مسـاء الخير حبايبي
نارة
_______________
المهم ضـل يحچي يحچي حدما نام ارتاحينة منة ضل لمكانة گامت امي لغرفتهه ولؤي طب شافة راح نام يم امي
طبينـة اني وغيد لغرفه اخذت موبايلي غيد
غمضـت عيوني سمعت الموبايل دگ فتحت عيوني گتلهه منو
غيد:رقم مامكتوب علية شي
عوفي لاتردين
شوية وهم دگ گتلهه عوفي المره الثـالثة انطتنيـا
اخذتة وانـي مالي خلگ ونعسانه وضايچة وجنت افكر بكلامـة
رفعـت خط وماگلت الو اريد اسمع الصوت وچان يچيني صوت ولد!
الو
گعدت من نومي وعدلت گعدتي وگلت
اهلا خوية
عرفتيني لو لا اني يوسف
عفوا اخوية يا يوسف اني ماعرف احد بهل اسم
اني صاحب المحل الي اجيتولي اليوم
عقچت حواجبي وحجيت
اي خوية شرايد ومنين جبت رقمـي
مايهمج منين جبت رقمج الاهم انو اني اسف
ع شنو اسف؟
ع ليوم اعرف ضجتي بس الحجاية انحجت فطريا
حسيت انو ما لازم انطي مجال زايد راسا حجيت
خوية أنت ع عيني و ع راسي اني اسفة ماگدر احجي وي ولد واعتذارك واصل اترخص
سديت الموبايل بسرعة ومسحت رقمة وني متوتره انطيت الموبايل لغيـد وضليت صافنه منين ممكن يجيب رقمي ضليت صافنه كلت خاف من البيج مالتي صفنت وكلت هوه شمدري بالبيج اصلا
حطيت راسي ع المخده وافكر بي
صرت افكر بي من اول ماشفته زبن ليش خابرني منين جاب رقمي شلون ضليت حايره
ضليـت افكر بي حدما نمت هوه بعد ابد مادگ
مشت الايام وصـار شغلنة كلش زين
غيد و لؤي بدوا يداومون بالمدرسة لؤي كوه عليه داوم بس حاولت ويـا انو يدوام وقنعته بطريقتي الخاصه
صرت اروح لدكتور بتكسي ويوسف راح عن بالي نهائيا وماصرت افكر بي اصلا
مرت فتره بديت اشوفة اباب العياده مرات يوگف اني استغربت هذا شبي
صرت افكر بي واگول معقولة معجب بية هوه لو شنو اباوع لنفسي واگول لا لا نارة هوه وين و انتي وين
يباوعلي وبتسم جان عنده شي من الجرئة
مره من المـرات جاي امشي للدكتور لگيتة متكئ ع الحايط ومنتضرني رفعت تك حاجب وباوعتلة
مرات يزعجني هل شي ومرات احس بنفسي فرحانه احس احد يهتم بية وهالشي جنت اني حيل مفتقدتة انو سالفـه واحد يجي علمودي ويشوفني و وين ماروح الكا جانت عندي شغله غريبه
ابتسم وغمزلي اني بسررعة رحت من يمة يربي شلون بي ههذا صرت اباوع منا ومنا خاف احد يباوعلنة يمة
طبيت لدكتور واني گلبي يدگ بسرررعة كملت من الدكتور نزلت مالگيتة موجود
اتنفست براحة و مشيـت شوية وسمعت صوتة وهوه يصيح بأسمـي زين هسه شمدري ب اسمي ولو غيد فضحتني فضيحه بالمحل مالته يانارو يانارو
ياربيي صرت امشي بسرعة حسيت حركتة صارت اسرع صار گبالي وگفني
يوسف: نارو كاافي ارگض وراج اريد احاجيج
انت شتريد مني اني اسمي نارة مو نارو ،اللة يخليك اني مناقصة مشاكل فدوه لگلبك عوفني بحالي
يوسف: عمي نارة نارة بس اسمعي الي اريد اكوله
احجي خويه شرايد
يوسف: اني معجب بيج واريدچ
شهگت وگتلة
انت شدتحچي شنو تريدني شنو معجب بية وخر عن طريقي خوية اني ما اوالمك ومستحيل هالشي يصير
يوسف:اجيبج اجيبج وضلي هيچ بس افهمي اني احبج احبج تعرفين شنو احبج
ماهتميت الكلامة التوتررر ماكلني بسرعة وخرت عنة ومشيت للشارع العام گلبي يدگ بسرعة والهث ماتوقعت انو يكون معجب بيه ابد مادري شنـو جنت اضن من هوه ملاحكني بس مادري ماجنت اضنه هيج
امي وصتني ع مسواگ عفته وراساا اچرت التكسي صاعده بالتكسي وارچف واذكر حجايتة
احبج احبج
شنوو معقولة يحبني ماعرف الديصير شنو الي اعرفة انو بذيج الساعه جان التوتر والخوف والارتباك ماكلني
وصلت للبيت لگيتهه گابة بين امي وراشد و غيد و لؤي بالمدرسة
طبيت بسرعة وصايحهم واصل للشارع
لگيت جيرانة رجال واگف بالباب ويستغفراللة هوه شافني راسا گالي
بنتي طبي لابوج راح يموت امج ع ايده حسبي اللة ونعم الوكيل
طبيت اني بسرعة لگيت راشد نايم ع امي ويضرب بيهه وهوه الي يصيح امي بس تون جوا
اني تخبلتتت صرت احاول ابعده عنة واضرب بي بالجنطة وهوه يضرب بأمي
اتووسل بي وهوه ماكوو نوب دفعني وهوه يكلي لا تخليني اسفطج وياهه اخذتلي راشدي منه وراح اخذ الجزدان من امي واخذ كل الفلوس الي بي
ماهتميتلة رحت لامي حضنتـهه واني ادعي علية
ضربني برجلة حيلل وطلع
اللة ياخذك انشاللة تروح وماتجي
امي كعدت بس تبجي اني متت تخبلت كمت ابجي واحجي بعصبية
هوه ههذا الي تردينة هذا الي تررردينة احنة لووو طالعين بيت وحدنهه هاااا لو طالعين موو احسن من هالعيشة مع كلششي جاي يسوي النة وانتي لسة ترديي ليشش هيج يمة ليشش والقررران كرهت حياتنة كلهه
لؤي و غيد راح يدمروون بسبب هل مشاكل يجون يشوفون امهم وابوهم هيج شترردين شيگولون ههااا
من حجيت هيج ماحس الة امي خرت ووگعت من طولهه اني تخبلت ضليت اريد اصحي بيهه بالربع ساااعه هيه مكوو فرفحت عليهه
بعدين كوة استعادت وعيهه كومتهه وغسلتلهه وهديتهه شوية وگتلهه راح يجون غيد ولؤي لاتبينين شي
مقهوره ع فلوسهه بال300 جانن كلهن اخذهن گتلهه ماعليج لاتنقهرين يروحن ويجي غيرهن
گمت سويت غده اجوي لؤي و غيد تغدوا وغيد تحجيلي عن الاعدادية وشلونهه هيه اول سنة الهه
رحت لفراشي وبالي وعقلي يم يوسف
اتگلب بفراشي واذكر كلماتة وابتسم يعني معقولة صح يحجي بالي يمة
مرت الايام وشگد يخابر واني ابد ولا ارد جنت خايفة ومرتبكة حيل
كل ما اروح لدكتور الگا موجود بحركة جديده مره من المرات جاي وويـا سياره عالية وواگف يمهه
مريت من يمة وگال
يوسف:الفقير مينراد جربت اصير غني بلكت اللة تحبونة
ضحگت ع حجايتة وباوعتلة وهزيت ايدي وصعدت لدكتور
جانت ايام عادية يچوز بس جانت بوسط عذااااب چبير لذالك جانت بنسبه الية حلوه
صار يوسف يحاول يحجي وياي يبينـلي بحبة اني مانطيت مجال ابد
هل انسان صار 24 ساعة ابالي اكل اشرب اغسل اماعين اشتغل وهوه ابالي احتل تفكيري كلة
مر 3 اشهر وهوه يتصل وكل يوم الگا موجود يحاول يحجي وياية وني ابد مارد علية
يجوز بداخلي افرح بس اني ابددد مابينتلة هل شي
لگيته ع طريق حاول يحجي وياي ما انطيته مچال طبيت لدكتور طلعت جان يضرب برجليه حيل بالگاع باوعلي مبين صاير عصبي ماهتميتلة رحت بطريقي الدكتور ابيتـة يعني بفرع دامشي انچرت ايدي
باوعتلة بعصبية وگتلة
انتتت شلون تتجرا تلزم ايدي
يوسف
اووه عاااد كافي والللة مملتيني ياا نارة سحلت نفسي الج هواي چاااي احجي واگلچ اني احبجج شلوووون تررديننن اصيحح بعلوو صوتي حته الناسس تسمع
نارة افهمينيي رايدددج بالحلال يعني اني مارايد العب عليج
بلعمت وماعرف شحچي ويـا ارتبكت وصار حجي كومه جواي بس ماعرف شنو الي ارد حسيتة هده عاف ايدي وگال
اعتبريني شتعتبريني وامشي وياي اريد اعزمج ع كوب گهوه
ش شنووو مستحيلل اسفة بس اني ماگدررر اطلع ويي شاااب
يوسف: نارة ليش هيج خايفة بس فهميني شوفي البنات تسرح وتمرح
باوعتلة وگتلة
بس اني مووو نفسس هل بنااات اني صحح عنديي حرية امششي واطلع بسس لو ما مضطره ما اسوي هيچ
ابتسم وگال
يوسف:هوه ههذا الي حبيتـة بيچ مونفسهن
اتخربطت احوالي من يباوعلي درت وچهي حتـة اروح حجة وراَي
يوسف:اذا تحبين يكون كلشي رسمي شوفيلي الوالده شتگول حته نجي
حسيت بهاي الكلمات امتلك گلبي كلة ابتسمت واحس الدددنيااا ما واسعتني بالفرحة ودي ما ارگص اول مره هيج يصير وياي شعور حلوو معقوله يعني لهدرجه واصله ويا؟
رحت للبيت ومره اليوم وانـي اضحگ ياهوه الي يحجي وياية اضحگ
مرت الاايام ومره من المرات گعدين اني وامي نشتغل بالي يمـة انلف كبة سوه امي تسوي 5 وني ستوني وحده
رسل:شبيج ناره شسالفهه يمة وين بالج
ها لا مو يم شي هيچ
ضحگت ع نفسي واسوي وي امي وبالي يمة راسا بشعور لا ارادي گتلها
اگلج يوم أذا اجه علية ولـد تنطيني لو لا
باوعتلي باستغراب وگال
رسل:شنو مناسبة هل سؤال
ااا لاااا ماكووو هيج شي صدگيني بس اگول مثلا
ابتسمتلي وگالت
رسل:ماما نهاية اي بنية يم بيت زوجها ف أذا جان خوش ولد وابن حلال وراح يحبج وتحبينة ويصونج ليـش لا؟
ابتسمتلهه وصرت افكر بيوسف وكلامة
صارت حياتي عباره عن يوسف بالي وعقلي ويـا صار يدگ علية هووواي اخر شي حضرتة مدري ليش بس جنت خايفة لا كلشي يصيرر واني ماريد يفكر عني غير تفكير
مرت الايـام واكتشفت انو اني احبـة وهالشي ماكو مهرب منة ابد
صار الموعد اروح للدكتور احجي وي نفسي معقولة حبني بكل عيوبي معقولة اني وين وهوه وين
رحت للدكتور وهالمـره مالگيتة خلال 3 اشهر الگا قبلي صعدت لدكتور يمة مراجعين ضليت كل ساع انزل في سبيل الگا وهوه ماكو
بصراحة حسيت بفراغ جبيرر ضليت بس أتافف غير كل مره
كملت الـدكتور ونزلت وگفت بمكاني التفت ماكو اكو مصطبات گعدت عليهن لان تعبت من الدرچ
اكو ثنين ولـد واگفين يحچون وبصوت عالي مسموع
...ولك خطيه ششاف من حياته ستوه عمره 24
...اي واللة متت قهر علية ولك صديقة يكول جان يومية يجي يشوف حبيبته وهيه ماتحبة ومتعذب بسببهه
...اي واللة اللة يرحم يوسف ونعم اليوسف ادب واخلاق
...يگلك محلة الي بالكراده صايررت دخااان من الحريق
...اووف هيه هاي الدنية يخوي بس خطيه شگد جان يحبهه وهيه ولا تحبة مبينة دائما يحجي ويگول عذبتني بحبهه
...اللة بالمرصاد خوية راح يعذبهه اللة نفس ماتعذب بحبهه يلا خوية گومنة نروح نعزي اهله الضاهر الدكتور يمة هواي ناس.
همة يحجون واني اباوعلهم متعجبة متصنمة ماعرررف شحجي رادو يرحون بسررعة گمت وراهم واني ارجف
خ خوية بلا زحمة عليكم
...اي تفضلي اختي
ا اني سمعتكم تحجون عن شخص انتم تقصدون الولد ا الي بالكراده عنده محل ملابس نسائية الي گبال ......
...اي خوية عن هذا دنحچي البارحة بليل صار حريق جبير بمحلة وهوه جان بي وتاذه حيل وصار عنده تسمم وتوفة الى رحمه الله
...يلا خوية احنه نترخص هوه هم صديقنة ولازم نروحلة هسه يلا ابو شهاب امشينة
مشوا واني مو مستوعبة الي يحجوا دموعي نزلن غصبن عني
شش شنوو معقووولة مات لا لا يارربي شلت جنطتي بسرررعة ودموعي ينـزلن رحتت لشارع العام واجرت تكسي للكراده احسس رجلية متساعددني امشي حته
وصلنة ونزلت واني ابچي واندعي اللة كوون الي اني بي حلم بوقتهه حسيت هيج بشعور ابددد مو حلوو حسيت نفسي خسرت شي ثمين علية
امشي واني بس اريد اوصل لمحلة الدموع ماترضة تسكت امسحهن وينزلن جسمي يرجف وصلت قريب عن محلة غمضت عيوني وماريدد اشووف منضرر الي بالي والي حجوا عنة وصلت لمحلة وچان اشوف ........ توقعـاتكم
__________________
زيد
اول تالي تجيبني وتاخذني شنو قاري الفاتحة لجدي السيد ومطيني مرادي
خاب دنجب موهيج اكلك
زيد
ها
اكو بنية بقسمكم
اول ماگتلة هيج صوووفر
زيد
وانيي اكووول شكوووووو طلع ما ميتتتت علية
لك ابن ال شنوو كدامك طيور وصوفر خل احچي اكو ناس ساليني عليهه اسمهه روان تعرفهه
من گتله هيچ گال
زيد
لااا بربكككككك وذولا النـاسس عافواا الكل واچوا لرواان
ليشش شبيهه روان
زيد
لك ههاي مغروره والگاع ماشيلتهه ونوب ولد الكلية هيج عليهه كل يوم لبس شكل وهية فگر بت فگر
وانت شمدريك فگر بت فگري
زيد
ردت انسق وياهه ومره لحگتهه اللة وكيلك عايشة ابراس هاي صديقتها سجى كلشي منهه وهيه بيتهم وهمه حال الضيم يا حالهم
زيد يمته تبطل هاي سوووالفكك شنو تنسق وياهه
زيد
وانت شدعوه هيج عصبي ياخوي ردت انسق ومنطتني مجال جا رحمة للحمزه المن مطلعه الضيم وماتقبلين بالمعجبين
زيد كافي حجي زايد وگلي شنو همه شلون
زيد
مهجرين من الموصل من 2014 جايين الكربللاء
تمام يصير خيـر
هزيت راسي وسكتت وانـي افكر بيهه الشيطان تربع براسي من جهه
من ضحكتلي وتكلي ماشايف حلوه
ومن جهه زيد يكلي ثگيلة ومتنطي وجه الاحد
ومن جهه لبسهه وشعرهه والولد كلهه مخيلة عليهه واخوي من ضمنهم
رجعـت للبيـت واني بالي يمـهه
تغـدينة سوه وكملنة گاعدين شوية واجه احمـد هوه وعـائلتة نشغلـت وياهم وسوالف وشي
خابرت عمٌي كتله يمته تجي بيبيتي لان يمـه كال انشالله هل ايام تجي اخر شي ب3 طفيت و وراي طلعة للشغل ترخصت وطبيت لغرفتي
نمت وانـي افكر بيهه شلون بية ياربي ماتروح عن بالي دقيقه من اذكر شلون زيد يحجي عليهه وملابسهه وشي نفسيتي تنسد ومن اذكر بكول ثكيلة ومتنطي وجه لاحد واذكر كلماتهه وياي ابتسم
لا سيد لا عمره الحجاب ما جان قياس للبنيه واخلاقهها يجوز البيئة الي متربية بيهه هيج اي هيج ف اني لازم انصحهه واني ابدي وياهه واحجي وياهه البنية حيل عجبتني
ستونـي غمضت عيوني دگ موبايلي فتحتـة خالد رديت عليـة
ها خالد
خالد
هلا سيد اگلك تعال هسة
شكو ستوني نايم واللة وتعباان
خالد
دتعال وصلت وجبة مال موبايلات
اوكي جاي
تنهـدت وگمت سبحت ولبست وطلعت ولا راح ارتاح من وره الشغـل گضيت عمري اشتغل كلشي ماشفت من حياتي
كمت صعدت بسيارتي متوجه للشركه وافكر بحياتي
انولدت للدنيـا ومچـان اكو أب بحياتي امـي جانتلي كلشي من جنت اسئلهه چانت تكلي ابوك شهيد ماعنـدي خوال البيـهم حظ ولا عمـام البيههم حظ ذبوا امـي وهية شابـة
جنت اشـوف رجال يحچي وي امي دائما چان حتـة يطب لبيتنـة البيت الي احنه عايشين بي طبعـا هوه اشترالنيـا
چان حده للطـارمة ويطلـع يوصي امـي علية و ينطيـهه فلوس ويروح
صرت أسال امـي جان عمري صغير بس افتهم جانت تگلي ههذا عمو وعن قريب يصير بابا
جنت استغرب من تحجي هيج شلون يعني عمو وبعدين يصير بابا
خلال سنة ازوچت امـي الي هوه ابوية سلام طبعا اني جنت بالاابتدائية يجوز بس جنت حيلل متعصب وضايچ شلوون هيچ يزوج امي
صار يجينـة الرجال دائما بس ما جان يبـات يمنة دللنـة اني وامي دللال يسوگلنة ومرات يطلعنة مدينتـه العاب مطاعم مع انو هوه حته ماعنده سيـاره
كبرت واني امي تكلي انو ههذا ابوك اني ماشفت من عنده غير الزين فگمت اصيحلة يابة
احنـة بمحافضة كربلاء انـي من عشيـره سآده طبعـا بس ابوية الي هوه سلام ماجان سيـد ف كلهه جانت تصيحلي سيـد واني احب نسب الرسول محمد ف حته امي من تناديلي ب اسمي اكلـها ما اريد اريد سيد جنت مستعز بهل لقب
بعـدهه ابوية مره اجه لسـة اذكر بهذا اليـوم اچانة للبيت و ويـا ولد اكبر من عنـدي بشوية بشكم سنـة
جان الولد يبجي وابويه يبجي
امي تگلة شكووو گاللهه البيت احترگ احترگ ررراحت مني بنتـي و مرتتي
بيومـهه عرفت ابوي مزوج ثانيه وهوه مو مزوج ثانية لا امي جانت الثانية
عرفت بسبب امي صايره هواي مشاكل والمـره حاركه روحها بسبب ابويه وامي ! وبنتها توفت وياهه
الولد اسمة علي مرت الايام وعلي ويانة بالبيت و سلام صار دائما يجي البيتنة
امي جانت ابد ماتحب علي بس اني احبة هواي وعتبرته اخوية الجبير
علي صار يحجيلي شلون جان بيتهم اجار وابوو 24 ساعه مو بالبيت ومايطيهم فلوس ابد وامة وابو دائما مشاكل
جنت اضوج من يحجيلي هيج لان سلام جان كل وقتة يمنة و فلوسة مخلصهه ع امي ومكعدنة ابيت ملك وهوه مرتة مگعدهه ابيت اچار وصغير
علي يبجي مرات ويكول جانت عندي اخت صغيره حيل احبـهه بس هسه ماتت
كرهت وحقدت ع امي شلون هيه ارملة وكل هذا تكدر تخطف رجال مزوج من اهله وبسببهه علي فقد اهله!
جانت تموووت من علي واني كل ماتصيح علية اصيح عليهه ومـاقبللل ابددد والاضافة كمت احجي لسلام كلشي وسلام يتخبل حته يضررب امي يكلهه كلشي ولا علي بس بعدين امي تدلل وتدلع ومدري شنو وتراضي بسرعة
كبرت واني مو كلش بالدراسة بس علي جان حيللل شاطر واكبر من عندي يعني ني متوسطة هوه اعدادي صار يدرسني وسوالي واهس بالدراسة سلام جان يشتغل سماچ بالسوگ يادوب مدبرين عيشتنة بس جان ابوي دائما هدايا وذهب لامي منين يجيبهم مادري
الي عرفته بعدين انو حتلا يدين في سبيل يرضي امي، امي جانت من نوع الطماعة يعني اذا تزعل لووو تقوم القيامه متصالحه ولا تقبل يصالحها اله يغريها ب هديه
صار عدهم احمـد وبعده زيد وبعـده رنـد
مره من المـرات رند جانت صغيرا وتلعب يم بيت جيرانة وطالعة هيه وصديقتهه بالشارع العام يلعبن لعابات جاي ولد شامر لعابة صديقتهه ع الشارع ع السايد الثاني
رايحة صديقتهه عابره الشارع من عابرته اجتهه سيـارره موتتهه بمكانهه جان الشارع خطر وسيارات رايحة جايه
البنيه مگطوفة يم رنـد من الدهشه الي صارت بيهه لرنـد وچانت صديقتهه كلش الروح وحده
رنـد فقدت النطق امي صح ضاجت بالبداية بس جنت اسمع منهه كلمه تنرفزني وهيه من تگول بعد منو ياخذهه من تكول هيج جنت اتعارك وياهه ورنـد تبجي رنـد صغيرا بدال متحتويهه لا هيه ابد اصلا جانت ممهتمتلهه
ازيد شي اني وعلي دايرين بالنة عليهم كلهم بس هيه جانت كلش تميل ل علي اكثر مما تميل الي بعتبار هوه اخونه الجبير
رند ابد معرضوهه لاطباء اهلي جانوا محتارين بنفسهم اني وعلي جنه نشتغل جمعنة واخذناهه احنه للطبيب
گال الة صددمة يله بابا لحد يجذب عليكم هيه فاقده النطق وضلت وره الله بس اكثر الحالات يتعرضون لصدمه ثانيـه يله يكدر يرجعلهم النطق
كبرنة وعلي بسادس جان حيل شاطر وجاب معدل ال طب دخل 6 سنوات كلية وني ورا بس دخلت كلية تربيه رياضيات اني جنت راغب الـهه
علي صار دكتور وجان خيـر من الله وكون نفسه وزاددد الطمع بي من قبل امي بعتبارهه مدمنه فلوس
جنت اكره النسووووان حيل واگول هيه امي وانانية شلون بنات ههذا زمن كلهن جنت اشوفهن سوه بس رند جنت اشوفها بنيـه كلش نقيه
دخلت كلية وما ادارك ما كلية شفت بيهه اشكال والوان بس مهزتني بنية ابد
علي توفق وفتح عيـاده وگدر بلفلوس يبنيـلة بيت كااامل قررنة ننتقـل بالبيت و چان احمـد كلية وزيد ورنـد مدارس رنـد صح متحجي بس دخلنـاهه مدرسـه
شگد تواچه مشاكل من جانب الصديقات مرات تچي وتبچي احتويهه لحضني نفس الام وارضيـهه احسهه حيل محتاجة حنان الام بس مفقود عدهه للاسف
علي قرر يزوچ وفعلا زوچ شذى 6 سنين وهوه مـاعنده اطفال حب شذى كلشش وتمسك بيـهه وگال مستحيـل ازوج غيرهه
احمد تخرج من كليتـة وزوچ روى جانت خشم يابس وغرور كلشش جزعتنه بالبيت هيه وامي ميتراهمن اخر شي احمـد عَزل وحده
صار عند احمد اطفال وهوه ازوج وره علي ب4 سنوات هنا حزت بنفس علي وشذى وي كلشي شذى جانت بنت اوادم وماقبلت وگالت مستحيل اكطع برزقـه ولازم يزوج وجانت مشاكل هيه وعلي دومهه فوك ال٥ اشهر اخر شي قنع وزوجته بيدهه لرفل
بنات ثنينهن دررر مال اللـه حبايب ساعه وساعه وعرك مرات
زيد صار بكلية التمريض طبعا زيد وما ادراك مازيد ابو نسوان كلاوچي حيل ولسٌانه يلبگ ع كوله بيبيتي
بيبيتي ام ابوي عايشـه بس هيه اكثر الاوقات تكضي ب بيت عمي الثاني ماتحب امي ابـد وماتطيق تعيش يمهه الضاهر جانت تحب مره سلام الاوله حيـل وجانت تحمل امي المسوليه بموت جنتها وحفيدتها
رنـد بطلت من الدراسهه مع محاولاتنة وياهه بس هيه ابد قافلهه بسبب حجي البنات
انـي بديت اكون نفسي من صفر هم تحز بنفسي شلون اخوي هيج سوه نفسة واني لاا تعيين ولاشي التعيين ماكو بوقتـهه ف قررت اعتمد ع تفسي وبديت اكون نفسي شي بشي
اشتغلـت وي صديقي خالد بالبداية اداينـت من علي فلوس وشتغلنة بمشروع كافتريا
جان شغل علينة كلش جبير خلال سنـة فضيت الشركة وي خـالد وصارت الكافتريا لخـالد اخذت حصتي من الفلوس وانـي جنت مجمع الحمدلله جنت هواي رابح
خالد جان صديقي ونعم صديق بس حالة حال زيد ابو بنات كلش المهم جان بيتهم گبالنة و اللـه ناعم عليـهم بفضله
اقترح علية انطب بمشروع محل موبايلات عجبتني الفكره وطبينـة اني ويـا طبعا بهل مهلة فكيت فلوس علي وصارن فلوسي الخاصـة الي
كونت نفسي بووووية بوقتها شكد عانيت وشكد تعبت حدددما محل الموايلات صار الي بس الحمدلله كدرت انجح
ققرت اطور من شغلـي طبيت بمشروع شركة كاملة اكيد ماراح ادبر كل الفلوس انـي علي ساعدنٌي بوقتها بشكل جبير
الحمـدلله والشكر اللة وفقني صارت شركة خاصـة للموضفين بعد ما تعاقدت وي مستشفـة وجانت الشركه بيهه موبايلات غرف نوم كلشي جان بيـهه
خـالد انطلب هووواية بفترتهه صار يلعب اقمار ويشرب غرگ اهله بالديون اضطروا يبيعون بيتـهم اشتروا بيـت صغير هم ابمنطقتنـة بس جان صغير وهوه بس خالد وامة وابو كبار
حجيت ويا وگتلة كلي واللة بعد ماسويهن واني تبت ومدري شنو شغلتة وياي بالشركة بنهايه هوه صديقي وصرنه سوه
مرات اشوف نضرت حسد نضرت حقد نضرات من خالد تبينلي وتگلي اني صاحب فضل عليك بس جنت اگول صديقي شمهمـا يكَن وصرت احاول ابين الـه انو ماكو فرق بينه وجنت حاط المسوليه بيده حته ميحس بنقص
جان الشغـل خير من اللة طبعا اني كول هاي الفتره اشتريتلي بيت الي بس ماگايل غير لعلاوي و زيد و احمد امي وابوي مايدرون
امي صارت عايشة بجالنة واكثر شي بجال علي ف بدت تتقرب الـة وبطلت سوالف الخبث بس جان علي ابد ما يطيقهه اكيد مايقلل احترام ويـاهه ويحترمهه بس جان مبين مايحبهه ويحمل مسوليه موت امه واخته ع امـه وصراحه ما الومه
وهيه وابوي عبالك ستوهم مزوچين وهيه من نوع الي تهتم بنفسهه حيلل اصللا ممبينة الي يشوفهه يگول عمرهه بال30
واني گلت لازم ابطل هل كره والحقد شمهما يكن هاي امي وتعاملت ويـاهه كما يتعامل اي ابن وي امه وشنو تريد انطيهيا
المهم وصلت للشرركة رحت للمحاسب بعد ماشفت البضاعة گتلة انطيني الحساب اليوم شتتروا وشتتروا منكم
انطاني الحسابات حسبت الفلوس اكو نقص سألتة گالي سيد *
محد يطب للغرفة الحساباات والقاصة غير اني و خالد
اني گلت مستحيل طلعنة كاميرات المراقبة شفت خالد اجه ل احمد * ابو الحسابات گلة روح جيبلي گهوه احمد راساا گال اي اچة الصبحية شفت بعيونـي شلون خالد اخذ المفتاح مال القاصة وبكل جرئة اخذ فلوس من عدهه
وگفت الكاميرا بسرررعة وغمضتتت عيووني معقولة صديقي هيج يسوي بية
جانت صدددمة جييرره جنتت حيل عصبي بوقتهه خالد ما الة اي فضل علية لان اني غركتـه بجمايلي ويا اذاا اكو واحد صاااحب فضل علية ف هوووه علي شلووون يتجررراء وهيجج يسووي
رحت بسرررعة بعصبية جان يم العمال حاولت اضم غضبي وكتله بيني وبينـه
تدري اكو نقص بالفلوس وكلش جبيـر عندي
خالد
عمالك كواويد ديربالك من احمد يمعود
لزمتة من ياختهه وحاجيتة بعصبية همسة
تبوگ مني وووولك لهلللل درجه وصلتتت بيكك وتتهم احمد؟؟؟الاشرف منك!
خالد
سيد شبيكك
شش كلشي شفته بالكاميرات ماكووو دااااعي تنكر ديربالللككك تنـكر
باوعت للعمال يباوعون حزت بنفسسي اهينة يمهم
لزمت ايده وبتسمت وحاولت ابين شي طبيعي وطبينه للغرفه
وگتله
لك ليشش تبوگ ليش لو جاااي وگايلييي جااان اررردك ولللك شنوو اني بحاللل الفلوس وهيج تسووي هها لك اني عيوني مامصدكهن وهنه كامرات
خالد
سيددد كافي عاااد و وخررر عني يله وهاي الفلوسس كلهه بجالي وبسبيي لككك انتتت عشتتت بجالي تعرففف شنووو بجالي
ماراح اگلك شي هسـة تدري ليش لان اني متـأكد من نفسي ومتاكد انو كلششي اجة بتعبـي وهسه لا تراويني وجهك احسن حسافه ع الايام حسسسافه
طلع من الشركة وهوه يحجي اني ضجت كلشش اذا صديقي هيج يسوي بية شمنتضر من الباقين ضليت صافن ومنصدم والقهر ماكلني اكل زين هوه شنو لمحتاجه واني
نبهت البقية العمال مع انو كلهم ثقة ومكتلهم ع سالفة ابد واحمد كتلهه منا وتنههيه هوه سواهه بعد والله غفور رحيـم واذا طلعت لاي بشر ماسميك صديق الي
بس جان كلبي حيللل شايل عليـة
مرررت الايام واني بالي يـم روان خذت عقلي وفكررري كلة كل يووووم اوصل زيد واشوفهه
رحت لمنطقتهم وفعلا بيتهم صغير و بس هيه وامهه وابوهه واخوهه صغير.
صار فكري كلهه يمـهه صرت ماركز بأي شي قررت لااازم اسوي حد لهل شي لان راسي احسة يريد ينفجر من الافكار
وبنات الناس موو لعبة وهيج افكر بييهن
مره من المرات وصلت زيد ونزلت ويا واخـذت قراري
مستحيل احبهه بهشكل راح اگلهه شي وراح اشووف رده فعلهه اي لو لا ان جان اي خيرٌ على خير ان جان لا فلا واللة
طبعا شفتهه هيه وصديقتـهه گاعدات سوه
سلام عليكم
باوعنلي وگالن وعليكم السلام
ست روان عادي احجي وياج ع انفراد
روان
اي عيني ادلل
گامت صديقتـهه گعدت ع المصطبة وبعدت عنـهه اباوعلهه جسمهه مفصل تفصيل بالبس
استغفراللة شلوون دگة حتة ماگدر اباوعلهه واحجي ع لحضه ردت اتراجع من شفتها هيج بس شجعت روحي وكلت هيه مو لعبه
باوعت للگدامي وحجيت
عنـدي كم حجايه وياچ ان چان رضيتي ف راح يحصل خير واذا مارضيتي ف اعتبري الموضوع عـابر
روان
اي اتفضـل
أخذت نفس وحجيت
أذا چان واحـد يحبج ورايدچ بالحلال ومستعد يسويلج الي تردي ع شرط تسويلـة شي واحد وبهل شي راح يعيشچ ملكة راح تقبليـن
باوعتلي واحس نضراتـهه نضرات اعجاب وكأنما تعرف كلشي بگلبي
وخري نضراتج يبت النـاس تره عليتي گلبي
سمعت ضحگتهه ابتسمـت وگتلهه
منااا ناسس شهل ضحگة جنهه ضحكة استغفراللة
روان
ههه اسفة المهم اي احجي
روان اذا يگلچ اريدچ تتحجبيـن ولبسج يكون محشوم بمقـابل اوفرلج كلشي تردي راح تسوي ؟
اشو اني گتلهه هيج شو هـاي رأسـا .......
توقعاتكم