻡ ﻳﺘﺠﻨﺒﻨﻲ
ﻭﻛﻤﺖ ﺍﺷﻮﻓﻪ ﺻﺪﻓﻪ ﺑﺎﻟﺒﻴﺖ
ﺑﻴﻦ ﺍﻟﻀﺎﻳﺠﻪ ﻭﺑﻴﻦ ﺍﻟﻔﺮﺣﺎﻧﻪ
ﻓﺮﺣﺎﻧﻪ ﻻﻥ ﻣﺎﺍﺣﺐ ﻳﺘﻘﺮﺑﻠﻲ ﻭﻻ ﺍﺣﺐ ﻳﺠﺒﺮﻧﻲ ﺍﻃﻠﻊ ﻭﻳﺎ
ﺑﺲ ﺿﺎﻳﺠﻪ ﻣﺎﺍﻋﺮﻑ ﻟﻮﻳﺶ ﺑﺎﻟﻀﺒﻂ ﻳﻤﻜﻦ ﻻﻥ ﺍﺗﺠﺎﻫﻠﻨﻲ
ﻛﺎﻡ ﻳﻄﻠﻌﻬﻢ ﻟﻠﺠﻬﺎﻝ ﻭﻣﺘﺠﺎﻫﻠﻨﻲ ﻭﻻ ﻛﺎﻧﻮ ﻣﻮﺟﻮﺩﻩ
ﻗﺮﺏ ﻣﻮﻋﺪ ﺍﻟﺘﺤﺎﻗﻪ
ﻭﻛﻠﺖ ﺧﻄﻴﻪ ﺳﻮﻳﺘﻠﻪ ﻛﻠﻴﺠﻪ ﻭﻛﺮﻭﺳﺎﻥ
ﺑﺲ ﻣﺨﻠﻴﺖ ﻛﺮﺯﺍﺕ
ﻋﺒﺎﻟﻲ ﻳﺮﺍﺳﻠﻨﻲ ﻟﻮ ﻳﺼﻌﺪ ﻳﻤﻲ ﻭﻳﺤﺠﻲ ﻭﻳﺎﻳﻪ
ﺑﺲ ﻭﻻ ﻛﺎﻧﻮ
ﺟﻬﺰﺗﻠﻪ ﻛﻠﺸﻲ ﻭﺍﻧﺘﻈﺮﺗﻪ ﻟﻼﺫﺍﻥ ﺻﻠﻴﺖ ﻭﺧﻠﺼﺖ
ﺍﺧﺬﺕ ﺍﻟﻌﻼﻛﻪ ﻭﻧﺰﻟﺖ
ﺑﺲ ﻣﺎﺍﻟﻪ ﺣﺲ ﻳﻤﻜﻦ ﺍﻟﺘﺤﻖ ﺣﻴﻞ ﺿﺠﺖ
ﺣﺘﻰ ﺍﻟﺮﻳﻮﻙ ﺟﻬﺰﺗﻪ ﺍﻟﻪ
ﻳﻌﻨﻲ ﺣﺘﻰ ﻣﻜﻠﻒ ﻧﻔﺴﻪ ﻭﻭﻋﺪﻧﻲ ﺍﻧﻲ ﻭﺍﻟﺠﻬﺎﻝ 😔😔😔
ﻟﺤﻀﺎﺕ ﻭﺩﺧﻞ ﺣﻴﻞ ﺍﻓﺮﺣﺖ
ﺍﺗﺮﻳﻚ ﻭﻭﺻﺎﻧﻲ ﻉ ﺍﻟﺠﻬﺎﻝ ﻭﺍﻟﺘﺤﻖ
ﺑﻌﺪﻫﺎ ﺻﻌﺪﺕ ﻧﻤﺖ ﻣﺮﺗﺎﺣﻪ
ﺍﻟﻐﺪﻩ ﺏ 3 ﻳﻮﻣﻴﻪ ﺣﺘﻰ ﻋﻤﻮ ﻭﺧﺎﻟﻪ
ﺍﻛﻌﺪ ﺏ 1 ﺍﺟﻬﺰ ﻛﻠﺸﻲ
ﻣﺎﺍﺗﻌﺐ ﺣﻴﻞ ﻣﻮ ﻣﺜﻞ ﻗﺒﻞ
ﻗﺮﺏ ﻣﻮﻋﺪ ﺯﻭﺍﺝ ﻓﺎﻃﻤﻪ
ﻭﺍﻟﻜﻞ ﻳﺠﻬﺰ ﻭﻣﺨﺒﻮﺹ ﺍﻟﻪ ﺍﻧﻲ
بيج قصص عراقيه حقيقيه من واقعنا.روعه الطائي
ﻫﺎﻟﻤﺮﻩ ﻛﻠﺸﻲ ﻣﺠﻬﺰﻧﻪ ﻛﻠﻪ ﻋﻠﻴﻬﻢ
ﻭﺍﻟﺤﻨﻪ ﺑﺎﻟﻘﺎﻋﻪ
ﺍﻧﻲ ﺭﻓﻀﺖ ﺍﺭﻭﺡ ﻟﻠﺤﻨﻪ
ﺍﺣﺲ ﺍﻛﻮ ﺷﻲ ﺑﺪﺍﺧﻠﻲ ﻣﻜﺴﻮﺭ
ﻣﺎﺍﻟﻲ ﻭﺍﻫﺲ ﻟﻜﻠﺸﻲ
ﻻﺍﺣﺐ ﺍﻃﻠﻊ ﻭﻻ ﺍﻣﺸﻲ ﻻﻱ ﻣﻜﺎﻥ ﺑﺲ ﻻﻫﻠﻲ
ﺣﺴﻴﺖ ﺑﻨﻔﺴﻲ ﻣﻜﺴﻮﺭﻩ
ﻭﺣﻴﺎﺗﻲ ﻻ ﺷﻲﺀ
ﻣﺎﻋﻨﺪﻱ ﻫﺪﻑ ﻣﻌﻴﻦ ﺍﺑﺪ
ﻭﻻ ﻋﻨﺪﻱ ﺣﻠﻢ
ﻫﻮﺍﻱ ﺍﺗﻮﺳﻠﻮﺍ ﺑﻴﻪ ﺑﺲ ﺍﻧﻲ ﺭﻓﻀﺖ
ﺍﺻﻼ ﻣﺎﺍﺣﺐ ﺍﺭﻭﺡ ﺣﺘﻰ ﻣﺎﺍﺿﻮﺝ
ﺍﺷﻮﻑ ﺍﻟﻜﻞ ﻓﺮﺣﺎﻥ ﻭﺍﻧﻲ ﻻ
ﺍﻟﻜﻞ ﺍﻟﻬﺎ ﺣﻖ ﺗﻄﻠﻊ ﻭﻋﺎﻳﺸﻪ ﺣﻴﺎﺓ ﻃﺒﻴﻌﻴﻪ
ﻭﺍﻧﻲ ﻣﺒﻮﺷﻪ ﻭﺟﻬﻲ ﻭﻻﻋﺒﺎﻟﻚ ﻣﺘﺰﻭﺟﻪ ﻟﺤﺪ ﺍﻻﻥ ﻣﻤﻨﻀﻔﺘﻪ ﻣﻦ ﺍﻟﺸﻌﺮ
ﻭﻟﺒﺴﻲ ﻛﻠﻪ ﻣﺎﻟﺖ ﻋﺠﺎﻳﺰ
ﺣﺘﻰ ﺣﻠﻘﻪ ﻣﻼﺑﺴﻪ ﻭﻻﻋﻨﺪﻱ ﺍﻱ ﻗﻄﻌﺔ ﺫﻫﺐ
ﻣﻤﻨﻮﻉ ﻋﻠﻴﻪ ﺍﻟﺒﺲ ﺍﺣﻤﺮ ﻭﻻ ﻭﺭﺩﻱ ﻭﻻ ﺑﻨﻔﺴﺠﻲ ﻭﻻ ﺟﻮﻳﺘﻲ
ﺍﻟﻤﻦ ﺍﺭﻭﺡ ﺣﺘﻰ ﺍﻟﻜﻞ ﻳﻀﺤﻚ ﻋﻠﻴﻪ
ﻫﺎﻱ ﻣﺮﺓ ﺣﻴﺪﺭ ﺍﻟﻲ ﺍﺗﺰﻭﺝ ﻋﻠﻴﻬﺎ ﻻﻥ ﻣﺘﺼﻠﺢ ﺗﻜﻮﻥ ﺯﻭﺟﻪ ﻭﻻ ﺍﻡ
ﺍﻟﻜﻞ ﺭﺍﺣﻦ ﻟﻤﺮﻛﺰ ﺗﺠﻤﻴﻞ
ﺣﻴﻞ ﺍﺿﻮﺝ ﻣﻦ ﺍﺷﻮﻑ ﺣﻨﺎﻥ ﻳﺨﻠﻴﻬﺎ ﺗﻄﻠﻊ ﻭﺗﻤﺸﻲ ﻭﺍﻧﻲ ﻻ
ﺣﺎﺭﻣﻨﻲ ﻣﻦ ﺍﺑﺴﻂ ﺣﻘﻮﻗﻲ
ﺍﻟﺼﺮﺍﺣﻪ ﺍﻛﻮ ﺣﻮﺍﺟﺰ ﻫﻮﺍﻳﻪ ﺑﻴﻨﻲ ﻭﺑﻴﻦ ﺣﻴﺪﺭ
ﻫﻲ ﺍﻟﻲ ﺗﻤﻨﻌﻨﻲ ﺍﺧﻠﻲ ﺯﻭﺝ ﺣﻘﻴﻘﻲ ﺍﻟﻲ
ﺭﺍﺣﻮ ﻭﺭﺟﻌﻮﺍ ﺑﺎﻟﻠﻴﻞ ﻭﺟﺎﻧﺖ ﻃﺎﻟﻌﻪ ﺗﺨﺒﻞ
ﺭﺍﻭﺗﻨﻲ ﺍﻟﺘﺼﻮﻳﺮ ﻛﻠﻪ
ﻟﻐﻮﺍ ﺍﻟﻔﻜﺮﻩ ﺑﻨﻔﺲ ﺍﻟﻴﻮﻡ ﺣﻨﻪ ﻭﺯﻭﺍﺝ
ﺛﺎﻧﻲ ﻳﻮﻡ ﺍﻟﺰﻭﺍﺝ
ﺍﺟﺘﻲ ﻣﻦ ﺍﻟﺼﺎﻟﻮﻥ
ﻭﺷﻔﺘﻬﺎ ﻭﺑﻮﺳﺘﻬﺎ ﻭﺑﺎﺭﻛﺘﻠﻬﺎ ﻭﺻﻌﺪﺕ
ﺣﺴﻴﺖ ﺑﻮﺣﺪﻩ ﻣﻮ ﻃﺒﻴﻌﻴﻪ
ﺟﺎﻧﺖ ﻋﻼﻗﺘﻨﻪ ﻗﻮﻳﻪ
ﺛﺎﻧﻲ ﻳﻮﻡ ﺳﺎﻓﺮﻭﺍ
ﺧﺎﻟﻪ ﺗﺒﺠﻲ ﻋﻠﻴﻬﺎ
ﻭﺗﻜﻮﻝ ﺟﻨﺖ ﻣﻔﺎﺭﻛﻪ ﻭﺍﺣﺪ ﺻﺮﺕ ﺍﺛﻨﻴﻦ
بيج قصص عراقيه حقيقيه من واقعنا.روعه الطائي
ﺗﻘﺼﺪ ﺣﻴﺪﺭ
ﻣﺎﺍﻋﺮﻑ ﻟﻮﻳﺶ ﻣﻦ ﺣﻴﺪﺭ ﻣﻠﺘﺤﻖ ﺍﺣﺲ ﺍﻟﺪﻧﻴﻪ ﻓﺎﻫﻴﻪ
ﻣﺎﺍﻟﻬﺎ ﻣﻌﻨﻰ
ﻣﺎﺍﻋﺮﻑ ﺷﺎﺳﻮﻱ ﺑﺎﻟﻮﻗﺖ
ﻭﺭﻩ ﻳﻮﻣﻴﻦ ﺍﻫﻠﻲ ﺍﺟﻮﻱ ﻟﺒﻴﺘﻬﻢ
ﻭﺑﺪﻭﺍ ﻳﺮﺗﺒﻮﻥ
ﻃﻠﺒﻮﺍ ﻣﻨﻲ ﺍﺟﻲ ﻳﻤﻬﻢ ﺑﺲ ﺍﻧﻲ ﺭﻓﻀﺖ
ﻛﻠﺖ ﺍﻛﻞ ﻟﺤﻴﺪﺭ ﻳﻠﻪ
ﺍﺧﺎﻑ ﻳﺴﻮﻳﻠﻲ ﺳﺎﻟﻔﻪ
ﻛﺘﻠﻬﻢ ﺑﺲ ﺍﻛﻮﻝ ﻟﺤﻴﺪﺭ ﺍﺟﻴﻜﻢ
ﺍﺗﻤﻨﻴﺖ ﺑﺲ ﻳﺨﺎﺑﺮﻧﻲ ﻟﻮ ﻳﺮﺍﺳﻠﻨﻲ
ﻻﻥ ﺣﻴﻞ ﻣﺨﻨﻮﻛﻪ ﻣﺤﺘﺎﺟﻪ ﺍﻃﻠﻊ
ﻃﺒﻌﺎ ﻣﻨﻄﻴﻦ ﺍﻟﺴﻴﺎﺭﻩ ﻟﺒﺎﺑﺎ
ﻛﻠﻲ ﺍﻧﻲ ﺍﺟﻴﻜﻢ ﺍﺫﺍ ﺗﺮﺩﻳﻦ ﺗﺠﻴﻦ
ﺍﻣﻴﺮ ﺳﺎﻓﺮ ﻫﻮ ﻭﺯﻭﺟﺘﻪ
ﺣﺴﻴﺖ ﺑﺨﻨﻜﻪ ﻣﻮ ﻃﺒﻴﻌﻴﻪ
ﻻﻥ ﻣﺎﻛﻮ ﺍﺣﺪ ﺑﻌﺪ ﻳﻠﻬﻴﻨﻲ
ﺟﻨﻪ ﻧﻜﻌﺪ ﻭﻧﺴﻮﻟﻒ ﺍﻧﻲ ﻭﻫﻲ ﻭﻓﺎﻃﻤﻪ
ﺳﺠﻠﻮﺍ ﻭﻱ ﺣﻤﻠﻪ ﻋﻤﻮ ﻭﺧﺎﻟﻪ ﻭﺣﻨﺎﻥ ﻻﻳﺮﺍﻥ
ﻣﺪﺓ 16 ﻳﻮﻡ ﺣﺘﻰ ﻟﻠﺸﻤﺎﻝ ﻳﺮﻭﺣﻮﻥ
ﺻﺎﺭﻟﻪ 11 ﻳﻮﻡ ﻣﻦ ﺍﻟﺘﺤﻖ
ﺑﺎﻟﻠﻴﻞ ﻭﺭﺍﺳﻠﻨﻲ ﺣﻴﻞ ﺍﻓﺮﺣﺖ ﻭﻋﺒﺎﻟﻚ ﺭﺩﺕ ﺭﻭﺣﻲ ﺍﻟﻲ
ﺑﺲ ﺣﺴﻴﺘﻪ ﻫﻴﺞ ﺍﻟﻤﻮﺍﺟﻊ ﻋﻠﻴﻪ
ﺣﺴﻴﺖ ﻧﻔﺴﻲ ﻟﻌﺒﻪ ﺑﻴﻦ ﺍﺩﻱ
ﺷﻮﻛﺖ ﻣﻴﻌﺠﺒﻪ ﻳﺮﻣﻴﻨﻲ
ﻭﺷﻮﻛﺖ ﻣﻴﻌﺠﺒﻪ ﻳﻘﺮﺑﻨﻲ
ﺍﻧﻲ ﻣﺘﺎﻛﺪﻩ ﻣﻨﻪ ﻣﻦ ﺟﻨﺖ ﻓﻘﻴﺮﻩ ﻭﺣﺎﻟﺘﻨﻪ ﻉ ﻛﺪﻧﻪ
ﻣﻴﺸﺮﻓﻪ ﺍﻛﻮﻥ ﺯﻭﺟﺘﻪ
ﻭﻻ ﻋﺮﻓﻨﻲ ﻉ ﺍﺣﺪ ﻣﻦ ﺍﻗﺮﺑﺎﺋﻬﻢ
ﺩﺍﺋﻤﺎ ﻣﻦ ﻳﺠﻮﻧﻬﻢ ﺍﺧﺘﻔﻲ
ﺍﺧﺎﻑ ﺍﺣﺪ ﻳﻌﺮﻓﻨﻲ
ﺑﺲ ﻫﺴﻪ ﻣﻦ ﺭﺟﻌﻮ ﺑﻴﺖ ﺟﺪﻭﺍ ﺣﻖ ﺑﺎﺑﺎ
ﻭﺻﺮﻧﻪ ﺯﻳﻨﻴﻦ
ﺑﺪﻩ ﻳﺘﻘﺮﺏ ﻋﻠﻴﻪ ﺣﺘﻰ ﻳﺘﺒﺎﻫﺎ ﻛﺪﺍﻡ ﺍﻟﻨﺎﺱ
ﻣﺴﺘﺤﻴﻞ ﺣﻴﺪﺭ ﻳﺤﺒﻨﻲ ﻟﻮ ﻳﻔﻜﺮ ﻳﺤﺐ
ﻫﻮ ﺍﻧﺴﺎﻥ ﻣﻐﺮﻭﺭ ﻭﺍﻧﺎﻧﻲ ﻳﺤﺐ ﻧﻔﺴﻪ ﻭﺑﺲ
ﻭﺍﻻﻫﻢ ﻣﻦ ﻫﺬﺍ ﻛﻠﺸﻲ ﻳﺸﺮﺏ
ﻭﻳﺪﻭﺭ ﺑﻨﺎﺕ ﻟﻴﻞ
بيج قصص عراقيه حقيقيه من واقعنا.روعه الطائي
ﺍﺑﺪ ﻣﻮ ﻣﻦ ﺛﻮﺑﻲ ﻫﻮ
ﺍﻧﻲ ﻻﺯﻡ ﺍﻓﻜﺮ ﺑﻨﻔﺴﻲ ﻟﺤﺪ ﻫﻨﺎ ﻭﻛﺎﻓﻲ
ﺩﻓﻨﺖ ﻧﻔﺴﻲ ﻋﺪﻟﻪ
ﻻﺯﻡ ﺍﺩﺍﻋﻲ ﺑﺤﻘﻮﻗﻲ
ﺍﺭﻳﺪ ﺍﻛﻤﻞ ﺩﺭﺍﺳﺘﻲ ﻭﺍﺷﻮﻑ ﻣﺴﺘﻘﺒﻠﻲ
ﻭﺍﻟﺒﻮﺷﻴﻪ ﻻﺯﻡ ﺍﻧﺰﻋﻬﺎ
ﺍﺭﻳﺪ ﺍﺧﺬ ﺣﺮﻳﺘﻲ ﺍﻃﻠﻊ ﺍﻣﺸﻲ ﺣﺎﻟﻲ ﺣﺎﻝ ﺍﻟﺒﻘﻴﻪ
ﻣﻦ ﻳﺮﺟﻊ ﺍﻓﺘﺢ ﺍﻟﻤﻮﺿﻮﻉ ﻭﻳﺎ ﻭﺍﺫﺍ ﻣﻘﺒﻞ
ﺍﻃﻠﺐ ﺍﻟﻄﻼﻙ ﻭﺷﻴﺮﻳﺪ ﻳﺼﻴﺮ ﺧﻞ ﻳﺼﻴﺮ
ﺍﻛﻴﺪ ﺍﺫﺍ ﻳﺤﺒﻨﻲ ﻣﺜﻞ ﻣﻴﺪﻋﻲ ﺭﺍﺡ ﻳﻨﻔﺬ ﺍﻟﻲ ﻃﻠﺒﺎﺗﻲ
ﻭﻫﺎﻱ ﺍﺑﺴﻂ ﺷﻲ ﺍﺩﺍﻋﻲ ﺑﻴﻬﻦ
ﺛﺎﻧﻲ ﻳﻮﻡ ﺧﺒﺮﺕ ﺑﺎﺑﺎ ﻳﺠﻴﻨﻲ ﺣﺘﻰ ﺍﺭﻭﺡ ﻭﻳﺎ
ﺩﺯﻳﺘﻠﻪ ﺭﺳﺎﻟﻪ
ﺭﺍﺡ ﻳﻤﺮﻟﻲ ﺑﺎﺑﺎ ﻭﺍﺭﻭﺡ ﻭﻳﺎ
ﺷﻜﺪ ﺍﺑﻘﻰ ﻳﻤﻬﻢ ﻭﺍﺭﺟﻊ
ﺩﺯﻟﻲ ﻉ ﺭﺍﺣﺘﺞ ﺷﻜﺪ ﻣﺘﺒﻘﻴﻦ ﺍﺑﻘﻲ
ﻓﻌﻼ ﺍﺟﺎﻧﻲ ﺑﺎﺑﺎ ﻭﺭﺣﺖ ﻭﻳﺎ
ﺍﺗﻔﺎﺟﺄﺕ ﺑﺎﻟﺒﻴﺖ ﻳﺨﺒﻞ
ﺻﺤﻴﺢ ﻣﺴﺎﺣﺘﻪ ﺻﻐﻴﺮﻩ ﻣﻮ ﺟﺒﻴﺮ 200 ﻡ
ﺑﺲ ﺑﻨﺎﺀﻩ ﻳﺨﺒﻞ ﻭﻣﺎﻣﺎ ﻣﺮﺗﺒﺘﻪ
ﺍﻟﻜﻞ ﺫﻭﻕ ﻣﺎﻣﺎ
ﺍﻟﺒﻴﺖ ﻳﺠﻨﻦ
ﺑﻲ ﻏﺮﻓﻪ ﻭﺣﺪﻩ ﺟﻮﻩ ﻭﺍﺳﺘﻘﺒﺎﻝ ﺣﻴﻞ ﺟﺒﻴﺮ
ﻭﻣﻄﺒﺦ ﺣﺎﺭ ﻭﺑﺎﺭﺩ
ﻭﺣﺪﻳﻘﻪ ﺯﻏﻴﺮﻭﻧﻪ
ﻭﺻﺎﻟﻪ ﺟﺒﻴﺮﻩ
ﻓﻮﻙ ﺑﻲ 3 ﻏﺮﻑ
ﺍﻟﻤﻄﺒﺦ ﻳﻔﺘﺢ ﺍﻟﻨﻔﺲ ﻳﺨﺒﻞ
ﻣﺨﺘﺎﺭﻩ ﻣﺎﻣﺎ ﻛﻠﻪ ﺍﻭﻑ ﻭﺍﻳﺖ ﻭﺑﻨﻔﺴﺠﻲ ﻓﺎﺗﺢ
ﺍﻟﺤﺪﻳﻘﻪ ﺑﻴﻬﺎ ﻣﺮﺟﻴﺤﻪ
ﻭﺟﺎﻳﺒﻴﻦ ﺯﺣﻠﻴﻜﻪ ﺯﻏﻴﺮﻭﻧﻪ ﻉ ﺣﺴﺎﺏ ﻧﻈﻮﺭﻱ
ﻧﻮﺭ ﻭﻧﻈﻮﺭﻱ ﻣﺎﺍﺩﺭﻱ ﺑﻌﺪ ﺑﻴﻬﺎ
ﻛﻠﻪ ﻭﻱ ﺭﻗﺎﻭﻱ
ﻛﻠﻲ ﺑﺎﺑﺎ ﺍﺭﻳﺪ ﺍﻋﺰﻡ ﺍﻫﻞ ﺣﻴﺪﺭ ﻋﻴﺐ ﻣﻨﻬﻢ
ﻻﺯﻡ ﻳﺠﻮﻥ ﻛﻠﻬﻢ
ﻛﺘﻠﻪ ﻣﺤﺪ ﻣﻮﺟﻮﺩ ﺑﺲ ﻣﺤﻤﺪ ﻭﺯﻭﺟﺘﻪ ﻭﻋﻤﻮ ﻭﺧﺎﻟﻪ ﻭﺣﻨﺎﻥ
ﻛﻠﻲ ﻣﻮ ﻣﻬﻢ ﺑﺎﺟﺮ ﻧﺴﻮﻳﻠﻬﻢ ﻋﺸﻪ
ﻛﺘﻠﻪ ﺍﻭﻙ
ﻓﻌﻼ ﺟﻬﺰﻧﻪ ﻛﻠﺸﻲ ﺍﻧﻲ ﻭﻣﺎﻣﺎ ﻭﺍﻟﺒﻨﺎﺕ
ﻭﺍﺟﻮﻱ ﻛﻠﻬﻢ
ﺑﺎﺑﺎ ﻣﻨﻄﻴﻬﻢ ﺍﻟﻌﻨﻮﺍﻥ ﻭﻣﻨﺘﻈﺮﻫﻢ
ﺣﻨﺎﻥ ﻣﺨﻠﺖ ﻣﻜﺎﻥ ﻳﻌﺘﺐ ﻋﻠﻴﻬﺎ ﻣﺸﺎﻓﺘﻪ
بيج قصص عراقيه حقيقيه من واقعنا.روعه الطائي
ﺣﺘﻰ ﻟﻔﻮﻙ ﺻﻌﺪﺕ
ﺑﺲ ﺭﺳﻞ ﻻ ﺍﺟﺘﻲ ﻭﻳﺎﻧﻪ ﺗﺴﺎﻋﺪﻧﻪ
ﺣﻴﻞ ﺣﺒﺎﺑﻪ
ﺍﺗﻌﺸﻮ ﻭﺧﻠﺼﻮ ﻭﺑﻘﻮﺍ ﻟﻮﻗﺖ ﻣﺘﺎﺧﺮ
ﺑﻌﺪﻫﺎ ﺭﺟﻌﻮﺍ
ﻛﺎﻝ ﻋﻤﻮ ﺍﺗﻐﻴﺮ ﻣﻮﻋﺪ ﺳﻔﺮﻧﻪ
ﻗﺒﻞ ﻟﻴﺠﻲ ﺣﻴﺪﺭ ﺑﻴﻮﻡ
ﻭﺷﺎﻳﻠﻴﻦ ﻫﻢ ﺍﻟﺞ
ﻛﺘﻠﻪ ﻋﻤﻮ ﻣﺎﻋﻠﻴﻪ ﺷﻲ ﻣﺎﺍﺧﺎﻑ ﻭﻣﺤﻤﺪ ﻳﻤﻲ ﻣﺎﻋﻠﻴﻨﻪ
ﻭﻫﻮ ﺍﺻﻼ ﺣﻴﺪﺭ ﻳﺠﻲ ﺍﻟﻈﻬﺮ
ﻭﻳﺠﻮﺯ ﺍﺟﻴﺐ ﺭﻗﺎﻭﻱ ﻭﻳﺎﻳﻪ
ﺑﻌﺪﻫﺎ ﺭﺍﺣﻮ
ﺍﻧﻲ ﺑﻘﻴﺖ ﺍﺳﺒﻮﻉ ﻳﻢ ﺍﻫﻠﻲ
ﺣﻴﻞ ﺍﺗﻮﻧﺴﺖ ﻭﻏﻴﺮﺕ ﺟﻮ
ﺑﻴﺖ ﻋﻤﺎﻣﻲ ﻛﺎﻣﻮ ﻳﺠﻮﻥ
ﺍﺗﻌﺮﻓﻨﻪ ﻉ ﺑﻨﺎﺕ ﻋﻤﻮ ﻭﻋﻤﻪ
ﺑﺲ ﺍﻟﺸﺒﺎﺏ ﺍﺑﺪ ﻣﻨﺨﺘﻠﻂ ﺑﻴﻬﻢ
ﺑﻴﺖ ﻋﻤﻮ ﻛﺎﻋﺪ ﻳﻠﻤﺤﻮﻥ ﻳﺮﺩﻭﻥ ﻳﺨﻄﺒﻮﻥ ﺭﻧﺎ ﻻﺑﻦ ﻋﻤﻮ ﺍﻟﺪﻛﺘﻮﺭ ﻣﺼﻄﻔﻰ
ﺍﻟﻜﻞ ﻣﻌﺎﺭﺽ
ﻻﻥ ﺑﻌﺪﻫﻲ ﺗﺪﺭﺱ
ﻻﺯﻡ ﺍﻟﻴﻮﻡ ﺍﺭﺟﻊ ﻻﻥ ﺑﺎﺟﺮ ﻳﺴﺎﻓﺮﻭﻥ ﺑﻴﺖ ﻋﻤﻮ
ﻃﻠﺒﺖ ﻣﻦ ﺭﻗﺎﻭﻱ ﺗﺮﻭﺡ ﻭﻳﺎﻳﻪ
ﻭﻓﻌﻼ ﺭﺟﻌﻨﻪ ﻟﻠﺒﻴﺖ
ﻭﺟﺎﻧﻮ ﻣﺠﻬﺰﻳﻦ ﻧﻔﺴﻬﻢ
ﺛﺎﻧﻲ ﻳﻮﻡ ﻳﻄﻠﻌﻮﻥ ﻭﻱ ﺍﻻﺫﺍﻥ
ﻟﻜﻴﺖ ﻋﻤﻮ ﻣﺴﻮﻙ ﺍﺷﻜﺎﻝ ﻭﺍﻟﻠﻮﺍﻥ
ﻭﻛﻠﻲ ﻫﺎﻱ ﻓﻠﻮﺱ ﺧﻠﻴﻬﻦ ﻳﻤﺞ ﺧﺎﻑ ﺗﺤﺘﺎﺟﻴﻦ ﺷﻲ
ﺭﻓﻀﺖ ﺍﺧﺬﻫﻦ ﻻﻥ ﻋﻨﺪﻱ ﻭﻣﺎﺍﺣﺘﺎﺝ ﺷﻲ
ﺑﺲ ﻣﻘﺒﻞ ﺍﺻﺮ ﺍﻟﻪ ﺍﺧﺬﻫﻦ
ﺛﺎﻧﻲ ﻳﻮﻡ ﺭﺍﺣﻮ
ﺑﻘﻴﻨﻪ ﻧﺎﻳﻤﻴﻦ ﻝ 3 ﺍﻟﻈﻬﺮ
ﺑﻴﺖ ﻣﺤﻤﺪ ﻏﺪﺍﻫﻢ ﺑﻮﺣﺪﻫﻢ ﺍﺫﺍ ﻋﺪﻫﻢ ﺩﻭﺍﻡ
ﺑﺲ ﻳﻮﻡ ﺍﻟﺠﻤﻌﻪ ﻭﺍﻟﺴﺒﺖ ﻭﺍﻟﻌﻄﻠﻪ ﺳﻮﻳﻪ
ﺳﻮﻳﻨﻪ ﻏﺪﻩ ﻧﻮﺍﺷﻒ
ﻟﻠﻌﺼﺮ ﺳﻮﻳﻨﻪ ﻛﻴﻜﻪ ﺑﺎﻟﺒﺮﺗﻘﺎﻝ ﺑﻌﺪﻳﻦ ﻛﺘﻠﻬﺎ ﺍﺧﺬﻳﻬﻢ ﻟﻠﺤﺪﻳﻘﻪ ﺧﻞ ﻳﻠﻌﺒﻮﻥ
ﻧﻈﻮﺭﻱ ﺑﺎﻟﺪﺭﺍﺟﻪ ﻳﻠﻌﺐ ﻓﺮﺣﺎﻥ
ﺑﻌﺪﻫﺎ ﺩﺧﻠﻮ
ﺻﻠﻴﻨﻪ ﻭﻫﻢ ﻃﻠﻌﻨﻪ
ﺍﺟﻮﻱ ﻣﺤﻤﺪ ﻭﺭﺳﻞ
ﺟﺒﺖ ﻛﻴﻚ ﻭﻋﺼﺎﺋﺮ
ﺑﻘﻴﻨﻪ ﺑﺮﻩ ﺣﻠﻮﻩ ﻧﺴﻮﻟﻒ ﻭﺍﻟﺠﻬﺎﻝ ﻳﻠﻌﺒﻮﻥ ﻭﻳﺎﻧﻪ
ﺭﻗﺎﻭﻱ ﺣﻴﻞ ﺧﺠﻼﻧﻪ ﻣﻦ ﻣﺤﻤﺪ
ﺑﻘﻴﻨﻪ ﻟﻞ 10 ﺑﺮﻩ
ﺑﻌﺪﻫﺎ ﻛﺘﻠﻬﻢ ﺭﺍﺡ ﺍﺳﻮﻳﻠﻜﻢ ﻋﺸﻪ
ﻛﺎﻝ ﻣﺤﻤﺪ ﻫﻨﺎ ﺧﻞ ﻧﺎﻛﻞ
ﻣﺨﻠﻴﻦ ﻣﺒﺮﺩﻩ ﺟﺒﻴﺮﻩ ﻣﺘﺤﺮﻛﻪ ﺑﺎﻟﺤﺪﻳﻘﻪ
ﺍﻟﺠﻮ ﻳﺨﺒﻞ ﺑﻴﻬﺎ
ﻛﻤﻠﻨﻪ ﺍﻟﻌﺸﻪ ﻭﺑﻘﻴﻨﻪ ﻓﺘﺮﻩ
ﺑﻌﺪﻫﺎ ﺩﺧﻠﻨﻪ ﺟﻮﻩ
بيج قصص عراقيه حقيقيه من واقعنا.روعه الطائي
ﻛﺎﻝ ﻣﺤﻤﺪ ﺭﺍﺡ ﺍﻧﺎﻡ ﻳﻤﻜﻢ
ﻣﺎﻗﺒﻠﺖ ﻛﺘﻠﻪ ﻭﺍﻟﻠﻪ ﺍﺣﻨﻪ ﻟﻠﺼﺒﺢ ﻣﻨﺎﻡ
ﻣﺎﻛﻮ ﺷﻲ ﻭﻣﻨﺨﺎﻑ
ﻓﻌﻼ ﺭﺍﺡ ﻫﻮ ﻭﺭﺳﻞ
ﺑﻘﻴﻨﻪ ﻧﻠﻌﺐ ﻭﻱ ﺍﻟﺠﻬﺎﻝ
ﻟﺤﺪ ﻣﺎﻧﺎﻣﻮ
ﺭﻗﺎﻭﻱ ﺻﻠﺖ ﻭﻧﺎﻣﺖ
ﺍﻧﻲ ﺭﺍﺳﻠﺖ ﺣﻴﺪﺭ
ﺳﺎﻟﺘﻪ ﺗﻨﺰﻝ ﺍﻟﻴﻮﻡ
ﻛﻠﻲ ﺍﻱ
ﺷﻤﺸﺘﻬﻲ ﻟﻠﻐﺪﻩ ﺍﺳﻮﻳﻠﻚ
ﺍﻱ ﺷﻲ ﻣﻮﺟﻮﺩ ﻋﺎﺩﻱ
ﻣﺎﻣﺸﺘﻬﻲ ﺷﻲ
ﺣﺴﻴﺖ ﺑﻲ ﺿﺎﻳﺞ ﻭﻣﻴﺮﻳﺪ ﻳﺤﺠﻲ ﻭﻳﺎﻳﻪ
ﻧﺰﻟﺖ ﻟﻠﻤﻄﺦ ﻭﺳﻮﻳﺖ ﺩﺟﺎﺟﻪ ﻣﺤﺸﻴﻪ
ﻭﺳﻮﻳﺖ ﻭﻳﺎﻫﺎ ﺗﺒﺴﻲ ﺑﻴﺬﻧﺠﺎﻥ
ﺣﻀﺮﺕ ﺯﻻﻃﻪ
ﻭﺧﺒﺰﺕ ﻣﻦ ﻭﻛﺖ
ﺧﻠﻴﺖ ﻣﻦ ﺍﻟﻌﺠﻴﻦ ﻉ ﻛﺪ 4 ﺧﺒﺰﺍﺕ
ﻛﻠﺖ ﻗﺒﻞ ﻻﻳﺘﻐﺪﻩ ﺍﺧﺒﺰﻫﻦ
ﺳﻮﻳﺖ ﻟﺒﻦ ﻳﺤﺒﻪ ﺑﺎﻟﻠﻴﻤﻮﻥ
ﻛﻤﻠﺖ ﻛﻠﺸﻲ ﻣﺎﺍﻛﺪﺭ ﺍﻧﺎﻡ ﻻﻥ ﺑﺲ ﺍﻧﺎﻡ ﺑﻌﺪ ﻣﺎﺍﻛﻌﺪ
ﺍﺗﺼﻠﺖ ﺑﻲ ﺍﻧﻄﺎﻧﻲ ﺭﻓﺾ
ﺭﺍﺳﻠﻨﻲ
ﻫﻠﻮﻭﻭﻭ
ﻫﻠﻮﻭﻭﻭ
ﻣﺎﺍﻛﺪﺭ ﺍﺟﺎﻭﺏ ﺍﻛﺘﺒﻲ
ﺷﻮﻛﺖ ﺗﻮﺻﻞ
ﻭﺍﻟﻠﻪ ﻣﺎﺍﻋﺮﻑ ﻟﺤﺪ ﺍﻻﻥ ﻣﺪﺍﺧﻠﻴﻦ ﺍﻟﻤﺤﺎﻓﻈﻪ
ﺑﺲ ﺗﻮﺻﻞ ﺧﺒﺮﻧﻲ ﺣﺘﻰ ﺍﻓﺘﺢ ﺍﻟﺒﺎﺏ
ﺍﻭﻙ
ﻣﻨﻮ ﺑﺎﺕ ﻳﻤﻜﻢ
ﺭﻗﺎﻭﻱ ﺍﺧﺘﻲ
ﻧﻈﻮﺭﻱ ﻭﻧﻮﺭ ﻧﺎﻳﻤﻴﻦ
ﺍﻱ ﻧﺎﻳﻤﻴﻦ
ﻭﺍﻧﺖ ﻫﻢ ﻟﻬﺴﻪ ﻣﻨﺎﻳﻤﻪ
ﺍﻱ
ﻟﻴﺶ
ﻣﻮ ﻛﻤﻠﺖ ﺍﻟﻐﺪﻩ ﺍﺧﺎﻑ ﺍﻧﺎﻡ ﻭﺑﻌﺪ ﻣﺎﺍﻛﻌﺪ
ﺍﻟﺒﺎﺭﺣﻪ ﻛﻌﺪﻧﻪ ﺏ 3
ﻭﺍﺫﺍ ﻓﺪ ﻣﺼﻴﺒﻪ ﺍﻟﻐﺪﻩ ﻣﺎﻧﻤﺘﻲ
ﻻ ﺷﻨﻮ ﺍﻟﺴﺎﻟﻔﻪ ﺍﺗﻐﺪﻩ ﻭﺍﻧﺎﻡ
ﺍﻫﻠﻲ ﺷﻮﻛﺖ ﺭﺍﺣﻮﺍ
ﺍﻟﺒﺎﺭﺣﻪ ﻭﻱ ﺍﻟﺼﻼﻩ ﺍﻟﻔﺠﺮ
ﻫﻢ ﺧﺎﺑﺮﺗﻴﻬﻢ
ﺍﻱ ﻛﻞ ﺷﻮﻳﻪ ﻳﺨﺎﺑﺮﻧﻲ ﻋﻤﻮﺍ ﺧﻄﻴﻪ
ﻋﻠﻴﻤﻦ ﺗﺘﺼﻠﻴﻦ ﺑﻴﻬﻢ
ﻉ ﺍﻟﻮﺍﺗﺴﺎﺏ
ﺷﻨﻮ ﻣﺘﺼﻠﻮ ﺑﻴﻚ
ﻻ ﻣﺎﻋﻨﺪﻱ ﻭﺍﺗﺴﺎﺏ
ﻣﻦ ﺍﺭﺟﻊ ﺍﺩﺧﻠﻪ
ﺭﻭﺣﻲ ﻧﺎﻣﻲ ﺍﺫﺍ ﺗﺮﺩﻳﻦ
ﻻ ﻣﺘﺴﻮﻩ ﺭﺍﺡ ﺍﺻﻠﻲ
ﻫﻢ ﻣﺸﺘﻬﻲ ﺷﻲ ﺣﻠﻮ ﺣﺘﻰ ﺍﺳﻮﻳﻠﻚ
بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﺗﻨﻘﺬﻳﻨﻲ ﺍﺫﺍ ﺗﺤﻀﺮﻳﻠﻲ ﻋﺼﻴﺮ ﻃﺒﻴﻌﻲ ﻭﺑﺎﺭﺩ ﺣﻴﻞ ﺣﻴﻞ
ﻻﻥ ﺍﻟﺠﻮ ﺣﻴﻞ ﺣﺎﺭ ﻭﺍﻟﻤﻲ ﻣﻜﺎﻋﺪ ﻳﺮﻭﻳﻨﻲ
ﺗﺪﻟﻞ ﻫﺴﻪ ﺍﺳﻮﻳﻠﻚ
ﺑﺲ ﺷﺘﺤﺐ ﻣﻦ ﻋﺼﻴﺮ
ﺷﻌﻨﺪﺝ ﻓﻮﺍﻛﻪ
ﻋﻨﺪﻱ ﻣﻮﺯ ﻭﺑﺮﺗﻘﺎﻝ
ﺍﺛﻨﻴﻨﻬﻦ ﻣﺎﺍﺣﺒﻬﻦ
ﺍﻛﻮ ﺑﻄﻴﺦ
ﺍﻱ
ﻟﻌﺪ ﺳﻮﻳﻠﻲ ﻣﻨﻪ
ﺍﻭﻙ
ﺑﻌﺪﻧﻪ ﺷﻮﻳﻪ ﻭﻧﺪﺧﻞ
ﺍﺫﻥ ﺭﺍﺡ ﺍﺻﻠﻲ ﻭﻣﻦ ﺗﻮﺻﻞ ﺭﻣﺸﻠﻲ
ﺍﻭﻙ
ﺻﻠﻴﺖ ﻭﻛﻤﻠﺖ
ﺳﻮﻳﺖ ﺍﻟﻌﺼﻴﺮ ﻭﻛﺜﺮﺕ ﺛﻠﺞ ﻭﺧﻠﻴﺘﻠﻪ ﺣﻠﻴﺐ ﻭﻋﻨﺪﻱ ﻛﺎﺯﻭﺍ ﻣﻜﺴﺮﺍﺕ
ﻃﻠﻊ ﻳﻤﻲ ﻳﻤﻲ 😋😋😋 ﻃﻴﺐ ﺣﻴﻞ
ﺻﺎﺭﺕ ﺗﻘﺮﻳﺒﺎ ﺏ 1 ﺍﺗﺼﻞ ﺑﻴﻪ
ﺭﺣﺖ ﻓﺘﺤﺖ ﺍﻟﺒﺎﺏ
ﻟﺤﻀﺎﺕ ﻭﺩﺧﻞ
ﻃﺒﻌﺎ ﻳﺠﻲ ﺣﻴﻞ ﺗﻌﺒﺎﻥ ﻭﻣﺘﻐﻴﺮ ﺑﺸﻜﻞ
ﻣﺒﻴﻦ ﺩﻭﺍﻣﻪ ﻣﺘﻌﺐ
ﺳﻠﻢ ﻋﻠﻴﻪ ﺑﺲ ﺳﻼﻣﻪ ﺍﺑﺮﻭﺩ
ﻣﻮ ﻣﺜﻞ ﺫﻳﺞ ﺍﺟﺎﺯﺗﻪ
ﺍﻟﺤﻤﺪ ﻉ ﺍﻟﺴﻼﻣﻪ
ﺍﻟﻠﻪ ﻳﺴﻠﻤﺞ
ﺑﻴﺪﻱ ﺍﻟﻌﺼﻴﺮ
ﺟﺎﻥ ﺍﻟﺠﻮ ﺣﻴﻞ ﺣﺎﺭ ﻻﻥ ﻧﻬﺎﻳﺔ ﺷﻬﺮ ﺍﻟﺜﺎﻣﻦ
ﺷﺮﺑﻪ ﻛﻠﻪ ﻭﻛﻠﻲ
ﺷﻜﺮﺍ ﻭﻋﺎﺷﺖ ﺍﻳﺪﺝ
ﻫﺬﺍ ﺍﻟﺤﺠﻲ ﺑﻌﺪﻧﻪ ﺑﺎﻟﺤﺪﻳﻘﻪ
ﺍﺻﺒﻠﻚ ﺑﻌﺪ
ﻻ ﺧﻞ ﺍﺳﺒﺢ ﻳﻠﻪ
ﺍﻭﻙ
ﺭﺍﺡ ﺳﺒﺢ ﻭﺍﻧﻲ ﺟﻬﺰﺕ ﺍﻟﻌﺠﻴﻦ
ﺻﺎﺭﻥ 4 ﺧﺒﺰﺍﺕ
ﺭﺣﺖ ﺑﺴﺮﻋﻪ ﺧﺒﺰﺗﻬﻦ ﻣﺤﺴﻴﺖ ﺑﻴﻬﻦ ﺍﺑﺪ
ﻟﻜﻴﺘﻪ ﻣﻨﺘﻈﺮ ﺑﺎﻟﻤﻄﺒﺦ
ﻣﻨﻮ ﻛﻠﺞ ﺗﺨﺒﺰﻳﻦ ﺑﻬﺎﻟﺤﺮ
ﻣﻮ ﻫﻮﺍﻱ ﺑﺲ 4
ﺳﻜﺖ
ﺍﺻﺒﻠﻚ
ﻳﺎﺭﻳﺖ ﻻﻥ ﺣﻴﻞ ﺟﻮﻋﺎﻥ
ﺻﺒﻴﺖ ﺍﻟﺘﻤﻦ ﻭﻃﻠﻌﺖ ﺍﻟﺪﺟﺎﺟﻪ ﻣﻦ ﺍﻟﻔﺮﻥ ﺧﻠﻴﺘﻪ ﻓﻮﻛﺎﻫﺎ
ﻭﺻﺒﻴﺖ ﺍﻟﺘﺒﺴﻲ
ﻭﺍﻟﺒﺎﻗﻲ ﻛﻠﻪ ﺟﺎﻫﺰ
ﺗﺎﻛﻞ ﻫﻨﺎ ﻉ ﺍﻟﻄﺒﻠﻪ ﻟﻮ ﺑﺎﻟﺼﺎﻟﻪ
ﻻ ﺧﻠﻴﻨﻪ ﻫﻨﺎ ﻣﺎﺑﻴﻪ ﺣﻴﻞ ﺑﻌﺪ ﺍﻛﻮﻡ
ﺍﻟﻤﻄﺒﺦ ﻧﻈﺎﻣﻪ ﺣﺎﺭ ﻭﺑﺎﺭﺩ
ﺍﻟﺒﺎﺭﺩ ﺑﻲ ﺳﺒﻠﺖ
ﻳﻌﻨﻲ ﻋﺎﺩﻱ ﻧﻜﻌﺪ ﺑﻲ ﻻﻥ ﺑﺎﺭﺩ
ﺟﻬﺰﺕ ﻛﻠﺸﻲ ﻭﺧﻠﻴﺘﻠﻪ ﺍﻟﺨﺒﺰ ﺣﺎﺭ
بيج قصص عراقيه حقيقيه من واقعنا.روعه الطائي
ﺑﺲ ﺍﺷﻮ ﻣﻜﺎﻋﺪ ﻳﺎﻛﻞ
ﺭﺣﺖ ﺍﺣﻤﻲ ﺍﻟﺠﺎﻱ
ﺍﻧﻲ ﻋﻴﻮﻧﻲ ﻛﺎﻣﺖ ﺗﻠﺰﻙ ﻣﻦ ﺍﻟﻨﻌﺎﺱ
ﻳﻤﻜﻦ ﺍﻟﻮﺍﺣﺪ ﻛﻤﺖ ﺍﺷﻮﻓﻪ ﺍﺛﻨﻴﻦ
ﺑﺲ ﺍﺳﺘﻐﺮﺑﺖ ﻣﻦ ﻣﺎﺍﻛﻞ
ﺷﻨﻮ ﻣﻌﺠﺒﻚ ﺍﻻﻛﻞ
ﻣﺘﺤﺒﻪ
ﺷﻨﻮ ﻣﻌﺠﺒﻨﻲ ﻫﻮ ﺑﺲ ﺍﻟﺘﺮﺗﻴﺐ ﻭﺣﺪﻩ ﻛﺎﻓﻲ ﻳﻔﺘﺢ ﺍﻟﻨﻔﺲ
ﻟﻌﺪ ﻟﻮﻳﺶ ﻣﺘﺎﻛﻞ
ﺍﻣﺘﺎﻧﻴﺞ ﺗﺎﻛﻠﻴﻦ ﻭﻳﺎﻳﻪ
ﺍﻟﺼﺮﺍﺣﻪ ﺍﻧﻲ ﺣﻴﻞ ﺟﻮﻋﺎﻧﻪ ﻭﺍﺣﺒﻬﺎ ﻟﻬﺎﻱ ﺍﻻﻛﻠﻪ ﻫﻮﺍﻱ
ﺑﺲ ﺍﺳﺘﺤﻲ ﺍﻛﻞ ﻭﺣﺮﺕ ﺷﺎﺟﺎﻭﺑﻪ
ﻫﺎ ﻣﻮ ﻣﺎﺍﺷﺘﻬﻲ
ﻋﻔﻴﻪ ﺗﻌﺎﻱ ﺍﻛﻠﻲ ﻭﻳﺎﻳﻪ ﻣﺎﺍﻋﺮﻑ ﺍﻛﻞ ﺑﻮﺣﺪﻱ
ﻛﻠﺖ ﺧﻞ ﺍﻛﻌﺪ ﻗﺎﺑﻞ ﻳﺎﻛﻠﻨﻲ
ﺟﺒﺖ ﺧﺎﺷﻮﻛﻪ ﺍﻟﻲ
ﺣﺴﻴﺖ ﺑﻲ ﻓﺮﺡ
ﻟﻴﺶ ﻣﺘﻨﺰﻋﻲ ﻟﻠﺤﺠﺎﺏ ﻭﺍﻟﻠﻪ ﺫﺑﺤﺘﻴﻨﻲ ﺑﻲ
ﻣﺤﺪ ﺑﺎﻟﺒﻴﺖ ﻫﻮ ﺑﺲ ﺍﻧﻲ ﻭﺍﻧﺖ
ﻣﻮ ﻣﺘﻌﻮﺩﻩ
ﺍﺫﺍ ﺍﻧﺖ ﺗﺼﻠﻴﻦ ﻭﺗﺨﺎﻓﻴﻦ ﺍﻟﻠﻪ
ﺷﻠﻮﻥ ﺗﻠﺒﺴﻴﻨﻪ ﻭﺯﻭﺟﺞ ﻣﻴﻘﺒﻞ
ﺑﺼﻔﺘﻲ ﺯﻭﺟﺞ ﻣﻤﻨﻮﻉ ﺗﻠﺒﺴﻴﻨﻪ ﻛﺪﺍﻣﻲ
ﻭﻣﺮﺍﺡ ﺍﺳﺎﻣﺤﺞ ﺍﺫﺍ ﻟﺒﺴﺘﻲ
ﻭﺭﺍﺡ ﺍﺷﻜﻞ ﺫﻣﺘﺞ
ﻧﺰﻋﺘﻪ ﻟﻠﺤﺠﺎﺏ
ﻭﺟﻨﺖ ﺣﻴﻞ ﺧﺠﻼﻧﻪ
ﺩﺍﺋﻤﺎ ﺍﺿﻔﺮﻩ ﺻﻔﺢ
ﻻﻥ ﻃﻮﻳﻞ ﺣﺘﻰ ﻣﻴﻀﻮﺟﻨﻲ
ﺍﻱ ﻫﺴﻪ ﺍﺣﺴﻦ ﺍﻟﺞ
ﻛﻠﻲ ﺍﻗﺴﻤﻴﻬﺎ ﺍﻟﺪﺟﺎﺟﻪ
ﻧﺺ ﺍﻧﻲ ﻭﻳﺎﺝ
ﻭﻧﺺ ﻻﺧﺘﺞ ﻭﺍﻟﺠﻬﺎﻝ
ﻣﺎﻋﻠﻴﻚ ﺑﻴﻬﻢ ﺍﻛﻞ ﺍﻧﺖ ﻭﺍﺷﺒﻊ
ﻫﻤﻪ ﻳﺤﺒﻮﻥ ﺍﻟﺘﻤﻦ ﻭﺍﻟﺘﺒﺴﻲ
ﻣﺎﺍﺧﺬ ﺣﺠﻲ
ﻗﺴﻤﻬﺎ ﻭﻛﻠﻲ ﺭﻭﺣﻲ ﺭﺟﻌﻴﻬﺎ ﻟﻠﻔﺮﻥ ﺧﻠﻲ ﺗﺒﻘﻰ ﺣﺎﺭﻩ
ﺭﺟﻌﺘﻬﺎ ﻭﺍﺟﻴﺖ
ﻛﻌﺪﺕ ﻣﻘﺎﺑﻴﻠﻪ
ﻭﺑﺪﻳﻨﻪ ﻧﺎﻛﻞ
ﺭﻏﻢ ﻣﺎﺟﻮﻋﺎﻧﻪ ﺣﻴﻞ
ﺑﺲ ﻣﻜﺎﻋﺪ ﺍﻛﺪﺭ ﺍﻛﻞ ﺣﻴﻞ ﺍﺧﺠﻞ ﻣﻨﻪ
ﻟﺞ ﺑﺎﺑﺎ ﺍﻛﻠﻲ ﺟﻨﺞ ﻋﺼﻔﻮﺭ ﺗﻨﻘﺸﻴﻦ ﺗﻨﻘﺶ
ﻟﻮ ﻣﺎﻋﺎﺟﺒﺞ ﺍﻻﻛﻞ
ﻻ ﺑﺎﻟﻌﻜﺲ ﺍﻛﺜﺮ ﺍﻛﻠﻪ ﺍﺣﺒﻬﺎ ﻫﻲ ﻫﺎﻱ
ﺑﺲ ﻣﺎﺍﺷﺘﻬﻲ
ﺷﻮﻛﺖ ﺭﺟﻌﺘﻲ
ﺍﻭﻟﺖ ﺍﻟﺒﺎﺭﺣﻪ ﺑﺎﻟﻠﻴﻞ
ﺍﻟﻌﺼﺮ ﺍﺧﺎﺑﺮ ﺑﺎﺑﺎ ﻳﺠﻲ ﻳﺎﺧﺬ ﺭﻗﻴﻪ
بيج قصص عراقيه حقيقيه من واقعنا.روعه الطائي
ﻟﻴﺶ ﺗﻮﺩﻳﻬﺎ ﺧﻠﻴﻬﺎ ﻉ ﺑﺎﺟﺮ ﻭﺍﺣﻨﻪ ﻧﺎﺧﺬﻫﺎ
ﻧﺮﻭﺡ ﻧﺒﻘﻪ ﻳﻤﻬﻢ ﻟﻠﻴﻞ
ﺍﻭﻙ
ﺑﺪﺍﺧﻠﻲ ﻓﺮﺣﺖ ﺣﻴﻞ
ﻟﺘﻜﻠﻴﻠﻬﻢ ﻧﺠﻴﻜﻢ ﺣﺘﻰ ﺍﻃﺒﺨﻴﻦ ﻏﺪﻩ ﻫﻨﺎ
ﻭﻧﺎﺧﺬﻩ ﻭﻧﺮﻭﺡ ﻫﻨﺎﻙ ﻧﺘﻐﺪﻩ
ﻭﺍﻟﻌﺸﻪ ﻧﺴﻮﻱ ﻣﺸﺎﻭﻱ
ﺍﻭﻙ
ﻋﺎﺷﺖ ﺍﻳﺪﺝ ﻣﻦ ﺻﺪﻙ ﻃﻴﺐ
ﺍﻟﻒ ﻋﺎﻓﻴﻪ
ﺍﻧﻲ ﻛﻤﺖ ﻗﺒﻠﻪ
ﻫﻢ ﺣﺎﺳﺒﻪ ﻧﻔﺴﺞ ﺍﻛﻠﺘﻲ
ﻭﻳﻦ ﺭﺍﺣﺖ ﺣﻨﺎﻥ ﻋﻦ ﻫﺬﺍ ﺍﻻﻛﻞ
ﺟﺎﻥ ﺍﻛﻠﺘﻪ ﻭﺍﻛﻠﺖ ﺍﺑﻮ ﻫﻤﻴﻦ
ﺑﺪﺍﺧﻠﻲ ﻛﻠﺖ ﺣﻘﻬﺎ ﺍﺫﺍ ﺟﻨﻬﺎ ﺟﺎﻣﻮﺳﻪ 😂😂🠾񘴣
ﺍﺷﻮ ﻫﺬﺍ ﺿﺤﻚ
ﻛﺎﻝ ﺍﺫﺍ ﻫﻲ ﺟﻨﻬﺎ ﺟﺎﻣﻮﺳﻪ ﺗﺎﻛﻞ ﻭﻣﺘﺸﺒﻊ 🤣🤣🤣😂😂😂
ﻛﻤﻞ ﻭﻏﺴﻞ ﻭﺻﺒﻴﺘﻠﻪ ﺟﺎﻱ
ﻛﻤﻞ ﻛﺎﻝ ﺭﻭﺣﻲ ﺍﺧﺬﻱ ﺭﺍﺣﺘﺞ ﻭﻧﺎﻣﻲ
ﻣﺤﺘﺎﺝ ﺷﻲ
ﻳﻌﻨﻲ ﻣﺜﻞ ﺷﻨﻮ ﺣﺘﻰ ﺍﺫﺍ ﻣﺤﺘﺎﺝ ﻣﺴﺘﺤﻴﻞ ﺗﻬﺘﻤﻴﻠﻲ ﻭﺗﺴﻮﻳﻠﻲ ﺍﻻﺭﻳﺪﻩ
ﻋﺮﻓﺖ ﺍﻟﻲ ﺍﺑﺎﻟﻪ
ﺳﻜﺘﺖ
ﻫﺎ ﺍﺷﻮﺳﻜﺘﻲ
ﻣﺜﻞ ﺷﻨﻮ ﺣﺎﺏ ﺍﻏﺴﻠﻚ ﻣﻼﺑﺴﻚ ﻣﺜﻼ
ﺭﻭﺣﻲ ﺑﺎﺑﺎ ﻧﺎﻣﻲ ﺍﺣﺴﻦ
ﺑﺲ ﺍﻟﻌﺼﻴﺮ ﻭﻳﻦ ﺧﻠﻴﺘﻲ
ﻫﺬﺍ ﺑﺎﻟﺜﻼﺟﻪ ﻃﻠﻌﺘﻪ ﻭﺍﻧﻄﻴﺘﻬﻴﺎ
ﺻﻌﺪﺕ ﺭﺩﺕ ﺍﻧﺎﻡ ﻭﺟﺎﻥ ﻳﻜﻌﺪ ﻧﻈﻮﺭﻱ
ﺭﺟﻌﺘﻪ ﻭﻧﻴﻤﺘﻪ ﻫﻤﺰﻳﻦ ﻧﺎﻡ
ﺍﻭﻝ ﻣﺨﻠﻴﺖ ﺭﺍﺳﻲ ﻉ ﺍﻟﻤﺨﺪﻩ ﺑﺎﻟﻠﺤﻀﻪ 😴😴😴😴
ﻛﻌﺪﺕ ﻉ ﺻﻮﺕ ﻧﻈﻮﺭﻱ
ﻟﻜﻴﺖ ﺍﻟﺴﺎﻋﻪ ﺏ 3 ﻭﻧﺺ ﻭﻧﻮﺭ ﻭﺭﻗﻴﻪ ﻛﺎﻋﺪﺍﺕ
ﻛﺘﻠﻬﻦ ﺗﻌﺎﻟﻦ ﺍﻧﺰﻟﻦ ﺍﺻﺒﻠﺠﻦ ﺍﻟﻐﺪﻩ
ﺣﻴﻞ ﻧﻌﺴﺎﻧﻪ ﺑﺲ ﻫﻢ ﺧﻄﻴﻪ
ﻛﻠﺖ ﻟﺮﻗﻴﻪ ﺗﻠﺒﺲ ﺍﻟﺤﺠﺎﺏ ﺧﺎﻑ ﻳﺪﺧﻞ ﺣﻴﺪﺭ
ﻣﻦ ﻋﺮﻓﺘﻪ ﺟﺎﻱ ﻛﺎﻟﺖ ﺍﻟﻪ ﺍﺭﻭﺡ ﻣﺎﺍﺑﻘﻰ
ﻭﻟﺞ ﻣﻮ ﻳﻤﻨﻪ ﻫﻨﺎﻙ
ﻣﺎﻋﻠﻴﻪ ﺧﺎﺑﺮﻳﻠﻲ ﺑﺎﺑﺎ ﻫﺴﻪ ﻳﺠﻴﻨﻲ
ﻛﻮﻩ ﻗﻨﻌﺘﻬﺎ ﻛﺘﻠﻬﺎ ﻟﻠﻴﻞ ﻧﻮﺩﻳﺞ
ﻛﻠﺖ ﺧﻞ ﺍﺷﻮﻑ ﺣﻴﺪﺭ
ﺻﺒﻴﺘﻠﻬﻢ ﺍﻟﻐﺪﻩ
ﻛﻤﻠﻮﺍ ﻭﺻﻌﺪﻧﻪ
ﻓﺪﻭﻩ ﺭﻗﺎﻭﻱ ﺧﻞ ﺍﻧﺎﻡ ﻭﻟﻬﻴﻬﻢ
ﺍﻭﻙ ﺣﺒﻴﺒﺘﻲ ﻭﻻﻳﻬﻤﺞ
ﺻﺪﻙ ﻧﻤﺖ ﻭﻛﻌﺪﺕ ﻟﻜﻴﺖ ﺍﻟﺴﺎﻋﻪ ﺏ 9
ﻋﺰﻩ ﺑﻌﻴﻨﻲ ﺷﻜﺪ ﻧﻤﺖ
ﻻ ﺭﻗﻴﻪ ﻭﻻ ﺍﻟﺠﻬﺎﻝ
بيج قصص عراقيه حقيقيه من واقعنا.روعه الطائي
ﻧﺰﻟﺖ ﻟﻜﻴﺘﻬﻢ ﻣﺎﻛﻮ ﺟﻮﻩ ﻭﻻ ﻭﺍﺣﺪ
ﺍﺗﺼﻠﺖ ﺑﺤﻴﺪﺭ
ﻛﺎﻝ ﺍﻧﻲ ﻃﻠﻌﺘﻬﻢ ﻭﺭﺍﺡ ﺍﺟﻴﺐ ﻋﺸﻪ ﻭﻧﺠﻲ
ﻗﺒﻞ ﺷﻮﻳﻪ ﻃﻠﻌﻨﻪ
ﺍﻭﻙ
ﺭﺣﺖ ﻟﺒﻴﺘﻪ
ﺍﻟﺼﺮﺍﺣﻪ ﻣﻦ ﺍﺗﺰﻭﺝ ﻟﻬﺴﻪ ﻣﺪﺍﺧﻠﻪ ﺍﺑﺪ
ﻛﻠﺖ ﻻﺯﻡ ﺍﻏﺴﻠﻪ ﻣﻼﺑﺴﻪ ﻭﺍﻟﺒﺪﻟﻪ
ﻭﺍﺭﺗﺒﻠﻪ ﺍﻟﻐﺮﻓﻪ ﻻﻥ ﺣﻨﺎﻥ ﻣﺎﻣﻮﺟﻮﺩﻩ
ﺣﻴﻞ ﻣﺒﻬﺬﻝ ﺍﻟﺒﻴﺖ
ﻭﺍﻟﻐﺮﻓﻪ ﻣﺘﻨﻮﺻﻒ
ﻣﻦ ﺟﺎﻥ ﺑﻮﺣﺪﻩ ﻧﺎﺯﻙ ﺑﺸﻜﻞ ﻭﻧﻀﻴﻒ ﻭﻣﺮﺗﺐ
ﺍﻛﻴﺪ ﻫﺎﻱ ﺣﻨﺎﻥ ﻭﺳﺨﻪ
ﻣﺎﺍﻧﺪﻝ ﺍﻟﻔﺮﺷﺎﺕ ﻣﻼﺗﻬﻢ
ﺻﻌﺪﺕ ﺟﺒﺖ ﻣﻨﻲ ﻓﺮﺷﻪ ﺟﺪﻳﺪﻩ
ﺑﺪﻟﺖ ﺍﻟﻔﺮﺷﻪ ﻭﺧﻠﻴﺘﻠﻪ ﺍﻟﺠﺒﺘﻬﺎ
ﻓﺘﺤﺖ ﺍﻟﺸﺒﺎﺑﻴﻚ ﻭﺟﺎﻥ ﺗﺠﻴﻨﻲ ﻛﻮﻣﺔ ﺗﺮﺍﺏ
ﻳﻤﻜﻦ ﻣﻦ ﺍﺗﺰﻭﺟﺖ ﻟﻬﺴﻪ ﻣﻔﺎﺗﺤﺘﻬﻦ
ﻧﺰﻟﺖ ﺍﻟﺒﺮﺩﻩ ﺧﻠﻴﺘﻬﺎ ﺑﺎﻟﻐﺴﺎﻟﻪ
ﻧﻈﻔﺖ ﺍﻟﺠﺎﻡ
ﻛﻤﻠﺘﻬﺎ ﻭﺭﺟﻌﺘﻬﺎ ﻟﻤﻜﺎﻧﻬﺎ ﺑﺲ ﺍﻟﺸﺒﺎﺑﻴﻚ ﻣﻔﺘﻮﺣﻪ ﺑﻘﻴﺘﻬﻦ
ﺭﺷﺖ ﻣﻌﻄﺮ ﺟﻮ ﻋﻨﺪﻱ ﺍﺳﻤﻪ ﺍﻳﺎﻡ ﻋﻄﺮﻩ ﻳﺠﻨﻦ
ﺍﺧﺬﺕ ﺍﻟﺒﺪﻟﻪ ﺍﻟﻮﺳﺨﻪ ﻭﺍﻛﻮ ﺑﺪﻟﻪ ﺛﺎﻧﻴﻪ ﺍﻟﻪ ﻫﻢ ﻃﻠﻌﺘﻬﺎ ﻣﻦ ﺍﻟﺠﻨﻄﻪ
ﻭﻃﻠﻌﺖ ﻛﻞ ﺍﻟﻤﻼﺑﺲ ﺍﻟﻲ ﺑﺎﻟﺠﻨﻄﻪ ﻭﺧﻠﻴﺘﻬﻦ ﺑﺎﻟﻐﺴﺎﻟﻪ
ﺭﺣﺖ ﻟﻼﺳﺘﻘﺒﺎﻝ ﺛﺎﺭ ﺍﻧﺘﺒﺎﻫﻲ ﻣﺨﺪﻩ ﻭﺑﻄﺎﻧﻴﻪ ﺑﻴﻬﻦ
ﻋﺮﻓﺘﻪ ﺣﻴﺪﺭ ﺍﻛﻴﺪ ﻧﺎﻳﻢ ﻫﻨﺎ
ﺍﺩﺭﻱ ﺑﻲ ﻧﻈﻴﻒ ﻭﻣﺮﺗﺐ ﺣﻴﻞ
ﻭﻳﺎﺧﺒﻞ ﻣﻦ ﺍﻟﻬﻮﺳﻪ
ﺑﺲ ﺗﺴﺘﺎﻫﻞ ﺣﻴﻞ ﻭﻳﺎﻙ
ﻫﻲ ﻫﺎﻱ ﺍﻟﻔﻀﻠﺘﻬﺎ ﻋﻠﻴﻪ
ﺭﺣﺖ ﻟﻠﻤﻄﺒﺦ ﻟﻜﻴﺘﻪ ﻣﻴﻨﻮﺻﻒ
ﺑﺲ ﻟﻮ ﺗﻤﻮﺕ ﻣﺎﺍﻧﻈﻔﻪ ﺍﻟﻬﺎ
ﺑﺲ ﻏﺴﻠﺖ ﺍﻟﻤﻮﺍﻋﻴﻦ ﻭﺭﺗﺒﺖ ﺳﻄﺤﻲ ﻳﻌﻨﻲ ﻣﻦ ﻓﻮﻙ ﻟﻔﻮﻙ
ﻓﺘﺤﺖ ﺍﻟﺜﻼﺟﻪ ﻭﺟﺎﻥ ﺍﻧﻄﺪﻡ
ﻛﻠﻪ ﺍﻛﻞ ﻣﻌﻔﻦ ﻭﻓﻮﺍﻛﻪ ﻣﻌﻔﻨﻪ
ﺑﻘﻴﺘﻬﺎ ﻉ ﺣﻄﺘﻬﺎ
ﺣﺘﻰ ﻳﺸﻮﻑ ﺣﻴﺪﺭ ﺑﻌﻴﻨﻪ
ﺭﺟﻌﺖ ﻟﻠﻐﺴﺎﻟﻪ ﻛﻤﻠﺖ ﺍﻟﻤﻼﺑﺲ ﻭﺭﺩﺕ ﺍﻃﻠﻌﻬﻦ ﺍﺷﺮﻫﻦ
ﺑﻬﺎﻻﺛﻨﺎﺀ ﺳﻤﻌﺖ ﺻﻮﺕ ﺍﻟﺴﻴﺎﺭﻩ
ﻃﻠﻌﺖ ﺷﻔﺘﻪ ﻣﺴﺘﻐﺮﺏ ﻣﻦ ﻭﺟﻮﺩﻱ ﺑﺎﻟﺒﻴﺖ
ﺣﻴﺪﺭ : ﻃﺒﻌﺎ ﺩﻭﺍﻣﻲ ﺩﻣﺮﻧﻲ ﺩﻣﺎﺭ
ﺍﺣﺴﺐ ﺑﺎﻟﻠﺤﻀﺎﺕ ﺷﻮﻛﺖ ﺍﺭﺟﻊ ﻭﺍﺭﺗﺎﺡ
ﺑﺎﻟﻨﺴﺒﻪ ﻟﺤﻨﺎﻥ ﻭﻻﻛﺎﻧﻮ ﻣﺒﺘﻌﺪ ﻋﻨﻬﺎ
ﻻﺗﺨﺎﺑﺮ ﻻ ﺗﺴﺎﻝ ﺑﺲ ﻣﻦ ﻋﺪﻫﺎ ﺷﻐﻠﻪ
بيج قصص عراقيه حقيقيه من واقعنا.روعه الطائي
ﺧﺎﺑﺮﺗﻨﻲ ﻛﺎﻟﺖ ﺭﺍﺡ ﺍﺫﺏ ﺍﻟﻌﺒﺎﻳﻪ ﻫﻨﺎﻙ
ﻛﺘﻠﻬﺎ ﺍﻟﻌﺐ ﺟﻮﻟﻪ ﺑﻴﺞ ﺍﺫﺍ ﺫﺑﻴﺘﻴﻬﺎ
ﻛﺎﻣﺖ ﺗﺘﻮﺳﻞ ﺑﺎﻟﺒﺪﺍﻳﻪ
ﺣﺒﺎﺏ ﻭﺍﻟﻠﻪ ﺗﺒﻬﺬﻟﻨﻲ ﺭﻓﻀﺖ
ﺑﻌﺪﻳﻦ ﻛﺎﻟﺖ ﻣﻮ ﻣﺮﺓ ﻣﺤﻤﺪ ﺑﻼ ﻋﺒﺎﻳﻪ ﻭﺣﺘﻰ ﻣﺮﺓ ﺍﻣﻴﺮ
ﻭﺍﺧﻮﺍﺗﻚ ﻛﻠﻬﻦ ﺑﻼ ﻋﺒﻲ
ﻣﺎﻋﻠﻴﺞ ﺑﻴﻬﻦ
ﻟﻴﺶ ﻣﺘﻜﻮﻟﻴﻦ ﻣﺮﺗﻚ ﺍﻟﺜﺎﻧﻴﻪ ﻟﻴﺶ ﻣﺒﻮﺷﻪ
ﺍﺣﻤﺪﻱ ﺍﻟﻠﻪ ﻣﺨﻠﻴﺞ ﻫﻴﺞ
ﻣﻤﺒﻮﺷﺞ
ﺑﻜﻠﺒﻲ ﻛﻠﺖ ﻭﻉ ﺷﻨﻮ ﺍﺑﻮﺷﺞ
ﺑﺲ ﻫﻴﺞ ﺣﺠﻴﺖ
ﺍﺳﻤﻌﻴﻨﻲ ﻭﺍﻟﻠﻪ ﺍﺫﺍ ﺳﻤﻌﺖ ﺑﻴﺞ ﺫﺍﺑﺘﻬﺎ ﻟﻠﻌﺒﺎﻳﻪ ﺍﻟﻌﺐ ﺟﻮﻟﻪ
ﺑﺲ ﺑﺎﻟﺸﻤﺎﻝ ﺣﺒﺎﺏ
ﺍﺑﺪ ﻭﻻ ﻟﺤﻀﻪ
ﺯﻋﻠﺖ ﻭﻃﺒﻜﺘﻪ
ﻳﻄﺒﺞ ﻣﺮﺽ
ﺭﺍﺳﻠﺖ ﺍﻣﻴﺮ ﻉ ﺍﻟﻤﺎﺳﻨﺠﺮ
ﻭﺩﺯﻟﻲ ﺻﻮﺭﻩ ﺣﻴﻞ ﻓﺮﺣﺎﻧﻴﻦ
ﺧﺎﺑﺮﺕ ﺍﻣﻲ ﻭﺍﺑﻮﻳﻪ ﻗﺒﻞ ﻟﻴﺴﺎﻓﺮﻭﻥ
ﺣﻴﻞ ﺿﺠﺖ ﻣﻦ ﻛﺎﻟﻮ ﻗﺪﻣﻮﻧﻪ ﻳﻮﻡ
ﺣﺮﺕ ﻣﻨﻮ ﻳﺒﻘﻰ ﻳﻢ ﺯﻳﻨﺐ
ﺣﺎﻭﻟﺖ ﺍﻧﺰﻝ ﻗﺒﻞ ﻳﻮﻡ ﻣﺎﻛﺪﺭﺕ
ﺧﺎﺑﺮﺕ ﻣﺤﻤﺪ ﻭﻭﺻﻴﺘﻪ ﻋﻠﻴﻬﻢ
ﻛﻠﻲ ﺗﺤﺠﻲ ﺻﺪﻙ ﺗﻮﺻﻴﻨﻲ ﻋﻠﻴﻬﻢ
ﺍﺟﺖ ﺍﺧﺘﻬﺎ ﻳﻤﻬﺎ ﻭﻋﻴﺐ ﺍﺿﺎﻳﻘﻬﻦ
ﻭﻫﻲ ﻣﻘﺒﻠﺖ ﺍﺑﺪ ﻛﺎﻟﺖ ﺍﻧﻲ ﻛﺎﻋﺪﻩ ﻟﻠﺼﺒﺢ
ﺩﺯﻟﻲ ﺍﻟﺼﻮﺭ ﻛﺎﻋﺪ ﻳﺘﻌﺸﻮﻥ ﺑﺎﻟﺤﺪﻳﻘﻪ
ﺣﻴﻞ ﺍﻓﺮﺣﺖ ﻻﻥ ﻃﺎﻟﻌﻪ ﻭﻳﺎﻫﻢ
ﺑﻴﻮﻡ ﻧﺰﻭﻟﻲ ﻛﻠﺖ ﻣﺎﺍﺧﺒﺮﻫﺎ
ﺧﻠﻴﻬﺎ ﺗﻨﺎﻡ
ﻭﻋﻮﺩ ﺍﻛﻞ ﺍﻱ ﺷﻲ ﻣﻮ ﻣﻬﻢ
ﺑﺲ ﺍﺗﻔﺎﺟﺎﺕ ﻣﻦ ﺧﺎﺑﺮﺗﻨﻲ
ﺑﺲ ﻣﻜﺪﺭﺕ ﺍﺣﺠﻲ
ﺣﺒﻴﺖ ﺗﺴﺘﻘﺒﻠﻨﻲ ﻣﺜﻞ ﺫﻳﺞ ﺍﻟﻤﺮﻩ
ﺭﺍﺳﻠﺘﻨﻲ ﻭﺳﺎﻟﺘﻨﻲ ﻉ ﺍﻟﻐﺪﻩ
ﻣﺮﺩﺕ ﺍﺗﻌﺐ ﻧﻔﺴﻬﺎ
ﻛﻠﺖ ﺍﻱ ﺷﻲ ﺍﻛﻞ
ﻭﺻﻠﺖ ﻭﻓﺘﺤﺘﻠﻲ ﺍﻟﺒﺎﺏ
ﺟﻨﺖ ﻣﺘﻤﻨﻲ ﺍﺣﻀﻨﻬﺎ ﻭﺍﺑﻮﺳﻬﺎ
ﺑﺲ ﻛﻠﺖ ﻛﺮﺍﻣﺘﻲ ﻣﺘﺴﻤﺤﻠﻲ ﺍﻓﺮﺽ ﻧﻔﺴﻲ ﻋﻠﻴﻬﺎ ﺑﺎﻟﻜﻮﻩ
ﻭﺷﻔﺘﻬﺎ ﺭﺍﻓﻀﺘﻨﻲ ﺭﻓﺾ ﻧﻬﺎﺋﻲ
ﻟﻜﻴﺘﻬﺎ ﻣﺠﻬﺰﺗﻠﻲ ﺍﻟﻌﺼﻴﺮ ﺍﻟﻲ ﻃﻠﺒﺘﻪ ﻣﻨﻬﺎ
ﺑﺲ ﺍﻟﻄﻌﻢ ﻣﻴﻨﻮﺻﻒ ﺍﺑﺪ
ﺑﻌﻤﺮﻱ ﻭﺣﻴﺎﺗﻲ ﻣﻀﺎﻳﻚ ﻫﻴﺞ ﻋﺼﻴﺮ ﻃﻴﺐ
ﻣﺎﺍﻋﺮﻑ ﺷﻨﻮ ﻃﻌﻤﻪ ﺑﺎﻟﻀﺒﻂ
ﺑﻌﺪﻫﺎ ﺳﺒﺤﺖ ﻭﺟﺎﻥ ﺍﺷﻮﻑ ﺍﻟﺒﻴﺖ ﻳﻠﻌﺐ ﺍﻟﻨﻔﺲ
ﺣﺘﻰ ﺍﻛﻮ ﻣﻮﺍﻋﻴﻦ ﻭﺳﺨﻪ
بيج قصص عراقيه حقيقيه من واقعنا.روعه الطائي
ﺷﻜﺪ ﺍﺿﻮﺝ ﻣﻦ ﺍﻟﻤﺮﻩ ﺍﻟﻮﺳﺨﻪ
ﺧﻞ ﺗﺠﻲ ﻭﺍﻧﻲ ﺍﻋﻠﻤﻬﺎ ﺍﻟﺤﻘﻴﺮﻩ
ﺳﺒﺤﺖ ﻭﺑﺪﻟﺖ ﻭﺭﺣﺖ ﻟﻠﻤﻄﺒﺦ
ﻣﺎﻟﻜﻴﺖ ﺯﻳﻨﺐ
ﻋﺮﻓﺘﻬﺎ ﺗﺨﺒﺰ
ﻟﺤﻀﺎﺕ ﻭﺍﺟﺖ ﺑﻴﺪﻫﺎ ﺷﻜﻢ ﺧﺒﺰﻩ
ﻛﻤﺖ ﺍﺣﺠﻲ ﻋﻠﻴﻬﺎ
ﻛﺎﻟﺖ ﻣﻮﻫﻮﺍﻱ
ﺟﻬﺰﺕ ﺍﻻﻛﻞ ﻭﺟﺎﻧﺖ ﺍﻟﺮﻳﺤﻪ ﺗﺴﻄﺮ ﺳﻄﺮ
ﺍﺑﺎﻭﻉ ﻉ ﺍﻟﻄﺒﻠﻪ ﻭﺻﻔﻨﺖ
ﺷﻨﻮ ﺍﻟﺘﺮﺗﻴﺐ ﻭﺷﻨﻮ ﺍﻟﻨﺰﺍﻛﻪ
ﻭﺍﺷﻜﺎﻝ ﻭﺍﻟﻮﺍﻥ ﻣﺨﻠﻴﻪ
ﺣﺒﻴﺖ ﺗﺎﻛﻞ ﻭﻳﺎﻱ
ﻭﻓﻌﻼ ﻛﻌﺪﺕ
ﺑﺲ ﺷﻨﻮ ﺗﻨﻘﺶ ﺗﻨﻘﺶ
ﺍﻣﻨﻴﺘﻲ ﺗﺮﻓﻊ ﺣﺎﺟﺰ ﺍﻟﺨﺠﻞ ﺍﻟﻲ ﺑﻴﻨﻲ ﻭﺑﻴﻨﻬﺎ
ﻳﻤﻜﻦ ﺻﺎﺭﻟﻬﺎ 3 ﺳﻨﻮﺍﺕ ﻭﻫﻲ ﻋﺪﻧﻪ
ﺑﺲ ﻟﺤﺪ ﺍﻻﻥ ﺗﺨﺠﻞ
ﻃﻠﺒﺖ ﻣﻨﻬﺎ ﺗﻨﺰﻋﻪ ﻟﻠﺤﺠﺎﺏ
ﺷﻜﻠﻬﺎ ﻳﺨﺒﻞ ﺑﺪﻭﻥ ﺍﻟﺤﺠﺎﺏ
ﺷﻌﺮﻫﺎ ﺍﺷﻜﺮ ﻭﻃﻮﻳﻞ ﻭﺿﺎﻓﺮﺗﻪ
ﻛﻞ ﺷﻮﻳﻪ ﻭﺍﺑﺎﻭﻉ ﻋﻠﻴﻬﺎ
ﻛﻤﻠﻨﻪ ﻭﻫﻲ ﺻﻌﺪﺕ
ﻭﺍﻧﻲ ﺭﺣﺖ ﺍﻧﺎﻡ ﺣﻴﻞ ﺗﻌﺒﺎﻥ
ﻣﺎﻋﺠﺒﺘﻨﻲ ﻻ ﺍﻟﻔﺮﺷﻪ ﻭﻻ ﺍﻟﻐﺮﻓﻪ ﺣﻴﻞ ﻭﺳﺨﻪ ﻭﻣﺒﻬﺬﻟﻪ
ﻟﻮ ﻣﻮ ﺗﻌﺒﺎﻥ ﺟﺎﻥ ﺍﻧﻲ ﺍﺧﻔﻒ ﺍﻟﻬﻮﺳﻪ
ﺑﺲ ﺣﻴﻞ ﻧﻌﺴﺎﻥ
ﺗﻤﺪﺩﺕ ﻉ ﺍﻋﺼﺎﺑﻲ ﺑﺎﻟﻔﺮﺍﺵ
ﺑﺲ ﻣﻜﺪﺭﺕ ﺍﻧﺎﻡ
ﺭﺣﺖ ﻧﻤﺖ ﺑﺎﻻﺳﺘﻘﺒﺎﻝ
ﻛﻌﺪﺕ ﻣﻦ ﺍﻟﻨﻮﻡ
ﻟﻜﻴﺖ ﺍﻻﺫﺍﻥ ﻣﺎﺫﻥ
ﺭﺣﺖ ﻟﺒﻴﺖ ﺍﻫﻠﻲ
ﻭﺷﻔﺖ ﻧﻈﻮﺭﻱ ﻭﻧﻮﺭ
ﺣﺒﺎﻳﺒﻲ ﺣﻴﻞ ﻣﺸﺘﺎﻗﻠﻬﻢ
ﺣﻀﻨﺘﻬﻢ ﻭﺑﻮﺳﺘﻬﻢ
ﻭﺣﻴﻞ ﻓﺮﺣﺎﻧﻴﻦ
ﻭﺭﻗﻴﻪ ﻫﻤﻴﻦ ﺳﻠﻤﺖ ﻋﻠﻴﻬﺎ
ﺍﺟﻪ ﻣﺤﻤﺪ ﻭﺭﺳﻞ
ﺳﻠﻤﺖ ﻋﻠﻴﻬﻢ ﻭﺟﻨﺖ ﺣﻴﻞ ﻣﺸﺘﺎﻕ ﻟﻤﺤﻤﺪ
ﻛﺎﻝ ﺭﺍﺡ ﻧﺮﻭﺡ ﻟﻠﻤﻄﻌﻢ ﻧﺘﻌﺸﻰ
ﻭﻧﺠﻴﺒﻠﻜﻢ ﻭﻳﺎﻧﻪ
ﻛﺘﻠﻪ ﻻ ﺭﺍﺡ ﺍﻃﻠﻌﻬﻢ ﻭﻧﺠﻴﺐ ﺳﻔﺮﻱ
ﻃﻠﻌﻮﺍ ﻭﺭﻗﻴﻪ ﻛﺎﻟﺖ ﻋﻔﻴﻪ ﺧﺎﺑﺮ ﺑﺎﺑﺎ ﺧﻞ ﻳﺠﻴﻨﻲ
ﻟﻴﺶ ﺷﻨﻮ ﺿﺠﺘﻲ ﻣﻨﻲ
ﻻ ﻣﻮ ﻫﻴﺞ
ﻟﻌﺪ ﺷﻨﻮ
ﺍﻧﻲ ﺍﺭﻳﺪ ﺍﺭﻭﺡ
ﺑﺎﺟﺮ ﻣﻦ ﺍﻟﺼﺒﺢ ﻧﺮﻭﺡ
ﺍﻧﻲ ﻭﺯﻳﻨﺐ ﻭﺍﻟﺠﻬﺎﻝ
ﻻ ﻋﻔﻴﻪ ﺍﺭﻳﺪ ﺍﺭﻭﺡ
بيج قصص عراقيه حقيقيه من واقعنا.روعه الطائي
ﻳﻤﻜﻦ ﺍﻟﻌﻨﺎﺩ ﻋﺪﻫﻢ ﻭﺭﺍﺛﻪ 🤔🤔🤔
ﻛﻮﻩ ﻗﻨﻌﺘﻬﺎ ﺗﺒﻘﻪ
ﻛﺘﻠﻬﺎ ﺯﻳﻨﺐ ﺑﻌﺪﻫﻲ ﻧﺎﻳﻤﻪ
ﻛﺎﻟﺖ ﺍﻱ ﺧﻄﻴﻪ ﺏ 4 ﻳﻠﻪ ﻧﺎﻣﺖ
ﻟﻤﻦ ﺍﺗﻐﺪﻳﻨﻪ ﻳﻠﻪ
ﺧﻞ ﻧﻄﻠﻊ ﻧﻔﺘﺮ ﺷﻮﻳﻪ ﻭﻧﺠﻴﺐ ﻋﺸﻪ ﻭﻧﺠﻲ
ﻛﺎﻟﺖ ﺍﻭﻙ
ﺑﺪﻟﺖ ﻭﺍﺟﺖ ﺣﻴﻞ ﻧﺎﺯﻛﻪ ﻭﺑﺪﻭﻥ ﻋﺒﺎﻳﻪ
ﺍﻟﺼﺮﺍﺣﻪ ﺧﻔﺖ ﻋﻠﻴﻬﺎ ﻣﻦ ﺍﻟﻌﻴﻦ
ﺍﻛﻴﺪ ﻳﺎﻛﻠﻮﻫﺎ ﺍﻛﻞ ﻫﻨﺎ
ﻣﻮ ﻣﺜﻞ ﻣﺤﺎﻓﻈﺘﻬﻢ
ﺭﺣﻨﻪ ﺷﻮﻳﻪ ﻟﻠﻤﻨﺘﺰﻩ ﻟﻌﺒﺘﻬﻢ
ﻭﺑﻌﺪﻫﺎ ﺭﺣﺖ ﻟﻠﺴﻮﺑﺮ ﻣﺎﺭﻛﺖ
ﺍﺷﺘﺮﻳﺖ ﺍﻟﻬﻢ ﻛﻮﻣﻪ ﺍﺷﻴﺎﺀ
ﻭﻟﺮﻗﻴﻪ ﺍﺧﺬﺗﻠﻬﺎ ﺑﻮﺣﺪﻫﺎ ﻣﻘﺒﻠﺖ
ﺑﺲ ﻣﻮ ﺑﻜﻴﻔﻬﺎ
ﻛﺘﻠﻬﻢ ﺷﺘﺮﺩﻭﻥ ﻋﺸﻪ
ﻛﺎﻟﺖ ﻧﻮﺭ ﻛﻨﺘﺎﻛﻲ
ﻟﺞ ﺍﻧﺖ ﺷﻨﻮﻣﺎﻋﻨﺪﺝ ﻏﻴﺮ ﺍﻟﻜﻨﺘﺎﻛﻲ
ﺍﺗﺬﻛﺮﺕ ﺍﺧﺮ ﻣﺮﻩ ﻣﻦ ﺟﺒﺖ ﻛﻨﺘﺎﻛﻲ ﻭﺧﻠﺖ ﺷﻄﻪ ﻋﻠﻲ
ﻛﻠﺖ ﺧﻞ ﺍﺟﻴﺐ ﻻﻥ ﺣﺴﻴﺘﻬﺎ ﺗﺤﺒﻪ
ﻧﻈﻮﺭﻱ ﺣﺒﻴﺒﻲ ﺷﺘﺮﻳﺪ
ﻛﺎﻝ ﻣﺜﻞ ﻧﻮﻧﻪ
ﻭﺍﻧﺖ ﺭﻗﻴﻪ ﺷﺘﺤﺒﻴﻦ
ﺍﻱ ﺷﻲ ﻣﻮ ﻣﻬﻢ
ﻣﺎﻛﻮ ﺍﻱ ﺷﻲ
ﺍﻃﻠﺒﻲ ﺍﻟﻲ ﺗﺤﺒﻴﻨﻪ
ﻣﻘﺒﻠﺖ ﺗﺤﺠﻲ
ﻧﻮﻋﺖ ﻭﺟﺒﺖ
ﺑﻌﺪﻫﺎ ﺍﺧﺬﺗﻬﻢ ﻭﻛﻠﺘﻬﻢ ﻣﻮﻃﻪ
ﻭﺍﺧﺬﺕ ﻭﻳﺎﻱ ﻟﺰﻳﻨﺐ
ﺍﺗﺬﻛﺮﺕ ﺍﻟﺴﻼﺵ
ﺟﺒﺘﻠﻬﺎ ﻭﺭﺟﻌﻨﻪ
ﺩﺧﻠﺖ ﻟﺠﻮﻩ ﻭﺟﺎﻥ ﺍﻧﺼﺪﻡ ﺑﺰﻳﻨﺐ
ﻫﺎﻱ ﺷﺘﺴﻮﻱ
ﺍﻧﺘﺒﻬﺖ ﻟﻠﺴﻠﻪ ﺑﻴﺪﻫﺎ
ﻃﻠﻌﺖ ﺷﺮﺕ ﺍﻟﻤﻼﺑﺲ
ﻃﻠﻌﺖ ﻏﺎﺳﻠﻪ ﻣﻼﺑﺴﻲ ﻛﻠﻬﻦ
ﺍﻟﻲ ﻣﺎﺧﺬﻫﻦ ﻭﻳﺎﻳﻪ
ﺫﻳﺞ ﺍﺟﺎﺯﺗﻲ ﺑﻘﺖ ﺍﻟﺠﻨﻄﻪ ﻉ ﺣﻄﺘﻬﺎ
ﻟﻤﻦ ﻛﺘﻠﻬﺎ ﻭﺭﻩ 3 ﺍﻳﺎﻡ ﻳﻠﻪ ﻏﺴﻠﺘﻬﻦ
ﻛﻤﻠﺖ ﻭﺍﺟﺘﻲ
ﻛﺘﻠﻬﺎ ﺗﻌﺎﻟﻮ ﻫﻨﺎ ﻧﺘﻌﺸﻪ
ﺟﺒﺘﻠﻬﻢ ﻗﻮﺍﻃﻲ ﺷﺎﻧﻲ ﻭﻱ ﺍﻻﻛﻞ
ﺷﻐﻠﻨﻪ ﺍﻟﻤﺒﺮﺩﻩ ﻭﺟﺎﻥ ﺍﻟﺠﻮ ﻳﺨﺒﻞ
ﺍﻛﻠﻨﻪ ﻭﺧﻠﺼﻨﻪ
ﺑﻘﻴﻨﻪ ﻧﻠﻌﺐ ﺑﺎﻟﺤﺪﻳﻘﻪ
ﺑﺲ ﻫﻲ ﺍﺧﺘﻔﺖ
ﺑﻌﺪﻫﺎ ﺻﺎﺭﺕ ﺏ 1 ﺭﺟﻌﺖ ﻟﻠﺒﻴﺖ
ﻭﺟﺎﻥ ﺍﻧﺼﺪﻡ ﺑﺎﻟﻤﻨﻈﺮ
ﻳﺎﺍﻟﻠﻪ ﻫﺎﻱ ﺷﻤﺴﻮﻳﻪ
ﺍﻟﺒﻴﺖ ﻳﺨﺒﻞ ﻭﺍﻟﺮﻳﺤﻪ ﻣﺎﻟﺖ ﺍﻟﻨﻈﺎﻓﻪ ﻋﻦ ﺑﻌﺪ ﺗﺸﺘﻤﻬﺎ
ﺍﻟﻐﺮﻓﻪ ﺗﺴﻄﺮ ﺳﻄﺮ ﻣﻦ ﺍﻟﻌﻄﺮ ﻳﺨﺒﻞ
ﺭﺣﺖ ﻟﻠﻐﺮﻓﻪ ﻟﻜﻴﺖ ﺍﻟﻔﺮﺷﻪ ﺟﺪﻳﺪﻩ ﺗﺨﺒﻞ ﺗﺸﺒﻪ 👇
ﺍﻟﺸﺒﺎﺑﻴﻚ ﻣﻔﺘﻮﺣﻪ
ﺻﺤﻴﺢ ﺍﻟﻐﺮﻓﻪ ﺣﺎﺭﻩ ﻻﻥ ﻣﻤﺸﻐﻞ ﺍﻟﺴﺒﻠﺖ
ﺑﺲ ﺗﺮﺩ ﺍﻟﺮﻭﺡ
ﺭﺣﺖ ﻟﻠﻤﻄﺒﺦ ﻟﻜﻴﺘﻪ ﻳﻔﺘﺢ ﺍﻟﻨﻔﺲ
ﻓﺘﺤﺖ ﺍﻟﺜﻼﺟﻪ ﻟﻜﻴﺘﻬﺎ ﻉ ﺣﻄﺘﻬﺎ
ﻫﻤﺰﻳﻦ ﻣﺸﺎﻳﻔﺘﻬﺎ
ﻻﻥ ﻣﻦ ﺻﺪﻙ ﻋﻴﺐ ﻣﻨﻬﺎ
ﻣﻦ ﻭﺭﻩ ﻫﺎﻱ ﺣﻨﺎﻥ ﺍﻟﻮﺳﺨﻪ ﺍﻧﺤﻂ ﺑﻬﻴﺞ ﻣﻮﻗﻒ
ﺍﻧﻲ ﺍﻋﻠﻤﻬﺎ ﺧﻞ ﺗﺠﻲ ﻭﻳﺼﻴﺮ ﺧﻴﺮ ﺑﻨﺖ ﺍﻟﻜﻠﺐ
ﺩﺯﻳﺘﻠﻬﺎ ﻣﺴﺞ
ﻫﻢ ﺍﻛﻮ ﻛﻴﻜﻪ ﻣﺴﻮﻳﻪ
ﺩﺯﺗﻠﻲ ﺍﻱ ﺍﻛﻮ
ﺟﻴﺒﻴﻠﻲ ﻗﻄﻌﻪ ﻭﻳﺎﻫﺎ ﺟﺎﻱ ﻭﺗﻌﺎﻟﻲ
ﺍﺟﺘﻲ ﻭﺟﺎﻧﺖ ﺣﻴﻞ ﺧﺎﻳﻔﻪ
ﺧﻠﺖ ﺍﻟﺼﻴﻨﻴﻪ ﻉ ﺍﻟﻄﺒﻠﻪ ﻭﺭﺍﺩﺕ ﺗﺮﻭﺡ
ﻫﺎﻱ ﻭﻳﻦ ﺗﺮﺩﻳﻦ ﺗﻌﺎﻱ ﺍﺣﺠﻲ ﻭﻳﺎﺝ
ﻛﻠﺘﻠﻲ ﻟﺤﻀﺎﺕ ﻭﺍﺟﻴﻚ
ﻣﺎﺍﻋﺮﻑ ﺭﺍﺡ ﺗﻬﺮﺏ ﻣﻨﻲ
ﻟﻮ ﻋﺪﻫﺎ ﺷﻲ
ﻛﻠﺖ ﺧﻞ ﺍﻧﺘﻈﺮ ﻭﺍﺷﻮﻑ
ﺍﻛﻠﺖ ﺍﻟﻜﻴﻜﻪ ﻭﺷﺮﺑﺖ ﺍﻟﺠﺎﻱ
ﺍﻛﻴﺪ ﺭﺍﺣﺖ ﻭﻫﺮﺑﺖ ﻣﻨﻲ ﺣﻴﻞ ﺿﺠﺖ
ﻟﺤﻀﺎﺕ ﻭﺟﺎﻥ ﺍﻧﺼﺪﻡ ......
ﻣﺎﺍﺭﻳﺪ ﺍﺣﺪ ﻳﺘﻮﻗﻊ ﺑﻌﺪ ﻻﻥ ﺍﻛﻴﺪ ﻟﻮ ﺗﻔﻜﻴﺮﻛﻢ ﻣﻨﺤﺮﻑ ﻭﺑﺎﻟﻜﻢ ﻳﺮﻭﺡ ﻟﺒﻌﻴﺪ 😜😂
ﻟﻮ ﺗﻮﻗﻌﺎﺗﻜﻢ ﻛﻠﻬﺎ ﻏﻠﻂ 🠾񚤣
ﺍﻻﻓﻀﻞ ﺗﻐﻠﺴﻮﻥ ﺍﺣﺴﻦ ️☺️☺
ﺍﻧﺘﻈﺮﻭﻧﻲ ﺑﺎﻟﺒﺎﺭﺕ ﺍﻟﻘﺎﺩﻡ ﺭﺍﺡ ﻳﻜﻮﻥ ﺍﺟﻤﻞ ﺑﺎﺭﺕ ﺑﺎﻟﻘﺼﻪ
ﻟﺘﻨﺴﻮﻥ ﺍﻟﺘﺼﻮﻳﺖ ﺍﺫﺍ ﻋﺠﺒﺘﻜﻢ ﺍﻟﻘﺼﻪ ﺣﺒﺎﻳﺒﻲ
ﺗﺤﻴﺎﺗﻲ ﻟﻠﺠﻤﻴﻊ