بين الفقر والطغيان

20

باااااااارت مفااااااااجى
#بين_الفقر_والطغيان
بارت٢٠
ﺍﺣﻠﻰ ﺑﺎﺭﺕ ﻻﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 20 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﻟﺨﺎﻃﺮﻛﻢ ﻭﺍﻟﻠﻪ ﻛﺘﺒﺖ ﻭﺿﻐﻄﺖ ﻉ ﻧﻔﺴﻲ ﻻﻥ ﺣﻴﻞ ﺗﻌﺒﺎﻧﻪ ﻭﺭﺑﻲ
ﺟﺎﻧﺖ ﻣﺼﺪﻭﻣﻪ ﺳﻠﻤﺖ ﻋﻠﻴﻬﻢ ﻭﺣﺎﺿﻨﺘﻬﻢ
ﻛﺎﻟﺖ ﻟﻴﺶ ﻣﺨﺒﺮﺗﻮﻧﻲ ﺗﺠﻮﻥ
ﻛﻠﻮﻟﻬﺎ ﺣﺒﻴﻨﻪ ﻧﺴﻮﻳﻬﺎ ﻣﻔﺎﺟﺄﻩ ﺍﻟﺞ
ﻛﺎﻟﺘﻠﻬﻢ ﺍﺣﻠﻰ ﻣﻔﺎﺟﺄﻩ ﻭﺍﻟﻠﻪ
ﺍﺟﺘﻲ ﺍﻣﻲ ﻭﺳﻠﻤﺖ ﻋﻠﻴﻬﻢ
ﻭﺍﺟﺘﻲ ﻓﺎﻃﻤﻪ ﺗﺮﻛﺾ ﻭﺗﻌﺮﻑ ﺍﻟﺒﻨﺎﺕ
ﺍﺑﺎﻭﻉ ﻉ ﺍﺧﻮﺍﺗﻬﺎ ﺻﺪﻗﻪ ﻻﺍﻟﻠﻪ ﻭﺣﺪﻩ ﺗﻜﻮﻝ ﻟﻠﺜﺎﻧﻴﻪ ﺍﻧﻲ ﺍﺣﻠﻰ ﻣﻨﺞ
ﻭﺣﺪﻩ ﺗﻜﻮﻝ ﻟﻠﺜﺎﻧﻴﻪ ﺍﻧﻲ ﺍﻫﺪﺉ ﻣﻨﺞ
ﺑﺲ ﺍﻟﺼﺮﺍﺣﻪ ﺍﺣﻼﻫﻦ ﻭﺍﻫﺪﺃﻫﻦ ﺯﻳﻨﺐ
ﺭﺍﺣﺖ ﺟﺎﺑﺘﻠﻬﻢ ﻣﻲ
ﻛﺘﻠﻬﺎ ﺳﻮﻳﻠﻬﻢ ﺭﻳﻮﻙ
ﻣﻘﺒﻠﻮﺍ ﺍﺑﺪ
ﻛﺎﻟﻮ ﻧﺰﻟﻨﻪ ﺑﺎﻟﻄﺮﻳﻖ ﻭﺍﻛﻠﻨﻪ
ﺭﺍﺣﺖ ﻫﻲ ﺟﺎﺑﺘﻠﻬﻢ ﻋﺼﺎﺋﺮ ﻭﻛﻴﻚ
ﺭﺍﺣﺖ ﻟﻠﻤﻄﺒﺦ ﺭﺣﺖ ﻭﺭﺍﻫﺎ
ﺍﺷﻮ ﻭﺟﻬﺞ ﻧﺨﻄﻒ ﻣﻦ ﺷﻔﺘﻲ ﺍﻫﻠﺞ
ﻣﻌﻘﻮﻟﻪ ﻣﻔﺮﺣﺎﻧﻪ
ﺍﻛﻮ ﻭﺣﺪﻩ ﺗﺸﻮﻑ ﺍﻫﻠﻬﺎ ﻭﻣﺘﻔﺮﺡ ﻭﺧﺎﺻﻪ ﺻﺎﺭﻟﻬﺎ ﺷﻜﻢ ﺷﻬﺮ
ﻟﻌﺪ ﺷﺒﻴﺞ ﻣﻮﻉ ﺑﻌﻀﺞ
ﻫﺎ ﻣﺒﻴﻪ ﺷﻲ
ﺧﻞ ﺍﺭﻭﺡ ﺍﺻﻴﺢ ﺣﻨﺎﻥ ﺗﺴﻠﻢ ﻋﻠﻴﻬﻢ ﻋﻴﺐ ﻣﻨﻬﻢ
ﻓﺪﻭﻩ ﺍﺭﻭﺣﻠﻚ ﺍﺑﻮ ﻧﻮﺭ ﻟﺘﺴﻮﻳﻠﻲ ﻣﺸﺎﻛﻞ
ﻋﺪﺍﻭﺗﻚ ﻭﻳﺎﻱ ﺍﻧﻲ ﻟﺪﺧﻞ ﺍﻫﻠﻲ ﺑﺎﻟﻨﺺ
ﻭﺷﻌﻨﺪﻱ ﻭﻳﺎﺝ ﺍﻧﺖ ﻭﻣﻌﺎﺩﻳﺞ
ﺳﻜﺘﺖ
ﻋﻔﺘﻬﺎ ﻭﺭﺣﺖ ﺍﺭﻳﺪ ﺍﺻﻴﺢ ﺣﻨﺎﻥ
ﺍﺷﻮ ﻫﺎﻱ ﺳﺤﺒﺖ ﺍﻳﺪﻱ ﺟﺮﺗﻬﺎ
ﺑﺲ ﺣﺴﺖ ﻉ ﻧﻔﺴﻬﺎ ﻭﺳﺤﺒﺖ ﺍﻳﺪﻫﺎ
ﺍﻟﻠﻪ ﻋﻠﻴﻚ ﻟﺘﺤﺮﺟﻨﻲ ﻛﺪﺍﻡ ﺍﻫﻠﻲ
ﺑﺮﻭﺡ ﻣﺮﻭﺍﻥ ﻟﺘﺎﺫﻳﻨﻲ ﻟﻮ ﺗﺎﺫﻱ ﺍﻫﻠﻲ
ﻫﺎﻱ ﺷﺒﻴﺞ ﺗﺨﺒﻠﺘﻲ
ﻣﻨﻮ ﻛﻠﺞ ﺍﺍﺫﻳﺞ
ﺍﺭﻳﺪ ﺍﺑﺪﻝ ﻏﻴﺮ ﻫﺎﻱ ﻣﻼﺑﺴﻲ
ﻟﻴﺶ ﻳﺎﺑﻪ
ﻭﺍﻟﻠﻪ ﻣﺎﻣﺎ ﺗﻜﻠﺐ ﺍﻟﺪﻧﻴﻪ ﻋﻠﻴﻪ ﺷﺘﻜﻮﻝ
ﻋﺎﺩﻱ ﻛﻠﻴﻠﻬﺎ ﺣﻴﺪﺭ ﻣﻴﻘﺒﻞ
ﻫﺴﻪ ﺗﺴﺎﻟﻨﻲ ﻋﻦ ﺍﻟﺴﺒﺐ
ﺷﺎﻛﻮﻝ ﻳﺨﺎﻑ ﻻﺍﺗﺤﺮﺵ ﺑﺎﺧﻮﺗﻪ
ﺷﺘﻜﻮﻟﻴﻦ ﻛﻮﻟﻲ
ﺑﺲ ﻫﻢ ﺭﺍﺡ ﺍﺟﻲ ﻭﻳﺎﺝ ﻟﻠﺪﺭﺏ
ﻭﺍﻋﺪﻳﻨﻲ ﺗﻜﻌﺪﻳﻦ ﻳﻤﻲ ﺑﺎﻟﺼﺪﺭ ﻣﻦ ﻧﻄﻠﻊ
بيج قصص عراقيه حقيقيه من واقعنا.روعه الطائي
ﻭﺷﺎﻛﻠﺞ ﻣﺘﻌﺎﻧﺪﻳﻨﻲ
ﻭﺍﻧﻲ ﻣﺮﺍﺡ ﺍﺣﺮﺟﺞ ﻭﺍﻟﺒﺴﻲ ﺍﻟﻲ ﻳﻌﺠﺒﺞ
ﺷﻔﺘﻬﺎ ﻣﺮﺍﺿﻴﻪ ﻣﻌﻨﺎﻫﺎ ﻣﻤﻮﺍﻓﻘﻪ
ﺧﺮﺏ ﻳﻮﻣﻬﺎ ﺷﻜﺪ ﻋﻨﻴﺪﻩ
ﻛﺎﻟﺖ ﺍﻋﺬﺭﻧﻲ ﻣﺎﺍﻛﺪﺭ ﺍﺳﻮﻳﻬﺎ
ﻉ ﺭﺍﺣﺘﺞ ﻟﻌﺪ
ﻣﺎﻛﻮ ﺧﻴﺎﺭ ﺛﺎﻧﻲ
ﺍﻣﻤﻤﻢ ﺧﻞ ﺍﻓﻜﺮ
ﺷﻨﻮ ﺭﺍﻳﺞ ﺗﻨﻄﻴﻨﻲ ﺑﻮﺳﻪ ﻭﺣﺪﻩ
ﺍﺷﻮ ﻫﺎﻱ ﻋﺎﻓﺘﻨﻲ ﻭﺩﺧﻠﺖ ﻛﺒﻞ
ﻻ ﻛﻠﺘﻠﻲ ﺍﻱ ﻭﻻ ﻛﺎﻟﺖ ﻻ
ﺍﻛﻴﺪ ﻣﻤﻮﺍﻓﻘﻪ ﻣﺒﻴﻦ ﻋﻠﻴﻬﺎ
ﺣﺒﻴﺖ ﺍﺿﻮﺟﻬﺎ ﺷﻮﻳﻪ
ﺭﺣﺖ ﺻﺤﺖ ﺣﻨﺎﻥ
ﺩﺧﻠﻨﻪ ﺳﻮﻳﻪ ﻭﻫﻲ ﺟﺎﻧﺖ ﻛﺎﻋﺪﻩ ﻳﻢ ﺍﻣﻬﺎ
ﻛﺘﻠﻬﻢ ﻫﺎﻱ ﺯﻭﺟﺘﻲ ﺣﻨﺎﻥ
ﺣﺴﻴﺖ ﺑﻴﻬﺎ ﺍﻧﺘﻬﺖ
ﻳﻤﻜﻦ ﺍﻟﻲ ﻳﺬﺑﺤﻬﺎ ﻣﻴﻠﻜﻲ ﻗﻄﺮﺓ ﺩﻡ ﺑﻮﺟﻬﺎ
ﻣﺎﺗﻌﺮﻑ ﺍﻫﻠﻬﺎ ﻳﺪﺭﻭﻥ
ﺑﻌﺪﻫﺎ ﺳﻠﻤﺖ ﻉ ﺍﻣﻬﺎ ﻭﻉ ﺍﺧﻮﺍﺗﻬﺎ
ﺑﺲ ﺣﺴﻴﺖ ﺑﺤﻨﺎﻥ ﺗﺮﻳﺪ ﺗﻤﻮﺕ ﻣﻦ ﺷﺎﻓﺖ ﺍﻣﻬﺎ ﻭﺍﺧﻮﺍﺗﻬﺎ
ﻣﻤﺘﻮﻗﻌﺘﻬﺎ ﻫﻴﺞ
ﺍﻧﻲ ﺑﻜﻠﺒﻲ ﺍﺿﺤﻚ
ﺍﻛﻮﻝ ﺍﻟﻴﻮﻡ ﺭﺍﺡ ﺍﺗﺴﻠﻰ ﻫﻮﺍﻱ
ﻫﻢ ﺣﻨﺎﻥ ﻭﻫﻢ ﺯﻳﻨﺐ
ﺍﻣﻬﺎ ﻣﻜﻌﺪﺗﻬﺎ ﻳﻤﻬﺎ ﻭﺷﺎﺑﻜﺘﻬﺎ
ﺑﻌﺪﻳﻦ ﺍﺟﺘﻲ ﺍﻟﻌﺮﻭﺳﻪ ﻭﺍﻣﻴﺮ ﻭﺳﻠﻤﻮ ﻋﻠﻴﻬﻢ
ﺍﻧﻄﻮﺍ ﻟﻠﻌﺮﻭﺱ ﻇﺮﻑ ﻣﻌﺮﻓﻨﻪ ﺷﻨﻮ ﺑﻲ
ﻛﺎﻝ ﺍﺑﻮﻫﺎ ﻣﻜﺪﺭﻧﻪ ﻧﺠﻴﺐ ﺷﻲ ﻭﻳﺎﻧﻪ ﻣﻨﺎﻙ ﻻﻥ ﺗﻌﺮﻓﻮﻥ ﻃﺮﻳﻖ ﺑﻌﻴﺪ
ﺭﺩﻧﻪ ﻧﺠﻴﺐ ﺑﺮﺍﺩ ﻟﻮ ﺛﻼﺟﻪ ﺑﺲ ﺻﻌﺐ ﻋﻠﻴﻨﻪ ﻧﻘﻠﻬﺎ
ﻣﻘﺒﻠﻨﻪ ﻛﻨﺎﻟﻪ ﺟﻴﺘﻚ ﺍﻟﻨﻪ ﻛﺎﻓﻲ
ﺍﻣﻬﺎ ﻟﺰﻳﻨﺐ ﻃﻠﺒﺖ ﺗﻔﺘﺤﻬﺎ ﻛﺪﺍﻣﻨﻪ ﻭﺟﺎﻧﺖ ﻣﺪﺍﻟﻴﻪ ﺫﻫﺐ ﻭﺯﻧﺠﻴﻠﻬﺎ ﺗﺨﺒﻞ
ﺍﻟﻤﺪﺍﻟﻴﻪ ﻣﺤﻔﻮﺭ ﺍﺳﻢ ﺍﻣﻴﺮ ﻭﺍﺳﻢ ﺯﻭﺟﺘﻪ ﺍﻟﻲ ﻫﻲ ﺯﻫﺮﺍﺀ
ﺍﻟﺼﺮﺍﺣﻪ ﺍﺗﻔﺎﺟﺄﻧﻪ ﻭﻣﺤﺪ ﻗﺒﻞ
ﺍﻟﺒﻨﻴﻪ ﺗﺸﻜﺮﺕ ﻣﻨﻬﻢ
ﻭﺻﺪﻙ ﺟﺎﻧﺖ ﺍﺣﻠﻰ ﻫﺪﻳﻪ
ﺑﻜﻠﺒﻲ ﻛﻠﺖ ﺍﺫﺍ ﻓﻜﺮ ﻫﻴﺞ ﻫﺪﻳﺘﻬﻢ ﻟﻌﺪ ﺍﺫﺍ ﻃﺎﻛﻴﻦ ﺷﻴﺠﻴﺒﻮﻥ
ﺍﻟﻐﺴﻞ ﺍﻟﻲ ﻭﻟﺘﻔﻜﻴﺮﻱ ﺍﻟﻮﺳﺦ
ﻓﺎﻃﻤﻪ ﺍﺧﺬﺕ ﺍﻟﺒﻨﺎﺕ ﻭﺻﻌﺪﺕ
ﺟﺎﻳﺒﻴﻦ ﻋﻼﻛﻪ ﻟﻨﻮﺭ ﻭﻧﻈﻮﺭﻱ
ﻣﻼﺑﺲ ﻭﺣﻠﻮﻳﺎﺕ
ﻭﻋﻼﻛﻪ ﺍﻧﻄﻮﻫﺎ ﻟﺰﻳﻨﺐ
ﺑﺪﻥ ﻳﺠﻬﺰﻥ ﺑﺎﻟﻐﺪﻩ
ﺭﺣﺖ ﺟﺒﺖ ﺍﻟﺴﻤﺞ ﻭﺍﻟﺨﺒﺰ ﺣﺎﺭ ﻭﺍﻟﻄﺮﺷﻲ ﻭﺍﻟﻠﺒﻦ ﻭﺧﻀﺮﻩ
ﺭﺟﻌﺖ ﻟﻜﻴﺖ ﺍﻻﻛﻞ ﺣﺎﺿﺮ
ﺻﺒﻮﺍ ﻭﻃﻠﺒﺖ ﻣﻨﻬﻦ ﻳﻌﺰﻟﻦ ﺍﻟﻨﻪ ﻭﺣﺪ ﻭﻟﻠﺒﻨﺎﺕ ﻭﺣﺪ ﺣﺘﻰ ﻳﺎﺧﺬﻥ ﺭﺍﺣﺘﻬﻦ
بيج قصص عراقيه حقيقيه من واقعنا.روعه الطائي
ﺍﻣﻴﺮ ﺍﺟﻪ ﻳﺸﺎﻭﺭ ﺑﻴﻪ
ﻳﻜﻠﻲ ﻟﻚ ﻭﻳﻦ ﺍﻻﻡ ﻭﻳﻦ ﺍﻟﺒﻨﺖ
ﺗﺎﻫﺖ ﻋﻠﻴﻪ ﺍﻟﻠﻪ ﻭﻛﻴﻠﻚ
ﻭﺍﻟﻠﻪ ﻟﻮ ﺍﺩﺭﻱ ﻫﻴﺞ ﺟﺎﻥ ﻣﻔﻮﺗﺖ ﻫﺎﻟﺠﻤﺎﻝ
ﺿﺮﺑﺘﻪ ﻉ ﺭﺍﺳﻪ ﻟﻚ ﺫﻧﻲ ﻋﺮﺿﻲ ﻟﺘﺤﺠﻲ ﻫﻴﺞ ﻋﻠﻴﻬﻦ
ﺍﻓﻜﺲ ﻋﻴﻮﻧﻚ ﺍﺫﺍ ﺑﺎﻭﻋﺖ ﻋﻠﻴﻬﻦ
ﻭﻫﺎﻱ ﻣﻦ ﺷﻮﻛﺖ ﻫﻴﺞ ﺗﻔﻜﺮ
ﻣﻦ ﺯﻣﺎﻥ ﺑﺲ ﻏﻴﺮ ﺍﻧﻲ ﻣﺎﺍﺣﺠﻲ
ﻭﺗﻌﺎﻝ ﺍﻛﻮﻟﻚ ﻫﺎﻱ ﺍﻧﺖ ﺑﻌﺪﻙ ﻋﺮﻳﺲ ﻭﻫﻴﺞ ﺗﺤﺠﻲ
ﻟﻌﺪ ﺍﺫﺍ ﺻﺎﺭﻟﻚ ﺳﻨﻪ ﺷﺘﺴﻮﻱ
ﻛﺎﻡ ﻳﻀﺤﻚ
ﺯﻭﺝ ﺍﻟﻤﻴﺘﺰﻭﺝ ﺑﻌﺪ
ﺍﺩﺭﻱ ﺑﺎﻣﻴﺮ ﻳﺘﺸﺎﻗﻪ ﺑﺲ ﻣﻦ ﺻﺪﻙ ﻣﻘﺒﻠﺖ ﻋﻠﻲ
ﺟﺎﺑﻮ ﺍﻟﻐﺪﻩ ﻣﺴﻮﻳﻪ ﺍﺷﻜﺎﻝ ﻭﺍﻟﻠﻮﺍﻥ
ﻛﻤﻠﻨﻪ ﻭﻃﻠﺒﺖ ﻣﻨﻬﺎ ﺗﺮﺗﺐ ﺍﻟﻐﺮﻓﻪ ﺍﻟﻲ ﺍﺑﻴﺘﻲ ﺣﺘﻰ ﻳﻨﺎﻣﻮﻥ ﻭﻳﺎﺧﺬﻭﻥ ﺣﺮﻳﺘﻬﻢ
ﻓﻌﻼ ﺭﺍﺣﺖ ﻭﺍﺟﺖ ﺻﺎﺣﺘﻬﻢ
ﻣﻘﺒﻠﻮﺍ ﺍﺑﺪ
ﻛﺎﻟﻮﺍ ﻻﺯﻡ ﻧﺮﺟﻊ ﻣﻦ ﻭﻛﺖ
ﺣﺎﻭﻟﻨﻪ ﻭﻳﺎﻫﻢ ﺑﻜﻞ ﻃﺮﻳﻘﻪ ﺭﻓﻀﻮﺍ
ﻧﻈﻮﺭﻱ ﻭﻧﻮﺭ ﻣﻠﻤﺤﻨﺎﻫﻢ ﺍﺑﺪ
ﺍﻛﻴﺪ ﻳﻢ ﺍﻟﺒﻨﺎﺕ
ﺑﻌﺪﻳﻦ ﻛﺘﻠﻬﻢ ﺧﻠﻮ ﺍﻟﺒﻨﺎﺕ ﻭﻳﻮﻡ ﺍﻟﺠﻤﻌﻪ ﺍﻧﻲ ﺍﺟﻴﺒﻬﻢ ﺑﻴﺪﻱ
ﺷﻔﺘﻬﺎ ﻓﺮﺣﺖ ﺯﻳﻨﺐ
ﺭﺍﺣﺖ ﺣﺎﺟﺘﻬﻦ ﻭﺭﺟﻌﺖ
ﻛﺎﻟﺖ ﻣﻘﺒﻠﻦ ﺍﺑﺪ ﻳﺴﺘﺤﻦ
ﻳﺎﺍﻟﻠﻪ ﻣﻌﻘﻮﻟﻪ ﻫﺬﺍ ﺍﻻﺩﺏ ﻛﻠﻪ ﻭﺍﻻﺧﻼﻕ ﻭﻫﺎﻱ ﺍﻟﺘﺮﺑﻴﻪ ﺍﻟﺤﻠﻮﻩ
ﻣﻌﻘﻮﻟﻪ ﺗﻄﻠﻊ ﺷﺎﺫﻩ ﻋﺪﻫﻢ ﻭﺗﺘﺰﻭﺝ ﺑﺪﻭﻥ ﻋﻠﻤﻬﻢ ﻭﻉ ﻣﻮﺩ ﺷﻜﻢ ﻓﻠﺲ
ﺍﻛﻴﺪ ﺍﻛﻮ ﻏﻠﻂ ﺏ
ﺣﻴﻞ ﺩﺧﺖ ﻭﺍﻟﻠﻪ ﺑﻬﺎﻱ ﺍﻟﻌﺎﺋﻠﻪ
ﺍﺟﻪ ﻣﺤﻤﺪ ﻭﺯﻭﺟﺘﻪ ﻭﺳﻠﻤﻮ ﻋﻠﻴﻬﻢ ﻭﻛﻌﺪﻭﺍ ﺷﻮﻳﻪ
ﺑﻌﺪﻫﺎ ﺍﺗﺮﺧﺼﻮﺍ ﻣﻦ ﻋﺪﻧﻪ
ﻭﺍﻋﺪﻭﻧﻪ ﻳﺠﻮﻥ ﺧﻤﻴﺲ ﻭﺟﻤﻌﻪ
ﺑﻐﻴﺮ ﻭﻗﺖ
ﻋﺒﺎﻟﻲ ﻳﺘﻌﻄﻠﻮﻥ ﺣﺘﻰ ﺍﺗﺴﻠﻪ ﻭﻱ ﺯﻳﻨﺐ
ﻧﺰﻟﻦ ﺍﻟﺒﻨﺎﺕ ﻭﻛﻮﻩ ﺳﻠﻤﻦ ﻉ ﻣﺤﻤﺪ
ﺍﻟﺨﺠﻞ ﻭﺍﺿﺢ ﻋﻠﻴﻬﻦ
ﺭﺣﺖ ﻭﺻﻠﺘﻬﻢ ﻟﻠﻜﺮﺍﺝ ﻭﺍﺟﺮﺕ ﺍﻟﻬﻢ ﺳﻴﺎﺭﻩ ﺧﺎﺻﻪ ﻭﺩﻓﻌﺖ ﺍﻟﻜﺮﻭﻩ
ﺑﺲ ﻛﻮﻩ ﻳﻠﻪ ﻗﺒﻞ ﺍﺑﻮﻫﺎ
ﺭﺩﺕ ﺍﻭﺻﻠﻬﻢ ﺍﻧﻲ ﺑﻨﻔﺴﻲ ﺑﺲ ﺭﻓﻀﻮﺍ ﻭﻣﻘﺒﻠﻮ ﺍﺑﺪ
ﺭﺟﻌﺖ ﻭﻟﻜﻴﺖ ﺍﻣﻴﺮ ﻭﻣﺤﻤﺪ ﻛﺎﻋﺪﻳﻦ ﻭﻳﺼﻨﻔﻮﻥ ﻉ ﻧﺴﺎﺑﺘﻬﻢ
ﻣﺤﻤﺪ ﻳﻜﻠﻪ ﻭﻟﻚ ﻛﻮﻩ ﻃﻠﻊ ﻣﻨﻬﻢ ﺍﻝ 25 ﻭﻫﻤﻪ ﺧﻴﺮ ﻣﻦ ﺍﻟﻠﻪ
ﺍﻣﻴﺮ ﻳﻜﻠﻪ ﻟﻚ ﺍﻧﻲ ﺍﺗﻮﻗﻌﺖ ﺳﻔﺮﺗﻨﺎ ﻋﻠﻴﻬﻢ ﻻﻥ ﻧﺎﻳﻤﻴﻦ ﻉ ﺍﻟﻤﻼﻳﻴﻦ
ﺑﺎﻟﺘﺎﻟﻲ ﺟﺎﺑﻮﻟﻬﻢ ﺑﻼﺯﻣﺎ 32 ﻭﻳﻀﺤﻜﻮﻥ
بيج قصص عراقيه حقيقيه من واقعنا.روعه الطائي
ﻛﺘﻠﻬﻢ ﺍﻧﺘﻮﺍ ﺯﻳﻦ ﺍﺣﺴﻦ ﻣﻨﻲ ﺍﻧﻲ ﺍﻫﻞ ﺣﻨﺎﻥ ﺍﺟﻮﻱ ﻭﺍﺗﻌﺸﻮ ﻭﺍﻧﻄﻮﺍ ﺍﻟﻌﺸﺮﻩ ﻉ ﺍﻋﺼﺎﺑﻬﻢ
ﻣﺤﻤﺪ ﻳﻜﻠﻨﻪ ﻟﻚ ﺍﺫﺍ ﺫﻭﻟﻪ ﻧﺴﺎﺑﺘﻚ ﻓﻜﺮ ﻭﻫﻴﺞ ﻟﺒﺴﻬﻢ ﻭﻫﻴﺞ ﻫﺪﺍﻳﺎﻫﻢ
ﻟﻌﺪ ﺍﺫﺍ ﻃﺎﻛﻴﻦ ﺷﻴﺠﻴﺒﻮﻥ ﺟﻜﺴﺎﺭﻩ ﻟﻮ ﺷﻨﻮ
ﺍﻣﻴﺮ ﻳﻜﻠﻪ ﻟﻚ ﻟﻮ ﺗﺸﻮﻓﻮﻥ ﺯﻳﻨﺐ ﺷﻨﻄﺖ ﻟﺰﻫﺮﺍﺀ ﻳﻘﺼﺪ ﺯﻭﺟﺘﻪ
ﺍﻧﻄﺘﻬﺎ ﻭﺭﻗﻪ ﻭﺗﻜﻠﻬﺎ ﺍﻋﺬﺭﻳﻨﻲ ﻻﻥ ﻣﺎﺍﻃﻠﻊ ﻟﻠﺴﻮﻙ ﺟﺎﻥ ﺟﺒﺘﻠﻜﻢ ﻫﺪﻳﻪ
ﺍﺗﻌﺎﺭﻛﻨﻪ ﺍﻧﻲ ﻭﺯﻫﺮﺍﺀ ﻉ ﺍﻟﻮﺭﻗﻪ
ﺑﻜﻠﺒﻲ ﺍﻛﻠﻬﺎ ﻳﺎﻫﺪﻳﻪ ﻳﺎﺑﻄﺮﻳﻖ
ﻧﺮﻳﺪ ﻭﺭﻕ ﺍﺣﺴﻦ
ﻛﺎﻣﻮﺍ ﻳﻀﺤﻜﻮﻥ
ﻣﺎﺍﻋﺮﻑ ﻣﻨﻴﻦ ﺗﺼﺮﻑ ﻭﻻ ﺍﺩﺭﻱ ﺑﻴﻬﺎ ﻣﻨﻮ ﻳﻨﻄﻴﻬﺎ ﻓﻠﻮﺱ
ﻻﺯﻡ ﺍﺩﻭﺭ ﺍﺧﻠﻴﻠﻬﺎ ﻣﺼﺮﻑ ﺷﻬﺮﻱ
ﻣﺤﻤﺪ ﺣﺠﻪ ﻭﺍﻟﻠﻪ ﺍﻟﺼﺮﺍﺣﻪ ﻣﻌﺮﻓﺖ ﺯﻳﻨﺐ ﻣﻦ ﺍﻣﻬﺎ
ﻭﺍﻟﻨﺰﺍﻛﻪ ﺧﻮ ﻟﺘﺴﻮﻟﻒ ﺳﺎﻟﻔﺘﻬﺎ
ﻋﺒﺎﻟﻚ ﺑﻨﻴﻪ ﻋﻤﺮﻫﺎ ﻋﺸﺮﻳﻦ
ﻭﺍﻟﻤﺸﻜﻠﻪ ﺑﺘﻬﺎ ﺟﻨﻬﺎ ﺑﻴﺒﻴﺘﻲ ﻣﻦ ﻭﺭﻩ ﻫﺬﺍ ﺍﻟﻤﺴﺤﺘﻞ ﻳﻘﺼﺪﻧﻲ
ﺍﻱ ﻭﺍﻟﻠﻪ ﺻﺪﻙ ﺿﻠﻤﺘﻬﺎ ﻟﻬﺎﻱ ﺍﻟﺒﻨﻴﻪ
ﮔﻠﻲ ﻣﺤﻤﺪ ﻟﻚ ﺣﻴﺪﺭ ﻣﻴﺼﻴﺮ ﻳﺰﻭﺟﻮﻧﻲ ﺍﻟﺪﻛﺘﻮﺭﻩ
ﺍﻣﻴﺮ ﻛﻠﻪ ﻟﻚ ﺍﻧﻲ ﺣﺠﺰﺗﻬﺎ ﻣﻦ ﻫﺴﻪ
ﻳﺘﺸﺎﻗﻮﻥ ﻭﻳﻀﺤﻜﻮﻥ
ﻛﺘﻠﻬﻢ ﺭﺍﺡ ﺍﻛﻮﻡ ﺍﻓﺮﻍ ﺍﻟﻤﺴﺪﺱ ﺑﺮﺍﺳﻜﻢ ﺍﺛﻨﻴﻨﻜﻢ
ﻣﺤﻤﺪ ﻳﻜﻠﻪ ﻟﻚ ﻭﻫﺬﺍ ﺍﻻﺛﻮﻝ ﺍﻟﺜﺎﻧﻲ ﺍﻟﻤﻄﻨﺶ ﺍﻟﻜﻤﺮ ﻭﻣﻜﺎﺑﻞ ﻭﺣﺶ ﺍﻟﻄﺎﻭﻩ 😅😅😅😅🤣🤣🠾񘴣🤣🤣😅😅😅😅😅🤣🠾񘴣🤣
ﺍﺳﻜﺘﻮ ﺫﻛﺮﺗﻮﻧﻲ ﺑﻮﺣﺶ ﺍﻟﻄﺎﻭﻩ ﻛﺘﻠﻬﻢ ﺍﻟﻴﻮﻡ ﺗﻨﻔﺠﺮ ﺍﻛﻴﺪ ﻣﻦ ﺍﻟﻐﻴﺮﻩ
ﺿﺤﻜﻨﻪ ﺷﻮﻳﻪ ﻭﺑﻌﺪﻫﺎ ﻛﻠﻤﻦ ﺭﺍﺡ ﻟﺤﺎﻝ ﺳﺒﻴﻠﻪ
ﺑﻘﻴﺖ ﺍﻓﻜﺮ ﻳﺎﺗﺮﻯ ﻣﻌﻘﻮﻟﻪ ﺯﻳﻨﺐ ﺗﺘﺰﻭﺝ ﺑﺪﻭﻥ ﻋﻠﻤﻬﻢ
ﻭﻣﺒﻴﻦ ﺍﺑﻮﻫﻦ ﻣﺮﺑﻴﻬﻦ ﺗﺮﺑﻴﻪ ﻭﺍﻟﻨﻌﻢ ﻣﻨﻬﺎ
ﺑﺲ ﺍﻟﺼﺮﺍﺣﻪ ﻣﺎﺍﻋﺮﻑ ﻋﺪﻫﺎ ﺍﺧﻮ ﻻ
ﻣﺎﺍﻛﺪﺭ ﺍﺳﺎﻟﻬﺎ
ﺭﺟﻌﺖ ﻭﻟﻜﻴﺖ ﺣﻨﺎﻥ ﻛﺎﻟﺒﻪ ﺍﻟﺨﻠﻘﻪ
ﻫﺎ ﺧﻴﺮﺝ ﺷﻜﻮ ﺷﺼﺎﻳﺮ
ﺍﻛﻮﻝ ﻋﻮﺩ ﻟﻴﺶ ﻫﻴﺞ ﺍﺳﺘﻘﺒﻠﺘﻮ ﺍﻫﻞ ﺯﻳﻨﺐ
ﻭﻫﻴﺞ ﻃﺒﺨﺘﻮ ﺍﻟﻬﻢ
ﺍﺷﻮ ﺍﻫﻠﻲ ﻣﻦ ﻳﺠﻮﻥ ﻣﺤﺪ ﻳﺪﺧﻞ ﻭﻳﺴﻠﻢ
ﺍﻭﻝ ﺷﻲ ﺍﻫﻞ ﺯﻳﻨﺐ ﻫﺎﻱ ﺍﻭﻝ ﻣﺮﻩ ﻳﺰﻭﺭﻭﻧﻪ
ﻭﺛﺎﻧﻲ ﺷﻲ ﺑﺎﻟﻨﺴﺒﻪ ﻟﻼﻛﻞ ﻛﻞ ﺍﻟﻴﺠﻴﻨﻪ ﻫﻴﺞ ﻧﺴﻮﻳﻠﻪ ﻣﺎﻛﻮ ﻓﺮﻕ ﻋﺪﻧﻪ
ﻭﺗﻌﺎﻱ ﺍﻛﻠﺞ ﻫﻤﻪ ﺍﻫﻠﺞ ﺷﻮﻛﺖ ﺟﺎﻳﻦ ﻉ ﺍﻟﻐﺪﻩ
ﺍﺷﻮ ﻛﻢ ﻛﻠﻪ ﻉ ﺍﻟﻌﺸﻪ
ﺍﻱ ﺣﺘﻠﻮ ﻋﺸﻪ
ﻣﺘﻘﺪﺭﻭﻫﻢ ﺍﺑﺪ
بيج قصص عراقيه حقيقيه من واقعنا.روعه الطائي
ﺑﺲ ﺫﻭﻟﻪ ﻻﻥ ﺍﻫﻠﻬﺎ ﻟﺰﻳﻨﺐ
ﺍﻛﻠﺞ ﺭﺍﺳﻲ ﻳﻮﺟﻌﻨﻲ ﻭﻣﺎﺍﻟﻲ ﺧﻠﻚ ﺍﺑﺪ ﺧﻠﻴﻨﻲ ﺍﻧﺎﻡ ﻭﺑﻼ ﻟﻐﻮﻩ ﺯﺍﻳﺪﻩ
ﺳﻜﺘﺖ
ﺑﻌﺪﻳﻦ ﻛﺎﻟﺖ ﻋﻮﺩ ﻟﻴﺶ ﺍﻭﻝ ﻣﺮﻩ ﻳﺰﻭﺭﻭﻛﻢ
ﻣﻴﺤﺒﻮﻥ ﻳﺰﻭﺭﻭﻥ ﺍﺣﺪ ﺍﻟﻪ ﺑﻤﻨﺎﺳﺒﻪ
ﻫﺬﺍ ﻃﺒﻌﻬﻢ
ﺳﻜﺘﺖ
ﻧﻤﺖ ﻭﻛﻌﺪﺕ ﺧﺎﺑﺮﻭﻧﻲ ﺟﻤﺎﻋﺘﻲ ﻛﺎﻟﻮ ﺳﻬﺮﻩ ﻣﺘﺘﻔﻮﺕ ﺍﺑﺪ ﻣﻦ ﺍﻟﻌﻤﺮ ﻭﻻﺯﻡ ﺗﺤﻀﺮ
ﻛﺘﻠﻬﻢ ﺍﻟﻠﻪ ﻛﺮﻳﻢ
ﺑﺲ ﻫﺎﻱ ﻭﺣﺶ ﺍﻟﻄﺎﻭﻩ ﻉ ﻛﻮﻟﺖ ﺍﻣﻴﺮ ﺷﻠﻮﻥ ﺍﺧﻠﺺ ﻣﻨﻬﺎ
ﻛﺘﻠﻬﺎ ﺗﺮﻭﺣﻴﻦ ﻻﻫﻠﺞ ﺗﺒﺎﺗﻴﻦ
ﻛﺎﻟﺖ ﻟﻴﺶ ﺷﻜﻮ ﻭﺗﺮﻳﺪ ﺗﺨﻠﺺ ﻣﻨﻲ
ﻟﺞ ﻟﺘﺼﻴﺮﻳﻦ ﺛﻮﻟﻪ ﺷﻠﻮﻥ ﻳﻌﻨﻲ ﺍﺧﻠﺺ ﻣﻨﺞ
ﺍﺷﻮ ﻣﻦ ﺗﺰﻭﺟﺘﺞ ﻟﻬﺴﻪ ﺧﺒﻠﺘﻴﻨﻲ ﺧﻠﻴﺘﻴﻨﻲ ﺣﺘﻰ ﺯﻳﻨﺐ ﻣﺎﺍﻧﺎﻡ ﻭﻳﺎﻫﺎ
ﻻﻥ ﺍﺣﺒﺞ ﻭﺍﻣﻮﺕ ﻋﻠﻴﺞ ﻭﻣﺎﺍﻛﺪﺭ ﺍﻓﺎﺭﻛﺞ
ﺑﺪﺍﺧﻠﻲ ﻣﻴﺖ ﺿﺤﻚ
ﻓﺮﺣﺖ ﻫﻴﻪ
ﻛﺎﻟﺖ ﺷﻠﻮﻥ ﺍﻟﻴﻮﻡ ﺭﺍﺡ ﺗﻔﺎﺭﻛﻨﻲ
ﻣﻮ ﺧﺎﺑﺮﻭﻧﻲ ﻫﺴﻪ ﻭﻋﺰﻣﻮﻧﻲ ﻉ ﺣﻨﻪ ﻭﺍﺧﺎﻑ ﺍﺗﺎﺧﺮ ﻋﻠﻴﺞ
ﺍﺫﺍ ﻫﻴﺞ ﻭﺩﻳﻨﻲ
ﺑﺲ ﻣﻦ ﻫﺴﻪ ﺍﻛﻠﺞ ﻣﻮ ﺗﺴﺒﻴﻨﻲ ﺑﺎﻟﻤﺨﺎﺑﺮﻩ
ﺗﺨﻠﺺ ﺍﻟﺤﻨﻪ ﻭﺍﻧﺎﻡ ﻛﺒﻞ
ﻣﺎﺷﻲ ﺣﺒﻴﺒﻲ
ﻭﺩﻳﺘﻬﺎ ﻭﺭﺟﻌﺖ ﻟﻠﺒﻴﺖ
ﺳﺒﺤﺖ ﻭﺑﺪﻟﺖ ﻭﺧﻠﻴﺖ ﻋﻄﺮ
ﻋﻄﺮﻱ ﺍﻟﻤﻔﻀﻞ ﺟﺎﻥ ﺑﻠﻮ ﺷﺎﻧﻴﻞ 👇
ﺭﺩﺕ ﺍﻃﻠﻊ ﺑﺲ ﺷﻤﻴﺖ ﺭﻳﺤﻪ ﻃﻴﺒﻪ ﻣﺎﻟﺖ ﻃﺒﺦ ﻣﺎﺍﻋﺮﻓﻬﺎ ﺷﻨﻮ
ﺭﺣﺖ ﻟﻠﻤﻄﺒﺦ ﻻﻫﻠﻲ
ﻟﻜﻴﺖ ﺯﻳﻨﺐ ﻉ ﺍﻟﻄﺒﺎﺥ
ﻫﺎﻱ ﺷﻨﻮ ﺍﻟﺮﻳﺤﻪ ﺷﻤﺴﻮﻳﻪ
ﻛﺎﻟﺖ ﺍﺟﻨﺤﻪ ﻣﺎﻟﺖ ﺩﺟﺎﺝ ﻭﺑﺘﻴﺘﻪ
ﻣﻌﻘﻮﻟﻪ ﻫﺎﻱ ﻫﻴﺞ ﺭﻳﺤﺘﻬﻦ ﺑﻜﻠﺒﻲ ﺣﺠﻴﺖ
ﻣﺴﺘﻮﻱ ﺍﻻﻛﻞ ﻟﻮ ﺑﻌﺪﻩ
ﺍﻱ ﻛﻤﻠﺖ
ﺣﻄﻴﻠﻲ ﺑﺲ ﻗﻠﻴﻞ
ﺍﺟﺘﻲ ﺍﻣﻲ ﻟﻠﻤﻄﺒﺦ
ﻫﺎ ﻳﻮﻡ ﻭﻳﻦ ﺗﺮﻳﺪ
ﻣﻌﺰﻭﻡ ﻉ ﺣﻨﻪ ﻭﺩﺯﻳﺖ ﺣﻨﺎﻥ ﻻﻫﻠﻬﺎ
ﺍﻛﻌﺪ ﺍﺗﻌﺸﻰ ﻭﺭﻭﺡ
ﻛﺎﻋﺪ ﺗﺼﺒﻠﻲ ﺯﻳﻨﺐ
ﺍﻛﻠﺖ ﻭﺟﺎﻧﻦ ﺣﻴﻞ ﻃﻴﺒﺎﺕ
ﺭﺩﺕ ﺍﻃﻠﺐ ﺑﻌﺪ
ﺑﺲ ﻛﻠﺖ ﺧﺎﻑ ﻣﻤﺴﻮﻳﻪ ﻫﻮﺍﻱ
ﻛﻠﺘﻠﻲ ﺍﺻﺒﻠﻚ ﺑﻌﺪ
ﻛﺘﻠﻪ ﻻ
ﻏﺴﻠﺖ ﻭﻃﻠﻌﺖ
ﺭﺣﻨﻪ ﺍﺗﻌﺸﻴﻨﺎ ﺑﺎﻟﻤﻄﻌﻢ ﻭﺑﻌﺪﻫﺎ ﺭﺣﻨﻪ ﺳﻬﺮﻩ ﻟﻠﺼﺒﺢ
ﺑﻌﺪﻫﺎ ﺭﺟﻌﺖ ﺳﺒﺤﺖ ﻭﺻﺤﺼﺤﺖ ﺑﺲ ﻳﺎﺩﻭﺏ ﺍﻟﺴﺎﻋﻪ ﺏ 4
ﻛﻠﺖ ﺑﻌﺪ ﻫﻮﺍﻱ ﻭﻛﺖ ﻟﻠﺪﻭﺍﻡ
ﻗﻮﻗﺘﺖ ﺍﻟﻤﻨﺒﻪ ﻭﻧﻤﺖ
ﻛﻌﺪﺕ ﻉ ﺻﻮﺕ ﻧﺎﻋﻢ
ﻣﻮ ﺻﻮﺕ ﺣﻨﺎﻥ
ﻓﺘﺤﺖ ﻋﻴﻮﻧﻲ ﻭﺟﺎﻥ ﺍﺷﻮﻑ ﺯﻳﻨﺐ ﻛﺒﺎﻟﻲ
ﺳﺤﺒﺘﻬﺎ ﻟﺤﻀﻨﻲ ﺑﺲ ﻣﺎﺍﺩﺭﻱ ﺑﻨﻔﺴﻲ
ﻳﺎﺍﻟﻠﻪ ﺷﻨﻮ ﻣﻦ ﺻﺒﺎﺡ ﻫﺬﺍ ﺍﻟﻴﻮﻡ
ﻳﻤﻜﻦ ﺍﺣﻠﻰ ﻳﻮﻡ ﺑﺤﻴﺎﺗﻲ
ﻋﺒﺎﻟﻲ ﺣﻠﻢ ﻭﺭﺟﻌﺖ ﻧﻤﺖ
ﺣﺴﻴﺘﻬﺎ ﻭﺧﺮﺕ ﻋﻨﻲ ﻭﻛﺎﻣﺖ ﺗﺼﻴﺢ
ﺍﺑﻮ ﻧﻮﺭ ﻭﻛﺘﺘﻚ ﺭﺍﺡ ﺍﻟﺴﺎﻋﻪ ﺏ 7 ﻭﻧﺺ
ﻃﻔﺮﺕ ﻣﻦ ﺳﻤﻌﺖ ﺏ 7 ﻭﻧﺺ
ﻭﻛﺘﻲ ﺭﺍﺡ
ﺑﺴﺮﻋﻪ ﻛﻌﺪﺕ
ﻫﻲ ﺑﺴﺮﻋﻪ ﺳﺤﺒﺖ ﻧﻔﺴﻬﺎ ﻭﺭﺍﺩﺕ ﺗﻄﻠﻊ
ﺳﺤﺒﺘﻬﺎ ﻣﻦ ﺍﻳﺪﻫﺎ
ﺍﻟﺤﻠﻮ ﻭﻳﻦ ﺭﺍﻳﺢ
ﺍﺭﻳﺪ ﺍﺭﺟﻊ ﻟﻐﺮﻓﺘﻲ
ﺯﻳﻦ ﺷﻌﻨﺪﺝ ﻫﻨﺎ ﺍﻛﻴﺪ ﺟﺎﻳﻪ ﺗﺘﺤﺎﺭﺷﻴﻦ ﺑﻴﻪ
ﻭﻓﻮﻛﺎﻫﺎ ﺷﺎﺑﻜﺘﻨﻲ
ﻫﺎﻱ ﺍﻧﺖ ﺷﻜﺎﻋﺪ ﺗﺤﺠﻲ
ﺷﻨﻮ ﺗﺨﺒﻠﺖ ﻭﺍﺗﺤﺎﺭﺵ ﺑﻴﻚ ﻟﻮ ﺍﺷﺒﻜﻚ
ﻟﻴﺶ ﺍﻧﺖ ﺍﻛﻮ ﻭﺍﺣﺪ ﻛﻠﺞ ﺻﺎﺣﻴﻪ
ﻻ ﻣﺤﺪ ﻛﻠﻲ
ﺭﺍﺩﺕ ﺗﻄﻠﻊ ﻣﺮﻩ ﺛﺎﻧﻴﻪ
ﺳﺤﺒﺘﻬﺎ ﺍﻟﻲ ﻭﻗﺮﺑﺖ ﻭﺟﻬﺎ ﻋﻠﻴﻪ
ﻭﻳﻦ ﺗﺮﺩﻳﻦ ﺗﻨﻬﺰﻣﻴﻦ
ﺭﺟﺎﺀﺍ ﺍﺑﺘﻌﺪ ﻋﻨﻲ
ﻭﺍﺫﺍ ﻣﺒﺘﻌﺪﺕ ﺷﺮﺍﺡ ﺗﺴﻮﻳﻦ
ﻣﻮ ﺍﺟﺘﻲ ﻭﺍﺗﺤﺎﺭﺷﺘﻲ ﻭﻋﻔﺘﻴﻨﻲ ﻉ ﺍﻟﻨﺺ ﻭﺗﺮﺩﻳﻦ ﺗﻨﻬﺰﻣﻴﻦ
ﻭﺍﻟﻠﻪ ﻣﺎﻗﺼﺪﻱ ﺷﻲ
ﺑﺲ ﻭﻛﺘﻚ ﺭﺍﺡ ﻭﻛﻠﺖ ﺧﻄﻴﻪ
ﺑﺲ ﻣﺎﺑﻴﻚ ﺻﻮﺝ
ﺻﻮﺟﻲ ﺍﻧﻲ ﺍﻟﻜﻠﺖ ﺧﻄﻴﻪ
ﻟﻴﺶ ﻣﺨﺎﺑﺮﺗﻴﻨﻲ ﺟﺎﻥ ﻛﻌﺪﺕ
ﻟﻮ ﺍﻟﻰ ﺗﺠﻴﻦ ﻭﺗﺘﺤﺮﺷﻴﻦ ﺑﻴﻪ
ﺭﻭﺡ ﺷﻮﻑ ﺟﻬﺎﺯﻙ ﻳﻠﻪ ﺗﺤﺠﻲ
ﺭﺩﺕ ﺍﺑﻮﺳﻬﺎ
ﺑﺲ ﺑﺎﻟﻠﺤﻀﻪ ﻫﺪﺕ ﻧﻔﺴﻬﺎ ﻭﻃﻠﻌﺖ ﺑﺮﻩ
ﺍﺗﺬﻛﺮﺕ ﺍﻟﺪﻭﺍﻡ
ﻟﻜﻴﺘﻬﺎ ﻣﺠﻬﺰﻩ ﻣﻼﺑﺴﻲ ﺍﻟﻌﺴﻜﺮﻳﻪ
ﺑﻌﺪ ﻣﺎﺍﺷﻮﻑ ﺩﺭﺑﻲ
ﺑﺪﻟﺖ ﻭﻟﻜﻴﺖ ﻟﻔﻪ ﺑﺠﻴﺲ ﻭﻛﻼﺹ ﺳﻔﺮﻱ ﻭﺗﺮﻣﺰ ﺟﺎﻱ ﺻﻐﻴﺮ
ﻳﺎﺍﻟﻠﻪ ﺣﺘﻰ ﺭﻳﻮﻙ ﻣﺠﻬﺰﻩ
ﺍﻧﻲ ﻣﻦ ﻳﻮﻡ ﺍﻟﺘﺰﻭﺟﺖ ﺣﻨﺎﻥ ﻟﻠﻴﻮﻡ ﻧﺴﻴﺖ ﺍﻟﺮﻳﻮﻙ
ﻫﻨﺎﻙ ﺍﺗﺮﻳﻚ ﻳﻮﻣﻴﻪ
ﻟﺒﺴﺖ ﻭﻃﻠﻌﺖ ﻉ ﺍﻟﺴﺮﻳﻊ
ﺩﺍﻭﻣﺖ ﺑﺲ ﺍﻟﻴﻮﻡ ﺍﻭﺯﻉ ﺍﺑﺘﺴﺎﻣﺎﺕ
ﻃﻠﻌﺖ ﺍﻟﻠﻔﻪ ﻭﺍﻟﺠﺎﻱ
ﻣﺴﻮﻳﻪ ﻛﺒﺎﺏ ﻭﻓﻨﻜﺮ ﻭﻳﺎﻫﺎ
ﺍﻛﻞ ﻭﺿﺤﻚ ﺣﻴﻞ ﻓﺮﺣﺎﻥ ﺍﻟﻴﻮﻡ ﻭﻣﺎﺍﻋﺮﻑ ﺍﻟﺴﺒﺐ
ﺍﺗﺬﻛﺮﻫﺎ ﻣﻦ ﻛﻌﺪﺗﻨﻲ ﻭﺍﺗﺬﻛﺮ ﻣﻦ ﺷﺒﻜﺘﻬﺎ
ﻭﺷﻠﻮﻥ ﺗﻨﻬﺰﻡ
ﺟﻨﺖ ﻣﺘﻮﻗﻊ ﺍﺩﻭﺭ ﻓﺮﺻﻪ ﺣﺘﻰ ﺗﺘﻘﺮﺏ ﻋﻠﻴﻪ
ﺑﺲ ﻃﻠﻌﺖ ﻣﺘﻮﻫﻢ
ﻣﺘﻬﺘﻢ ﻟﻘﺮﺑﻲ ﺍﺑﺪ
ﻓﺠﺄﻩ ﻭﺟﺎﻥ ﻳﺠﻮﻥ ﺟﻤﺎﻋﺘﻲ ﻭﻳﺒﺎﺭﻛﻮﻟﻲ
ﺷﻜﻮ ﻭﻟﻜﻢ ﺷﺼﺎﻳﺮ
ﺟﺎﻥ ﻳﻜﻮﻟﻮﻥ ﻣﺒﺮﻭﻙ ﺍﺗﺮﻗﻴﺖ ﻭﺻﺮﺕ ﺭﺍﺋﺪ
ﻣﻌﻘﻮﻟﻪ ﺣﺼﻠﺖ ﻉ ﺍﻟﻨﺴﺮ ﻭﺻﺮﺕ ﺭﺍﺋﺪ
ﺟﺎﻥ ﺍﺳﻌﺪ ﺧﺒﺮ ﺑﺤﻴﺎﺗﻲ
ﺍﻛﻴﺪ ﺍﻟﻴﻮﻡ ﺻﺒﺎﺣﻲ ﻣﻮ ﻋﺎﺩﻱ ﺍﺑﺪ
ﺍﻟﻜﻌﺪﺗﻨﻲ ﻭﺻﺒﺤﺖ ﺑﻮﺟﻬﺎ ﺍﻛﻴﺪ ﻭﺟﻬﺎ ﺧﻴﺮ ﻋﻠﻴﻪ
ﺍﺣﺲ ﻛﻠﺒﻲ ﻛﺎﻡ ﻳﻨﺒﺾ ﺑﺎﺳﻢ ﺯﻳﻨﺐ
ﺩﻛﺎﺗﻪ ﺗﺼﻴﺢ ﺯﻳﻨﺐ
ﻳﺎﺍﻟﻠﻪ ﺍﺳﻌﺪ ﻭﺍﺣﺪ ﺑﺎﻟﺪﻧﻴﺎ ﺍﻧﻲ
ﻃﻠﻌﺖ ﺍﻟﺠﻬﺎﺯ ﺣﺘﻰ ﺍﺗﺼﻞ ﺑﺎﻫﻠﻲ
ﻭﺟﺎﻥ ﺍﻟﻜﻲ ﻳﻤﻜﻦ 20 ﻣﻜﺎﻟﻤﻪ ﻣﻦ ﺯﻳﻨﺐ
ﺷﻔﺖ ﺍﻟﻮﻗﺖ ﻣﻦ ﺍﻝ 7 ﻟﻞ 7 ﻭﻧﺺ
ﻃﻠﻊ ﺻﺎﻣﺖ ﻣﺨﻠﻲ ﻣﻦ ﺍﻟﻠﻴﻞ ﺧﻔﺖ ﻣﻦ ﺣﻨﺎﻥ ﺗﺰﻋﺠﻨﻲ
ﺧﺎﺑﺮﺕ ﺍﻣﻲ ﻭﺑﺸﺮﺗﻬﺎ
ﻭﺑﻌﺪﻫﺎ ﺍﺑﻮﻳﻪ ﻭﺍﺧﻮﺗﻲ
ﺍﻟﻜﻞ ﻓﺮﺡ ﺩﺯﻳﺖ ﻟﺰﻳﻨﺐ
ﺭﺍﺡ ﺍﺗﺎﺧﺮ ﻳﻮﻣﻴﻪ ﺑﺎﻟﻨﻮﻣﻪ ﺣﺘﻰ ﻳﻮﻣﻴﻪ ﺍﻛﻌﺪ ﻭﺍﻭﻝ ﺷﺨﺺ ﺍﺷﻮﻓﻪ ﻫﻮ ﺍﻧﺖ
ﻭﺍﺗﺮﻳﻚ ﺍﻃﻴﺐ ﺭﻳﻮﻙ
ﺧﻮ ﺍﻟﺤﻀﻨﻪ ﻟﺘﺴﻮﻟﻔﻴﻦ ﺳﺎﻟﻔﺘﻬﺎ
ﺑﺲ ﻫﺎﻱ ﻣﻨﻮ ﻋﻠﻤﺞ ﻫﻴﺞ ﺗﺘﺤﺎﺭﺷﻴﻦ ﺑﺎﻟﺰﻟﻢ ﻭﺩﺯﻳﺘﻠﻬﺎ 😜👈
ﺩﺯﻳﺘﻠﻬﺎ ﻋﺎﺷﺖ ﺍﻳﺪﺝ ﻉ ﺍﻟﻠﻔﻪ ﻭﺍﻟﺠﺎﻱ
ﺯﻳﻨﺐ : ﺩﺧﻠﻨﻲ ﺣﻴﺪﺭ ﻟﻠﺒﻴﺖ ﺑﻌﺪ ﻣﺎﺿﺮﺑﻨﻲ ﻭﻃﻠﺐ ﻣﻨﻲ ﻣﺎﺍﻃﻠﻊ ﺍﺑﺪ
ﻟﻠﻤﻐﺮﺏ ﺍﺟﻨﻲ ﺍﻟﺒﻨﺎﺕ ﻭﺧﺎﻟﻪ
ﺍﻧﻲ ﺟﻬﺰﺕ ﻛﻠﺸﻲ ﻳﺨﺺ ﺍﻟﺤﻨﻪ
ﺑﺒﺴﻲ ﻭﻛﻴﻚ ﻭﻛﺎﺳﺎﺕ ﻣﻲ
ﻭﺟﺎﺑﻮ ﻟﻔﺎﺕ ﻛﺺ ﺑﺲ ﻣﺮﺗﺒﻴﻬﻦ ﻫﻤﻪ
ﺍﺗﻌﺸﻴﻨﻪ ﻣﻦ ﻟﻔﺎﺕ ﺍﻟﻜﺺ
ﻭﺑﻌﺪﻫﺎ ﺑﺪﺕ ﺍﻟﺤﻨﻪ ﻣﺎﻟﺖ ﺍﻟﻮﻟﺪ
بيج قصص عراقيه حقيقيه من واقعنا.روعه الطائي
ﺟﻨﻪ ﻧﺴﻤﻊ ﺍﻻﺻﻮﺍﺕ ﻭﺍﻻﻏﺎﻧﻲ
ﺍﺷﻮﻑ ﺍﻟﺒﻨﺎﺕ ﻳﺮﻛﺼﻦ ﻭﻓﺮﺣﺎﻧﺎﺕ
ﺍﻧﻲ ﻫﻢ ﻧﺴﻴﺖ ﻫﻤﻲ ﻟﺤﻀﺎﺕ
ﺍﺧﺬﻭﺍ ﻣﻨﺘﻈﺮ ﻣﻨﻲ ﻭﻣﺮﻛﺼﻴﻨﻪ ﻭﻳﺎﻫﻢ
ﺍﺟﺎﻧﻲ ﻓﺮﺣﺎﻥ ﺣﻴﻞ
ﺧﻠﺼﺖ ﺍﻟﻬﻮﺳﻪ
ﻭﻧﻤﻨﻪ ﻭﺛﺎﻧﻲ ﻳﻮﻡ ﻃﻠﺒﺖ ﻣﻦ ﺧﺎﻟﻪ ﺭﺍﺡ ﺍﺧﺘﻔﻲ
ﻻﻥ ﺍﺳﺘﺤﻲ ﻣﻦ ﻣﻼﺑﺴﻲ ﺍﻟﻤﺒﻬﺬﻟﻪ
ﻭﻧﺎﺱ ﺍﻏﻠﺒﻴﺘﻬﻢ ﻣﻴﻌﺮﻓﻮﻧﻲ
ﻛﺎﻟﺖ ﺭﻭﺣﻲ ﺍﺻﻌﺪﻱ ﻉ ﺭﺍﺣﺘﺞ
ﺑﻴﻮﻣﻬﺎ ﺍﺑﺪ ﻣﻨﺰﻟﺖ
ﺧﻠﺼﺖ ﺍﻟﻬﻮﺳﻪ ﻭﺭﺍﺣﺖ ﺍﻟﻨﺎﺱ
ﻧﺰﻟﺖ ﺗﻌﺸﻴﺖ ﻭﺭﺗﺒﺖ ﺍﻟﺒﻴﺖ
ﻟﻜﻴﺖ ﺍﻟﺒﻨﺎﺕ ﻣﻨﻀﻔﺎﺕ ﺍﻟﺒﻴﺖ
ﺑﺲ ﺑﺎﻗﻲ ﺍﺷﻴﺎﺀ ﺑﺴﻴﻄﻪ
ﺑﻌﺪﻫﺎ ﻧﻤﺖ ﻭﻛﻌﺪﺕ ﻣﻦ ﺍﻟﺼﺒﺢ
ﺍﺧﺎﻑ ﺍﺣﺪ ﻳﺠﻲ
ﻛﻌﺪﻥ ﺍﻟﺒﻨﺎﺕ ﻭﻳﺎﻧﻪ
ﺍﻟﺘﻬﻴﻨﻪ ﺑﺎﻟﻐﺪﻩ
ﻛﻌﺪ ﺍﻣﻴﺮ
ﻛﺘﻠﻬﻦ ﺧﻞ ﻭﺣﺪﻩ ﺗﺼﻌﺪ ﻭﻳﺎﻳﻪ ﺣﺘﻰ ﺍﺳﻠﻢ ﻉ ﺍﻟﺒﻨﻴﻪ ﻋﻴﺐ
ﺭﺍﺣﺖ ﻭﻳﺎﻳﻪ ﺳﺎﺭﻩ
ﺩﺧﻠﺖ ﻭﺳﻠﻤﺖ ﻋﻠﻴﻬﺎ ﻭﻃﻠﻌﺖ ﻧﻔﺴﻬﺎ ﺍﻟﺒﻨﻴﻪ ﺍﻟﺤﺠﻴﺖ ﻭﻳﺎﻫﺎ ﻣﺮﻩ
ﺍﺗﻔﺎﺟﺄﺕ ﺑﻴﻪ ﻛﺎﻟﺖ ﻣﺘﻮﻗﻌﺘﺞ ﻫﻴﺞ ﺣﻠﻮﻩ ﺍﺑﺪ
ﺑﺲ ﺗﻮﻗﻊ ﺍﺧﻮﻳﻪ ﺑﻤﺤﻠﻪ
ﻛﺘﻠﻬﺎ ﻣﻔﻬﻤﺖ ﻗﺼﺪﺝ
ﻛﺎﻟﺖ ﻟﺞ ﻣﻦ ﺳﻤﻊ ﺍﺧﻮﻳﻪ ﺻﻮﺗﺞ ﺭﺍﺡ ﺑﻐﻴﺮ ﻋﺎﻟﻢ
ﻳﻜﻮﻡ ﻭﻳﻜﻌﺪ ﻳﺤﻠﻢ ﺑﻴﺞ
ﻭﻳﻮﻣﻴﻪ ﺣﺎﺻﺮﻧﻲ ﺻﺎﺭﺣﻲ ﺻﺪﻳﻘﺘﺞ ﺍﺭﻳﺪ ﺍﺣﺠﻲ ﻭﻳﺎﻫﺎ
ﻛﺘﻠﻪ ﻣﺘﺰﻭﺟﻪ ﻭﺍﺣﻠﻔﻠﻪ ﻳﻜﻠﻲ ﻣﺎﺍﺻﺪﻙ
ﻭﺍﺗﻮﻗﻌﺞ ﺟﻤﺎﻝ ﻭﻓﻌﻼ
ﺑﺲ ﻣﺨﻠﺼﺖ ﻣﻨﻪ ﺍﻟﻪ ﺑﻄﻼﻉ ﺍﻟﺮﻭﺡ
ﺳﺎﺭﻩ ﺑﻘﺖ ﻓﺎﻫﻴﻪ ﺷﺪﺗﺤﺠﻦ ﺍﻧﺘﻦ
ﻛﺘﻠﻬﺎ ﺑﻌﺪﻳﻦ ﺍﻓﻬﻤﺞ
ﻋﻔﻴﻪ ﺩﻳﺮﻱ ﺑﺎﻟﺞ ﺗﻔﻠﺘﻴﻨﻬﺎ ﻛﺪﺍﻡ ﺣﻴﺪﺭ ﻭﺍﻟﻨﺒﻲ ﻳﺬﺑﺤﻨﻲ ﻉ ﺍﻟﻘﺒﻠﻪ
ﻻ ﻳﻤﻌﻮﺩﻩ ﺷﺎﺣﺠﻲ
ﺍﺟﻪ ﺍﻣﻴﺮ ﻭﺑﺎﺭﻛﺘﻠﻪ
ﺍﻧﻄﻴﺘﻬﺎ ﻟﻠﺒﻨﻴﻪ ﻭﺭﻗﻪ ﺻﺮﻓﻬﺎ ﺍﻟﻲ ﻋﻤﻮ
ﻛﻠﺖ ﻋﻴﺐ ﻣﻨﻬﺎ
ﻭﺍﻋﺘﺬﺭﺕ ﻣﻨﻬﻢ ﻻﻥ ﻣﺎﺍﻃﻠﻊ ﻟﻠﺴﻮﻙ ﺟﺎﻥ ﺟﺒﺘﻠﻬﻢ ﻫﺪﻳﻪ
ﻃﻠﻌﻨﻪ ﻭﺳﻮﻟﻔﺖ ﻛﺪﺍﻡ ﺍﻟﺒﻨﺎﺕ ﻭﺷﺴﻮﻩ ﺑﻴﻮﻣﻬﺎ ﺣﻴﺪﺭ
ﻛﺎﻟﻦ ﺣﻘﻪ ﻫﻴﺞ ﻳﺴﻮﻱ
ﻛﺎﻟﺖ ﺳﺎﺭﻩ ﺍﺫﺍ ﻣﺎﻃﻠﻊ ﺣﻴﺪﺭ ﻳﺤﺒﺞ ﻭﻳﻐﺎﺭ ﻋﻠﻴﺞ ﺍﻧﻲ ﻣﺎﺍﺗﺴﻤﻪ ﺑﺎﺳﻤﻲ
ﺑﺲ ﻫﻮ ﻋﻨﺪﻩ ﻧﻮﻉ ﻣﻦ ﺍﻟﻜﺒﺮﻳﺎﺀ ﻳﻤﻨﻌﻪ ﻳﻌﺘﺮﻑ
بيج قصص عراقيه حقيقيه من واقعنا.روعه الطائي
ﻭﺍﻛﺒﺮ ﺩﻟﻴﻞ ﻳﻐﺎﺭ ﻋﻠﻴﺞ ﺣﺘﻰ ﻣﻦ ﺍﺧﻮﺍﻧﻪ
ﻭﻣﻴﺨﻠﻴﺞ ﺗﻠﺒﺴﻴﻦ ﺍﻟﻠﻮﺍﻥ ﺯﺍﻫﻴﻪ
ﻳﺨﺎﻑ ﺗﺼﻴﺮﻳﻦ ﺑﻌﺪ ﺍﺣﻠﻰ
ﻛﺘﻠﻬﺎ ﻣﺴﺘﺤﻴﻞ ﺻﺪﻙ ﺍﺧﻮﺝ ﻳﺤﺐ ﻏﻴﺮ ﻧﻔﺴﻪ
ﻏﻴﺮﻧﻪ ﺍﻟﻤﻮﺿﻮﻉ
ﻟﻠﻌﺼﺮ ﺍﻣﻴﺮ ﺟﻮﻩ ﺍﺳﺘﻐﻠﻴﺖ ﻓﺮﺻﻪ ﻭﺩﺯﻳﺘﻠﻪ ﻣﺴﺞ
ﺍﻣﻴﺮ ﺍﺫﺍ ﺗﻌﺰﻧﻲ ﻭﺗﻜﻮﻝ ﺍﺧﺘﻲ ﻭﺣﺎﺳﺒﻨﻲ ﺣﺎﻟﻲ ﺣﺎﻝ ﺍﺧﻮﺍﺗﻚ
ﻻ ﺗﺤﺠﻲ ﺍﻱ ﺷﻲ ﻋﻨﻲ ﻛﺪﺍﻡ ﺯﻫﺮﺍﺀ ﻋﻴﺐ ﻣﻨﻬﺎ ﻭﺍﺳﺘﺤﻲ ﻭﺍﺧﺎﻑ ﻳﻄﻮﺭ ﺍﻟﻤﻮﺿﻮﻉ ﻣﻦ ﺷﺨﺺ ﻟﺸﺨﺺ
ﺩﺯﻟﻲ ﺗﺤﺠﻴﻦ ﺻﺪﻙ ﻭﻟﺞ ﺍﻟﻠﻪ ﺷﺎﻫﺪ ﺍﻧﺖ ﻣﻌﺰﺗﺞ ﺍﺯﻳﺪ ﻣﻦ ﺍﺧﻮﺍﺗﻲ ﻭﺍﻟﻠﻪ ﻳﺸﻬﺪ
ﻭﺍﻧﻲ ﻣﻮ ﻧﺎﻗﺺ ﻏﻴﺮﻩ ﻭﺍﺣﺠﻲ ﻋﻦ ﻋﺮﺿﻲ ﺍﻣﻨﻲ ﻭﻣﻴﻜﻮﻥ ﺧﺎﻃﺮﺝ ﺍﻟﻪ ﻃﻴﺐ
ﺍﻣﻨﺖ ﺷﻮﻳﻪ ﻻﻥ ﻣﺎﺍﺣﺐ ﺍﻧﻔﻀﺢ ﻛﺪﺍﻡ ﺍﻟﻨﺎﺱ
ﻣﺸﻪ ﺍﻟﻴﻮﻡ ﻋﺎﺩﻱ ﻭﺛﺎﻧﻲ ﻳﻮﻡ ﻛﺬﻟﻚ ﻣﻠﺘﻬﻴﻦ ﺑﺎﻟﺨﻄﺎﺭ
ﺑﺎﻟﻠﻴﻞ ﺭﺍﺣﻦ ﺍﻟﺒﻨﺎﺕ ﻟﺒﻴﻮﺗﻬﻦ
ﻛﺎﻟﺖ ﺧﺎﻟﻪ ﺑﺎﺟﺮ ﻳﺠﻮﻥ ﺧﻄﺎﺭ ﻏﺪﺍﻫﻢ ﻳﻤﻨﻪ
ﻭﻻﺯﻡ ﺗﻜﻌﺪﻥ ﻣﻦ ﻭﻛﺖ ﺗﺠﻬﺰﻥ ﺍﻟﻐﺪﻩ
ﻓﺎﻃﻤﻪ ﻛﺎﻟﺘﻬﺎ ﻣﻨﻮ ﻛﺎﻟﺖ ﺟﻤﺎﻋﺔ ﺣﻴﺪﺭ
ﻛﻌﺪﺕ ﻣﻦ ﺍﻟﺼﺒﺢ ﺳﻮﻳﺖ ﻣﻨﺪﻱ ﻟﺤﻢ
ﺣﻴﺪﺭ ﺟﺎﻳﺐ ﻣﺴﻮﺍﻙ ﻣﺎﻟﺖ ﻋﺸﻴﺮﻩ
ﺳﺎﻟﺖ ﺧﺎﻟﻪ ﺷﻜﻢ ﻧﻔﺮ ﻛﺎﻟﺖ ﻣﺎﺍﺩﺭﻱ
ﻛﺎﻝ ﻋﻤﻮ ﺗﻘﺮﻳﺒﺎ 5 ﺍﺷﺨﺎﺹ
ﻛﺎﻟﺖ ﻳﺠﻴﺐ ﻭﻳﺎ ﺳﻤﻚ ﻣﺴﻜﻮﻑ
ﺳﻮﻳﺖ ﺍﻟﻤﻨﺪﻱ ﻭﺳﻮﻳﺖ ﺩﺟﺎﺝ ﺷﻮﻳﺘﻪ ﺍﻧﻲ
ﻭﺳﻮﻳﻨﻪ ﺗﺒﺴﻲ ﻧﺎﺷﻒ ﻭﺳﻮﻳﺖ ﺳﻮﺏ ﻟﺤﻢ
ﺳﻮﻳﻨﻪ ﺯﻻﻃﻪ ﺍﻧﻮﺍﻉ ﻭﺟﻬﺰﻧﻪ ﺍﻟﻔﻮﺍﻛﻪ ﺍﻧﻮﺍﻉ ﺟﺎﻳﺐ
ﻭﺣﻠﻮﻳﺎﺕ
ﺗﻘﺮﻳﺒﺎ ﺏ 10 ﻭﻧﺺ ﺍﻧﺪﻙ ﺍﻟﺒﺎﺏ
ﺍﺟﻪ ﺣﻴﺪﺭ ﻛﺎﻝ ﺗﻌﺎﻱ ﺍﺩﺧﻠﻲ ﺟﻮﻩ
ﺍﺗﻔﺎﺟﺄﺕ ﻛﺘﻠﻪ ﻣﻮ ﺯﻟﻢ ﻋﻴﺐ ﺍﺩﺧﻞ
ﻣﻨﻮ ﻛﻠﺞ ﺯﻟﻢ
ﺩﺧﻠﺖ ﻭﺟﺎﻥ ﺍﺷﻮﻑ ﺍﻟﺼﺪﻣﻪ ﺍﻫﻠﻲ ﺟﺎﻳﻴﻦ
ﻓﺮﺣﺘﻲ ﻣﺘﻨﻮﺻﻒ ﺣﻴﻞ ﻣﺸﺘﺎﻗﺘﻠﻬﻢ
ﺑﺲ ﺑﻨﻔﺲ ﺍﻟﻮﻗﺖ ﺟﻨﺖ ﺣﻴﻞ ﺧﺎﻳﻔﻪ ﻣﻨﻪ
ﺍﺩﺭﻱ ﺭﺍﺡ ﻳﺤﺎﻭﻝ ﻳﻐﺜﻨﻲ ﻛﺪﺍﻡ ﺍﻫﻠﻲ
ﻭﺧﻔﺖ ﺧﺎﻑ ﻳﻌﺮﻓﻮﻥ ﺑﻲ ﻣﺘﺰﻭﺝ
ﻭﺍﺑﺎﻭﻉ ﻉ ﻟﺒﺴﻲ ﻣﺤﺘﺎﺭﻩ ﺷﺎﻛﻮﻝ
ﻳﺎﺍﻟﻠﻪ ﺑﻘﻴﺖ ﺣﺎﻳﺮﻩ
ﺟﺒﺘﻠﻬﻢ ﻣﻲ ﻭﻛﻴﻚ ﻭﺑﺒﺴﻲ
ﺍﻭﻝ ﻣﺮﻩ ﻳﺰﻭﺭﻭﻧﻲ ﺍﻫﻠﻲ
ﺷﻠﺖ ﻫﻢ ﻛﻠﺖ ﻣﺠﺎﻳﺒﻴﻦ ﻫﺪﻳﻪ ﻭﻳﺎﻫﻢ ﻭﻋﻴﺐ ﻣﻨﻬﻢ
ﻭﺭﺍﺡ ﻳﺎﻛﻞ ﻛﻠﺒﻲ ﺣﻴﺪﺭ ﻳﺎﺍﻫﻠﺞ ﺍﻟﻔﻜﺮ ﻭﻳﺎﻓﻜﺮ
ﺑﺲ ﺍﺗﻔﺎﺟﺄﺕ ﻣﻦ ﻃﻠﻌﻮﺍ ﺯﻧﺠﻴﻞ ﻭﺟﺎﻥ ﻧﺎﺯﻙ ﺑﺸﻜﻞ
بيج قصص عراقيه حقيقيه من واقعنا.روعه الطائي
ﺣﻴﻞ ﻓﺮﺣﺖ ﻻﻥ ﺭﻓﻌﻮﺍ ﺭﺍﺳﻲ
ﺑﺲ ﻣﺎﺍﻋﺮﻑ ﻣﻨﻴﻦ ﺟﺎﺑﻮ ﺍﻟﻔﻠﻮﺱ ﻻﻥ ﺧﻄﻴﻪ ﺣﺎﻟﺘﻬﻢ ﻉ ﻛﺪﻫﻢ
ﺭﺣﺖ ﻟﻠﻤﻄﺒﺦ ﻭﺍﺟﻪ ﻭﺭﺍﻳﻪ ﺣﻴﺪﺭ
ﻭﺣﺎﻭﻝ ﻳﺴﺘﻔﺰﻧﻲ ﺑﻬﻮﺍﻱ ﺷﻐﻼﺕ
ﺭﺍﺩﻧﻲ ﺑﺲ ﺍﻭﺍﻓﻖ ﺍﺻﻌﺪ ﻭﻳﺎ ﺑﺎﻟﺴﻴﺎﺭﻩ
ﺑﺲ ﻟﻮ ﻳﻤﻮﺕ ﻣﺎﺍﺻﻌﺪ
ﺑﻌﺪﻫﺎ ﻃﻠﺐ ﻣﻨﻲ ﺑﻮﺳﻪ
ﺍﻛﻴﺪ ﺑﻄﺮﺍﻥ ﻭﻳﺤﻠﻢ 😏😏😏
ﻋﻔﺘﻪ ﺣﺘﻰ ﻣﺠﺎﻭﺑﺘﻪ
ﻛﻠﺖ ﺧﻠﻲ ﺷﻴﺮﻳﺪ ﻳﺴﻮﻱ ﻳﺴﻮﻱ
ﺍﻭﻝ ﻭﺗﺎﻟﻲ ﻳﻌﺮﻓﻮﻥ ﻣﺎﻛﻮ ﺩﺍﻋﻲ ﻟﻠﻜﺬﺏ ﺑﻌﺪ
ﺑﺲ ﻣﺎﺍﺧﻔﻲ ﻋﻠﻴﻜﻢ ﺍﻟﺨﻮﻑ ﺍﻟﻲ ﺑﺪﺍﺧﻠﻲ ﻭﺍﻟﻘﻠﻖ ﻣﻮﺗﻨﻲ ﻭﺩﻣﺮﻧﻲ ﺩﻣﺎﺭ
ﺍﻫﻠﻲ ﺣﺴﻮﺍ ﺑﻴﻪ ﺷﺒﻴﺞ ﻣﻮ ﻃﺒﻴﻌﻴﻪ
ﻛﺘﻠﻬﻢ ﻣﺎﻛﻮ ﺷﻲ
ﻣﺎﻣﺎ ﻛﻠﺘﻠﻲ ﺷﻨﻮ ﻫﺎﻱ ﺍﻟﻼﺑﺴﺘﻬﺎ ﻣﺎﻣﺎ
ﻣﻮ ﻻﻥ ﺍﻃﺒﺦ ﻭﺟﻨﺖ ﻣﺘﻮﻗﻌﻪ ﻳﺠﻮﻥ ﺧﻄﺎﺭ
ﻭﻣﻦ ﺍﻟﺼﺒﺢ ﻟﻬﺴﻪ ﻣﺸﻐﻮﻟﻪ
ﻛﻠﺖ ﺍﺧﻠﺺ ﻭﺍﺑﺪﻝ
ﻣﻨﻮ ﺟﺎﻳﺒﻬﺎ ﺍﻟﺞ ﻫﺎﻱ ﺍﻟﺪﺷﺪﺍﺷﻪ
ﻣﻦ ﺯﻣﺎﻥ ﻋﻨﺪﻱ
ﻭﺍﻟﻠﻪ ﺍﺫﺍ ﺑﻘﻴﺘﻬﺎ ﻋﻨﺪﺝ
ﺷﻜﻜﻴﻬﺎ ﻭﺫﺑﻴﻬﺎ
ﺣﺎﻇﺮ ﻣﺎﻣﺎ
ﺩﺧﻞ ﺣﻴﺪﺭ ﻭﺩﺧﻠﺖ ﻭﻳﺎ ﺣﻨﺎﻥ
ﺍﻧﻲ ﻫﻨﺎ ﺗﺬﺑﺤﻮﻧﻲ ﻗﻄﺮﺓ ﺩﻡ ﻣﺘﻠﻜﻮﻥ ﺑﻴﻪ
ﻋﺮﻓﻬﻢ ﻋﻠﻴﻬﺎ ﺑﺲ ﺷﻔﺖ ﺍﻫﻠﻲ ﻣﻤﺘﻔﺎﺟﺄﻳﻦ ﺍﺑﺪ
ﺍﺳﺘﻐﺮﺑﺖ ﺍﻟﻤﻮﻗﻒ
ﺍﻟﺒﻨﺎﺕ ﺍﺧﺬﺗﻬﻦ ﻓﺎﻃﻤﻪ ﻭﺻﻌﺪﺕ
ﻣﻠﺘﻬﻴﺎﺕ ﻭﻱ ﻧﻮﺭ ﻭﻧﻈﻮﺭﻱ ﺣﻴﻞ ﻓﺮﺣﺎﻧﺎﺕ
ﺟﻬﺰﻧﻪ ﺍﻟﻐﺪﻩ ﻭﻋﺮﻓﺖ ﻟﻴﺶ ﻫﻴﺞ ﻣﺒﺎﻟﻎ ﺑﺎﻻﻛﻞ
ﻳﺮﻳﺪ ﻳﺘﺒﺎﻫﺎ ﺍﻛﻴﺪ ﻛﺪﺍﻡ ﺍﻫﻠﻲ
ﻭﻋﺒﺎﻟﻪ ﻣﺸﺎﻳﻔﻴﻦ ﻟﻮ ﻣﻤﺎﻛﻠﻴﻦ
ﻭﺭﺍﺡ ﻳﻔﺮﺣﻮﻥ
ﺍﺣﻨﻪ ﻭﺣﺪ ﻭﺍﻟﺰﻟﻢ ﻭﺣﺪ
ﺍﺧﺬﻧﻪ ﺭﺍﺣﺘﻨﻪ ﻭﻛﻌﺪﺕ ﺍﻛﻠﺖ ﻭﻳﺎﻫﻢ
ﺍﻛﻠﻨﻪ ﺍﻛﺜﺮ ﺷﻲ ﺍﻟﻤﻨﺪﻱ
ﺍﻟﺴﻤﻚ ﻣﺤﺪ ﺿﺎﻛﻪ ﻻﻥ ﺍﺣﻨﻪ ﻣﻨﺤﺒﻪ ﺍﺑﺪ
ﻭﺍﻻﻛﻞ ﺗﻘﺮﻳﺒﺎ ﺭﺟﻊ
ﺣﺎﻭﻟﻨﻪ ﻧﺒﻘﻴﻬﻢ ﺑﺲ ﻣﻘﺒﻞ ﺑﺎﺑﺎ ﻋﻨﺪﻩ ﺩﻭﺍﻡ
ﺣﻴﺪﺭ ﻛﺎﻝ ﺑﺲ ﺍﻟﺒﻨﺎﺕ ﺑﻘﻴﻬﻢ ﻭﺍﻧﻲ ﺍﺟﻴﺒﻬﻢ
ﺑﺲ ﻫﻨﻪ ﻣﻘﺒﻠﻦ ﻭﻳﺨﺠﻠﻦ
ﺭﺍﺣﻮﺍ ﻭﺍﺣﺲ ﺭﻭﺣﻲ ﺭﺍﺣﺖ ﻭﻳﺎﻫﻢ
ﺣﻴﻞ ﺿﺠﺖ ﻭﺍﻟﻠﻪ ﻭﺣﻴﻞ ﺟﻨﺖ ﻣﺸﺘﺎﻗﻪ ﺍﻟﻬﻢ
ﺍﻟﻠﻪ ﻟﻴﻮﻓﻘﻚ ﺣﻴﺪﺭ ﻻﻥ ﺣﺮﻣﺘﻨﻲ ﻣﻨﻬﻢ
ﺭﺣﺖ ﻧﻤﺖ ﻭﻣﻜﻌﺪﺕ ﻏﻴﺮ ﻟﻠﻤﻐﺮﺏ
بيج قصص عراقيه حقيقيه من واقعنا.روعه الطائي
ﺻﻠﻴﺖ ﻭﻛﻤﻠﺖ
ﻭﻃﻠﻌﺖ ﺍﺟﻨﺤﻪ ﺣﻤﺴﺘﻬﻢ ﻭﻱ ﺑﺼﻞ ﻭﺑﺘﻴﺘﻪ ﻭﺧﻠﻴﺖ ﻛﺎﺭﻱ
ﻃﻠﻌﺖ ﺍﻟﺮﻳﺤﻪ ﺗﺠﻨﻦ
ﺍﺟﻪ ﺣﻴﺪﺭ ﻭﺟﺎﻥ ﺑﻜﺎﻣﻞ ﺍﻧﺎﻗﺘﻪ
ﺍﻟﺼﺮﺍﺣﻪ ﻫﻮ ﺍﻧﻴﻖ ﺑﺸﻜﻞ
ﻭﺍﻟﻌﻄﺮ ﺳﺎﺑﻘﻪ
ﻛﻠﻲ ﺷﻤﺴﻮﻳﻪ ﻛﺘﻠﻪ ﺍﺟﻨﺤﻪ
ﻛﻠﻲ ﺧﻠﻴﻠﻲ ﺑﺲ ﻗﻠﻴﻞ
ﺻﺒﻴﺖ ﻭﺧﻠﻴﺘﻪ ﻛﺪﺍﻣﻪ
ﺍﻛﻞ ﺍﻟﻤﺎﻋﻮﻥ ﻛﻠﻪ
ﻛﺘﻠﻪ ﺍﺻﺒﻠﻚ ﺑﻌﺪ ﻛﺎﻝ ﻻ
ﺳﺎﻟﺘﻪ ﺧﺎﻟﻪ ﻭﻛﻠﻠﻬﺎ ﻋﻨﺪﻱ ﺣﻨﻪ
ﺍﺗﻌﺸﻴﻨﻪ ﻭﺯﻫﺮﺍﺀ ﺍﺟﺘﻲ ﻳﻤﻨﻪ ﺑﺎﻟﻐﺮﻓﻪ
ﺳﻮﻟﻔﻨﻪ ﻭﺿﺤﻜﻨﻪ ﻭﺷﻮﻳﻪ ﻏﻴﺮﺕ ﺟﻮ
ﻣﺎﻛﺪﺭﺕ ﺍﻧﺎﻡ ﺑﺎﻟﻠﻴﻞ ﺍﺑﺪ
ﺑﻘﻴﺖ ﺍﻗﺮﻩ ﻗﺼﻪ ﻉ ﺍﻟﻮﺍﺗﺒﺎﺩ
ﺍﻗﺮﻩ ﻭﺍﺑﺠﻲ
ﻭﻫﺎﻧﺖ ﻋﻠﻴﻪ ﻗﺼﺘﻲ
ﺑﺲ ﺑﻘﻴﺖ ﻟﻠﻔﺠﺮ ﻛﺎﻋﺪﻩ
ﻻﺣﻀﺖ ﺳﻴﺎﺭﺓ ﺣﻴﺪﺭ ﻟﻬﺴﻪ ﻣﺎﻛﻮ
ﺍﻧﻲ ﺍﻛﺜﺮ ﺍﻟﻤﺮﺍﺕ ﺍﻻﺣﻀﻪ ﻳﺠﻲ ﻭﺟﻪ ﺍﻟﺼﺒﺢ ﻭﺍﻋﺘﻘﺪ ﺳﻜﺮﺍﻥ
ﺍﻧﻲ ﻏﺮﻓﺘﻲ ﻣﻘﺎﺑﻴﻞ ﺍﻟﺒﺎﺏ ﺍﻟﺨﺎﺭﺟﻴﻪ
ﺷﻔﺘﻪ ﺩﺧﻞ ﻟﻠﺒﻴﺖ ﻭﺭﻩ ﺍﻻﺫﺍﻥ
ﺻﻠﻴﺖ ﻭﺭﺟﻌﺖ ﻟﻠﻘﺼﻪ
ﺻﺎﺭﺕ ﺍﻟﺴﺎﻋﻪ ﺏ 7 ﻛﻠﺖ ﺧﻞ ﺍﺧﺎﺑﺮﻩ ﻟﺤﻴﺪﺭ ﺍﺧﺎﻑ ﻳﺘﺎﺧﺮ
ﺍﺩﻙ ﻭﻻ ﻛﺎﻧﻮ ﻣﻴﺠﺎﻭﺏ ﺍﻛﻴﺪ ﻧﺎﻳﻢ
ﺍﻟﻜﻞ ﻧﺎﻳﻢ ﻻﻥ ﻋﻄﻠﻪ ﻭﻣﺎﻛﻮ ﺩﻭﺍﻡ ﺻﺎﺩﻑ ﻋﻄﻠﺔ ﻧﺼﻒ ﺍﻟﺴﻨﻪ
ﺭﺩﺕ ﺍﺣﺪ ﻳﻜﻌﺪ ﺣﺘﻰ ﻳﺼﻴﺤﻪ ﺑﺲ ﻣﺎﻛﻮ
ﺟﻬﺰﺗﻠﻪ ﻟﻔﻪ ﻛﻠﺖ ﻭﻛﺘﻪ ﺭﺍﺡ ﻭﺳﻮﻳﺘﻠﻪ ﺟﺎﻱ ﺑﺘﺮﻣﺰ ﺯﻏﻴﺮ
ﺭﺣﺖ ﻟﺒﻴﺘﻪ ﺩﺧﻠﺖ ﻫﺪﻭﺀ
ﻟﻜﻴﺘﻪ ﻧﺎﻳﻢ
ﻛﻌﺪﺕ ﻭﻻ ﻛﺎﻧﻮ
ﺭﺣﺖ ﻟﻠﻜﻨﺘﻮﺭ ﻭﻃﻠﻌﺖ ﻣﻼﺑﺴﻪ ﻭﺟﻬﺰﺗﻬﻦ
ﺍﺟﻴﺖ ﺑﺼﻔﻪ ﻭﺑﺪﻳﺖ ﺍﻛﻌﺪ ﺑﻲ ﺣﻴﻞ
ﺍﺷﻮ ﻫﺬﺍ ﻛﻌﺪ ﻭﻓﺘﺢ ﻋﻴﻮﻧﻪ ﻭﺷﺒﻜﻨﻲ ﺣﻴﻞ
ﺟﺴﻤﻲ ﻣﺪﺭﻱ ﺷﺼﺎﺭ ﺑﻲ ﻣﻦ ﻟﻤﺴﻨﻲ
ﺑﺲ ﻣﺒﻴﻦ ﻋﻠﻲ ﻣﻴﺪﺭﻱ ﺑﻨﻔﺴﻪ
ﺳﺤﺒﺖ ﻧﻔﺴﻲ ﻭﻛﻌﺪﺗﻪ
ﻛﻌﺪ ﻭﺍﺧﻴﺮﺍ
ﺭﺩﺕ ﺍﻃﻠﻊ ﺑﺲ ﻫﺬﺍ ﺳﺤﺒﻨﻲ
ﻭﻋﺒﺎﻟﻲ ﺍﺟﻴﺖ ﺍﺗﺤﺎﺭﺵ ﺑﻲ
ﻣﻴﺪﺭﻱ ﺍﺧﺮ ﻫﻤﻲ ﻫﻮ
ﻛﻮﻩ ﻓﻠﺘﺖ ﻣﻨﻪ
ﻛﻠﺖ ﺍﻟﺘﻮﺑﻪ ﻣﺎﺍﻋﻴﺪﻫﺎ ﺑﻌﺪ ﻟﻮ ﻣﻮ ﻳﺮﻭﺡ ﻭﻛﺘﻪ
ﺷﻌﻠﻴﻪ ﺑﻲ ﻳﻄﺒﻪ ﻣﺮﺽ
ﺳﻬﺮﺍﻥ ﻟﻮﺟﻪ ﺍﻟﺼﺒﺢ ﺍﻛﻴﺪ ﺷﺮﺏ ﻭﻧﺴﻮﺍﻥ
ﺷﻌﻠﻴﻪ ﺑﻲ
ﻫﻮﺍﻱ ﻋﺪﻧﻪ ﺍﻛﻞ ﻣﻦ ﺍﻟﺒﺎﺭﺣﻪ ﻛﻠﺖ ﺍﺣﻤﻲ ﻟﻠﻴﻮﻡ
بيج قصص عراقيه حقيقيه من واقعنا.روعه الطائي
ﺻﻌﺪﺕ ﻧﻤﺖ
ﻛﻌﺪﺕ ﻟﻜﻴﺖ ﺍﻟﺴﺎﻋﻪ ﺏ 3 ﻋﺰﻩ ﺑﻌﻴﻨﻲ
ﻫﺎﻱ ﺷﻜﺪ ﻧﺎﻳﻤﻪ
ﻓﺘﺤﺖ ﺟﻬﺎﺯﻱ
ﻋﺰﻩ ﻫﺬﺍ ﺷﻜﺎﻋﺪ ﻳﺤﺠﻲ
ﺩﺯﻳﺘﻠﻪ ﻣﺴﺞ
ﺍﻛﻴﺪ ﺍﻧﺖ ﻣﺼﺨﻦ ﺍﻟﻴﻮﻡ
ﺧﻞ ﻳﻜﻮﻥ ﺑﻌﻠﻤﻚ ﺍﺧﺮ ﻫﻤﻲ ﺍﻧﺖ
ﻟﻮ ﺍﻣﻮﺕ ﻣﺎﺍﺗﺤﺎﺭﺵ ﺑﻴﻚ
ﻭﻟﻮ ﺗﺒﻘﻪ ﺑﺲ ﺍﻧﺖ ﺑﺎﻟﺪﻧﻴﻪ
ﻫﻢ ﻣﺎﺍﺑﺎﻭﻉ ﺑﻮﺟﻚ ﻭﻻ ﺍﺣﺎﻭﻝ ﺍﺗﻘﺮﺑﻠﻚ
ﺩﺯﻟﻲ 🤫🤫🤫🤫🤫🤫🤫
ﻉ ﻛﻴﻔﺞ ﻳﺎﺑﻪ ﻫﺎﻱ ﺷﻤﺎﻛﻠﻪ ﺍﻟﻴﻮﻡ ﻭﻫﻴﺞ ﻫﺪﻳﺘﻲ ﻋﻠﻴﻪ
ﺭﺍﺡ ﺍﺳﺎﻣﺤﺞ ﻫﺎﻟﻤﺮﻩ ﻉ ﻛﻼﻣﺞ ﻭﻳﺎﻱ
ﻻﻥ ﻓﺮﺣﺎﻥ ﺍﻟﻴﻮﻡ
ﺑﺲ ﻏﻴﺮ ﻣﺮﻩ ﻟﺴﺎﻧﺞ ﺍﻛﺼﻪ ﺍﺫﺍ ﺗﺠﺎﻭﺯﺗﻲ
ﻣﺠﺎﻭﺑﺘﻪ ﺷﻲ
ﻧﺰﻟﺖ ﻟﺠﻮﻩ ﻭﻟﻜﻴﺖ ﺍﻟﻜﻞ ﻛﺎﻋﺪ
ﺍﻋﺘﺬﺭﺕ ﻣﻦ ﺧﺎﻟﻪ ﻻﻥ ﺑﻘﻴﺖ ﻟﻬﻴﺞ ﻭﻗﺖ
ﻛﺎﻟﺖ ﺧﺎﻟﻪ ﺷﻮﻛﺖ ﻣﻴﻌﺠﺒﺞ ﺍﻛﻌﺪﻱ
ﻭﺷﻮﻛﺖ ﻣﻴﻌﺠﺒﺞ ﻧﺎﻣﻲ
ﻣﻮ ﻣﺸﻜﻠﻪ
ﺍﻛﻮ 3 ﺟﻨﺎﻳﻦ ﻏﻴﺮﺝ ﻭﻓﺎﻃﻤﻪ ﻭﻳﺎﻫﻦ
ﺿﺤﻚ ﺍﻣﻴﺮ
ﻛﺎﻝ ﺍﻟﻠﻪ ﺭﺑﺞ ﺯﻳﻨﺐ
ﻛﺎﻋﺪﻩ ﺏ 3 ﻭﻧﺺ ﻭﺍﻟﻜﻞ ﻳﺪﺍﻓﻊ ﻋﻨﺞ
ﻭﺍﻧﻲ ﻭﺯﻫﺮﺍﺀ ﻋﺮﺳﺎﻥ ﻛﻌﺪﻭﻧﻪ ﺏ 10 ﻳﻜﻮﻟﻮﻥ ﺍﻟﺪﻧﻴﻪ ﻇﻬﺮ
ﻭﻳﻀﺤﻚ
ﻛﻠﻪ ﺍﺑﻮ ﻋﻤﺖ ﻋﻴﻨﻚ ﻉ ﻫﺎﻟﺠﺬﺏ
ﺷﺤﺎﻝ ﻟﻮ ﻣﺎ ﺑﺎﻟﻮﺣﺪﻩ ﻛﻌﺪﺕ
ﻛﺎﻣﻮ ﻳﻀﺤﻜﻮﻥ
ﻧﻈﻮﺭﻱ ﻛﺎﻋﺪ ﻟﻜﻴﺘﻪ ﻭﻧﻮﺭ ﻫﻤﻴﻦ
ﺭﺣﺖ ﺳﻮﻳﺖ ﻃﻤﺎﻃﻪ ﻭﻛﺜﺮﺕ ﺩﻫﻦ
ﻭﺣﻤﻴﺖ ﻭﻳﺎ ﺗﻤﻦ ﻉ ﻣﻮﺩ ﺍﻟﺠﻬﺎﻝ
ﺻﺤﺘﻬﻢ ﻧﻈﻮﺭﻱ ﻭﻧﻮﺭ
ﺍﺟﻮﻱ ﻳﺮﻛﻀﻮﻥ
ﻛﻌﺪﻧﻪ ﺑﺎﻟﻤﻄﺒﺦ ﻧﺎﻛﻞ
ﺍﺷﻮ ﺍﺟﻪ ﺣﻴﺪﺭ ﻭﻛﻌﺪ ﻭﻳﺎﻧﻪ
ﻛﺎﻝ ﺍﻧﻲ ﻫﻢ ﺟﻮﻋﺎﻥ ﺟﻴﺒﻴﻠﻲ ﺧﺒﺰﻩ ﻭﻳﺎﺝ
ﻟﻮ ﺍﻣﻮﺕ ﻣﺎﺍﻛﻞ ﻭﻳﺎ ﺍﺑﺪ
بيج قصص عراقيه حقيقيه من واقعنا.روعه الطائي
ﺣﻴﻞ ﺍﺧﺠﻞ ﻣﻨﻪ
ﺟﺒﺘﻠﻪ ﺧﺒﺰﻩ ﻭﻛﻌﺪ
ﺍﻧﻲ ﺑﻌﺪ ﻣﺎﺍﻛﻞ ﺑﻘﻴﺖ ﺑﺲ ﺍﻭﻛﻞ ﺑﻨﻈﻮﺭﻱ
ﻟﻴﺶ ﻣﺘﺎﻛﻠﻴﻦ
ﻣﺎﺍﺷﺘﻬﻲ ﻟﺸﻮﻱ ﺑﻌﺪ ﻭﺍﻛﻞ
ﻣﺘﺎﻛﺪﻩ ﻣﺎﺗﺸﺘﻬﻴﻦ ﻟﻮ ﻻﻥ ﺍﻧﻲ ﻛﻌﺪﺕ
ﺭﺍﺡ ﺍﻛﻮﻡ ﺗﻌﺎﻟﻲ ﻛﻤﻠﻲ
ﻻﻭﺍﻟﻠﻪ ﻣﺎﺍﺷﺘﻬﻲ ﺍﻛﻞ
ﺑﻌﺪﻳﻦ ﺍﻛﻞ
ﺻﺪﻙ ﺍﻛﻞ ﺍﻟﻄﻤﺎﻃﺎ ﻛﻠﻬﺎ
ﻛﻠﻲ ﺍﻟﻴﻮﻡ ﺍﺟﺘﻨﻲ ﻋﻘﻮﺑﻪ ﻭﺷﻠﻮﻥ ﻋﻘﻮﺑﻪ
ﻫﺎﻱ ﻛﻠﻬﺎ ﺑﺴﺒﺞ
ﺍﻧﻲ ﺑﺎﺳﺘﻐﺮﺍﺏ
ﻟﻴﺶ ﺑﺴﺒﺒﻲ
ﻟﻴﺶ ﻣﺘﻜﻮﻝ ﺑﺴﺒﺒﻚ ﺍﻧﺖ
ﺍﻧﻲ ﻣﺎﻛﺎﻳﻠﺘﻠﻚ ﺍﻃﻠﻊ ﺍﺳﻬﺮ ﻭﺍﺗﻮﻧﺲ ﻭﻱ ﺍﻟﺒﻨﺎﺕ ﻭﺍﺷﺮﺏ ﻭﺗﻌﺎﻝ ﺳﻜﺮﺍﻥ ﻭﺟﻪ ﺍﻟﻔﺠﺮ ﻭﺗﺮﻳﺪ ﺗﺬﺏ ﺍﻟﺼﻮﺝ ﺑﻴﻪ
ﻫﺎﻱ ﻓﻮﻙ ﻣﻜﻌﺪﺗﻚ
ﺷﻜﻠﺘﻲ ﻭﻟﺞ
ﻣﻨﻴﻦ ﺗﻌﺮﻓﻴﻦ ﻫﺎﻱ ﺍﻟﺴﻮﺍﻟﻒ ﻟﺞ ﺷﻨﻮ ﻣﺮﺍﻗﺒﺘﻨﻲ
ﺿﺮﺑﻨﻲ ﺭﺍﺟﺪﻱ ﺩﻭﺧﻨﻲ ﺑﻲ
ﻣﻨﻮ ﺍﻟﻲ ﻳﻮﺻﻠﺞ ﺍﻟﻤﻌﻠﻮﻣﺎﺕ ﻛﻮﻟﻲ
ﻣﺤﺪ ﻛﻠﻲ ﻭﺍﻟﻠﻪ
ﻣﻨﻮ ﺍﻧﺖ ﻭﺷﻨﻮ ﻣﻮﻗﻌﺞ ﻭ ﺟﺎﻳﻪ ﺗﺤﺎﺳﺒﻴﻨﻲ
ﺍﻧﺖ ﺗﻜﻮﻣﻴﻦ ﺗﻜﻌﺪﻳﻦ ﺧﺪﺍﻣﻪ ﻭﻣﺮﺑﻴﻪ ﻟﺠﻬﺎﻟﻲ ﺑﺲ
ﺍﻋﺮﻓﻲ ﺣﺪﻭﺩﺝ ﺯﻳﻦ ﻭﻟﺘﺘﺠﺎﻭﺯﻳﻦ ﺍﻓﺘﻬﻤﺘﻲ ﻟﻮ ﻻ
ﻣﻨﻄﻘﺖ ﻭﻻ ﺣﺮﻑ
ﺑﺴﻴﻄﻪ ﺍﻟﺞ ﺍﻟﻠﻪ ﻛﺮﻳﻢ
ﻋﺎﻓﻨﻲ ﻭﻃﻠﻊ
ﻫﺎﻱ ﺩﺍﺋﻤﺎ ﺍﻟﺤﻘﻴﻘﻪ ﺗﻜﻮﻥ ﻗﺎﺳﻴﻪ
ﻳﺮﻳﺪ ﻳﺬﺏ ﺍﻟﺼﻮﺝ ﺑﻴﻪ
ﻫﺎﻱ ﺑﻤﻜﺎﻥ ﻣﻴﺸﻜﺮﻧﻲ
ﺣﻴﻞ ﺿﺠﺖ
ﻭﺍﻟﻠﻪ ﻟﻮ ﻳﻤﻮﺕ ﺻﺪﻙ ﻣﺎﺍﻛﻌﺪﻩ ﺑﻌﺪ
ﻫﺴﻪ ﺍﻧﻲ ﺷﺤﺠﺎﻧﻲ ﻟﻮ ﺳﺎﻛﺘﻪ ﺍﺣﺴﻦ
ﺍﻟﻐﺴﻞ ﺍﻟﻲ ﻟﻮ ﻋﺎﻳﻔﺘﻪ ﻧﺎﻳﻢ ﻣﻮ ﺍﺣﺴﻦ ﺍﻟﻲ
ﺣﺴﻴﺖ ﺑﻨﻔﺴﻲ ﻣﺨﻨﻮﻛﻪ
ﺣﺘﻰ ﻋﻴﺐ ﺍﺻﻌﺪ ﺍﻟﻐﺮﻓﺘﻲ ﻭﺍﻧﻲ ﻫﺴﺘﻮﻧﻲ ﻛﺎﻋﺪﻩ
بيج قصص عراقيه حقيقيه من واقعنا.روعه الطائي
ﺑﻘﻴﺖ ﺍﻟﻬﻲ ﺑﻨﻔﺴﻲ ﺑﺎﻟﺸﻐﻞ ﺑﺲ ﺣﻴﻞ ﺿﺎﻳﺠﻪ
ﻭﺭﻩ ﻓﺘﺮﻩ ﺟﺎﺏ ﺣﻨﺎﻥ ﻭﺍﺟﻪ
ﺍﻟﺘﻤﻴﻨﻪ ﺑﺎﻟﻤﻄﺒﺦ
ﺯﻫﺮﺍﺀ ﻭﺭﺳﻞ ﻭﻓﺎﻃﻤﻪ ﻭﺍﻧﻲ
ﺑﺲ ﺣﻨﺎﻥ ﻻ
ﺳﻮﻳﻨﻪ ﺍﻟﻌﺸﻪ ﺣﻠﻮﻩ ﺍﻟﻠﻤﻪ ﺍﻟﺒﻨﺎﺕ ﺍﺛﻨﻴﻨﻬﻦ ﺣﺒﺎﺑﺎﺕ ﻫﻢ ﺭﺳﻞ ﻭﻫﻢ ﺯﻫﺮﺍﺀ
ﻛﻤﻞ ﺍﻟﻌﺸﻪ ﻭﺍﺟﻮﻱ ﺣﻴﺪﺭ ﻭﺣﻨﺎﻥ ﺻﺎﺣﺘﻬﻢ ﻓﺎﻃﻤﻪ
ﻓﺮﺷﻨﻪ ﺳﻔﺮﻩ ﺑﺎﻟﺼﺎﻟﻪ
ﺍﻟﻜﻞ ﻛﻌﺪ ﺑﺎﺳﺘﺜﻨﺎﺋﻲ
ﻟﻠﻴﻮﻡ ﻣﻜﺎﻋﺪﻩ ﻭﻳﺎﻫﻢ
ﺑﺲ ﺑﻴﻮﻡ ﺍﻻﺟﻮﻱ ﺍﻫﻠﻲ ﺍﻛﻠﺖ ﻭﻱ ﺍﻟﺒﻨﺎﺕ
ﻛﺎﻝ ﻋﻤﻮ ﻟﻴﺶ ﻣﺘﻜﻌﺪﻳﻦ ﻭﻳﺎﻧﻪ
ﺑﻨﻔﺴﻲ ﺍﺷﻮﻓﺞ ﻛﺎﻋﺪﻩ ﺑﻨﺼﻨﻪ
ﻟﻴﺶ ﺩﺍﺋﻤﺎ ﺗﺤﺴﺴﻴﻨﻪ ﺑﺎﻥ ﺍﻧﺖ ﻏﺮﻳﺒﻪ
ﻭﺍﻟﻠﻪ ﻋﻤﻮ ﻣﺎﺍﺷﺘﻬﻲ ﻣﺴﺎﻉ ﺍﻛﻠﺖ
ﺣﺠﻪ ﺣﻴﺪﺭ ﻭﺟﺎﻥ ﺍﻭﻝ ﻣﺮﻩ ﻫﻴﺞ ﻳﺤﺠﻲ ﻭﻳﺎﻱ ﻛﺪﺍﻡ ﺍﻟﺒﻨﺎﺕ
ﻳﺎﺑﻪ ﺍﺗﺮﻛﻬﺎ ﻣﻮ ﻫﻲ ﺑﻨﺖ ﺍﻟﻮﺯﻳﺮ
ﻭﺍﻛﻴﺪ ﻣﻨﻠﻴﻖ ﺑﻤﻘﺎﻣﻬﺎ
ﻣﻴﺼﻴﺮ ﺗﻜﻌﺪ ﻭﻳﺎﻧﻪ
ﺍﻟﻜﻞ ﺻﻔﻦ ﻋﻠﻲ
ﺟﺎﻥ ﻳﻜﻮﻝ ﺍﻟﻤﺜﻠﻬﺎ ﻓﻜﺮ ﺑﻨﺖ ﻓﻜﺮ ﻣﻴﺠﻮﺯ ﺗﺎﻛﻞ ﺍﻟﻪ ﺑﺎﻟﻤﻄﺒﺦ ﺣﺎﻟﻬﺎ ﺣﺎﻝ ﺍﻟﺨﺪﺍﻣﻪ
ﻣﻮ ﻣﺎﻟﺖ ﺍﻟﻮﺍﺣﺪ ﻳﺤﺘﺮﻣﻬﺎ ﻭﻳﻜﻌﺪﻫﺎ ﺑﻨﺼﻨﻪ
ﻳﺎﺍﻟﻠﻪ ﺍﻭﻝ ﻣﺮﻩ ﺍﻧﻬﺎﻥ ﻛﺪﺍﻡ ﺣﻨﺎﻥ ﻭﺯﻫﺮﺍﺀ
ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻭﻻ ﺍﺻﻴﺮ ﺑﻬﻴﺞ ﻣﻮﻗﻒ
ﻗﺴﻤﺎ ﺑﺎﻟﻠﻪ ﻭﺭﻭﺡ ﻣﺮﻭﺍﻥ ﺍﺫﺍ ﺷﻔﺘﻬﺎ ﺗﺎﻛﻞ ﻭﻱ ﺷﺨﺺ ﻣﻨﻜﻢ ﺍﻟﻪ ﻧﻬﺎﻳﺘﻬﺎ ﻉ ﺍﻳﺪﻱ
ﺍﻟﻜﻞ ﺻﺎﻓﻦ ﻭﻳﺮﺩﻭﻥ ﻳﻔﺘﻬﻤﻮﻥ ﺷﻲ ﻣﺎﻛﻮ
ﻳﻠﻪ ﻭﻫﺴﻪ ﺭﻭﺣﻲ ﺍﺑﻘﻲ ﺑﺎﻟﻤﻄﺒﺦ ﻭﺍﻧﺠﺒﻲ
ﺍﺣﺲ ﺑﺤﺮﺍﺭﻩ ﺗﺠﻮﻱ ﺧﺪﻱ
ﺍﻛﻴﺪ ﺩﻣﻮﻋﻲ ﻳﺠﺮﻥ
ﻋﻤﻮ ﺳﻤﻌﺘﻪ ﻳﻐﻠﻂ ﻋﻠﻲ ﻭﻣﺤﻤﺪ ﻛﺬﻟﻚ ﻟﻌﺒﻮ ﺑﻲ ﺟﻮﻟﻪ
ﺍﻧﻲ ﺳﺪﻳﺖ ﺍﺫﺍﻧﻲ ﻣﺎﺍﺣﺐ ﺍﺳﻤﻊ ﺷﻲ
ﺑﻌﺪ ﻣﺎﺍﺳﻤﻊ ﻭﻻ ﺍﺷﻮﻑ ﻭﻻ ﺍﺭﻛﺰ
ﻓﺼﻠﺖ ﻋﻦ ﺍﻟﻌﺎﻟﻢ
ﻛﻞ ﺍﻟﻲ ﺍﻋﺮﻓﻪ ﺍﺭﻳﺪ ﺍﺭﻭﺡ ﻟﻐﺮﻓﺘﻲ
ﺑﺲ ﺷﻠﻮﻥ ﻳﺎﺍﻟﻠﻪ
بيج قصص عراقيه حقيقيه من واقعنا.روعه الطائي
ﺑﻘﻴﺖ ﻣﻨﺘﻈﺮﻩ
ﻟﻤﻦ ﺧﻠﺼﻮﺍ
ﺭﺣﺖ ﻟﻤﻴﺖ ﺍﻟﻤﻮﺍﻋﻴﻦ
ﻋﻤﻮ ﻛﺎﻡ ﻳﺼﻴﺢ ﻋﻮﻓﻲ ﻛﻠﺸﻲ ﻭﺍﺻﻌﺪﻱ
ﻣﺠﺎﻳﺒﻴﻨﺞ ﺧﺪﺍﻣﻪ ﻫﻨﺎ
ﻛﺘﻠﻪ ﻻ ﻋﻤﻮ ﻫﺬﺍ ﺷﻐﻠﻲ ﻭﺍﻟﻲ ﺍﻟﺸﺮﻑ ﺍﺧﺪﻣﻜﻢ ﻭﺍﺧﻠﻴﻜﻢ ﻉ ﺭﺍﺳﻲ
ﻻﻥ ﻋﻤﺮ ﺍﻟﻨﻈﺎﻓﻪ ﻭﺍﻟﺘﺮﺗﻴﺐ ﻭﺍﻟﻄﺒﺦ ﻣﻜﺎﻧﺖ ﺧﺪﻣﻪ ﺑﺎﻟﻨﺴﺒﻪ ﺍﻟﻲ
ﺍﻟﻜﻞ ﺳﻜﺖ
ﻫﻮ ﻃﻠﻊ
ﻣﺤﻤﺪ ﺣﺠﻪ ﻭﻳﺎﻳﻪ
ﻛﻠﻲ ﻟﺘﻬﺘﻤﻴﻦ ﺧﻞ ﻳﻮﻟﻲ ﻣﺨﺒﻞ ﻭﺍﻟﻠﻪ ﻣﻮ ﺻﺎﺣﻲ
ﻭﺍﻟﻠﻪ ﻣﻴﺴﺘﺎﻫﻞ ﺍﻇﻔﺮ ﻣﻦ ﺍﻇﺎﻓﻴﺮﺝ
ﻛﺘﻠﻪ ﻋﺎﺩﻱ ﻣﺘﻌﻮﺩﻩ ﻉ ﻫﺎﻟﺮﺯﺍﻳﻞ
ﺳﻮﻳﺖ ﻧﻔﺴﻲ ﻣﻤﻬﺘﻤﻪ
ﺑﺲ ﺍﻟﺼﺮﺍﺣﻪ ﻛﻠﺒﻲ ﺍﺣﺴﻪ ﻳﻨﺰﻑ ﺩﻡ
ﺣﺎﻭﻟﻦ ﺍﻟﺒﻨﺎﺕ ﻳﻐﺴﻠﻦ ﺍﻟﻤﻮﺍﻋﻴﻦ ﻣﻘﺒﻠﺖ
ﻏﺴﻠﺘﻬﻦ ﻭﺍﺧﺬﺕ ﺍﻟﺠﻬﺎﻝ ﻭﺻﻌﺪﺕ
ﺩﻣﻮﻋﻲ ﻳﻨﺰﻟﻦ ﻏﺼﺒﺎ ﻋﻠﻴﻪ
ﺧﻄﻴﻪ ﻧﻮﺭ ﻭﻧﻈﻮﺭﻱ ﻳﻤﺴﺤﻮﻥ ﺑﻴﻬﻦ
ﺍﻟﺒﺎﺏ ﻗﻔﻠﺘﻬﺎ ﺣﺘﻰ ﺍﺧﺬ ﺭﺍﺣﺘﻲ
ﻛﻠﺘﻠﻲ ﻧﻮﺭ ﺍﻓﺘﺤﻴﻠﻲ ﺍﻟﺒﺎﺏ ﺍﺭﻳﺪ ﺍﻧﺰﻝ
ﻓﺘﺤﺘﻪ ﺍﻟﻬﺎ ﻭﺭﻩ ﺷﻮﻳﻪ ﻭﺍﺟﺘﻲ ﻛﺎﻟﺖ ﺿﺮﺑﺖ ﺑﺎﺑﺎ ﺣﺘﻰ ﺑﻌﺪ ﻣﻴﺨﻠﻴﺞ ﺗﺒﺠﻴﻦ
ﺧﻄﻴﻪ ﻣﻘﻬﻮﺭﻩ ﻋﻠﻴﻪ ﺣﻴﻞ
ﺑﻮﺳﺘﻬﺎ ﻭﻛﺘﻠﻬﺎ ﺻﻴﺢ ﻋﻠﻴﻪ ﻣﻦ ﺻﺎﻟﺤﻲ ﻣﻮ ﺿﺪﻱ
ﺣﺘﻠﻮ ﻣﺎﺍﻗﺒﻞ ﻳﺼﻴﺢ ﻋﻠﻴﺞ
ﺗﻘﺮﻳﺒﺎ ﺻﺎﺭﺕ ﺍﻟﺴﺎﻋﻪ ﺑﺎﻟﻌﺸﺮﻩ
ﺍﺟﺘﻲ ﻓﺎﻃﻤﻪ ﺩﻛﺖ ﺍﻟﺒﺎﺏ
ﻓﺘﺤﺘﻬﺎ
ﺟﺎﻥ ﺗﻜﻮﻝ ﻳﺮﺩﻭﻧﺞ ﺑﺎﻻﺳﺘﻘﺒﺎﻝ
ﻣﻨﻮ ﺍﻟﻲ ﻳﺮﻳﺪﻧﻲ
ﻛﺎﻟﺖ ﺑﺎﺑﺎ ﻭﺣﻴﺪﺭ ﻭﻣﺤﻤﺪ
ﻭﻳﺎﻫﻢ ﺭﺟﺎﻝ ﻭﺷﺎﺏ ﻃﻠﺒﻮﺝ ﺑﺎﻻﺳﻢ ﻳﺮﺩﻭﻥ ﻳﺤﺠﻮﻥ ﻭﻳﺎﺝ
ﻣﻨﻮ ﺫﻭﻟﻪ ﻭﺷﻴﺮﺩﻭﻥ
ﻭﺍﻟﻠﻪ ﻣﺎﺍﻋﺮﻑ
ﺍﺟﻪ ﺣﻴﺪﺭ ﻭﻋﻴﻮﻧﻪ ﺗﺠﺪﺡ ﻧﺎﺭ
ﻛﺎﻝ ﺑﺴﺮﻋﻪ ﺻﻴﺤﻴﻬﺎ ﻭﺧﻞ ﺗﻨﺰﻝ
ﺑﻘﻴﺖ ﺣﺎﻳﺮﻩ ﻣﻨﻮ ﺫﻭﻟﻪ ﻭﺷﻴﺮﺩﻭﻥ ﻣﻨﻲ
ﻭﻣﻌﻘﻮﻟﻪ ﺣﻴﺪﺭ ﻳﺨﻠﻴﻨﻲ ﺍﺩﺧﻞ ﻳﻢ ﺍﻟﺮﻳﺎﺟﻴﻞ
ﻟﺒﺴﺖ ﺻﺎﻳﻪ ﻭﺣﺠﺎﺑﻲ ﻋﺪﻟﺘﻪ ﻭﻟﺒﺴﺖ ﻋﺒﺎﻳﻪ
ﺍﺧﺎﻑ ﺍﻟﻤﻐﺮﻭﺭ ﻳﺴﻮﻳﻠﻲ ﺳﺎﻟﻔﻪ
ﻧﺰﻟﺖ ﻭﺩﻛﻴﺖ ﺍﻟﺒﺎﺏ
ﻭﻱ ﻛﻞ ﺩﻛﻪ ﺍﺣﺲ ﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ
ﻛﺎﻝ ﻋﻤﻮ ﺍﺩﺧﻠﻲ ﺑﻨﻴﺘﻲ
ﺩﺧﻠﺖ ﻭﺟﺎﻥ ﺍﻧﺼﺪﻡ ........
ﺗﻮﻗﻌﺎﺗﻜﻢ ﺣﺒﺎﻳﺐ ﻣﻨﻮ ﺫﻭﻟﻪ ﺍﻟﺠﺎﻳﻦ
ﺷﻨﻮ ﺍﻟﻴﺮﺩﻭﻧﻪ ﻣﻦ ﺯﻳﻨﺐ
ﻫﻞ ﺭﺍﺡ ﻳﺴﺒﺒﻮﻟﻬﺎ ﻣﺸﻜﻠﻪ ﺍﻡ ﻻ
ﻟﺘﻨﺴﻮﻥ ﺍﻟﺘﺼﻮﻳﺖ ﺣﺘﻰ ﺍﻧﺴﻰ ﺍﻟﺘﻌﺐ 😜😜
ﺗﺤﻴﺎﺗﻲ ﺣﺒﺎﻳﺒﻲ 😘😘