بين الفقر والطغيان

42

بااااااااات عيديه
#بين_الفقر_والطغيان
بارت٤٢
ﺻﺒﺎﺡ ﺍﻟﺨﻴﺮ ﺣﺒﺎﻳﺒﻲ
ﺍﺣﻠﻰ ﻋﻴﺪﻳﻪ ﻣﻨﻲ ﺍﻟﻜﻢ 😍😍 ﺑﺎﺭﺕ ﺻﺒﺎﺣﻲ ﻻﺟﻤﻞ ﻭﺍﺭﻕ ﻣﺘﺎﺑﻌﻴﻦ
ﺑﻤﻨﺎﺳﺒﺔ ﻋﻴﺪ ﺍﻻﺿﺤﻰ ﺍﻟﻤﺒﺎﺭﻙ ﻳﻨﻌﺎﺩ ﻋﻠﻴﻜﻢ ﺑﺎﻟﺼﺤﻪ ﻭﺍﻟﺴﻼﻣﻪ
ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 42 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﺟﺎﻥ ﻳﺪﺯﻟﻲ ﻭﺍﻟﻠﻪ ﺗﺤﻠﻤﻴﻦ ﺍﻗﺒﻞ ﺑﻴﺞ
ﺷﻨﻮ ﺗﺴﻮﺩﻧﺖ ﻭﺍﺗﺰﻭﺟﺞ ﻣﻦ ﺟﺪﻳﺪ
ﺍﺗﻮﻗﻊ ﺣﺒﻴﺐ ﺍﻟﻜﻠﺐ ﺍﺑﻦ ﻋﻤﺞ ﺍﻟﺴﻜﻂ ﻋﺎﻓﺞ ﻻﻥ ﻋﺮﻓﺞ ﻟﺰﻛﻪ
ﺣﻴﺪﺭ ﻟﺘﺼﻴﺮ ﺍﻧﺎﻧﻲ ﻭﺗﻔﻜﺮ ﺑﻨﻔﺴﻚ
ﻣﺮﻩ ﻭﺣﺪﻩ ﺑﺤﻴﺎﺗﻚ ﻓﻜﺮ ﺑﻤﺼﻠﺤﺔ ﻏﻴﺮﻙ
ﻣﻮ ﺍﻫﻢ ﺷﻲ ﻧﻔﺴﻚ
ﻟﺨﺎﻃﺮﺍﻟﻠﻪ ﻭﺍﻓﻖ ﻭﻓﻀﻬﺎ
ﺷﻨﻮ ﻫﺎﻱ ﺍﻧﺘﻲ ﻣﺘﻌﻮﺩﻩ
ﺗﺘﻮﺳﻠﻴﻦ ﺣﺘﻰ ﺗﺘﺰﻭﺟﻴﻦ
ﻣﻼﺣﻀﻪ ﻧﻔﺴﺞ ﻫﺎﻱ ﺛﺎﻟﺚ ﻣﺮﻩ ﺗﺘﻮﺳﻠﻴﻦ ﻉ ﻣﻮﺩ ﺍﻟﺰﻭﺍﺝ
ﻟﺞ ﺑﺎﺑﺎ ﺍﺛﻜﻠﻲ
ﺍﻧﻲ ﺍﻟﻲ ﺍﻋﺮﻓﻪ ﺍﻟﺮﺟﺎﻝ ﺍﻟﻲ ﻳﺘﻮﺳﻞ ﻭﻳﻄﻠﺐ ﺍﻟﺰﻭﺍﺝ
ﺑﺲ ﻣﺸﺎﻳﻒ ﻣﺜﻠﺞ ﺍﻧﺖ ﻭﺣﺪﻩ ﻟﺰﻛﻪ ﻭﺫﺍﺑﻪ ﻧﻔﺴﺞ ﻛﻮﻩ ﻋﻠﻴﻪ
ﺍﺩﺭﻱ ﺑﻴﻚ ﺗﺮﻳﺪ ﺗﺬﻟﻨﻲ
ﻭﻣﻦ ﻫﺴﻪ ﺍﻛﻠﻚ ﻧﺠﺤﺖ ﻭﺫﻟﻴﺖ ﻧﻔﺴﻲ ﻫﻮﺍﻱ ﻭﺍﻟﻚ ﺑﺎﻟﺒﺬﺍﺕ
ﻭﺗﺪﺭﻱ ﺑﻴﻪ ﻛﻠﺶ ﺯﻳﻦ ﻉ ﻣﻮﺩ ﻧﻈﻮﺭﻱ ﻭﻧﻮﺭ
ﺧﻞ ﻳﻜﻮﻥ ﺑﻌﻠﻤﻚ ﺍﻧﻲ ﻣﻮ ﺑﺲ ﻣﺎﺍﺭﻳﺪﻙ
ﺍﻧﻲ ﻣﺎﺍﻃﻴﻖ ﺍﺷﻮﻓﻚ ﻭﻻ ﺍﻃﻴﻖ ﺍﺳﻤﻊ ﺻﻮﺗﻚ
ﺑﺲ ﻣﺜﻞ ﻣﻴﻜﻮﻝ ﺍﺑﻮ ﺍﻟﻤﺜﻞ ﺍﺷﺠﺎﺑﺮﻙ ﻉ ﺍﻟﻤﺮ ﻏﻴﺮ ﺍﻻﻣﺮ ﻣﻨﻪ
ﺍﻧﻲ ﻫﻮﺍﻱ ﺿﺤﻴﺖ ﻭﻫﻮﺍﻱ ﺫﻟﻴﺖ ﻧﻔﺴﻲ ﺑﺲ ﺍﻟﺨﺎﻃﺮ ﺍﺑﻨﻲ
ﺑﺲ ﺍﻧﺖ ﺷﻨﻮ ﺍﻟﻘﺪﻣﺘﻪ ﻻﺑﻨﻚ
ﻗﺪﻣﺘﻠﻪ ﺑﺲ ﺍﻻﺫﻳﻪ ﻭﺷﻼﻉ ﺍﻟﻜﻠﺐ
بيج قصص عراقيه حقيقيه من واقعنا.روعه الطائي
ﻳﺎﺑﻪ ﺷﻨﻮ ﺍﻧﺖ ﻣﺘﻌﻮﺩﻩ ﺗﺨﻄﺒﻴﻦ ﺍﻟﺰﻟﻢ
ﺍﻛﻴﺪ ﺍﺑﻦ ﻋﻤﺞ ﻫﻢ ﻫﻴﺞ ﺫﺑﻴﺘﻲ ﻧﻔﺴﺞ ﻋﻠﻲ ﻭﺍﻧﺖ ﺻﺎﺭﺣﺘﻲ
ﺣﻴﺪﺭ ﻛﺎﻓﻲ ﺍﻫﺎﻳﻦ
ﻭﺍﺣﺐ ﺍﻛﻠﻚ ﺍﻟﺼﺒﺮ ﻫﻢ ﺍﻟﻪ ﺣﺪﻭﺩ
ﻭﺍﻟﻲ ﺳﺎﻋﻪ ﻳﻨﻔﺬ ﺻﺒﺮﻱ
ﺗﺪﺭﻱ ﺍﺫﺍ ﻃﺨﺖ ﻋﻨﺪﻱ ﺷﺎﺳﻮﻱ
ﻭﺍﻟﻠﻪ ﺍﻟﻌﻀﻴﻢ ﺍﺧﺬﻫﻢ ﻭﺍﺷﺮﺩ ﻭﻣﺎﺍﺧﻠﻲ ﺍﺣﺪ ﻳﻨﺪﻟﻨﻲ
ﻭﺍﻟﻠﻪ ﻭﺍﻟﺨﻠﻘﺞ ﻟﻮ ﺗﺮﺣﻴﻦ ﻟﺴﺎﺑﻊ ﺳﻤﻪ ﻫﻢ ﺍﻟﻜﻔﺞ ﻭﺍﻧﻬﻴﺞ
ﺑﺴﻴﻄﻪ ﺍﺳﻤﻢ ﻧﻔﺴﻲ ﻭﺍﺳﻤﻤﻬﻢ ﻭﻳﺎﻳﻪ
ﺣﺘﻰ ﺍﻟﺤﻜﺞ ﻟﺠﻬﻨﻢ ﻭﻫﻢ ﺍﺧﺬ ﺣﻘﻲ ﻣﻨﺞ
ﺣﻴﺪﺭ ﻟﺘﻌﻘﺪ ﺍﻻﻣﻮﺭ ﺍﻛﺜﺮ
ﺍﻧﻲ ﻣﺎﺍﻃﻴﻘﻚ ﻭﺍﻧﺖ ﻣﻄﻴﻘﻨﻲ
ﻧﺘﺰﻭﺝ ﻉ ﺍﻟﻮﺭﻕ ﻣﺜﻞ ﻗﺒﻞ
ﺍﻧﺖ ﺑﺤﺎﻟﻚ ﻭﺍﻧﻲ ﺑﺤﺎﻟﻲ
ﺍﻫﻢ ﺷﻲ ﺍﻟﺠﻬﺎﻝ ﻳﻤﻨﻪ
ﺍﻱ ﻭﺍﺧﻠﻴﺞ ﺍﺩﺍﻭﻣﻴﻦ ﻭﻧﺎﺯﻋﻪ ﺍﻟﺒﻮﺷﻴﻪ ﻭﺗﻔﺘﺮﻳﻦ ﺑﺎﻟﺴﻴﺎﺭﻩ ﻧﺺ ﺍﻟﻠﻴﺎﻟﻲ
ﻭﺍﻟﻠﻪ ﺣﺘﻰ ﺑﺎﺣﻼﻣﺞ ﻣﻴﺼﻴﺮ ﻫﺬﺍ ﺍﻟﺸﻲ
ﺍﻱ ﺷﻲ ﺍﻃﻠﺒﻪ ﻣﻨﻲ ﺍﻭﺍﻓﻖ ﻋﻠﻲ ﺑﺪﻭﻥ ﺗﺮﺩﺩ
ﻣﺘﺎﻛﺪﻩ
ﺍﻱ ﻭﺍﻟﻠﻪ ﻣﺘﺎﻛﺪﻩ
ﺍﻫﻢ ﺷﻲ ﺍﺑﻘﻰ ﻳﻢ ﺟﻬﺎﻟﻲ
ﺍﺳﻤﻌﻴﻨﻲ ﻟﻌﺪ
ﺍﻟﺸﺮﻁ ﺍﻻﻭﻝ ﺗﺮﺟﻌﻴﻦ ﻉ ﺍﻟﺒﻮﺷﻴﻪ
ﺍﻟﺸﺮﻁ ﺍﻟﺜﺎﻧﻲ ﺩﻭﺍﻡ ﻣﺎﻛﻮ ﻭﺍﺫﺍ ﺍﻧﻔﺘﺤﺖ ﺳﻴﺮﺓ ﺍﻟﺠﺎﻣﻌﻪ ﻛﺪﺍﻣﻲ
ﺍﻃﻠﻜﺞ ﻭﺍﺧﺬ ﺍﺑﻨﺞ ﻟﻠﻤﻮﺕ ﻣﻨﺞ
ﺍﻟﺸﺮﻁ ﺍﻟﺜﺎﻟﺚ ﺍﻟﺴﻴﺎﺭﻩ ﺗﻨﻄﻴﻬﺎ ﻻﻫﻠﺞ ﻭﻣﺘﺼﻌﺪﻳﻦ ﺑﻴﻬﺎ ﺍﺑﺪ
ﺍﻟﺸﺮﻁ ﺍﻟﺮﺍﺑﻊ ﺟﻬﺎﺯﺝ ﻭﺧﻄﺞ ﺗﻨﻄﻴﻨﻴﺎﻫﻦ ﻻﻥ ﺭﺍﺡ
ﺍﺟﻴﺒﻠﺞ ﺟﻬﺎﺯ ﻭﺧﻂ ﺟﺪﻳﺪ
ﺑﺪﻭﻥ ﻧﺖ ﺟﻬﺎﺯ ﻋﺎﺩﻱ ﻻﻥ ﺑﻌﺪ ﻣﻌﻨﺪﻱ ﺛﻘﻪ ﺑﻴﺞ ﺍﺑﺪ
ﺑﻜﻠﺒﻲ ﻛﻠﺖ ﻫﻮ ﺍﻧﺖ ﻳﺎﻳﻮﻡ ﻋﻨﺪﻙ ﺛﻘﻪ ﺑﻴﻪ ﺣﺘﻰ ﻫﺴﻪ ﺗﺜﻖ
ﻣﺎﺍﺭﻳﺪ ﺍﻱ ﺍﺣﺪ ﻳﻌﺮﻓﻪ ﻟﻠﺨﻂ ﺍﻟﺠﺪﻳﺪ ﺑﺲ ﺍﻫﻠﺞ ﻭﺍﺣﻨﻪ
ﺍﺫﺍ ﺍﺣﺪ ﻋﺮﻓﻪ ﻏﻴﺮﻛﻢ ﺍﺣﺮﻛﺞ ﻭﺍﺣﺮﻛﻪ ﻭﻳﺎﺝ
ﻭﺍﻻﻫﻢ ﻣﻦ ﻛﻠﺸﻲ ﺗﺮﺟﻌﻴﻦ ﻣﺜﻞ ﺍﻻﻭﻝ ﺧﺪﺍﻣﻪ ﻭﻣﺮﺑﻴﻪ ﻟﺠﻬﺎﻟﻲ ﻭﺑﺲ
بيج قصص عراقيه حقيقيه من واقعنا.روعه الطائي
ﻃﻠﻌﻪ ﻣﺎﻛﻮ ﺑﺲ ﻻﻫﻠﺞ
ﻭﻣﺘﺒﺎﺗﻴﻦ ﺍﺑﺪ ﺍﺑﻴﺖ ﺍﻫﻠﺞ
ﺍﻭﻭﻭﻭﻑ ﻳﺮﺑﻲ ﺭﺟﻌﻨﻲ ﻟﻨﻘﻄﺔ ﺍﻟﺼﻔﺮ
ﺭﺍﺡ ﺍﺭﺟﻊ ﻣﺜﻞ ﻗﺒﻞ
ﺑﺲ ﻟﺨﺎﻃﺮ ﺍﺑﻨﻲ ﺣﺒﻴﺒﻲ ﻭﻧﻮﺭ ﺭﺍﺡ ﺍﻭﺍﻓﻖ ﻉ ﻛﻠﺸﻲ
ﺍﻧﻲ ﻫﻢ ﻛﺮﻫﺖ ﺍﻟﺠﺎﻣﻌﻪ
ﻫﻲ ﺳﺒﺐ ﺩﻣﺎﺭﻱ ﻛﻠﻪ
ﺩﺯﻳﺘﻠﻪ ﻣﻮﺍﻓﻘﻪ ﻉ ﻛﻞ ﺷﺮﻭﻃﻚ
ﺑﺲ ﻋﻨﺪﻱ ﺷﺮﻁ ﻭﺍﺣﺪ
ﺍﻧﺖ ﻣﺎﺍﻟﺞ ﺣﻖ ﺗﺸﺮﻃﻴﻦ
ﺍﻧﺖ ﺗﻨﻔﺬﻳﻦ ﺍﻟﺸﺮﻭﻁ ﺑﺲ
ﺍﺫﺍ ﻋﻨﺪﺝ ﺷﻲ ﺍﻃﻠﺒﻲ ﻭﺍﺗﻮﺳﻠﻲ ﻭﻋﻮﺩ ﺍﻓﻜﺮ ﺍﻧﻔﺬﻩ ﺍﻟﺞ ﻟﻮ ﻻ
ﺍﻣﻨﺖ ﺑﺎﻟﻠﻪ ﻋﻨﺪﻱ ﻃﻠﺐ ﻣﻤﻜﻦ ﺗﻨﻔﺬﻩ ﺍﻟﻲ
ﻭﻫﻮ
ﻣﺎﺍﺭﻳﺪﻙ ﺗﺠﺒﺮﻧﻲ ﻉ ﺍﻱ ﺷﻲ ﻣﺎﺍﺭﻳﺪ ﺍﺳﻮﻱ
ﻏﻴﺮ ﺫﻧﻲ ﺍﻟﺸﺮﻭﻁ
ﻗﺼﺪﺝ ﺍﺗﻘﺮﺑﻠﺞ ﻣﻮ
ﺧﻞ ﻳﻜﻮﻥ ﺑﻌﻠﻤﺞ ﻭﺩﺍﻋﺖ ﻧﻈﻮﺭﻱ ﻛﺮﻫﺘﺞ ﻛﺮﻩ
ﻭﻣﺴﺘﺤﻴﻞ ﺍﻓﻜﺮ ﺍﺗﻘﺮﺑﻠﺞ ﻟﻮ ﺗﺼﻴﺮﻥ ﻛﺎﺋﻦ ﻣﻦ ﻳﻜﻮﻥ
ﻣﻦ ﻫﺴﻪ ﺍﻧﻄﻴﺞ ﻭﻋﺪ ﻣﺮﺍﺡ ﺍﺟﺒﺮﺝ ﻉ ﺍﻱ ﺷﻲ ﻣﺘﺤﺒﻴﻨﻪ
ﻟﻌﺪ ﺍﺗﻮﻛﻞ ﻉ ﺍﻟﻠﻪ ﻭﺑﺎﻱ ﻭﻗﺖ ﻳﻌﺠﺒﻚ ﺗﻌﺎﻝ ﻧﻌﻘﺪ
ﺍﻧﻄﻴﻨﻲ ﻣﻬﻠﻪ ﺍﻓﻜﺮ ﺯﻳﻦ ﺣﺘﻰ ﻣﺎﺍﺗﻨﺪﻡ
ﺍﻭﻙ
ﻣﺴﺘﺤﻴﻞ ﺍﻭﺻﻒ ﺷﻌﻮﺭﻱ ﺑﻬﺎﻱ ﺍﻟﻠﺤﻀﻪ
ﺣﻴﻞ ﺍﻧﺬﻟﻴﺖ ﻭﻟﺤﺪ ﻳﻠﻮﻣﻨﻲ
ﺍﺑﻨﻲ ﺣﻴﺎﺗﻲ ﻛﻠﻬﺎ
ﻣﺎﻃﻠﻌﺖ ﻣﻦ ﻫﺎﻱ ﺍﻟﺪﻧﻴﻪ ﺍﻟﻐﺒﺮﻩ ﻏﻴﺮ ﺑﺲ ﺍﺑﻨﻲ
ﻫﻮﺍﻱ ﺿﺤﻴﺖ ﻉ ﻣﻮﺩﻩ ﻭﺣﺮﺍﻣﺎﺕ ﺗﻀﺤﻴﺘﻲ ﺗﺮﻭﺡ ﻫﻴﺞ
ﻣﺎﺍﺭﻳﺪ ﺍﻟﺠﺎﻣﻌﻪ ﻭﻻ ﺍﺭﻳﺪ ﺍﻟﺴﻴﺎﺭﻩ ﻭﻻ ﺍﺭﻳﺪ ﺍﻟﻤﻮﺑﺎﻳﻞ
ﺍﺭﻳﺪ ﺑﺲ ﺍﺑﻨﻲ ﻭﻧﻮﺭ ﻭﺭﺍﺣﺔ ﺑﺎﻟﻲ
ﺍﺗﻌﺬﺑﺖ ﺧﻼﻝ ﻫﺎﻱ ﺍﻟﺴﻨﻪ ﺍﻟﻲ ﺍﻃﻠﻜﺖ ﺑﻴﻬﺎ
ﻭﺍﺧﺎﻑ ﺍﻫﻠﻲ ﻳﺠﻲ ﻳﻮﻡ ﻭﻳﺠﺒﺮﻭﻧﻲ ﺑﻲ ﻉ ﻋﻠﻲ
ﻭﺍﻧﻲ ﻣﺴﺘﺤﻴﻞ ﺍﻭﺍﻓﻖ ﻟﻮ ﺷﻴﺼﻴﺮ
ﺍﻓﻀﻞ ﺍﻟﺠﺤﻴﻢ ﻭﻱ ﺍﺑﻨﻲ
ﻭﻻ ﺍﻟﺠﻨﻪ ﺑﺪﻭﻥ ﺍﺑﻨﻲ
ﺭﺩﺕ ﺍﺧﺒﺮ ﺍﻫﻠﻲ ﺑﺲ ﺧﻔﺖ ﺍﺧﺎﻑ ﻣﻴﻮﺍﻓﻖ ﻭﻳﻘﻠﺐ ﻋﻠﻴﻪ
بيج قصص عراقيه حقيقيه من واقعنا.روعه الطائي
ﺑﻘﻪ ﺗﻘﺮﻳﺒﺎ 3 ﺍﻳﺎﻡ
ﻭﺍﻱ ﺧﺒﺮ ﻣﺎﻛﻮ ﻣﻨﻪ
ﺑﺲ ﺍﻟﺠﻬﺎﻝ ﻳﻤﻲ ﻣﺎﺍﺧﺬﻫﻢ
ﺑﺲ ﺩﺯ ﺍﻟﺤﻠﻴﺐ ﺑﻴﺪ ﺍﻣﻴﺮ
ﺑﺎﻟﻠﻴﻞ ﺗﻘﺮﻳﺒﺎ ﺏ 2 ﺩﺯﻟﻲ
ﺍﻟﻮﻭﻭ
ﺍﻟﻮﻭﻭﻭ
ﻛﺎﻋﺪﻩ
ﺍﻱ
ﺣﻀﺮﻱ ﻧﻔﺴﺞ ﺑﺎﺟﺮ ﺍﻟﺼﺒﺢ ﺍﻣﺮﻟﺞ ﺣﺘﻰ ﻧﻌﻘﺪ ﻣﺤﻜﻤﻪ
ﻭﺍﻟﻌﺼﺮ ﻧﻌﻘﺪ ﺳﻴﺪ
ﺑﺲ ﻟﺘﻨﺴﻴﻦ ﺍﻟﺸﺮﻭﻁ
ﻭﻣﻦ ﺑﺎﺟﺮ ﺍﻟﺒﻮﺷﻴﻪ ﺗﻠﺒﺴﻴﻬﺎ
ﺍﻭﻙ
ﺩﺯﻳﺖ ﻟﻤﺎﻣﺎ
ﻣﺎﻣﺎ
ﻛﺎﻋﺪﻩ
ﺩﺯﺗﻠﻲ
ﺍﻱ
ﺗﻌﺎﻱ ﻟﻠﺼﺎﻟﻪ
ﺍﻭﻙ
ﺍﺟﺘﻲ ﻣﺎﻣﺎ
ﻣﺎﻣﺎ ﺣﺎﺑﻪ ﺍﺣﺠﻲ ﻭﻳﺎﺝ ﺷﻲ ﺍﺗﻤﻨﻰ ﺗﻔﺘﻬﻤﻴﻨﻲ ﻭﺗﺴﻤﻌﻴﻨﻲ ﻟﻼﺧﻴﺮ
ﻣﺎﺍﺭﻳﺪ ﺗﻘﺎﻃﻌﻴﻨﻲ ﻟﻤﻦ ﺍﺧﻠﺺ
ﺍﺣﺠﻲ ﻣﺎﻣﺎ ﺧﻮﻓﺘﻴﻨﻲ ﺻﺎﻳﺮ ﺷﻲ
ﺑﺎﺟﺮ ﺍﺭﻳﺪ ﺍﻋﻘﺪ ﺍﻧﻲ ﻭﺣﻴﺪﺭ
ﺷﻨﻮﻭﻭﻭﻭ
ﺧﻞ ﺍﻛﻤﻞ
ﻣﺎﻣﺎ ﺗﻌﺒﺖ ﺣﻴﻞ ﻭﺑﻌﺪ ﻣﺎﺍﻟﻲ ﻗﺎﺑﻠﻴﻪ ﺍﺗﻌﺐ ﺍﻛﺜﺮ
ﺍﺩﻣﺮﺕ ﺑﺪﻭﻥ ﺍﺑﻨﻲ
ﻣﺎﺍﻛﺪﺭ ﺍﻋﻴﺶ ﻭﻻ ﻟﺤﻀﻪ ﺑﺪﻭﻧﻪ
ﻟﻌﺪ ﻭﺩﻭﺍﻣﺞ
ﻣﺎﺍﺭﻳﺪ ﺍﺩﺍﻭﻡ ﻭﻻ ﺍﺭﻳﺪ ﺍﻱ ﺷﻲ
ﺍﻫﻢ ﺷﻲ ﺍﺑﻨﻲ ﻳﻨﺎﻡ ﺑﺤﻀﻨﻲ
ﻟﺞ ﻣﺎﻣﺎ ﻭﺍﻟﻠﻪ ﺭﺍﺡ ﺗﺘﻨﺪﻣﻴﻦ
ﻭﺭﺍﺡ ﺍﺗﻌﺒﻴﻦ ﻭﻳﺎ ﺭﺍﺡ ﻳﺎﺫﻳﺞ ﺣﻴﺪﺭ ﺍﻧﻲ ﻣﺘﺎﻛﺪﻩ
ﻣﺎﻣﺎ ﺍﻧﻲ ﻗﺎﺑﻠﻪ ﺑﻜﻠﺸﻲ
ﻣﺎﺍﻓﻜﺮ ﺑﻨﻔﺴﻲ
ﺍﻫﻢ ﺷﻲ ﺍﺑﻨﻲ ﻭﻣﺼﻠﺤﺘﻪ
ﻳﻮﻡ ﻣﺎﺍﻛﺪﺭ ﺍﺗﺰﻭﺝ ﻏﻴﺮ ﺷﺨﺺ
ﺍﻧﻲ ﻣﻴﻬﻤﻨﻲ ﻧﻔﺴﻲ ﻭﻻﻳﻬﻤﻨﻲ ﺯﻭﺍﺝ
بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﻣﺎﻣﺎ ﻣﺎﺍﻋﺮﻑ ﺷﺎﻛﻠﺞ
ﻋﻔﻴﻪ ﺍﻧﺖ ﺍﺣﺠﻲ ﻭﻱ ﺑﺎﺑﺎ ﻭﻗﻨﻌﻲ
ﻻﺯﻡ ﺑﺎﺟﺮ ﺍﻋﻘﺪ
ﺍﻟﻠﻪ ﻛﺮﻳﻢ ﺑﻨﺘﻲ
ﺍﻟﺴﻴﺎﺭﻩ ﺭﺍﺡ ﺍﺧﻠﻴﻬﺎ ﺑﻤﻜﺎﻥ ﺍﻟﻔﻠﻮﺱ ﺍﻟﻲ ﺩﻓﻌﻬﻦ ﺑﺎﺑﺎ ﻟﻠﺠﺎﻣﻌﻪ
ﻭﺍﻟﻠﻪ ﺍﺫﺍ ﺳﻤﻌﺞ ﻳﻜﻠﺐ ﺍﻟﺪﻧﻴﻪ
ﻣﺎﻣﺎ ﻣﻮ ﺑﻜﻴﻔﻲ
ﺣﻴﺪﺭ ﺷﺮﻁ ﻋﻠﻴﻪ ﻭﺍﻧﻲ ﻭﺍﻓﻘﺖ
ﺍﻟﻠﻪ ﻛﺮﻳﻢ
ﺭﻭﺣﻲ ﺍﺻﻌﺪﻱ
ﻭﺍﻧﻲ ﺭﺍﺡ ﺍﺣﺠﻲ ﻭﻳﺎ
ﺻﻌﺪﺕ ﺑﻘﻴﺖ ﻛﺎﻋﺪﻩ
ﺭﺣﺖ ﺻﻠﻴﺖ ﺻﻼﺓ ﺍﻟﻠﻴﻞ
ﺩﻋﻴﺖ ﻛﻠﻪ ﻳﺎﺭﺑﻲ ﺍﺫﺍ ﺑﻴﻬﺎ ﺻﺎﻟﺢ ﺧﻠﻲ ﺑﺎﺑﺎ ﻳﻮﺍﻓﻖ ﻭﺧﻠﻴﻨﻲ ﺍﺭﺟﻌﻪ
ﻭﺍﺫﺍ ﻣﺒﻴﻬﺎ ﺻﺎﻟﺢ ﻛﻮﻥ ﺑﺎﺑﺎ ﻳﻌﺎﺭﺽ ﻭﻣﺘﺼﻴﺮ ﺍﺑﺪ
ﺍﺫﻥ ﻭﺻﻠﻴﺖ
ﺩﺯﺕ ﻋﻠﻴﻪ ﻣﺎﻣﺎ
ﻧﺰﻟﺖ
ﻭﺟﺎﻥ ﺑﺎﺑﺎ ﻛﺎﻋﺪ
ﻛﻠﻲ ﺍﻛﻌﺪﻱ ﺑﺎﺑﺎ
ﻛﻌﺪﺕ ﻛﻠﻲ ﺍﺳﻤﻌﻴﻨﻲ ﺯﻳﻦ
ﺍﻧﺖ ﻣﻮ ﺯﻏﻴﺮﻩ ﻭﻧﻌﻠﻤﺞ
ﺍﻧﺖ ﺍﻡ ﻭﻻﺯﻡ ﺗﻌﺮﻓﻴﻦ ﻣﺼﻠﺤﺘﺞ ﻭﻣﺼﻠﺤﺔ ﺍﺑﻨﺞ
ﺍﻧﻲ ﻣﺎﺍﺭﻳﺪ ﺍﺧﻮﻓﺞ ﺑﺲ ﺍﺭﻳﺪ ﺍﺣﺬﺭﺝ
ﺑﺎﺑﺎ ﺭﺍﺡ ﻳﺘﻌﺒﺞ ﺣﻴﺪﺭ
ﺑﺎﺑﺎ ﺍﻧﻲ ﻣﻮﺍﻓﻘﻪ ﻭﺍﺗﺤﻤﻞ ﻛﻠﺸﻲ
ﻣﺘﺎﻛﺪﻩ ﻣﺮﺍﺡ ﺗﺘﻨﺪﻣﻴﻦ
ﺍﺑﺪ ﻭﺍﻟﻠﻪ ﻭﻟﻮ ﺷﻴﺼﻴﺮ ﻣﺮﺍﺡ ﺍﺗﻨﺪﻡ ﺍﺑﺪ
ﻫﺎﻱ ﻫﻲ ﺑﻨﻴﺘﻲ ﺭﻭﺣﻲ ﺍﺭﺟﻌﻲ ﻟﺮﺟﻠﺞ ﻭﺍﺳﻜﺘﻲ
ﺑﺲ ﻻﺯﻡ ﻳﺠﻮﻥ ﺍﻫﻠﻪ ﻉ ﺣﺴﺐ ﺍﻻﺻﻮﻝ ﻭﻳﻄﻠﺒﻮﻧﺞ ﻣﻨﻪ
ﻣﻴﺼﻴﺮ ﻫﻴﺞ ﻛﺒﻞ ﻳﺎﺧﺬﺝ
ﻣﺎﺍﺟﺬﺏ ﻋﻠﻴﻜﻢ ﺣﻴﻞ ﺧﺎﻳﻔﻪ
ﻭﺧﻮﻓﻲ ﻣﻴﻘﻞ ﻣﺜﻞ ﺍﻭﻝ ﻣﺮﻩ ﻣﻦ ﺗﺰﻭﺟﻨﻪ
ﻟﻠﺼﺒﺢ ﺧﺎﺑﺮﻧﻲ ﻛﻠﻲ ﺍﻣﺮﻟﺞ ﺏ 9
ﻛﺘﻠﻪ ﻳﻜﻮﻝ ﺑﺎﺑﺎ ﺧﻞ ﻳﺠﻮﻥ ﻋﻤﻮ ﻭﺧﺎﻟﻪ ﻭﻳﺤﺠﻮﻥ
ﻛﺎﻝ ﻟﻌﺪ ﺍﻟﻌﺼﺮ ﺍﺩﺯﻫﻢ ﻭﺑﺎﺟﺮ ﻧﻌﻘﺪ
ﺍﻭﻙ
ﻟﻠﻌﺼﺮ ﺍﺟﻮﻱ ﻭﺣﺠﻮﺍ ﻭﻱ ﺑﺎﺑﺎ
بيج قصص عراقيه حقيقيه من واقعنا.روعه الطائي
ﺑﺎﺑﺎ ﺧﺒﺮ ﻋﻤﺎﻣﻲ ﻣﺤﺪ ﺍﻋﺘﺮﺽ ﺑﺲ ﻋﻠﻲ
ﻭﺍﻛﻴﺪ ﺭﺍﻳﻪ ﻣﻴﻬﻤﻨﻲ
ﺛﺎﻧﻲ ﻳﻮﻡ ﺧﺎﺑﺮﻧﻲ ﻛﻠﻲ ﺟﻬﺰﻱ ﻧﻔﺴﺞ ﺏ 9
ﺣﻀﺮﺕ ﺍﻟﺒﻮﺷﻴﻪ
ﻫﻤﺰﻳﻦ ﻣﺎﻣﺎ ﻧﺎﻳﻤﻪ ﻻﻥ ﺍﻛﻴﺪ ﻣﺮﺍﺡ ﺗﻘﺒﻞ
ﺻﺪﻙ ﺏ 9 ﺿﺒﻂ ﺍﺟﻪ ﻭﺭﺣﻨﻪ ﻟﻠﻤﺤﻜﻪ
ﻋﻘﺪﻧﻪ ﻫﺎﻟﻤﺮﻩ ﺧﻠﻪ ﺣﺎﺿﺮ ﻭﻏﺎﻳﺐ 5 ﻣﻼﻳﻴﻦ
ﻋﺎﺩﻱ ﻣﻬﻤﻨﻲ ﺍﺑﺪ
ﻻﻥ ﺍﺧﺮ ﻫﻤﻲ ﺍﻟﻔﻠﻮﺱ
ﺍﺑﺪ ﻣﺎﺣﺠﻴﻨﻪ ﻭﻻ ﺣﺮﻑ
ﻟﻠﻌﺼﺮ ﻛﺎﻝ ﺍﺟﻴﺐ ﺍﻟﺴﻴﺪ ﻫﻨﺎ
ﻓﻌﻼ ﺍﺟﻮﻱ ﺧﺎﻟﻪ ﻭﻋﻤﻮ ﻭﺍﻣﻴﺮ
ﻋﻘﺪﻧﻪ ﻭﻛﻤﻠﻨﻪ
ﻛﻠﻲ ﻳﻠﻪ ﺟﻬﺰﻱ ﻧﻔﺴﺞ ﺍﻧﺖ ﻭﺍﻟﺠﻬﺎﻝ
ﺟﻬﺰﺕ ﻧﻔﺴﻲ
ﻭﺩﻋﺖ ﺍﻫﻠﻲ
ﺍﻧﻄﻴﺖ ﺍﻟﺴﻮﻳﺞ ﻟﺒﺎﺑﺎ
ﻛﺎﻝ ﺑﻨﺘﻲ ﻫﺎﻱ ﺍﻟﺴﻴﺎﺭﻩ ﺗﺒﻘﻪ ﺍﻟﺞ ﻣﻬﻤﺎ ﻳﻜﻮﻥ
ﺑﻮﺳﺘﻬﻢ ﻭﻃﻠﻌﺖ
ﻭﻣﻦ ﻃﻠﻌﺖ ﻟﺒﺴﺖ ﺍﻟﺒﻮﺷﻴﻪ
ﻭﺭﺣﺖ ﻭﻳﺎ
ﺍﺣﺲ ﻧﻔﺴﻲ ﻛﺎﻧﻮ ﺭﺍﻳﺤﻪ ﻟﺤﺒﻞ ﺍﻟﻤﺸﻨﻘﻪ ﺑﻴﺪﻱ
ﻭﺻﻠﺖ ﻭﺣﺴﻴﺖ ﺑﻨﻔﺴﻲ ﻏﺮﻳﺒﻪ
ﻛﺎﻧﻮ ﺍﻭﻝ ﻣﺮﻩ ﺍﺩﺧﻞ ﻟﻠﺒﻴﺖ
ﻭﺟﻨﺖ ﺣﻴﻞ ﺧﺎﻳﻔﻪ ﻣﺎﺍﻋﺮﻑ ﺷﺮﺍﺡ ﻳﻨﺘﻈﺮﻧﻲ
ﻛﺎﻟﺖ ﺧﺎﻟﻪ ﺍﺻﻌﺪﻱ ﻓﻮﻙ ﺭﺗﺒﻲ ﻣﻼﺑﺴﻜﻢ
ﺩﺧﻠﺖ ﻟﻠﻐﺮﻓﻪ ﻭﺟﺎﻥ ﺍﻧﺼﺪﻡ ﻭﺍﻓﺘﺢ ﺣﻠﻜﻲ 😵😵😵
🌹 ﺗﻮﻗﻌﺎﺗﻜﻢ ﺣﺒﺎﻳﺒﻲ ﺍﺷﺎﻓﺖ ﺑﺎﻟﻐﺮﻓﻪ ﻭﺍﻧﺼﺪﻣﺖ ﺯﻳﻨﺐ ؟؟؟؟؟؟؟ 🌹
ﺣﻴﺪﺭ : ﺍﺣﺴﺐ ﻟﺤﻀﻪ ﻟﺤﻀﻪ ﺷﻮﻛﺖ ﻳﺨﻠﺺ ﺍﻻﺳﺒﻮﻉ
ﺣﺘﻰ ﺍﺭﺟﻌﻬﻢ ﻻﻥ ﺣﻴﻞ ﻣﺸﺘﺎﻕ ﺍﻟﻬﻢ
ﺑﻌﺪ ﻳﻮﻡ ﻭﻳﺨﻠﺺ ﺍﻻﺳﺒﻮﻉ
ﻣﻮﻋﺪ ﺍﻟﺪﻛﺘﻮﺭ ﻻﺯﻡ ﺍﺧﺬﻩ ﻟﻠﺪﻛﺘﻮﺭ
ﺭﺣﺖ ﺣﺠﺰﺕ ﻭﺍﺗﺼﻠﺖ ﺑﺎﺑﻮ ﺯﻳﻨﺐ ﻭﺧﺒﺮﺗﻪ
ﺟﺎﺑﻪ ﺍﻟﻴﻪ ﺣﺒﻴﺒﻲ ﺟﻨﺖ ﺣﻴﻞ ﻣﺸﺘﺎﻗﻠﻪ
ﺑﺲ ﺍﺷﻮ ﻫﺬﺍ ﻛﻠﺐ ﺍﻟﺪﻧﻴﻪ ﺑﺎﻟﺒﺠﻲ ﻣﻦ ﺷﺎﻓﻨﻲ
ﻣﻴﻄﻴﻘﻨﻲ ﺍﺑﺪ
ﻣﺎﺍﻋﺮﻑ ﺷﻤﺴﻮﻳﺘﻠﻪ
بيج قصص عراقيه حقيقيه من واقعنا.روعه الطائي
ﻣﺎﺍﺩﺭﻱ ﻳﺨﺎﻑ ﻣﻨﻲ ﺍﺧﺬﻩ ﻋﻦ ﺍﻣﻪ
ﻛﺎﻡ ﺑﺲ ﻳﺒﺠﻲ
ﺍﺗﺨﺒﻞ ﺣﺎﻭﻟﺖ ﺍﺳﻜﺘﻪ ﻣﺎﻛﻮ
ﺍﺧﺮ ﺷﻲ ﻃﻠﺒﺖ ﻣﻦ ﻋﻤﻲ ﺗﺮﻭﺡ ﺯﻳﻨﺐ ﻭﻳﺎﻳﻪ ﻟﻠﺪﻛﺘﻮﺭ
ﺑﻘﻴﺖ ﺑﺮﻩ ﻣﻨﺘﻈﺮﻫﺎ
ﺍﺟﺘﻲ ﻭﺭﺍﺩﺕ ﺗﺼﻌﺪ ﻭﺭﻩ ﻭﻣﻘﺒﻠﺖ
ﺭﺣﻨﻪ ﻭﺭﺟﻌﻨﻪ ﻣﺴﻤﻌﺖ ﺻﻮﺗﻬﺎ ﺍﺑﺪ
ﺍﺗﻌﻤﺪﺕ ﺑﺎﻟﺮﻭﺣﻪ ﺍﺧﻠﻲ ﺍﻏﻨﻴﺔ ﻧﻮﺭ ﺍﻟﺰﻳﻦ ﻋﻠﻴﻪ
ﺑﺲ ﻫﻲ ﺍﺣﺴﻬﺎ ﺻﻨﻢ ﻭﻛﺎﻋﺪﻩ
ﻭﺻﻴﺖ ﻉ ﺣﻠﻴﺐ ﻻﻥ ﻛﺎﻝ ﺯﻳﻦ ﺍﻟﻪ
ﺛﺎﻧﻲ ﻳﻮﻡ ﻗﺮﺭﺕ ﺍﺟﻴﺒﻬﻢ ﻳﻤﻲ
ﺍﺗﻤﻨﻰ ﺍﻏﻤﺾ ﻋﻴﻦ ﻭﺍﻓﺘﺢ ﻋﻴﻦ ﺍﻟﻜﻴﻬﻢ ﻳﻤﻲ
ﻧﻤﺖ ﻣﻦ ﻭﻛﺖ ﻭﻛﻌﺪﺕ ﻣﻦ ﻭﻛﺖ ﻧﺸﻴﻂ
ﺳﺒﺤﺖ ﻭﺑﺪﻟﺖ ﻭﺭﺩﺕ ﺍﺗﺮﻳﻚ
ﺟﺎﻥ ﺗﺠﻴﻨﻲ ﺭﺳﺎﺋﻞ ﻣﻦ ﺯﻳﻨﺐ
ﺍﻟﺼﺮﺍﺣﻪ ﻣﺤﺒﻴﺖ ﺍﺟﺎﻭﺑﻬﺎ
ﺑﻌﺪﻳﻦ ﻃﻠﺒﺖ ﻣﻨﻲ ﺗﺮﺟﻊ
ﺍﻟﺼﺮﺍﺣﻪ ﺣﻴﻞ ﺍﻧﺼﺪﻣﺖ
ﺷﻌﻮﺭﻱ ﻣﺎﺍﻛﺪﺭ ﺍﻭﺻﻔﻪ
ﺑﻴﻦ ﺍﻟﻔﺮﺣﺎﻥ ﻭﺑﻴﻦ ﺍﻟﻀﺎﻳﺞ
ﻓﺮﺣﺎﻥ ﻻﻥ ﺭﺍﺡ ﺗﺮﺟﻊ ﻟﻠﺒﻴﺖ ﻭﺭﺍﺡ ﻧﺮﺟﻊ ﻣﺜﻞ ﻗﺒﻞ
ﺟﻬﺎﻟﻲ ﻣﺎﻣﻦ ﻋﻠﻴﻬﻢ ﻳﻤﻬﺎ
ﻭﻣﻦ ﺟﻬﺎ ﺿﺎﻳﺞ ﻻﻥ ﺍﺩﺭﻱ ﺑﻴﻬﺎ ﻣﺠﺒﻮﺭﻩ ﺭﺍﺡ ﺗﺮﺟﻌﻠﻲ
ﻻﻥ ﺗﺮﻳﺪ ﺍﺑﻦ ﻋﻤﻬﺎ
ﻣﺎﺍﺛﻖ ﺑﻴﻬﺎ ﺍﺑﺪ
ﺷﺮﻃﺖ ﻋﻠﻴﻬﺎ ﺷﺮﻭﻁ ﻭﻭﺍﻓﻘﺖ ﺑﺪﻭﻥ ﺗﺮﺩﺩ
ﺍﺩﺭﻱ ﺑﻴﻬﺎ ﻋﺎﻃﻔﺔ ﺍﻻﻡ ﻏﺎﻟﺒﻪ ﻋﻠﻴﻬﺎ
ﻭﻭﺍﻓﻘﺖ ﺑﺲ ﻟﺨﺎﻃﺮ ﺍﺑﻨﻬﺎ
ﺍﻧﻲ ﺭﺍﺡ ﺍﺗﻌﺎﻣﻞ ﻭﻳﺎﻫﺎ ﻣﺜﻞ ﺍﻻﻭﻝ
ﺭﺍﺡ ﺍﺭﺟﻌﻬﺎ ﻟﻨﻘﻄﺔ ﺍﻟﺼﻔﺮ
ﻛﺘﻠﻬﺎ ﺍﻧﻄﻴﻨﻲ ﻣﻬﻠﻪ ﺧﻞ ﺍﻓﻜﺮ
ﺑﺲ ﺍﻟﺼﺮﺍﺣﻪ ﻻ ﺍﻧﻲ ﻣﻮﺍﻓﻖ
ﻟﻮ ﻳﻄﻴﺢ ﺑﻴﺪﻱ ﻫﺴﻪ ﺍﺭﻭﺡ ﺍﻋﻘﺪ ﻋﻠﻴﻬﺎ
ﺭﺟﻌﺖ ﻟﻠﺒﻴﺖ ﻭﺣﺠﻴﺖ ﻭﻱ ﺍﻫﻠﻲ
ﻛﺘﻠﻬﻢ ﻟﻮ ﻣﺎﺗﺘﻮﺳﻞ ﺑﻴﻪ ﻣﺠﺎﻥ ﻗﺒﻠﺖ
ﺑﺲ ﻗﺒﻠﺖ ﻟﺨﺎﻃﺮ ﺍﻟﺠﻬﺎﻝ
بيج قصص عراقيه حقيقيه من واقعنا.روعه الطائي
ﻳﻮﻡ ﺯﻳﻦ ﺗﺴﻮﻱ
ﻭﺍﻟﻠﻪ ﺍﻧﺸﻠﻊ ﻛﻠﺒﻬﻢ ﻫﺬﻭﻟﻪ ﺍﻻﻃﻔﺎﻝ
ﺻﻌﺪﺕ ﻟﻐﺮﻓﺘﻬﻢ
ﻏﺮﻓﺔ ﺍﻻﻃﻔﺎﻝ ﻋﻔﺘﻬﺎ ﻉ ﺣﺎﻟﻬﺎ ﻣﻠﻤﺴﺘﻬﺎ
ﺑﺲ ﻏﺮﻓﺘﻬﺎ ﺑﻠﺸﺖ ﺍﻭﻝ ﺷﻲ ﻛﺴﺮﺕ ﺍﻟﻤﺮﻱ ﻛﻠﻬﻦ
ﺷﻮﻫﺘﻬﺎ
ﻭﺭﺟﻌﺖ ﻃﻠﻌﺖ ﺍﻟﻤﻼﺑﺲ ﻛﻠﻬﻦ
ﺷﻜﻜﺘﻬﻦ ﺑﺎﻟﻤﻜﺺ ﻛﻠﻬﻦ
ﺧﻠﻴﺖ ﺑﺲ ﺍﻟﻘﺪﻳﻤﺎﺕ 3 ﻭﺑﺲ
ﺍﻟﻲ ﺗﻄﻠﻊ ﺑﻴﻬﻦ ﺟﻨﻬﺎ ﺑﻴﺒﻲ
ﺷﻤﺮﺗﻬﻦ ﺑﺎﻟﻐﺮﻓﻪ ﻛﻠﻬﻦ
ﺭﺟﻌﺖ ﻉ ﺍﻟﻤﻜﻴﺎﺝ ﻟﻌﺒﺖ ﺑﻲ ﺟﻮﻟﻪ ﻉ ﺍﻟﺠﺮﺑﺎﻳﻪ
ﺍﻟﻌﻄﻮﺭ ﻫﻤﻴﻦ ﺍﻟﻲ ﻛﺴﺮﺗﻪ ﻭﺍﻟﻲ ﺧﻠﺼﺘﻪ
ﺭﺟﻌﺖ ﻉ ﺍﻟﻔﺮﺷﺎﺕ ﺍﻟﻲ ﺟﺒﺘﻬﻦ ﺍﻧﻲ ﻭﻳﺎﻫﺎ
ﻫﻢ ﻛﺼﻜﺼﺘﻬﻦ ﺑﺎﻟﻤﻜﺺ
ﻣﺨﻠﻴﺖ ﺷﻲ ﺻﺎﺣﻲ ﺑﺎﻟﻐﺮﻓﻪ
ﺭﺟﻌﺖ ﺩﺧﻠﺖ ﻟﻠﺤﻤﺎﻡ
ﺫﺑﻴﺖ ﺍﻟﺸﺎﻣﺒﻮ ﻭﺍﻟﻐﺴﻮﻝ
ﺣﺒﻴﺖ ﺍﺧﺒﺚ ﻭﻳﺎﻫﺎ
ﺭﺩﺕ ﺍﺣﺮﻙ ﻛﻠﺒﻬﺎ ﻣﺜﻞ ﻣﺤﺮﻛﺖ ﻛﻠﺒﻲ
ﺟﺎﻧﺖ ﺍﻣﻨﻴﺘﻲ ﺍﺷﻮﻑ ﺷﻜﻠﻬﺎ ﻣﻦ ﺗﺪﺧﻞ ﻟﻠﻐﺮﻓﻪ
ﺍﻫﻠﻲ ﺟﺎﻧﻮ ﻃﺎﻟﻌﻴﻦ ﻭﺍﺳﺘﻐﻠﻴﺖ ﺍﻟﻔﺮﺻﻪ
ﺑﻌﺪﻫﺎ ﺍﻧﻄﻴﺘﻬﺎ ﻋﻠﻢ ﺍﺟﻴﻬﺎ ﺣﺘﻰ ﻧﻌﻘﺪ
ﻃﻠﺒﺖ ﻣﻨﻲ ﺍﺟﻲ ﻻﺑﻮﻫﺎ ﻗﺒﻞ ﻟﻨﻌﻘﺪ
ﺩﺯﻳﺖ ﺍﻫﻠﻲ ﺑﻌﺪﻫﺎ ﻋﻘﺪﻧﻪ
ﺭﺟﻌﻨﻪ ﻟﻠﺒﻴﺖ ﻭﺟﻨﺖ ﺣﻴﻞ ﻓﺮﺣﺎﻥ
ﻣﻮ ﺑﻴﻬﺎ ﺑﺎﻟﺬﺍﺕ
ﻻ ﺭﺍﺡ ﺍﻧﺎﻡ ﻭﺍﻧﻲ ﻣﻄﻤﺄﻥ ﻉ ﺍﻻﻃﻔﺎﻝ
ﺻﻌﺪﺕ ﻟﻠﻐﺮﻓﻪ ﻭﺟﺎﻧﺖ ﺍﻟﻤﻔﺎﺟﺌﻪ ﺑﺎﻧﺘﻈﺎﺭﻫﺎ
ﺑﻠﻜﻲ ﺗﻌﺼﺐ ﻟﻮ ﺗﺤﺠﻲ ﻭﻟﻮ ﺣﺠﺎﻳﻪ ﻭﺣﺪﻩ
ﺣﺘﻰ ﺍﻋﺮﻑ ﺷﺎﺗﺼﺮﻑ ﻭﻳﺎﻫﺎ
ﺑﻘﻴﺖ ﻣﻨﺘﻈﺮﻫﺎ ﺑﺲ ﻣﺎﻛﻮ ﺻﻮﺕ
ﻗﺒﻞ ﻻﻳﺎﺫﻥ ﻧﺰﻟﺖ ﺣﺠﺖ ﻭﻱ ﺍﻣﻲ
ﺧﺎﻟﻪ ﻋﻨﺪﺝ ﺟﻴﺲ ﺟﺒﻴﺮ ﻟﻮ ﻋﻼﻟﻴﻚ ﻛﺒﺎﺭ
ﺍﻱ ﺧﺎﻟﻪ ﻫﺴﻪ ﺍﻧﻄﻴﺞ
ﺻﻌﺪﺕ
ﺍﺫﻥ ﺻﻠﻴﻨﻪ ﻭﺧﻠﺼﻨﻪ
بيج قصص عراقيه حقيقيه من واقعنا.روعه الطائي
ﺭﺣﺖ ﻟﻤﺤﻞ ﻣﻮﺑﺎﻳﻼﺕ
ﺍﺷﺘﺮﻳﺖ ﺟﻬﺎﺯ ﻋﺎﺩﻱ ﺍﺑﻮ 15 ﻭﺍﺷﺘﺮﻳﺖ ﺧﻂ ﺟﺪﻳﺪ ﻭﺭﺟﻌﺖ
ﻟﻜﻴﺘﻬﺎ ﺗﺴﻮﻱ ﻋﺸﻪ
ﻫﻲ ﻭﺯﻫﺮﺍﺀ
ﺍﺑﺎﻭﻉ ﻣﻦ ﺟﻬﺎ ﻟﻨﻈﻮﺭﻱ ﻭﻧﻮﺭ ﻓﺮﺣﺎﻧﻴﻦ ﺣﻴﻞ
ﻭﻣﻦ ﺟﻬﺎ ﺛﺎﻧﻴﻪ ﺍﻣﻲ ﻭﺍﺑﻮﻱ ﻫﻢ ﺍﻟﻔﺮﺣﻪ ﻭﺍﺿﺤﻪ ﺑﻌﻴﻮﻧﻬﻢ
ﺍﺗﻌﺸﻴﻨﻪ ﻭﻫﻲ ﻣﻜﻌﺪﺕ ﻭﻳﺎﻧﻪ
ﻣﻮ ﻣﻬﻢ ﻋﻨﺪﻱ
ﻛﻤﻠﻨﻪ ﻭﻏﺴﻠﺖ ﻣﻮﺍﻋﻴﻦ ﺑﻘﻴﻨﻪ ﺷﻮﻳﻪ
ﻭﺍﺗﻔﺮﻗﻮﺍ ﻛﻠﻤﻦ ﺑﻐﺮﻓﺘﻪ
ﺑﻘﻴﺖ ﺍﻧﻲ ﻭﻱ ﺍﻟﺠﻬﺎﻝ
ﺩﺯﻳﺖ ﻧﻮﺭ ﻛﺘﻠﻬﺎ ﺭﻭﺣﻲ ﺻﻴﺤﻲ ﻣﺎﻣﺎ ﻭﺧﻞ ﺗﺠﻴﺐ ﺍﻟﺠﻬﺎﺯ
ﻟﺤﻀﺎﺕ ﻭﻧﺰﻟﺖ
ﻭﻳﻨﻪ ﺟﻬﺎﺯﺝ
ﻫﺬﺍ
ﺍﺧﺬﺗﻪ ﻣﻨﻬﺎ
ﻧﻘﻠﺖ ﺍﻻﺭﻗﺎﻡ ﺍﻟﻬﺎ ﻭﺍﻧﻄﻴﺘﻬﺎ ﺍﻟﺠﻬﺎﺯ ﺍﻟﺠﺪﻳﺪ
ﻭﻫﺬﺍ ﺍﻟﻘﺪﻳﻢ ﺍﺧﺬﺗﻪ ﻣﻨﻬﺎ
ﻣﻤﻨﻮﻉ ﺍﻟﻜﻲ ﺟﻬﺎﺯ ﻏﻴﺮ ﻫﺬﺍ ﻋﻨﺪﺝ
ﻻﻥ ﻣﺮﺍﺡ ﺗﺘﺼﻮﺭﻳﻦ ﺷﺎﺳﻮﻱ ﺑﻴﺞ
ﻫﺰﺕ ﺭﺍﺳﻬﺎ ﺑﺪﻭﻥ ﺻﻮﺕ
ﺗﺮﻣﻴﺸﻪ ﻣﻨﻲ ﺍﻟﻜﻴﺞ ﻛﺒﺎﻟﻲ
ﻭﺗﺮﺟﻌﻴﻦ ﻣﺜﻞ ﻗﺒﻞ ﺑﻴﺘﻲ ﺗﻨﻈﻔﻲ ﻭﺗﻐﺴﻠﻴﻦ ﻣﻼﺑﺲ
ﻭﺍﻻﻛﻞ ﺗﺠﻬﺰﻳﻨﻪ ﻭﺍﻱ ﺷﻲ ﻳﺨﺼﻨﻲ ﺗﺴﻮﻳﻨﻪ ﺑﺪﻭﻥ ﺻﻮﺕ
ﻫﺰﺕ ﺭﺍﺳﻬﺎ
ﻳﻠﻪ ﺍﺧﺘﻔﻲ ﻣﻦ ﻭﺟﻬﻲ
ﺭﺣﺖ ﻟﻐﺮﻓﺘﻲ ﺍﺣﺲ ﺑﺮﺍﺣﻪ ﻧﻔﺴﻴﻪ
ﺑﻘﻴﺖ ﺍﻛﻠﺐ ﺑﺎﻟﻤﻮﺑﺎﻳﻞ
ﻭﺭﻩ ﻓﺘﺮﻩ ﺍﺟﺘﻲ ﻧﻮﺭ
ﺑﺎﺑﺎ ﺗﻜﺪﺭ ﺗﺎﺧﺬ ﺫﻧﻲ ﺍﻻﻛﻴﺎﺱ ﺗﺬﺑﻬﻦ ﺑﺎﻟﺰﺑﻞ
ﻳﺎﺍﻛﻴﺎﺱ ﺣﺒﻴﺒﺘﻲ
ﺫﻧﻲ ﻣﺎﻣﺎ ﻧﺰﻟﺘﻬﻦ ﻣﻦ ﻓﻮﻙ ﻟﻜﻴﻨﻪ ﺍﻟﻐﺮﻓﻪ ﻣﻬﻮﺳﻪ
ﻭﻣﺎﻣﺎ ﻧﻈﻔﺘﻬﺎ ﻛﻠﻬﻦ
ﺑﺲ ﺑﻘﻦ ﺑﺲ ﺫﻧﻲ
ﻭﻳﻨﻬﻦ
ﺫﻧﻴﺞ ﺧﻠﺘﻬﻦ ﺑﺎﻟﺒﺎﺏ
ﺭﻭﺣﻲ ﻛﻠﻴﻠﻬﺎ ﻳﻜﻮﻝ ﺑﺎﺑﺎ
ﺍﻧﻲ ﻣﻮ ﺧﺪﺍﻡ ﻋﻨﺪﺝ ﻭﺍﺫﺏ ﺍﻟﺰﺑﻞ
بيج قصص عراقيه حقيقيه من واقعنا.روعه الطائي
ﻟﺤﻀﺎﺕ ﻭﺍﺟﺖ
ﺗﻜﻮﻝ ﻣﺎﻣﺎ ﻛﻮﻡ ﺍﻭﻛﻒ ﺍﻟﻨﻪ ﺑﺎﻟﺒﺎﺏ ﻭﺍﻧﻲ ﻭﻳﺎﻫﺎ ﻧﺬﺑﻬﻦ
ﺭﻭﺣﻲ ﻛﻠﻴﻠﻬﺎ ﻟﺘﻨﺴﻴﻦ ﺍﻟﺸﺮﻭﻁ ﻣﻦ ﺍﻟﺒﺎﺏ ﻣﻄﻠﻌﻴﻦ
ﻋﻮﻓﻴﻬﻦ ﺑﺮﻩ ﻭﺍﺩﺧﻠﻲ ﻻ ﺍﻛﻮﻡ ﺍﻛﺴﺮ ﺭﺟﻠﻴﺞ
ﺭﺍﺣﺖ ﺑﻌﺪ ﻣﺎﺍﺟﺖ ﻧﻮﺭ
ﻛﻤﺖ ﻃﻠﻌﺖ
ﻟﻜﻴﺖ ﻻﻣﻪ ﻛﻞ ﺍﻟﻐﺮﺍﺽ ﺑﺠﻴﺎﺳﻪ ﻭﻣﺨﻠﻴﺘﻬﻦ ﺑﺎﻟﺒﺎﺏ
ﻃﻠﻌﺖ ﺷﻤﺮﺗﻬﻦ ﻭﺍﺟﻴﺖ
ﻧﻤﺖ ﻭﻛﻌﺪﺕ ﺳﺒﺤﺖ ﻭﺑﺪﻟﺖ
ﺭﺣﺖ ﻟﻠﻤﻄﺒﺦ ﺣﺘﻰ ﺍﺗﺮﻳﻚ
ﻟﻜﻴﺘﻬﺎ ﻛﺎﻋﺪﻩ ﻭﻣﺠﻬﺰﻩ ﺍﻟﺮﻳﻮﻙ
ﺍﺗﺮﻳﻜﺖ ﻭﻃﻠﻌﺖ
ﻟﻠﻈﻬﺮ ﺭﺟﻌﺖ ﻫﻢ ﻟﻜﻴﺘﻬﺎ ﺑﺎﻟﻤﻄﺒﺦ
ﺟﻬﺰﺕ ﺍﻟﻐﺪﻩ ﻭﺧﻠﺘﻬﺎ ﻛﺒﺎﻟﻲ
ﻭﻛﺎﻋﺪ ﺍﺗﺮﺗﺐ ﺑﺎﻟﻜﺎﻭﻧﺘﺮ
ﻛﺎﻟﺒﺘﻪ ﻛﻼﺏ
ﻛﻤﻠﺖ ﻭﺻﺒﺘﻠﻲ ﺍﻟﺠﺎﻱ
ﻛﻤﻠﺖ ﻭﺭﺣﺖ ﻟﻐﺮﻓﺘﻲ
ﺑﻘﻴﺖ ﻉ ﻫﺬﺍ ﺍﻟﺤﺠﻲ ﺗﻘﺮﻳﺒﺎ ﺍﺳﺒﻮﻉ
ﺑﺲ ﻫﺎﻱ ﺍﻟﻔﺘﺮﻩ ﻣﺴﻤﻌﺖ ﻭﻻ ﻧﻔﺲ ﻣﻨﻬﺎ ﺍﺑﺪ
ﺑﺲ ﺍﻟﻤﺮﻩ ﺍﻟﻲ ﻃﻠﺒﺖ ﻣﻦ ﺍﻣﻲ ﺍﻟﻌﻼﻟﻴﻚ
ﺍﻧﻲ ﻫﻢ ﻣﺎﻋﻠﻴﻪ ﺑﻴﻬﺎ
ﺟﻬﺎﺯﻩ ﺑﻴﺪﻱ ﺩﺍﺋﻤﺎ
ﺍﺗﻤﻨﻰ ﻭﻟﻮ ﻣﺮﻩ ﻭﺣﺪﻩ ﻫﺬﺍ ﺍﻟﻌﺎﺭ ﻳﺮﺍﺳﻠﻬﺎ ﻟﻮ ﻳﺨﺎﺑﺮﻫﺎ
ﺑﺲ ﺍﻛﻴﺪ ﻣﺨﺒﺮﺗﻪ ﺍﻟﺠﻬﺎﺯ ﻋﻨﺪﻱ
ﺧﺎﺑﺮﻧﻪ ﻣﺤﻤﺪ ﻛﺎﻝ ﺭﺍﺡ ﺍﺭﺟﻊ ﺍﺑﻘﻰ ﺷﻬﺮﻳﻦ
ﺣﻴﻞ ﻓﺮﺣﻨﻪ ﻻﻥ ﻣﺸﺘﺎﻗﻴﻠﻪ ﺣﻴﻞ
ﺍﺟﺘﻲ ﻓﺎﻃﻤﻪ ﻭﺑﻨﻴﻦ
ﺑﻘﻦ ﻳﻤﻨﻪ ﺧﻤﻴﺲ ﻭﺟﻤﻌﻪ ﻭﺳﺒﺖ
ﻧﻈﻮﺭﻱ ﺣﻴﻞ ﻓﺮﺣﺎﻥ ﺍﺑﻨﺖ ﻓﺎﻃﻤﻪ ﻭﺑﻨﺖ ﺍﻣﻴﺮ
ﺍﻟﻜﻞ ﻳﻜﻌﺪ ﻳﺴﻮﻟﻒ ﺍﻟﻪ ﻫﻲ
ﺍﺑﺪ ﻣﺎﺗﻜﻌﺪ ﻭﻻ ﺗﺎﻛﻞ ﻭﻳﺎﻧﻪ
ﺭﺟﻌﺖ ﻣﺜﻞ ﻗﺒﻞ
ﻗﺮﺭﺕ ﺍﺧﻠﻲ ﺍﻣﻲ ﺗﺨﻄﺒﻠﻲ
ﺑﺲ ﻫﺎﻟﻤﺮﻩ ﻣﺎﺍﺭﻳﺪ ﻏﺮﻳﺒﻪ
ﺍﺭﻳﺪﻫﺎ ﺑﻠﻜﻲ ﻣﻦ ﺍﻗﺮﺑﺎﺋﻨﻪ
بيج قصص عراقيه حقيقيه من واقعنا.روعه الطائي
ﻻﻥ ﻫﻢ ﺑﻌﻨﺎﺩ ﺯﻳﻨﺐ ﺣﺘﻰ ﺍﺛﺒﺖ ﺍﻟﻬﺎ ﺍﻧﻲ ﻣﻮ ﺑﺤﺎﻟﺞ ﻭﻻ ﺍﻋﺘﺮﻑ ﺑﻴﺞ
ﻭﻫﻢ ﺑﻌﻨﺎﺩ ﺍﺑﻦ ﻋﻤﻬﺎ
ﺭﺍﺡ ﺍﺛﺒﺘﻠﻬﻢ ﻣﺘﻬﻤﻨﻲ ﻣﺠﺮﺩ ﺍﺭﻳﺪﻫﺎ ﻣﺮﺑﻴﻪ ﻭﺧﺪﺍﻣﻪ ﺑﺲ
ﺣﺠﻴﺖ ﻭﻱ ﺍﻣﻲ ﻋﺎﺭﺿﺘﻨﻲ
ﻟﻌﺒﻮﺍ ﺑﻴﻪ ﺟﻮﻟﻪ ﻫﻲ ﻭﺍﺑﻮﻳﻪ
ﺷﻨﻮ ﻳﻮﻣﻴﻪ ﻣﺘﺰﻭﺝ ﻭﻳﻮﻣﻴﻪ ﻣﻄﻠﻚ
ﺷﻨﻮ ﻣﺸﺎﻳﻒ ﻧﺴﻮﺍﻥ
ﻳﺎﺑﻪ ﺷﺒﻴﻜﻢ ﺍﻛﻠﺘﻮﻧﻲ ﻭﺷﺮﺑﺘﻮﻧﻲ
ﺍﺷﻮ ﻛﻠﻬﻦ ﻣﺎﺑﻴﻬﻦ ﺧﻴﺮ
ﺍﺷﻮ ﺯﻭﺟﺘﻲ ﺍﻻﻭﻟﻰ ﺍﻡ ﻧﻮﺭ
ﺧﺎﻧﺘﻨﻲ ﻭﻫﻲ ﺍﺑﻴﺘﻲ
ﻭﺣﻨﺎﻥ ﻫﻤﺰﻳﻦ ﻣﺬﺑﺤﺖ ﺍﺑﻨﻲ
ﻭﺯﻳﻨﺐ ﺷﻨﻮ ﺣﺠﺘﻚ
ﺍﺷﻮ ﺍﺩﺏ ﻭﺍﺧﻼﻕ ﻭﺟﻤﺎﻝ
ﻫﺎﻱ ﺯﺑﺎﻟﻪ ﻭﻣﺘﻌﺠﺒﻨﻲ ﺍﺑﺪ
ﺍﻧﻲ ﻣﺨﻠﻴﻬﺎ ﺑﺲ ﺧﺪﺍﻣﻪ ﺍﻟﻲ ﻭﻟﺠﻬﺎﻟﻲ
ﻫﺎﻱ ﺷﺒﻴﻚ ﻳﻮﻡ ﻭﺍﻟﻘﺮﺍﻥ ﺗﺘﻨﺪﻡ
ﻣﺮﺗﻚ ﻣﺜﻞ ﺍﻟﻮﺭﺩﻩ ﻭﺑﻌﺪﻫﻲ ﻃﻔﻠﻪ
ﻳﻮﻡ ﻭﺍﻟﻠﻪ ﻣﺎﺍﻃﻴﻘﻬﺎ ﺍﺑﺪ
ﻭﻣﺘﺮﻫﻢ ﺍﺑﻘﻰ ﻫﻴﺞ ﺑﺪﻭﻥ ﺯﻭﺍﺝ
ﻟﻮ ﺗﺨﻄﺒﻴﻠﻲ ﻉ ﺫﻭﻗﺞ
ﻟﻮ ﺍﺭﻭﺡ ﻭﺣﺪﻱ ﺍﺷﻮﻓﻠﻲ ﻭﺣﺪﻩ ﺣﻲ ﺍﻟﻠﻪ
ﻭﻣﻨﻴﻦ ﺍﺷﻮﻓﻠﻚ
ﻳﺎﻣﺨﺒﻠﻪ ﺗﻘﺒﻞ ﺑﻴﻚ ﻭﺍﻧﺖ ﻣﺘﺰﻭﺝ 3 ﻣﺮﺍﺕ
ﻭﺍﺫﺍ ﺍﺷﻮ ﺍﻟﺸﺮﻉ ﺣﻠﻞ ﺍﺭﺑﻌﻪ
ﻭﺍﻟﻠﻪ ﻳﻮﻡ ﺍﻧﺖ ﻣﺨﺒﻞ ﻭﺭﺍﺡ ﺗﺨﺒﻠﻨﻪ ﻭﻳﺎﻙ
ﺭﺣﻢ ﺍﻟﻠﻪ ﻭﺍﻟﺪﻳﺞ ﻳﻮﻡ
ﻫﺎﻱ ﺑﻤﻜﺎﻥ ﻣﺎﺗﺴﻌﻴﻦ ﻟﺴﻌﺎﺩﺗﻲ
ﺍﻟﻤﻔﺮﻭﺽ ﺗﺸﺠﻌﻴﻨﻲ ﻻﻥ ﺍﺭﻳﺪ ﺍﺳﺘﻘﺮ
ﻟﻌﺒﺖ ﻧﻔﺴﻲ ﻣﻦ ﺣﻴﺎﺗﻲ ﻭﻣﻦ ﺭﻭﺗﻴﻨﻲ
ﻭﻣﻨﻴﻦ ﺍﺟﻴﺒﻠﻚ ﺍﻟﻤﺨﺒﻠﻪ ﺍﻟﻲ ﺗﻘﺒﻞ ﺑﻴﻚ
ﻳﻮﻡ ﺍﺷﻮ ﻃﻠﻌﺘﻴﻨﻲ ﻛﻠﺶ
ﺍﺷﺎﺭﻩ ﻣﻨﻲ ﻭﺍﻟﻠﻪ ﻭﺭﺍﺳﺞ ﻳﺎﻳﻮﻡ 100 ﻭﺣﺪﻩ ﺗﺬﺏ ﻧﻔﺴﻬﺎ ﻋﻠﻴﻪ
ﺍﻱ ﺍﺩﺭﻱ 100 ﻭﺣﺪﻩ ﺑﺲ ﻣﻦ ﺫﻧﻲ ﺍﻟﺴﺎﻗﻄﺎﺕ
ﻣﺴﺘﺤﻴﻞ ﻭﺣﺪﻩ ﺗﻘﺒﻞ ﺑﻴﻚ ﺍﻟﻪ ﻳﺠﻮﺯ ﻣﻄﻠﻜﻪ ﺍﻭ ﺍﺭﻣﻠﻪ ﻭﻋﺪﻫﺎ ﻛﻮﻣﺔ ﺟﻬﺎﻝ
ﻳﻮﻡ ﻣﻮ ﻣﻬﻢ ﺍﺫﺍ ﺍﺭﻣﻠﻪ ﻋﺎﺩﻱ
بيج قصص عراقيه حقيقيه من واقعنا.روعه الطائي
ﺑﺲ ﻣﻄﻠﻜﻪ ﻻ ﻣﺎﺍﺭﻳﺪﻫﺎ
ﻭﻻﺯﻡ ﻣﻨﺎ ﻻﺳﺒﻮﻉ ﺗﺮﻭﺣﻴﻦ ﺗﺨﻄﺒﻴﻠﻲ
ﻟﻚ ﻳﻮﻡ ﻣﻨﻴﻦ ﺍﺣﻴﺒﻠﻚ ﻣﻨﺎ ﻻﺳﺒﻮﻉ
ﺷﻮﻓﻲ ﺧﺎﻻﺗﻲ ﻟﻮ ﻋﻤﺎﺗﻲ
ﺍﺭﻳﺪﻫﺎ ﺍﻫﻢ ﺷﻲ ﺍﻗﺮﺑﺎﺋﻨﻪ
ﻉ ﻣﻮﺩ ﻧﻌﺮﻑ ﺍﺧﻼﻗﻬﺎ
ﺍﻟﻠﻪ ﻛﺮﻳﻢ
ﻳﻮﻡ ﺑﺮﻭﺡ ﻣﺮﻭﺍﻥ ﺍﺳﻌﻴﻠﻲ ﺑﻴﻬﺎ ﻭﺍﺳﺘﻌﺠﻠﻲ
ﺍﻟﻠﻪ ﻛﺮﻳﻢ
ﺍﻟﻪ ﺍﻛﺴﺮ ﺧﺸﻤﺞ ﺍﻟﻴﺎﺑﺲ ﻳﺎﺯﻳﻨﺐ
ﻭﺍﻋﻠﻤﺞ ﺷﻠﻮﻥ ﻣﺘﺠﺎﻫﻠﺘﻨﻲ ﻭﺗﺸﺮﻃﻴﻦ ﻋﻠﻴﻪ ﺷﺮﻁ ﻣﺎﺍﺗﻘﺮﺏ ﻋﻠﻴﺞ
ﻋﺒﺎﻟﺞ ﺍﻣﻮﺕ ﺑﺪﻭﻧﺞ
ﻣﻴﻬﻤﻨﻲ ﺍﺗﻨﺪﻡ ﻟﻮ ﻻ
ﺍﻫﻢ ﺷﻲ ﺍﻛﺴﺮ ﻏﺮﻭﺭﻫﺎ
ﻳﻮﻣﻴﻪ ﻭﺍﺫﻛﺮ ﺍﻣﻲ
ﻟﻚ ﻳﻮﻡ ﻭﺍﻟﻠﻪ ﻛﺎﻋﺪ ﺍﺳﺎﻟﻚ
ﺍﻧﻄﻴﻨﻲ ﻣﻬﻠﻪ
ﺯﻳﻨﺐ : ﺍﻧﺼﺪﻣﺖ ﺑﺎﻟﻐﺮﻓﻪ ﻣﻦ ﺷﻔﺘﻬﺎ
ﺣﻴﻞ ﺿﺠﺖ ﻭﺍﻧﻘﻬﺮﺕ ﻭﺍﻟﻠﻪ
ﻻﻋﺐ ﺟﻮﻟﻪ ﺑﻴﻬﺎ
ﻓﺘﺤﺖ ﺍﻟﺒﻼﺯﻣﺎ ﻟﻠﺠﻬﺎﻝ ﻭﻃﻠﻌﺘﻠﻬﻢ ﺳﺒﻴﺲ ﺗﻮﻥ
ﻭﺍﻧﻲ ﺍﻭﻝ ﺷﻲ ﺳﻮﻳﺘﻪ ﻟﻤﻴﺖ ﺍﻟﻜﺰﺍﺯ
ﻭﺟﺒﺖ ﻣﻦ ﺧﺎﻟﻪ ﻋﻼﻟﻴﻚ ﻛﺒﺎﺭ
ﺫﺑﻴﺘﻬﻦ ﻛﻠﻬﻦ ﺑﺎﻟﻌﻼﻛﻪ
ﺳﻮﻳﺖ ﻋﺸﻪ ﻭﺍﻧﻲ ﻣﺎﺍﺷﺘﻬﻴﺖ ﺍﺑﺪ
ﺣﻴﻞ ﺿﺎﻳﺠﻪ ﻭﺭﻭﺣﻲ ﻃﺎﻟﻌﻪ ﻣﻦ ﺍﻟﺪﻧﻴﻪ
ﻛﻤﻠﻮﺍ ﺍﻟﻌﺸﻪ ﻭﺻﻌﺪﺕ ﺍﻛﻤﻞ ﺑﺎﻟﻐﺮﻓﻪ
ﺑﻌﺪﻳﻦ ﺩﺯ ﻋﻠﻴﻪ
ﻣﻦ ﺍﻧﻄﺎﻧﻲ ﺟﻬﺎﺯ ﻋﺎﺩﻱ
ﺣﺴﻴﺖ ﺑﺎﻫﺎﻧﻪ ﻣﺘﻨﻮﺻﻒ ﺍﺑﺪ
ﺍﺣﺴﻪ ﺫﺑﺤﻨﻲ ﻣﻦ ﺍﻟﻮﺭﻳﺪ ﻟﻠﻮﺭﻳﺪ
ﻋﺒﺎﻟﻲ ﻳﺘﺸﺎﻗﻪ ﻣﻦ ﻛﻠﻲ
ﺑﺲ ﻃﻠﻊ ﺻﺪﻙ ﻣﺎﻋﻨﺪﻩ ﺛﻘﻪ ﺑﻴﻪ
ﻣﺤﺠﻴﺖ ﺷﻲ
ﺷﺎﺭﻳﺪ ﺍﺣﺠﻲ ﻭﺍﻛﻮﻝ ﻛﺪﺍﻡ ﺍﻫﻠﻲ
ﺣﻴﻞ ﺍﻧﻬﻀﻤﺖ
ﺻﻌﺪﺕ ﻛﻤﻠﺖ ﺗﻨﻈﻴﻒ ﻭﺩﻣﻮﻋﻲ ﺗﺠﺮﻱ
ﻭﺍﻟﻠﻪ ﻭﺍﻟﻘﺮﺍﻥ ﻳﺎﺣﻴﺪﺭ ﻭﻫﺬﺍ ﻭﻋﺪ ﻣﻨﻲ ﺍﻟﻚ
بيج قصص عراقيه حقيقيه من واقعنا.روعه الطائي
ﺍﻟﻪ ﺍﺧﻠﻴﻚ ﺗﺘﻨﺪﻡ ﻉ ﻛﻠﺸﻲ ﺳﻮﻳﺘﻪ ﺑﻴﻪ
ﻭﺍﻟﻪ ﺍﺧﻠﻴﻚ ﺗﺒﻮﺱ ﺍﻳﺪﻱ ﻭﺭﺟﻠﻲ ﺑﺲ ﺗﺮﻳﺪ ﺍﺳﺎﻣﺤﻚ
ﻭﻟﻮ ﺗﻤﻮﺕ ﻣﺎﺍﺳﺎﻣﺤﻚ ﺍﺑﺪ
ﻛﻤﻠﺖ ﺍﻟﻬﻮﺳﻪ ﻛﻠﻬﺎ ﻭﻧﺰﻟﺘﻬﻦ ﺑﺎﻟﺤﺪﻳﻘﻪ
ﺩﺯﻳﺖ ﻧﻮﺭ ﻭﺭﻓﺾ ﻳﻄﻠﻌﻬﻦ
ﺭﺩﺕ ﺍﻧﻲ ﺍﻃﻠﻌﻬﻦ ﻭﺳﻜﺘﻨﻲ ﻣﻦ ﺫﻛﺮﻧﻲ ﺑﺎﻟﺸﺮﻁ
ﻋﻔﺘﻬﻦ ﻭﺻﻌﺪﺕ
ﺍﻟﻐﺮﻓﻪ ﻣﺸﻮﻫﺎ ﺗﺸﻮﻩ
ﺑﺲ ﻣﻴﻬﻤﻨﻲ ﺧﻠﻴﻬﺎ ﺗﺒﻘﻰ ﺣﺘﻰ ﺗﺬﻛﺮﻧﻲ ﺑﺎﻫﺎﻧﺘﻪ ﺍﻟﻲ
ﺍﻟﻜﻨﺘﻮﺭ ﻣﺎﺑﻲ ﺑﺲ 3 ﺩﺷﺎﺩﻳﺶ
ﻫﻤﺰﻳﻦ ﺟﺒﺖ ﻣﻼﺑﺲ ﻣﻦ ﺍﻫﻠﻲ ﺑﺲ ﻫﻢ ﻳﺠﻮﺯ ﻣﻴﻘﺒﻞ ﺍﻟﺒﺴﻬﻦ
ﺭﺗﺒﺘﻬﻦ ﻭﻛﻤﻠﺖ ﺍﻟﻐﺮﻓﻪ ﻛﻠﻬﺎ
ﺍﺧﺬﺕ ﻣﻼﺑﺲ ﻭﺩﺧﻠﺖ ﻟﻠﺤﻤﺎﻡ
ﻭﺟﺎﻥ ﻫﻢ ﺍﻧﺼﺪﻡ ﺑﻲ
ﻣﺎﺍﻋﺮﻑ ﺷﻨﻮ ﻗﺼﺪﻩ ﻭﻫﻴﺞ ﺳﻮﻩ
ﻏﺴﻠﺖ ﺑﺲ ﺑﻤﻲ ﻭﻃﻠﻌﺖ
ﺑﻴﻮﻣﻬﺎ ﻣﺎﻛﺪﺭﺕ ﺍﻧﺎﻡ ﺍﺑﺪ
ﺍﺫﻥ ﺻﻠﻴﺖ ﻭﺑﻌﺪﻫﺎ ﻧﺰﻟﺖ ﺟﻬﺰﺗﻠﻪ ﺍﻟﺮﻳﻮﻙ ﻣﺎﺍﺭﻳﺪ ﻳﻠﺰﻡ ﻋﻠﻴﻪ ﺯﻟﻪ
ﺑﺪﺕ ﺣﻴﺎﺗﻲ ﺍﻟﺴﺎﺑﻘﻪ ﺗﻨﻌﺎﺩ ﻣﻦ ﺟﺪﻳﺪ
ﺭﺟﻌﻨﻲ ﻟﻨﻘﻄﺔ ﺍﻟﺼﻔﺮ
ﺑﺲ ﺍﺧﺘﻼﻑ ﻗﺒﻞ ﻣﺎﺍﻫﺘﻢ
ﻫﺴﻪ ﻻ ﺍﺣﺴﻪ ﻳﺬﺑﺤﻨﻲ ﻣﻦ ﺍﻟﻮﺭﻳﺪ ﻟﻠﻮﺭﻳﺪ
ﻛﻞ ﻛﻠﻤﻪ ﻣﻨﻪ ﺗﺠﺮﺣﻨﻲ
ﻛﻞ ﺗﺼﺮﻑ ﻳﺎﺫﻳﻨﻲ ﺣﻴﻞ
ﻛﻤﺖ ﺍﻋﺘﻨﻲ ﺍﺑﻴﺘﻪ ﻭﺑﻤﻼﺑﺴﻪ ﻭﺑﺎﻛﻠﻪ
ﺧﺎﺑﺮﺕ ﺍﻫﻠﻲ ﻭﺧﺒﺮﺗﻬﻢ ﺟﺒﺖ ﺟﻬﺎﺯ ﻭﺧﻂ ﺟﺪﻳﺪ
ﺑﺲ ﻣﺎﻋﺪﻧﻪ ﺷﺒﻜﻪ
ﺍﻛﻴﺪ ﻣﺼﺪﻛﻮﻧﻲ ﺑﺲ ﻣﺤﺠﻮﺍ ﺷﻲ
ﻭﺧﺎﺑﺮﺕ ﺍﻟﺒﻨﺎﺕ ﻭﺣﻴﻞ ﻓﺮﺣﻦ ﻣﻴﺪﺭﻥ ﺑﻴﻪ ﺭﺟﻌﺖ ﻟﻠﺼﻔﺮ
ﺣﻴﻞ ﺗﻌﺒﺖ ﻭﺑﻌﺪ ﻣﺎﻋﻨﺪﻱ ﺭﻏﺒﻪ ﺑﻜﻠﺸﻲ
ﺑﻌﺪ ﻣﺎﺍﺣﺠﻲ ﻭﻳﺎ
ﻛﻤﺖ ﺍﻧﻈﻒ ﻭﺍﺭﺗﺐ ﺑﺪﻭﻥ ﺻﻮﺕ
ﺯﺍﺩ ﺣﺰﻧﻲ ﻗﺎﻃﺎﺕ
ﺍﺗﻮﺳﻠﺖ ﺑﻔﺎﻃﻤﻪ ﺗﺠﻲ ﻭﻛﺘﻠﻬﺎ ﺗﺠﻴﺒﻠﻲ ﻭﻳﺎﻫﺎ ﺷﺎﻣﺒﻮ ﻭﻏﺴﻮﻝ ﻭﻋﻄﺮ
ﻻﻥ ﻣﺎﺍﺭﻫﻢ ﺑﺪﻭﻧﻬﻦ
ﺍﺟﻨﻲ ﻓﺎﻃﻤﻪ ﻭﺑﻨﻴﻦ ﺑﺲ ﺳﺎﺭﻩ ﻻ
بيج قصص عراقيه حقيقيه من واقعنا.روعه الطائي
ﺟﺎﺑﺘﻠﻲ ﺍﻟﻮﺻﻴﺘﻬﺎ ﺑﻴﻬﻦ
ﺩﺧﻠﻦ ﻟﻠﻐﺮﻓﻪ ﻭﺟﺎﻧﻦ ﻣﺼﺪﻭﻣﺎﺕ
ﻣﻨﻮ ﻫﺬﺍ ﺍﻟﻤﺴﻮﻱ ﺑﻴﻬﺎ ﻫﻴﺞ
ﻛﺘﻠﻬﻦ ﻣﺎﺍﺩﺭﻱ ﻣﻦ ﺩﺧﻠﺖ ﻟﻜﻴﺘﻬﺎ ﻫﻴﺞ
ﺍﻛﻴﺪ ﺍﻟﻤﺨﺒﻞ ﻭﺍﻟﻨﺒﻲ ﻣﻮ ﺻﺎﺣﻲ
ﺣﺒﺎﺑﺎﺕ ﻣﻨﻮ ﻣﻨﺠﻦ ﺗﻌﺮﻑ ﺗﻜﺺ ﺷﻌﺮ
ﻟﻴﺶ
ﺍﺭﻳﺪ ﺍﻛﺺ ﺷﻌﺮﻱ
ﻟﻴﺶ ﺣﺮﺍﻣﺎﺕ
ﺣﻴﻞ ﻣﻀﻮﺟﻨﻲ ﻳﻨﺮﺍﺩﻟﻪ ﻋﻨﺎﻳﻪ
ﻭﺍﻧﻲ ﺭﻭﺣﻲ ﺑﺨﺸﻤﻲ ﻣﺎﺍﻟﻲ ﺧﻠﻚ
ﻛﺎﻟﻦ ﻣﻨﻌﺮﻑ
ﻛﺘﻠﻬﻦ ﻉ ﺯﻭﺍﺝ ﺭﻧﺎ ﻛﺎﻟﻦ ﺧﺒﺮﻳﻨﻪ ﺣﺘﻰ ﻧﺤﻀﺮ
ﺍﻥ ﺷﺎﺀ ﺍﻟﻠﻪ
ﺟﻨﺖ ﺣﻴﻞ ﺿﺎﻳﻪ ﻭﻣﺨﻨﻮﻛﻪ ﻣﻦ ﻛﻠﺸﻲ
ﺩﺯﻟﻲ ﺭﺳﺎﻟﻪ ﺍﺫﺍ ﻛﺼﻴﺘﻲ ﻟﺸﻌﺮﺝ ﻳﻤﻴﻦ ﻋﻠﻴﻪ ﺍﺷﻮﻫﺎ ﻟﺸﻌﺮﺝ ﻛﻠﻪ ﻭﺍﻧﺪﻣﺞ
ﻋﻔﺘﻪ ﻣﻜﺼﻴﺘﻪ
ﺑﻘﻦ 3 ﺍﻳﺎﻡ ﺍﻟﺒﻨﺎﺕ
ﺍﺑﺪ ﻣﺎﻻﻣﺤﻨﻲ ﺯﻭﺝ ﻓﺎﻃﻤﻪ
ﺑﺲ ﺯﻭﺝ ﺑﻨﻴﻦ ﺷﺎﻳﻔﻨﻲ ﻣﺮﻩ ﺍﻭ ﺍﺛﻨﻴﻦ
ﻫﺎﻟﻤﺮﻩ ﻣﺎﺩﺧﻠﺖ ﺍﺑﺪ
ﻣﻦ ﺍﺟﻨﻲ ﺗﻐﻴﺮﺕ ﻧﻔﺴﻴﺘﻲ ﺷﻮﻳﻪ
ﺑﺲ ﻣﻦ ﺭﺍﺣﻦ ﺭﺟﻌﺖ ﻉ ﺿﻮﺟﺘﻲ
ﺟﻨﺖ ﺍﺗﺮﺍﺳﻞ ﻭﻱ ﺭﺳﻞ ﺩﺍﺋﻤﺎ ﻭﺍﺳﺎﻝ ﻋﻨﻬﻢ
ﻫﺴﻪ ﺍﻧﻘﻄﻌﺖ
ﺳﻤﻌﺖ ﻛﺎﻟﻮ ﺭﺍﺡ ﻳﺮﺟﻌﻮﻥ ﺣﻴﻞ ﺍﻓﺮﺣﺖ
ﺩﺍﺋﻤﺎ ﺣﻴﺪﺭ ﻳﻄﻠﻌﻬﻢ ﻟﻠﺠﻬﺎﻝ ﻭﺟﺎﻧﻮ ﻓﺮﺣﺎﻧﻴﻦ ﺧﻄﻴﻪ
ﺭﺍﺡ ﺍﺧﺬ ﻧﻈﻮﺭﻱ ﻭﻭﺧﺮ ﻋﻨﻪ ﺍﻟﺘﺠﺒﻴﺮﻩ
ﻛﺎﻳﻠﻪ ﺍﻟﺪﻛﺘﻮﺭ ﺯﻳﻦ ﺻﺎﻳﺮ
ﺍﻟﻴﻮﻡ ﺟﻨﺖ ﺍﺳﻮﻱ ﺍﻟﻌﺸﻪ ﻭﺯﻫﺮﺍﺀ ﺑﻨﺘﻬﺎ ﺗﺒﺠﻲ ﺧﻄﻴﻪ
ﻛﺘﻠﻬﺎ ﺭﻭﺣﻲ ﺍﻧﻲ ﺍﻛﻤﻞ
ﺟﺎﻥ ﺣﻴﺪﺭ ﺑﺎﻟﻤﻄﺒﺦ ﻛﺎﻋﺪ ﻫﻮ ﻭﺧﺎﻟﻪ
ﻛﻠﻲ ﺟﻬﺰﻱ ﻧﻔﺴﺞ ﺑﺎﺟﺮ
ﺍﻧﻲ ﻣﺴﺘﻐﺮﺑﻪ ﺷﻜﻮ ﻭﻭﻳﻦ
ﺑﺲ ﻣﺎﺍﺣﺐ ﺍﺣﺠﻲ ﻭﻳﺎ
ﺳﻜﺘﺖ
ﻛﺎﻣﺖ ﺧﺎﻟﻪ
ﻛﺎﻝ ﺷﻨﻮ ﺻﺎﻳﺮﻩ ﻃﺮﻣﻪ ﻣﺘﺴﻤﻌﻴﻦ ﻭﻣﺎﺍﺩﺭﻱ
بيج قصص عراقيه حقيقيه من واقعنا.روعه الطائي
ﺑﺎﺟﺮ ﺟﻬﺰﻱ ﻧﻔﺴﺞ
ﺍﻟﺘﻔﺘﺖ ﻋﻠﻲ
ﺧﻴﺮ ﺍﻥ ﺷﺎﺀ ﺍﻟﻠﻪ ﻉ ﻭﻳﻦ
ﺗﺮﺣﻴﻦ ﺍﻧﺖ ﻭﺍﻣﻲ ﺗﺨﻄﺒﻴﻠﻲ
ﻟﻴﺶ ﻭﺍﻧﻲ ﻣﻨﻮ ﺣﺘﻰ ﺍﺧﻄﺒﻠﻚ
ﻟﺘﻠﻐﻴﻦ ﺯﺍﻳﺪ
ﺑﺎﺟﺮ ﺏ 10 ﺍﻟﺼﺒﺢ ﺍﻧﺖ ﺟﺎﻫﺰﻩ ﻭﺣﺪﺝ ﺍﻟﺠﻬﺎﻝ ﻋﻮﻓﻴﻬﻢ
ﺗﺮﺣﻴﻦ ﺍﻧﺖ ﻭﺍﻣﻲ ﻭﺍﺑﻮﻳﻪ
ﻋﺒﺎﻟﻲ ﺩﻳﺸﺎﻗﻪ
ﺍﻧﺖ ﺗﺤﺠﻲ ﺻﺪﻙ
ﻟﻴﺶ ﺷﻜﻠﻮﻟﺞ ﻋﻠﻴﻪ ﺯﻳﻨﺐ ﻣﺜﻼ ﻭﺍﺟﺬﺏ
ﺍﻧﻲ ﻣﺎﺍﺭﻭﺡ ﻻﻱ ﻣﻜﺎﻥ
ﻣﻮ ﺑﻜﻴﻔﺞ
ﻻ ﺑﻜﻴﻔﻲ ﺧﻄﻮﻩ ﻭﺣﺪﻩ ﻣﺎﺍﺧﻄﻲ ﺑﺮﻩ
ﺍﻧﻲ ﻫﻨﺎ ﺧﺪﺍﻣﻪ ﻭﻣﺮﺑﻴﻪ
ﺍﻟﻤﻔﺮﻭﺽ ﺗﺎﺧﺬ ﺍﺧﻮﺍﺗﻚ ﻳﺨﻄﺒﻠﻚ ﻣﻮ ﺗﺎﺧﺬ ﺍﻟﺨﺪﺍﻣﻪ
ﻫﺬﺍ ﻣﻮ ﺷﻐﻠﺞ
ﺑﺎﺟﺮ ﺏ 10 ﺍﻧﺖ ﺟﺎﻫﺰﻩ
ﻭﻟﺘﺨﺎﻓﻴﻦ ﻣﻮ ﺣﺒﺎ ﺑﻴﺞ
ﺑﺲ ﻫﻤﻪ ﺷﺮﻃﻮﺍ ﻋﻠﻴﻨﻪ ﺷﺮﻁ
ﺍﻟﻪ ﺗﺮﺣﻴﻦ ﻭﻳﺴﻤﻌﻮﻧﺞ ﻣﻮﺍﻓﻘﻪ ﻳﻠﻪ ﻳﻘﺒﻠﻮﻥ
ﻭﺭﺍﺡ ﺍﻋﺘﺒﺮﺝ ﺍﺫﺍ ﻣﺠﺎﻫﺰﻩ ﻣﻌﻨﺎﻫﺎ ﻋﻨﺪﺝ ﺍﻋﺘﺮﺍﺽ ﻉ ﺯﻭﺍﺟﻲ
ﻭﻣﺘﺮﺩﻳﻨﻲ ﺍﺗﺰﻭﺝ ﻻﻥ ﺗﻐﺎﺭﻳﻦ
ﺷﻌﻮﺭﻱ ﻣﺎﺍﻛﺪﺭ ﺍﻭﺻﻔﻪ ﺍﺑﺪ
ﺍﺣﺲ ﺷﺮﻳﻂ ﺣﻴﺎﺗﻲ ﻛﺎﻋﺪ ﻳﺮﺟﻊ ﻛﺪﺍﻣﻲ
ﻣﻦ ﺟﺪﻳﺪ
ﺑﺲ ﺍﺧﺘﻼﻑ ﺑﺴﻴﻂ
ﻫﺎﻟﻤﺮﻩ ﺷﻌﻮﺭﻱ ﻳﺨﺘﻠﻒ
ﺫﺍﻙ ﺍﻟﻴﻮﻡ ﻣﻬﺘﻤﻴﺖ ﻣﻦ ﻛﺎﻝ ﺍﺭﻳﺪ ﺍﺗﺰﻭﺝ ﻣﻦ ﺣﻨﺎﻥ
ﻫﺎﻟﻤﺮﻩ ﺍﺣﺲ ﻧﺎﺭ ﻭﺍﺷﺘﻌﻠﺖ ﺑﻴﻪ ﺷﻌﻞ
ﺣﻴﻞ ﺿﺠﺖ ﻭﺍﻧﻬﻀﻤﺖ ﺑﺎﻟﺰﺍﻳﺪ
ﻛﺘﻠﻪ ﺍﻟﻠﻪ ﻛﺮﻳﻢ ﻭﻉ ﺷﻨﻮ ﺍﻏﺎﺭ
ﺍﻟﻠﻪ ﻳﺴﻌﺪﻙ ﺍﻥ ﺷﺎﺀ ﺍﻟﻠﻪ
ﺻﻌﺪﺕ ﻟﻔﻮﻙ ﺑﺠﻴﺖ ﻟﻤﻦ ﻣﻠﻴﺖ
ﻣﺎﺍﻋﺮﻑ ﺍﻟﺪﻧﻴﻪ ﺷﻀﺎﻣﺘﻠﻲ ﺑﻌﺪ
ﺍﻛﻴﺪ ﻳﺠﺬﺏ ﻋﻠﻴﻪ ﻣﻦ ﻛﻠﻲ ﺍﺣﺒﺞ
ﻻﻥ ﻣﺴﺘﺤﻴﻞ ﻳﺤﺒﻨﻲ
ﺍﻟﻴﺤﺐ ﻣﻴﺠﺮﺡﺍﻟﻴﺤﺐ ﻣﻴﻄﻌﻦ ﺑﺎﻟﻈﻬﺮ
ﺍﺗﻤﻨﻴﺖ ﻳﻄﻠﻊ ﻳﺠﺬﺏ ﻋﻠﻴﻪ
ﺍﺗﻤﻨﻴﺖ ﻳﻜﻠﻲ ﺍﺭﻳﺪﺝ ﺑﺲ ﺍﻧﺖ ﻭﺑﺲ
ﺛﺎﻧﻲ ﻳﻮﻡ ﺑﺪﻟﺖ ﻭﺟﻬﺰﺕ ﻧﻔﺴﻲ
ﻧﺰﻟﺖ ﻟﺠﻮﻩ ﺟﻬﺰﺕ ﺍﻟﻐﺪﻩ ﺍﺧﺎﻑ ﻳﻜﻌﺪﻭﻥ ﺧﻄﻴﻪ
ﻋﻤﻮ ﻭﺧﺎﻟﻪ ﺍﻋﺘﺬﺭﻭﺍ ﻣﻨﻲ ﻭﻛﻠﻮﻟﻲ ﻭﺍﻟﻠﻪ ﻣﺎﺑﺪﻳﻨﻪ ﺷﻲ
ﻋﺎﺩﻱ ﻭﻻ ﻳﻬﻤﻜﻢ
ﺍﻧﻲ ﺑﺎﻟﻨﺴﺒﻪ ﺍﻟﻲ ﺣﻴﺪﺭ ﻣﺎﺍﻟﻪ ﻭﺟﻮﺩ ﺑﺤﻴﺎﺗﻲ
ﻭﻣﻴﻬﻤﻨﻲ ﺍﻟﺘﺰﻭﺝ ﻭﺍﻟﻤﺎﺗﺰﻭﺝ
ﻣﺎﺍﺩﺭﻱ ﺑﻲ ﻭﺍﻛﻒ ﻭﺭﺍﻳﻪ
ﻛﻠﻠﻬﻢ ﻣﺎﻛﻮ ﺩﺍﻋﻲ ﺗﻌﺘﺬﺭﻭﻥ ﻣﻨﻬﺎ
ﻫﻲ ﻣﺠﺮﺩ ﺧﺪﺍﻣﻪ ﻭﻣﺮﺑﻴﻪ ﻻ ﺍﻗﻞ ﻭﻻ ﺍﻛﺜﺮ
ﺣﺴﻴﺖ ﻫﺎﻱ ﺍﻟﻜﻠﻤﻪ ﺫﺑﺤﺘﻨﻲ ﺫﺑﺢ
ﻫﻮﺍﻱ ﻫﺎﻧﻲ
ﻣﺴﺘﺤﻴﻞ ﺭﺍﺡ ﻳﺠﻲ ﻳﻮﻡ ﻭﺍﻛﺪﺭ ﺍﺳﺎﻣﺤﻪ ﻟﺤﻴﺪﺭ
ﻛﺘﻠﻪ ﻋﻴﻨﻚ ﻉ ﺍﻟﺠﻬﺎﻝ
ﻭﻫﺬﺍ ﺍﻟﻐﺪﻩ ﺟﺎﻫﺰ
ﺻﻌﺪﻧﻪ ﺑﺎﻟﺴﻴﺎﺭﻩ ﻭﻣﺮﻳﻨﻪ ﻉ ﻓﺎﻃﻤﻪ
ﻣﺸﺖ ﺍﻟﺴﻴﺎﺭﻩ ﺑﻌﻴﺪ
ﺍﻋﺘﻘﺪ ﺧﺎﺭﺝ ﺍﻟﻤﺤﺎﻓﻈﻪ
ﻓﺎﻃﻤﻪ ﺍﻋﺘﺬﺭﺕ ﻣﻨﻲ
ﻛﺎﻟﺖ ﻭﺍﻟﻠﻪ ﻣﺠﺒﻮﺭﻩ ﺍﺟﻲ ﻭﻳﺎ
ﻭﺍﻟﻠﻪ ﻋﺎﺩﻱ ﺣﺒﻴﺒﺘﻲ ﻭﻻﺗﻬﺘﻤﻴﻦ
ﺍﺻﻼ ﻫﻮ ﺍﻟﺨﺴﺮﺍﻥ ﻭﺍﻟﻠﻪ
ﺍﻱ ﻭﺍﻟﻠﻪ ﺻﺪﻙ
بيج قصص عراقيه حقيقيه من واقعنا.روعه الطائي
ﺍﻧﻲ ﺍﺣﺠﻲ ﻫﻴﺞ ﺑﺲ ﺑﺪﺍﺧﻠﻲ ﺟﺮﺡ ﻟﻠﻤﻮﺕ ﻣﻴﻄﻴﺐ
ﺍﻛﻴﺪ ﺍﻟﻜﻞ ﻋﺮﻑ ﻫﺴﻪ ﺑﻴﻪ ﺍﻟﺨﻠﻞ ﺍﻟﻲ ﻳﺨﻠﻲ ﺣﻴﺪﺭ ﻳﻮﻣﻴﻪ ﻳﺘﺰﻭﺝ
ﻻﻥ ﺍﻟﻨﺎﺱ ﺍﻟﻬﺎ ﺍﻟﻈﺎﻫﺮ
ﺳﺎﻟﺖ ﻓﺎﻃﻤﻪ ﻣﻨﻴﻦ ﻫﺎﻱ ﺍﻟﺒﻨﻴﻪ
ﻛﺎﻟﺖ ﺍﻗﺮﺑﺎﺋﻨﺎ ﻣﻦ ﺑﻌﻴﺪ
ﺷﻠﻮﻥ ﻗﺒﻠﺖ ﺗﺘﺰﻭﺝ ﻭﻫﻮ ﻣﺘﺰﻭﺝ 3 ﻗﺒﻠﻬﺎ
ﻻﻥ ﺍﺭﻣﻠﻪ ﻭﻋﺪﻫﺎ ﺑﻨﻴﻪ ﻭﺣﺪﻩ
ﺯﻳﻦ ﺑﻨﺘﻬﺎ ﺷﻠﻮﻥ ﺗﺠﻴﺒﻬﺎ ﻭﻳﺎﻫﺎ ﻟﻮ ﺗﺨﻠﻴﻬﺎ
ﻭﺍﻟﻠﻪ ﻣﺎﺍﻋﺮﻑ ﻭﻻﺷﺎﻳﻔﺘﻬﺎ ﺍﺑﺪ
ﺑﺲ ﺍﻟﻈﺎﻫﺮ ﺍﻟﺤﻜﻮﻣﻪ ﻣﺴﺘﻌﺠﻠﻪ
ﻳﻜﻞ ﻻﻣﻲ ﺍﺫﺍ ﻭﺍﻓﻘﻮﺍﺍﻧﻄﻲ ﺍﻟﻔﻠﻮﺱ ﻭﺧﻼﻝ ﺍﺳﺒﻮﻉ ﺭﺍﺡ ﻳﻜﻮﻥ ﺍﻟﺰﻭﺍﺝ
ﻫﻴﺞ ﻣﺴﺘﻌﺠﻞ ﺍﺧﻮﺝ ﻉ ﻋﺬﺍﺑﻲ
ﺷﻨﻮ ﺷﻜﻠﺘﻲ
ﻻﻫﻴﺞ ﻣﺎﻛﻮ ﺷﻲ
ﻛﺘﻠﻬﺎ ﻫﻤﻪ ﻭﻳﻦ ﺑﻴﺘﻬﻢ ﺍﺷﻮ ﺑﻌﻴﺪﻳﻦ
ﻛﺎﻟﺖ ﺑﻐﻴﺮ ﻣﺤﺎﻓﻈﻪ ﺳﺎﻛﻨﻴﻦ
ﺑﺲ ﻣﻮ ﺑﻌﻴﺪﻩ ﻓﺮﻕ ﺳﺎﻋﻪ ﻭﺭﺑﻊ
ﺍﺣﺲ ﻛﻠﺒﻲ ﻳﺮﻳﺪ ﻳﻨﺸﻠﻊ ﻣﻦ ﻣﻜﺎﻧﻪ
ﻛﻠﻤﺎ ﻧﻘﺘﺮﺏ ﺍﻛﺜﺮ ﺧﻮﻓﻲ ﻳﺰﻳﺪ ﺍﻛﺜﺮ
ﺩﻙ ﺟﻬﺎﺯﻱ ﺷﻔﺘﻪ ﺣﻴﺪﺭ
ﺧﻠﻴﺘﻪ ﺻﺎﻣﺖ
ﺩﻙ ﻣﺮﻩ ﻟﺦ
ﺭﻓﻌﺖ ﺧﻂ ﺍﻟﻮﻭﻭﻭ
ﻟﻴﺶ ﻣﺘﺠﺎﻭﺑﻴﻦ
ﻣﺎﺳﻤﻌﺘﻪ
ﺍﺳﻤﻌﻴﻨﻲ ﺯﻳﻦ
ﺍﺫﺍ ﺳﺎﻟﻮﺝ ﻟﻴﺶ ﻳﺮﻳﺪ ﻳﺘﺰﻭﺝ
ﺗﻜﻮﻟﻴﻠﻬﻢ ﻋﻼﻗﺘﻲ ﻣﻨﺘﻬﻴﻪ ﻭﻳﺎ ﺍﻧﻲ ﺷﻐﻠﻲ ﻣﺠﺮﺩ ﺧﺪﺍﻣﻪ ﻭﻣﺮﺑﻴﻪ
ﻣﺎﺍﻛﺪﺭ ﺍﺣﺠﻲ ﺑﺼﻮﺕ ﻋﺎﻟﻲ ﻋﻴﺐ
ﺧﻨﻜﺘﻨﻲ ﺍﻟﻌﺒﺮﻩ ﻭﻧﺰﻟﺖ ﺩﻣﻮﻋﻲ
ﺣﻴﺪﺭ ﻛﺎﻋﺪ ﺗﻬﻴﻨﻲ ﻭﺗﺬﻟﻨﻲ ﺍﻛﺜﺮ ﻣﻦ ﺍﻟﻼﺯﻡ
ﺛﻖ ﺑﺎﻟﻠﻪ ﻭﺭﺳﻮﻟﻪ ﺭﺍﺡ ﻳﺠﻲ ﻳﻮﻡ ﺍﻟﻲ ﺗﺘﻨﺪﻡ ﺑﻲ
ﺑﺲ ﻭﺩﺍﻋﺖ ﻧﻈﻮﺭﻱ ﻭﺩﺍﻋﺖ ﻣﺎﻣﺎ ﻭﺑﺎﺑﺎ
ﻣﺮﺍﺡ ﺍﺳﺎﻣﺤﻚ ﻟﻠﻤﻮﺕ
ﻭﻫﻮ ﻳﺎﻣﺨﺒﻞ ﻳﻄﻠﺐ ﺍﻟﺴﻤﺎﺡ ﻣﻦ ﻭﺣﺪﻩ ﺧﺪﺍﻣﻪ
ﺳﻜﺘﺖ ﻣﺤﺠﻴﺖ ﺷﻲ
ﻣﻔﻬﻮﻡ ﺍﻟﻜﻼﻡ
ﻣﻔﻬﻮﻡ
ﺍﻛﻮ ﺍﻭﺍﻣﺮ ﺛﺎﻧﻴﻪ
ﻻ ﻣﺎﻛﻮ ﻃﺒﻜﻪ ﺑﻮﺟﻬﻲ
ﺍﻟﻜﻞ ﺣﺲ ﺑﻴﻪ
ﺳﺎﻟﻮﻧﻲ
ﻛﺘﻠﻬﻢ ﻫﻴﺞ ﻭﺻﺎﻧﻲ
ﻋﻤﻮ ﻭﻛﻒ ﺍﻟﺴﻴﺎﺭﻩ ﺗﺨﺒﻞ
ﺧﺎﺑﺮﻩ ﻛﻠﻪ ﺭﺍﺡ ﻧﺮﺟﻊ ﻫﺴﻪ
ﻟﻚ ﻣﺎﻋﻨﺪﻙ ﺣﻴﺎﺀ ﺷﻠﻮﻥ ﻫﻴﺞ ﺗﺤﺠﻲ ﻋﻠﻴﻬﺎ
ﺳﻤﻌﺘﻪ ﻳﺴﺐ ﻭﻳﻐﻠﻂ ﺑﻲ
ﻃﺒﻜﻪ
ﺻﻌﺪ ﺑﺎﻟﺴﻴﺎﺭﻩ ﻳﻔﻮﺭ ﻣﺒﻴﻦ ﻋﻠﻲ ﻋﺼﺒﻲﻛﻠﻲ ﺑﻨﺘﻲ ﺍﻧﺖ ﺗﺒﻘﻴﻦ ﺑﺎﻟﻨﺴﺒﻪ ﺍﻟﻨﻪ ﺑﻨﺘﻨﻪ ﻭﺍﻟﻠﻪ ﻳﺸﻬﺪ ﻣﻌﺰﺗﺞ ﻣﻦ ﻣﻌﺰﺕ ﺑﻨﺎﺗﻲ
ﻣﻌﻠﻴﺞ ﺑﻲ ﺧﻞ ﻳﻮﻟﻲ
ﺍﻫﻤﻠﻲ ﺑﺲ ﺍﺳﻤﻌﻮﻧﻲ ﺯﻳﻦ
ﺣﻴﺪﺭ ﺍﺫﺍ ﻃﻮﻝ ﺳﻨﻪ ﻭﻱ ﻫﺎﻱ ﺗﻌﺎﻟﻮ ﻋﺎﺗﺒﻮﻧﻲ
ﻭﺍﻻﻳﺎﻡ ﺭﺍﺡ ﺗﺜﺒﺖ
ﺑﺲ ﻳﺴﺎﻟﻮﻧﺞ
ﻛﻠﻴﻠﻬﻢ ﻣﺎﺍﻋﺮﻑ ﺍﻟﺴﺒﺐ ﺍﻟﻲ ﻳﺨﻠﻲ ﻳﺮﻳﺪ ﻳﺘﺰﻭﺝ
بيج قصص عراقيه حقيقيه من واقعنا.روعه الطائي
ﺩﻣﻮﻋﻲ ﻣﺘﻮﻗﻔﻦ ﺍﺑﺪ
ﻓﺎﻃﻤﻪ ﻛﺎﻣﺖ ﺗﺤﺠﻲ ﻋﻠﻴﻪ
ﻋﺒﺎﻟﻬﻢ ﻫﺴﻪ ﺍﻧﺖ ﺗﺒﺠﻴﻦ ﻻﻥ ﻳﺮﻳﺪ ﻳﺘﺰﻭﺝ ﻋﻠﻴﺞ
ﻭﻛﻔﻨﻪ ﻋﻤﻮ ﻳﻢ ﻣﺤﻞ ﻭﻣﻐﺎﺳﻞ ﺑﺎﻟﻄﺮﻳﻖ
ﻛﺎﻝ ﺭﻭﺣﻲ ﻏﺴﻠﻲ ﻭﺗﻌﺎﻱ ﺍﺭﺗﺎﺣﻲ ﻳﻠﻪ ﻧﺮﻭﺡ
ﺻﺪﻙ ﻏﺴﻠﺖ ﻭﺍﺭﺗﺎﺣﻴﺖ ﻭﺻﻠﻨﻪ
ﻛﺎﻝ ﻋﻤﻮ ﺍﺗﺤﻀﺮﻥ ﻭﺻﻠﻨﻪ
ﺟﺎﻥ ﻋﺪﻫﻢ ﻋﻠﻢ ﺑﻴﻨﻪ
ﺩﻙ ﻋﻤﻮ ﺍﻟﺒﺎﺏ
ﺍﺳﺘﻘﺒﻠﻮﻧﻪ ﻭﺟﺎﻥ ﻣﺒﻴﻦ ﻋﻠﻴﻬﻢ ﺣﺒﺎﺑﻴﻦ
ﻓﺮﻭﺍ ﺑﻴﻨﻪ ﻭﺑﻮﺳﻨﻲ ﺑﻨﺎﺕ ﻣﺎﺍﻋﺮﻑ ﻣﻨﻮ ﻣﻨﻬﻦ ﺍﻟﻲ ﺭﺍﺡ ﺗﻜﻮﻥ ﺯﻭﺟﺔ ﺣﻴﺪﺭ
ﺍﺟﺘﻲ ﺑﻨﻴﻪ ﺣﻠﻮﻩ ﻭﻧﺎﺯﻛﻪ ﻭﻋﻤﺮﻫﺎ ﺯﻳﻦ ﺍﺯﻏﺮ ﻣﻦ ﺣﻨﺎﻥ ﻭﺍﻛﺒﺮ ﻣﻨﻲ ﻣﺒﻴﻦ ﻋﻠﻴﻬﺎ
ﻗﺪﻣﺖ ﻣﻲ ﻭﺑﺒﺴﻲ ﻭﻛﻴﻚ
ﺍﻧﻲ ﻳﺎﺩﻭﺏ ﺷﺮﺑﺖ ﺍﻟﻤﻲ
ﻻﻥ ﺑﻌﺪ ﺍﻟﺴﻢ ﺍﻟﻲ ﺗﺴﻤﻤﺘﻪ ﻣﺎﺍﻋﺘﻘﺪ ﺍﺷﺘﻬﻲ ﺑﻌﺪ ﺍﻱ ﺷﻲ
ﺍﻟﺒﻨﻴﻪ ﻋﻴﻨﻬﺎ ﻋﻠﻴﻪ
ﻣﺜﻞ ﺍﻟﻲ ﻧﺼﺪﻣﺖ ﺑﻴﻪ
ﺍﻧﻲ ﺍﻟﻮﺣﻴﺪﻩ ﺍﻟﻲ ﻣﺎﺍﺣﺠﻲ ﺍﺑﺪ
ﻉ ﻛﺪ ﺍﻟﺴﺆﺍﻝ ﺍﺟﺎﻭﺏ
ﺍﺟﺘﻲ ﺑﻨﻴﻪ ﺗﻄﻠﻊ ﻋﻤﺮﻫﺎ 4 ﺍﻭ 5 ﺳﻨﻮﺍﺕ
ﻋﺮﻓﺘﻬﺎ ﺑﻨﺘﻬﺎ
ﺻﺤﺘﻬﺎ ﻭﺑﻮﺳﺘﻬﺎ ﻭﺳﺎﻟﺘﻬﺎ ﻉ ﺍﺳﻤﻬﺎ
ﻛﺎﻟﺖ ﺍﺳﻤﻲ ﺭﻏﺪ
ﻋﺎﺷﺖ ﺍﻻﺳﺎﻣﻲ ﺣﺒﻴﺒﺘﻲ
ﺍﺫﻥ ﻛﻤﻨﻪ ﺻﻠﻴﻨﻪ ﻭﺟﻬﺰﻭﺍ ﺍﻻﻛﻞ
ﺍﻛﻠﺖ ﺷﻲ ﻗﻠﻴﻞ ﻣﺠﺎﻣﻠﻪ ﻻ ﺍﻗﻞ ﻭﻻ ﺍﻛﺜﺮ ﻻﻥ ﻣﺎﺍﺷﺘﻬﻲ ﺍﺑﺪ
ﻋﻤﻮ ﻭﺍﻟﺮﻳﺎﺟﻴﻞ ﺑﺎﻻﺳﺘﻘﺒﺎﻝ
ﻭﺍﺣﻨﻪ ﺑﺎﻟﺼﺎﻟﻪ
ﻛﻤﺖ ﺍﻏﺴﻞ ﺑﺲ ﺍﻧﺼﺪﻣﺖ ﺑﻮﻟﺪ ﺷﺎﺏ ﻃﺨﻨﻲ ﺣﻴﻞ ﻣﻤﻨﺘﺒﻪ
ﺍﻧﻲ ﺭﺍﻓﻌﻪ ﺑﻮﺷﻴﺘﻲ
ﺑﺲ ﻟﻤﺤﻨﻲ ﻧﺰﻟﺘﻬﺎ
ﺍﻟﻮﻟﺪ ﺍﻋﺘﺬﺭ ﻣﻨﻲ ﻭﻃﻠﻊ
ﻭﺍﻟﻠﻪ ﻋﻴﺐ ﻣﻨﻪ ﻫﺴﻪ ﺍﻧﻲ ﺷﻄﻠﻌﻨﻲ ﻭﺣﺪﻱ
ﺧﻠﺼﻮﺍ ﺍﻻﻛﻞ ﻭﺻﺒﻮ ﺍﻟﺠﺎﻱ
ﺍﻧﻲ ﻛﺘﻠﻬﻢ ﻣﺎﺍﺣﺐ ﺍﻟﺠﺎﻱ
ﺟﺎﺑﻮﻟﻲ ﻋﺼﻴﺮ
ﺍﺗﻌﺮﻓﺖ ﻉ ﺍﻟﺒﻨﺎﺕ ﺟﺎﻧﻦ ﻧﺴﻮﺍﻥ ﺍﺧﻮﺍﻧﻬﺎ ﻟﻠﺒﻨﻴﻪ
ﻭﺭﻩ ﺷﻮﻳﻪ ﻛﺎﻟﻮ ﻳﺮﺩﻭﻥ ﻳﺪﺧﻠﻮﻥ ﺍﻟﻮﻟﺪ ﻳﺴﻠﻤﻮﻥ ﻋﻠﻴﻜﻢ
ﻟﺒﺴﺖ ﺑﻮﺷﻴﺘﻲ ﻭﺩﺧﻠﻮ ﺳﻠﻤﻮ
ﺷﻮﻳﻪ ﻭﻃﻠﻌﻮﺍ
ﺧﺎﻟﻪ ﻓﺘﺤﺖ ﺍﻟﻤﻮﺿﻮﻉ
ﻛﺎﻟﺘﻠﻬﻢ ﻫﺎﻱ ﺯﻭﺟﺘﻪ ﺍﺟﺖ ﺑﻨﻔﺴﻬﺎ ﺗﺨﻄﺐ
ﻣﺎﻋﺪﻫﺎ ﻣﺎﻧﻊ ﺍﺑﺪ
ﻛﺎﻟﺖ ﺷﻌﺠﺐ ﺍﻟﺒﻨﻴﻪ ﺯﻏﻴﺮﻩ ﻭﺣﻠﻮﻩ ﻟﻴﺶ ﻳﺮﻳﺪ ﻳﺘﺰﻭﺝ
ﻛﻠﺘﻠﻬﺎ ﺧﺎﻟﻪ ﻣﻤﺘﻔﺎﻫﻤﻴﻦ ﺍﺑﻴﻨﺎﺗﻬﻢ ﺍﺑﺪ
بيج قصص عراقيه حقيقيه من واقعنا.روعه الطائي
ﺍﻟﺒﻨﻴﻪ ﺑﻨﺖ ﺍﺻﻮﻝ ﻛﺎﻟﺖ ﺍﺑﻘﻰ ﻉ ﻣﻮﺩ ﺟﻬﺎﻟﻲ
ﻭﻫﻮ ﺧﻠﻲ ﻳﺘﺰﻭﺝ
ﺍﺧﺮ ﺷﻲ ﺍﻧﻄﻮﺍ ﺍﻟﻤﻮﺍﻓﻘﻪ
ﻛﺎﻟﺖ ﺧﺎﻟﻪ ﻣﻨﺎ ﻻﺳﺒﻮﻉ ﺍﻟﺰﻭﺍﺝ ﻳﺼﻴﺮ
ﻭﻣﻨﺮﻳﺪ ﻫﻮﺳﻪ ﻳﺮﺣﻮﻥ ﻟﻜﺮﺑﻼﺀ ﻟﻠﻔﻨﺪﻕ ﻳﺘﺰﻭﺟﻮﻥ
ﻻﻥ ﻣﻮ ﺍﻭﻝ ﺯﻭﺍﺝ ﺍﻟﻬﻢ
ﻛﺎﻟﺖ ﺍﻟﺒﻨﻴﻪ ﺍﻧﻲ ﻣﺎﻋﻨﺪﻱ ﻣﺎﻧﻊ
ﻛﺎﻟﺖ ﺧﺎﻟﻪ ﺑﺎﺟﺮ ﻳﺠﻲ ﺗﻌﻘﺪﻭﻥ ﻣﺤﻜﻤﻪ ﻭﺑﻌﺪﻫﺎ ﺗﻌﻘﺪﻭﻥ ﺳﻴﺪ
ﻭﻫﺬﺍ ﺍﻟﺤﺎﺿﺮ ﻣﺎﻟﺘﺞ 5 ﻣﻼﻳﻴﻦ
ﻣﻨﺎ ﻟﻠﺨﻤﻴﺲ ﺍﻧﺖ ﺟﺎﻫﺰﻩ ﻛﻮﻥ
ﻛﺎﻟﺖ ﺑﺲ ﻣﻴﻜﻔﻦ ﺍﻝ 5 ﺣﻴﻞ ﻗﻠﻴﻼﺕ
ﺍﻟﺒﻨﻴﻪ ﺗﺘﻨﻐﻮﺹ ﻭﺧﺸﻤﻬﺎ ﻳﺎﺑﺲ
ﺗﻮﺍﻟﻤﻪ ﻟﺤﻴﺪﺭ ﻛﻠﺶ
ﻧﻔﺲ ﺍﻟﻄﺒﻊ
ﺍﻧﻄﻮﻧﻲ ﺑﻌﺪ 5
ﺧﻠﻲ ﺍﺧﺎﺑﺮﻩ ﻟﺤﻴﺪﺭ ﻭﺍﺷﻮﻓﻪ
ﺍﺣﻨﻪ ﻣﺎﺷﺎﻳﻠﻴﻦ ﺍﻛﺜﺮ
ﺧﺎﺑﺮﺗﻪ ﺧﺎﻟﻪ ﻭﻛﻠﺘﻠﻪ ﺑﺎﻟﻄﻠﺒﺎﺕ ﻭﻃﺒﻜﺘﻪ
ﺟﺎﻥ ﺗﻜﻮﻝ ﺧﺎﻟﻪ .......
ﺗﻮﻗﻌﺎﺗﻜﻢ ﺭﺍﺡ ﻳﻮﺍﻓﻖ ﻟﻮ ﻳﺮﻓﺾ ؟؟؟؟
ﺷﺮﺍﺡ ﺗﻜﻮﻥ ﺭﺩﺓ ﻓﻌﻞ ﺯﻳﻨﺐ ﺍﺫﺍ ﻭﺍﻓﻖ ؟؟؟؟؟
ﻭﺍﺫﺍ ﺭﻓﺾ ﺷﺮﺍﺡ ﺗﻜﻮﻥ ﺭﺩﺓ ﻓﻌﻠﻬﺎ ؟؟؟؟؟
ﺣﺒﺎﻳﺒﻲ ﻭﻗﺖ ﺍﻟﻨﺸﺮ ﺭﺍﺡ ﻳﺘﻐﻴﺮ ﻳﻮﻣﻴﻪ ﺍﻧﺸﺮ ﺍﻛﻴﺪ ﺑﺎﺫﻥ ﺍﻟﻠﻪ ﺑﺲ ﺍﻟﻮﻗﺖ ﺣﺴﺐ ﻓﺮﺍﻏﻲ ﻻﻥ ﺗﻌﺮﻓﻮﻥ ﺧﻄﺎﺭ ﻭﻃﻠﻌﻪ ﻭﺍﺧﺎﻑ ﺍﺳﺎﻓﺮ ﻻﻫﻠﻲ ﺑﺲ ﻣﺮﺍﺡ ﺍﻧﻘﻄﻊ ﻋﻨﻜﻢ ﺍﻥ ﺷﺎﺀ ﺍﻟﻠﻪ
ﺗﺤﻴﺎﺗﻲ ﻟﻠﺠﻤﻴﻊ 😘